|
2006 年 2 月 21 日 星期二 【微冷】
急救考試我季你有仇嗎？
考試四連敗。完全係關考試運事囉。
唉，運氣牙你何時才會回來？０６年死亡之年？
哈哈，我仲未放棄，一定要用我的雙手重拾我的運氣回來的。
都係自己衰啦，以為有左個勝利女神之後就唔理自己的運氣如何，
哈，成日都話用一生的運氣來令人幸福咁，而家要醒目了，
一定要快ｄ搵返運氣回來喔．＼／．”
>>February 22, 2006 at 12:20:22 AM GMT+8
2006 年 2 月 19 日 星期日 【晴】
reply to 路人甲, 曾幾何時都有一個人用路人甲依一個名的喔,
所以妳而家係路人乙先岩, 呵呵...^^...等左咁耐終於都有人留言了,
你地的留言係我寫日記的原動力, 好想睇多一點點人地的意見,
妳覺得我好sad咩??其實岩岩相反, 我唔想再沉醉係幻想入面,
幻想永遠都好好, 佢好好, 而我亦都好好, 只係永遠都唔會現實,
既然係自己選擇的就唯有迫自己去適應返依個現實,
我只係想佢永遠都唔會有討厭或者憎恨我的心, 哈...係一個願望來的。
如果係想我開心d的得閒就要搵我傾多d計, 同搵多d女仔同我玩了。哈...
今日都係好無聊的, 唔駛過完今日我都知今日的日記係點樣打,
朝早同阿爸阿媽去新街市食埋野, 就返屋企執野,
去上埋最後一堂的泳池救生章堂, 哈...
廿一號就考試喇, 唔上都唔得喇, 可惡, 一上就要上到十點幾...唉...
妳有妳的生活, 我有我的忙碌, 哈, 正...>3<"
＜後續＞
今日請左鄧sir食飯, 因為尋日佢生日,
其實我覺得做得帥生關係的應該保持一個亦帥亦友的態度,
雖然過火了又不太好, 不過我暫時未與過一個阿sir係咁,
除左突然消失了的英文老師外~
上完哂堂去左鄧sir屋企打牌, 又一創新高,
連續五鋪小相公, 好恐怖...>"<
之後好夜先返屋企。
reply to 細妹, 哈, 而家妳係我的謗樣來的喔,
我會超越妳嫁．＼／．”多d搵阿哥玩啦。
reply to 超人jenny, 哈哈, 但願如此吧, 復原好似與我無緣般。
>>February 20, 2006 at 2:01:55 AM GMT+8
2006 年 2 月 18 日 星期六 【乍雨乍晴】
今日其實都好無聊, 無咩好講,
除左今日輸錢的數目創新高, 輸左１４６蚊...
哈, 要忍下手唔好打了, 有得必有失, 技術好了,
自然輸的錢就愈來愈多, 哈...^^"
唔知妳仲會唔會睇我日記, 哈哈, anyway.
我都好想同我心入面最愛的妳講一段的說話;
缘份將妳我串聯起來, 同樣地緣份將妳由我的身邊帶走了,
它又再一次將妳和另外的一個人串聯在一起;
其實我心入面係萬般咁唔捨得, 因為我真係真心真意咁去愛妳,
愛得好認真, 好投入, 甚至乎有點迷失了, 過份了;
曾經想過了是因為自己做得唔夠好, 做錯了太多,
不過其實唔係因為咁樣令妳離開, 而當中的原因其實已經出現過兩次。
我同自己同妳都講過好多次, 有第二個競爭者我唔會去爭,
任憑妳去選擇, 去揀, 要放棄做起來原來係咁困難。
我唔鐘意做一個人的避難所, 原本都沒有甚麼所謂,
但係面對真心愛過的人我接受唔到。
所以我決定為我那一份對妳的回憶加上一把鎖,
鎖在我的心入面, 妳給我的衝擊, 令我銘記此生。
討厭, 憎恨, 其實都係想忘記的代名詞,
其實點可能憎恨一個自己深愛過的人丫,
只係既然妳已經選擇了另一個人, 而我亦選擇了夜棄,
那大家都只會係一個陌路人, 應該不會有任何連繫。
應該係話由一開始我地已經係兩個世界的人了。
哈, 雖然好自私, 亦都好自誇, 我好希望自己真係好似妳所講咁,
成為妳心目中的最愛, 當然我知道任何的時間會有唔同的最愛,
但至少第時可以聽到將來的妳或是聽過有關我的事的朋友,
都會講我有咩值得妳回憶, 值得妳想起會笑, 而唔係我有咩唔好,
或是聽到自己被妳憎恨, 討厭的說話;而我自己亦都會以同樣的心情對待。
哈, 我已經康復了不少呢, 相信日後會遇上更多更好的女仔,
其實係我心目中的妳好似近乎無缺點咁制...=.="
除了三件事吧, 那三件事是甚麼, 我唔想再講了~
講完了, 在我心間的妳聽得到嗎??
哈, 好似思覺失調咁添, 心間的妳同現在的妳已經好唔同了,
而我亦都唔會再好似以前咁咁幼稚了。
是時候重新振作, 努力的做一個有用的好男人了, 呵呵呵^^"
>>February 19, 2006 at 12:49:26 AM GMT+8
2006 年 2 月 17 日 星期五 【陰】
男人25岁之前应该懂得的21个道理
1.男人是社会的主体,不管你信或不信.所以男人应该有种责任感.
2.25岁之前,请记得,爱情通常是假的,或者不是你所想象的那样纯洁和永远.如果你过了25岁,那么你应该懂得这个道理.
3.吃饭7成饱最舒服.对待女友最多也请你保持在7成.
4.30岁之前请爱惜自己的身体,前30年你找病,后30年病找你.如果你过了30岁,你自然也会懂得这个道理.
5.事业远比爱情重要.如果说事业都不能永恒,那么爱情只能算是昙花一现.
6.不要轻易接受追求你的女孩.女追男隔层纱.如果你很容易就陷进去,你会发现你会错过很多东西,失去很多东西.
7.请你相信,能用钱解决的问题,都不是问题.如果你认为钱索王道,有钱有女人,没钱没女人,那么.女人不是问题.
8.请永远积极向上.每个男人都有他可爱的地方,但是不可爱的地方只有不积极面对生活.
9.不要连续2次让同一个女人伤害.好马不吃回头草,是有他道理的.如果认真考虑过该分手,那么请不要做任何舍不得的行动.
10.如果你和你前女友能做朋友,那么你要问自己:为什么?如果分手后还是朋友,那么只有2个可能:.你们当初都只是玩玩而已,没付出彼此最真的感情.或者:必定有个人是在默默的付出无怨无悔!
11.永远不要太相信女人在恋爱时的甜言蜜语.都说女人爱听甜言蜜语,其实,男人更喜欢.
12.请不要为自己的相貌或者身高过分担心和自卑.人是动物,但是区别于动物.先天条件并不是阻挡你好好生活的借口.人的心灵远胜于相貌,请相信这点.如果有人以相貌取人,那么你也没必要太在意.因为他从某种意义来讲,只是只动物.你会跟动物怄气吗?
13.失恋时,只有2种可能,要么你爱她她不爱你,或者相反.那么,当你爱的人不再爱你,或者从来没爱过你时.你没有遗憾,因为你失去的只是一个不爱你的人.
14.请不要欺骗善良的女孩.这个世界上,善良的女孩太少.
15.不能偏激的认为金钱万能,至少,金钱治不好艾滋病.
16.请一定要有自信.你就是一道风景,没必要在别人风景里面仰视.
17.受到再大的打击,只要生命还在,请相信每天的太阳都是新的.
18.爱情永远不可能是天平.你想在爱情里幸福就要舍得伤心.
19.如果你喜欢一个认为别人应该对她好的mm,请尽早放弃.没有人是应该对一个人好的.如果她不明白这个道理,也就是她根本不懂得珍惜.
20.不要因为寂寞而\'找\'gf,寂寞男人请要学会品味寂寞.请记住:即使寂寞,远方黑暗的夜空下,一定有人和你一样,寂寞的人不同,仰望的星空却是唯一.
21.任何事没有永远.也别问怎样才能永远.生活有很多无奈.请尽量充实自己,充实生活.请善待生活
>>February 17, 2006 at 12:04:45 AM GMT+8
2006 年 2 月 15 日 星期三 【清涼】
今日的天氣令到人好煩躁, 我依一生都好討厭又熱又曬又焗的日子,
最緊要的係濕漉漉...唉...>"<
今日又係好神奇咁上兩粒鐘, 不過尋晚唔夠訓,
不過上security又點可以唔聽書呢, 勁牙...
之後就去左食飯, 無咩時間所以去左一間又快又平又好味的餐廳食。
個老闆好正囉, 我一句話炒飯唔夠味, 佢一手拎左我碟飯炒過, 好夠鑊氣囉。
一定要幫襯多d牙。
食完飯返學校問野, 雖然知道左唔會影響我交第三次學費,
但係個結果都係等消息, 好無奈, 不過都唔擔心lu, 又唔會再罰我錢的。
之後上多一堂j2me堂, 好白痴囉, 個阿sir又唔派notes,
又要講埋d係人都識的野, 所以我今堂偷懶睇漫畫。
之後射左兩球波就走了, 因為又曬又無人陪我打,
變左聽日打, 因為聽日放十點半...=.="
返到屋企無覺覺, 因為要等阿媽上阿婆度飲湯,
令到平時覺得唔錫我的婆婆加添了一點溫馨的感覺。
飲完就走去借漫畫, 跟住我仲買左個giroro伍等兵添牙,
超鐘意牙, 勁令, 又得意, 我就砌左久違的BB戰士公仔,
太耐無玩, 技術差了, 感覺自己整得唔夠令...
砌完同alan傾完電話, 將電話的相上載左去電腦,
見到一些只可以懷念的相, 因為妳已經唔係以前的妳,
我亦都唔會再好似以前咁了。
今晚破左戒, 睇左人地日記添, 最衰都係d相啦, 呵呵
我會快d戒埋佢的, 放心吧...>3<"
reply to 霆峰, 好掛住你呢兄弟,
你的留言令今天低落的我重整了心情。
哈, 唔知幾時開始同你傾計少了,
如果還可以係你我認識那一年般, 你話會唔會好開心呢,
不過我相信一定可以的, 你我總會有時間一聚的。
又post下歌仔先。
醒覺 吳浩康
曲: BC @宇宙大爆炸 + 張佳添 @宇宙大爆炸
詞: 黃敬佩 @宇宙大爆炸
編: Tim Ngoh For Big Jin Productions
監: the invisible men
原來童話不會再實現
情人無須一再為我諾言
明天你或我邊個走先
* 至怕到了今天先至發現
共你對抗不到轉變
途經每個動盪
一身傷口亦難免
# 討厭嗎 天天對著我
若平淡 完全無風浪
但大世界 在拼命地忙
每日快樂誰也渴望
你又何必迫我去醒覺
原來童話早已很無望
長期被愛很渺茫
你夠膽遺下我卻話對我好
你永遠都只信你一套
我卻要天天對你好
幾生修到 在世才遇到
只有我可領略到 (怎麼你會看不到)
REPEAT * #
談情若有不了期 我共你何須靠運氣
我都知道你要走 幾可憐望你也無力挽留
你又何必逼我去醒覺
原來童話早已很無望
長期被愛很渺茫 曾經好好去計劃
統統也給糟蹋
你永遠都只信你一套
我卻要天天對你好
抱你在懷抱 捉不到
>>February 15, 2006 at 10:19:04 PM GMT+8
2006 年 2 月 14 日 星期二 【晴】
又一個沒有情人的情人節
不知怎的, 今日的心情特別的差。原本都沒有想些甚麼,
不過連續上兩堂需要留心的堂, 消耗了過多的精神力。哈哈。
又或者係因為身邊的人大部份都拍拖了,
令沒有女朋友的我很寂寞吧, 而且自己是一個好討厭孤獨的人呢。
又或者係自己想起了, 某些的片段吧, 哈,
不過好快又強制自己唔去想, 因為現在不是時候呢,
何況自己已經從最幸福, 以為自己甚麼都擁有的時候,
趺到自己感到最絕望的一刻, 連僅有的自信都沒有了;
無理由還要自己停留在那一個唔肯面對現實的自己。
哈, 我覺得要我放棄, 比要我永遠去愛一個人更加困難呢。
努力點, 做到輸人都唔好輸自己吧,
我要每個人知道失去, 唔係我的損失, 而係對方損失。
而家的我好討厭妳, 我好清楚無人係對係錯,
但係我唔認同妳對待我的方法, 所以我唔會再讓自己去想妳,
我只會祝福妳得到一個更好的吧。哈哈...
應該係祝福每一個人都得幸福吧。
今年的願望係做到自己所訂下的目標吧,
仲有識多一點唔同的人吧, 我要擴闊自己的生活圈子呢。
post 下歌仔先...
愛不釋手 李克勤
曲：陳輝陽
詞：林夕
同學與我 臨別互相揮手
當時天真相信 友誼畢了業後更倚重
然後某某 臨別海關揮手
一場相識 一番相送
但往後 沒踫頭 從不通訊
然後湊巧與你能夠手牽手 誰又會知我們有多久
誰亦明白火花多猛烈 始終燒不到這世界盡頭
但我未意會這麼快 便行近分手的門口
若抱在臂內也不夠 承諾又哪有力去守
＊如難忍手 無法廝守 寧願握手 別要揮手
預了拖得你手 便要分得了手
難道不知道你慣於墮入愛河
而喜歡被騙的我 曾誤信我對你估錯
＃從前相愛 漸變相處 然後縮手 然後變生疏
從前不只你懂得說一聲你好
但等不到一個再見會重遇過
常在我的世界和你手牽手 誰又會知我們有多久
誰亦明白火花終有日耗盡 但為何霎眼停了手
重唱 ＊＃
人人也會 臨別互相揮手 感情多麼親厚
縱不知以後 也記得以前 留住舊朋友 靠這對手還未夠
>>February 14, 2006 at 10:36:59 PM GMT+8
2006 年 2 月 13 日 星期一 【晴】
同小妹出街。
今日我放假牙, 嘩卡卡, 訓到九點半到比阿爸叫左起身,
食完早餐我又係度ｈｅａ, 打陣機ｈｅａ下,
其間同希小妹傾陣計, 點知就比佢約左出去行陣喇。
十二點半到, 換完衫就出沙田了,
今日終於第一日揹個新袋出街了, 啜啜...正”
哈, 打扮得靚仔d果然唔同d, 平時實在太不偏覆了。
出到去沙田立即就去西田搵阿妹同阿澤食飯,
寒暄一返, 講下自己近況牙, 等等, 我就拗柴仲未好返。
至於阿妹係最估唔到, 哈, 妳洩喇, 無見一排已經有男朋友仔,
仲有...咁多個添...=.="哈...阿哥遲d會陪妳一齊癲的...呵呵^^
不過癲還癲唔好太早做錯事牙...嘩卡卡...
之後我地就行街街, 佢地陪我去搵令帽,
唔知點解我個人就係帶眼鏡同埋帽唔好睇,
不過我就係想買頂大d的帽, 要令令的, 係碼要大過我個頭牙。
行左咁耐果然係無咩心水, 不過係睇中左兩頂,
一頂係全紅色網仔帽, 另一頂係全啡色的, 令令牙, 又貴貴喎。
唉, 都係睇定先了...唔想咁快駛咁多錢。
睇完帽陪佢地去starbucks飲野, 我飲左檸檬茶,
所以我無得飲咖啡, 不過我都買左支檸檬西柚汗。
飲完野等左陣, 等埋阿怡, 阿澤女朋友, 就去左東京街睇野,
行左好耐不過都無買個野, 哈, 我已經買左隻giroro鎖匙扣,
代替左原本個隻野lu...嘩卡卡...遲d買個盒入起哂所有回憶。
之後就去左fun zone打機, 等埋小妹個fd, 周國賢...女仔來的喔=.="
估唔到小妹真係咁傻, 玩拍拍機竟然係玩左三十蚊先爆到機...
哈, 不過傻的人係得人鐘意d的, 呵呵...我就一d都唔傻喇,
之後最好玩的都係玩左一路想玩的孖寶兄弟賽車。
買埋張卡, 係咁拎第一喎, 嘩卡卡, 不過斷尾最後一鋪得第四,
岩岩玩果然唔可以玩咁高難度的, 哈, 我當然唔會save啦...
打完機去左無印買野。買左個筆盒, 一d筆咁啦,
唉...好擔心真係無書讀, 都唔知學校個陣搞掂未...唉...
第三期學費都就截止了...＞”＜
買完野就同阿怡一齊返大埔, 咁岩要同阿媽去婆婆屋企,
所以順便返埋阿怡, 呵。上左一陣婆婆度就走了。
買埋飯返屋企, 阿媽去行海濱, 而我就係屋企睇漫畫,
最後去左阿偉屋企玩。
今日真係好開心, 好想同多d唔同的人去玩,
一大班人玩開心好多呢。
其間見到謝心喎, 佢問我聽日去唔去街,
我都唔知牙...=.="無情人仲出咩街牙?呵...
>>February 13, 2006 at 11:27:39 PM GMT+8
2006 年 2 月 10 日 星期五 【酷熱】
元宵
今日返兩個鐘頭堂就放學了, 但係兩個鐘頭都唔夠我做一個lab,
真係好ｘ難...＞＜！
之後由於jenny要陪男朋友, jerry又為左哄女朋友無錢錢的關係,
無得唱k...唉, 咁樣對一個無女朋友的人囉, 好唔公平, 講笑咋=.="
結果去左同偉哥, 華哥, 阿麗打波仔, 好曬牙, 又有背心印呢。
仲要打幾耐先會有狀態呢???
打完就一個人返屋企了, 倦到差點唔識得下車。
返屋企又覺唔到喎...唉, 呆下呆下咁去到四點幾買吉野家食同還書。
今日唔多舒服唔想燒野食, 又無咩心情, 所以無去到教會搞的燒野食,
去左同alan食飯, 食完飯去左三樂周打波。就係咁出事喇。
唔認真打左一場仲要係汗都無出就輸左=.="之後想覆桌,
等左成粒鐘都未有得打, 仲累到alan無得打比佢女朋友, 唉...
結果送埋佢返屋企, 自己都行返屋企了, 希望佢唔會因為依件事就散吧...
(有可能會的, 太多併發症)...
自己都不再懷疑了, 再咁下去都不是辦法,
自己說了的要算數, 不要再為了一個沒有我的心沉迷下去。
我只想...盡快完成那一百個願望, 從此不再和妳接觸。
>>February 11, 2006 at 12:10:34 AM GMT+8
2006 年 2 月 9 日 星期四 【酷熱】
心臟病!?!?
今朝一早出門口個陣心臟位置勁痛, 係好強烈的一陣刺痛,
不過阿媽係度唔想佢擔心所以無講到。
直到返到學校都無減退過, 不過今次唔係好痛個隻,
而係少少的少少的刺痛, 好辛苦, 抖唔到氣咁。=.="
十點半落堂, 去左打波, 打完出一身汗之後無咩事了。
不過自己的狀態仍然好差。
打完波就去左同jenny, anson, jerry食飯,
哈, 打波打晏左, 無得同阿偉飲茶。食完野又痛返>3<"嗚...
之後上csa補堂, 好多野要學, 不過兩個鐘好辛苦,
打完波好倦, 個心仍然好痛, 集中都難好多, 所以有好多野都唔明。
其間去左秘書處問究竟幾時會幫我搞開啟學位手續,
佢的答覆就係等電話啦等電話啦...唉...
上哂堂之後去左carteen鋤d, 哈, 玩兩亳一隻,
輸左都唔夠十蚊, 不過真係好好玩。不過始終唔夠打牌咁過癮。
太快上落了, 好似鋤d咁我最後連嬴五鋪, 追返哂...呵呵...^^
六點先走, 所以要同人迫bus啊。
希望我的學生今日考試順順利利啦,
繩都唔記得帶, 我諗都好微喇d機會...不過都係制度的錯o者。加油。
=.="希望唔係心臟有事啦...唉...一係就早死早著。
>>February 9, 2006 at 7:49:42 PM GMT+8
2006 年 2 月 8 日 星期三 【微冷】
學校的問題到而家都無回覆。真係好麻煩。
今日返十一點半，上兩堂，分別係security, 同埋mobile。
兩科我自己都幾有興趣, 做功課個陣又率先接觸過,
所以我上堂個陣份外留心, 我唔想有任何的遺憾了。
上完堂, 好快就返到屋企, 訓左一陣覺,
醒左好快就食飯了, 因為要就阿媽跳舞。
之後都係落下街還書咁...
感動, 還會由我的身上散發出去嗎??
我已經咩都無了, 有的只係一班支持自己的朋友和父母而已。
>>February 8, 2006 at 8:51:08 PM GMT+8
|
|
急救考試我季你有仇嗎？
reply to 路人甲, 曾幾何時都有一個人用路人甲依一個名的喔,
今日其實都好無聊, 無咩好講,
元宵
心臟病!?!?