2004 年 1 月 25 日 星期日 【乍雨乍晴】

樂樂~一早打黎我屋企~叫我一齊搭車喎....
我諗佢一定係路過先話睇我日記la~唔係點解佢唔知我響富善搭車呢....

返到去~譚德響度怨我琴日放假....
我就梗係頂返佢la~喂大佬~你放就得~我放就唔應該o既~
不過....放左等於冇放....3百幾圍....做到隻狗咁la....
平日懶懶閒o既朱仔今日唔知做咩咁落力~咁我問佢做咩la~佢返答我話點解咁多人問我lee個問題o既~
嘿~如果真係咁多人問~你真係要檢討下la~做到4點就食飯~食完飯就走la~

咁今日有d事要去睇醫生la(算係叫做)~所以就要落舖頭la~
落到去見到我表哥同我阿媽個阿哥(唔識點打....)響度幫手喎~唔知做咩呢~
佩完藥之後就幫手收舖la~收好舖咪返屋企囉~呵呵~今晚打邊爐~
不過個人有事....唔食得肥牛....唉....打邊爐唔食肥牛....已經失去左佢o既意義la....
所以我決定整係食菜果d算lu~

>>January 27, 2004 at 3:52:44 PM GMT+8

2004 年 1 月 24 日 星期六 【乍雨乍晴】

呵呵~𤍣到成點先醒喎~lee一教真係好𤍣呀~
不過個人就有d呆滯~咁我家姐見到我出黎佢就去換衫想走la~
之後我咪打機囉~打左陣希望又打左陣ro~

去到6點幾~因為前排冇買果兩本pc game書~
所以~我就換衫落去買la~好似好無聊咁....為左兩本書就落街.....
上返屋企~上2000fun睇野la~wa~有hunter op 狐忍o既連載~勁正呀~
之後又比我搵到魔力女管家喎~dl左第一~第二就冇種子.....所以dl唔到......
嗚....第一part已經睇過la....第二part未睇過呀.......

今日年初4~係時候數利是lu~呵呵~
經過我點算之後~結果係.....55封~100蚊1張~50蚊6張20蚊15張10蚊就34張~
嘿嘿~咁大個仔都係第一次d利是係過一千蚊咋~(o岩o岩好一千~)好開心呀~
今朝我家姐話今晚去我表妹𤍣喎~咁我就兩點幾𤍣la~我一入房~
好似有人拍門o既~?之後等左陣~有人打返黎我都知咩事la~
原來係我家姐佢返左黎喎....搞到我要我我表妹𤍣....我家姐就走左去我阿媽間房同佢一齊𤍣.....

今日~我終於都明白~身體髮膚受之父母lee句說話o既道理.....(算la....我唔想再題...)
睇到o既就多加孝順你o既父母la.....就算你要壞都唔好比佢睇到知道.....

>>January 26, 2004 at 12:48:59 PM GMT+8

2004 年 1 月 23 日 星期五 【乍雨乍晴】

好玪呢~琴晚都成點幾𤍣~今朝又凍喎~
咁又搞到遲左出門口囉~響架車度𤍣左陣~嘿嘿~爽~

返到去~29分ja都係~換完衫就食得飯la~
食完飯過多陣先有人黎~不過....係成群成群咁黎....
未過11點半~差幾圍就full晒la....
之後真係人多得很誇張呢~比琴日仲要忙得多....有d人又響度搞野喎~真係火都黎埋呀~
做到中段尾時間~飯都冇晒~咁冇飯又點出盤菜比人呢~咁咪等囉~
等到有飯~咪出囉~出到去~d人真係搶架~果d導遊又響度鬧喎~見到田生阿敬果d比人鬧到咁~
真係恐怖....

3點幾到開始冇人....個個都做到死死下咁.....
因為太多人o既關係~搞到下午果餐飯都遲左半粒鐘....
4點半la~食得飯~嘿....個個都餓到咩咁~搶飯食o既情況又再出現~
食完飯~又有人黎~咁我地出完d盤菜之後就入晒去換衫la~
換完出去打卡撞到恩姐~比佢攔住左~唔比走....阿明話有事所以先走得....

咁我譚德朱仔3個人就留響度la.....之後都係做d好簡單o既野~
去到6點半~又走左去換衫la~換換下恩姐走入黎~話要留人喎...
開頭叫朱仔o既~不過佢聽日返8點.....之後叫譚德la~佢又係話要返8點....
咁....咪就係我要留囉....唉....勁黑仔...已經換左兩次衫la....
做到8點18分先走得~其間出左十幾個盤菜~搬左d貨同做左d"濕聲"野~

返屋企la~個天都算待我不薄~等左陣就有車la~
因為勁玪~一上車過左個幾字就𤍣著左la~一起身都去到廣褔la~
一落車~o岩o岩𤍣醒~勁凍....極速行返屋企~
返到屋企~同我家姐睇龍咁威~嘿嘿~勁正~爆好睇~
開頭只係意謂佢係一出笑片~原來....都唔係o既....不過真係勁搞笑~
呵呵~聽日就拆利是lu~唔知點解~好耐之前已經設定左初4先拆~期待期待~

>>January 25, 2004 at 2:43:32 PM GMT+8

2004 年 1 月 22 日 星期四 【乍雨乍晴】

唉....琴晚4點幾先𤍣....今朝起身比平日難都唔知幾多幾多倍.....
結果都係𤍣多左幾個字~搞到遲左小小出門口...

返到去~o岩o岩開飯la~
食到咁上下~都仲未放低個碗ja~已經有人黎la....
咁就做野la~wa~幾恐怖呀~今日比平日d人數真係多左~
而且今日好似都有百幾圍.....(都算好多下架la~)但係比平日辛苦....
可能我唔夠𤍣la....有d腳軟~乏力.....唔只係我囉~朱仔同譚德都係...玪得很呢~

3點幾到已經開始冇人la~d阿姐帶左d糖果類野同d生果出黎一齊食~
之後阿周博士又去開左d爆谷出黎一齊食~真係好呢~又有得食~又有得休息~
今日咁多野做~梗係可以搞到食飯la~咁阿恩姐叫左譚德收夜喎~
所以...今日都係得我自己一個人返屋企la.....
我同朱仔換完衫之後坐多陣就走la~佢陪到我去搭車果度我見到架巴士~
其實我諗住跑去下一個站度追架~不過....係就係去左下一個站~
不過冇跑~咁就梗係追唔到la~之後食左勁耐風先有車.....
因為勁玪而且琴晚又夜𤍣~響架車度𤍣左陣~一開眼~都差唔多到lu~

今晚~都好小理~都成點幾先𤍣~唉~我諗聽日一定仲勁ja....

>>January 25, 2004 at 6:49:33 AM GMT+8

2004 年 1 月 21 日 星期三 【乍雨乍晴】

年初一喎~真係又新年快樂lu~
咁我o既第一封利是~就係阿"女麻"響琴晚比我o既~
第二三封就係響今朝去問阿媽拎錢o既時候佢地順便比埋我~
之後就返工la~

返到去~譚德已經一早返左去la~因為佢要返8點鐘....
之後阿朱仔出奇地同我差唔多時間返喎~咁佢平時都係o岩o岩好食飯先返架ma~
我諗佢一定係返黎逗利是ja~嘿....譚德幾串呀...佢一見到我就話我知佢逗到幾多利是喎....
之後朱仔一換完衫就衝左出去同d阿姐講d祝賀說話....
唉....你知我架la....一向都唔鍾意做埋d咁o既野.... 平時我都小出聲架la ma~
你叫我大大聲咁同人講d咁虛偽o既祝賀說話....我真係唔多做出囉....
其實~有時有d野唔係你自己唔想做~我都好想大大聲聲同佢地講lee d祝賀說話~
但係...唔知點解有一種好特別o既感覺係唔允許我做出d咁o既野....
lee種感覺一直以黎都妨礙我不少.....令我失去很多.....

就快放工la~佢地真係好cheap架~做做下野果陣走左落去下面睇下d利是有幾錢喎.....
而且阿朱仔仲拆埋添....譚德數過話佢有29封到~390蚊~朱仔就有27封~都3百幾蚊架~
我得26封咋....唔知點解小左o既....不過算la...心意黎ja~
放左工~我地去左lee個九龍城場廣場食野~行行下見到譚德阿媽~呵呵~又多封lu~
去到之後我地去左麥記食~食完之後就陪左朱仔去買衫~
不過都冇咩點開到d咩舖~所以佢都係空手而回o既~行左陣~之後就返屋企la~

今晚~d屋企人去到晒"而"媽屋企喎~得返我一個~
咁del晒舊腦入面我d野同埋安左個防毒軟件之後就send左d比較重要同有用o既野比天偉叫佢一陣send返比我~
咁就搞掂晒la~過多陣阿媽佢地買左d野食返黎~之後我家姐叫我dl果個咩德州電鋸大屠殺....
之後譚德又send左個龍咁威比我喎~收左同dl左勁耐先搞掂.....
搞到我成4點幾先𤍣..........

>>January 23, 2004 at 2:16:46 PM GMT+8

2004 年 1 月 20 日 星期二 【乍雨乍晴】

今日~依然係凍到爆的~咁樣已經搞到我十萬個不願意起身~
但係...都要起身架la....

咁今日譚德放假~得返我同朱仔根叔3個~
忙~其實今日都唔係好忙~都係有小小時間忙o既ja~
阿朱仔都出左幾次街~每當佢行開左或者去廁所(佢成日都去廁所架....)
d人都係咁黎~搞到忙一忙~但係佢返黎又冇咁多人喎....都唔知點解....

兩點幾la~咁佢o岩o岩又出完街返黎la~之後就唔見左佢o既蹤影....
我又眼𤍣喎~想快d收工所以我咪自己執囉~當我搞掂晒d野o既時候~
佢就返黎la....原來佢又去左送野~搞掂晒la~收工~返屋企~

返到屋企都已經4點幾la~等多陣就有得睇公主候補生佑希la~
到7點幾8點~阿媽打返黎叫我立即過阿"女麻"度.....
收到電話之後我就出發la~wa~落到街真係凍到咩咁......
響阿"女麻"屋企樓下撞到佢地~之後咪一齊上囉~不過....佢地響度勁串我著衫......

>>January 22, 2004 at 4:59:05 PM GMT+8

2004 年 1 月 19 日 星期一 【乍雨乍晴】

勁凍呀.........今朝早...........
上星期六~我早就算到今日勁凍~買左件褸~
不過....好似怪怪咁...西裝褸....格仔恤衫.....算~我鍾意就得la~

咁返到去~都唔知點面對譚德好....咁琴日又....咁我自己就話冇問題ja~我lee d~一陣就冇野la~
但係唔知佢點諗呢....咁星期日學校果度比左張單我地~琴日我又唔記得比佢喎~
我就拎比佢la~結果......冇事lu~

放工la~咁今日又要返學喎~又唔知去邊好~阿朱仔好似話去打機~
咁我咪話跟埋去囉~譚德就自己返屋企la~去到果度~得返一個腦玩得cs~
第二個腦又玩唔到~咁朱仔就叫我玩先~咁我咪玩囉~cs d server又full晒喎.....
咁我咪玩ro囉~玩左陣~見到有人玩~我就入去睇睇仲有冇位囉~有喎~我咪玩囉~
佢地真係勁屎la~當我打到去第一位o既時候兩隊每個人都已經死左10次以上~
嘿嘿~我都係死左6次ja....之後佢地關左個server之後~有條o靚仔開左個~
睇佢個樣都係想同佢朋友玩la~我入去比佢殺左次之後~玩左幾場佢都輸晒~
佢fd入黎都係入我果team喎~可惜....佢fd都未見到果條o靚仔~已經比我ko左la....
之後佢又關左個server...重開左個~不過鎖左....咁我只好自己打ro la.....

5點幾~朱仔d fd到左la~咁咪走囉~埋單都係12蚊落樓ja~
嘿....阿朱仔d fd....我仲意謂好咩添...原本...行為係比較壞的感覺...
不過....個樣就....凱子的感覺......
經過佢地o既指點之後~我都係唔明~決定自己走去搭地鐵~
行過去果陣真係凍到爆....咁八達通又冇錢la....要去買"飛".....超傻......
勁早已經到左油麻地lu喎~而且又凍又落雨....咁我咪早d返學囉~
返到去已經開左門~不過.....只係5點8到咋....咁我冇野做就𤍣教la~
我諗大約𤍣到6點幾之後就醒la~d人一個一個咁返~之後就上堂la~
死la~我發覺自己都已經冇咩心機上lu~同猩猩勁傾~講真~睇~真係已經冇咩興趣~
所以....都係算la.....

咁放學la~我就叫猩猩一齊去買八爪魚丸食~
呵呵~猩猩食過都話好食呀~我都話我冇介紹錯架la~
搭車la~又同猩猩傾~原來佢個腦已經死左....阿邦又冇得上網....
雞蛋又好似冇咩點上....光光lee排好似好忙咁....
唉....d觀眾已經小架la....而且冇埋佢地都唔知邊個會黎睇呀.....

>>January 21, 2004 at 3:55:37 PM GMT+8

2004 年 1 月 18 日 星期日 【乍雨乍晴】

超眼𤍣呀....勁唔想起身....不過仲有d野要開電腦搞.....
搞完之後就打機la....打到咁上下就去換衫la~換完衫都遲左d~咁就快快步咁去搭車la~
架車去到獅子山隧道口前d佢就好塞下喎~咁架車又唔知兜左去邊....
見到佢兜左去第二度都有d驚上錯車....塞左好一兩個字到先通返~

咁返到去譚德都知塞車~因為佢o岩o岩都塞完黎~
之後就食飯la~食完飯就做野la~
咁做做下野譚德就話我成日整穿個垃圾袋....之後我就話d袋易爛....
佢就話~你一隻手整穿佢丫~之後我就同佢鬥咀la~
之後佢成個垃圾桶車落我隻腳度....我又唔知做咩動左真火....咁咪唔鬼理佢囉~
其實我心諗~佢以前都係咁架la~做咩今日咁火o既~忍下唔得咩~?唔忍都忍左5-6年la.....
我覺得佢係d唔講野就真係會死o既人囉~佢比平日撩人講野多左~又響度唱歌(平時都係咁~)
之後佢就比阿田生叫左去送生果"藍"~咁就走左la~正當我今日想早d返屋企....
但係又得返我自己響度執手尾....咁我咪又用極速搞掂晒佢囉~

搞好晒la~換好衫響廁所見到根叔仲洗緊~佢就叫我唔好走住~
因為e+只係3點4到~所以佢叫我等多陣先出去~咁就等多陣先出去囉~
咁自己一個人走~走左去萬零(?)買左兩排個朱古力~咁就搭車返屋企la~
咁響屋企樓下果左d野飲同d包就返屋企食~返到屋企都4點8lu~嘿嘿~等多陣就做公主候補生佑希~
wa~今日lee集勁正~我決定dl晒佢全部~
樂樂無lala add我喎~send左個網扯比我~http://www.hudson.co.jp/hde/vol006/omake/tr16/index.html~
咁佢好似話10秒可以連打幾多個0~我就打到101~樂樂就打到81~
唔知...你可以打到幾多個呢~?

咁去返自己個留言畫板睇下la~呵~果個不知名人士又黎留言la~
其實...我開頭都估到係阿......丫ma~不過估錯左好樣衰架ma~所以....e+都未肯定~
不過話得我笨蛋o既~都係得你一個....唔係你~仲有邊個~!!
咁回左之後就去左光光個留言板度留左個~唔知....佢e+點呢~

>>January 20, 2004 at 6:18:57 PM GMT+8

2004 年 1 月 17 日 星期六 【乍雨乍晴】

唉~勁勁勁眼𤍣呀~不過都要死頂返工~
搭車果陣~我就坐窗邊la~咁冇野做就望下d途人喎~
響以前間小學門口個位見到阿誠行緊喎~唔知佢咁早去邊呢~

返到去~換衫果陣阿明仔叫我~之後我望左眼就算la~好似好冇禮貌咁....
之後佢問我係咪未𤍣醒~我就哦左聲~雖然唔係~但係好似認左好d咁~
食完飯la~之後就做野la~人就唔係好多~忙都唔係好忙~咁冇人la~阿朱仔就去左廁所煲煙~
譚德同阿明就去左後樓梯唔知做咩~得返我同阿聰la~咁我地都叫做識架la~傾到兩咀咁la~
有時見到佢打下d幅牆呀咁~我就唔記得同佢傾傾下傾左跆拳d野~雖然佢冇學~
但係佢話有d想學~之後咪係咁環繞lee個話題傾囉~之後又傾下其他工~好似麥記果d咁~

就快放工la~因為今日根叔放假~根叔唔響度就冇人洗廁所la~
咁阿俊叫左阿明仔去lu喎~而譚德同朱仔都爭住去洗喎~我就唔出聲la~
阿俊見到我唔出聲就話~你兩個都唔洗爭~阿豪入去洗~呵呵~正~
其實我o既職責都係抹鏡o既ja~因為都冇野做~抹完佢又搞好晒之後~
佢又問多次我有冇讀緊d咩呢~(因為上次見佢果陣佢都問過~)之後佢就同我講lee個讀得書多同小o既分別之類野la~
其實我都幾鐘意聽人講野~因為每一個人講o既野一定有佢自己o既道理~而且仲學到唔小野~

咁兩點半就放工la~咁譚德又想去旺角喎~咁今次又行第三條路la.....
咁行到咁上下就無lala落起雨黎....之後又行唔到去旺角喎....只好返轉頭去返去果個唔知咩商場la...
唉...落雨真係好麻煩....搞到個髮型死左....睇落就好似冇咩野...但係自己感覺到怪怪咁....
咁去廁所搞完個頭之後就就去左kfc度食野~咁就叫左個餐同新果個雞翼食~
呵呵~個雞翼真係幾正下~不過都好似貴左d ja~
咁食左好耐野之後就落去下面商場行下la~行到咁上下譚德就出左去外面街搵野la~
搵到之後又返返去~然後佢見到佢d親戚就走左我就自己一個人返學la....

去到~早左好似有成10個字......之後咪坐響度等囉~等左陣阿文達就到左la....
佢好似踏3到~原來佢o岩o岩拎完蘿蔔糕黎所以早左~咁佢就話拎d野出黎睇下讀下咁~
之後我地兩個就好樣衰咁響個大堂度複習返一次la~咁等到人地走左我地就入得la~
差唔多就上堂猩猩就到la~佢好似話麥記想炒佢喎XD~
haha~我成日串我家姐~麥當奴都炒得你~你有咩用呀~呵呵~唔知有冇機會同猩猩講lee番話呢~
咁上完堂就走la~wa~落到樓勁凍.....我仲係要著得一件衫....身子弱d都死人呀......

>>January 19, 2004 at 5:08:32 PM GMT+8

2004 年 1 月 16 日 星期五 【乍雨乍晴】

唉~9點幾比人嘈醒左....之後就𤍣唔著la....
今日棋魂依然正爆~特別係中段到尾果度~嘿嘿~真係好睇~
之後因為一d野~搞到好遲先換衫~成點幾先出門口~仲要落一落舖頭~

返到學校~已經係1點9la....
不過miss唔返~周兄又未到~咁就好似係阿水教住先~呵呵~遲到唔洗罰~
我換好衫出黎~正如阿水上星期同我講咁樣~佢真係帶佢兩個fd黎~1男1女~
咁過多陣周兄就返la~都係鬆下根果d~之後就做下d踢腳果d野~
之後佢問佢地打唔打free fight~佢地又打喎~打左幾場之後阿家樂仔問我打唔打~
我就冇咩所謂la~之後著好甲之後又唔打喎~咁又有兩個白帶挑戰我~咁我就冇所謂la~
就同佢兩個打la~死人阿水打之前唔知同佢地講左d咩~我諗係叫佢地唔好分開~要響埋一齊~
咁打la~兩條pk丫....勁撞埋黎....又唔驚死喎....踢到佢都唔走....
唉....你知我有時會傻傻地架la....一去到d位我就開始失常....唔理la~見野就踢la~
不過當我做左d咁o既野之後我後悔la.....比人睇到我咁邪惡o既一面....

咁打完佢兩個~之後就同周兄打la~唉~我發覺我真係個身體有d問題~係咪因為工作o既關係而累呢~?
以前o既感覺都已經冇晒~體力不支.......
唉....個感覺就好似響lee個頂峰一跌.....跌到唔知去左邊咁.....
但係同周兄打真係幾好玩~又學到野~打完之後佢地又打多幾場~我又再出去同佢打lu~
放學la~都係好似平時咁去食野la~食完野就走la~咁阿家樂仔本來諗住一個人去打機o既~
但係佢問我去唔去~咁朝早我又同佢講左話去喎~但係e+都唔早la~
所以我就係咁"唆擺"蔡蔡佢去la~咁我同佢地行到去果條分叉路就返屋企~

返到屋企~樂樂已經send左兩個massage比我~一個兩點o既~一個4點幾~
之後咪打比佢囉~佢話譚德已經等左好耐lu喎....咁我就叫佢比我沖埋個涼先出去~
唉....開頭都唔多覺....原來隻腳又瘀左....咁水都未滾就去沖la~極速咁沖完la....
打返比樂樂之後就落去la~咁本來就搭271去o既~不過又見到佢6點9先開~咁就搭果架唔知幾號去火車站la~
咁上到車~見到個好熟口面o既人~但係又唔知係咪~所以都冇理佢la~
之後去到咪搭火車囉~我望住一邊~原來果個好熟口面o既人都係搭火車喎~
今次我地有眼神接觸la~佢同我打眼色la~我又笑一笑表示回應~諗起la~佢咪就係我家姐個fd囉~

好快咁去到旺角之後就去搵譚德la~呵呵~佢等左3-4個鐘~見到我地勁唔耐煩~
之後就出發去睇野la~開頭去左潮特~去完之後就去左信和~睇完信和之後都係要返先達o既....
咁我地平時都係去先達買衫果d架la ma~咁咪上去囉~我就買左件褸同件t-shirt~而樂樂就買左條洗水褲~
之後又去下一個目的地la~樂樂要買鞋la~睇左好幾間先搵到佢鐘鍾意果對~
咁譚德就返左屋企先~我同樂樂就去食野la~兩條友條走左去花園餐廳食~
對我地黎講都可能係貴左d o既....不過算la~我豪得起呀~
食完野~o岩o岩行街果陣見到d八爪魚丸~好似好正咁~之後咪搵返間買囉~
去左lee個章魚小丸子度買~呵呵~勁正~12蚊一盒~6粒~我食左5個之後比左個樂樂~
不過一路行一路食好似有失人家o既身份~算~因為太好食la~都唔計較得咁多lu~

返到屋企~諗住打埋個日記先𤍣架~不過....又諗唔起d野喎~之後就打機la....
打完又諗返起d~不過都已經夜la~唔記得3-4點....之後只好入房𤍣la~

>>January 19, 2004 at 5:18:51 PM GMT+8