2004 年 5 月 30 日 星期日 【晴】

琴日～勇者開始玩個精靈la~
已經有返咁上下lv~咁樂樂就開始佢果個幾勁的人黎帶我~
佢真係好厲害呢~佢帶左我都由7點幾帶到12點幾到~
其間猩猩已經響11點幾已經黎左la~
猩猩仲幫我買左碗粥la~嘿嘿~真係爽呀~唔洗自己去買又有得食~
真係好感謝佢呢~如果帶人果個係我呢~(除左特別關係o既人la~)唔係比我半個鐘已經想走lu...

猩猩睇完幾本通靈王之後我都仲打緊~
不過我覺得都悶到我死la...同d人合...但係既悶又累....
d死人頭又唔夠打喎....回血都回到我手軟...所以我大概響兩2點就放棄左唔玩la~
冇野做~咁卜3玩下aom la響猩猩面前玩真係...唉...輸左...而且係同我最鍾意o既黑帝(c思獅司...?)打~
猩猩又響我屋企進行搜索....佢搵左好多野帶返屋企呢....
而且我仲比埋我隻公主後補生佢~(燒得唔好我燒多左兩隻所以比左佢~)
不過佢又唔知咩野~咁我又講到好曖昧~嘿嘿~佢係咁問我都唔講~搞到佢都唔知點咁~
而且佢又冇得上網喎~所以佢就冇realplayer果類野~想睇都冇得睇la~

佢就5點半到就走la~我冇野做~就搵隻天使戀曲出黎玩la~
嗚...真係好正呢...雖然其實有好多野都係差唔多甚至係一樣~
但係...我都唔捨得飛左d對面同佢所有野...我諗...我有排都玩唔到所有結局lu....

>>June 4, 2004 at 5:10:05 AM GMT+8

2004 年 5 月 29 日 星期六 【晴】

今朝好早起左身la~嘿嘿~又睇到棋魂lu~
琴日約左天偉今日陪我去剪髮~咁就用icq聯絡~
我地約左12點半出門口~不過..佢話要洗頭~?佢就叫我遲d出門口~
我已經聽多兩隻歌先出門口~而且仲慢慢行過去~
我去到佢都仲未到....咁我就打比佢問下佢響邊度la~
佢竟然同我講話o岩o岩有d事要做遲左....

我一個人拾下拾下咁四維行下la~咁到咁上下就過返去麥記門口~
等多陣佢終於都到la...佢話因為要gel頭喎...
佢到左就出發la~我發覺自己身上得果百幾蚊~之後去左令4百蚊出黎做生活費~
咁佢就帶我去果間佢話好o既剪~不過....佢話得返果個咩金毛阿伯響度....
天偉話佢剪左你一定會後悔咁話~所以我就陪佢去買對拖鞋先....
買完行返過去都係咁...所以我就題出去我舖頭果頭剪~問阿媽拎錢咪唔洗自己比囉XD
去到果度~等左都好耐下先到我剪....不過佢剪出黎o既效果對我而言係絕不理想....
但係梗有一兩個話好架...lee d觀點與角度o既問題~點講都冇用~

天偉話想比我見到佢女友係點o既樣喎~佢就想帶我去佢女友做果度食野la~
咁去到...可能剪得太耐已經收左...咁我地只好去麥記食野la~
食完就去左金源野機~上到就玩個我未玩過o既game~新流星蝴蝶劍~
好搞笑呢~開頭我地~玩到咁上下有人入黎~笑到我嘔~玩到咁上下果兩個o靚仔走左喎~
咁就唔玩la~轉玩cs~本來得我地兩個人玩就冇咩野玩架la...之後有人入黎就變得好玩囉~
遊戲出得耐~d人就會變勁~就好似r6咁~以前我地f.4仲叫做好新o既時候~
發明左轉轉轉~響i-future度~已經係王者la~不過過多排冇玩入返去玩已經變晒...
因為太多人接觸到而且有人煲o既關係....所以長江後浪推前浪o既狀況出現...

5點幾到我地就走la~又行返去大中~佢就唔知想睇咩la~
我只係想快d返屋企ja~咁我就去左萬寧買左樽泥~之後又陪佢行多陣就走la...

今晚~見到樂樂煲勇者已經煲到40幾lv la....
搞到我都有d想玩添....咁我就諗住玩精靈la~叫佢帶我~不過佢話要我10lv先~
咁我就今晚開始玩~玩到點幾就算la...真係好難升...而且佢話我7點-8點可以帶我~
所以都係唔好太夜𤍣lu...

>>June 3, 2004 at 3:49:22 AM GMT+8

2004 年 5 月 28 日 星期五 【酷熱】

今日本來可以1點到就出到門口架la~
不過...搞搞下又點半先行得~
天氣真係幾熱下~行到返去都搞到我濕濕地la...
換埋件袍~件袍都好似人地操完咁...

阿基今日竟然返左喎~佢都好耐冇返lu~因為要會考~
今日上堂都係操d好機會o既野ja~練下腳呀~練完之後就操拳套~
好似話今個月最後果堂到就考試la~嘿...都唔知有冇機會返黎考...
呵呵~阿基因為太耐冇返la~搞到佢e+好多野都唔記得~
佢d拳套簡直就係洗晒腦~阿周兄叫佢去考d白帶佢又唔識就叫左我去...

雖然得3個~咁有一個就上次冇考~所以唔洗教~
其他果兩個就係肥董同果個阿燕....佢兩個真係教到我火都黎埋~
死肥董成狗日響度玩又唔肯學~果個阿燕又唔肯學~
好la~你唔學就算~我都懶得理你~冇錯~我係有義務去教你~
但係你唔受教就唔關我事~肥董玩野果陣真係想打柒佢....激到我死~~!!
我唔教la~咁我阿水阿基3個紅帶就出去操比周兄睇la~
阿基都係識小小...而且佢o岩o岩教d黃帶果陣教到錯左....要我地執手尾~
我地3個就搞掂la~其他人都搞掂左d~阿誠得左la~黃帶錯左一步(阿基教~CCC~)
係班綠帶硬膠膠咁...唔記得...唔齊....不過~lee班都可算係最cheap果期囉~(我覺得就~)

放左學~阿水個女友阿雪生日~咁佢地就去開party la~
我同阿誠都唔去~咁我地去食野la~肥仔就跟埋黎~都好o既3個人總比兩個人的好~
我地食完之後就走la~兩個人行冇野傾就好怪o既~不過...點會冇野傾丫~
阿誠就講佢d被溝史~真係幸福呢~不過又好搞笑喎~
去到佢要走o既路~就各散東西la~今日個頭好弱...快d飛的返屋企好過...
今晚見到天偉on咁就叫佢聽日陪我去剪髮la~

>>June 2, 2004 at 4:55:35 AM GMT+8

2004 年 5 月 27 日 星期四 【乍寒還暖】

琴日~下定左決心今日就要去買天使戀曲~
所以今日就有街去la~2點幾開始準備~3點幾先出到門口...
不過...我家就串我話你搞咁耐咪又係一陣就返~

所以我就慢慢行la~好似好耐都冇出過街行下咁~
行下行下~去到我要去o既目的地~咁我見到盒野~
令起左之後個老闆就問我~lee盒呀~我就答哦~
佢又話係咪要正版~我又答嗯~個老闆就話比我知~冇正版喎.....
唉~搞錯~都唔知佢放響度做咩架...好彩仲有其他地方有pc game賣ja~
我一個人行去翠平果度睇la~又行到去la~見到出頭個櫥窗有喎~
入到去想講架la~之後個老闆就塞左本野我睇....
我又唔知點解唔出聲喎...又真係走去睇...見到佢本野冇...我就行一行出去又走返入黎問佢la~
好彩有ja~98蚊....冇特別版呀.....真可惜...

行返去la~我知lee排會出書~所以就去睇下la~
見到佢出左翼同通靈王~咁買左lee兩本就買埋未買o既pc game la~
行到大百佳果度~突然間落起傾盆大雨起來....咁我整好個褲腳之後就諗住冇事la~
只係短短o既一段路...已經搞到我濕到上"失頭"....好厲害呢...
我見到有個男人同我一齊行o既都好勁~咁我見到佢等我又等~
之後細左d之後果個男人行我又行lu啵~我走左去7仔買完野飲之後就返屋企la~

正面

背面


>>May 31, 2004 at 11:51:46 AM GMT+8

2004 年 5 月 26 日 星期三 【陰】

真係命苦.....點解我成日都失眠....點解會咁唔公平....
人地一上床就𤍣得著....我竟然要碌幾個鐘先𤍣得著....
而且5點先𤍣仲要10點幾就起左身la...
無聊...冇野做...玩下CS囉~呵~冇人用加速器同外掛o既CS真係好玩~
玩左半個鐘到又開始特訓~

6點幾~響個電腦面前發呆~
突然有一種清幽的氣味~此氣味與一般的味道截然不同~
果然...雖然我極度討厭陳慧琳~但係佢果出熏衣草裡頭有一句對白係講得好o岩~

氣味~係可以喚醒一d遺忘左o既感覺同回憶~

2004 年 5 月 25 日 星期二 【晴】

早上同下午實有d人響度阻住晒o既~
就算想做d咩~都比人阻住晒~
當lee個人走左之後....屋企...就係我架la~嘿嘿嘿~
自由時間開始左~我選擇...解決埋個chubits...
由第20到開始睇~睇到落尾...感動的~~~雖然我都睇過漫畫~
不過動畫又別有一番風味~再者~動同漫始終都係有分別~

今晚~家因琴日爬文....所以又多左好多論壇o既網...
不過見佢有一個新o既...決定響lee鼠逗留la~
其實...lee度都算係唔錯o既~美中不足o既係...佢竟然係一個台灣網...
但問題不大~溝通到o既都算係...
因為有幾套我果排唔得閒而miss左~所以就上下2000fun度睇下~
咁睇睇下有d唔對路...chubits有28話架咩~?我好似得26話jo bo...
死la...但係入極都入唔到人地d ftp~都唔知佢地開黎做咩....

12點幾就入房la~幾經辛苦先𤍣得著...
又比我家姐入房熄左個收音機嘈醒左....咁睇多本書~之嚐試下𤍣la...
結果都係𤍣唔著...眼光光...眼光光...睇書又睇書~睇完之試下...
又搞到成5點先𤍣到....唉...一冇野做就失眠....一做野又累過頭....我真係一條辛苦命....

>>May 29, 2004 at 2:47:42 AM GMT+8

2004 年 5 月 24 日 星期一 【晴】

今晚~同阿紅一齊研究我地o既小b~
嘿...佢個b b真係好厲害呢~竟比我小b還要惡~
不過...我上網不停爬文~決意改做再改做~
王天不負有心人~一個死人網~入去都唔知等左幾耐...
但係...最有價值...都係lee個網~

>>May 29, 2004 at 2:21:40 AM GMT+8

2004 年 5 月 23 日 星期日 【晴】

我...會唔會已經患得患上焦慮症呢....
lee個病係大多數一般都市人都會有o既~佢都分開好多種下...
佢係一種輕度o既精神病黎o既~咁呢~其實我都唔係好明~
如果好學o既你想知清楚d的過~不妨去睇睇~
　　　http://www.hkedcity.net/library/book/content.phtml?isbn=9266831030&page=1

今晚~我阿爸返黎....佢單單打打響度同我講....話我唔搵野做果d~
又話咩18歲唔養我果d....我聽到lee d野當然唔高興la~其實佢都開始冇咩點理過我~
而且你唔講我都知la~人地都係想休兩個星期息~星期6咪開始搵囉~你急咩ja~
人地返工~又話人地返~人地想休息下~又話我響度等人養....咩意思先....

>>May 27, 2004 at 2:53:17 PM GMT+8

2004 年 5 月 22 日 星期六 【晴】

今日~都好早起身下~
我記得琴日家樂仔話今日有棋魂做~
咁我就開電視睇la~呵~真係有喎~
雖然係舊o既~但係第一二集我都未睇~真好彩呢~有得睇返~

今晚~諗住玩CS~不過....個cd key比人用左喎...
咁咪同d bot玩囉~話晒~都已經有好一排冇玩~
諗住一定會生疏左好多架la~但係...嚇人o既結果出左黎la~
其實對上玩果幾次都係開始練下其他槍架la~已經唔玩map la~因為都已經比較叫做識用~
所以都係用d近戰型o既槍~但係...估唔到自己係可以有60%以上爆頭....自己都唔相信...
呵~玩得好爽呢~已經唔計較個量lu已經~因為已經試過150/5....你話...
個量已經係唔可以睇實力....都係用熟d槍實制d~

>>May 26, 2004 at 2:09:34 PM GMT+8

2004 年 5 月 21 日 星期五 【酷熱】

今朝~開電視....平日朝早都好小會開電視....
因為一開...就會比人鬧...你一係開電視~一係玩電腦~
不過~今朝無lala又想睇喎~咁咪問開囉~結果....冇比人鬧~
佢起左身~佢男朋友又黎左~兩個都想食pazzi....所以叫我食囉~
我梗係唔食la~我都走lu~就快~所以佢地就兩個人食la~

我就成點半到先開始出門口~嘿....狀態極佳呢~
輕輕鬆鬆就行返學la~不過天氣都真係幾熱下....行到我都有d汗水~
返到學校~好似已經兩點lu~miss有返~行上去果陣見到"a浦"....上到去又差唔多時間喎~
(佢就見唔到我~而且我地行唔同路上去~)
不過....咁o岩就係我上到去佢就到...你話...咁樣會引起好多不必要o既誤會...(我咁靚仔~係咁架laXD(搞笑咋))
好可怕呢~本身我都冇諗過偷懶架la~不過....想偷都唔得...鬆根果陣兩個人一齊鬆...
體能果d我就落力去做~肥董果d勁傻~話我兔仔跳跳得慢喎~你睇下你好似隻青蛙咁跳~
其實係彈左一大步~而我就一下一下咁跳雖然唔係快同大跳~但係我可以肯定o既就係我練到o既野比你多~
同時我亦想起孩子王o既一句歌詞....

賽跑比賽　領先一個　永遠只得獎杯一個
最尾一個　散身走過　看到的　其實會更多
青春有價卻為著列前茅嘗盡苦楚
包尾至會有權悠閒過　其實我　還是細個麼