2003 年 12 月 26 日 星期五 【乍雨乍晴】

星期6都冇得返跆拳....真可憐...冇機會發洩....屈埋屈埋我驚我會發癲....

咁起身就睇棋魂la~依然係正爆o既~
我發覺其實棋魂係比一般o既動漫好得多o既~
因為...至少d角色識大丫~好似hunter咁~小岡果d~搞左咁多野都仲係咁大個....有d唔正常...

lee排~我已經完完全全咁聽晒我家姐話架la盡量~
但係佢仲三分顏色上大紅~激到我勁嬲~有時真係想打佢一餐勁o既~起碼條氣都順d丫~

阿邦~佢又做左同佢地同一樣o既錯事~
約我地去釣魚竟然第一個搵我....我叫佢搵晒人約好晒搞掂晒先搵我la~
不過....佢竟然冇搵返我喎......

下午無聊~上網睇野~咁又見到公主候補生佑希o既動畫喎~
dl左第26集~ja係最尾果一集~嘿嘿~正~不過個結局就....一般ja.....算....

(今日d野唔係呾記得.......算.......)

>>December 28, 2003 at 2:58:23 PM GMT+8

2003 年 12 月 25 日 星期四 【乍雨乍晴】

一起身~雙手仲係勁痛~個人就勁眼瞓~勁累......
不過都係照樣咁樣去開腦~好努力咁去諗返前日做過d咩....

下午~"湯"左隻前日留響屋企隻雞黎做午餐~
之後都係好努力咁諗返之前做過咩d咩....
真係比佢激死....咁2點幾果陣上2000fun 睇野丫ma~見到有d回post就加3分喎~
咁咪響果度呃下分囉~突然....個網果度hang左.....打左勁耐o既日記就咁就冇左la......
唉.....好無奈呀.......

之後好努力咁加速寫埋落去~
到到5點就睇電視~勁正~睇完又加速~可惜天偉又add我喎...同佢傾左一陣....要出舖頭......
用左我十幾蚊飛的出去~出到去都就快收好一邊la..........
今晚又要食飯盒.....咁返到屋企之後~就用極速搞掂左個日記la~我都好似係第一次用左一日先搞掂....
咁平安夜果晚睇左陣大隻佬~今晚又冇野睇~咁就睇埋佢la~
好多人睇左都話唔明~我覺得~雖然係有d難明~但係~好歹我都係讀過下佛學~
所以我係明o既~雖然我成績唔好~但係都係因為我唔溫書ja~
你叫我講比你知d道理我諗我都得架~

其實....有d野未試過....成日又好想試.....
未親身睇過d正常o既...只係用其他途徑睇喎.....好似動漫真人咁樣....
但係...佢又可能(我唔知係咪真係咁)比人誇大左而搞到咁恐怖.....
好似話.....幾個男仔一齊都得???會唔會太變態呀.....?
(自己諗la~明唔明就睇你o既做化la~)

>>December 27, 2003 at 2:58:53 PM GMT+8

2003 年 12 月 24 日 星期三 【乍雨乍晴】

6點幾已經起左身la~瞓得果幾個鐘....我驚...我會暈.....
猩猩就應該醒左架la~因為佢都傻傻地o既~不過我諗我阿爸未醒~
搞掂好d野~之後等到7點3先打比佢~佢果真未瞓醒呀~不過佢都叫我落去就得la~
行落去~有d人好似o岩o岩玩完通霄先返屋企喎~

猩猩一早已經企左響我舖頭門口等緊la~不過又未開~企響度~勁樣衰la~
打多個電話上去佢先落黎~咁就去買左d麭做午餐~之後又買左d早餐~
之後就飛的去到馬"廖"水之後~架船就開始行la....不過都緊緊上到...
上到船就食早餐聽歌睇書傾計(當然係兩個人一齊做la~)~坐左勁耐先到~

去到la~咁做好d事前準備就出得架la~開頭就去左個魚排度釣~
大家都冇收穫~咁之後就去左我同我阿爸上次冇去果邊~果邊勁大浪呢...
唔夠瞓搞到我勁暈....而且果d死人船又係咁經過喎....暈上加暈.....作嘔.....
冇魚加上又暈又想嘔~之後拎左部md出黎聽....聽左陣都好d~冇咁暈....
之後lee邊冇魚所以我就題意去邊上次果邊~呵呵~一去到果邊真係比我釣到條~
係咁釣係咁釣......................................................................................................................
好似都4點幾la~猩猩無lala唔見左個袋~佢果個"邪咩"袋唔知飛左去邊喎~
咁咪四維搵囉~搵左好耐都搵唔到只好放棄la~

上岸la~今日我都只係釣到一條咁大把~我阿爸就3-4條到~猩猩就食白果丫唔該~仲冇埋個袋添XD
5點半上船la~猩猩就聽聽下歌瞓左~我阿爸睇完報紙都係瞓左~去到咁上下佢地先醒~
阿媽打黎問我地燒唔燒野食~講真~我都係冇所謂~咁我咪話猩猩燒我燒囉~
咁猩猩今晚都係冇野做架la~所以佢都冇所謂~落左船~飛的返到去~仲未收好舖......要我幫手喎.....
咁佢地不嬲都係響舖頭門口燒架la~講真丫~我就覺得好怪la.....
不過算la~好日都唔一次~當係陪下佢地囉~不過d人行過望下望下咁我都真係覺得有d唔好意思.....
你...食過燒麵未~?燒蛋呢~?哈哈~今晚有機會食到la~我阿爸響度吹水(我覺得)話燒到喎~
咁阿叔叔就真係拎左兩隻蛋同一個福e麵黎~麵就食落ok o既~蛋就冇咩唔同~

(今日都係比較長o既~都係減左好多下o既~有咩唔明....當面問下我~icq add猩猩都得~)

>>December 27, 2003 at 6:38:17 AM GMT+8

2003 年 12 月 23 日 星期二 【乍雨乍晴】

今朝10點幾起身~無線竟然又重做CardCaptior sakura o既劇場版~
成日重做d舊o既又唔見佢做d新o既....咁我咁鍾意就梗係睇架la~個頭望住部電腦~
不過又真係頂佢唔順~d配音依然係差~而且仲加左個勁傻o既名....(無言)
睇完la~樂樂過多陣就打黎問我今晚出唔出街~講真丫~你約晒搞掂晒先搵我la~
你問我~我又冇所謂~咁~咪就係得個吉囉~
下午~開左隻同是劇場版的CardCaptior sakura~唉~d碟真係壞壞地...
見睇唔到個頭~咁我咪試下飛左個頭囉~又睇到喎~真係比佢吹帳...難得lee隻勁鍾意~(隻隻都咁鍾意架la~)
被封印的卡片~你....有冇睇過呀~?

咁我家姐打返黎話佢返黎~咁...睇得半隻就唔睇la...
等到佢返黎佢買左兩隻碟~一隻就大隻佬~一隻就大丈夫~
我地就睇大丈夫先~因為我家姐之前已經睇左大隻佬架la~嘿嘿~真係勁搞笑~
睇完之後唔知點解勁眼瞓~但係瞓左半個鐘之後就自己醒返la~
一醒都差唔多做公主候補生佑希 (港譯: 超細齡公主)la~
睇完就落舖頭收舖~收完又走返屋企等樂樂電話~

8點就落ok等阿樂樂~之後我地搭巴士去火車站等阿邦佢地la~
家因太早到~所以一個人都未黎o既...第一個到係大囉~不過佢睇唔到我同樂樂~
所以....佢仲拾下拾下咁四維望我地響邊la~講真丫~我就唔係咁想同大囉一齊la~
我感覺到我係唔係咁like佢囉~而且佢都唔出聲.....佢出黎做咩呀.....
之後等多幾個字~猩猩同阿邦就到la~之後我地搭火車出旺角~
出去行左陣就行到去信和睇書睇碟~wa~有隻xx少女(唔記得咩名....)
睇個樣好似好正咁~好想買呀~之後睇d書店又見到幾本未買o既漫畫....唉...算~下次返學先買~

佢地幾個死仔~食晒野...得我一個未食...行完信和之後~就見到間吉野家~
今晚晚餐就係牛肉飯la~呵~見到個勁得意o既妹妹仔~
其實~有好多人都誤解左我鍾意o既意思~我係用欣賞o既眼光去望佢地~
用想呵護o既心去同佢地接觸~(不過我咁大殺氣~佢地只會望住我~我都唔會去搞佢地~)
好多人意謂我想咩佢地la~(咁大個人咁都睇唔明個咩字o既意思就死左佢好過la~)
我......似d咁o既人咩～！！！

之後食完就繼續行la~嗚~果邊勁多人呢~又有勁多人響度迫喎~
行行下阿邦話好似見到雞蛋暗戀左幾年o既何小姐同阿大"代"一齊行街喎~
呵~我地追返去後面睇la~不過又追唔到喎~嘿嘿~雞蛋冇行lu~
之後.........................................................................................................................
去到12點la~響果度咩門口唔知等咩la~見到d人痴晒....係咁飛野.....
咁我地企響果棵樹前面~身後面個女仔就"挨"住左~咁我就企響度~
唔知佢做咩無lala捉住我~~~~~~~~~~件衫......唉~最討厭就係比咁樣整架la~
不過....既然係女仔就冇所謂la~
企到咁上下阿邦又打比佢個妹la....原來佢個妹都響lee頭~不過響鐘樓果邊~
佢就想過去喎~之後迫左一輪佢就自己走左去搵佢~然後幾經波折我地先搵到佢地~
我地行到過去~佢個妹就叫阿猩猩~之後就過去la~我就企響條路度等~佢講左句~你係~~~~李家豪~
之後就走左去我身後o既佢班fd.....原來.....佢班fd響身邊咋喎.....不過.....冇靚女o既.....

好艱苦咁樣先上到車....
我返到屋企都成2點幾lu.....
瞓埋都3點到la.....4點幾我家姐個電話又響喎.....
唉....一陣要6點起身架.....邊q過呀........

(今日都係勁長......已經全力咁減小佢.....所以........冇左勁多......)

>>December 26, 2003 at 1:06:28 PM GMT+8

2003 年 12 月 22 日 星期一 【乍雨乍晴】

lee排真係好多好好聽o既歌呢~
今日下午就已我搵到幾隻勁好聽o既歌~唔知....你有冇聽呢?
吳浩康-先入為主 張敬軒-孤單公園 鄭中基 - 八 二十八 八十八 蔡一傑-上癮
以上lee幾隻真係正爆~雖然仲有好多~但係....日記冇理由勁打歌名架ma~

呵呵~今日跆拳呢要~所以就唔洗出去收舖la~
我5點幾打比阿邦問佢響邊度等~咁呢~就響lee個8號花園o既惠康等~(係咪咁打呢??唔記得左添XD)
咁呢~因為我條跆拳褲已經開左叉~係大大的叉~去到"失"頭果度....
所以就笠多條平時出街果d褲~上身就著住一件T-shirt加風縷~
咁我就諗住唔好遲la~6點5就出門口去la~
嗚...佢地都傻架~簡d咁多人o既地方等~人家上身睇落腫腫的~

去到已經見到阿邦同唯唯已經到左la~
問下阿邦幾點la~踏8咋喎...我都估到行過去都係3個字到架la....
阿唯唯無lala叫我"咩"佢~咁又冇野做咪"咩"下佢囉~等左陣~阿水都到埋la~
阿蔡蔡家樂仔師兄仲未到~咁呢~阿邦就話去買水喎~阿唯唯又feel到我隻手已經震緊...
放底左佢之後我地3個就入去買水la~咁阿水就響出面等佢地~
我地買完~阿蔡蔡就到左~阿師兄就o岩o岩到~見到佢響架巴士上面~佢仲未知道要落車~見到我地先識落~
之後佢地打比阿誠~阿誠就要食完飯先黎~家樂仔就失蹤左~家豪就話自己去~

去到la~入廁所換衫~我都係除左條褲就得la~
之後出去囉~因為未齊人~所以就踢住雞"比"先~咁阿邦就出左去接佢地la~
踢Turning Kick真係好鬼悶~咁我咪自己搵條柱去踢下Reverse Kick囉~
咁阿唯見到又想學喎~講真丫~佢連d基本野都未記得晒~學乜鬼丫~不過都有教佢o既~
過多陣~阿邦果d就返黎la~o岩o岩好10個人~齊人就出去跑la~
出去跑~跑一條大直路~嘔呀~之後又要跑返轉頭....
咁跑到咁上下~停低休息~咁佢地話驚肥仔睇唔掂野喎~比人打劫都唔定架~
咁佢地衝我又衝架la~阿水又走左去兜左個大圈~咁我見到o岩o岩落黎果條路咁咪自己跑上去囉~
唉...勁黑仔....見到班o靚仔o靚妹....佢地唔知笑咩la...(可能笑緊我...)因為我果陣著得好怪下...
白色短"就"t-shirt加埋一條白色開勁大個叉o既跆拳褲正在跑步......比我見到都笑呀.....

上到去...勁辛苦...剛剛跑完長途之後仲跑樓梯....(我上果度有樓梯...)
休息左好一陣子先順返條氣~之後就做左一d體能o既野~就耍拳套la....搞掂之後阿唯又叫我教佢Reverse Kick....
咁阿家樂仔成日想學我o既ja~(阿水話架~咁又係o既~我咁型XP)
講真~個形做得好係一般難ja~想有力的話就只係出o既時候加速加力~
但係...做到有形有力都未必有用~因為lee d野係睇臨場表現o既~出到打得中而且仲要有力~
咁先有用架ma~家樂仔果隻....企唔返響度又打唔中~食屎咩~

>>December 24, 2003 at 6:43:41 AM GMT+8

2003 年 12 月 21 日 星期日 【乍雨乍晴】

譚仙...10點幾打黎叫我去打機....唉....人家仲瞓緊架ma....
之後我都係比佢說服左...所以今日去打機la....

行去果陣~無lala有人拍我背脊~喔~原來阿誠o岩o岩打完簿....
上到去金源都有幾多人下~不過仲有位~之後同阿譚仙玩Diablo~
過多個幾鐘冼志先到~不過譚仙又要走la....

唉~lee個世界o既人果真係不停咁進步~
退隱多年~真係人才輩出~我發覺家下d人玩CS真係勁左~
雖然~我都係排頭位~不過真係勁左好多~而且佢地o既玩發係一樣....
同我響金源打機識果個阿雞o既玩發係一樣~個畫面睇到人頭暈....痴痴地....(教到個mouse勁快...)
仲睇到個超勁o既人~一個女仔~讀慧遠o既~我記得佢係f.2o既~
玩天堂~54lv~變黑妖去打思女....變態....

阿卓豪又黎左~之後我就4點到就走la~
落到去睇下有咩書買la~wa~出左勁多....買左兩本~
之後飛的返屋企~去街下買左d包~之後就上返屋企la~
唉~你老虎丫~今日用左我成舊水喎....

>>December 23, 2003 at 5:57:53 AM GMT+8

2003 年 12 月 20 日 星期六 【乍雨乍晴】

琴日約左佢地11點半麥記等~不過.....遲左起身....教左鬧鐘又唔知點解唔響....
好快咁去打比樂樂之後就去換衫la~約左樂樂11點3下面ok等~
呵呵~換得好慢呢我~遲左成幾分鐘都未落佢就打黎吹我~之後就衝左落去la~

去到大埔麥記~猩猩阿邦大囉已經坐左響度等~
佢地叫我地去買野食~之後阿樂樂話出去食唔想食麥記就咁我地就去左d茶餐廳度食la~
食完~佢地幾個已經買好晒野企響門口~之後先陪我地去買~
買好我樂樂大囉就行過去~猩猩同阿邦就踩單車去~咁猩猩就去霸位先喎~
而阿邦就車我過去先~車完我過去就一個一個咁車過黎la~但係我地去到~阿繆同雞蛋都未到....

我同樂樂本來用魚排釣o既~不過好似又唔係咁掂咁~見到阿猩猩阿邦佢地枝竿咁平~
我同樂樂就借佢地架單車出去買la~出去果陣見到阿繆同雞蛋行入去~樂樂好似見唔到佢地咁~
佢兩個又見唔到~不過樂樂又停左喎~我喂佢地先睇到我~呵呵~講過d咩就唔記得la~淨係記得阿繆都話我瘦左~
嘿嘿~我愈來愈相信我真係瘦左唷~都唔知邊個講o既ja真係丫~
去到la~開頭果間好貴下架~40幾貴~之後去第間~我地一人買左一枝~都係60蚊ja加埋~好抵啊~
不過阿邦架車就真係有d問題~佢架車個殺制勁嘈~一想減速就勁嘈~d人望住晒我咁....
好樣衰呀......

返到去~佢地兩個都係o岩o岩到~
開頭果個幾兩粒鐘都係用d蝦仔釣~不過....發覺蝦仔唔掂~所以就拎左阿繆同雞蛋d蟲蟲釣~
E~勁嘔心呢~我話過唔用手"掂"就係唔用手"掂"~用兩把刀仔當"快"子咁用去勾佢~
收穫都唔錯~我都釣到6-7條~個個都有收穫~但係....雞蛋一條都冇呀XDDDDDDDDD
佢比我地串到飛起~走果陣因為佢支竿收唔埋~咁就比我聯想到火星人~
哈哈~串到佢飛起呀~火星人~
行行下~去到咁上下~見到個女仔~炒車XDDDDDDD
勁搞笑~見到佢好地地都會炒~本來都忍到架la~不過又忍唔住~
哈哈~抵死丫~咁開心同條仔一齊踩單車咁溫馨~咁行過左之後走到咁上下~
我又聽到單車d聽~我咪講~啊~又炒la~
哈哈~原來又係果兩個人~唔知佢聽唔聽到呢........

今晚~上網睇到果個咩上水咩學校打人~dl左段片~之後send左比幾個人~
真係睇到人火滾~果條四眼仔係咪咁白痴呀~比人打又唔還手~真係唔屎都冇用~
係一個正常人~都知~比人打~係要報警la~話比miss同阿sir聽~最低限度都同屋企人講丫....
好彩果班傻仔拍低左ja~(好似話係偷拍~)唔係~e+都唔知點lu~

>>December 22, 2003 at 2:57:14 PM GMT+8

2003 年 12 月 19 日 星期五 【乍雨乍晴】

真係比佢吹帳~無lala做果個唔知咩西鐵~搞到我意謂冇得睇棋魂.....
原來做多個唐老鴨就做la~正~睇到12點半先做完....去換衫~喔~遲到lu~
阿媽無lala打返屋企叫我落一落舖頭食藥....咁就遲梗la.....
lee排食左勁多藥.....都唔知會唔會有事......

返到去學校~都成1點半lu~遲大到~佢地已經開始左~
我搞左一大輪之後就要比miss罰la~跑10個圈....佢地開始鬆根~
唉~細細個開始我都係自從冬天開始我就一直都係傷風感冒....
所以今日都係偷懶la~根都懶得鬆~其實一般o既上堂我都支持得住~(阿邦比人車到個"代"呀~CCC~)
去到尾~要同人打果個咩(唔識形容個音)fight~(大約個意思係唔用力~玩技術咁樣o既free fight)
我就覺得係冇咩用o既~既然係冇話邊個win邊個輸~又廢事打親人~最大問題係我冇幾多體力去浪費響度~
所以我都冇咩打~只係練下點樣避好d~佢地有d就狂攻~有d就同我一齊偷懶~

當對完咁多個之後~就真係打free fight la~不過咁日玩計分~正~咁先有意義架ma~
開頭叫阿水同家樂仔打~勁搞笑~阿水比阿樂仔kick到~仆左落地~之後~發火.....個比數勁大....
佢地打完就到我la~同我打o既係家豪....次次都係咁~家豪對家豪XD~(同名同姓~正~)
同佢打~我好累呢~都係避o既多~開頭我洩左一分~之後我又追返一分~
再一人拎多分之後~我一次過拎返佢兩分~一拎到lee兩分之後就打叫停la~呵呵~我地打左勁耐~
有lee兩分之差~win果個梗係我la~嘿嘿~到阿誠打la~佢同個白帶打~輸左呀XDDDDDDDDDDD
勁樣衰呀~之後又要指明同家樂仔打~本來兩個都冇分~最後比人上頭......0比3....輸左~
wakakakak~勁冇屎用呀佢~放左學比我地串到飛起ahahah~

放左學又係去食野~食完野~阿水唔知收左個咩電話~又要走返去學校拎野la......
咁我地就陪佢去拎la~我阿邦誠誠唯唯同我就慢慢咁行~阿水同家樂仔就行得勁快~
見佢地咁快我地都唔理~坐響個十字路口等佢地la~凍到爆呀.....好彩抱住阿唯唯坐ja~唔係我一定凍死....
咁佢地拎完4隻雞"比"同一個大把就走得la~
落到舖頭~我就要去藥房度買d我必要o既野la~我阿媽都差唔多識晒成條街d人架la....
個老闆問佢身邊果個女人~佢係阿玲個仔呀~瘦左咁多o既~係囉係囉~以前肥仔黎架ma....
呵呵~開頭前排有人同講我都覺得係d客氣說話黎架~不過~我e+開始有d信lu~

今晚~譚德響佢感情方面得到進展~咁就同左佢icq一陣就走左去沖涼~
之後沖涼佢就打黎同我傾la~呵呵~佢雖然到現在都未知得唔得~不過又前進左一大步~
haha~佢可能開心到瞓唔著添呀~而且佢前排話幫我睇下佢公司有冇位比我做~e+好似有位呀~
正呀~~~~~~~~~~~~~~~~~~~~~~

>>December 21, 2003 at 1:49:40 PM GMT+8

2003 年 12 月 18 日 星期四 【乍雨乍晴】

今朝無lala7點起左身~不過又瞓得返喎~
阿媽去完拎身分證之後返黎就幫我買埋飯~正~唔洗餓親lu~
咁我家姐同我阿媽今日一齊出街~嘿嘿~好耐都試過下午冇一個人響屋企lu~

咁lee排瞓教前同瞓醒冇野做都睇返CardCaptior sakura o既漫畫la~
今日冇人又悶悶地冇野做就開左隻vcd睇囉~(我家姐響度我開黎睇的話佢實插到我爆....)
開頭就睇克洛卡篇o既最尾一集la~唉~睇完又仲想睇喎~因為太正la~~~~~~~
睇完就開sakure卡o既最尾一集~有兩話~第一話就lag lag地o既.....不過都照睇~
第二話仲衰~睇到第6分鐘就lag得仲勁.....睇多陣仲睇唔到添.....
唉.....心情極度低落la......睇唔到自己想睇o既野你知唔知有幾傷心呀......
仲要係自己一隻一隻咁慢慢儲返黎~不過佢已經壞左la.......................................

今日~學校雖然係要考試~但係我問猩猩如果遲到會唔會唔係咁好~
佢話冇所謂喎~咁我今日就睇埋先返學la~
呵呵~今日lee集勁正~好彩我睇ja~睇完我就醒目la~踏9先落去搭車~
落到去睇原來係踏10先有車~車開la~上車la~今次就坐得都算幾前~人都唔係好多~
坐到咁上下就有個哥哥走埋黎坐la.....一路聽歌一路坐~其間瞓左陣~

去到la~猩猩已經到左~因為已經7點la~我遲左半個鐘~不過仲有好多人未到~
之後我唔記問猩猩d咩~先記得要交果張單~咁就又要走多轉la~
上返去~猩猩就斬緊半隻雞~佢問我玩唔玩~我當然玩la~所以我都斬左半隻la~
猩猩今日就勁la~最尾係佢整晒o既~成個大佬咁~勁呀~
咁上完堂la~有水回喎~正~不過得85.5ja~唔係好多~算~小小都好過冇~

>>December 21, 2003 at 2:58:25 AM GMT+8

2003 年 12 月 17 日 星期三 【乍雨乍晴】

今朝7點鐘就起左身la~因為前排我阿爸成日約我去釣魚~但係我又唔想去喎~
但係前幾日我就答應左佢話去~咁因為佢叫左我咁多次都唔去好似唔係咁比面咁~
所以就要咁早起身la~咁我一起身就去開熱水爐....之後就走返入被窩碌la~(凍到爆呀~)
之後7點半我阿爸入黎叫我~我就凍到死死下咁就去沖涼換衫la~

唉~點解要我落舖頭幫手先o既呢....我唔係去釣魚o既咩.....
開完la~我就同阿爸去食早餐~之後就去買蟲蟲同蝦仔~去買野果陣~經過健琪做果間7仔~
見到佢戴住頂~聖誕帽~wa~~~~好可愛呀~~~~~~頂帽XP~
我行過左兩3次佢先見到我~不過都係得個笑字~
我阿爸買完野la~就去左個冇咩人o既公園仔整野同埋等call左果架的士~
的士到~完來係我阿媽阿爸果個朋友~我好憎佢o既ja唔知點解....
之後我阿爸就同佢傾計我就自己聽md~

到左碼頭la~我阿爸就唔知同邊個阿叔講野~之後就叫左我上左船la~
哈哈~我都係第一次坐大飛~勁快~吹到我都頭暈暈呀真係~
咁入到去la~我阿爸就去拎左果d用具~就出黎搞隻艇仔la~
出去果d同釣就唔洗講la~咁返到果陣~就諗住去第二邊釣o既~
不過....冇油....要用個果個掌~撐返去~撐到咁上下又釣~(好彩我地就快到個碼頭ja~唔係就死lu~)
呵呵~釣魚可以淨化心靈~撐船可以強身健體~正~
之後到咁上下~就要走la~放返好d野就走la~響碼頭一路食風一路等~
有隻狗仔勁得意~同佢玩左陣就開船~上船走la~

落到舖頭~我家姐問阿媽借左一千蚊去買果個掃瞄器果d~
之後就迫我陪佢去大中買la....行過去果陣成日問埋d古怪問題....
又問我有冇女仔鍾意你~又問有冇女仔成日痴住你果d~(你睇到有就有冇就冇la~)
之後佢話去打機~我就冇所謂la~佢就請左我打兩舖~不過都係去唔到尾....
之後佢自己玩就win左喎~佢個花朵就叫做車后喎.....(人地幫佢起架喎....)
之後佢個fd黎左~買個果舊野之後就去食野~去左kfc食~我地個人都食唔晒d野......
佢地又響度勁傾喎.....傾左勁耐先走....

返到屋企la~開icq~雞蛋響幾日前返左黎la~
lee兩日都唔知佢去左邊度玩黎~不過佢叫我星期日去釣魚喎.......

(唔想咁長~cut左好多~搞到有d亂~算la~)

>>December 19, 2003 at 5:07:42 PM GMT+8