2005 年 10 月 26 日 星期三 【晴】

閉目入神(電影"在世界中心呼喚愛"香港區主題曲)

填詞：夏至
作曲：平井堅
編曲/監製：林潤明

閉目入神　片段在搖晃
白被單蓋過了絕望　浸染著曙光
過份著迷　我站在何方
願抱緊你再次滴汗　身心再次安躺

曾望見世界遍佈了花園
照耀天上溫暖　再美　最後也終極耗損
如定了季節　幻變早有命數
無謂繼續　憑著記錄
沉著痛與你再度接觸

Your Love Forever
閉上眼　看過天空　閉上眼　再次追蹤
追逐著身軀失了蹤
怕過去痛快消失　描繪當天氣質
難道記憶消失也值得

Oh...Your Love Forever
閉上眼　看你消失　背向你　有我哭泣
倚傍著窗簾的瞬間
乍看世界已消失　描繪不出過失
沉在記憶中卻剩得我

閉上眼　看過天空　閉上眼　再次追蹤
追逐著身軀失了蹤
乍看世界已消失　重描繪當天氣質
沉重過哭泣也值得　憑著記憶跟你熱吻

>>October 28, 2005 at 10:20:31 AM GMT+8

2005 年 10 月 24 日 星期一 【晴】

今日無咩心機, 返學兩個鐘頭就已經要返返屋企了,
上堂個陣一d都跟唔到, 用返以前的模式囉, 抄得就抄啊...哈

放左學開左一陣會, 同jenny一齊搭小巴出葵芳地鐵站,
佢話想去麥當勞買野食, 所以我順便陪佢一齊去買野食喇,
之後傾左一陣計就自己一個返大埔了。

之後返到屋企訓左一陣覺, 唔多願意起身, 去睇醫生。
但係我都要去睇醫生因為如果唔早d睇, 今晚沖涼會好夜先有得沖。
睇左一個鐘醫生度, 就返屋企了, 途中買壽司返屋企比阿媽食,
之後阿媽去跳舞, 然後我買冷麵同埋幫佢還書, 就返屋企了。

唉...

>>October 24, 2005 at 11:35:41 PM GMT+8

2005 年 10 月 24 日 星期一 【晴】

再說一次，我愛你

歌手：劉德華 | 作曲：Kim Heon Jick
填詞：劉德華/李安修 | 編曲：陳飛午

記得　那天　你坐在我的面前
你的意願很明顯　等我的表現
我說　改天　等我有足夠時間
我一定給你一次完美　愛情的宣言

多想　抓緊你每一瞬間
只怕故事已是昨天
才明白忽略是我最大的缺陷

我真的　好想　再說一次　我愛你
我願意放棄所有一切　只為換回你
如果　時間　能夠為你而倒流
真的好想牽著你的雙手
再說一次　我愛你

回憶　已經　沒有你在我面前
看什麼也會感到厭倦　我閉上隻眼

多想　兩個人蓋一張被
一同刷牙　一同洗臉
才明白　錯把機會借給了明天

我真的　好想　再說一次　我愛你
我願意放棄所有一切　只為換回你
逃避　原來　不是面對的道理
看清自己種下的可惜　重複後悔的延續

喔　我真的　好想　再說一次　我愛你
我願意放棄所有一切　只為換回你
如果　時間　能夠為你而倒流
真的好想牽著你的雙手
再說一次　我愛你

>>October 24, 2005 at 10:27:57 PM GMT+8

2005 年 10 月 23 日 星期日 【晴】

今朝一早出門去新街市食早餐, 原本諗住佢會打比我,
點知都係無, 結果我收到一個求救的電話,
原來connie miss病左, 無人可以代佢,
所以我隻腳傷左我都要去粉嶺, 期間打了很多次電話,
但一個都無接, 就算無接, 都可以打一打比我吧??

去到粉嶺果然係好惡搞, 無泳褲, 無浮板,
只可以向一個我唔係好想有關係的鐘sir借浮板,
憑著我教慧翠班小朋友的經驗, 我最終都睇得到個場,
之後返去的時候又係打過比佢, 佢覆左message比我問我係邊...

我好無心機囉真係, 一個好少的承諾, 只是打一個電話都咁難??
我知道佢原本係好憎打電話, 又或者有野比我的事更重要,
但係就像尋日般, 應承了我去了福記那裡就會打比我的嗎?
但係點解要我打比佢仲要好似好阻佢咁, 哈, 我真係咁唔重要?
我真係咁唔識得體諒佢??咁如果我都係做返同一樣的野,
那又有冇會鐘意呢??

算啦, 原本諗住唔返band返屋企抖抖仲好,
但係我做了一個錯的決擇吧...腳痛加倦, 又曬呢,
哈, 見到佢同佢的朋友(唔知點解佢覺得自己無朋友, 咁我呢?)
玩得咁開心, 跟本無我可以介入的餘地吧, 哈...
其實我係唔係度跟本唔重要, 只係要一班朋友陪住佢就夠了吧?

練習其間, 見到一班慧遠的籃球隊練習,
又諗返起, 我唔可以打波的事, 而且有人跟本就唔會認同我去打吧,
因為跟本上佢係討厭人打波, 更討厭去睇...算啦, 有排我都唔會打得到...

練習完後, 等左好耐先走得, 原本諗住等埋佢走,
但係佢同佢d朋友走埋一邊, 我諗我唔需要再等了吧?
岩的, 佢有自己的選擇了, 她喜歡做甚麼便做甚麼吧...

哈, 如果我地再傾, 佢一定會話我發脾氣bad面, 佢先唔會同我講野,
係我一句串埋佢度所以我走個陣特登坐佢朋友車走,
一定會話有打比我, 有理我, 只係我無理取鬧吧...

雖然係好少好少的問題, 但係我已經無力去改了,
一切都係我主觀去想吧??哈...
我唔想再講任何的野, 唔想去不停的付出而沒有收獲。
點解一定要迫自己搵到佢, 自己會比佢搵到,
唔可以同佢一樣嗎?唔可以自私一d,
自由一點, 鐘意聽就聽鐘意打就打, 我死我的事吧...哈

失控了, 我只想靜一下, 可能真的沒有自己比較好吧...

返到屋企還要印notes和睇趺打,
今晚還要教班呢, 希望唔會影響到我的學生吧...

>>October 23, 2005 at 5:29:22 PM GMT+8

2005 年 10 月 19 日 星期三 【微冷】

哈哈, 一鋪有十隻么牌的十三么, 竟然可以轉變為混一色對對糊加小三元加雙番南...
加埋有十番嫁, 真係好少食到一d咁靚的牌...

今日返九點半放十二點半, 經過左尋日個co-superviser鬧左一鬧,
我已經知道我地的proposal係輸左人地好多, 最唔奮氣的係一份原本可以做得好好的野,
最後竟然變成咁樣, 真係只可以講一句天意弄人...
不過唔緊要我好有信心我地的組係好醒目的, 可以玩後追依一下,
希望到時的組員唔好話我懶就好了...嘻...

我地的project已經知道我地最大的方向, 就係點樣將一個活生生的shopping網,
係moblie上面display加埋可以真真正正咁買賣貨物, 而其次的就係保安的問題,
所以最後得出的結論就係j2me, jsp加 tomcat, mutimedia係我地必學同必用的武器...

自己就對j2me有興趣多d, 因為真係可以係出面的工作中用返出來...

基於種種原因, 今日上java堂無訓過覺, 好比心機去聽, 意外地原來都唔係好難,
仲有餘力去教返人都得, 上完堂同kelly, jenny(新的女同學仔)食完早餐,
原本諗住去睇一睇jerry上籃球堂學d咩, 點知個教練以為我係學生,
結果連我都比人調左落場打, 經過二年內沙田ive的朋友們的教導,
我覺得依場比賽係打到散哂囉, 兩邊好似跑狗咁, 有兩個身型高大的人唔打陣地,
個教練又無出聲囉, 哈哈, 真係好廢囉...

打完就去左上enterprise software堂, 今堂雖然無聽,
但係我跟住lab notes做, 正當追到最後的時候down機喎,
即刻無哂心機啊...=.="...

落完堂, 等埋kelly拎jenny男朋友份英文notes後就返屋企了...
因為星期五有好多人都要interview呢...呵

返到屋企訓左一個鐘到, 就去左火車站搵老婆了,
點知一見到佢就唔理人喇, 仲要成日打人添啊...>"<
哈...我知道佢好唔開心, 但係我比唔到咩意見佢,
因為我同佢都係一樣, 自己當人地係朋友,
人地呢, 未必一定要當你係朋友...
所以我都無咩辦法...唯有講一句有我係妳身邊咪夠囉...啜^^

之後送佢返屋企勁淆底, 怕撞到佢媽媽呢...呵呵...
最後有驚無險地送老婆返屋企...

之後去粉嶺教水, 今日得三個人, yoyo仲要遲一個鐘先來,
不過今日講技術多左好多, d同學仔又受落喎...哈...
教完就同yoyo一齊過火車站喇...

返到太和操水, 點知今日又無得游...得個睇字,
睇自己的學生補考合格真係開心喇,
完左之後同拯溺會的人一齊食飯,
順便拎返d入場費, 就返屋企打日記準備覺覺lu...



>>October 20, 2005 at 12:41:59 AM GMT+8

2005 年 10 月 16 日 星期日 【酷熱】

自我懷疑!?

久違了的比賽感覺終於回到我身上, 以前的我可以利用心理質數勝過別人...
但是現在我竟然輸在同樣的東西之下, 今次的拯溺大賽其實可以說是輸硬的,
因為自己的狀態又未能回復到最快的時候, 二來自己的技術岩岩才成形(拯溺的)。

今日比賽八點鐘就要去到馬峖山游泳池了, 太早去到反而無人開門,
到後來d看更阿姐先話唔記得左開門喎, 浪費哂人地個d訓覺時間啊...
換下衫, 食下早餐好快就要落去熱身了, 尋日就睇人熱身, 今日就自己落去游...
其實講真真係唔係好想落去熱身, 因為第一項就係我的比賽,
所以我情願留返d體力, 不過要拎返d水感無辦法啦...

熱身過後, 果然第一項第一組就係我的比賽, 男子二百米游泳障礙賽...
超辛苦, 跳水的時侯跳得唔好喎, 搞到泳鏡趺左落個口度, 跳泳褲又趺左一半...
又踢唔到水, 又抖唔到氣, 結果成績超差, 三分零二秒, 歷史以來最慢的時間...=.="
之後氣都未抖順又要接力, 接力係主項係唔可以輸的...
結果我游第三棒, 順利進入決賽...哈哈, 不過都真係幾幸運呢...
不過包括我在內的四個人都唔想游決賽, 因為太倦了...

完左依場比賽之後我有好多時間休息, 打比老婆傾下計,
食下野訓左一陣, 之後就游埋上午最後一項的四乘廿五米運送假人接力賽了。
我地以諾體育會(大埔拯溺會分會)同大埔分開左兩組游,
所以我地估都估唔到我地嬴左第二組的第一名, 仲要係未盡全力...

勁開心, 得知有機會拎到以諾體育會的第一個大賽獎同埋個人的第一個拯溺比賽獎,
o拿o拿聲食完飯, 玩左陣psp, 就開始最後決賽了, 最後我地障礙接力游第七,
然後運送假人接力賽真係拎第三啊, 仲要係其中一個岩岩學拖假人無耐嫁咋...哈...
仲開心過大埔拯溺會破記錄...哈哈, 真係非常興奮呢...開心到嬴的一刻舉起手來...
比賽就係要咁樣先至好玩...我一定要搵到自己的專項玩啊...>"<

最後拎獎杯同影相, 成班都玩到癲哂, 仲拋人落水-.-"
而我就買左d野食無哂, 比人分哂啊...>"<
開心過後, 就同振波, 熊貓, 阿樂, 阿森一齊返太和鄰里上堂,
超眼訓啊...～＿～”買左野食先, 之後就準備教海洋基礎証書,
由於第一次教的關係, 好唔知點咁, 又好唔慣剩係講notes的教學方法...
對唔住呢, 各同學們...我都知道好悶的了...

不過真係想死對住佢班友, 我同佢地都係第一次接觸d內容o者,
點解我解到比佢地聽, 佢地就咁簡單都聽唔明, 真係轉數慢啊...=.="
更何況有答案溫, 想唔合格都好難啦, 不過始終都係要教...

教完返屋企, 好快就訓覺了...呵呵
好在聽日唔駛返學o者, 但係又應承左鄧sir幫佢教班了...嗚...>"<

>>October 18, 2005 at 11:42:06 PM GMT+8

2005 年 10 月 10 日 星期一 【晴】

ｄｏｗｎ　ｄｏｗｎ喔！？

本來寫了一篇好長的日記...
解釋了很多事情的...
唉...就當我無運吧...

好多野用口表達唔到, 唯有用文筆代替...
好想同妳講日記所打的野, 但係而家無哂喇...嗚嗚
唔想再打了...巨無奈...=.="唉

今日全日都唔舒服, 頭暈身慶, 肚痛四支無力...
仲要我專登搭車返捕妄上一堂好無聊的堂...

貼隻歌仔表達下心情算了...

Forever Love
詞：王力宏/十方/何啟宏/于景雯　曲：王力宏

愛你 不是因為你的美而已
我越來越愛你 每個眼神觸動我的心
因為你讓我看見Forever，才了解自己
未來這些日子 要好好珍惜
愛我 有些痛楚 有些不公平
如果真的愛我 不是理所當然的決定
感到妳的呼吸在我耳邊 像微風神奇
溫柔的安撫 我的不安定
所以我~要 每天研究你的笑容 ooh 多麼自然

forever love forever love 我只想用我這一輩子去愛你
從今以後 你會是所有 幸福的理由

愛情是場最美最遠的旅行
沿途雨季泥濘 偶爾阻礙我們的前進
感到妳的體溫在我懷裡 像陽光和煦
巧妙的融化 我的不安定
不可思議 證明我愛你的理由 ooh 多麼自然

forever love forever love 我只想我用這一輩子去愛你
從今以後 妳會是所有 幸福的理由

妳感動的眼睛 我沉默的聲音
彷彿就是最好的證明
就讓我在說一次 I love you oh (直到永遠)

forever love forever love 我只想我用這一輩子去愛你
從今以後 妳會是所有 幸福的理由

Forever love forever love forever love



>>October 10, 2005 at 9:49:16 PM GMT+8

2005 年 10 月 9 日 星期日 【晴】

Ｖｅｒｙ　Ｕｎｈａｐｐｙ　Ｄａｙ

今日本是沙灘訓練日, 但是我沒有出席,
原因是我想接送老婆返band多於出席沙灘訓練,
就算會比人話我自私又好, 無聊又好,
我的決定我唔會後悔, 因為我覺得對另一半的付出係在所不惜的...

八點半到, 媽媽出門去大埔墟等老豆一同去西貢拜山兼行山,
所以我家變得無人, 但係咁岩老婆亦要陪她媽媽飲茶同買野,
既然無緣的, 只好我一人去吉野家食早餐, 食完抖左一陣,
就飛的返band了...

返到band上天台拎樂器, 之後落禮堂練習,
發覺係禮堂背唔到譜, 出左去canteen背, 其間同豪豬傾下計...

之後開始企奏老婆先返到來, 企完奏練左一陣操,
以為佢會來哄下我, 點知佢休息咁耐都無過個來,
咁我就出左去同周浩良打左一陣波, 1 on 1啊,
最後由我三比一勝出, 不過佢唔係好識打就真的...

之後再開始練操, 練完執好野, 梓雲先講阿sir原來今日唔返,
即刻好似哂左半日咁...=.="之後踩左阿歡架單車, 載左老婆去左新街市,
哈, 第一次用單車載老婆呢, 不過佢都唔會在意的了...

之後佢的態度就令人好討厭了, 係依兩個禮拜開始,
佢唔知點解講完一d好難聽的野又會講話講笑...
我以為係佢近來發生的事令佢唔開心,
所以我都盡量哄佢開心, 忍讓多一d...

就好似今日咁, 腸仔咁岩來到話想打波, 咁岩我又想打,
我都係講下話想打o者, 腸仔自己本身都唔打得啦(傻敏發脾氣...)
之後我都係問我一直以來都好想知的野,
就係點解老婆一直以來都無睇過我打一場波,
就算係半場都好丫...但係佢竟然話最憎人打波,
唔想睇人打波的原因係佢以前男朋友成日叫去睇波,
睇到佢悶...所以佢以後都唔會睇人打波的...

哈哈, 咁其實我再打波又有咩意義呢?
咁樣老婆的角色又同我老豆我阿媽又有咩分別呢...
一樣都係唔會認同我, 好似我老豆咁, 我嬴左十幾廿個獎牌又點?
佢咪一樣會話係垃圾...

ok啦, 唔打波咪唔打波囉, 問老婆食唔食飯, 佢又要同阿歡講無錢食飯,
我話請佢食飯, 佢又話唔駛, 話我唔開心食咩都唔開胃啦...
咁又即係咩意思呢?唔通我真係無用到連一餐飯都比唔起??
妳唔鐘意我幫妳比錢的, 妳咪第日還返比我囉,
係唔係我要請哂我所有朋友食飯唯獨是唔請佢一個,
就顯得佢特別d呢...哈

真係好令人討厭, 如果成日都係一句講笑的,
我今次係好認真的發脾氣的, 我暫時唔想再同佢講任何的野...
最好笑的係佢講笑的時一d都唔似講笑囉...

之後我就自己一個回家訓覺訓到八點了...
今晚食m記啊...熱氣到死...～＿～”
食完返屋企準備訓覺...

哈, 佢一定會話唔知我嬲咩啦, 點解我就一定要估到知道佢嬲咩呢??
我知道佢唔多開心, 知道佢唔舒服, 但係我呢???

我心中的唔開心又有誰同我分擔啊??
我的壓力又會唔會有人明白啊??
個個只會覺得我係屋企好幸福, 哈...
如果係咁的, 我而家只會好似某d人咁剩係識得依賴人啦。
(自己知道我講緊d咩人...)

可能我真係唔識得做一個好的男朋友吧,
點解人地的女朋友可以咁開心, 而我的呢??
幸福可能就一種好接近又遙遠的東西吧...


二等天使 劉浩龍　

作曲：側田

神聖那種容貌就似妳　觀眾看著亦會覺得很好奇
神如何明白造妳　就似天使這麼美
沒法比　沒法比　無限美

＊而妳缺點　就是極可惜跟我在拍拖
　淪落地拆翼跌落世間不能像最初
　而妳最好　在蜜運之中未宜提及我
　人前避免在印象扣掉那麼多

　無法避免　令妳沾上了污點
　共妳相愛惹不起艷羨　只惹閒言
　令妳這完美天使污染
　而振翅飛不到妳的天　累妳失去了冠冕
　但妳卻待我一點也不變＊

REPEAT　＊

Oh no! No No No...
我亦陪著妳　這些年
仍然難令我心虛

怎麼算　令妳沾上了污點
共妳相愛惹不起艷羨　只惹閒言
令妳這完美天使污染
而振翅飛不到妳的天　累妳失去了冠冕
但妳卻待我一點也不變


>>October 9, 2005 at 11:51:29 PM GMT+8

2005 年 10 月 8 日 星期六 【雷雨】

唔經唔覺我成個月無寫日記。

今日我無咩做, 一朝早訓到中午, 約左阿媽去太興食飯,
但係太多人, 所以我地去左鏘記, 因為我遲到的關係...
所以比佢鬧左好耐...=.="

之後就去左阿偉屋企打牌, 今日手風好順呢...
食左五鋪, 出沖一次...其嬴廿三蚊, 一蚊一番...呵
今日阿偉真係一鋪都無食過喎@.@"

打完牌用左嬴返來的錢錢飛的過太和,
點知去左波又無得打, 組又無得返...
結果去左老婆屋企條樓梯口等老婆, 陪佢坐左陣,
跟住就返屋企了...

返到去屋企, 等左一陣就去食飯了...
去左新開的太興, 有焗燒味飯食的...厲害吧...
仲要成四十九蚊位喔...真係賺到佢笑啊...
等左成九個字位...所以阿爸趕住返工食完走先(唔知係唔係想煲煙)
我就同阿媽回家了。
上左阿偉屋企坐陣打陣機, 返上屋企同老婆sms陣兩次就訓了...

p.s. 老婆近排變得好拽呢, 野蠻了...一定要罰下佢先得喇...哈哈...^^


>>October 10, 2005 at 3:55:33 PM GMT+8

2005 年 9 月 17 日 星期六 【晴】


今日係開學一星期的最後一日, 要認識的同學應該可以話認識哂,
亦都明白到來緊這個學期將會有幾辛苦...>"<

同樣地亦明白到邊到同學有機心, 邊有係有機心但係唔想害人...
邊d係真心想做朋友仔, 但係可能真係性格不合吧...
所以我和同學仔相處時難免會退讓三分呢,
如果都係好似之前沙田ive時那樣識到這麼多志同道合的朋友的話,
那會有多麼的美好呢...


>>October 2, 2005 at 8:47:42 PM GMT+8