2004 年 3 月 23 日 星期二 【微冷】

唔知點解勁累....差d連身都起唔到.....
之後搭車返工果陣~我響入吐路港果條路開始𤍣~
𤍣到過晒龍....差唔多去到總站.....好彩都唔係好遠ja~
因為我平日落車果個位要去總站係會兜一個大圈~
不過行過去o既時間都係差唔多~所以...都只係遲左小小ja~37分.....

咁譚德因為一d事~所以唔可以返咁多鐘~之後佢兩點就走la...
但係我今日真係唔知做咩囉....累得很...咁阿朱又想食飯喎~
我咪問佢我可唔可以3點走囉~佢話冇所謂~咁我就3點走la~
咁我要落一落舖頭拎藥喎~之後咪順便去剪埋個髮囉~家因真係太長....
唉....剪完...真係....唔多開心囉....可能太短la....我本人覺多都幾柒.....(傷心.....)

>>March 26, 2004 at 4:27:13 PM GMT+8

2004 年 3 月 22 日 星期一 【颳風】

譚德今日生日~所以佢請左假....不過佢打左比朱仔叫佢返~
所以....都係得兩個....見到佢~真係好似好病咁喎~不過...我有一排都係咁....
難道...佢有特權~?
見佢咁樣~我都唔忍心要佢太辛苦~所以今日都比較落力~
咁今日都有得食埋飯先走~都成5點先收~

但係...我發覺個頭...有問題...之後就急急腳咁行過去la~
我知道lee排出左都好多書下~所以就走左去信和睇la~wa~佢真係出左好多本呢....
我都只係買左3本就算la....
返到去~睇左本書之後睇到6點半先𤍣~醒果陣已經7點la~
今日都係呆味咁上堂~其實我都已經冇心上lu....不過...仲有幾堂....唔返咪好笨~

>>March 25, 2004 at 3:33:06 PM GMT+8

2004 年 3 月 21 日 星期日 【炎熱】

唉....朱仔仲係未返工.....
唔通...佢真係好病.....
不過....如果再係咁...唔只係佢病呀...輪到我病架la....
今日洗地毯~所以搞到好夜先放~成6點半先放~
佢開"行"個冷氣.....真係凍到飛起.....可能....我真係會病....

>>March 25, 2004 at 2:52:05 PM GMT+8

2004 年 3 月 20 日 星期六 【炎熱】

一早~就比我睇到d唔應該同唔想見到o既野....唉.....努力la......家家.....

今日~都幾多人下~我阿聰譚德明仔~但係朱仔依然係冇返o既~
而且今日都唔算太多人~都係一般ja~所以~咁o既陣容加上唔係咁多人~
都算係輕輕鬆鬆咁渡過la~
不過...不如意o既事...不論多人或小人都會發生.....
咁我就出盤菜la~果個咁o既死人大陸婆~一手叉左落去喎~
我都廢事理佢la~落完就諗住走la~佢竟然"第"件衫比我睇喎~
之後我都唔理佢la~佢個導遊走左埋黎之後我咪求其解釋返囉~
講完我就走返入去la~

過多冇耐~d比我高級(大把la~不過唔係全部~)o既都走入黎同我講經~
阿聰都幫我口話係佢著衫叉隻手埋黎~但係佢地都冇理~
其實佢地咁做我心諗~你同我講埋lee d咁o既野~ja係話我唔o岩ja~
阿明仔就同我講~出黎做野~最緊要3樣野~[襟屌~爛做~之後果個唔記得左~]
我當時真係好想同佢講~屌~唔係問題~我錯你可以屌~點屌都得~但係好明顯係你唔o岩la~
你唔o岩仲要屌我~?咩道理呀......
之後佢地就叫我唔好出盤菜la~叫我響入面做la~過多陣都唔理la~
出果陣~譚德同我講~其實佢地都對你好好架la~果個人叫阿田生果d叫你出去道歉~
但係佢地都冇叫你出去~仲幫你口.....唉....我聽到之後真係覺得佢地唔錯囉....
譚德話搵到第份工就走~佢又叫我跳槽.....其實我覺得真係唔好囉....
e+搞成咁樣....我就更加......覺得唔好意思........

譚德因為要走第二場~所以佢話想去麥記做陣功課先去~
所以我地就3點收左工la~去左麥記食野~坐到4點半譚德就走左~
咁我點好呢~?我想𤍣陣架~不過....始終都覺得唔係咁好~而且....𤍣得唔安樂....
所以坐到5點幾到就諗到一個人去打機都得o既ja~咁我就一個人行去新浦崗打la~
打到6點10~o岩o岩好~之後就去返學la~返到去達達都到左la已經~
之後就上堂la~唔知點解呢~勁想佢快d落堂~等左勁耐先等到....
走la~阿達達唔知做咩~一個人走先~之後我地咪慢慢行囉~去左7仔買野飲la~
咁又比我見到一隻叫洋蔥圈o既野喎~我記得....細個果陣~食過一隻都係叫洋蔥圈o既物體~勁正~
但係想搵已經搵唔返lu...所以我見到lee隻野就想試下la~買左包lee d同枝豆漿~
wa~咁猩猩落左車之後我就諗住飲埋枝豆漿佢la~個底...變到d漿狀物咁....
我飲完真係想嘔....勁嘔心........
返到屋企就試下隻洋蔥圈la~呵~此洋蔥圈果真不同彼洋蔥圈.....完全係兩樣野....失望.....

>>March 25, 2004 at 11:53:03 AM GMT+8

2004 年 3 月 19 日 星期五 【炎熱】

真係開心o既ja~終於都比我等到放假la~
𤍣左一教好o既~真係一絕~我終於感受到放假唔係因為有得玩而開心~係因為可以𤍣耐d.....
唉....唔知邊條粉皮~成日霸住cs個cd key....搞到我lee幾日都冇得玩....
同d bot打....又廢又hang機....搞到我都冇咩引....
呵呵~又搞到成點先出門口~

嘿嘿~返到去~佢地o岩o岩跑完步~正~唔洗跑~
而且miss又有返喎~遲到~?都只係罰十下拳上壓~正呀~
之後練左陣拳套之後~就休息la~不過miss就叫左我阿水阿邦3個紅帶過去訓話la....
其實~miss講得冇錯o既~自從阿誠果個年代開始~鬆左好多....上當年....我地新係苦不堪言囉....
而且e+d秩序真係差左勁多~雖然以前都唔好得去邊~但係....同e+比就真係....
所以miss單聲我地先lee排開始就會嚴d~搞返好d秩序~分返好d等級關係~
佢同我地講完之後~就繼續操la~阿周兄就因為唔知咩事走先~
之後就miss帶我地操la~操到咁上下~miss就叫打free fight~

其實我比較鍾意miss帶打free fight囉~因為佢有時會玩計分~
今日就係la~佢叫我地邊個打邊個就著甲la~咁著好甲之後第一個就叫我出去la....
我行左出去~又冇人出喎~佢見到阿誠搞掂晒d野之後就叫佢出黎la~
呵呵~唔洗講~當然係我win la~阿誠d打法真係有d問題~不過比起前排就真係有進步囉~
打完la~miss話唔可以讓喎....咁阿誠都只係綠帶ja....唔讓~?死人架喎~
咁我win左~就要打落去la~miss話連win3場先可以停~第二個出黎o既就係阿水la~
阿水~其實我都有d驚佢~所以大家都唔敢鬆懈~直到得返十幾秒大家都係得兩分~
最後比我追多分~咁就win左la~

呵呵~第3場~係我期待已久o既一場~
我想睇下~我lee個上界學界季軍同今界因為好彩(大部份人都係咁諗~)而得到o既學界季軍o既實力相差幾遠~
同我預期o既一樣~係相差極遠的.....佢比我拎左5分~期間一下hight Turning Kick上頭冇比分....
再跟住一個Reverse Kick~都係冇比分~嘿....我都未試過個Reverse Kick係食得咁應囉....
佢係連一d迴避o既意欲都冇....我出完隻腳仲可以鉤響個頭度o既....你話....應唔應....
不過多得佢~我終於感受到Reverse Kick o既真正威力~
本來都冇咁激架我~不過佢d拳真係令人討厭囉....佢d咁白痴o既行為~搞到我都有d火~
所以...係你唔好彩la~問題少年.....嘿....亦因為lee場~大家同是季軍~
實力的差距係有幾遠....在場...或者睇到我日記o既~都知到有幾遠....真係~此季軍不同彼季軍~
家因我win左3場~已經唔洗打la~佢地部份人打左之後就放學la~
哈哈~問題少年真係好很白痴架佢~佢竟然問我佢邊度打得唔好喎....
99.9%係打得唔好la...d無謂o既拳....收埋佢la唔該...之後腳踢得唔高....唔識避....
講左lee幾點~可能我真係比佢吹帳o既關係la...有d激動....佢仲話....肥家~你唔洗咁激動呀.....
講真丫~有個咁o既師弟~無疑係一種恥辱....

放學la~我地今次去左大家樂食~我同阿誠討論返la~
佢話我~你做咩打傷佢ja~我仲想同佢打返場架ma~冇錯....佢真係比我踢到代....
正當佢一個Turning o既時候~我及時黎得設反應黎返個Turning.....咁因為佢踢得低....所以....ko....(左腳ja....)
食完la~打比猩猩叫佢響機舖門口等la~我地幾個就行過去~
咁就同阿誠傾la~我地傾牙o既問題喎~哈哈~原來傾lee d都有好多搞笑野架喎~
好似上次放工去麥記食野食食下甩左隻牙都幾搞笑下架~
去到la~阿肥董又黎~猩猩又黎同埋我阿水家樂~今次都算係幾多人la~
我地又一齊玩果隻幾個人玩o既賽車game~勁搞笑~之後又玩果個死人mini game~
玩搵錯處~我地5個人一齊玩~勁搞笑~不過都唔係過得幾多關...玩完得啖笑~真係得意~
之後打到9點先走~

返到屋企~又冇人~我家姐再夜d又帶佢男友返黎....
之後仲霸埋我間房....仲迫我過阿媽房𤍣添....佢話...識做la~阻住晒.....
搞搞下~搞到4點先去沖涼𤍣....死la....聽日仲要返工架.....

>>March 22, 2004 at 4:45:44 PM GMT+8

2004 年 3 月 18 日 星期四 【炎熱】

死人朱仔~今日又唔返la~佢話病喎.......
真係~打死我都唔信la....琴日又唔返喎....兩日阿甄姐都有打比佢都竟然可以唔洗返喎......
好似上次咁~我去左肥董屋企打機打通頂~之後𤍣過龍~
之後有d唔舒服~而且又11點幾喎.....佢竟然仲叫我返~
但係lee兩日都係咁....打去搵佢都竟然唔洗返.....真係好唔公平o既ja.....
今日阿田生又放假....得返我譚德阿俊同根叔....4個人....

今日又係爆多人.....251圍喎....做到我地死下死下....而且仲同譚德嘈添.....
咁做緊野果陣~我就倒緊d盤菜la~佢就執緊d車隻喎~之後佢落到個垃圾桶滿左la~
叫我去幫手la~咁我都做緊野咪叫佢等陣囉~之後我倒晒la~佢話一個扔唔到舊垃圾喎....
我好唔順咁一個人扔左個垃圾囉~仲講左句~一個人扔唔到~?
之後佢就發左癲咁鬧我la~因為太忙la o岩o岩~所以做到都有d火~而且我又抵唔住頸比人鬧o既~
所以就同佢嘈la~你一句我一句咁~鬧鬧下阿俊拎左d氣水入黎~咁都唔好意思鬧la~
咁我就一個人出去收盤la~講真丫~我覺得我其實有d唔o岩囉~但係佢就一定有錯~

今日都係食埋飯先走o既~咁我同猩猩前排就約好左去打機o既~
之後行行下佢就打比我la~當我就快去到o既時候佢已經到左la~
咁家因大把時間~所以我地就慢慢行去機舖la~去到~
我地兜左轉之後就去唱錢la~唱完都諗唔到玩咩好~之後求其搵左隻game玩~
後來真係覺得佢太貴la~所以就約猩猩聽日等我放學同阿水果d一齊去la~
咁返到學校la~今日就真係好似冇咩點上堂咁....我倆坐響後面.....又係咁傾....
食完飯就走la~阿宏猩猩又話食雪糕la....
有時見到佢地食~真係好想食埋一份~所以我都買左條~雪條形o既雪糕~
咁o岩一出去就有車la~佢地冇得遮~我果個就有得入返落個袋度~
結果.....猩猩係整污漕左件衫o既XD~~~

>>March 21, 2004 at 3:36:32 PM GMT+8

2004 年 3 月 17 日 星期三 【晴】

今朝食完飯~咁我地平時都會入廁所搞搞先架ma~
咁譚德響度梳頭o既時候~我就等埋佢先出去la~
阿東又走埋入黎喎~咁我就都係企響度等la~阿東就"燎"譚德講野喎~
之後講講下講髮型喎~阿東仲串我添.......
我開頭真係冇出聲~之後譚德叫佢~好la好la~就發火la佢~你仲講~
佢就真係冇停......我d火就黎la....有時你郁手郁腳~我冇所謂~最多你打幾多下我打返你幾多下o既ja~
但係你講我最寶貴o既野~?!(暫時一生中最寶貴o既都仲未搵到~所以個頭係e+最寶貴)
真係佛都有火呀~一連串o既口舌攻擊~鬧到佢野都唔敢講~之後大家都好冇癮就走返出去做野la~

d客走晒la~我地正在清場果陣~阿東就走出黎~
有時真係發覺佢好似唔洗做咁囉~佢成日行黎行去~
咁佢又係好似平日咁行出黎~佢勁問我~仲嬲緊呀~?冇野呀~?果d~
其實我鬧完佢之後我都下左啖氣~不過佢問我~我都好細聲咁講左兩句就冇理佢la~好似好衰咁.....
今日朱仔放飛機~唉~好彩今日比琴日前日小人ja~所以冇左佢都搞得掂o既~

>>March 20, 2004 at 3:13:50 PM GMT+8

2004 年 3 月 16 日 星期二 【炎熱】

因為琴晚阿爸拎左d湯返黎~但係我又冇飲喎~
所以今朝咪煲返佢囉~咁就快9點la~所以就去換衫~
換完衫出黎竟然冇左件事....臨出門口果陣去睇下個熱水壚熄左未la~
見到d湯仲煲緊喎....其實我一早想倒左佢架la~
不過....始終都係佢o既一番心意(雖然係人地煲....)
所以我決定飲埋先走la~估都估唔到原來佢有咁大煲架喎....
要3個飯碗先飲得晒....飲到我肚帳帳咁....仲要遲左添....

食完飯冇幾耐~做做下野~阿媽打黎叫我落一落舖頭拎個蛋糕返屋企喎~
咁我咪放工之後響大埔果邊落車囉~
落到去~我就拎左個蛋糕la~同埋d牛肉亁la~
唉....但係又比阿"e"迫我飲湯....唉...一日飲咁多湯....真係飲到人都驚......
今晚猩猩打黎問我跑唔跑步~但係我隻大脾依照痛到飛起....
所以我同佢講如果聽日冇事的話就去la~

>>March 19, 2004 at 3:48:01 PM GMT+8

2004 年 3 月 15 日 星期一 【炎熱】

真係好討厭d人無lala講講下野講粗口o既ja.....
咁今朝食食下飯~譚德就同我講野la~咁我又冇咩精神~而且我又諗緊野喎~
但係我都有答佢丫~佢講講下又得左幾句粗口出黎....真係好黑人憎o既ja....
所以今日都唔多同佢講野la~
雖然~今日冇琴日咁瘋狂~都係得2百幾圍....不過都足以做到我死死下囉....
因為個大脾仲痛緊囉....但係個人有就有d心神恍惚....所以都唔覺唔覺咁就一路諗野一路做野la~
感覺上係過得好快囉~不過個人就累得很....
又係好似平日咁食埋飯~之後返學la~

咁又係行過去la~但係完全控制唔到d速度囉~
家因個大脾真係痛得要死...(唔信...你試下...你就會明白我o既感受架la....)
咁又走左去信和買書la~買完就真係行返去學校la~
返到去~如往常一樣𤍣陣先~之後我醒猩猩都已經到左la~
咁佢就幫手做緊野la~我就去完個廁所就落黎睇下有咩野幫手la~
勉勉強強黎講我都叫做有份煮囉~
今晚d痃依然係冇咩吸引....所以都係試下味就算la~

放左學~我地3個走左去7仔買野飲la~咁猩猩就叫阿宏去買雪糕喎~
咁阿宏話你食我食咁~所以猩猩都買黎食la~呵呵~阿宏比左錢la~
之後個阿嬸就去整比佢喎~低係...冇晒雪糕lu喎~哈哈~得果半杯~之後個阿嬸比返一蚊佢....(兩蚊杯~)
阿宏就叫阿猩猩行去前面果間買~所以我地又行多一個站la~
其實阿宏都叫我食o既~不過....我唔多鍾意響街食野囉~因為....都幾樣衰下....
所以~都係咪搞~

>>March 18, 2004 at 4:05:42 PM GMT+8

2004 年 3 月 14 日 星期日 【炎熱】

好快...家家就會死架la....
琴日返早放夜~今日....譚德放假.....小左個人....
而且...今日係六福記開張以黎最多人o既一日....
下午去到340-50圍之多......做到我地死晒咁樣......
佢加埋朝早都去到5百圍呀.....阿田生都局住cancel埋夜晚果廿圍....
我同朱仔兩個搞掂晒d野都要5點到先走得...

今晚打個日記都打到成兩點....因為真係累到....唉.....

>>March 17, 2004 at 2:40:41 PM GMT+8