2004 年 5 月 20 日 星期四 【晴】

今朝~9點幾起身~之後10點幾就開始玩勇者la~
咁入game左game就睇下樂樂有冇玩la~一密佢~佢竟然....玩緊~
估唔到佢都係日打夜打果d人....好恐怖呀....
我地今日就team左一齊打la~打左好幾粒鐘~我就頂唔順la~12點幾1點到就冇玩la~
休息左一陣之後~又開始特訓la~

今晚~阿媽打返黎話冇野食...咁冇計la...唔食囉~
然後家姐打返黎好唔順咁問我食咩~又話麻鬼煩...
我咪谷鬼氣話唔食囉...
嘿....我又再一次重返天堂...不過...真係唔記得點玩囉...
唔怪得上年(我仲玩緊天堂~ja係4-6月到~)肥昌都都冇玩一排~佢話唔記得點玩冇晒d技術...
今晚我終於都感受到la....玩到點幾到....(其實都唔算玩....玩就玩左半粒鐘到la...9-10點到開始...)
都𤍣lu~

>>May 24, 2004 at 3:04:54 PM GMT+8

2004 年 5 月 19 日 星期三 【晴】

最近feel到自己好似有d退化....咁就內外都有d咁la...
d鬍鬚都冇理過佢~因為都唔洗點出街~只係落一落街咁JA~
頭髮又開始長返~而且都幾難整理~不過響屋企唔洗點搞~起左身~佢係點就點la~
個人又懶晒喎....可能成日坐響個腦面前la....搞到個人都虛晒....

其實....咁o既生活...真係好有問題...
但係如果要返工~又覺得好累...但係冇野做...又好似好浪費時間咁...(又驚冇錢洗呢~雖然都仲有d~)
真係好矛盾....
我又怪怪地喎~唔似一般好似我lee個年齡o既人~
人地會一大班fd出街玩la四維去~就算唔出街~佢地o既打機慾可以話係無止境....
不過...我朋友又唔多個...又點是有街出呢....如果一個人出....又覺得自己好硬膠喎....
我每次出街~都有一個目標~好似話落街買野食~出旺角買書買衫買鞋果d咁~
打機~e+ d game都其實好悶....希望~RO~東方~勇者~天堂2~其實真係對唔到佢地幾耐就悶囉~
玩得最長都可以話係天堂....不過都係開住睇電視....
有時真係見到d人好恐怖....當你朝早玩o既時候~會見到佢...下午on~又係佢...就連夜晚on~都係見到佢....
就算有時去打機打通頂都係見到佢...lee d人真係唔洗𤍣架...?隻game真係咁有吸引力~?
可能我搵到唔佢o既樂趣la....不過我最怕日打夜打果d人....

>>May 23, 2004 at 4:30:02 PM GMT+8

2004 年 5 月 18 日 星期二 【晴】

勇者online~新game真係要玩多兩手~唔係又d lv開始比人低唔知幾多架la...
不過玩到咁上下又頂唔順~
又要特一特訓~特訓o既成果~都係輸到7個1皮.....
我自己都知~要win~係要比佢地快兩倍多d~
但係我只係開頭到中間係快佢地一個馬鼻....
後來一比佢地搞一搞....停一停就會咩都停...比佢地過頭就lee一刻....
都怪自己守得唔好~但係...我強項係建設....不是破壞呢....

今晚~同我家姐同佢男朋友3個食pizza~
一路睇福伯一路食~福伯其實一直都好想睇~但係次次佢做都睇唔到....
估唔到...睇落感覺上都幾爛....但係題材真係好得~福伯~
福伯ja係解剖死屍果d人...講真丫....睇落真係有d噁心....
12點幾上床瞓la~又瞓唔著喎~之後睇左本書就瞓左la~之後我家姐入黎熄左個收音機又比佢嘈醒左...
咁睇多書本又好勉強咁瞓得返...我家姐同佢男友入黎又再一次嘈醒我la...
之後都差唔多兩點....佢地走去轉去聽恐怖熱線喎....
當時我又再一次陷入危機之中la....一聽lee d野我就驚....
驚就唔會亂咁郁la...我就好似條死屍咁....瞓響度....d恐怖o既野就係咁傳入我耳朵裡面...
直到佢4點完...心情先放鬆返小小....到到5點幾先瞓到.....

>>May 23, 2004 at 1:22:40 AM GMT+8

2004 年 5 月 17 日 星期一 【晴】

嘿~樂樂icq叫我~佢問我勇者好冇玩~
琴日得閒咪睇下本game書囉~其實我都好有興趣~
之後佢話落街下買喎~咁我咪叫佢等我囉~橫掂我都未食飯~
之後我地就約好響下面ok等la~

咁落到去~諗住睇下街市有冇呢~
但係...竟然冇喎~估都估唔到佢冇~之後就去ok睇下la~
有喎....笨左la...一早響屋企又唔入去睇~睇左咪唔洗行囉~
買完之後樂樂就陪我去買飯~買完之後佢好似入左街市~咁我就去ok買野飲la~

咁返到屋企~安左隻game~之後又更新唔到喎....
我咪上佢個網睇囉~d人話太多人一齊更新~所以更唔到....
gm又唔幾時做野喎....(uploag個更新檔)....之後有d人話pc game書送果個acc用唔到....
o下~有咩~!?我睇下本書~有喎.....唉....笨左添...早知就唔買la....
之後因為玩唔到就冇理la~又去特訓~琴日一打一第一次win左~
今日一打二....比人圍到pk....試左幾次都係...結果試下2打3la....
結果係....1打3...佢一早比人ko左....真可怕...
今晚~終於都玩得la~呵~真係幾好玩喎~玩落都幾順~遊戲性都唔錯~
我諗都玩到唔小日子~

>>May 22, 2004 at 4:58:14 AM GMT+8

2004 年 5 月 16 日 星期日 【晴】

今日~係休息的第一天(辭職)~可以瞓多幾粒鐘lu~真係好o既ja~
不過....死人ro今日更新~唔知更左d咩....搞到怪怪咁....想玩都玩唔到....
算~我決定放棄佢~唔玩la~~

下午~本來諗住lee幾日都唔出街架la~
但係...屋企竟然冇野食...幾恐怖呀...咁幾唔願意都要落街買架la....
咁又搞左一大輪先出門口喎~啊~前幾日個頭咁難梳~
而且梳極都梳唔好....但係咁日真係好滿意...仲好鍾意添....
可惜丫~只係落一落街.....

特訓開始la....

>>May 21, 2004 at 1:45:41 AM GMT+8

2004 年 5 月 15 日 星期六 【酷熱】

今日~係最後一日~帶著輕快的心情上班呢~~~~
返到公司~又遲到~?!唔係....係佢地又早左開飯ja...
打卡個鐘同廚房係唔同的~因為廚房果個快d...而打卡果個大概係比人教慢左的....

最後一日~其實都唔係好多人知~
都係得阿俊果d~比我地高級o既先知~(階級關係唔複雜~只有幾級~)
咁根叔今日放假~明仔冇返~咁阿俊就叫我~你今日就做根叔個位la~
嘿....本來諗佢都"梳扶"下架~點知....
一開始都唔係咁多人~咁我就出去幫下手下la
~"誰"不知...比人話呢...阿俊話~你唔好出黎幫手~入去做根叔個位~嘿嘿嘿嘿嘿嘿嘿~~~
但係...做做開始唔對路....越來越多人...做到冇停手....個氣勢越來越強....
就算做根叔個位都有d唔掂o既感覺...可能對住個廚房la...火爐咁o既感覺...熱到丫...

本來今朝返黎全力出擊~留返個好印象丫ma~我唔似朱仔~
唔做之前果兩個星期~見到佢咁真係想殺左佢....
二百幾圍....難道佢就係用咁o既方式黎同我講拜拜....叫我唔好回頭...走得越遠越好....
做到死死下就放工la....
唉...仲要走過旺角換野添架...死la...曬成咁...想我死嗎??
好彩我都算對自己係咁架la~搭車~好彩我都追過幾次巴士ja~知道邊度有車~
咁我換完個野之後~就去左信和睇書~呵呵~一早就想買佢架la~
四葉妹妹~果日我家姐好似借左~但係又冇睇...不過e+買~正~
今晚睇~真係笑死我~勁好睇呀~真係一本必買o既書~熱愛蘿莉的你~一定不會放過佢~

>>May 20, 2004 at 4:04:53 AM GMT+8

2004 年 5 月 14 日 星期五 【清涼】

今日都係一早起左身~可能習慣左la~之後就開腦玩la~
12點~師姐就add我~叫我出門口la~嘿....幾我有幾可會咁早出架~
之後同佢傾左幾句先知佢條腰整親~之後仲造過唔返得跆拳~
我就叫佢返黎睇下我地上堂~探下miss囉~之後佢就有可能3點到返la~
咁我都早左出門口~點幾到~
wa~真係好熱呢~行到返去都真係搞到我半濕透狀態....
之後上堂la~原來阿周兄要早走喎....而miss就冇返.....

咁周兄兩點幾就走la~佢走左~全場最高級就係我同阿水~
所以佢就交個場比我地睇~不過~阿水都係話練下d腳ja...好似有d無謂呢...
3點到師姐真係到左~我就冇理佢la~家因個頭死左...其實o岩o岩都係格硬出門口...
我同阿水就快la~咁就要嗌lu喎....原來帶隊一d都唔好受....嗌到我喉嚨好似比火燒咁...頂癮...
我地3點幾先放~放學又係一齊去食野la~換好衫就行得la~

咁我行去果陣時~諗到我以前都想問o既問題..."a浦"係叫咩名呢....(小的才疏學淺請勿見怪...)
我問下佢地~冇人知....阿水又話唔講得~阿為同阿誠聽到都想知~
之後我地3人就不停追問la~佢死都唔肯講....就算阿誠出賣埋肉體都只是徒然...
由食野直到食完我同阿為兩個都係咁迫佢講~不過....佢話你平時問我可能會答你~
但係你兩個咁想知我就係唔話比你知....咩人黎架...講個名真係咁有問題...
之後我地咪估囉~阿水話疊字喎....因為佢lee句...搞到我都比人打...不過我都冇洩底~~嘿嘿~~
最討厭d女仔郁手郁腳...之後到佢走都係未知道o既...咁我地就問阿水la~
佢話講左會比人殺死喎...之後就叫我地估~佢就比d題示我地~同佢性格o岩o岩相反~
之後個字仲要調轉....咁我地估la~估左陣迷底終於都解開la....叫陳淑賢....
啊....佢絕對唔佩lee個名~~討厭~~下堂我就要返去殺左佢~~~!!

佢地打機la~本來我約左樂樂一齊出旺角o既~咁就諗住睇一陣就走架la~
之後睇完阿水玩頭文字d之後就走架la~見到阿肥董就快打爆高達....所以就睇埋la.....
咁走o既時候樂樂就打黎~咁我就飛的返屋企la~返到屋企努力搶救個頭之後就出發la~
落到去入完八達通之後就去等車la~我等車果陣就踏4....佢要踏7先有車...ja係o岩o岩走左班la...
踏7la~有車~咁架車都滿lu~就快出到吐路港之前已經~咁我身邊係一位哥哥~
搭到一半...佢瞓左...瞓左...瞓左落我度....真係唔好意思叫佢醒...直到架車d震盪搞到佢醒一醒就坐返好...
咁搭搭下車天偉打比我~佢打黎問我有咩online game有咩好玩....咁又係~
我地都好耐冇聯絡過lu~係琴晚佢add我~所以先有返聯絡~傾左一陣~真係一陣佢就收線la~
之後到樂樂打黎吹我...咁架車又唔係我揸o既...我點快呢....真係比佢吹帳....

落車la~去搵佢la仲要~咁搵到佢之後都要問下佢去邊度買la~
之後佢話女人街...唔係呀...難得叫做搵到小小錢....係仲停留響女人街lee個lv~
點都要買d好d呀...之後就話去先達~而我又要去拎錢~所以就搵機la~
搵到恆生果個機喎...不過....唔得o既...之後搵過個東亞o既先得...家因恆生果冇銀通/聯...
之後就去先達la~買完衫之後崶買個果d入歌o既紅外線~買完之後樂樂都話要去女人街....
今日都係難逃女人街一遊架la...咁佢買衫la....見到佢講價....
咁咁岩lee個老闆係咪叫做合眼緣呢...見到佢咁辛苦而且樂樂仲響講價...
突然有一種感覺擁現出黎...我唔可以比你咁辛苦....世界上最好o既都要比你...我會盡最大o既努力給你幸福...
好似好怪咁...39唔識7...竟然有d咁o既感覺....但係...可能係樂樂咁樣講價la....
其實我知佢係提高左十幾蚊之後係比個折頭你o既~但係...你連果幾蚊都唔比人賺...
咁人地洗咩響度開當ja~自己食自己d錢食晒咪等死死囉....所以...講價始終都唔係咁好~(睇人la~)

之後佢行左幾當果左d野我地就食野la~咁食完野就行信和la~
我就買左幾本書~買完之後就走la~不過今晚成2點幾3點先瞓......聽日係最後一日lu~~

(本來仲長...不過hang機...搞到左冇...hang果下真係想死....)

>>May 19, 2004 at 3:46:56 AM GMT+8

2004 年 5 月 13 日 星期四 【清涼】

今日下午放工~下定最大o既決心去同田生辭職....
佢都冇為難我o既...只係問我做咩唔做~咁我o既藉口當然係學廚la~
因為我阿爸個fd果度可以比我去睇下~學下~(只係我不太想去而已~)
不過~佢要留都留唔住我~所以都係比我辭囉~

今晚天偉無lala響icq搵我~不過...我們畢竟也太耐冇聯絡過lu~
傾左陣~我終於都明白佢想點la...佢笠叫做搵到女朋友~全班最靚果個喎~(佢話~)
不過好似話考完試先響埋一齊喎...之後係咁傾傾傾傾傾~傾到9點幾10點佢二叔要用腦就要off la~
之後阿梁希又add我叫我去打機~本來我都話去~
但係後來又覺感唔想去...所以我好敷衍咁諗左個藉口...比人鬧...佢就接受左la...

>>May 17, 2004 at 4:56:22 AM GMT+8

2004 年 5 月 12 日 星期三 【酷熱】

唉~原定的辭職大計~由星期一改到今日~但係...田生冇返喎....
真係比佢吹到帳一帳嚕嚕嚕~
嗚...好恐怖呀....公司真係好恐怖呀....好多...好多...好多詾𢔛呀........
盤入面又有....膠袋入面都有....多得很唷....
當我連續見到兩次之後....見到有d黑色o既物體鼠過....
嚇到我差d彈起....成個野都掟左去....真係....驚心動魄啊.......

>>May 16, 2004 at 2:16:53 PM GMT+8

2004 年 5 月 11 日 星期二 【晴】

今日~譚德唔舒服~ja係代表我又要做多d野la...
但係佢今日都幾好做~70幾80圍ja~而且3點放~幾好幾好~

咁返屋企la~咁阿琴晚肥昌叫我RO香港server喎~所以我咪玩囉~咁琴晚玩到o岩o岩轉左職就停左la~
好難得我又自己入去玩la~不過lv唔高~咁咪去team人去打囉~
好多人一齊la~咁打打下唔見左兩個人~又有d人落左線~
基本上打o既人得幾個~咁見佢有兩個人響度用隊頻唔知傾咩la~
傾d野都幾怪la~好似人地耍花窗咁~
我真係有d睇唔過眼囉~兩個坐響度吃exp~搞到我死左幾轉~(服士　補血機)
之後打到咁上下~果個男o既仲打我愛你比果個女仔添....
嘿...lee個時候我真係覺得佢好幸福囉~仲打埋出黎~個男仔~佢竟然可以咁樣都做到d咁o既野....
雖然如果有人睇到都會話~你都得架~但係我覺得講同打出黎都一樣囉~
唔係對住鍾意o既人都唔係咁好意思囉...所以我重都未打過同講過囉~(玩o既就梗係有la~男仔黎添~)
所以我覺得lee d人好幸福~講咩都唔會有一個責任心響度作祟....
之後個女仔密我話佢地識左都係幾粒鐘.....之後我回佢話我係話個男仔呀~
我真係好妒忌佢囉....

>>May 14, 2004 at 6:46:58 PM GMT+8