2005 年 9 月 7 日 星期三 【清涼】

Copy　From　周彥君 *



　　01　　介紹自己時會叫自己　:　我係小宏 or 阿沈

　　02　　講出自己全名時會否覺得唔自在　:　我享受人地叫我全名, 除左自己覺得好fd的人

　　03　　鐘意女朋友叫你咩　: 最好就老公, 最緊要唔好 『喂 ! !』

　　04　　鐘意叫自己女朋友咩　:　老婆啊, 老婆豬, 傻婆, 得意妹, 衰妹等等...^^

　　05　　而家呢個歲數，覺唔覺好老　:　勁老, 就來廿歲喇...雙十青年會雙失=.="

　　06　　鐘意自己係整齊的靚牙定係可愛的爆牙　:　整齊的靚牙

　　07　　鐘意阿爸定阿媽　:　我鐘意我尊敬的媽媽, 討厭那少付出的爸爸

　　08　　對上一次玩的動物　:　住係深水涉藥房的狗狗

　　09　　寧願做狗定做人　:　人...

　　10　　今日的天氣如何　:　濕氣好重, 唔太舒服


　　11　　鐘唔鐘意落雨懶型唔帶遮　:　 有女朋友係身邊就會帶

　　12　　如果落雨無遮而隔離有個靚仔 / 女話遮埋你，你會　:　我會話唔駛遮我了...

　　13　　如果自己係同性戀，會選擇的戀人是　:　我一定唔會係...

　　14　　如果玩 3 PLAY ( 或更多 ) ，對象會是　:　...唔好玩啦!?

　　15　　食腸粉鐘意加甜醬定麻醬　:　麻醬　

　　16　　如果你是女人，鐘意可愛的男人還是男人味的男人　:　一個好可愛又細心的男仔

　　17　　如果你是男人，鐘意可愛的女人還是女人味的女人　:　最好係又可愛又有女人味...^^"

　　18　　如果發現自己個 BB 係隻怪獸，會否沖佢落廁所　:　我會教到變做一隻最強的怪獸

　　19　　鐘意攬定係鐘意錫　:　錫　

　　20　　Condom 鐘意士多啤梨味定係朱古力味　:　朱古力

　　21　　寧願口交，定係被口交　: 無咩所謂, 兩者無咩分別　

　　22　　ICQ Online Status 多數是　:　online

　　23　　ICQ 最常談的人　:　老婆, mimi, 家姐, 周彥君(剩係計icq的話...)

　　24　　上得最多的網　:　sina香港

　　25　　現在最想殺的人　:　None

　　26　　現在最愛的人　:　李倩雯

　　27　　現在最掛念的人　:　李倩雯, 以前ive的朋友...

　　28　　現在想做的事　:　訓覺, 咩都唔駛煩>"<

　　29　　若可以時光倒流，最想回到哪時　:　由頭再來過, 又或者中五再來過...

　　30　　鐘意左手寫字還是右手　:　右

　　31　　會否用腳趾夾人　:　會嫁...

　　32　　坐車隔離條友訓落你度，你會　:　唔知, 會避, 但係唔夠位的話都無辦法...

　　33　　會否睇戲睇到喊　:　會

　　34　　承上題，係咩戲　:　感動既愛情片

　　35　　暫時來說，一生裡最愛的人　:　god, 家人, 李倩雯, 小組的人

　　36　　暫時來說，一生裡最憎的人　:　沒有啊...最強忘記力...

　　37　　身上有重要的東西嗎　:　電話　& 手繩

　　38　　剛才食左　:　早餐

　　39　　剛才飲左　:　凍央

　　40　　剛才聽的歌　:　心計 李克勤 (好岩近排的心情...)


　　41　　剛才睇的電視節目　:　新聞報導　

　　42　　每日返學，幾耐可出門口　:　十五分鐘 至 半個鐘頭

　　43　　會常遲到嗎　:　返學成日都會遲, 教班盡量唔比自己遲　..

　　44　　會常逃學嗎　:　逃學的定義係唔上堂嗎??

　　45　　對上一次逃係幾時　:　係ive的堂有d係可以唔上的...

　　46　　砌過最多的砌圖是幾多塊　:　1500

　　47　　那是什麼圖案　:　我記得的係龍珠啊

　　48　　電話繩是什麼　:　阿媽買的手信...富民族色彩的呢...呵

　　49　　電話桌面是　:　終極可愛的老婆

　　50　　有沒有朋友的桌面是自己　:　唔會o卦　..　=口=""


　　51　　鐘意沙灘還是山頂　:　Beach

　　52　　有看過流星嗎　:　無

　　53　　分手前最後的說話，希望是　:　『我會等妳直至妳有另一段幸福的愛情』

　　54　　分手前最後做的事，希望是　:　可以引起妳回憶的動作去挽留妳

　　55　　現在最想擁有　:　新的電話, psp, 防曬衫, 太陽眼鏡

　　56　　可以不停聽都唔悶的歌　:　好聽的詩歌, 一生中最愛

　　57　　唱 K 喜歡做的事　:　飲野...

　　58　　享受唔開心嗎　:　人總有些時候要唔開心下...

　　59　　唔開心時最想　:　訓覺, 唔講野

　　60　　有寫日記的習慣嗎　:　有, 而家寫緊

　　61　　若比人偷睇左會點　:　我寫緊的係開放式的日記

　　62　　最痛的是　:　因少事令到自己同女朋友唔開心...

　　63　　若個阿叔係升降機內放屁你會　:　...

　　64　　若有阿叔自認放屁你會　:　勁!?!?

　　65　　若有阿叔谷個屁出黎放，聽到 d 聲你會　:　我會閉氣....　

　　66　　上一次內疚係幾時　:　近排經常發女朋友脾氣...

　　67　　上一次講大話　:　我無發過脾氣

　　68　　家裡有多少人　:　3個

　　69　　鐘唔鐘意新特首　:　唔想理

　　70　　你對人生的看法　:　一個唔可以reload的game, 做錯左的話無得來過

　　71　　你還想做人嗎　:　下　!?

　　72　　死之前要做的事　:　祈禱

　　73　　最得人驚的死去方法　:　浸水浸死...個樣好核突的...

　　74　　希望自己點死　:　安樂死...最好係訓緊覺

　　75　　現在最令你擔心的事　:　返學同返工的時間就唔到, 同老婆的關係差了很多...
(其實係自己變了... )

　　76　　短期目標　: 盡快完成這一年的課程, 希望可以讀到大學

　　77　　遠期目標　:　做一個專業的游泳同拯溺教帥...同埋有一份穩定的工作給我養妻活兒

　　78　　會否結婚　:　一定會

　　79　　會否生仔　:　唔知...隨緣吧...

　　80　　影相最鐘意　:　唔識得笑...哈哈

　　81　　鐘唔鐘意豹紋　:　不太喜歡

　　82　　鐘意粉紅色嗎　:　屬於喜愛的一種...

　　83　　最鐘意食的糖水　:　椰汁西米澇

　　84　　麥記鐘意食咩　:　識游水的魚柳包^^

　　85　　有沒有什麼獨特的方式食　:　一路行一路食, 最好就係游緊水先至拎來食...

　　86　　可以即時流眼淚嗎　:　唔可以

　　87　　可以忍笑嗎　:　好容易

　　88　　一天最多可沖涼多少次　:　無限次...可以係咁沖都得...

　　89　　若腸胃炎的話，你寧願狂痾定狂嘔　:　痾

　　90　　望一望你的底褲是什麼顏色　:　係灰色嫁, "左單佬"...嘩卡卡

　　91　　有否剃毛呀今日　:　無啊, 聽日會剃鬚

　　92　　有冇用止汗劑或者香水　:　成日用止汗劑, 因為識我的人都知我好大汗

　　93　　你相信自己可以打死一個人嗎　:　絕對可以

　　94　　如果你可以問一條問題，你會問咩　:　幾時可以訓覺???>"<

　　95　　別人最怕你什麼　:　 我情緒化掛...

　　96　　機舖打波波，最高紀錄係幾大力　:　好似係二百八十啊

　　97　　而家聽緊的歌唱緊邊句歌詞　:『我捨不得, 我也輸不起, 在我得到整個宇宙突然懷念妳』

　　98　　知唔知諗100條問題有幾辛苦　:　唔知, 但係一定好無聊/.\"

　　99　　這100題來自　:　周周的日記啊

　　100　 對這100問題的感想　:　分開幾次玩好辛苦



>>September 8, 2005 at 10:05:47 PM GMT+8

2005 年 9 月 6 日 星期二 【晴】

對唔住啊, 老婆...
我唔係有心話妳的, 但係我個陣真係好火...
我都係希望妳開心點幸福一點, 又可能近排有一種淡了的感覺吧...
我唔會再鬧妳嫁喇...(雖然唔覺得係鬧=.="), sorry呢...>3<"
不過妳喊個陣真係好可愛啊...wakakkakaakkaa^^


>>September 7, 2005 at 12:02:41 PM GMT+8

2005 年 9 月 5 日 星期一 【晴】

Ｈａｐｐｙ　Ｂｉｒｔｈｄａｙ　Ｔｏ　傻敏．．．

今日係我第一日返學上ｊａｖａ堂的日子，朝九晚五都真係幾辛苦下．．．
今日同阿偉一齊返學, 等車等左一陣，拎埋一份早報上車睇。　
我地今日坐下排, 咁岩有個唔錯的女仔坐係隔離呢...
唔係好夠位, 個女仔又迫埋來...=.="但係我都理唔到咁多繼續訓。

轉車的時候見到阿朱, 估唔到星期六一齊帶完考咁快就一齊返學添,
一路吹吹水就落車, 之後行返學校食早餐。
估唔到canteen的早餐都唔錯喎, 但係無時間慢慢品嚐。

食完早餐搵左一陣先搵到個課室, 因為青衣的格局同沙田好唔同。
之後開始上堂, 不過都係講返基本野, 所以都幾眼訓嫁.../.\"

>>September 7, 2005 at 12:12:45 PM GMT+8

2005 年 9 月 1 日 星期四 【晴】

由今日起我要開始寫返日記喇, 因為今日係九月一日,
好多好多人開學的大日子...

雖然我仲未開學, 但係今日仍然未處理完手頭上的工作...

１３：３０～１５：３０去左粉嶺幫周sir手教康體拯溺班,

>>September 2, 2005 at 5:34:24 PM GMT+8

2005 年 8 月 18 日 星期四 【溫暖】

Ｒe SaBi*~希: 哈...我都係講笑o者, 唔好放係心入面,
最多以後都唔講依樣野囉...

今日係阿keith的生日, 生日快樂啊keith。
唔知有咩可以祝福你, 希望你同你家人的關係比以前更進一步啦。

哈哈, 人地生日...我仍然要返工, 咁辛苦都唔知為左d咩?
係因為我想幫下阿媽手, 唔駛佢的負擔咁重...
定係想開始計劃自己同另一半的將來??

自己同朋友相處的時間愈來愈少,
真正的朋友仲有幾多??十隻手指分分鐘都數得哂啊。
哈哈, 最近係拯溺隊識的朋友, 真心的又有幾多丫...
大家有時都明白係工作驅使大家走在一起...
真係有時唔明一個有興趣性的工作入面竟然係有咁多的面...
而且關係上有咁多的分野...>"<
不過咁先至好玩的...呵...

收到消息benny入左醫院呢, 真係好想抽一日約埋一齊探佢,
哈哈, 之但係可唔可以真係約埋一齊呢??
alan返工, 阿偉又要返工, 我又要返工...唔通那打素咁近都去唔到??
唔緊要...一定有機的...

>>August 19, 2005 at 11:55:17 AM GMT+8

2005 年 8 月 17 日 星期三 【溫暖】

手痛, 眼睛發炎不及心痛來得快與嚴重...

一句『你永遠都只係覺得自己是對, 永遠都是你覺得而已』...
在我平靜的心內做出一個又一個的漣漪...

真的是如此嗎??我真的這麼地以自己的觀點去看事情嗎??

我的心痛是來自那對妳的矛盾與不捨嗎??
明明是知道妳想的是甚麼, 了解妳的想法...
為何又會被誤會作為誤解和不懂得體諒呢??

還是來自那發自內心的內疚嗎??
覺得妳所講的都是對的, 我沒有尊重過妳, 不留餘地的??
是我太過主觀, 不站在妳的觀點去想...
如周sir所說的錯事做得多無法挽回了嗎??

難道是為了不甘嗎??
不甘於自己努力了這麼多還是讓別人認為自己對3他人與妳一樣??
不甘於自已給於妳的感覺會和從前的『他們』有相同的感覺??

可能是三樣野都有吧...哈哈...心中有種難受被誤會的感覺,
被人誤會作小氣, 哈哈, 我真係諗唔到依個詞語會係我身上出現,
除了妳之外我沒有一樣會唔退讓, 會唔放手...
又或者我真的是太過主觀了...

其實只要凡事都以妳的角度去諗去做就好了,
又何必理解她的心情自己又去做另一套呢?

妳為我放棄的忍耐的, 已經夠多了,
係時候到我忍耐, 到我改變, 老婆是用來哄的,
我永遠都唔會忘記周sir講的每一句說話...

男人, 唔係, 係我原來是這麼中看不中用的嗎?


今日download左隻歌原來都幾岩我自少到現在的心情的...

浮誇 eason chan
作曲: C.Y. Kong l 填詞: 黃偉文 l 編曲：C.Y. in Londonl 監製：Alvin Leong



有人問我 我就會講 但是無人來
我期待到無奈 有話要講 得不到裝載
我的心情猶像樽蓋 等被揭開 咀巴卻在養青苔
人潮內 愈文靜 愈變得 不受理睬 自己要搞出意外
像突然 地高歌 任何地方也像開四面台
著最閃的衫 扮十分感慨 有人來拍照要記住插袋

* 你當我是浮誇吧 誇張只因我很怕
似木頭 似石頭的話 得到注意嗎
其實怕被忘記 至放大來演吧
很不安 怎去優雅
世上還讚頌沉默嗎
不夠爆炸 怎麼有話題 讓我誇 做大娛樂家

那年十八 母校舞會 站著如嘍囉
那時候 我含淚發誓各位 必須看到我
在世間 平凡又普通的路太多 屋村你住哪一座
情愛中 工作中 受過的忽視太多 自尊已飽經跌墮
重視能治肚餓 末曾獲得過便知我為何
大動作很多 犯下這些錯
搏人們看看我 算病態麼 ?

Repeat *

幸運兒並不多　若然未當過就知我為何
用十倍苦心做突出一個　正常人夠我富議論性麼

你叫我做浮誇吧 加幾聲噓聲也不怕
我在場 有悶場的話 表演你看嗎 夠歇斯底里嗎
以眼淚淋花吧 一心只想你驚訝 我舊時似未存在嗎
加重注碼 青筋也現形 話我知 現在存在嗎

凝視我 別再只看天花 我非你杯茶
也可盡情地喝吧 別遺忘有人在 為你 聲沙

>>August 17, 2005 at 12:31:48 AM GMT+8