2004 年 8 月 16 日 星期一 【晴】

肥昌琴日話問下我返幾點~點到就打返比我~
但係...一直都冇回音...直到今朝8點鐘佢先打黎~
佢話我知我返10點~之後叫我9點鐘火車站等la~
我臨急臨忙就換好衫就出門口la~行去太和搭車去沙田~
不過去到只係8點9 ja....我打比肥昌la~佢竟然話踏3踏4喎~

好la~踏3就踏3 la~我就落左去下面等~不過佢過多個幾字先打黎話去到~大埔火車站...
不過原來佢話響大埔等~之後我地目的地係火炭~
所以我只好回程過去火炭la~去到都仲要等多一兩架先到~
到左就買野食~買完就搭車返公司la~

返到去~肥昌今次帶唔到我lu~我上15樓呀要~
去到15樓~15樓最大果個就叫我跟住~一個個樣好似以前金源同我好fd果個老闆~
當然唔係佢la~不過我再一次懷念以前~
我咩都唔識就只係跟住佢幫下佢搬野ja~感覺上有d無能....
到左lunch la~我落到去9樓肥昌都仲未落黎~佢就好la~上面可以一齊偷懶~
佢落到黎我肥昌志偉3個就落去la~不過...志偉隻手大概比人用箱頭筆果d畫左d公仔同寫野....
我一睇到又忍唔到笑....而且我地3個仲要去ok買野食架ma~

下午果餐就完結左la~上到去冇野做~之後就坐左響度等兩點la~
兩點之後都係冇野做啵~同我同樓果個男仔就同我傾計la~
不過傾左陣就有野做~之後o既時間都一齊幫果個人手la~
到到4點幾佢就做第樣野~我就繼續幫~不過要執返好d位~好麻煩呢~
搞到成6點半先食得飯~我自己一個人食杯麵咋....幾可憐呀...
d人都食晒飯lu...

食完野又上返去la~之後繼續la都係~不過唔知點解好似快左咁呢~d時間~
好快就8點la~就落去等簽糧單~但係全部人都叫停咋響度幫手~
所以搞到9點先放~但係咁樣都好~佢係以一日一日咁出糧~所以今日有300蚊la~
算係咁la~我以前響六福記兩日都未必有lee個數....只係lee度冇咁free同企到我好玪囉...

走la~今次搭的士~之後去沙田大會堂~佢地話去打機喎....
我只好跟去la...不過我一舖都冇玩~始終都唔勁而且都唔多有興趣~
所以睇下笑下就算la~玩左個幾鐘到就走la~阿肥昌叫我陪佢去買電話喎~
之後我極力推薦lee個k700i比佢~因為我自己都想要....算la~電話lee家野用到咪得囉~
買完就返屋企la~去到太和就飛的返去~返到去都11點幾~好玪呢......

>>August 19, 2004 at 12:12:27 AM GMT+8

2004 年 8 月 15 日 星期日 【晴】

唉...家姐男朋友今日放假....咁家姐走左之後佢又唔走喎....
都唔知點咁...雖然佢又冇咩野阻到我o既~不過....我都係鍾意自己一個人多d~
咁下午佢去買野食~佢幫我買埋喎~之後佢買完我比返錢佢~
佢唔要....又話請我食....已經唔係第一次~有d唔好意思添~

佢走左之後我就開左個RO玩la~嘿嘿~轉得職lu~
咁就打la~本來玩到雙龍果段時間架la~不過....係咁死喎~
搞到我都冇咩心情玩la...而且今日又冇飯食...又要去煮~
阿肥昌打黎問我返唔返工~佢話係返d假就一放就放7日~
因為佢話要立即講~所以迫住立即回復....諗都冇得諗....

>>August 18, 2004 at 12:17:10 AM GMT+8

2004 年 8 月 14 日 星期六 【晴】

呵呵~好早就起到身了~可以睇晒兩集棋魂~
不過兩集都睇過....算la~有得睇就得la~
今日都真係幾悶~因為我都冇做到d咩~
ro入去玩只不過玩左一陣就覺得好悶....所以都係唔玩lu~

所以今日勁聽mp3算了.......暗與帽子與書之旅人o既op播放率直達4個%~
真係高得很呢~我都未試過勁聽一隻歌咁多次.....就算我鍾意~kotoko~都係一隻一隻咁聽~
而且我都有愛的魔法op~之不過都係比唔上佢....家因太正la~真係好想搵到佢完整果首....

今晚~唉.....屋企又冇飯食~只好自己煮la~
不過....我去試新野喎~但係又懶....原來一個懶o既人係製作唔出好東西呢...
因為懶而用小左一樣道具就搞到次序亂左~一亂就整個料理失敗了......

>>August 17, 2004 at 3:44:53 PM GMT+8

2004 年 8 月 13 日 星期五 【晴】

今朝起身~不過都仲係唔多夠𤍣呢~
不過已經急不及待去開腦睇埋暗與帽子與書之旅人了~
唉....話咁快就結局了....再一次諗~如果佢多幾十話你話多好呢~
結局...最終葉月同初美都係無法在一起的~而最後葉月果個世界有關初美o既一切都冇晒~
之前就睇返第一集果d....但係消失果度就變左佢兩個響度kiss....
第二朝就發現自己𤍣左響一空房~而相中o既初美就冇左~但係佢已經冇左果段記憶了~
唉...真係可憐....當局者迷....旁觀者才感受到果種痛苦....塵世間最痛苦o既事...莫過於忘記了.....

其實第一次聽佢首op已經係好得~不過搵極都搵唔到....
好彩lee個第13集尾曲改左做op~而且仲幾完整添~所以我就錄低左la~
2:xx....大概都唔係完整...只好第日搵過la....e+頂住癮先~
之後同阿蔡蔡icq~傾到12點半到佢就出發...而我咩都未搞...又遲到了....
正因為咁~我要多謝蔡蔡囉~因為....佢搞到我遲到~而令我見返一個f.1至f.3 o既舊同學~
連國偉....其實我地都唔算咩好友~只不過以前大家返學有時撞到~放學都係一齊放o既ja~
雖然見面o既時候一句說話都冇講到~但係~我地大家申左隻手出黎~互相鍮左隻手一下~
笑左一笑就走la~無聲勝有聲~其實咁樣...已經好足夠....

返到學校~佢地見到我冇jel頭都好驚訝~但係...阿水阿誠星期3都見過la~玩野咩...肥董未見過就話ja....
換完衫出黎就比人罰la~兔仔跳來回之後10下拳上壓ja~
咁好似平日咁上堂la~之後上到中段~師兄就叫我地一個一個咁出去做佢所叫我地做o既腳~
阿水同阿基都做完到我la~開頭就做個360Turning Kick ja~不過我都扮死玩野~
之後到Back-Kick加跳起o既Turning Kick~lee個野見過師兄考試做過~
而我自己都試過下~不過分開黎做真係好麻煩....我做完la~到果3個藍帶la~
佢地只係做360Turning Kick ja~好簡單呢~可惜...你話問題少年同肥仔做唔到我冇野好講la~
一個自大至極o既家樂都做唔到喎~呵呵~正當好多人比意見o既時候~師兄就叫一個一個咁比~
阿水佢地講埋晒d....轉得太快~跳得太高呀~佢問到我我就講~你好似問題少年咁做一次先la~
佢就車左我一聲~好la~佢仲一面迷茫的樣子~就望住師兄~師兄就話~你聽唔到咩~阿肥家個意見~
嘿...樣衰...我都大大聲聲叫~你唔好意謂自己高人幾班先得架~

之後到其他師弟做la~做下做下就到肥董la~佢要做Side Kick同Back-Kick~
咁佢做完個Side Kick之後做左個Back-Kick la~我就話~靚呀~佢同我講返...你唔好響度串la~肥家~
唉...果腳真係靚喎...打得中喎....之後打後果幾腳都唔中...師兄就同佢講~
你唔可以做返第一腳咁o既咩~我又叫左出黎la....話左靚架la~講你又唔信....
丫~我話憎家樂你又響師兄面前講我壞話~話你做得靚又唔信....都唔知咩人...

快要到今堂的尾聲了~最後....就係久違的free fight~佢地好似好開心呢~
不過蔡蔡打上果d都冇去著甲...可能唔想打la~我就等人挑先會著o既ja~
但係蔡蔡挑阿師兄打完之後就叫我地3個著....咁阿水就同阿基打la~阿水好快就比阿基ko了....
唔係我自大丫~講真~同我抗衡到o既都只係得蔡蔡~攻唔入佢...阿水~大家都打唔到大家...
阿基~兩敗軀傷~師兄~打唔勝....而d低級又廢喎~而大家眼中都有一個可以稱得上叫做ok o既~
家樂~不過我唔知師兄係咪有私心la~(想睇我比佢打~?)或者真係搵唔到人出黎la~
不過當時我坐到腳軟啵...出到都係~開始la~我都叫做試探左兩腳之後就狂起上黎la....
一面倒的壓制~因為我唔係單q的~所以我就狂攻la~越打越興奮~

打完~嘿嘿~返埋位又多左個稱號la....狂戰士...桌桌佢兩個改的....肥董唔知有咩感想呢~
佢話o岩o岩練腳時你仲軟手軟腳咁~一出到去你好似發左癲咁.....
到阿水同阿基再戰la~唉....又係一陣阿水就輸左la...好似話跳起時踢到條腰...
又到阿肥董同阿誠~o岩o岩阿誠話打到腳痛....不過....lee場完左佢仲痛囉XD
佢地唔講真係唔知...原來我左腳爆左甲喎....而右腳瘀左我就知道~
嘿嘿~剛剛實在太興奮了~我拎完包tempo之後行過去家樂度~原來我真係打打爆左喎....
佢右手邊件衫有血印~
不過其實我覺得係我輸囉....因為我狂Turning Kick....今次我用力量去取勝....
可能太耐冇打la~我有諗過出Reverse Kick架~不過....都係冇出....我想好似以前咁以技術去取勝呢....

佢地打完就放學la~今日去左麥記食野~買完野食之後佢地話見到個麥當奴姐姐心口好似...."浪下浪下"咁...
之後就睇下la~好似真係喎....我地4個就係咁傾la~不過有機會叫佢過黎o既時候阿水佢地話叫走...
失望x4....本來見到自己隻腳咁都想走架la~不過阿誠好似想去機舖喎....
我只好陪佢去la....阿誠係咁叫痛呢~雖然~我都痛~但係如果響敵人面前示弱的話~我做唔到囉~
嘿嘿~阿誠見到我咁打法都開心la~因為我地都係~"同道中人"~
6點幾la~我已經有d想走lu~咁就同阿誠走先la~我就飛的返去~佢就行~
搭的士果陣~見到一個人~好熟面口呢....一個小學同學~以前大家關係都唔錯架~
而且佢又靚~又白又滑~心地又好~
嘿嘿~我鍾意~或者果個真係唔係佢~但係~我再一次憶起lee個人...幸福呢~

返到屋企冇幾耐阿媽就到la...今晚煮飯~不過佢等埋阿爸返黎就走左la...
我見我都冇乜幾可玩隻ro~所以我開左個新人入去自己玩la~都玩左幾幾個鐘架~
家姐返la~我都有d想𤍣~咁我o既習慣係睇一本書先𤍣架la~
不過佢響度勁鬧....之後佢就過左阿媽房𤍣la~咁都好~不過爆甲果隻腳勁痛呢....

(可能太長~不過本來仲長~)

>>August 16, 2004 at 9:36:51 AM GMT+8

2004 年 8 月 12 日 星期四 【晴】

今次加埋我都係得4個人ja...不過算la~都去左咯~
玩左陣cs又上網玩war3~玩到3-4點~都冇野好玩lu....
見咁無聊~又想聽下歌~可惜丫.....佢冇kotoko d歌....只好上網dl個winmx la....
wa~好過份ja~平日響屋企dl果時又唔見佢有咁多喎~
響lee度dl竟然有15-20首之多....但係我有果d佢有d冇囉....
聽左陣~見到肥昌𤍣左~我只好開個ro玩la~不過真係好耐冇入去玩lu....
入去pvp~諗住殺下人la~不過....人唔多...但係佢地又唔係打....
不過都呆左好耐....等到肥昌起身~佢又叫我玩war3 la....

我地4個人玩~不過肥昌個朋友~世昌~佢都唔知點咁...打又唔係打~
半睡狀態中....好厲害....其實lee個世昌係我以前d師弟黎o既~佢今日先認得我~
而我開頭又唔敢肯定~所以冇理lu~
玩到咁上下~佢就走左~返工la~而我地就玩到10點幾到先走~
咁行行下見到666出左第7期啵~所以就買左佢la~
去到屋企樓下~就去左大家樂買早餐~返到屋企~食埋野~睇埋本書~沖埋涼就𤍣la~
lee本666其實都可以叫做一本好書~不過.....佢有d抄襲佢阿哥岸本齊史的naruto....
因為d畫風呀~內容都有d相似~算la~都係唔理....

11點幾𤍣~但係只係𤍣到去2點幾ja....唉...唔多夠𤍣...
個人都暈下暈下咁....呆坐左好幾個字~3點鐘唔知點解走去開電視喎~
出奇o既係今日做馬達比(?)o既結局喎~
以前睇都好似睇到大概尾果幾集~但係都係未睇晒....而且今日一氣過做兩集~正呀~
我一直都覺得佢d女角真係畫得好靚囉~特別係主角阿媽....正~
睇完~個人都係混混噩噩.....
5點幾到~有d清醒la~知道自己想睇暗與帽子與書之旅人~
真係激正呢~lee出野越睇越正o既ja~但係....因為電視7點做雙龍....差一話先完成到....

呵呵~今晚阿媽返黎煮飯啵~好耐都食過佢煮o既飯呢~
而且佢地今日響度𤍣~嘿嘿~家姐11點幾到返到黎~
我發覺佢帶個男仔返黎𤍣都係佢行先~之後等一陣佢先入黎~
嘿~大概係叫佢等la~因為我見到佢返黎我都𤍣la~
之後我都𤍣唔著囉~咁阿爸入埋房之後~果個男仔就黎左la....討厭....

>>August 15, 2004 at 7:00:38 AM GMT+8

2004 年 8 月 11 日 星期三 【晴】

好彩琴日買左麵ja~唔係又要捱餓了.....
食完午餐~我都諗緊有咩好做....又到左lee d無無聊聊o既時候la~
既然咁無聊~都係搵下有咩動好睇la...
雖然睇落真係好多~但係~lee個未整~果個又冇咩興趣~
不過最大問題都係睇下d人物靚唔靚同睇下個故事得唔得囉~有d都唔知點解會dl o既...

最後都係選擇左lee個暗與帽子與書之旅人~人物係....得呀~
但係故事都唔多清楚囉~不過....我有佢隻game d cg~所以有lee兩個原因就有d想睇....
嘿嘿~好正呢~原來lee出野....濃厚的GL淡淡的H味道~
女主角葉月愛上了沒有血緣關係的姐姐初美....但係初美就響剛剛踏入16歲的一刻消失了~
lee個時候有一隻遲來的"雞仔"~會飛....就黎搵初美的~
而lee個時候葉月就一手抓住佢~迫佢帶佢搵初美~之後就出法去搵la....(第一話就係咁...)
之後就進入不同o既書入面搵la~
不過lee套野包含左好多原素~所以我覺得好多人都會o岩睇囉....(愛好動漫的人~)

一睇就睇左8集之多~但係因為做雙龍la~只好停la~
今晚所有電視已經睇晒~肥昌就icq add我叫我去打機la....
不過....lee個時候先叫~會唔會遲d呢~?只好快快咁準備就出門口la~
今日以一個新形象出現~只是冇gel頭ja~但係~肥昌都冇左個龍珠頭啵...串佢唔到添...

>>August 14, 2004 at 4:47:58 AM GMT+8

2004 年 8 月 10 日 星期二 【雨】

唉....好唔舒服呢....淨係食餅果真係唔多夠....
雖然都叫做塞滿個肚~但係好似仲有種空虛o既感覺.....
阿媽打返黎喎~咁我同佢講話我琴日到e+都只係食過餅ja~
之後佢話幫我買~過多陣佢打黎話叫個阿姨幫我買叫我落去的士站拎~
我聽到之後無明火起咁話....如果我落得去的士站拎的話我自己落去買咪一樣~
其實我覺得我咁講真係言之有理~但係我發脾氣就係好唔o岩囉....
好煩呢~我成日不自覺咁又發左脾氣出黎....不過lee個問題我已經發現左好耐~
一直想改架la~每朝早我都會同自己講~今日一直唔可以發脾氣~點都要忍~
不過一到某d位~不爽~大概有5-10秒我會失去理性~到時我都唔知會講d咩出口架la...(完左就後悔la...)

但係我咁樣都有得賴o既~自從f.3開始可能係我目前為止人生最大o既轉變~
因為響學校玩得最放都係果段時間~開頭都冇咁衰架~但係軒仔佢地轉晒去d班~(最壞o既都走晒~)
而我地c班就10個男30個女~真係...玩乜都得la....而且果時對愛情lee樣野都冇咩渴求...
所以覺得同d女仔玩咪好似同肥昌佢地玩咁~都係佢打我時我又會還手咁囉~
好似咁...打下打下又一年la....雖然f.4我又唔知搞乜....有d抗拒同佢地有接觸~
而且果時開始有d憧憬風度lee樣野~可惜...係咪叫賊性難改呢~?以前雖然對住d外女內男o既女仔~
但係搞到我對邊個都不自覺地粗脾....一係驚同佢有眼神呀~肉體上o既接觸~講野都ok不過都唔會多...

事情完結了~見又冇咩野做~所以就拎晒果幾本美鳥出黎睇~
一口氣睇晒la~之後阿媽個朋友強仔就打黎話幫我買飯~不過都4點到lu~佢仲響九龍~
佢話返黎大概一個鐘到~不過我5點半要出發la~因為今日都要去跑步~(雖然個天黑黑的....)
係囉~今日會考放榜了真好呢~上天給予我一個慰問別人的一個機會~
其實我一早已經想問下睇下點架la~方法o既就...直接間接都諗好晒~不過就冇勇氣來去問~
無端端問人就真係....點講都好la....我都有好一段時間冇去"主動"去同人溝通~自我封閉~
對一些人而言講可能只是一件微不足道o既事~但係....角度唔同又係另一種睇法....

強仔5點1-2到先到~咁真係好多謝佢幫我送飯送錢黎~
不過...點好呢...又餓~但係一陣又要跑喎~饑餓始終會令人失去理性....我食左飯先去....
都係5點半出發la~不過行行下又落起雨黎...我打比阿水問下點~一路淋一路傾.....
唔知點好呢~如果e+返屋企又差唔多~行過去又係咁~而且都濕晒la~
不過最大原因係家樂響東涌出左黎lu...所以去左先囉~
去到火車站~遲就冇遲架la~但係佢地響晒度等我就真係好似唔係咁好意思咁...
佢地見到我今日個頭冇gel都有d驚訝....人家見到d頭髮都開始長~而且咁樣出一出又gel~
我d泥好快用晒lu~
上車討論lee個肥董有一分喎~而阿基日日話溫書都係食蛋~
我就話我絕對認同一分耕耘一分收穫lee種說法囉~我就係一個好例子~
冇努力過~只係有時做返一個學生應有o既責任~冇全u~我已經好安慰了~

到la~我地早左3個字去...等左陣家樂到左~師兄今日都幾準時啵~
之後就開始跑la~行去條路時~阿誠話佢阿哥借左朋友隻碟睇~見到好似我個名喎~
而且~d人物係手指咁~嘿....估都估到la...一定係添呀~嗚....好想睇多次呀~
可惜響以前個腦度...家下都冇埋了....傾傾下~師兄無lala問我~你係咪好憎家樂仔呀~
我當然話係la~無事不可對人言~而且我真係憎佢丫ma~做得出就唔怕認~
跟住問佢點解知~之後佢話肥董講喎~之後就話阿肥董話你憎佢係因為佢成日響度拋書包喎~
呵~佢有咩料響我面前拋書包呀~不過唔知點解佢做乜我都睇唔順眼~講乜都聽唔入耳~
由內到外再到返內都係憎佢~一d好感都冇~
但係肥董....都係鍾意響人地背後講壞話架la~我都冇咩所謂o既~

開始跑la~但係個天都落緊雨la~雖然唔太大~
不過我地跑到去橋已經濕透了....可惜我...可能食完野la...激痛呀....
平日都係左邊痛...而且用手一插住就冇咁痛架la am~但係今次成個都痛...而且一掂就仲痛...
過左橋~行左一段路~再跑la....真係唔得...今日本來好有鬥志架ma~而且都唔係好玪....
可惜...都係跑唔到....可惡呀....!!今日都只係跑到大學ja~
之後就搭火車返大埔食野la~佢地去麥記食~咁我食完野只係買野飲ja~
食完la~傾左都有一段時間就返屋企la~我見大概聽日都冇飯食架la~
之後叫蔡蔡陪我去百佳買麵~好彩佢陪我ja~唔係悶死~

>>August 13, 2004 at 9:43:16 AM GMT+8

2004 年 8 月 9 日 星期一 【晴】

好無聊呢~冇野做~聽左都好幾個鐘歌~
又勁上網睇野....唉....冇野做...睇動又冇咩心情喎...都唔知想點咁....
點幾兩點~無無聊聊又開左個機戰A玩la~
呵呵~玩到我癲左~一玩就玩到做雙龍先停~
不過....大概7點到其實已經係最後一版架la...不過...佢要我10個回合打死一個會回hp~
6萬5血~命中高~迴避高~攻高~防高...o既大佬...
就連最勁果招石破天驚拳~車佢都唔過9千....真係打條毛咩....

唉....好灰添...再一次冇飯食la...好彩~屋企仲有d餅ja~
不過今日果幾餐都係餅....死人....
臨𤍣前就睇左美鳥第一期la~呵呵~真係爆好笑呢~
比動畫仲好笑添~不過我又唔夠膽講佢比動畫好睇囉~都係果句la~各有各好~
可惜丫~又𤍣唔著la....
聽日~就係會考放榜lu~雖然...真係唔關我事~但係...都有不少朋友係佢地o既"大日子"~
既然𤍣唔著今晚就同佢地緊張埋一份la~XD

>>August 12, 2004 at 1:16:15 PM GMT+8

2004 年 8 月 8 日 星期日 【晴】

今日又要為個腦急救了....一起身等埋我家姐走就燒碟了~
其實都唔知自己做咩會等佢走先燒...大概係怕佢知道個腦快要被我迫死....
而令自己面臨一個煩死的危機....
燒好了~見到都係得6gb到~始終都好似太少了....咁個天外都已經唔玩~
都係del埋佢好了...

到了下午~我拎左琴晚睇那套書的第二期出黎睇~
其實....睇動冇咩引都幾難睇落去....但係睇漫又唔同囉~
我覺得始終見到一本漫畫放響度~就有一種魔力~會吸引我去睇佢~
而且睇完一本~又會想睇多一本~睇呀睇~睇呀睇~咁就會睇晒囉....
老實果句~琴晚已經想睇晒佢架la~至少....我都想了解下....佢點解會睇~睇完有咩感覺囉...
不過家姐小我叫我話佢要𤍣...只好乖乖的去睡了.....

阿媽打比我叫我5點出舖頭~因為前幾日佢問我去唔去食buffet~咁我話左去~
所以就要響舖頭集合la~唉....基於某些原因~搞到我慢左~又要幫阿媽執衫~
搞到我要飛的出去~不過...出到去~佢都仲未得...等到果個阿姨沖完涼阿媽就去沖la...
佢竟然可以沖到4個幾字....估都估唔到沖咁耐....過多陣就出發了~
我地搭完火車就轉地鐵~去到果個.....問號地方....(記唔到d地方名....唉....笨....)
阿媽等埋佢個朋友之後就入得la~

入到去...有d唔好意思o既感覺囉....因為次次去都係勁多人去~
所以好多時候都有人陪我一齊去拎野食....不過今次唔多人...我都係等埋佢地先去la....
可惜...食左兩轉就差唔多飽la.....雖然食得唔多...可能成日冇野食o既關係la....
過多陣~阿媽兩個朋友都到左~其中一個有個女~年齡就大概....13-4歲到...
f.1/2到la~雖然lee個年齡係好吸引o既....不過.....我唔多喜歡d黑o既女仔...而且佢著得都好in下....
最怕d咁o既女仔....唉...佢地傾d話題都有d問題....雖然係搞笑~
但係...佢地唔當我係細路我唔怪佢....但係果個阿姨個女咁細~你地傾d咁o既野都唔好la...
(我好似好古板咁....)

食完la~既然同旺角唔係差好遠~所以我又自己一個人出信和買書la~
但係去開果間好似冇我要o既書...chobits....估都估唔到就連上面的店都冇....
去開果度都話有兩期丫~但係...lee度連一期都冇....只好買其他書了....
睇下睇下~死la...又發現到好多正野....但係身上好似得返...5百幾蚊....
左諗右諗...見到美鳥日記喎~(美鳥伴身邊)~lee出野真係...又係一出必睇之作呀~
所以我決定買下它~

返到屋企~家姐都差唔多係時候返黎la~唉...佢又帶個男朋友返黎....
真麻煩呢...不爽....佢地有新碟睇喎~咁我就陪佢地睇la~大大個電燈膽....
不過lee出死人喪屍片...真係爛得很呢...不過果時我寫緊日記~都冇乜點睇過....

>>August 11, 2004 at 4:39:04 PM GMT+8

2004 年 8 月 7 日 星期六 【晴】

今日都幾好𤍣~𤍣到11點幾先醒喎~
不過醒果時就有d頭昏腦脹o既感覺囉...又暈又痛...
好彩~坐左陣就冇事la~
可惜丫~lee個時候電視已經冇野好睇la~有線又做戀愛起義....
都唔知睇左幾多次lu....

上網睇左陣野~平常會去o既網都去晒la~
見冇咩野做~而且...個腦又有新低點....人類果然係一種喜歡突破o既生物~
5gb~唔覺唔覺~我見到有愛的魔法o既op同ed~dl完睇到先知佢有個咁o既數字....
唔快d睇埋個piano~睇完又係5點幾o既事la~
lee出野....其實佢係一個極度平凡o既故事~感覺上大概lee個世界差唔多一個正常人都會經歷到....
唔同o既大概都係d細節~(唔係個個都會學鋼琴架ma~)
可能佢冇結局la~(又係咁....睇完就更加空處...)搞到我覺得佢係比你諗下個結局會係點囉~
或者~佢結局...就係由你去開創~(有機會的話...)你o既結局就係佢o既結局咁囉~
(最尾o既內容係鋼琴比賽~)

今晚~𤍣之前睇左琴日所買o既兩套書中的某套第一期~
以前~因為想睇~所以叫左猩猩買~大概都睇過下o既....不過太耐了~所以都唔係好記得~
今次睇返~感覺都....幾好o既....作者.................魷魚..................(估下日本人~四隻字~^﹏^)<-噁心的樣子....

>>August 11, 2004 at 3:15:09 PM GMT+8