|
2005 年 2 月 18 日 星期五 【晴】
好似成三日都無寫過日記喇, 唔知第時睇返以前的日記會唔會後悔呢？
其實依幾日都好似過得好唔實在咁, 因為現在的我正處於混亂的狀態。
太多的事突如其來的發生及需要我
>>February 18, 2005 at 11:12:25 PM GMT+8
2005 年 2 月 15 日 星期二 【清涼】
初七 人人都生日啊＾＾”
今朝一早又係唔願起身, 但係老豆又係好準時咁叫我食早餐,
阿媽仲嬲緊喎, 所以佢出左門口我都唔知喎。
食完早餐沖個涼, 抖左陣就換３出門口喇。
去到火車站等埋Ａｌａｎ就出發, 上車仲要撞到霆峰,
當然要寒喧一番啦。
上學途中又見到艾佛地喎, 咁就一行四個人咁返學喇,
返到去已經遲左成半個鐘喇, ＮＯＡ堂先搞ｄ咁的野。
今堂都叫勉強跟得到的, 哈哈, 講左我個仔叫咩名喇...
就係叫做『法寶多羅羅‧多啦Ａ夢‧叮噹‧Ｓｈａｍ』
簡稱就可叫做沈叮噹嫁, 呵呵呵～～～＊
上完ＮＯＡ堂, 之後大夥兒們就行落０２９堂上堂喇,
個度ｄ氣氛真係唔係咁好, 好容易會做其他野同埋訓覺,
我地傾傾下計就落左堂ｌｕ。
落堂之後就去左ｃａｔｅｅｎ食野, 霆峰請食下午茶啊,
多謝, 霆峰...同阿偉傾左陣拍拖的感受, 哈哈,
自己都未做得好走去教人, 希望佢可以明白過中玄機啦。
因為關係始終係要靠自己同另一半共同建立,
關係愈深, 誤會所帶來的危機自然就無咁大,
以自己為例, 『誤會』對以前的我同女友只會愈變愈難搞,
愈來愈唔開心, 哈哈, 邊似得而家咁安穩了一點。
好似變得好自大咁, 希望老婆唔會嬲嬲喇＞３＜”
食完野我地去左射陣波, 之後佢地大夥兒們就去左唱ｋ,
而我就等埋阿偉先趕返屋企換３, 跟住就o拿o拿聲咁上那打素排期。
真係好趕好趕, 但係最後都趕得切排,
不過係２００６年２月３日先有得睇...
真係比佢吹到o爸o爸聲啊...～＿～”
打比阿媽, 慶幸的係佢下左啖氣o采返我喇...呵呵,
原來佢呷醋啊, ＞ｗ＜”...又要面又要見真係比佢玩死啊。
哈哈, 老婆又要驚驚喎...＾＾”
之後睇完醫生就去左我阿婆屋企喇,
飲完碗湯就同阿媽去左昌運還書,
之後就去左味千拉麵食飯喇, 超好味呢...>"<
食完返屋企食藥, 之後睇左陣電視,
溫左一陣書, 等埋老婆電電就訓ｌｕ...~
p.s. d野好似多到做唔完咁, 好多野做啊...
又要整禮物, 又要返part-time, 又要搵時間同阿媽飲茶,
又要考英文interview。
>>February 16, 2005 at 3:49:43 PM GMT+8
2005 年 2 月 14 日 星期一 【晴】
２月１４日～～～～～～＊情人節＊
今日終於係一年一次的情人節喇,
由於實在是太近新年的關係,
所以我整唔切送比老婆的禮物喔／３＼”
朝早起身同阿爸食完早餐,
之後返去訓多一陣, 因為食完藥藥啊。
再之後就等阿爸出門口, 比阿爸呃左我,
原來佢成點鐘先出門口, 之後就落去搵老婆,
老婆豬已經等緊我喇...＞”＜
買左少少野食之後就上左我屋企玩ｌｕ,
希望佢訓得舒服啦...依樣係我最想做到的事。
訓醒左, 謝心打來, 我地就一齊搭２７１出去尖咀搵佢地喇,
好搞笑喔, 好傻喔, 兩個人一齊行真係好開心的呢,
間唔中扮下傻咁都幾好玩, 又可以哄到老婆笑喎。
去到太空館Ｄ飛經已賣哂喇, 所以諗住等齊人先再諗點樣,
就係咁所以老婆燜燜喎, 等的其間有兩個女仔埋左來ｓｅｌｌ花,
哈哈, 結果就買左兩支金莎花比老婆喇, 連埋叮噹ｂｂ呢,
希望老婆唔會嫌棄啦, 妳開心唔理哂左錢錢啦...呵呵~^^
等齊人等決定左睇２０：３０分場,
我地成班人係咁行星光大道, 到八點鐘,
仲有煙花睇添啊, 不過始終唔係年初二個種感覺啦...
下年可以同老婆去睇就好了。
睇完我地就返3去睇戲, 因為唔係第一次睇,
而且ｄ位又好舒服喎, 所以訓左一陣啊＞”＜
不過都有睇哂啊...呵呵...
睇完之後我地就搭車返大埔喇,
送埋老婆過太和之後, 行左一陣就要返屋企喇,
嗚...勁唔捨得, 而且知道老婆一定唔會咁早返到屋企啊...=.="
返到屋企沖個涼好快就訓左喇...
我愛妳呢
>>February 16, 2005 at 11:08:29 PM GMT+8
2005 年 2 月 13 日 星期日 【雷雨】
１３號 老婆返黎喇～～～＊
今日發覺隻耳仔的問題非常嚴重,
所以就同阿媽去食野同還書喇,
跟手就去左睇子建(醫生)啊,
佢話我要去那打素度睇耳鼻喉科喎。
睇完醫生, 等老婆過來個陣阿媽無啦啦發我脾氣喎,
都唔知佢嬲ｄ咩, 可能係呷我醋話我好唔識做掛...
不過我已經盡左力, 唔通咁早就有婆媳紏紛啊？？
阿媽返左屋企, 大約十五分鐘到等埋老婆就一齊搭車出旺角。
好耐都無試過同另一半出街玩喇, 玩到好開心,
周圍行下買下野食, 之後就去左百老匯買飛,
之後我地就行下街睇下邊度有相影,
因為銀城地下街封左啊...＞ｍ＜”
我地就去左唔知咩萬樓上影喇,
影影下途中阿媽又ｃｕｔ我線, 勁掃興啊...
不過同老婆影相咁得意同開心, 咩都唔記得哂lu...
多謝老婆陪我影相相呢...＾＾”
影完相我地就返返去睇戲喇,
好好睇啊超人特攻隊, 好鐘意個"靚"仔,
同埋個阿媽呢, 好得意啊, 原來我扮超能先生都幾似的呢=.="
睇完戲老婆媽媽吹老婆返屋企,
所以我地就搭７２ｘ返屋企lu...
送完老婆返屋企我都返屋企ｌｕ～
今日玩得非常開心啊...因為有妳陪我呢...
>>February 16, 2005 at 11:49:26 PM GMT+8
2005 年 2 月 10 日 星期四 【晴】
大年初二 『拜年』
由於尋日無拜年, 所以去接收利是依樣野呢就當然係今日要做啦。
朝早九點鐘起身, 由於個日病病地, 所以極想懶床唔起身啊>"<
起左身之後就前往金海食早餐, 途中阿媽不忙係咁派利是,
食完野訓多一陣就去大埔頭食開年飯喇, 年宵拆左喇,
真係好多回憶啊...＞３＜”當然係同老婆嫁啦...嘻^^
食完飯就去左最唔想去的舅公屋企, 簡直係討厭＞﹏＜”
真係唔係好明點解做人可以咁假, 假到當正自己就係真的一樣。
去完舅公屋企就去左幾鐘意去的姑婆屋企, 雖然都係好假...
但係起碼係大情大聖, 同姑婆傾計真係好舒服, 客家人本色＠.＠"
拜過年, 朝早的行程都去得七七八八lu, 我仲呃左兩封姑丈公的利是喔...(笑)
之後坐表叔?車返大中, 訓左陣就換衫上婆婆屋企了,
今日的話題都好似係我考到游水教練同埋拍拖呢...
算啦, 都已經係一個公開的秘密了, 由得佢地講,
不過竟然連遠至澳洲的玲姨都知道, 阿媽d散水能力都幾高喎...
之後就食下野咁, 食完就散水lu。
原本返到屋企都係好開心的, 之後知道班fd聽日去睇戲,
自己就要一個人咁出去join佢地, 已經心情已經唔係好好...
之後老婆打來諗住可以傾一陣, 因為真係好掛住佢...
不過又係趕返工同埋個句"唔一定要講", 令心情更差,
今日的心情竟然係以依個狀態做終結, 哈哈...疚由自取...
算啦, 一切都係自己亂諗野, 有原因的又何罪之有呢??
何況自己又無咩權利埋怨誰, 可能咩都唔去想唔去諗就最好了...
呆呆的, 病病的, 不是好好嗎???
又唔想講野喇...唔好煩我...
p.s. 睇返咁多留言,
老婆的留言sweetsweet, 朋友的留言就發人深醒,
【hope me can be more mature and serious!!!】
可能就係今年的願望吧, 不過最想改掉那令人討厭的情緒化。
>>February 11, 2005 at 12:12:53 AM GMT+8
2005 年 2 月 9 日 星期三 【晴】
大年初一 等於 覺覺 ?
今年的年初一有點兒特別, 就係我沒有去拜年喔。
不過換來的就係沉悶了, 成日3係屋企係咁病,
訓到個人好頭痛, 而且仲病病地。(年初一病...!?)
中午個陣去左惠康買菜返屋企食麵麵,
之後又訓過...訓到睇賀歲杯, 巴西對香港...
得個笑字, 見到香港係咁比人玩, 輸成七比一...
之後就睇花車, 好多靚女啊...＠.＠"
哈哈...講笑ja...好多樂隊表演至岩...
p.s.今日收到老婆兩個電話好開心啊...掛屎我喇...
去到大陸咁鬼遠啊..＞333３333＜”””
p.s.2.妳一唔係度我就病喇...仲要食『幸福』傷風素啊...
>>February 10, 2005 at 11:13:23 AM GMT+8
2005 年 2 月 8 日 星期二 【晴】
年三十～～～～『除夕』
由於老婆聽日開始就返大陸,
所以今日佢上左來我家陪我喔。
嘻嘻...訓左一陣, 大約三點幾到就落街食野,
之後就送佢返太和喇...
送完佢返太和我就返屋企,
原本諗住去霆峰間ｐ仔食野,
點知賓利無返到興趣大減。
所以我就同左我阿媽返大埔頭食團年飯。
點知我阿媽又發我脾氣, 結果我就係全程無出過聲。
食完飯之後我就返左大中搵溢, 榆, 輝, 基, 超等等...
仲有阿偉同佢表弟, 去到funny見到成個場都差唔多識咁...
結果我就無陪到溢佢地去行花市, 對唔住喔, 因為我行得太多次喇,
而且又多人喎, 不過我都洩左, 因為無得見埋老婆最後一面...=.="
唉..ｄｏｗｎｄｏｗｎ喔...好唔開針嫁...＞”＜
之後我就返屋企等老婆電電, 然之後就覺覺喇...
死喇, 份禮物整唔切喇...>嗚3嗚<...
p.s. 一係就無人約, 一約就咁多人約, 唉...
我好想陪哂我咁多個fd過新年啊...
我亦都更想陪我老婆睇煙花啊...>"<
>>February 11, 2005 at 3:47:56 PM GMT+8
2005 年 2 月 4 日 星期五 【晴】
兩個幾月以來終於都鬧情緒了, 成日都唔想講野,
沒有去打網球, 沒有留意任何的事物...
哈哈...一切都源自那種不安的感覺...
而且這種感覺就像是揮之不去般, 令人難受＞”＜
沉默只是不想諗任何的事, 令任何的人唔開心, 包括自己...
唉...好討厭這樣的自己...因為清楚知道沒有人錯...
而是自己的無能同白痴而已...～＿～”
之後比老婆哄返...不過個種不安的感覺仍然沒有消失,
就像是隨時都會失去般, 唉...我真係唔想咁啊...＞”＜
開心返ｄ就去左剪頭髮, 之後就同ａｌａｎ買野...
買完野之後就返屋企, 返到屋企就食飯lu...
ｐ.ｓ.好想陪妳的是我, 不安又再次返返來了...＞嗚＜”
如果我唔在乎的又會唔會好一點呢??
刻不容緩的意義明白嗎??
刻不容緩
H:從來並無自信 人云亦云 庸庸碌碌半生
連自己的戀愛運 也欠一點決心
J:為何望來望去 仍無下文 明明彼此有同感
難道等一天變做熟人 發現原來相襯
H:可否冷靜看一陣 Ｊ：都有幾個人靠近
H+J:現在還未說 纏綿情節 會逐漸降溫
*H:遲來一秒鐘 遲疑一秒鐘 從迎接你變做目送
J:遲來一秒鐘 沿途經過和結局 其實太不同
H:遲遲未預備 第一句愛你 已經足夠蘊釀暗湧
J:盼望猶豫未決的情人回信 尤如行刑懸在半空
H+J:拖一拖 等一等 怕得到 得來 已是無用
拖一拖 等一等 這刻的 感動 變做裂縫
H:良晨就如白費 明明動情 怎會不敢作聲
J:提示很充足 但你的態度 永遠不得要領
H:相戀要是有天命 Ｊ：都要等你來確認
J:現在還未說 纏綿情節 會逐漸結冰
REPEAT*
H:相戀要是有天命 Ｊ：都會等你來確認
J:現在還未說(H:還未認) 纏綿情節 會逐漸結冰
H:遲來一秒鐘 遲遲一秒鐘 良緣永遠這樣斷送
J:遲來一秒鐘 仍然等你來告白 何事你都未動容
H:明明在附近 又不告訴你 太多戀愛這樣告終
J:怕在離場後接到遲來情信 其時和旁人在抱擁
H+J:拖一拖 等一等 怕這點 激情 最後模糊
拖一拖 等一等 終於知 表白 刻不容緩
>>February 4, 2005 at 10:34:11 PM GMT+8
2005 年 2 月 2 日 星期三 【晴】
今朝早唔願起身喔, 老婆豬打來傾左陣電電就繼續訓lu＝﹏＝”
一路係咁訓訓到成十點九先肯起身...所以我地又遲到喇...呵呵^^
途中買左少少野食, 返到學校上database堂, 都係入下d資料咁...
今堂無玩到啊, 好比心機咁打野, 但係都係打唔哂喎...
上完堂, 我地食團年飯啊, 有成十三個人, 其中七個係兄弟來的..
仲有一個阿媽...=.=" 今次食左巧多野啊, 有好多點心同炒粉飯類咁啦,
個個都食得好飽, 好開心喔, 有咁多人一齊食飯...wakakakaka
食左咁多野都係每人四十蚊到, 真係好抵囉...～3～”
食完飯買左隻毽...好耐都未踢過喇, 我地成班人係咁踢,
一路行就一路踢, 踢到返學校啊...
返到去上ｂｉａ堂, 今日竟然派卷喎, 哈哈...開頭見到好多人唔合格都幾驚嫁,
派左份卷４６分, 又係靠ｍｃ, 唉...不過合格係好彩, 因為見到好多有實力的人炒,
自己無咩溫過就合格, 個心都無免有點唔好過。
跟住上ｐｗ堂, 大家都係做自己野, 我就ｉｃｑ, ｍｓｎ咁,
做埋ｄｂ的功課, 咁上下就落堂lu。
落左堂就一齊返屋企, 返到屋企沖涼,
之後訓左一陣, 再同老婆傾左陣電電就食飯喇...
今晚有住家飯食...
p.s.隻耳仔同個頭仲係好痛, 好辛苦啊...
p.s.2. 巧凍啊＞﹏＜”有得攬住老婆訓就好喇...>3<"
p.s.3. 巧掛住妳...比一切更重要呢...
生還者 ～ 『劇場版』
『只要係為你既，所有野．．．我都一定做得到．．．』
如果需要耗光最後積蓄
才可得到 你的半張感動眉目
捱多少的苦 我都不會哭
這個世界裡我太渺小 生命在融掉
無心看戰亂有多少 甚麼比你的緊要
(為你任何事情亦困擾)
努力不懈 愛便生還 我為你何妨上刀山
不管已用幾年時間 一刻躲懶 情便永不返
帶著傷患 最後生還 我願意受多少的白眼
知道感情來得艱難 疲倦也好我不敢眨眼
(為求留住臂彎 每時每刻不敢怠慢 我怕看漏眼)
(失去感情財產 時間便過得慢 永久是夜晚)
情海翻波簡單過壞燈膽
如不珍惜你一切 結果怎去承擔
假使單方心淡 會是個災難
如熱愛被我親手割爛 較沒有更慘
無論資質有限 我盡全力不減
『係度，就係係度咋．．．你感唔感受得到呀？』
>>February 2, 2005 at 11:31:11 PM GMT+8
2005 年 1 月 29 日 星期六 【颳風】
病了～～～～第３ｄａｙｓ～～～＊
今日同平時無咩唔同，朝早一起身就去左食早餐，
阿爸阿媽又冷戰完，所以佢地心情大好，
叫我食完早餐之後就食藥之後覺覺。
返到屋企抖左陣，嘗試下訓但係都訓唔到，
因為ｄ水份比ｄ藥吸走哂，所以一訓個人就好辛苦，
之後老婆打左來傾一陣電電，唉～～～～
又迫佢做一ｄ無可能的事了，
諗諗下我都唔想再提依件事了，是但啦．．．
可能我咩都唔理係一個最好的結果，
但係我唔理人的同時我亦都唔會想人地理我的了，
這是我做人的一些原則。
之後ａｌａｎ打來叫我落去吹陣水，
睇得出阿媽不是太喜歡呢，之後去左大元打左陣機，
由於心情唔係幾好，所亂咁來，最後同歸於盡拖時間兩個都輸，
不過咁樣做真係連面都輸埋啊．．．唉．．．＞”＜
之後同ａｌａｎ行多陣就叫左阿媽落來食野，
之後個人開始暈暈地又唔想食野，仲要手震．．．超辛苦．．．
講野都唔係好想講，心情差到呢．．．？不在話下啦．．．
好想發脾氣，但係連發脾氣的力都無，
之後就同阿媽去左借書同埋買ｃｄ．．．
就o拿o拿聲返屋企食藥喇．．．遲左成個鐘啊．．．
食完藥打一打日記就訓了。
>>January 29, 2005 at 4:42:08 PM GMT+8
|
|
好似成三日都無寫過日記喇, 唔知第時睇返以前的日記會唔會後悔呢？
初七 人人都生日啊＾＾”
１３號 老婆返黎喇～～～＊
病了～～～～第３ｄａｙｓ～～～＊