2004 年 8 月 6 日 星期五 【清涼】

今朝好早就起左身la~睇左兩話piano之後~
就同蔡蔡icq~一傾傾到12點半到....搞到我又遲大到la....
正當我行行下返去~阿基無lala打黎話要出去聽講座?
之後話兩點就出發~叫我快d返喎...所以~我又要加快腳步行返去la~

返到去...佢地仲好休閒咁傾計....仲響度商量邊個踢咩腳....
阿水問我想踢咩~我就梗係唔願意la~不過過多陣就要出發la~
我地首先就搭火車到紅磡~之後就轉巴士去銅鑼灣la~
我地一落車等左一陣~師兄就到la~原來我地唔係去聽什麼講座~
而係去師兄o既畢業禮?佢地話屈阿師兄請食野喎~
有野食我當然冇異議la~之後就出發去麥記la~

我誠蔡董~4個人一張檯~之後見到阿水同april一檯....我地都好佩服佢有咁o既"勇氣"....
樣貌~其實做朋友o既角度黎講都唔會係一個問題囉~但係如果佢衰格...就連一個交朋友o既理由都冇...
之後我地就源住lee個話題去傾~
4點鐘~我地都係時候上去師兄果度la~上到去睇左兩個人講佢地o既....(唔知咩~)
頭果個都ok o既~至少我真係學到野囉~不過....第二個佢好多都已經聽過~
所以佢地係咁嘈....搞到我冇得聽....但係...阿媽無laa打黎...
搞到我幾咁尷尬....咁我cut左佢線la~佢又打多次黎...唉...本來想熄聲不過唔小心熄左...

之後我地就去左廁所換衫~換完出返去...雖然師兄d同學把口係話勁...
但係我覺得佢地笑緊我地囉....算~到師兄la~咁我地就要出la~
師兄講完佢果個道~之後~就到阿水爆左佢果3塊板之後~到阿基出場la~
佢一出場d人又叫靚仔~佢爆完又話佢勁~呵~阿水就連一句讚美o既說話都冇....真可憐...
搞掂la~走得~佢地話去奧海野機喎~而我就唔去~
之後阿誠都話唔去~咁樣我地就兩個走la~因為我要去買書~佢就陪我去~
買左十幾本之後就搭271返屋企la~

(我都唔係好明自己想寫咩....可能因為過左太耐...所以好亂...算....)

>>August 9, 2004 at 5:53:55 PM GMT+8

2004 年 8 月 5 日 星期四 【晴】

𤍣到11點幾....起身果時都頭暈暈....

b....................................................................................
忘記了.............................................................................

>>August 8, 2004 at 3:32:26 PM GMT+8

2004 年 8 月 4 日 星期三 【晴】

我地一行4人就咁就走左上肥董屋企la~
上到去肥董就開機打la~我睇到個鐘~都成12點幾lu~
所以我就叫佢開收音機~聽絕情谷la~雖然~我真係好想聽~
但係...個電視d聲仲大過個收音機....所以...都聽唔到lu....
3點幾到~阿誠就𤍣著左la....可能佢小打通霄la....而我地就繼續努力~

4點幾5點~我見有d眼𤍣~而且有d想打埋個日記~
所以就入房開肥董個腦寫la~用左我都唔小時間先完成到~因為都比較長....
其實一早已經聽到佢地好嘈~出到去見到佢兩個響度一人一架z響度鬥....
佢叫我玩埋一份~冇所謂la~要做o既野都做完la~
打到6點幾到~我就想走la~之後叫醒埋阿誠~佢地3個就去食野我就自己返屋企~
返到屋企~本來想食埋家姐個蛋糕架la~不過....竟然比佢琴晚食左先....只好開包餅食...

家姐醒la~見到佢都真係有d無奈....琴日寫左張字條話佢知我唔返...
但係今日已經見我唔到la...早知唔寫la~搞到自己好白痴咁....
等佢搞完d野我先有得沖涼~不過都成7點lu....
一𤍣~𤍣到下午12點比個電話嘈醒左....本來阿媽叫我兩點出舖頭搵佢~
但係家下又叫我5點先出....可惜...我已經再𤍣唔返lu....
見有d無聊....所以就開左個Piano出黎睇~睇落都ok o既~不過睇左兩話之後就有電視睇~
所以就睇電視la~睇完~冇野做~所以就搞下個ro~本來都係諗住入去搞搞個鐵~
不過聽阿蔡蔡話去新地方玩過下幾好玩~而且佢話比怪圍死...
我就開左個81武僧冇防去玩下la....其實我4點半已經換好衫~出得發架la~
但係阿媽話返一返黎先~仲話買豪餅比我食~

所以我就繼續玩la~嘿嘿~佢返到黎有野食~不單只有豪餅~
而且佢響許留山買左個甜品返黎~我食完個豪餅就繼續玩la~
之後等埋阿媽出黎先食甜品~食完~佢話食唔晒佢d豪餅~叫我食埋佢~所以就食la....
唉....早知唔食la....食完就飽到上心口la....好辛苦呢....
5點幾~我地就出發去上水la~呵呵~八達通冇錢~佢幫我入左100蚊~正~
不過搭車果時體力有點不支....因為真係唔夠𤍣....心情都唔多好....

去到醫院la~上到阿公病床~已經見到姨媽響度la~
不過我已經唔多記得點稱呼佢....只係揮一揮手示意你好~
唉....阿公真係好似好辛苦咁....佢大概年幾兩年前已經唔記得左我la....
現在大概只係有可能認得阿媽同姨媽....而且佢又好似好辛苦咁....
雖然佢地口講就話比琴日好左...但係...我以見o既...只係見到佢極度辛苦....
阿媽叫我上前叫下阿公睇下認唔認得我~點會認得先得架....
睇多陣...見到佢身體有異樣...又唔肯食藥咁....我...只可以企響一二邊睇....
到底...我可以做到d咩呢...?無奈...我只是一個"廢人"....
我心諗...與其咁辛苦...黑心都係咁話...死左佢會好過好多呢....
雖然...可能會好多人都會咁諗....但係....又有邊個想見到自己親人死呢...?

睇多陣~我地都係時候走la....搭火車~又同阿媽傾家姐o既事la~
佢一拖二~大概只會令到局內3人麻煩....但係最大問題係...佢日日叫佢d男朋友黎....
屋企上下都會好唔方便....而且阿媽佢地對lee個新男友不太討好...
舊的因為比較口臭~所以我不太喜歡...而lee個日日黎𤍣...搞到好唔方便....
去到太和la~佢地今日又唔返黎~之後叫我買飯返屋企食~但係上到心口d豪餅都仲響心口....
所以就叫佢買d齋我聽日食la~去到買~wa~見到個幾唔錯o既女仔~我望左兩眼~
都唔多好意思望la~之後買完就走la~落到舖頭阿和仔又同佢老婆炒....
阿媽都同我講~你第日搵女朋友千萬不要搵個大陸女仔....不過佢可以放心...
d大陸人講野都未講正~講野激嘈....所以我點都唔會去結識~想結識~去接觸....

一個人拎住好多重野返屋企...因為真係極重...所以有點兒吃力....
返到屋企雖然想食d齋~但係...仲係好飽呢...

>>August 7, 2004 at 4:38:40 PM GMT+8

2004 年 8 月 3 日 星期二 【溫暖】

肥董~終於都搵到個主辦人la~
不過....結果我地方面...都係得我~董~誠~蔡~樂去ja~
既然我見自己咁無聊~去邊其實都冇咩所謂~
雖然佢地係唔想去~我只好叫多兩次la~不過...個天就落緊大雨囉...

約好左點半響巴士站等~但係果時阿誠同佢屋企人出左街飲茶~
我send左幾個message比佢叫佢快d~最後~佢只好飛的去約定o既地點~
而我就1點鐘出門口la~不過個包包真係好大囉執到....而且雨咁大...
都唔知遮自己好定遮個包包好~差唔多去到la~行行下撞到蔡蔡~wa~等佢地果陣見到成條閃電~
真係好厲害~等左好耐阿誠到左la~但係響正肥董樓下o既佢係最慢....
其實大概都估到佢會最遲到架la....同得阿水fd o既都係約親人實遲o既~
我就話返學遲ja~我返工都好小遲la~但係我約親o既都要我等.....d人都唔知咩構造....

上到車都仲係傾盆大雨....咁阿肥董打比主辦人~之後就問我地要唔要果d帳篷之類o既野~
我見落雨就話租屋la~之後肥董諗都唔諗就話唔要la~好la~一出到咁上下~
原來果邊冇落雨....但係叫佢去返拎果d帳篷已經太遲...算la~只好出到去先算~
去到東涌果個巴士站等家樂~佢竟然仲遲過我地~因為話約好響果度2點半等~
我地落車就o岩o岩好兩點半~等左個幾兩個字佢都仲未黎~我地只好自己搵地鐵站la~
去到地鐵站肥董就打比主辦人~咁佢就叫我地響果度等~等左好一段時間家樂就黎...
佢話~我黎地鐵站搵你地果然係冇錯~我等左你地幾耐呀....
嘿....好一句我等左你地幾耐呀....講明兩點半....我地都等左好一段時間先走你都仲可以等我地...好野....

主辦人都黎埋....大家都感到....決定黎係今日最錯o既決定....
結果黎到o既人只有april同佢個妹~樂~我~董~蔡~誠....佢話一陣仲有兩個黎喎...
聽住先la~咁我地就去左百佳買野la~買左好耐先搞掂~
之後就搭果架3出發la~經過一大段九曲十三彎o既路先到~都搭左5-6個字....
再行去目的地~唉...再一次感到後悔囉我就....不過都返唔到轉頭....
放好d野~之後叫我同肥董去換左條褲佢~因為我仲著緊條長褲~
又要行幾分鐘腳程o既路先有廁所~換完就返去la~返到佢見到佢地3個理都唔理d野出左沙灘玩....
唉....好一群天真的傢伙....點都要搵一個人睇住d野呀....

見到冇野做....佢地唔知點諗la~我就一定唔落水~而且對沙灘冇咩好感架la~
結果都係我誠蔡董4個人就鋤大Ｄ la~佢地3個就冇野做...april就搶左阿誠或者肥董d牌玩la~
我諗佢點都唔敢搶我囉~所以我都唔理~見咁無聊同邊個玩都冇問題la....
玩到咁上下~佢地3個又去左買多份自己玩喎~玩到6點到~肥董果d就問我肚餓未la~
因為我全日都未食過野....搞多陣就去起爐la....響冇火冇報紙o既情況下....阿誠就用佢同d女童軍~
學返黎o既技倆起爐la~其實都ok o既~只係時間o既問題ja~但係肥董同蔡兩個就走左去搵報紙~
等到有幾舊炭著著地佢地就到la~然後好快就起到個爐食得la~

燒野食...燒燒下感覺到有d雨....唉...唔好咁呀...我乜都未食呀....
不過都只係得閒滴一兩野....一人夾左100蚊~我都只係食左12粒墨魚丸...同一塊扒....就飽la...
聽到阿april同佢果兩個話黎o既人傾電話....結果都係話唔黎....
好灰囉....我開頭係因為見到佢地話3個人黎~之後見佢地仲有9條女~點都有d睇頭la~
而董蔡誠黎o既原因都係只因為佢地話有9條女先黎....結果只得你兩個咁o既姊妹....同一個我討厭的人...
而基就甩底.....阿水因為有親戚過身~唔黎得....
食完~我地行左去第邊鋤大Ｄ~又比人搞住話~你地出得黎咁多人就唔好鋤大D la~
之後就阻左我地幾個停....仲玩埋d古怪遊戲.......

玩左好個幾兩個鐘....佢地都話走la~之後又話去樂屋企𤍣一晚~
但係lee個時候阿媽打比我~佢叫我聽日好返屋企lu喎~(其實佢唔咁講我都想走....)
阿媽話~我見阿公睇黎好似就快唔得~你好聽日返黎la~
我見咁樣...我同肥董講~如果係走e+都走到la~返屋企la~
之後佢問我點解我就同佢解釋返~不過肥董話去佢屋企玩一晚先~
因為蔡同誠兩個唔想咁傻~話左出3日兩夜咁樣e+又返屋企~
決定左去肥董屋企玩一晚先走la~

行出去搭車時~阿april同我道歉話搞成咁~老實果句丫~唔高興就真係有d囉~
但係佢話搞到我請左假的話我就冇所謂囉~雖然果度真係同我講~"你~聽日返兩點~"咁樣~
不過....我唔高興~你對我唔住係因為~玩~又冇野好玩....而且最期待o既野都冇出現到....
唉...次次"燒野食"都有d不快回憶....今次都唔例外....
咁我地搭巴士出發去肥董屋企時~好彩4個人一齊坐囉~而且講跆拳d野~
我身為紅黑帶o既師兄~好應該講我學左咁多年o既感受同經驗比佢地知囉~
而且肥董有時又會講~我認為多個朋友好過多過敵人~咁樣...仲話"疾"阿家樂"疾"到出晒面果d~
我同佢解釋返囉~我由此至終都係果句~我憎一個人就係咁~
除非~佢做事比我了得~讀書好過我~總而言之~佢係做得出比我睇得到佢係比我優勝而令我服~
果時我會覺得自己冇資格去憎lee個人~只會盡量同lee個人隔絕~
不過有時我都會諗~肥董係咪有d討厭我呢~?(肥董新入黎跆拳可能覺得我會係一個大言不慚o既人la~)

(今日可能比較長~已經盡全力去減左好多= =)

>>August 6, 2004 at 9:21:36 AM GMT+8

2004 年 8 月 2 日 星期一 【清涼】

今日~就係我去肥昌公司做part time o既第一日~
家因lee排我覺得自己越來越懶...而且...長此以往落去我再係咁樣都唔係辦法....
唔通真係日日響屋企咩....你唔介意我都唔好意思la~
咁肥昌叫我1點鐘去到沙田就打比佢~所以我都12點9就出發la~

我買完個包~入埋個八達通就去la~不過天氣依然係熱到暈....
上到火車已經濕透了....我好快就去到沙田~都12點半~但係太早我驚阻到肥昌喎~
但係又唔知點好~都係打比佢好過la~之後佢一直指點我話我知去邊度~
然後搭左架叫做284o既車就去總站la~去到~我就行左一小段路就去到一間ok了~

肥昌已經等緊我~而且仲見到象鼻添~
雖然我同佢唔熟...但係我仲記得佢囉~記人lee d咁無聊o既野我大概都冇問題o既~(我又唔係多野記...)
咁同阿肥昌傾左陣先知佢已經冇咩錢la....因為佢上左大陸幾日...而且仲用晒d錢添....
見佢咁可憐...只好請佢食野la....之後第二個肥昌黎做part time o既都黎埋~
以前我同過佢打通頂囉~不過佢玩天堂2....太高層次了....
不過聽阿肥昌講佢話次次同佢打都輸....因為佢可以成個抱起佢掟走....

咁等埋佢之後我地就上去la~因為肥昌要點半開工~而我地又兩點喎~
所以就要等埋佢la~我地等左陣~之後響9樓就帶左我地上16樓~
但係見佢地都好似冇咩做咁....等兩點先開工~2點la~我地o既第一份工作就係貼返好d標籤la....
我好努力去貼~因為真係好難搵下....而且第一份工作都會落力d o既....
貼完la~佢地真係好怪囉...做個幾鐘就休一休la....休左一個大息之後~
我地就去幫手搬返好d貨....要搬勁多呢...3點幾4點開始搬到成6點先ok....
如果係我大概都冇問題~因為我細細個訓練到大的"苦力"....
所以對我黎講搬已經不成問題了...不過肥昌朋友果個高佬已經唔多掂....因為...真係太多la...

6點la~肥昌竟然話謝師宴喎....走左先....之後我地落返9樓去拎返d野食就上返去食la~
唉...好沉悶的工作呢~又係貼好果d野之後又開箱又咩咩咩咁~
但係到9點時我地其實大概已經搞掂晒~不過又放10點佢地又有野做...
所以..都唔知點好....佢地做野...又幫唔到d咩手....感覺...好無奈....
好辛苦先等到10點...又要等佢果個糧單...之後等左好4-5個字先走得~
肥昌講得果真冇錯~我地間慧遠真係好似搬左黎lee度咁.....勁多慧遠呢~而且劉周都響度~
上次打機果個肥昌同事都響度....不過...佢串開肥昌的龍珠頭...竟然用黎串我...
佢叫我去打機~不過....我聽日去camp啵~咁我又可能去打通頭呢...

我同果個佬因為只有兩人....而佢地又剛好分幾車走....
所以只好搭巴士出返去火車站la....好財果個高佬會同我傾計囉~
唔係我可能都會悶死...我地搭到去大埔火車站就分手了~之後就飛的返屋企了~
好餓呢~一個包對現在的我果真唔夠飽...返到屋企都只好吃家姐個蛋糕同飲橙汁了~
開左icq冇耐~肥董add我話搵唔到"a浦"....因為聽日個camp係佢搞的...所以...
搵唔到佢我地又點去呢...而且阿水又返左大陸...搵唔到佢....
今次都唔知點好了......

>>August 5, 2004 at 6:31:57 AM GMT+8

2004 年 8 月 1 日 星期日 【清涼】

呵~有d興奮添~所以早左起身~9點幾~
一起身開腦樂樂就add我la~雖然同佢傾左陣~但係佢叫我去一個論壇傾....
此等行為不就正正是呃post囉....唉...算la就下佢la...
咁響上面傾左好一段時間~其實佢個論壇就冇咩人o既~不過...都有人睇到囉....
傾好la~之後就約左時間了~

換好衫就出發去搵佢~落去到之後就出發去提錢了~
丫~你老虎~上次唔得果架機今次得喎....比佢吹到我b~~~~~一聲呀真係~
咁樂樂提完我地就出發了~我地搭271去~出到去尖咀就轉lee個渡輪過去會展la~
不過我地冇飛~所以就要走去買la~行過去果時見到d cosplay~喔..........
有d真係唔靚~但係上網睇人講話....cosplay唔係睇樣架~!!
所以我只係欣賞冇出聲了....入到會場....人就多到咩咁...見到好多online game呢....

行左好耐~之後就去睇lee個game girl la~wa~有個都ok o既~
不過...比個弱氣的win左....唉...灰....之後就等twins出黎la~因為仲有一段時間先出場~
所以就要企好耐la...前面d人又響度遮住喎~真麻煩....
等到twins出黎la~好彩我都睇到~不過....前面個女仔係咁用個頭同屁股頂我....
後面個女仔又用個心口頂我....而且d人又企得密....熱得要死呢....
睇多陣樂樂終於肯行la~我其實本來諗住掃書的~
不過....見到d書比人搞到好似d垃圾咁...都買唔落手la....一陣出旺角買好了~
但係~樂樂竟然講左句~是但la~d書要黎睇ja ma~
lee句野真係好大問題囉~唔係你儲你梗係咁講架.....你有冇見人d集郵o既人將d郵票整到好似垃圾咁...?

結果都係冇收穫~之後我地搵左個地鐵站搵左好耐先走到....
咁樂樂有事就陪唔到我出旺角la~算~一個人咪一個人~去到買書~
我都買左唔小~不過....仲有o既...但係見到我手上已經好多本la...買咁多好似.....
又搭271返屋企la~唉....架車爆左...企死我lu......

肥昌打黎叫我聽日返工~嘿嘿~睇下果度點先~~~

>>August 4, 2004 at 3:50:04 AM GMT+8

2004 年 7 月 31 日 星期六 【晴】

今朝~都係10點幾先醒~但係想睇o既電視只係睇到半集....
做埋晒d白痴野....好無聊呢~本來想玩tales of destiny2 o既~
不過...卡左響一個地方....家因之前為我解迷的果個日文的攻略網....都幫我唔到....
所以唔玩住lu~我就開左個z高達玩~

講明爆佢幾多次之後完成埋佢就算la~我發覺果真係一個易學難精的人.....
開頭玩~感覺上仲勁過現在的我~算....
見無聊~就開左個gba模擬器的機戰A黎玩~(lee個真係A呀~)
玩左都好幾個鐘~玩到上晒腦咁~阿媽阿爸返黎都仲玩緊~
今晚佢地返黎~雖然只係買左個雞返黎一齊吃~不過...咁樣先似一個家架ma~
阿媽同我傾家姐的"秘密"~其實我都問過家姐而且同佢傾過~
當我們正在討論的時候~阿爸聽到明顯係變得火爆~之前都講~如果我做人父親我都可能會咁~
由細到大都知佢係錫家姐多d~但係冇所謂~不過lee d係好自然o既事~
走~都係遲早o既事~所以佢都真係會幾矛盾下....

樂樂問我去唔去漫畫節~正~我有好多書未買~而且都想去睇下~
上年因為去左報果個死人ive搞到我冇得去~今年真係要去返~不過上網睇...就不受好評....

(無聊的一天~問號的一日~)

>>August 3, 2004 at 4:39:32 PM GMT+8

2004 年 7 月 30 日 星期五 【晴】

今日~就係家姐生日的日子~不過佢琴日已經同男朋友同d同事興祝左la~
所以都唔輪到我做咩~而且我都冇咩做到~
佢今朝返早~一早走左la~但係聽到佢男朋友仲響廳度~
搞到我遲左d出去開腦la~嘿嘿~睇埋果3話o既老師的時間~
呵~真係幾好睇呢~不過又係果d有結局等於冇結局的結尾...可能又係想出第二集la~
睇lee出野會憶起好多讀書時的回憶~因為阿繆以前成日都好似入面o既北川搣阿miss個肚腩同面咁~
有時諗返起~都幾得意~但...可恨的是~當時點解我咁肥o既....溝唔到女添XD

基於屋企都冇咩野吸引到我留低~所以都比較早就返學la~
不過今日都係勁熱的....搞到件衫都濕晒....
返到去~見唔到miss~只係得師兄ja~咁我地鬆鬆下根~miss就返左la~
今日我竟然係冇遲到喎~但係比我遲的竟然係基基~好彩今日冇遲ja~唔係比人罰得都幾金....
鬆完根~師兄叫我地做多一次個考試的拳套之後~
就開始收學費la~收學費其間~正正就是發派成考試績的時候~
呵呵~家~水~基~已經榮升為紅黑帶了~(同樣都係b+)而蔡已經去到紅帶的等級了~(只有b)
可是~果班低lv差唔多都比較難追~只有蔡蔡先有可能追上~

派完成績交完學費之後~miss同師兄就走左la....
lee個時候都係阿水帶la~因為我同阿基都唔多鍾意做埋d咁o既風頭野~
而且我倆都比較冇乜興趣去帶佢地~d咁o既粗重野就比阿水la~
我地一路練一路傾計~因為大家都好機戰lee樣野~而且大家玩"a"(打唔出個字)時都有用金手指~
雖則我只是用無限金錢而且用完save就重開~但係算叫做玩晒囉~
之後傾傾下~已經休息la~而再開始練的時候我地都坐左響度~阿水都只係叫我地睇住佢地算la~
我今日唔知搞乜~可能升左帶開心la~我師兄o既本能氾濫~竟然去指導~
跆拳放面最冇潛質的兩人~肥仔同問題少年....肥仔廢我諗係人都知~
而問題少年....雖則吃下我Reverse Kick的人全館已經不計期數....但係佢係中得最應而且食左都仲硬膠膠的...
只可惜打比賽d評判又受佢果種打發~而且出去比賽都係對住d傻仔....運氣果真係實力之一....
不過見佢兩個廢得很~真係睇唔過眼指導佢地囉~

放學la~換衫時阿基問我~我地去camp喎~不過得3個男仔....肥家你去唔去呀~
見佢地得3個人....可憐呢~我話冇所謂~去囉~之後出返去~阿誠見我去佢都話去~
之後我又叫埋蔡蔡去喎~佢話冇所謂~然後阿水一句....本來得我地3個男仔8個女女架~
而且入面有"a浦"添....唔關我事~因為我已經完全謝絕與佢有所交流了~(而且都唔知佢會唔會叫埋我地去la~)
阿基極力要求去麥記~只好去麥記la~我只係叫左個餐咩都冇la~
但係都吃不下果d死人薯條....太可怕了....食左個包同一半薯條就已經飽了....
肥董叫我去佢屋企~不過我今次話唔去佢都冇理我lu~

落一落舖頭~之後就返左屋企la~晚d家姐打返黎問我食左飯未~
之後話佢去買壽司~呵呵~正~咁佢返到黎~但係我打緊機喎....
唉...冇得打添...不過佢買左隻碟返黎~活死人凶間....lee出野真係...都好恐怖下....
有時都真係睇到人目瞪口呆...果真係一出非一般的恐怖片呀~
但係佢個結局...好似有d又係冇交代咁...唉...今日已經睇左第二個有結局等於冇結局的片子了...
睇完真係有d空虛....不過今日又早𤍣左~11點幾就去沖涼之後就𤍣la~不過都成12點幾先𤍣得著...

>>August 2, 2004 at 3:51:52 PM GMT+8

2004 年 7 月 29 日 星期四 【晴】

11點幾~聽到廳度有人響度睇電視~我意謂家姐今日放假la~
而且琴日朝早到現在都冇食物落過肚....諗住𤍣多陣~
但係已經𤍣唔著la~所以就出廳la~出到去~竟然唔係家姐而係阿媽~
心想~得救了....諗住佢會買左野食返黎la~可惜...係冇o既...
我帶著埃塞俄比饑民的心情去打機....不過都好彩~我只係一個香港中的一條大懶蟲~
寧願捱餓都唔買野食o既大懶蟲~有人服侍的大懶蟲....

阿媽睇完電視就落去買野食la~其實本身諗住餓多日~
返跆拳之前去食一食野就算~不過計劃有轉好的跡象~有人買野食所以就唔洗餓la~
阿媽響屋企~開動畫睇好似唔係幾好....雖然當日第一次睇kanon都唔理佢地~
我差唔多仲開得大聲過個電視~佢地都冇咩點理我~但係算la~有gba模擬器~玩下d game都好~
玩到咁上下~見阿媽𤍣左~而電視又冇野睇la~所以就開左部機玩la~
差唔多玩到6點幾~阿媽醒左....迫住要熄機la....

雖然今日只得我倆一齊食飯~但係都只係食杯麵ja~
兩個睇電視~有得討論下劇情~咁樣先叫做似樣架ma~有返d人氣你話幾good呢~
可惜~睇完雙龍佢就走左~我就猶如一條死屍咁睇電視~
時間有返咁上下~就諗住入房𤍣la~12點幾~都係𤍣唔著~所以又出返廳la~
過多不久~進行我的秘密~可惜....1時多...被人揭破了我的秘密....
不得了....到底...怎麼辦....雖則對別人而言只不過是小事一椿....
但...我根本上談不上有什麼秘密....可能這個是我唯一的一個秘密....
雖然心煩意亂~但揭破我秘密的人好像沒發生任何事似的~
這種反應對我來說大概是"喜訊"~但....這樣始終有點耿耿於懷....放心不下...

(秘密~我相信秘密其實每一個人o既定義都係唔同~我o既定義~大概係唔見得光或者唔講得比人知~
所以~我諗我都係冇咩秘密囉~)

>>August 1, 2004 at 5:20:43 PM GMT+8

2004 年 7 月 28 日 星期三 【晴】

.....好邪惡呢....屋企竟然再一次咩都冇晒....
只得返兩鑵可樂....下午~因為不太肚餓~所以一鑵可樂都ok o既~
不過...今晚就唔得掂la....阿媽竟然唔返黎....我就咁落去...

雙龍傳真係有趣~估都估唔到睇電視學到咁多野....
意想不到的~竟然中國以前經已有SM lu喎~(可能la~或者我餓到眼花...)
大概~SM lee樣野都係中國傳入西方國家~
嘿嘿~中國真係發明了不少偉大的東西呢~

細細個餓到大~我都好明白~𤍣左咪冇事囉~唔餓架la~
所以~11點半到就已經上床la~12點到就𤍣得著~好彩ja...

>>August 1, 2004 at 4:44:47 PM GMT+8