2006 年 8 月 29 日 星期二 【晴】

http://www.parttimelove.com/Assessories/NineType/Paper1.aspx

付出型（和藹慷慨，富同情心）

您是外向、快樂、活力充沛、友善、自信、討人歡心，尤其是樂於助人。
您自願為他人提供時間、精力及物質，而且您所贈送的禮物總是經過精心挑選。
您的世界是以人際關係為主，面對別人的需要和感覺有天生的同理心，能調整自己以迎合他人的需要。甚至更徹底地成為別人想要認識的那種人。
您會因應不同的人而有不同的表玩，卻不帶任何欺騙成分。

優點：
您會給他人無條件的愛，讓人覺得溫暖。對別人和善，並且經常給別人鼓勵。

缺點：
當人們對您的不斷付出不以為意，或是視而不見時，您會表達出強度足以震驚他人的情緒或憤怒。

愛情：
專注於一對一的關係，一旦選定和某個人交往，會以精心設計又而深具誘惑的手段攻擊目標，直至「追到手」為止。

您對自己能讓人人都想和您成為情人的能力感到洋洋得意。
「我能讓每個男人感覺自己就像個國王，即使只是共處一夜。我能讓他因為我拿酒杯的特定方式，就永遠都忘不了我。若這是一段較為長期的關係，我會深入調查他所喜歡的一切，驅使這個人上癮。」

安定方位：自我型
在安定的狀態下您會增強情緒的一面，有從親密關係中抽身而出的傾向。

壓力方位：挑戰型
當面對感情的壓力或情緒對抗時，您會變得專制、易怒，最後勃然大怒。
不願遭受控制的慾望會擴大至對自由的渴望，為了維護自己的立場，以平常不曾表現過的方式去抗拒他人的要求。

建意：
注意個人的成就及價值
告訴別人您的需要，並讓他們為您而做
注意「多重人格」的衝突

最渴望：被愛，被別人需要
最恐懼：孤獨，不被喜愛
最難達到的美德：謙卑 (Humility)
最難克服的執念：奉承 (Flattery)

>>September 1, 2006 at 9:43:05 PM GMT+8

2006 年 8 月 24 日 星期四 【晴】

sorry牙...各位留言的朋友...而家先至回覆你地, 因為真係發生左好多野呢...

reply to 霆峰...哈哈...唔緊要牙, 因為我又再傷過喇...唉...>"<
得閒再去你度留言啦...

reply to 小澄妹妹...哈...我一定會開的...不過要妳教我喇...
得閒多d上來反喔...我懶牙, 所以無post到個日d野出來喔...
除左做左一個好勁的電燈炟之外都好開心的喔個日...^^

reply to 貓姐姐...咁耐無覆妳唔知妳仲有冇上我板板呢??
希望妳無事啦, 聽到妳發生咁的事第一件事當然唔係笑喇...
有救生員在場都可以容許依件事發生...真係好無奈囉...>"<
妳牙, 下次搵埋男朋友一齊去, 有咩事都會有個伴ma~...

個o個救生員好靚仔??哈...佢都係抽妳水咋...妳試下個o個係男仔丫...
想佢地教都難喇...可想而知姐姐應該都唔差喔...呵呵...(講笑咋...)
總知下次一定要小心一點...

因為咁而學識左踩水都好丫...有一d人學勁都唔會識...
不過其實妳識得兩樣野, 一係識得浮, 二係正確的蛙腳就可以踩到水了。

如果係好驚好驚水的就唔好考住喇...雖然而家我好等人去教...
因為我教左一班學生可以幫我考拯溺教練的最後一part...
加油牙姐姐...支持妳的...^^

reply to 霆峰(2)...我當然知道你掛住我啦...得閒多d打下波仔,
仲有食下飯做下其他野聚聚喇...唔好掛住請女仔食飯先得嫁...

reply to 你個妹...我知...妳係我個堂細妹丫ma~嘩卡卡...沈貞巧喔...^^"

reply to 歐...得閒陪我打多d波, 當然要搞掂你d野先啦...book場好牙...
我都好想打下全場...

>>August 24, 2006 at 11:47:55 PM GMT+8

2006 年 8 月 23 日 星期三 【晴】

再一次入急症室...無奈...

唉...人生中第二次進入急症室...勁無奈的...一年入左兩次喇...
仲要係一個月裡面發生的...=.="

事緣係星期三...就像是華山論劍咁...個個星期都會去一次的籃球聚會...
今日真係約左好多人...雖然我已經好hea...(懶加唔願郁..)
但係直到差唔多走的時候竟然發左一件我唔為意的事...>"<
最後一場個陣由於個個都打得太唔認真...但係都係差幾分就會嬴...
阿鋒鏟籃的時候我係後面封佢, 點知就係依個時侯佢個頭就撞左落我個下巴度...

記得當時第一個反應就係合埋個口, 第二個反應就係向後縮...
因為唔縮阿鋒就會好大擭...點知我大擭過佢好多...唉...=.="
兩個人即時爆光...流到通地都係血...即時入廁所洗下...
之後佢地就叫我入急症室睇下喇...因為唔縫針的話好難口的...

最後我, 阿斌, 阿駒仲有阿彭就同左我去那打素醫院喇...
由於唔係好多人所以好快到我喇, 未試過比人縫針好緊張...
佢地又話好痛搞到我超驚...不過好在同打針無咩分別...
其實最痛係縫埋個下...>3<"之後都唔係好痛咋...等拎藥...

拎完藥去左射多一陣波之後買野食食藥...唉...
個牙齦位超痛...合左個口之後都無咩用...

最後由於曾昭賢幫我搵了人代我返工, 所以我可以放心休息了...
不過經此一役都要無左成四百幾蚊...=.="嗚嗚

>>August 24, 2006 at 11:15:07 PM GMT+8

2006 年 8 月 21 日 星期一 【晴】

近來的煩惱...

最近都幾多事要煩...自從好返以來好似未停過咁...
一是為了我升大學的事而煩, 二就是為了拯溺教師的考試而煩...

(待續)

>>August 22, 2006 at 12:02:51 AM GMT+8

2006 年 8 月 14 日 星期一 【清涼】

中暑

今日又係好唔想返的義務更了, 要入西貢...
尋日約好了simon一齊去...佢話搭74x轉小巴會快d...
所以就用佢的方法喇...點知大擭...暈車浪呢...勁想嘔牙...>3<"
架小巴好似玩緊頭文字d咁...完全唔理我的感受...

唔知係唔係已經成兩個月都無好好休息,
所以個身體特別受唔到一些突如奇來的剌激...>"<
落左車之後就去左食早餐...完全地食唔落呢...

食完就開始工作了, 我的工作就係坐在一個類似巴士站的地方曬...
食飯前四個鐘仲頂得順, 而且飲得好多水...不過好奇怪平時大汁的我,
竟然沒有汗出...唉...這個時侯已經知道相當不妙呢...

之後去左一間好貴的地方食野, 原來星期六, 日先咁貴...
我食左一件餐旦治, 同埋風風miss同埋simon食完野,
就返返去又曬過了, 一曬知道自己好唔掂, o拿o拿聲走入去救護室,
訓左一陣, 而個d ams的人都不停咁同我探熱...我就由３７．５度先到３９．５度,
好誇張...訓多一陣佢地問我自己返屋企定係call白車走?
我覺得自己撐唔到返屋企, 所以就係咁我一生人第一次坐白車睇急症了。

去到急症室等左一陣就可以去分流站喇,
首先問左我好多問題, 我個人好暈眩完全唔知佢講緊咩...
但係都好在我係清醒的...之後佢話安排我早d睇...
睇完醫生之後佢講的同我估的大致係一樣...
不過佢話我39.5度都仲出唔到汗...到左四十度就會燒壞內臟。
到時就唔係入深切就係香得...哈哈...(真係得閒死唔得閒病喎...=.=")

抽血, 驗尿...要等成兩個鐘...simon幫我買左d野飲,
然後五點到就出發去馬富誠個fewell了...
我就一個人係到等...等等下好眼訓...(一來發燒, 二來食左藥...)
但係訓唔到好辛苦, 之後就係一個有得挨的地方訓下醒下咁...
直至到我老豆阿媽來到...等埋報告就走得...

返屋企途中仲要搵唔到車搭...=.="...原來我阿爸阿媽都係路痴...>"<
不過返到屋企食左d粥都仲未退燒...最後好早就訓著左了...

好多謝所有有慰問過我的人...你地的心意我完全可以感受得到...
sms, 電話, 甚至乎陪過我的人...我都好感激你地牙...thx~!?

好奇怪的...這件事令我想起一些往事...原來那時的你係有這樣的感覺嗎...?
哈...一切已經不重要了...經歷了這一次接近死亡的一刻, 我的人生又會有所改變...

另外...囡囡的脾氣真的和自己有一點像...唉...不要這麼任性了...
沒有人會不停的受自己氣的...我唔會再比任何人受我的脾氣了...
除非那時我好親的人和朋友...請多多包涵這個有缺陷的我...

p.s.愛一個人不是應該連他的缺點也忍受嗎??
如果有一些事情令人質疑了, 或還以容忍了??
你們還會確信他們之間還有愛嗎??

>>August 15, 2006 at 11:45:07 PM GMT+8

2006 年 8 月 11 日 星期五 【晴】

個囡竟然問我有冇當佢係囡喎...唉...無奈...

>>August 12, 2006 at 11:44:43 PM GMT+8

2006 年 8 月 8 日 星期二 【晴】

玩樂日....

今日朝早起身打波, 嘩...估唔到竟然會有咁多為左我去左八號打波,
好正牙, 雖然覺得自己仍然有好多的不足之處, 但係一班人打波真係好爽...
我要不斷地進步, 我要增加自己的鬥爭心...

之後抖左一陣, 阿偉打來同我講夠腳了, 所以打左比alan,
好在佢未搵節目, 所以都有得打陣麻雀呢...呵呵...>3<"
不過比我的話, 訓一陣都係一個唔錯的選擇...

今日打牌好順, 比以前那段『黑暗』時期好好多...
(黑暗是指咩, 自己估啦, 唔係就睇返之前的日記)...
雖然d牌仍然會好爛, 但總唔會玩我, 有足夠的條件同人玩技術了,
所以最後都嬴左三十幾蚊, 阿偉就嬴左六十...不過好快我就用哂了,
因為比左的士錢去教游水啦...嗚嗚嗚...>3<"

教班的時候又係好唔自在的感覺, 好像覺得自己教得很差的呢...

教完返大埔去昌運拎返我心愛的電話, 之後去整返我同阿媽的保護貼...
再去賽馬會搵媽媽, 等埋佢睇完醫生就回家了~
抖左一陣買飯食...之後無咩做了~都係睇下漫畫咁啦~

明天的會考放鎊, 希望個個都有好成績吧...

>>August 9, 2006 at 12:17:04 AM GMT+8

2006 年 8 月 6 日 星期日 【清涼】

西貢一日遊...

今日原本應承左鄧sir去大埔當義務更...但係佢無端端又叫左我去西貢...唉...
結果我就要六點鐘起身, 尋晚同alan, bryant打完波仲要兩點先訓...=.="

約左六點九係火車站m記牌等, 點知去到無人...尋日整壞左個電話未好返...
搞到好耐先知李浩文係另外一面...搭左一輪車終於都到左...

西貢的泳池果然無咩人游水...而且依度的救生員好feel...鐘意做咩都得...
所以我地做咩都係無人理...唔好的就係某d救生員好cool, 無得同人吹水...
又曬又熱又焗又悶又無野做...就係咁挨左四個鐘....

之後同阿文食完個幾好味的午餐後就繼續當多四個鐘,
今次拍阿健...放左工就搭車返屋企...今次架巴士玩頭文字d...
暈車浪是也...超辛苦地搭火車返屋企...>"<

返到屋企食完飯就拎左個波去粉嶺搵霆峰佢地打波,
今日全場爆滿, 我地有嬴有輸, 但係我覺得自己係輸波的關鍵...
首先無體力, 令進攻同防守力大打折扣, 第二, 無搓波太急進...
第三, 身體質素好差...不過好處係我明白到自己同那些高佬的分別...
雖然技術上是好過那些人好多, 但是未足以離補高度上的差距...
我要訓練體能才行呢...今日都好滿足...人外有人牙...>3<"

返到屋企係咁比人小...因為電話壞左搞到滿成風雨...
唉...唔壞個陣就無人搵我, 一壞左就個個打來...仲要唔見左個包養証...
聽日要拎落昌運整了...嗚...而家用住媽媽部新機w810i先,
媽媽要用返部舊機...真係唔好意思了...不過我重新一次我無諗住要買新機牙,
唔好屈我...>"<

>>August 7, 2006 at 12:16:24 AM GMT+8