2006 年 1 月 21 日 星期六 【晴】


今個朝頭早都係係自修室度度過。
一路溫都係入唔到腦，好討厭記事情。
今日成日都坐立不安，好似個人無左樣野咁。
而且好唔舒服，鼻敏感，胃痛，我估我遲早會病。

好多好笑野發生左係自修室入面，得我同偉少笑餐飽。
好多人好耐無見過，有ｄ係我以前的女學生而家唔認得我，
一個係我媽媽個朋友個女，以前同我一齊游過水補過習，
而家仲要同我讀埋同一間學校。佢地不約而同地有一樣特徵，
就係．．．靚左好多．．．哈哈．．．＾＾”

溫書溫到十二點八到落左去同媽媽食飯，
食完飯，阿媽就返屋企，我就繼續溫到四點半。
之後就行過神召會打波，但係借波個陣比人鬧喎，
最後都玩左一陣，同個女仔打籃球喔～＞ｍ＜”

打完波就去左滿足人地的願望了，
而之後就去左聆慧食野喇，霆鋒返左來喔，
哈，ｄ野好好食，好似一家人係度食飯咁。
食完之後我地一齊玩霆鋒，整到佢成身都係粉，
不過我就因為胃痛無咩點出聲了。
最後我返屋企溫豬先，所以無同佢地去粉嶺食糖水。

好眼訓，我諗住聽朝早ｄ起身溫書好ｄ的．．．呵

>>January 21, 2006 at 11:28:35 PM GMT+8

2006 年 1 月 20 日 星期五 【溫暖】

聚舊

今朝又係去左自修室溫書，尋日焗完之後個人就好辛苦，
係自修室又焗，哈，個人又焗又暈啊。

正當我溫得起勁的時候，阿偉都頂唔順話要走喇。
我地一齊買野食，我買埋雀聖二隻ｖｃｄ之後，
就一齊上我屋企睇了，睇左一陣到，約左我地食飯的賓利都來埋，
我地三個男人就係度睇雀聖二睇左成兩粒鐘，爆笑牙套戲。

睇完戲由於太無聊，所以去左阿偉屋企打牌，
哈，運仔仲未返來，賓利又勁，唔出沖都要輸啊，
之後ａｌａｎ都來左，阿姨（阿偉媽媽）比左佢打，
之後我就死咯，勁輸～輸左三十九蚊，哈，
不過無心機打之餘心情都唔係好好，所以輸都無咩所謂啦，玩之ｍａ～

打完牌去食飯，我地先去和民，但係太多人食了，
所以我地去左富山啊，嘩，食左成五佰幾蚊野，賓利請＞３＜”
多謝你喔，食完仲有ａｌａｎ請食糖水，嘩卡卡，我牙？？
我當然係請飲啤酒啦，不過阿偉同賓利都唔飲喎。
心情唔好當然都想飲下啤酒啦。

之後我地去吉之島的一條後樓梯度坐吹吹水，
好快就十二點了，之後各自返屋企喇，好開心的一日喔～

返到屋企等覺覺啦～聽朝又要溫了～

p.s 打波先來落雨, 唔通連個天都唔鐘意我???

>>January 22, 2006 at 12:35:37 PM GMT+8

2006 年 1 月 19 日 星期四 【颳風】

今日都可算係我人生中的一個失敗了，唉～～～＞＜”
比人做我都無辦法，唯有下次努力過。加油牙～～嘻嘻。

好彩朝早的考試我大部份都識咋，除左會考考中文之外，
我諗我考試過有一科係我寫到無得走～厲害！！

今年牛年迎太歲牙，咩運都差喎，健康，愛情，事業，學業，財運咩都無喔～
哈，不過都係一個參考來的。人總要靠自己都會嬴喔～嘩卡卡～＾＾”


>>January 22, 2006 at 12:35:42 PM GMT+8

2006 年 1 月 18 日 星期三 【雷雨】

考試...等死的一科...ＳＡＤ...

今朝一早出去理工大學, 哈, 好似係我第一次去呢,
好大, 好華麗, 好似鄉下仔出城咁覺得好新奇呢。
去到同阿偉會合, 拎左申請表, 買下野影下印咁,
交完申請表我地就返返去青衣ive溫豬豬喇。

見到幾個因為打波而識的朋友, 傾左兩句就上去lab room繼續溫書。
其實自己有幾多唔係唔知, 依幾日跟本就無時間溫書, 就算溫都入唔到腦,
而咁岩依一科就係要背的, 哈, 我諗唔到有咩理由自己可以合格到。
但係今朝先去完報大學, 而家就話要補考, 真係唔知比個一百五十蚊來做甚麼??

一點半準時開考, 諗住溫多一陣先入去, 但係竟然話我地遲到喎,
打開份卷我已經覺得後悔了, 為何不堅持去背注解, 三分三分咁報都好過而家咁=.="
背左個d就唔出, 唔背個d就出哂, 唯一一part唔駛背的都做錯左,
所以我好快就離開試場去搵大家姐(阿豪), 一齊食野傾傾計,
之後去左打波, 哈, 講講下, 原來大家姐唔聲唔聲就有左一個女朋友, 真好^^"
打左少波就走喇, 我都好想練下波, 同返以前沙田ive的人夾,
(大家姐, benny, 霆峰, alan, bryant等), 個陣時真係好好玩...嗚=3="

打完波就走返屋企了, 超多人搭７３ｘ的一日啊...
企左好耐先返到去, 一返到屋企就食飯, 阿爸又發脾氣呢...哈
之後去左阿偉屋企打陣機再落去幫我阿媽拎野, 不過,
最後都無買到, 所以我就返屋企先了。

夜晚溫書, 聽日返工個度又測驗了,
好麻煩, 都唔知溫邊樣好, 哈, 睇完d野早d訓覺算數。

>>January 18, 2006 at 10:16:54 PM GMT+8

2006 年 1 月 17 日 星期二 【晴】

崩潰...

今日的行程同尋日都係一模一樣,
朝早同阿偉一齊去食早餐, 一齊去圖書館自修室。
好多謝佢依兩日陪住我, 我覺得有朋友係我身邊我已經好幸福。

其實依兩日去圖書館溫書都係入唔到腦,
第一日係因為唔夠訓, 依兩日都要去荃灣上堂上到十點幾。
聽聽下歌聽到張敬軒的無能為力, 唔知點解個心好痛,
好耐都無試過了, 我以為自己已經唔會再痛下去。
開始亂想了很多的事情, 一方面要努力keep住溫書。
好矛盾好大壓力好想死, 究竟我做錯咩要咁樣罰我??可以話我知嗎??
又拯溺又樂理又返工又考試又報大學, 每一樣野都令我抖不過氣來。

想深一層, 這不是自己想要的嗎??
在眾多的壓力當中, 原來我不是因為這些而覺得辛苦,
我終於明白那一份的痛同無奈不是自己可以消除得了。
是呢, 妳說得對, 我好害怕自己看見妳, 因為我怕自己控制不了自己,
會攬住妳痛哭一場, 亦知道妳的心已經不在我那裡了, 咁會令妳好為難,
我不能承受這份矛盾我只好逃避妳, 我不敢再去想妳, 好怕自己再懦弱下去。
因為妳我唔會再相信愛情, 這樣的東西只會令我覺得無能為力而已。

我明明好樂意見到妳有新的發展, 好想妳得到幸福,
明明好想成為妳一個信任的朋友, 但係我亦忘記唔到那一份的痛,
好矛盾啊, 真係好似mango咁講??因為自己得到幸福的時間太久了,
所以而家承受返同等的痛??那份的痛長留在我的心中,
佢令我頭痛, 胃痛, 成身都唔舒服, 我好想訓覺, 我好想放棄唔去溫書。

妳已經不是那個愛過我的人, 我不知道那時候妳會唔會好似而家咁樣"愛"佢"地
愛過我, 唔知道點解我見到妳寫那段說話就好似推翻緊我一直堅信的野。
我亦不是以前那個沈晉宏了, 我改變了, 但我還是不能用像失去傻敏時的感覺,
去繼續生活下去, 是愛得太深嗎???

好憎自己明明知道點樣做係最好, 但係控制唔到自己,
好辛苦先可以令到自己唔去喊, 我只會係我愛的人面前喊。

溫完書就要出發去荃灣, 可能那裡甚麼人也不認識,
所以我好落力去識多一些人, 愈來愈覺得那裡的事情好困難。
恐怖自己應該不能勝任吧。

葉sir你成日都話我無自信, 而家我想我就是太有自信了,
愈做只會覺得自己愈無能力, 由其是不是我能控制的事情更是。

返到屋企我好唔想溫書, 雖然聽日已經要報大學同考試,
我的腦原本已經是抗拒記野, 而家更是有過之而無不及。

有人可以教教我點樣做嗎??我放鬆不下來了,
感覺好像不停的在游渡海泳, 沒有一處讓我上岸般,
我可以點做先可以離開啊??我就快崩潰了, 求下你地,
有冇人可以明白我的感覺, 有冇人可以知道我之後可以點做先會好點??


>>January 17, 2006 at 11:42:01 PM GMT+8

2006 年 1 月 15 日 星期日 【酷熱】

唔知點解心情仍然係好差=.="

今日我諗應該用運動日來形容，一朝早起身陪老豆食野，
之後佢返工，我就同阿媽返屋企，但係我應承左個人打波，
所以我就去左八號花園打波喇。但係一打就發覺唔夠訓對腳勁倦。
原本諗住打到十點半，但係點知一打打到十二點。

之後返屋企沖個涼就要出門口比教材振波喇，
點知撞到阿朱（唔知係唔係呢?嘻...)三次喎...
真係有d懷疑佢跟蹤我牙...去廁所都有d驚(講笑)...
佢都幾得意丫...哈哈^^

比完野振波就要去粉嶺泳池了, 一路係度曬係度游,
游到成五點, 超倦超眼訓啊, 之後我地就成班十幾人一齊去食野。
都幾搞笑的, 鄧sir請食飯喎, 我依d搞事鬼一定會係咁反串個party啦, 嘩卡卡。
成間kfc的雞比我地包哂, 哈, 佢地整唔切連d客都有排待, 食完仲有雪榚喔^^

食哂野去左泳池隔離個間壁球室上理論,
做左一陣就要走了, 因為阿媽熹左飯, 要返去食呢,
勁倦勁辛苦啊, 仲要係太和行返去, 因為企係度等車會好倦呢。
行到返去食埋飯, 睇勁歌金曲啊...嘩卡卡...^^正

我喜愛的側田又拎獎了...勁正。

好倦好倦啊, 仲要曬到d皮變左古古力色添...=.="
所以今晚又唔溫豬lu, 聽朝九點去圖書館溫牙...嘩卡卡。

>>January 15, 2006 at 10:48:13 PM GMT+8

2006 年 1 月 14 日 星期六 【炎熱】

心情差...

今日真係唔知做咩, 心情非常的唔好, 講唔出有咩原因,
下午的時間去左圖書館溫書, 溫勁都記唔到入腦囉。

溫多一陣就過左神召打波, 打完就開小組,
之後食飯, 上左阿偉屋企坐坐就返上屋企了。

無咩心情, 喔一一陣好事就係不久的將來我會有工返。

>>January 14, 2006 at 11:13:55 PM GMT+8

2006 年 1 月 14 日 星期六 【晴】

暈...

今日一訓訓到十點半先起身, 之後落街買早餐,
今日唔知點解個人好暈, 但係又訓唔到, 勁辛苦...>"<
之後十二點半到就同阿偉出發去圖書館溫書,
唔知今年會唔會升到大學呢!!??...升到都唔讀啊...嘩卡卡^^"
因為學費太貴了, 我唔想媽媽太辛苦了, 除非係香港大學吧=.="

溫書個陣勁爆笑, 唔知點解有朋友係度就咩都笑得一餐,
亦唔知點解好多一啤住我, 可能我太樣衰太柒掛=.="
由於太熱同抖唔到氣, 我同阿偉溫到五點半到就走了,
返到大中借埋碟碟(mr.smith vs mrs.smith)比我,
加埋我自己買左的兩隻碟(電車男同我的b型男友)...有排煲...
上左阿偉屋企打雞雞, 打到悶啊 ...>嗚<"

之後夠鐘去聚寶食飯, 唔知點解同我阿媽d朋友一齊個陣,
我覺得自己好完美的, 無論對答, 閒聊等, 同時亦都好大壓力=.="
我講過我唔會要我阿媽無面的, 依樣野係點都唔會變。
哈, 估唔到自己真係咩都識d, 但係咩都唔精囉...嘩卡卡。

食完飯就同alan行街睇衫, 佢條死仔有返工就有錢裝身,
我就無錢錢了, 其實聽到佢講佢仲有一年就要同自己愛的人分手,
都幾心痛的喔, 可能自己有同感吧, 只願有情人終成眷屬吧！！
另一方面我諗佢的出現係想安慰我吧, 知我心情矛盾,
其實已經無咩感覺了, 只係無適應罷了。呵呵^^

行行下諗上阿偉屋企個陣撞到葉sir喎, 比佢發現左我飲酒酒添...嘻...^^
其實你講的都岩的, 我無理由為左...放棄一隊差唔多有八年的band...
而且應該係話自己唔係應該成為佢更親的朋友嗎...(因為了解過)...
唔可以留意佢咁多了, 佢大個女了, 有自己的決定, 而我亦都只可以,
比到意見同聆聽下佢的唔開心吧...哈^^
哈...阿sir你多d搵下我的, 我咪多d返band囉, 我不嬲都係衰心軟加專一嫁啦...呵

最後上左阿偉屋企玩炸彈人, 依隻經典遊戲真係好難玩,
不過後來都識得玩了, 玩到停唔到手啊,
十二點幾到返上屋企沖涼同睇碟...呵呵^^

p.s. 岩的, 廿歲仔喇...諗野唔可以再咁幼稚了喔...呵呵...


Ｒｅｐｌｙ　ｔｏ　蚊耶...
係咩??我未訓醒啊, 咁下次我開定電話等妳打來囉...哈哈...^^...
"佢"有冇相相比我睇下牙?係碼睇下靚唔靚仔先啦, 我識唔識都好...
歡迎再打來同我傾下計呢, my friend~希望我仲係妳好相信的人吧。

>>January 14, 2006 at 1:32:44 AM GMT+8

2006 年 1 月 12 日 星期四 【炎熱】

今日要等帥父上來整咸水喉, 所以無得去八號花園打波>"<
十點半到就整完喇, 姨姨的老公好厲害呢, 佢仲教我整水喉=.="

整完訓多一陣, 做下樂理的功課咁(唔知學來做咩, 而家都唔返band咯),
等到兩點半鐘, 叔叔再上來開埋個水掣, 唔想阻住樓下的人咁耐。

大約三點半到就出發去學樂理了,
今日遲左好多啊, 太耐無返就唔到時間。
今日學野都要一段時間先跟得上, 仲要做past paper牙,
即係話我今年都要考會考, 不過剩係考音樂>"<

返去個陣alan打來叫食飯, 約埋阿偉,
我地係火炭集合, 之後alan去剪頭髮, 我就同阿偉返佢屋企打機機,
打到唔捨得走比alan屌鬼...嘩卡卡。
最後我地決定左去大元食飯, 好耐無試過幾兄弟一齊食飯咁開心喇,
雖然各自都有唔同的煩惱, 有d為左佢所愛而繼續努力唔想第時後悔,
一d就為左佢的前途, 而我就係最唔知自己想點的一個, 個人好矛盾。

唉, 我都唔想。
食完飯, alan走先, 我同阿偉繼續打機, 打bioharzd４,
係咁爆喪屍的頭, 超high牙。最後回家覺覺了。

經過一年幾的時間, 發覺個人成熟了不少,
在妳身上我學習得到好多的東西, 好多謝妳帶比我這麼多好的回憶。
想通了很多東西, 哈, 應該話自己好豬頭吧, 咁遲先諗得通,
愛情唔係生命的全部, 最少係我而家的生命裡唔係必要的。
對自己負上責任, 對妳我亦都盡了力的去愛, 我想我沒有遺憾了吧。
不再強求自己有沒有人在自己身邊支持自己了, 妳講得好岩,
有一句我好認同, 有冇妳的日子都係要咁過的。
或者而家都係一種學習吧, 希望自己可以係有限的生命裡,
做左一d沒有遺憾的事, 妳...我想係其中一件了...哈。

好抱歉總是尷尷尬尬咁, 哈, 有事的話,
歡迎妳隨時搵我傾傾呢...哈...朋友多一個總比少一個好。

想通了, 還是會痛, 是唔捨得, 還是不甘心,
我自己都唔清楚, 希望妳所愛的人(日記個o個佢...哈)同樣咁愛妳吧,
唔一定要擁有的心情, 而家我都明白了, 但願, 妳得到幸福吧。

心痛就讓時間慢慢沖淡吧。我會變得更美好, 更開心的。
直至有一天這份痛變成笑吧。

p.s. 如果時間有對錯的話, 我都好想賴係時間的錯呢, 哈...
這些都係籍口來的, 不過算啦, 都唔關我事了,
這段時間唔容許我擁有的, 咪由佢囉...alan...呵?

>>January 13, 2006 at 1:19:53 PM GMT+8

2006 年 1 月 11 日 星期三 【颳風】

黑仔～十一號之後續．．．

陰佢個公丫，我屋企竟然爆喉喎，哈．．．
搞到我要渣住條布係咁索水喎，ｄ水就不停咁湧出來，
哈哈．．．雖然唔知點算，但係都幾好玩喎＞３＜”哈

搞到聽朝無得打波添，嗚，要等人來整水喉啊，
勁爆無奈囉．．．．．．．””

哈，估唔到ａｌａｎ咁快就去到結局，
兩兄弟個結局竟然係一樣，而且大家的想法應該相同吧。
只係你地有努力過，但係我就無得努力了．．．哈
見到佢身邊出現左咁多的好朋友，我都好安慰了，
雖然以前已經講過佢身邊係有好多好朋友佢唔信，
而且亦都同佢講過朋友就係咁，相信未來的日子會相遇，
佢而家明白就好了，哈．．．＾＾”希望佢唔會怪我長氣啦．．．
但願佢知道我講的所有野係對佢好的一日吧。

講過唔搵佢就唔搵，最低限度我無資格做佢朋友。
最起碼唔係而家，因為我無任何自信可以對妳像朋友般對待呢。

明白自己的人已經好少了，點解愈明白自己的人就愈容易失去？
身邊的知己像是受我影響般變得不幸呢，希望身邊的人幸福吧。
最低限度我係咁樣祈求，自己的事用我的雙手創造好了，
希望自己可以佢講咁有能力養自己之餘還返ｄ錢比父母吧。

心裡默默咁期待有咁的一日。

>>January 12, 2006 at 12:13:30 AM GMT+8