2006 年 6 月 8 日 星期四 【清涼】

溫書............................(汗)

明天就是最後一天的考試, 成也敗也, 盡力了(這兩天=.=")
成也在於阿sir點樣改卷, 敗也亦是...
不過就是擔心六字頭都不能滿足於大學的要求...>"<

近日頭髮長了, 感覺總是在出汗, 而且是很難乾的...唉...
好想留長頭髮喔, 唔想再倒生得很厲害所以要將後面的頭髮留得長長的...
有些討厭自己出汗多的體質...唉...

所以依兩日我會剪頭髮了...呵呵...因為我九成的汗係來自我個頭的=.=""

p.s. reply to 霆峰...唉...佢偷拍都仲可以攞獎...都真係幾咁無奈...
依個巴士一日唔死, 就算死左佢都會係一單新閒...～＿～”
至於出來唱k牙??等你得閒同我打波先算啦。

reply to 貓姐姐, 妳好想要秘笈咩??我比妳丫我屋企有好多...
我諗個d就係拯溺的notes來的, 我諗振波佢都係臨教之前做一次revison咋。
佢當然係厲害啦, 佢master畢業, 做事有系統有交帶...呵呵...
至於真正的秘笈妳應該睇唔明, 因為個份係游泳教練的notes,
當中的道理需要妳懂得做那些動作才會明白的...

哈, 振波成日都會係馬安山泳池教拯溺的, 妳得閒可以話識得我同佢傾傾計嫁,
不過唔記得左話比妳知, 振波游水的技術係mama地的, 佢做gim做到太犀利,
唔夠柔軟了...妳都要練習多一點啦, 同男朋友游水有個好處就係佢可以照顧到妳...

加油牙, 比心機學識游水...^^

>>June 8, 2006 at 11:39:58 AM GMT+8

2006 年 6 月 7 日 星期三 【晴】

電腦壞了...

唉, 家中的電腦常壞, 現在已是不能夠開機了...無奈中...
唔知大家有冇開我的日記時不時咒罵小宏唔寫日記呢???

依幾日都是為了準備升大學有關的最後考試作準備...
唔記得左幾時有個人同我講過一番說話...令我好在意...
好想升大學呢...唔想浪費自己的時間同埋機會...

好搞笑地近日竟然有個不知所謂的阿叔 -- 巴士阿叔...
唉...唔理佢身世有幾咁可憐...但係其實好多香港人都同佢差唔多o者...
佢只係講出左一句名言『大家都有壓力』的傻仔咋...
咁就有九千蚊一個月??上左三日頭版??仲要外國報導依件事添...
真係好可笑...人地外國人只會話我地香港而家好腐敗罷了....
近日見到一個有線的安裝員上門唔登記, 比我樓下的看更叫停...
仲要好唔滿意咁聲大夾惡咁鬧返人地...唔該哂, 有d服務態度,
登記一下咪可以囉...真係好學唔學...勁白痴...=.="

今日見到阿偉一直強調的靚女...真係靚...又係個種bi.li.ba.la.型...
應該係話d性格好似成熟左的倩雯咁樣...(事實係人地大d丫ma...~"~)
哈...唔知點解對依個女仔無咩興趣...只係覺得佢應該係一個好玩得的朋友...
希望可以認識多一個女性朋友吧...佢仲約左我同阿偉游水同唱k添...

經過依件事我又更加想修身同買衫衫了...而家的衫唔岩著喇=.="
依d天氣都係著波衫算...^^"

寫住咁多先喇, 有機會落來阿偉屋企再寫...

>>June 7, 2006 at 10:32:46 PM GMT+8

2006 年 5 月 23 日 星期二 【晴】

見做唔到project d野, 咁就reply下各位寶貴的留言喇...呵呵

reply to 霆峰...死仔, 快d同我打波牙...駛唔駛整返隻最佳損友比你聽下牙??
唔知你發生過咩事, 因為都好耐無聯絡了...哈...得閒的話記得講返比我知咩事牙...

reply to 區(1)...可以牙, 請外援絕對不是問題, 不過而家得我一個人搞,
而且無咩時間呢...依樣你應該明白呢, 不過有心就好好喇...

reply to jenny...哈哈, 我明白牙...我唔係話妳蠹...妳一點都不蠹...
相比起我我好欣賞妳的努力添...因為比著我上年我連理都唔會理...
加油吧...只差兩個星期就會過去了...到時我將會變得比妳更加忙...

reply to 貓姐姐...嘩, 真係好快呢...恭喜哂妳牙, 希望妳地可以有情人終成眷屬啦,
哈, 唔知道妳會唔會係大埔泳池游水呢, 到時我地見到都唔會知道對方係邊個呢...呵呵
佢捉妳落大池的話, 妳咪成機攬住佢sweetsweet下囉, 不過唔好太過依賴了,
免得又重蹈覆轍了...哈, 講起上來我都有好多回憶關於這樣野呢...

其實我都無諗過自己會上台表演的, 我只是想一個人的時候都可以做一些東西,
例如情緒到, 有feel的可以自彈自唱下, 發洩一下情緒, 跳舞都好正呢...
好厲害呢姐姐, 竟然學了四年跳舞, 不過我諗以我肥大的身型,
再加埋d筋都硬哂了...好難再學得好吧...哈...到時不如咁啦,
我教妳游水妳教返我跳舞, 哈...講笑咋, 真係學個陣時send email比妳問下妳意見就好...

我好明白妳講的野, 我都唔會想自己後悔...所以我先會想做咁多野...
我而家都唔著急了, 對我來說已經沒甚麼事了, 只是有點不是味兒的感覺...
而且她都有了帶給她幸福的人了, 只有希望她能開開心心吧...
這次令我明白到好多東西, 甚麼應該去, 甚麼又不應該做,
甚麼事不可令人原諒, 甚麼事應該做得更好, 我也明白到了...
不再強求甚麼呢, 我只想擴闊多一點生活圈子, 多一點女性朋友陪我去下街,
已經可以分散哂我的注意力啦...哈哈...

得喇得喇, 知妳唔係曬命喇...哈哈, 暫時無咩要隱瞞...
不過妳都可以send下email比我的...
[email protected]

reply to 歐(2)...我的人生唔灰...呵呵...我幫你加返d色彩丫, 嘩卡卡...


>>May 23, 2006 at 10:02:02 PM GMT+8

2006 年 5 月 21 日 星期日 【晴】

得閒飲茶...

今日終於都睇左買左好耐的碟...就係得閒飲茶喇...呵呵
第一當然係想睇靚女vivian啦, 第二套戲的主題岩我睇...

今次套戲不算太好...因為喜戲又不是好好笑...愛情片又要是讓人猜想的那種...
但只要明白的話其實都尚算不錯了...不竟人家都是第一次做導演的啦...

內裡有幾慕都幾有feel的...包括方力申的心入面的一個監獄啦...
岩的, 人是要食飯的...將自己困在一個密室入面也不是辦法。
另一慕反而係唔起眼的角色身上, 一個係李家棟, 另一個係方力申老豆...
講的說話都好中好中...女主角vivian靚之餘完全地做出現昤香港女仔有的特性...
其實男人同女人都是一樣...時間心理等等...到最後vivian無同方力申一齊...
雖然佢地後來好夾, 成日一齊...但係最終vivian都是錯過了...心的監獄多了一個女孩子...
反而方力申逃離了監獄...只是間唔中咁返返去...

哈, 我就睇出左另一樣野...其實真係唔需要急...女孩子只要過了廿五歲後就會變了...
她們會覺得自己老...工作能力下降, 那時候係女人最需要結婚的時間...
相反男人只是剛剛起步而已, 而且愈來愈有魅力...唔信就睇下劉德華啦...
跟據香港女多男少的條件, 跟本就唔愁係拖拍...呵呵...
而且男人, 有一班朋友得閒可以飲下酒吹吹水的, 又可以踢下波打下波咁的...
其實都叫做唔錯喇...當然女性都可以啦...

和你在一起到最後的都不會是你的最愛...我想那是各位爸爸媽媽心入面想的吧...呵呵
好後悔身邊好少女性朋友可以傾下計添...這個暑假真的要認識多一點人的說了...呵呵

得閒飲茶啦...睇完套戲輕鬆了不少呢...

>>May 21, 2006 at 11:59:06 PM GMT+8

2006 年 5 月 20 日 星期六 【晴】

最近...

最近經常會想想自己將來應該做些甚麼...???
拿開功課, 讀書的不談...未來或者短短的幾個月裡我應該做甚麼...
我諗都是減肥修身吧...呵呵...

今日家姐一提, 真係有諗過做消防員喎, 只是太危險了吧...
不過真係好大機會考得到...而且時間好岩自己呢...嘻嘻...

除此以外, 可能會讀part-time u, 再做part time工吧...即係半工讀=.="

至於興趣呢??我想幫我那學了近七年的管樂考返個級試吧...
始終是學很久了...不想就此帶過...之後我想是學結他吧...
自彈自唱加埋作曲...正牙...得閒寫下歌講下自己心情都唔錯呢...
雖然唱得好難聽...嗚嗚...

又想過學跳舞喎, 看見那些女孩子跳舞就學得好型了...
學學阿rain都唔錯呢...講笑咋...很喜歡跳舞的感覺就是了...

運動方面, 考返個籃球教練甚麼的就夠了...
能夠組一隊籃球隊出來又傳到福音又可以參加比賽,
我想無甚麼東西比這更值得高興吧...

拍拖呢??隨緣吧...學習一下不再著緊...慢慢的適應中...

>>May 21, 2006 at 12:19:34 AM GMT+8

2006 年 5 月 17 日 星期三 【驟雨】

說不出的疲倦感...

近排的心情像是受到了一些事情的影響...不是唔開心,
只是有點焦躁而已...想找人打一陣波, 難得的約了bryant,
就是打風下大雨, 真是天公不做美耶...

想找人吹吹水...傾陣計...重新確定一下自己該怎樣...
除了最近的阿偉, 還有間唔中打來的alan外, 還有誰既明白我亦願意聽我說話呢??
各人有各人的忙...有的要返工為自己的前途, 有的要上學為未來的工作作準備...
舊是的玩伴, 老死, 兄弟, 現在是做甚麼, 想甚麼, 我想我再聰明也不能想到吧...哈...

功課的事令我忙得一頭煙, 真是可笑呢, 而家同jenny一齊做project就好似以前,
我同alan一齊做project一樣...我想我有點明白那時alan的感受吧...
好明白jenny有自己的事要忙, 亦都有好大的壓力, 因為我上年就是這樣子的牙...
所以更不想有第二個我的出現, 所以出言不遜了幾句...希望不要介意吧...
哈, 仲有牙, 我不知幾咁醒牙, 我唔會要alan講幾次的喔...嘩卡卡...^^(講笑)

過去, 現在, 將來...我現在是身處於那個時空呢...明明很實在的覺得自己在向前進...
但又覺得自己好像是不進則退...哈...我諗很少人會有這情況吧...

忘記過去, 努力現在, 等待將來的緣份...又有幾多人可以做得到??

發完嘮叨了...又是一輪沉默和忙碌了...

>>May 17, 2006 at 9:25:08 PM GMT+8

2006 年 5 月 16 日 星期二 【晴】

reply...sorry呢留言給我的各位...(不過其實得兩個o者...)
依幾日一打完回覆就hang機...好無奈...

to 倩雯, 正想講我的日記只係得返阿歐同埋貓姐姐來留言了...
唔緊要喇, 妳有睇就行了, 返工比心機喇...仲有牙,
好好地珍惜身邊擁有的人吧, 祝妳新婚快樂喎...哈...

to 貓姐姐...我發覺原來妳所講過的教學方法同我的好相似呢...
不過我多數都係教小朋友多...可能係我偷學左妳個兩個恩師的技術吧..哈
我都有慈父之手呢, 不過我仲未係人地爸爸...唔好太過依賴教練喔...
習慣了慈父之手好難介的, 不過唔緊要啦, 妳都唔係小朋友了, 應該無問題的喔...

有人約咪好囉, 又唔見我有人約, 我想見返個同學都難牙...
真係慘...不過小心d好, 始終依個世界都是有危險的喔...
忙還忙, 有一些調劑品咪幾好...

林sir應該沒甚麼呢, 可能是太忙吧, 我都好少見佢,
多數都係拯溺比賽先至見到佢呢...

我的心情妳睇我日記已經明白, 我唔想再多講了...
應該係話係日記唔方便講才對, 始終能說的有限呢...呵呵...
不要誤會喔...我唔係唔想講妳知又或者係想約妳喔...哈哈...

是嗎?五四青年節...那天很熱很曬呢...哈...
其實同類型的表演已經出過好幾次了, 不過今次係我無返好耐band再玩返...
哈...其間還"炒粉"了...唉...唔知妳個妹有冇見到我呢...呵呵

>>May 17, 2006 at 9:47:19 PM GMT+8

2006 年 5 月 14 日 星期日 【晴】

返band...超級黑仔日...

今日我又返左band喇...呵呵...我終於都決定左去北京近流了...
不過都真係好貴...(暑假白做...都唔明白點解咁多中五的學生可以去到...)
二來我唔係好想同三肯的人一齊去...雖然阿sir係話我唔想同倩雯去...哈哈...
講真丫, 都咁耐了, 咩都無啦...愛一個唔一定要擁有, 我而家非常之明白...

太耐無返過band, 咀力全失...雖然仍然吹到大部份的歌...
但係全部的音都flat哂...不過同一大班人一齊玩band有傾有講都真係幾開心...
有梓雲, 沛沛, 豪豬, 阿東, circle等等...

放左band比阿偉叫左去打牌...開頭都沒有甚麼問題,
自從阿偉的表組落左場之後我的運氣就一直下跌...
由一叫糊就出沖, 到打咩來咩, 直至到打到變左大相公...
未試過完全唔想打下去...真係唔知做錯左咩...>"<

自從我一個心愛的人離開左我以後, 我就一直沒有運氣...
諗起上來自己真係好傻, 不過我無後悔過任何的事情...
我一直都想搵一個人可以取代到佢...
不過那人還沒有出現呢...還看看有冇機會再撞到她吧...哈哈...

>>May 14, 2006 at 10:22:08 PM GMT+8

2006 年 5 月 13 日 星期六 【酷熱】

嘩, 我屋企隔離著火牙...恐怖喔...>"<

>>May 14, 2006 at 9:38:45 PM GMT+8

2006 年 5 月 12 日 星期五 【晴】

返拯溺都係為左細妹咋... 哈哈, 做舅父喇 (講笑)

好無奈...打完篇日記因為hang機無左...無哂心機添...
今日無咩發生都係做lab傾project咁過...

夜晚去左返拯溺, 哈都有好幾件事發生...
想知就問我好了, 唔想再打...=.="

p.s. 唔想再做搞手了, 無哂心機, 下次有野叫埋我再決定去去好了

>>May 14, 2006 at 10:22:45 PM GMT+8