|
2006 年 3 月 18 日 星期六 【酷熱】
reply to 過路貓, 好高興見到妳再次回覆我呢,
其實我已經無咩事了, 應該係話無去諗依一方面的問題至岩。
開心又係咁過, 灰亦都係咁樣過; 因為本身的信心動搖了,
所以我想做返好自己先去諗, 例如改改自己的壞習慣啦...
其實唔開心同埋大壓力的時間都會不自覺去諗身邊有個重要的人支持自己真係唔錯呢,
不過都係自己係度傻o者...哈哈, 只係想佢開心自由一點, 我諗咩關係都無所謂了,
講唔講佢的事比我知, 同唔同我做朋友, 所有的都係佢的自由同埋選擇ma...哈哈
講得太多廢話添=.=", 我游水唔算好叻咋, 勉強來說我都只可以話自己係識游水,
同埋識待教人地游水...呵呵...慢慢來啦, 比心機一定會學得識的。
哈, 期待同貓姐姐再次傾計呢...
部電腦終於都算係搞返掂喇, 唉...
有兩個原因搞到我咁遲先整得到部電腦,
1. 我部電腦係廠機, 所以唔可以係屋企format,
更加唔可以係人地部機裝window...我講緊的係第二個harddisk...
2. 我媽媽無端端發脾氣, 其實係佢嬲我老豆成日都遲返屋企,
之但係佢鬧唔到我老豆所以就搵我出氣, 佢叫我執房...
所以我依兩, 三日都係度執房...而且仲要我拆個harddisk落阿偉度整...
唉...走左成兩至三轉...>"<...嗚嗚...
直至今日先整返好部電腦, 先哄返我媽媽...
哈, 今日返小組帶敬拜...好緊張呢, 好在有小吉係度...
我要快d學識彈結他牙, 雖然只係彈左四次...=.="
終於都可以抖抖氣了, 最緊張的時間過去了,
多得kelly幫我搞掂左個assignment。
原來好難嫁個program, 所以我都要自己再做一次了。
>>March 19, 2006 at 12:53:46 PM GMT+8
2006 年 3 月 16 日 星期四 【微冷】
唉, 最唔想發生的事終於都發生左,
我屋企部電腦死左, 好無奈...=.="
仲要病病地, 就病就病咁超辛苦...=.="
我諗係傷風, 喉嚨痛加上智慧齒...>"<
近排都真係幾多野做下, 今晚又要考拯溺筆試(三份卷一齊考...=.=),
來緊星期六夜晚又要帶敬拜, 星期一又要交一份mobile的assignment...>"<
仲有星期一夜晚就約左好多朋友仔book場打籃球。
下個星期又要交psic的assignmet同埋final year project的demo...
唉, 依個時候先至死機, 真係唔知點算...>"<
哈哈, 靜雞雞上堂打埋篇日記...^^
reply to 路過貓: 哈, 唔講都唔知search游水野會搵到我日記喎,
我當然唔介意啦, 難得妳咁有緣來到我日記, 要睇多d添牙。
不過妳睇左一部份就覺得精彩嫁喇??
好高興認識妳呢...(我係唔會打貓的, 就算打都唔會犯法,
因為我都係貓, 貓打貓都係隻揪o者, 呵呵^^)
人來人往 陳奕迅
曲：陳輝陽 詞：林夕 編曲/監製：陳輝陽
朋友已走 剛升職的你舉杯到凌晨還未夠 用盡心機拉我手
纏在我頸背後 說你男友有事忙是借口 說到終於飲醉酒
情侶會走 剛失戀的你哭乾眼淚前來自首 寂寞因此牽我手
除下了他手信後 我已得到你沒有 但你我至少往後 成為了蜜友
閉起雙眼你最掛念誰 眼睛張開身邊竟是誰
感激車站裡 尚有月台能讓我們滿足到落淚
擁不擁有也會記住誰 快不快樂留在身體裡
愛若能夠永不失去 何以你今天竟想找尋伴侶
誰也會走 剛相戀的你先知我們原來未夠 借故鬆開我的手
藏在貼紙相背後 我這苦心開過沒有 但試過散心旅遊 如何答沒有
閉起雙眼我最掛念誰 眼睛張開身邊竟是誰
感激車站裡 尚有月台曾讓我們滿足到落淚
擁不擁有也會記住誰 快不快樂有天總過去
愛若為了永不失去 誰勉強娛樂過誰
愛若難以放進手裡 何不將這雙手放進心裡
時間會走 剛失戀的我開始與旁人攜著手 但甚麼可以擁有
纏在那頸背後 最美麗長髮未留在我手 我也開心飲過酒
>>March 16, 2006 at 9:28:59 AM GMT+8
2006 年 3 月 13 日 星期一 【陰晴不定】
澳門一天遊, 超辛苦牙...>"< (後續)...
>>March 13, 2006 at 6:31:32 PM GMT+8
2006 年 3 月 10 日 星期五 【晴】
哈哈, 真係一個好神奇的日記版...
由於一次過有好多人留言, 好耐都無試過咁熱鬧喇...
我一次過reply哂你地丫, 雖然有d已經從唔同的途徑回覆左。
reply to 琳琹, 好高興認識妳, 多d來我日記, 多d同我用email傾下計吧。
reply to 倩雯, 要講的尋晚已經講過了, 再講就只會令人覺得"沉"...
覺得對唔住妳的地方係我成日講的同心入面真正個句唔同,
但係我已經改變緊了, 仲有的係希望妳相信我尋晚所講的真心話吧。
我唔想再令人誤會了呢...不過唔誤會都誤會左了,
解釋又解釋完了, 讓大家冷靜一下, 比一d時間去消化一下大家的諗法吧,
等妳返來睇我日記牙...嘻^^, 祝妳快d好返啦...
reply to 霆峰, book場的日子係二十號, 八點至十點, 係大埔墟新街市七樓。
哈哈, 正如你所講咁, 所以我唔會係日記寫太多的個人的觀感了。
因為我會將我個人的負面說話帶進日記入面, 當中包括左好多悔氣說話,
好多都係剎那間亂諗野得出來的諗法, 從而會傷害到人...
唔知點解真係咩都無諗了, 哈哈, 心情好輕鬆的感覺...
但係好倦呢, 超多野做...
reply to 阿歐, 都係一d熟自己的朋友先會睇得明,
當中唔包括女朋友, 家人, 同埋唔熟自己的朋友,
but ayway, 以上都講左唔會再讓戈誤會了。
psic我拎七十幾分嫁上年, 唔drop左佢令到我哂左好多時間,
我都等緊佢請人來講講座, 因為我都想聽取唔同的人的經驗。
cateen而家來說係美景同青衣食野最平的地方。
我會默哀佢的離去, 期待新的一間cateen, 嘩卡卡‧
>>March 10, 2006 at 10:19:36 AM GMT+8
2006 年 3 月 9 日 星期四 【酷熱】
好倦好倦
今日要返八點半, 尋晚訓得唔係咁好, 原因係...
上堂勁唔留心, 不過都做完份野算係交足貨。
之後就打波, 我要練好d技術喔, 唔想打極都無咩進步。
但係無咩人打, 所以臨走先有得鬥波(3 on 3)...
我兩個隊友都倦到屎左...結果打三場, 臨未香。
打完波就去左cateen, 學校的cateen做埋聽日就唔會做,
點解咁多值得懷念的地方都相繼係今年內消失呢??
多福...陪左我十幾年的租書店, 鴻強...雖然唔係去左好耐,
但係都有我好多的回憶, 到而家的cateen, 少左一個平的地方食野了=.="嗚...
玩左陣啤牌, 雖然係接阿steve玩, 但係我連嬴連到玩完~"~
之後就去上psic(職業操守堂)...好悶, 只有佢講無人講,
仲要無考試, 所以我同阿偉佢地去打康樂棋...
打咁多嬴咁多鋪, 哈, 我以前係中學時代可以一Ｑ清檯的喔,
而家已經渣左好多了...哈哈
打完棋我就返屋企抖抖了, 之後執埋D野去拯溺隊操水了,
太耐無游水條氣管頂唔順, 勁痛, 不過我要減肥牙．＼／．！
游完一齊返屋企, 睇到留言, 好唔開心,
所以即刻同倩雯傾傾, 唔再多講了, 我的想法已經傳達哂比妳知了,
我唔想再講左咩誤會左原本的意思。
而家我只係想做妳一個好好的朋友, 係一個妳唔會信唔過的朋友,
好似阿東咁, 甚至比佢更接近妳的, 其餘的唔諗了。
好高興妳踏出左第一步了...哈...不過想將之前的誤會取消的話,
我諗都要一段時間了...再見亦是朋友...嘻嘻...
講哂一直以來想講的野之後鬆左口氣,
無哂不安不甘的感覺, 我諗我真的可以真真正正地放開了吧。
之後的事隨遇而安吧, 哈哈...
好奇妙的一日, 感覺一日入面發現好多野,
而且個人又睇開了...好正...^^ THANKS GOD...
>>March 10, 2006 at 12:05:45 AM GMT+8
2006 年 3 月 8 日 星期三 【微冷】
好撚ｏｎ９的一日
今日原本都無咩發生, 好如常咁返我的學, 打我的波,
打打下無啦啦有人打電話來, 我一聽以為係倩雯打來家常便飯,
頂...原來打來係懷疑我...
真係好搞笑囉, 佢自己比人屈得多應該都知道咩事,
我跟本無得解釋...係...我有做過和事佬, 估唔到竟然變左做禍心。
最失望的竟然係一個我最相信佢唔會懷疑我的人誤會我。
好明顯唔係講我知有依件事囉, 而係質疑我囉。
原來我一路將心比己咁做到最好, 我一直以來除左有一次講過唔信佢之外,
竟然到頭來得到咁的回報, 我好想知道的係佢愛過我d咩牙??
我同佢的心竟然係亳無交流, 真係令我好後悔...
既然佢係咁唔相信我, 咁我地跟本就無朋友做,
因為我都係一樣, 人地對我唔好我一樣都會對返人地唔好,
何況分左手咁耐以來佢有問過自己一句咩??哈, 真係好笑喇。
可能而家我真係激動左, 我真係好唔想自己憎佢。
我真係做到最好咁去愛佢, 點解要聽到最唔想聽到的說話出自佢把口。
識左十年的朋友可以攤牌, 可以相信, 可以講和, 哈,
我以為自己同佢的距離可以拉近了, 因為謝心令到我同妳的關係愈來愈差,
(無錯, 我係度講緊佢壞話, 我相信有眼見人都知道唔係囉...)
我同佢一年零四個月, 仲要唔止囉, 我之前識佢的時間,
我以為我同佢真係有身心的交流...我以為付出會有回報真係好錯好錯。
我唔會再講自己有冇講過了, 既然佢同我的細妹無野,
我已經唔會再講咩
第一, 我無理由要咁做, 我得唔到任何的益處;
第二, 謝心都算係半個妹, 就算有咩我都應該幫佢,
唔係妳囉, 但係竟然幫左妳都咁樣...哈...真係好搞笑。
第三, 係度哂咁力打咁多字, 雖然唔知妳睇唔睇到,
我已經比左我的誠意了。
現實始終都係現實, 無論點都唔可以比自己神化佢的,
既可盡如人意, 但求無愧於心...
無一個人一定要對另一個人好吧, 我已經容忍得超過我極限了,
請不要再煩我吧, 好嗎??既然妳有了一班好的朋友, 有一個鐘意的人,
唔該妳可否對我正常一點嗎??不要再搞到我無心情影響到其他人了。
但願妳過得一天比一天好吧...無論係唔係朋友都好,
我仍然都係會咁樣祝福一個我好盡力愛過的人。
唉...好撚心痛, 好撚想哭...好撚無奈...
>>March 9, 2006 at 1:26:34 AM GMT+8
2006 年 3 月 5 日 星期日 【晴】
今日拯溺比賽牙, 極之唔想去, 因為我唔想打一場無把握的仗;
而且如果唔係想嬴的話去到比賽場地除左幫人打氣之外我諗都係哂時間吧!?
>>March 7, 2006 at 1:30:24 AM GMT+8
2006 年 3 月 3 日 星期五 【微冷】
迷茫
這幾天我的心裡都有兩種思想在爭持著,
其實我知道一直以來我都沒有停止過對她的思念。
很想有一天可以再親吻她的面頰, 輕撫她的頭髮,
輕輕的抱她入懷裡; (我還記得要就一就高度呢, 不然女孩子頸子會酸痛呢。)
另一方面, 我亦覺得自己好自私, 一直以來都想她在自己身邊;
但是只要她是覺得開心的, 有了一個她喜歡的人不是已經很足夠了嗎?
她帶給我的已經夠多了, 很多的第一次, 很多幸福的回憶;
最緊要的是, 她令我明白甚麼是失去, 甚麼是珍惜,
再一次體驗孤單一人的感受。
哈, 一直以來都是一個怕寂寞的人呢,
可能為了隱藏這一份懦弱, 我努力的做好多的事情,
最初是為了家庭, 之後是朋友, 到最後就是身邊的愛侶,
我愈來愈覺得自己是孤獨的, 我很怕麻煩到別人,
所以我很想我的女朋友在我身邊支撐著我這個想法,
哈, 所以才說自己是自私的, 一直以來都注視在那個令自己不再孤單的人,
忽視了很多很多的事呢...唉...
所謂的堅強是甚麼呢??不再哭泣就是堅強了嗎??
承擔得起所有又是堅強了嗎??有能力照顧自己之餘令屋企人都有幸福??
我記得以前我好似同她傾過這問題, 而且仲講到鬧哂交咁(真係唔知點解會成日鬧交=.=")
而家我好像了解到一些眉目了。如果只是看見一片葉子的話, 就會看不見一棵樹;
如果只是看到一棵樹的話, 就會看不見整個森林; 『看』其實係似看非看,
才可以觀察到全體...
哈哈, 係唔係好難明呢, 其實好簡單, 明白個道理就可以了,
一個人可以放棄對一樣東西的執著(唔知係咩, 在我來說當然是她吧!?)
明白到自己的渺小, 在進步的同時了解到自己只係其中之一座山,
山總會有高低吧...呵呵。就算係最高的山上面還有天空吧。
堅強就是這麼一回事了, 希望自己亦有做到的一天。
心裡的信念自己可以堅持多久呢??會不會像這幾天般焦躁不安呢??
好多事情明白到那道理, 但是仍然會繼續做下去的呢...唉...
用了這麼多的時間寫了這麼多的廢話, (苦笑)...
但這已是我的全部想法了, 現時的。
想得開想唔開只係一線之隔, 無論如何,
我都唔想再麻煩到朋友們了, 就自我封閉一排吧...
>>March 3, 2006 at 11:11:45 PM GMT+8
2006 年 3 月 1 日 星期三 【晴】
所謂的強大是甚麼？是包容一切的能力；
還是不斷挑戰向上的野心；還是不再害怕孤獨一人？
如果真的是這樣的話，我亦要成為一個強者甚至係一個成熟的男人。
Ｂｅ Ａ Ｍｅｎ~~
...今日得知有一科唔合格要補考呢...
不過好在同自己估計的一樣, 所以無咩, 呵呵...^^
>>March 1, 2006 at 11:06:30 PM GMT+8
2006 年 2 月 26 日 星期日 【微冷】
reply to 細妹, 哈哈, 開頭我仲以為妳係我拯溺個細妹牙,
點知妳真係我細妹喎, 呵呵, 勝利女神已經唔存在喇,
有的話我再話過妳知丫, 我相信好快會有的。...呵呵^^
繼埋今日, 我已經連續打左六日波喇,
同拍拖一樣, 同自己的心愛的人一個星期見到六日都會厭啦,
更何況係籃球, 哈哈, (親愛的籃球唔好嬲嬲喔, 啜啜...>3<")
其實唔係厭的, 而係愈打就愈覺得自己的進攻太單調,
由其中距離射波準左之後, 就無左爆籃的能力了。
一直都想搵返一種新的感覺, 不過今日似乎未係時候呢。
打完波同阿溢食飯, 同佢傾左一d對愛情的睇法,
哈, 希望你同女朋友仔會有幸福啦。
食完飯返屋企沖個涼我竟然由十二點幾訓到五點幾。
起身的時候勁唔舒服, 好辛苦好weak咁個人, 不過又唔係發燒喎,
個心臟又痛了...嗚=.="
之後kelly打左來傾陣電話, 我都知道自己唔係好識得安慰人,
不過我都知道我只需要做一個聆聽者, (係拍拖個陣學識的...呵)
but anyway, 希望妳睇得開d啦, 放開d的話就會無事喇,
還掂都無解決辦法咯, 倒不如輕鬆面對。
之後就食飯, 食完飯我就繼續報城市大學,
唉, 網上面報真係好麻煩, 有好多野都唔可以唔填。
有d野要問阿媽先知, 但係佢又發我脾氣, 唉...唔問囉。
唔報啦, 聽日先算...
唉, 仲有好多麻煩野, 本j2me書好似真係無咩用,
唔知係我自己睇唔明定係真係無用呢。
我唔想見andy牙...>嗚<"...又要比佢鬧喇...
仲有拯溺個度又係好麻煩, 都係自己衰啦,
咁多次都考唔到, 搞到d野拖慢哂, 三月五日仲要比賽添,
十三號又要交大綱補返個拯溺教師, 真係好煩呢..
不過都係一件好事來的, 愈忙就代表我的圈子愈大,
愈學得多野, 我要你今年之內學識彈結他牙。
>>February 26, 2006 at 11:29:05 PM GMT+8
|
|
reply to 過路貓, 好高興見到妳再次回覆我呢,
唉, 最唔想發生的事終於都發生左,
澳門一天遊, 超辛苦牙...>"< (後續)...
好撚ｏｎ９的一日
reply to 細妹, 哈哈, 開頭我仲以為妳係我拯溺個細妹牙,