2004 年 1 月 5 日 星期一 【乍雨乍晴】

痴線架~琴晚11點幾到就瞓la~
今朝佢7點幾就自己醒左喎....係咁迫自己瞓到8點先去換衫~
咁又係9點1出門口la~去到富善等左4-5個未先有車喎....

返到去又係10:34....好彩ja~不過原來佢地話最遲可以係40分定45分都係計10:30 o既~
唉~今日唔知點解特別忙咁o既~個人又眼瞓又累喎~唉....搞到我都暈暈添....
咁放工譚德就去睇下出左糧未la~咁我就順便去出埋張題款卡~搞左陣就搞掂~之後就走la~

唔知做咩呢~今日好似特別肚餓咁喎....
落左車之後仲要行一大段路先去到個麵包舖....唉....行到過去已經暈暈地...
買左幾個包之後去左ok買野飲~見到10蚊兩枝MJ蔗汁都幾平下~咁就買左兩枝la~
返到屋企~食完野之後勁眼瞓~瞓左陣~醒過來都6點幾lu~
唉~今晚又要食飯盒......真可憐......

>>January 6, 2004 at 2:35:17 PM GMT+8

2004 年 1 月 4 日 星期日 【乍雨乍晴】

今日~終於都比我見到果個peter la....
原來....譚德阿俊朱仔佢地講得冇錯~lee個peter真係傻架....
完完全全唔可以用常人o既角度去對待lee個人....

咁佢就帶左個佢自己話係佢契妹黎做~
之後做做下野佢入黎同peter講話想煲煙....之後兩個就走左去樓梯度煲la....
嘿嘿~不過天有眼o既~唔知邊個撞到d野~之後一聲巨響~個peter申個頭出黎鬧人~
咁阿俊就o岩o岩行過~見到佢響入面~咁咪鬧鬼佢囉~~~~~

咁今日入面有5個人喎~阿俊就見到我都幾得閒下(可能la)
之後叫我出去幫d阿姐手~出去做樓面~其實做樓面都幾好丫~
不太忙~又唔係冇野做喎~就算你真係冇野做又冇人鬧你喎~因為真係冇野做丫ma~
行行企企都唔知幾爽~

放工la~咁阿譚德今日要返學~不過7點幾先上堂~
我就陪佢去麥記食野之後等等等等等到咁上下佢就返學la~
今日唔只我一個人陪佢~連譚德響果度識o既朱仔都去埋~
咁譚德要去買相~咁行完個商場買完之後就麥記la~食完野之後譚德就做埋佢仲未做完o既功課la~
搞到5點到~先走~之後我就自己一個人搭巴士返屋企la.....
唉~返到屋企都6點鐘la....冇得睇添....算~上網dl返黎睇~
今晚無聊上2000fun睇野~見到天罰呀~~~~正~dl左返黎睇唔到~之後就搵果個軟件返黎~
雖然搵左勁耐先搵到~但係~都係值得o既~可惜....佢打晒格仔咁樣....睇唔到添......

↑天罰呀~↑

>>January 6, 2004 at 1:57:24 PM GMT+8

2004 年 1 月 3 日 星期六 【乍雨乍晴】

唉~早左勁多返去~換好衫打埋卡先知10:08就返左去la....
咁就走左入廁所行行企企等到咁上下先走返出去~入返儲藏室就見到阿聰~
之後阿俊就叫我地倒"竹"~倒完開飯la~不過又叫我地去搬貨....搬完先上去食飯~
通常食飯果陣~d阿姐都會傾計~都係講東說西咁樣~haha~佢地話我斯文喎~
係~冇錯~我真係幾斯文下~咁又係o既~全場最細係我~而且我又小講野~feel到我斯文都唔奇~

琴日因為放假唔洗返~所以見唔到兩個未見過o既人~一個阿明~一個peter~
今日就見到阿明la~個名好搞笑~叫黎明亮XD~佢都幾好人下架~譚德同阿聽出左佢去都同我傾下計~
之後放工因為我做錯野佢地又冇怪我~而且仲幫我搞掂埋添~(我當然都有份搞返la~)
放左工之後~我就同譚德四維去la~行左幾個商場傾左好多野...................(懶得打)..........................
咁我去麥記食野la~6點鐘就出發去返學la~譚德帶路~不過......佢唔識行....行左勁多路.......

去到果度樓下~猩猩同文達都已經到左~
咁我地就上去la~又要比多廿蚊果左隻碟同本好廢o既書.....
咁上堂la~大家都好專心~唉~個阿sir好似好廢咁........講d唔好笑o既笑話.....
講野又講得慢......好明顯佢係"氹"波鐘la.....講真丫~lee堂d野我真係識架喎~
8點半就放la~阿譚德幾串呀~佢話~阿肥家響度扮猩猩....(以前學校d古怪用語(ja係話人扮晒野咁))
咁我真係識丫ma~我以前返學有聽書o既~d咁基本o既野都唔識就食屎la~(我o既角度黎睇~)
因為連我都識o既野你唔識你真係要好好檢討下la師弟~~~~~~~~~~~~~~~~~~~~~~~~~~~~

>>January 5, 2004 at 2:17:32 PM GMT+8

2004 年 1 月 2 日 星期五 【乍雨乍晴】

阿誠琴晚響icq話左比我知今日唔洗返跆拳喎....因為學校洗地.....
7點幾....唔知邊個打黎....一拎起個電話就收左線....真係比佢吹帳....
10點幾~醒左la~出去開腦開電視~等左陣就做棋魂la~

之後就問下阿水洗唔洗返....真係唔洗返喎....睇完之後~阿邦先打黎同我講今日唔洗返~
下午家因冇野做~就拎左我家姐d魔界美少女出黎睇~因為lee幾晚臨瞓前都係睇o既~
今日唔知做咩呢~睇完一期~不其然就會去拎下一期睇....唉....睇晒都唔知夜晚睇咩好lu....

今晚~之前我家姐話9點幾返黎~之後10點先打返黎同我講話就返....
11點幾我打比佢先問我食咩.....12點先買到一個勁難食o既上海粗炒返黎.....
晚餐變霄野.....肥死.......


前排~聽到我家姐講是講非~同人討論~
先知道一個好驚人o既消息~係關于一個細個果陣o既一個朋友~內容係咁o既~
果日見到麵包仔個阿媽又抱住個仔~咁我咪問佢~你又生多個呀~
之後佢同我講話係我個孫黎架~
wa~幾恐怖呀....佢同我家姐一樣大18歲e+.....個仔有歲幾到....ja係16-7歲到就生左個仔......(可能仲早....)
你話佢幾勁.....(迷之聲說:你話你幾冇用~!!)
唉....我j真係好對唔住你呀細佬....到目前為止....你只能用黎小便.....

>>January 4, 2004 at 3:41:52 PM GMT+8

2004 年 1 月 1 日 星期四 【乍雨乍晴】

本來今日放假~不過聽日返跆拳所以同根叔換左~所以....今日都係要返工o既~
都係8點起身la~但係都係唔係咁願起身o既~咁換好衫之後就等等等等等到9點先出門口....
又見到雞脾la~不過佢都係冇理我o既~今日返到去早左3個字~唔抵la~

今日~比琴日仲多野做~琴日都係109圍ja ma~今日去到12x圍喎~
不過都係忙d咁ja~其實都只係手板眼見工夫~好easy~
佢地諗住等到4點半先放喎~咁咪等囉~將d工作減速減速再減速o既~
咁我整整下野野田生就叫我去開個戶口~之後就叫個放工o既阿姐帶我去~
咁我放低左個銀包架ma~冇帶身份證喎~又要走多轉....
咁我上返去咪叫埋阿聰(遲我一日黎做~廚房阿姐個仔)一齊去囉~

行到過去~比左個銀行姐姐之後就比左張野我填~
搞左都幾耐下先搞掂~之後咪又走返去囉~返到去譚德叫我同阿聰去倒垃圾喎~
叫我地響下面坐陣先上返去~其實佢同果個阿朱仔同佢地落去都叫我坐下先~
我地冇野講就好似好怪咁~你知我架la~唔識就唔多開口講野架la~除非你有野吸引到我la~
咁你問我句~我答一句之後都熟左d囉算係咁做~原來佢學校就都係好似我以前慧遠咁o既~(差得很~)
不過佢就真係怪d la~bio拎零分喎.....佢同我講話唔知升中6好定出去做野果d....
講真~我其實想同佢講~你升唔升到呀.....算la~唔關我事o既~
不過其實過份自信同缺乏自信都係唔得o既~睇到o既自己檢討下la~~~~~

傾傾下譚德走左落黎~原來佢落黎拎架野la~(唔識打XP)
之後到咁上下佢又走返落黎洗地拖~其實都唔洗我做~咁我就叫左阿聰上去先~
我就響度睇住譚德洗la~洗到咁上下~終於都堐到4點食午飯la~
食完打埋卡4點半就走la~譚德叫我去開張題款卡~咁又去la~嘿嘿~又見得返果個靚姐姐~
又搞左一輪之後個姐姐話個電腦未update到d資料喎.....所以就咁就要走la~

返到屋企竟然已經6點鐘la.....
冇得睇添....諗住上網dl la~條友又冇開個ftp喎....
之後咪睇返琴晚dl返黎o既勇劍傳說囉~嘿嘿嘿~勁正呀~
之後夜d又去睇下~開返~正~不過佢又開又閉咁樣~搞左勁耐先dl完~呵呵~勁好睇呀~

>>January 3, 2004 at 10:35:24 AM GMT+8

2003 年 12 月 31 日 星期三 【乍雨乍晴】

happy new year

2003 年 12 月 30 日 星期二 【乍雨乍晴】

今朝6點幾就起左身la...之後瞓多陣先起身~唉~真係唔係好願意起身....
咁換好衫~之後o岩o岩開完個腦就要走la...咁落一落舖頭拎錢入八達通之後就去巴士站等譚德la~
等左架車之後過多陣佢先黎~呵~又見到雞脾la~依然係好似上次咁冇同佢講野o既~

唔知點解呢~同譚德一齊搭車會快d架喎~因為我琴日個感覺係搭左好耐~
所以就早左一個站落車....咁佢話肚餓想去買d野食~所以就走左轉麥記不過又唔買喎~
之後走左去屈xx度買左排朱古力~原來果度係6號出糧架喎~我返左3日(計埋今日)咁咪出3日糧囉~?!

食完飯我同譚德就上去睇下隻貓la~隻貓今日好有問題呀~唔知咩事~之後我就落返去la~
譚德又同果度d人上去睇la~d人話隻貓有左呀~e+變得勁兇悍....佢整傷左幾個人呀~
今日都係如常工作~唉~真係有d失敗ja~做錯野....雖然唔多...但係..都唔好意思la...
唉~我講野又太細聲....個人又內向...出黎做野真係好唔抵....
好彩今日果d客冇琴日果d咁賤~起碼冇玩野丫....今日兩點半就收工la~

咁我地就搭到去大中落車la~咁就行左一陣就去左吉野家食野~
今完都4點幾~返到屋企都係踏8 ja~我家姐佢話佢自己都係o岩o岩返到屋企喎~
咁我就瞓左響地下睇電視~勁眼瞓~不過做果出野~而且我表妹又走左上黎~
咁都係冇瞓o既~睇完la~我就去左玩個電腦la~終於都頂唔順....蝦米型咁樣就瞓左響個電腦面前....
一醒返已經見到樂樂add我la~佢叫我出街喎~不過又冇人去又諗唔到去邊好....
阿誠又add我叫我出街~而天偉就問我點解icq成日改名喎....之後又問我去邊度玩....
今晚雖然係2003年o既最後一日~但係冇地方去~所以響屋企過la~

今朝行過d舖頭度睇到做CardCaptior sakura劇場版被封印的卡片~
勁正la~好想睇呀~雖然無記d配音弱ja~但係想睇佢點樣配丫ma~
嘿嘿~今晚冇人就開左尾果隻黎睇~勁正呀~~~又感人喎....唉.....真係好羨慕佢地可以......
唉~人地睇A片就話唔想比屋企人知ja......我睇動畫都要鬼鬼鼠鼠....真可憐.....

>>December 31, 2003 at 3:05:50 PM GMT+8

2003 年 12 月 29 日 星期一 【乍雨乍晴】

你....有冇諗過自己過緊o既生活有咩意義呢~?
上天比個機會你黎到lee個世界~到底係為左咩事呢~?
我發覺自己o既生活終於都開始有d意義~起碼~我唔似以前咁~淨係識食~玩同瞓~(簡直係白過呀~)
現在我有工作~雖然只係一份小小人工o既part time~而且工作時間不長~
但係已經令我感覺到錢係得來不易~期待出糧果一刻~用自己辛辛苦苦賺返黎o既錢~果份滿足感一定好good ja~

其實...人真係好脆弱o既ja....阿梅姐就咁就死左la....
不過佢lee一生都可算係有d作為~有名譽地位金錢~只係欠缺健康~
但係如果比我簡我都想係咁~如果一生都係呆呆的過去~
比我就好似佢咁~活得有意義la~

有感而發

2003 年 12 月 28 日 星期日 【乍雨乍晴】

一早就醒左la~等到8點先落床~之後就換衫la~
8點半就出門口~咁就行出去寶湖等阿譚德~
等左4-5班車佢先黎到~不過見到雞脾響佢後面~佢話成日都見到佢喎~

咁我地就搭75x去土瓜環la~落左車之後行左陣就到la~
要上2樓~上到去譚德就放低我響個經理度la~佢叫我填左張表佢~
填完佢就問左我d野~之後問我今日返唔返咁樣~我話返~佢叫人拎左件衫比我~
仲拎左條幾短下o既圍裙比我~之後我就去廁所換la~嘿~換左出黎都幾型下喎~
不過條圍裙就真係短左d~食完個早飯就陪譚德上去"喂"貓la~

"喂"完隻貓就做我今日第一樣o既工作~倒垃圾....
之後譚德就慢慢慢慢咁教我lee度d野~
咁lee度係做大陸客架ma~有時佢地問咩~我又唔知喎~真係比佢吹帳~
又有個死o靚仔嘔喎~又要我去拖..............................................................
本來兩點就放架la~搞搞下3點半先放~咁我就同譚德去左麥記食野~
咁我食完野就想走la~佢就叫我唔好走喎~因為佢一陣要返學~但係又未夠鐘喎~
不過我要睇電視~所以都係唔陪佢lu~

響架車度瞓左陣~都就快返到去la~
返到屋企已經做到尾la....不過我都醒la~上網dl返~仲dl埋之前冇睇果一集添~

>>December 30, 2003 at 12:58:55 AM GMT+8

2003 年 12 月 27 日 星期六 【乍雨乍晴】

9點半~樂樂無lala打黎叫我去釣魚....你老虎丫....勁眼瞓呀....
咁既然佢都打得黎~都只好出架la....得果半個鐘....差又遲到la....
今日樂樂踩單車去~佢話阿邦果d叫佢喎~咁我地去到大埔麥記佢地都仲未到~
所以鎖好架車之後我地就走左去明皇隔離果間茶餐廳食野la~
哈哈~我都係第一次食沙嗲牛肉麵係冇沙嗲味架~嘿嘿~櫃台個收銀妹妹真係幾得下~
佢又唔係靚喎~係有果種獨特o既可愛感覺~正~可愛o既茶餐廳~

之後猩猩阿邦果d買完野我地又食完野就去la~
佢地一人一架車....我就企響阿邦個尾度....幾經辛苦~我終於都頂到去海濱個碼頭~
不過....佢地又話唔知咩...話又去返吐路港個碼頭喎~呵呵~之後因為佢地唔知講咩~
阿邦就踩猩猩果架~我就踩樂樂果架~樂樂就車猩猩~咁我地就去la~
哈哈哈哈~猩猩去到咁上下就學我平時咁跳車~不過.....仆街仔真係仆街仔....仆街呀XDDDDDD
哈哈~笑到我地死la~學咩人跳車丫~我就話有多年跳車經驗ja~想學我邊有咁易呀~

去到果度la~樂樂架摺車踩到人腳軟架真係...
之後咪係咁釣係咁釣係咁釣囉~釣到咁上下又走左落去果個上岸位果邊~
勁多魚~我地每人都最少釣到20條la~而猩猩同阿邦最勁~條到條大o既~(響果度算係大魚架la~)
之到6點到就走la~haha~又見到人仆街喎~今次係個男仔~勁樣衰la~而且佢地成班人一齊~
仆左落地下又唔肯起身~響地瞓響度喎~睇佢個樣...大約都同我差唔多架la....可能大過我添仲....
阿邦車到去就到富善就走左去la....我就行樂樂就踩單車~

返到屋企~食野食野~睇電視睇電視~
之後阿媽打返黎佢話唔返黎la又~唉....冇飯食.....
夜d譚德add我問我係咪返工~呵呵~聽日去見~好緊張~好緊縮~

>>December 29, 2003 at 1:58:51 PM GMT+8