2004 年 5 月 2 日 星期日 【晴】

我都知今日會好厲害架la....
不過估都估唔到佢好似琴日咁....二百八十幾圍以上....
而且今日得我同譚德添....當然阿俊同田生都有幫手la~
做到死死下o既時候~佢地當然就拎d野黎"餵勞"下我地~阿俊問我飲豆漿定可樂~
我又唔知譚德想飲咩~而我自己又冇所謂~咁一黎琴日飲左可樂~二黎飲豆漿又好似冇咁著數....
所以我都鍮唔定主意la...阿俊就同我講...乜你咁冇主見架~快d簡~唔好是但~
佢一講就講中我最大缺點之一.....不過....我自己都唔想咁....(唔係個個天秤座都係咁o既咩~?)

放工la~今日收5點~譚德又要返學~所以我就自己一個人搭車返屋企la~
咁搭車果陣~我就𤍣教la~之後𤍣𤍣下~feel到有d唔妥~之後一開脈~見到個死肥仔~
(應該大過我~個樣同身材好似中廚果條死肥仔~(最憎d人肥過我架la~!!))
佢企圖伸隻

>>May 6, 2004 at 2:21:26 PM GMT+8

2004 年 5 月 1 日 星期六 【清涼】

呵呵~lee排差唔多日日都遲到~
返到去佢地已經幫我洗好個碗la~不過....今日多左一個不知明o既人~
而小左個熟識的面孔~阿明....咁食完飯la~
入去等~佢都等左好幾個未先有人黎~
不過一黎就冇咩點停過~不過~可能今日有4個仔la~而且阿俊都有幫手~
今日都唔會太累囉~(雖然有二百八十幾圍~)有可樂飲~
呵呵~阿聰飲左譚德果鑵~搞到佢都冇得飲~XD~不過都係果句~啜啖先~~~~~~

我同譚德要走先~因為佢約左家俊(譚德d波友~)一齊去買鞋la~
所以我地兩個兩點半就走la~wa~行過去果陣真係曬到人死死下咁....
已經特登搵d樹蔭下面行架la~不過一出就....曬到真係死得人....
咁我地響火車站度會合~咁佢黎到la~我地就去買la~
去到果間野la~譚德就話唔入去~之後我地兩個就自己入la....
咁我地要買o既鞋就響面前~但係大家原來都係同一類人....冇主見....
之後咪打比譚德叫佢入黎囉...我本來意謂佢響屋口ja ma~原來佢走左去電腦中心睇keybord...
再冇主見都冇用~已經行到黎lee個地步~只好買la~我就買左對深藍~家俊就買紅色~
其實我想要淺藍架~不過譚德又買左la....我只好要對深藍la....

買完la~佢地搭火車~而我就搭271~咁難得出到黎~所以就自己一個人走左去信和買書la~
買左3本書之後就搭車返屋企la~

>>May 5, 2004 at 3:07:15 PM GMT+8

2004 年 4 月 30 日 星期五 【晴】

呵呵~五月一日~勞動節唷~所以我諗公司一定好多人ja~
但係今日放假~唔關我事~
嘿嘿~今日好休閒呢~冇得返跆拳~所以成日都響屋企度~
不過又冇乜野做囉算叫做~都係打下機咁~
但係屋企又冇野食~不過又有d未煮過o既痃~所以要親自下廚~
d野食問題就冇咩問題o既~不過....咸左d(唔係太囉~小小ja~) XD
但係冇野食~點都會食埋食架la~不過食到條"利".......

今晚~都食完飯之後~係咁睇潮與虎~家因真係越睇越正囉~
因為以前睇都唔多會留意d字~而且唔係咁認真睇~不過e+人大左~
睇野o既角度又唔同左方式又改變左~睇出黎o既感受又會比以前多~
可能係因為以前睇係純粹為左娛樂~而且睇雖然都係~但係會睇得深入左~會明白了解佢o既道理~
所以話呢~唔同年紀~唔同o既生活狀況~各種各樣o既野~所睇o既野都係唔同~
正因為咁~我寧願買書都唔會借書睇~就算係借~睇到本書好睇我都會買左佢~
雖然係好奢侈~好浪費金錢~但係一本書o既價值我諗並唔只lee個價~

咁我響lee個20幾期開始睇~睇晒佢用左我都唔小時間~
而且響個電腦度睇~真係眼花囉.....
我家姐放工返黎~佢睇到我睇~佢都~依~潮與虎喎~佢都真係一本好書~幾好睇~你唔係有o既咩~?
我答佢~唉....佢咪就係比d白蟻同d水ko左我唔小囉....
唉...最衰以前間屋la~又有白蟻~有時雨天都....(以前住村屋的~)
本來我有仲多書囉~但係....就係各種因素....搞到我d書報銷了不少....
如果佢地冇事的話~我諗e+都唔知放響邊好lu~
睇到我成點幾先𤍣...

>>May 4, 2004 at 4:02:01 PM GMT+8

2004 年 4 月 29 日 星期四 【酷熱】

等左好耐~終於都捱到星期5 la~
聽日就係放假lu~不過....今日已經有想死o既感覺....
一黎個肚仲痛緊....二黎真係累到死晒....
不過好彩o既係聽日放假....5月1日勞動節...死人大陸放10幾日假....
你老虎丫....我諗又做死人呀....

>>May 3, 2004 at 3:40:37 PM GMT+8

2004 年 4 月 28 日 星期三 【晴】

得閒無聊響度諗野~諗諗下~肥昌都開始會考lu喎~
不過睇佢個死人款~都知佢唔多會溫書架la...
回想起去年~大家都努力咁在這個非典型之下會考~
果個咁o既死人口罩真係焗死人囉....真係一場非人o既考試....
不過....特別係考英文果陣~一除左個口罩就真係猶如天堂一樣~
令人幸福得不已~一句講晒~爽死la~

(冇咩特別.....所以求其la~)

>>May 2, 2004 at 3:22:05 PM GMT+8

2004 年 4 月 27 日 星期二 【暴雨】

唉....琴晚我11點幾入房𤍣lu喎~因為聽朝要返早~
但係正當想進入睡眠狀態o既時候~我家姐勁叫我~
咁我出去睇下做咩la~個monitor竟然燒左.....所以佢叫我聽日去買....

今朝個肚依照搞搞下.....本來6點起左身去開爐之後教好個鬧鐘𤍣過o既~
不過....唔知點解係我起唔到身定係冇響鬧鐘....搞到我又遲左....不過我自己都知醒~
但係返到公司都遲左半個鐘囉....
好辛苦先捱到放工....咁阿譚德話陪我去~佢話順便去拎身分證~
咁我地就行去la~我地行過去黃金la~其實都唔洗格點~
因為我覺得佢咁大個商場都已經龔斷晒~所以只係睇型號講埋幾錢囉...
所以好快就買左個~都係3千幾蚊ja~

咁我地分左手之後我就行去搭巴士la~行行下佢竟然落雨喎....
好彩都唔係咁大雨~我諗佢都整唔濕我個monitor o既~
返到屋企~整好個monitor之後~呵呵~17寸真係17寸~睇野真係正d o既~
物有所值~

>>May 2, 2004 at 3:33:42 PM GMT+8

2004 年 4 月 26 日 星期一 【陰】

今日~終於都完成左本"誰偷走了我的乳酪?"~
真係好正~教曉左我唔小野~不過....我發覺自己係似猶豫囉....
唉...真係希望自己似哈哈...可惜...我做唔到....
(睇左就明架la~)

嗚....好慘呢~搞搞搞肚痛....不過又要繼續做野....
做到我死咁....雖然唔多人...但係唔舒服搞到我勁辛苦....死人....

>>April 30, 2004 at 4:20:34 PM GMT+8

2004 年 4 月 25 日 星期日 【晴】

前排~dl左潮與虎o既漫畫~e+睇返~真係好正呀~~~
本來我都有成套架~可惜丫....以前舊屋果度....
又有白蟻...又漏水喎....ko左我無數咁多書...真係可憐......

>>April 29, 2004 at 2:17:26 PM GMT+8

2004 年 4 月 24 日 星期六 【晴】

譚仙~打CS真係越來越勁~但係我地幾個都停滯不前....
不過我都發現到自己係打唔唔夠冷靜同隻手唔夠快.....
之後佢地唔打la~咁又去晒玩aom~(新手...所以唔玩...)咁我就自己一個人玩Diablo~
咁阿冼志見到我玩~就走埋黎一齊玩la~(話晒都係佢叫我一齊玩o既....)
之後我地兩個係咁打野升lv~一齊過版~直到10點半我先走~

咁走la~去左買個包食~買完食完就有車la~響架車度𤍣左陣~
返到去~見到阿蓉姐同我講早晨~之後話啊唔係~應該係晚晨先o岩~
我醒左~原來我遲左成個鐘先返黎喎...上到去阿明同阿聰見到我都有d驚訝....
話意謂我唔返喎....好彩今日都係百幾圍ja~3個人做就唔會太辛苦~
有時有d冇人o既時候~咁大家就傾下計講下笑la~可能阿聰講笑la~
佢話我地走先~阿豪仔一個人搞掂晒~真係有火囉聽到佢咁講~不過我又冇表露出黎~
都係講左句~你咪傻la~有時真係好憎佢囉~發覺自己~成日講埋d令我討厭o既野~

之後3點到收工~去銀行拎完錢之後就返屋企la~
返到屋企都冇𤍣過....直到夜晚該𤍣o既時候先𤍣~

>>April 28, 2004 at 2:55:05 PM GMT+8

2004 年 4 月 23 日 星期五 【陰】

今日又係放假o既時候~一𤍣~𤍣到9點幾~真係人生一大快事~
咁本來上星期miss話今日唔洗返跆拳架~不過~阿水響前幾日話我知都係要返~
但係....又因為搞d野~所以搞到點半先出門口la....

去完買d野飲料之後就返學la~返到學校~見到有好多人~
d女童軍呀~(有中學有小學的~)真係令人睇到都興奮呀XD(制服誘惑CCC~)
咁見到miss梁~佢問左我兩句之後見到禮堂都唔係我地用之後就上去搵佢地la~
咁上下又一層上下又一層~上到去天台都唔見佢地~咁我行返落去6樓再行過去新起果邊落la~
佢地竟然響2樓喎....咁我見到2樓有幾件女童軍響度咁我咪意謂響天台上囉....
原來....響lee度....等我仲好笨咁走左上去兜左個大圈添....
今日依然係沉悶的~都係操d基本野.....而且又有d手軟腳軟o既感覺.....都係算把la....

放左學~我地又係去食野la~因為阿水要去會女友喎...所以今日得5個人~我阿誠家樂蔡蔡同肥董~
5個人就冇可能一齊坐架la~你叫我或者阿誠同家樂坐係冇可能囉~如果要犧牲的話~
咁肥董又同佢唔熟都唔會架la~蔡蔡都係同我同阿誠o岩傾~所以我地4個人一齊坐~就冇理佢la~
睇落有d殘忍添....不過冇所謂la~食完就走la~
去到機舖~又見到周"Jla~見返d(算係~)舊朋友都真係多野傾d o既~(都唔係好耐冇見ja...)
不過通常見到佢地都係傾同一個話題~做緊咩工.....
我就冇變la~不過佢就搵到份冒險樂園~好似18蚊粒鍾~parttime~一個月都有3-4千蚊~
工作時間都唔錯~一定好過我la....搭車都冇左成粒鍾la....不過冇所謂la....我都冇街出.... :-(
之後阿肥昌今朝問我打唔打機~之後我叫佢黎i-game搵我~
咁見返佢~佢真係令我諗返起龍珠o既ja....佢個頭從菠蘿進化到d龍珠頭....真係...XD

咁玩到咁上下阿肥董話去第間打z高達喎....之後就走左去附近~
佢同蔡蔡打左舖之後就散la~各有各返屋企~咁我就沖個涼搞d野就諗住夜d先去~
家因我銀包冇乜錢....局住問阿媽借住一百蚊去....(我都唔想架...不過已經冇辦法la...)
借左之後阿肥昌就吹我去~佢話就快冇晒位lu喎~就幫我霸住個位先~快d去~
咁我去入完八達通之後就行過去la~去到~冼志同肥昌已經打緊~但係...都唔係好多人ja....中計....

>>April 27, 2004 at 1:04:21 PM GMT+8