2004 年 1 月 15 日 星期四 【乍雨乍晴】

呵呵~朝早開左個腦打埋個日記~之後仲打左陣機先去換衫~
不過打到過晒時間....9點4到先出門口....
搭車去到琴日塞果度又塞過.....不過塞左陣ja都係~

返到去都係o岩o岩好~
食完飯就開始做野la~唉~晨咁早就已經有人黎la~
今日都係得我,譚德同根叔~而且又多人到勁喎~(對我lee個新仔黎講~)
真係忙得很呢~咁到兩點到la~譚德要去送野~之後都唔返黎la~
而其他人都係la~根叔又係~阿俊都係(雖然佢唔會幫手)咁個個走晒~
得返我自己一個執埋d手尾~其實響3點到我已經搞掂~
仲欠lee個垃圾車未換~咁等等等等等~等左都好耐下先換到~
上返黎都3點7lu~咁阿恩姐又冇叫我走喎~咁我就食埋飯先走~

換好衫la~因為我一早已經放左假~咁就要去搵田生請假la~
唉~開頭佢都唔比架la~不過經我苦苦哀求加上我話上星期日同佢講過之下~佢就比我放la~
咁一個人~去邊好呢~仲有排等架喎~4點半~
咁我就要超龜速行過去旺角先~之後就響d商場行~行到咁上下就走去信和買左本書~
之後就走返學la~返到去~本來諗住睇書la~不過又有人返喎~咁就唔好意思睇~
又有小小眼𤍣~咁就𤍣左陣~我覺得係猩猩嘈醒我囉~因為我一開眼就見到猩猩~
可能佢覺得我只係趴左響張書桌上面之後唔知用咩方法搞左我一野la~
咁就上堂la.........................................................................................................
猩猩真係好鬼死有天份o既ja~走油喎~勁得佢丫XP

放學la~我地都係3人行~一齊走o既~
咁搭巴士就有個road show o既電視咁o既物體睇架la~真係勁好睇~
我差唔多日日搭車睇都唔厭~因為佢差唔多日日都有更新架ma~(小部份~)

>>January 17, 2004 at 4:09:22 AM GMT+8

2004 年 1 月 14 日 星期三 【乍雨乍晴】

勁眼𤍣~𤍣到過左小小~之後又要落舖頭喎~
不過去到巴士站應該去到係o岩o岩好o既~不過去到咁上下竟然塞車喎....
好彩都係塞一陣ja~去到立即用最快o既腳步行過去la~

咁今日譚德要返~見到佢個樣~好似唔夠𤍣咁~好似我以前打完通頂咁o既樣....
今完飯就開始做野la~唔知點解呢.....開頭都唔覺架.....無lala腰骨痛.....
唔係小痛....係勁痛....咁譚德今日又早走喎.....唉....
2點la~譚德走左la~之後諗住搞掂埋d手尾~又有人黎食野喎......
到開始搞la~阿俊又叫左朱仔出去幫佢喎....我同恩姐果d講想早走la~
又唔比....真係火都黎埋....之後勁快咁自己一個人搞掂晒d野~3點鐘~走得~

>>January 17, 2004 at 2:44:53 AM GMT+8

2004 年 1 月 13 日 星期二 【乍雨乍晴】

今日譚德放假~而peter好似比人炒左~咁就得返我朱仔同根叔la....
食完飯~朝早冇咩人咁~得幾圍~好清閒~去到12點半到~d人一次過黎晒....
搞到勁忙呢....之後2點幾3點就開始執好d手尾la~
之後阿田生問我一陣等唔等閒~一陣去送貨喎....咁我就冇所謂la~大把時間~

等左陣就同埋一個叫阿敬o既去la(睇落好似幾高級咁~)~
咁就一個個地方咁去la~(有幾個要我自己去架....驚得我丫...不過送野都有著數架喎~咁有度就比左10蚊同張卡片我唔知做咩la~落到去~我就諗住比返阿敬la~佢竟然比左10蚊我同我講話~拎去搭車丫~)
之後送多數間~送到4點半到~就送完la~我就搭車返屋企la~

今晚~無聊冇野做~咁希望又玩唔到喎~
咁o岩比我見到隻RO~咁咪安黎睇下囉~d 舊acc就冇晒點la~
突然諗起有tast server喎~咁又dl下睇下玩唔玩到囉~正~玩到~而且以前玩落果個仲響度添~
嘿嘿~玩到成點先去沖涼𤍣教唷~~~

>>January 15, 2004 at 2:12:00 PM GMT+8

2004 年 1 月 12 日 星期一 【乍雨乍晴】

琴晚𤍣得咁小....今朝又7點半起身....真係好累呀....
打好個日記之後就打機la~咁換完衫過多陣就出門口la~
搭車果陣真係暈暈地~不過又𤍣唔著喎~真係矛盾....

...............................................................................放工la~
今日中廚果度今日係下學期o既第一堂~咁我又唔知點打發時間喎~唔通返屋企咩~8個幾架大佬~
之後譚德咁o岩就想出去旺角行喎~佢就話陪我~不過阿田生就叫佢去送貨喎~
佢叫我等佢~反正冇野做咪等下佢囉~佢話響平時去開果間麥記等~佢叫我行下先好去麥記喎~
咁我就用有史以黎o既最龜速去行果個唔知咩商場~之後就去麥記la~放工3點行多左個商場過去麥記都係3點7...
咁就買左個餐食la....我真係咁大個仔食野都試過食咁耐架....食左半個鐘有多....
之後就等la~等等等等等~等到5點9佢先黎....兩個鐘呀....佢食埋野就行過去la~
腳~依然未好~而且大脾仲無lala痛埋添....

咁行左陣~我都已經遲到la~佢就問我洗唔洗走先~咁我就走先la~
返到去~都7點lu~遲左半個鐘~今次又多左人學la~上期都好多有返返~
我地果組最齊~8個人走得一個ja~咁之後就上堂la~不過....我同猩猩勁傾...
傾到阿叔都問我地~你地好耐冇見呀~
咁其實我地都幾耐冇見過架la....(好似)~咁佢e+做緊麥記~咁咪問下佢麥記d野囉~
wa~勁多規則呀.....lee樣唔得果樣唔得~最大問題係...要剪頭髮呀......
要我剪頭髮~?!我死都唔做呀~

放學la~猩猩要去信和買野~咁果個同學就走先la~
買完野~就去搭巴士la~咁好快就有車la~咁我見到佢想飛咪"第"手出去囉~
不過佢都係飛站.....之後睇真d~有張紙~原來個站e+廢左....之後就要我地行去下一個站la....

>>January 14, 2004 at 2:28:51 PM GMT+8

2004 年 1 月 11 日 星期日 【乍雨乍晴】

今日被迫放假~瞓到9點幾10點~嘿~都幾舒服下呢~
不過對腳依然係冇咩點好過....痛呀....咁開完腦之後就dl隻seal online 同 lineage ll online 睇下玩唔到玩~
lineage ll 因為我冇acc 所以就玩唔到la~所以直頭成個del埋佢~
呵呵~seal又玩到喎~咁佢就好似我一直期待緊o既Mabinogi lee隻online game咁o既~睇落~
而且佢e+又唔洗錢咪玩囉~

唉~本來叫嵐楓o既個名~因為以前玩騎士都係lee個名~但係因為教錯左d野之後del左個人就用唔到la....
所以都係叫返玩法個名la....嵐豪....如果有玩第4個伺服入下面果個的話可以搵搵我XD~
咁我家姐去交"joe"la~就順便去幫我去買飯~正~不過銀包果最後o既30蚊都比埋佢...我e+身上一毫子都冇....
一直打一直打一直打~打左成日~到睇公主候補生佑希都係咁打~不過都係冇睇~因為之前已經睇左la...
搞到都冇心情睇la....之後都係咁打....夜d~阿媽果d又夜d返~佢問我食咩~
佢話執d佢地食唔晒果d餸同加多盒飯同隻乳鴒比喎~之後我唔要la~佢就話買兩隻乳鴒比我la~ccc~

本來12點幾就瞓左架la~不過....2點幾3點比人嘈醒左....
之後聽恐怖熱線.....本來我都唔想聽架la....不過我家姐開個架機勁大聲~
而且仲響我隔離....你話我點樣唔聽la...咁佢又已經做緊la ma....搞到我都唔敢去關.....
之後一直都瞓唔著....直到5點半..........

>>January 13, 2004 at 12:19:43 AM GMT+8

2004 年 1 月 10 日 星期六 【乍雨乍晴】

琴日~我家姐去左同佢d fd去買電腦~我~我家姐同阿媽一人1左一千蚊~(儲左咁耐一次過比好肉痛....)
佢11點到返黎~佢個fd又要走la~所以之後d野就留返比我搞la~搞到4點幾先瞓......

唉~8點鐘又要起身la~瞓得幾個鐘~而且琴日又....唉~隻小腿肌肉疲勞~痛到出汁.....
死死下咁返到公司之後就換衫食飯la~食完咪等野做囉~唉....阿俊又叫我出樓面幫手喎....
雖然~我鍾意做樓面多d~但係....腳痛啵.....
就快放la~佢地想等到食埋飯先~咁譚德比阿俊叫去洗廁所~佢就叫埋我入去~
洗到咁上下~阿俊走入黎話全世界放3點半....唉....咁就要早走la....
打完卡之後~我就入去同田生講聽日個假調去星期6~不過...佢叫我放左先算...星期6先算....

咁上星期應承左譚德陪佢出旺角~咁佢本來就出左o既~不過佢買左果條褲要大碼果條友比大左要去換...
咁我地去完食野之後就行過去la....唉...死人呀....真係行步路都痛呀....仲要響土瓜灣行過去...
之後又響lee個旺角行去新浦崗.....唉....又上又落....行黎行去...痛到飛起....
之後好辛苦先去到返學果度....就上堂la~文達返左猩猩都未到~教左佢點黎架la ma~咁遲都仲未到....
結果上完堂猩猩都未返....之後我地去搭車~等車果陣猩猩就打比文達~話佢唔黎la....

>>January 12, 2004 at 4:52:45 AM GMT+8

2004 年 1 月 9 日 星期五 【乍雨乍晴】

琴晚11點幾到瞓~今朝8點半就起身~
之後就完全瞓唔到la...不過係唔眼瞓架喎~原來瞓9個幾鐘就已經夠架lu喎~
咁今日睇棋魂~唔知點解o岩o岩開始就覺得好慘.....可能之前睇過漫畫la.....
眼見光仔四維搵佐為.....唉.....

12點就換衫出門口la~之後走左落舖頭拎學費就返學la~
返到學校都係得阿肥仔一個返到....響門口就見到生豪同周"昆"~佢地話路過喎....
咁等多一陣都唔係有好多人返~佢兩條死仔原來都係返黎上堂....之後miss都返左la~
佢地唔知拎張咩出黎搞~原來係比賽果張表喎~不過係學界的....
嘿嘿嘿~回想起上年打完比賽~一連發生兩件開心o既事(算係叫做)~拎到個季軍la~之後...(唔話你知~)
過多陣換好衫之後就鬆根lu喎~唉~真係太耐冇上堂~d根好緊呀.....痛到出汁...唉...lee d野都係得過且過算la~

之後阿周兄就返黎la~唉....次次見親佢都冇好野架....
佢叫我地跑學校喎....唔係學校咁easy.....係走上6樓之後跑返落2樓又上返去~
來回20轉....講完之後佢地就成班衝左上去la~咁我就急小便就去左廁所la~
上返去已經見到蔡蔡同阿水已經跑到第二轉~咁我咪跟住去囉~之後阿水就甩左la~
我就死跟住蔡蔡~條屎仔勁到爆la~一次又一次咁過其他人~我都頂到爆晒咁響第8個圈終於都比佢賣甩左la....
不過又立即比我見返阿水~呵呵~我已經追返之前~仲過左唔小人添~
之後我咪同阿水跑囉~唔知點解佢地落晒去~得我阿水蔡蔡家樂幾個人跑....
咁我同阿水就一齊完成lee 20個圈la~阿蔡蔡就快我地兩個圈搞掂~得家樂一個人慢慢跑....
落到去問la~原來佢地都係跑左10個....不過之前因為我地問miss叫我同阿水跑....點解家樂仔都跑o既~?

行過去休息~之後就同蔡蔡討論跑左幾多~um....粗略估計走廊30米樓梯都30米la~
30x4=120~120x20=2400....wa....如果係平地的話一定冇問題....但係上樓梯落樓梯果下先死丫ma.....
之後仲有....著甲比人踢....開頭踢左腳~就係叫1就1下~2就兩下咁樣~踢到15下又返轉頭去返一~
之後就到對面踢la~踢完就到右腳....wa...腳完都已經暈暈地lu....我計過踢左240腳....真係死人架...
阿周兄無lala撩我玩喎~唉~玩得好地地~隻腳踢中左佢~之後比我踢到甩左皮喎....
唉~雖然佢痛到跳下跳下~之後我仲串佢~睇落好似冇咩野咁~但係搞到有d內疚添...又整親人...我真係都幾危險下...
(阿邦個死仔叫我返佢自己唔返喎)

放左學la~都係好似平日咁去食野la~食完之後樂樂唯唯肥仔佢迫我要佢地icq喎~
之後就去左下面火車站個電子磅磅重~呵~個機都係好似上年咁~一樣係有lee個星座運情睇喎~
我係咁多人之中~中文最好果個黎架ma(我自己話)~咁我就幫佢地解la~蔡蔡果張就係...叫佢唔好睇樣溝女~
而阿誠果張就叫佢唔好嫌人家樣衰喎~大概係咁la~
阿水就叫我去打機喎~咁家樂仔又去~蔡蔡就睇我頭~咁ja係去la~

去到機舖la~同阿水講o既一樣~好多慧遠o既學生....有讀緊o既~有畢左業o既(我係其中一個~)
咁我地等緊4架機一齊玩高達喎~不過又有人玩緊喎~
之後咪同阿水鬥車囉~唉~唔知點解次次同阿水玩賽車game都輸比佢o既....
等到4架機la~我同阿水一team~家樂同阿蔡就一team~講真~唔夠一陣我地就打win左la....
之後有人入黎喎....同我地打~就快打win果陣佢個fd入黎....好賤架....結果我地係輸左o既....
之後又去玩我家姐最熟果隻賽車game~又係四個一齊打~打左兩次~第一局我得果第二~呵~第二局比我拎返個第一~
打到7點幾先走........................

(有d亂~我自己都唔知打緊咩......其實去到計數果度之後都唔記得左好多....)

>>January 11, 2004 at 3:27:13 PM GMT+8

2004 年 1 月 8 日 星期四 【乍雨乍晴】

琴晚~阿波波留完言之後~夜d就有個不知明o既人留言la~
叫我估~?!我真係估唔到喎....唔該睇到就話返比我知你係邊個la~
咁夜d樂樂就send左隻佢話好正o既彈琴game比我~(好似話街機都有得玩架喎~)
呵呵~真係勁正喎~不過就有d怪囉~佢分lv都唔知有咩用o既~3lv以上d歌全部都難到爆....
不過都難唔到我o既~唔知點解呢~細細個就好想學鋼琴~總覺得好型~不過....睇黎都要下世先得lu~

唉~真係瞓唔著.....搞到好累....見到譚德~睇佢個樣都係咁喎~
算la~都唔輪到我理咁多~因為我自己都暈暈地....
做到中段時間~甩CONTACT喎.....之後咪走去廁所整返好佢囉~勁"la"眼......
好彩譚德有眼藥水ja~唔係都唔知點lu~
就快放la~咁阿田生就有野叫譚德送去旺角喎~講真丫~我都暈暈地la~佢仲叫我出去喎~
咁我就死都唔肯去喎~叫我同佢"搓"拳(好似好怪咁)~win左就唔洗去~輸左就要陪佢去~
好彩我win左ja~唔係真係死比佢睇呀~

咁譚德就話陪我去銀行睇下張卡點~果個銀行姐姐同我講原來張卡本身就係壞o既~
唔知搞咩呢~次次應講大聲o既我就細細聲~唔應講o既就大大聲~
咁我聽到之後就大大聲聲響度講~唔關我事la~係佢比張壞o既我ja ma~
嘿嘿~之後銀行姐姐都笑左出黎~搞到我有d唔好意思添~
譚德就要出旺角la~咁我只好一個人搭車~咁返到去la~又去左買包~又係買左兩支MJ蔗汁~
返到屋企就食野睇電視la~家因琴日已經睇左lee個公主候補生佑希今日lee集~不過都係勁正~
睇完~之後仲睇埋下一集~呵~都係勁正~
咁玩返樂樂send比我果隻game~破晒琴日o既記錄~而且玩晒咁多首~
嗚.....有d聽落真係好有feel~真係好正~

阿邦正當我睇電視中打黎同我講話聽日有得返喎~正~
聽日唔知有冇得打free fight呢~?有得打的話~到底會係痛快咁打一場定係累到比人打到暈呢....
今晚~夜一夜先有得食飯.....餓到爆....不過又有好多正野食喎~真係矛盾呀~
唉~個留言板成日都壞o既.....佢本身個網又壞喎......真係廢呀...

>>January 9, 2004 at 3:06:17 PM GMT+8

2004 年 1 月 7 日 星期三 【乍雨乍晴】

今日如常8點鐘起身~但係...因為琴日o既日記未寫~而且琴日我家姐霸住左個電腦~
所以就一起身就寫la~到咁上下就去換衫~咁9點1就出門口la~去到巴士站o岩o岩上到架車~
睇落好似好順利咁~之後去到黃大仙竟然塞車喎.....好彩我早幾個字出門口ja....

返到去都10:40la....遲左兩個字呀~佢地已經就快食完la~不過仲有得食~
咁今日譚德放假~唉~真係悶左d~因為阿peter就痴痴地架ma~雖然我已經發現左個同佢溝通到o既方法~
就係佢同我講野~就哦~唔~嗯果d~有時就答下佢同笑下咁就得la~
而朱仔呢~係就係熟左~但係就算譚德響度~佢都係冇咩野講~都係譚德引佢傾o既ja~
咁就快放工la~都2點幾la~阿欣/恩姐就叫我地收兩點半~搞好晒d野之後~佢叫我同朱仔去洗理隻貓果度....
因為今日仔貓終於都比人拋左/殺左~所以就叫我地去執手尾la......勁臭.....

之後放工la~因為今朝帶左阿雞蛋比我地果d朱古力~咁我就上車食la~
好鬼死大舊....唉....好難形容比人聽係點o既.....不過我相信都有唔小人食過~(除左佢唔食o既ja~)
哈哈~我入面隻大牙咬到爛左喎~爆左大部份出黎XD
不過算LA~既然係雞蛋o既手信~而且我都幾鍾意食朱古力~
一份咁充滿友情o既朱古力唔食就唔比面la~(呵~好似好偉大咁唷~)
咁落車la~我又走左去買左d包返屋企食~返到屋企都係冇腦玩o既~睇電視~~~~~~

6點幾~我家姐出左去~之後我就有得玩腦la~咁我去睇下個留言板lu喎~
雖然冇咩人會留~但係我日日都會睇下架~
咁呢有一個新留言~係一個令人驚訝o既留言~係我阿媽(學校果個)~佢竟然............
你自己問佢la~
(如果你有睇的話....有咩要幫手搵我la~幫到我諗都會幫o既~)

>>January 8, 2004 at 1:12:20 PM GMT+8

2004 年 1 月 6 日 星期二 【乍雨乍晴】

呵呵~食完飯阿何姑娘叫阿譚德搵人落去幫手拎野~
佢就梗係唔會搵朱仔la~因為佢琴日比lee個何姑娘鬧o既時候鬧返佢~你唔好成日響度發癲la~咁樣~
我地拎完野~譚德就同佢討論lee個問題~聽佢地討論我睇得出其實佢諗野都幾單純下~雖然佢已經發晒皮氣~
但係佢份人都幾好人架~好似琴日咁~佢拎(偷)豆漿飲都問我飲唔飲丫~
而且今日有野食~佢都幫我拎埋~嗱~lee方面譚德就做唔到la~因為一有野食就會變得好邪惡架la....

好努力咁等~等到3點~因為今日公司殺蟲~所以早d開飯~所以就3點開飯3點半走la~
唉....咁拎左張題款卡~諗住去睇下點用la~食左................比部機食鬼左呀.............好樣衰......
入去問個姐姐~佢話聽日先知咩原因食~因為e+係唔知咩原因食喎......今晚先知.....
咁搭車同阿譚德傾傾下~突然有人打黎~之後佢自己就係咁傾la~
返到屋企~我家姐話有人打黎~之後睇返原來係猩猩樂樂~咁咪打返比佢地囉~
佢問我今日送唔送雞蛋機~之後就話我知響邊度等~咁我要落舖頭拎錢~所以就叫樂樂陪我la~

走左一轉之後就去大中麥記la~見到猩猩又好似一早到左咁....
之後入左去坐左陣就去左吉野家~死人繆又要等埋佢阿媽先出黎~
所以我地就食飯先la~食完~阿繆都係o岩o岩出門口咋....等左好耐佢先到....
之後佢去左麥記買左個包之後就去等巴士la~等左好耐終於都有車la~阿繆就響架車食野.....
雖然我唔眼瞓~但係一諗到聽日又係要早起身我就瞓左陣la~突如其來o既一聲~
好難聽下o既怪聲~我咪開眼睇下囉~haha~原來前面果個人瞓到勁嘈~比佢笑死~不過搞到我瞓唔到lu~
呵呵~其實送阿雞蛋機都真係唔錯~因為有d地方我都未去過o既~雖然係搭巴士~不過都算去過丫~

去到la~個死仔仲未到~都唔知邊個送邊個機o既~送機o既反而要等喎.....
等左佢都幾耐下佢終於都到la~不過見到佢都好似平時咁冇咩特別丫~
之後佢去搞果個唔知咩手續~咁佢要拉架車仔去架ma~我就講左一句~你咁瘦拉唔拉得郁呀~
之後佢比阿"e"話~你去幫佢囉~幾多人去冇所謂架~都係一個人上機ja~
我發覺lee個人唔得罪得....之後搞掂之後就照左幾張相~同佢傾左陣~佢就比佢阿"e"迫左佢入去la....
唉~上次冇送佢都有d唔捨.....今次去送埋佢就真係好唔捨得la~不過算la~佢復活節又返黎~咁咪又可以見面囉~

呵呵~阿雞蛋阿媽話佢阿"e"架車可以車埋我地~喂大佬~都13蚊一轉架ma~梗係坐la~
我地上左車之後我就同佢阿"e"吹水la~其實....傾起上黎宦唔係咁恐怖ja...不過o岩o岩就真係....
咁坐佢架車真係勁快~樂樂話9個字就返到去la~好似響尖咀返黎咁~
阿雞蛋之前交低左包野比我地一人一包~好多朱古力la~香口賿~同埋一舊怪野....一個樽入面有水仲有d草~
haha~勁怪XDDDD都唔知咩黎o既~

>>January 8, 2004 at 1:02:00 AM GMT+8