2004 年 2 月 3 日 星期二 【乍雨乍晴】

嘿~今日返完工就響樓下買左幾個包就返屋企la~
返到屋企~見到有個不知明電話~銀包~仲有件外套添~
咁我咪入房睇下囉~一入去望上我家姐張床~竟然唔係佢.......
我就梗係出返去架la....咁又唔見我家姐喎~我就意謂佢出左去買野lu喎~
過多陣~"boon"一聲~(ja係有人響我家姐張床跳落黎la~)
就有人出黎la~喔喔喔~原來係我家姐~佢話比我知果個係阿i呀~
之後我問佢佢做咩響度~佢就話拍拖喎..........

今晚臨𤍣前就睇純愛塗鴉la~嘿嘿~真係正到頂點la~
睇到我傻笑勁緊張果d....真係超爆值得一睇囉~
咁𤍣la~我家姐都𤍣la~咁我就問佢la~問佢邊個開口架~之後佢話佢自己....
之後就問問問問問~問到咁上下佢就串我~有人14號冇人陪呀~~~~~
冇人陪~?冇所謂la~以前一直都冇架la~所以都冇咩問題架~(咁有就最好la~)

>>February 6, 2004 at 12:49:17 AM GMT+8

2004 年 2 月 2 日 星期一 【乍雨乍晴】

嘿....今朝𤍣到過晒龍~咁咪快手快腳咁換好衫果d囉~
不過都係9點5先出到門口o既....咁我就諗住都死梗架la....
但係...返到去o岩o岩好10點40分~唔...總算冇遲得咁"離普"~

咁今日都係冇咩客呢~但係依然都係咁玪喎....
一陣要返學~2點就收工~都唔知去邊好~咁我就叫阿朱仔去打機la~
咁就一齊去打la~我就打到6點走la~自己一個走去黃大仙搭地鐵~
行過去又凍喎~又幾遠下....真係比佢吹帳...
幾經辛苦先去到搭車~唉~lee個時候搭車真係冇咩癮~
因為....都6點幾la...冇野好睇~~~~

去到果度~下面架升降機排晒長龍~咁我咪等囉~等左一架先上得去呀....
上到去見到猩猩個傻仔響個窗度望出黎~之後入到去佢同我講話見到我響下面等架....
但係見到我條龍兜左入去條梯度所以自己行樓梯上黎先喎~
呵呵~師父今日終於都感覺到我o既存在lu~佢同我講左d出黎工作o既態度la~應該要點做果d~
不過d人個個都望住我....好怕做眾人o既焦點o既ja.....
嘿~我今日都叫做有幫過手架~猩猩又有~阿宏都有~(果個同學呀~)

咁食完飯就走la~猩猩話要去信和買書~咁我地一齊去買完野飲就叫阿宏走先la~
呵呵~一出去7仔就見到架巴士~唔知點解佢次次都要追巴士o既呢~
咁我地就去左信和la~唉....見到勁多書未買...咁我地簡左勁耐喎....
我就買左1-6期o既純愛塗鴉~買完之後就去搭車返屋企la~

>>February 6, 2004 at 12:47:32 AM GMT+8

2004 年 2 月 1 日 星期日 【乍雨乍晴】

我終於都發覺我之前o既諗法係正確的~
工作真係使我回唔到氣....lee排都累到隻咩咁....
而且果日打完通頂都冇咩點𤍣過....個人就更加....

今朝個肚已經唔多舒服架la...搭車果陣...
有個肥婆響度唔知食乜....我聞到陣味刺激到我個肚立即黎料....
肚痛....之後冇野la~又走左班勁嘈o既八婆....本來諗住𤍣陣....
比佢地嘈到爆......

(係咁多....)

>>February 4, 2004 at 2:29:34 PM GMT+8

2004 年 1 月 31 日 星期六 【乍雨乍晴】

今日~係譚德放半個月假o既第一日~
真係有d唔多慣呢~小左個人好似多左好多野做咁....
雖然今日阿聰響度~但係都好似好玪咁....

放工la~我同譚德就約左響平時去開果間麥記等~
咁我去到佢已經到左la~咁我地就響度食埋野la~食完野~
譚德就諗住去圖書館度搵書la~不過佢又搵唔到~之後就行過去旺角la~
之後佢響d書店度搵到佢想搵o既書~而且仲搵到多幾本書好正~想買....(不是漫畫la~)
咁之後佢就陪我去睇鞋la~本來已經睇o岩左幾對架la~(好似話係女裝的~)不過.....
睇o岩果兩3對都係去到42號~我試過42號係o岩o岩好囉~唉....有43咪好囉.....
勁鍾意呀.........

之後就走去返學la~我行行下問譚德放左幾多個假~
佢話我有一次冇返咪2個囉~喔喔喔~我記得係放要兩個先有得返架喎....
之後就打比達達~原來....真係唔洗返喎....
咁之後就去左沙田睇野la~咁睇左好耐就比佢搵到想要o既野~
不過就唔多夠錢囉....咁我就借左5舊水佢~嘿~兩條仔入到去d咁o既地方買野好似好怪咁....
咁買完就返左去大埔食野la~食完咪返屋企囉~

>>February 4, 2004 at 1:21:19 AM GMT+8

2004 年 1 月 30 日 星期五 【乍雨乍晴】

好頂癮....打完通頂之後都冇咩點𤍣加上仲要兩點幾先𤍣......
今朝真係勁難先起到身......上車又中唔著喎.....
返到去~今日真係勁呆....阿明都問我係咪唔夠𤍣....
不過....我諗我個樣好明顯都係唔夠𤍣o既~

(今日都唔記得晒d野....淨係記得好小....同冇睇到棋魂....)

>>February 2, 2004 at 3:59:23 PM GMT+8

2004 年 1 月 29 日 星期四 【乍雨乍晴】

肥昌話打到11點先走~譚仙同甘地就一早去左比錢la~
佢地話冇野玩喎~之後譚仙話返屋企拎本簿仔就返黎搵我地~
咁甘地就同佢一齊去la~佢地都10點尾先返黎~
11點我地就比錢走la~阿甘地話想見下靚靚公仔麵喎~係咁叫我地去金輪食~
咁我行到過就要去買洗contact水同一d眼藥水~
之後佢地等埋我就上去金輪食飯la~呵呵~真係好耐冇黎呢~
上到去大家都講返以前d又舊又搞笑o既野~真係好懷念以前o既日子....
雖然我好似讀左咁多年書都冇咩作為~好似咩都學唔到咁~
但係~我識到咁多人我都覺得好足夠架la.....
(e+仲努力中~)

咁食完飯就傾左陣計~之後就各散東西la~咁我走左落舖頭la~
呵呵~又多幾封利是唷~(其實都唔係因為錢而開心囉~我覺得利是lee樣野係一種祝福~多一封就多一點祝福~可能你覺得我好作撞~但係至少我自己都係咁認為囉~p.s.咁有錢當然都係好開心la~呵呵~)
咁之後就返屋企la~返到屋企~咁我就買左本pc game書~而且上星期果兩本我都仲未睇喎~
咁就梗係睇埋先la~而且我仲未好玪~睇埋都唔係好辛苦ja~
之後我家姐比個腦我用~咁我就用la....用到咁上下我阿媽返左黎~
3點幾就走la~本來諗住沖完涼𤍣架la~不過個腦又有d野搞~
搞到差唔多4點先𤍣~咁就𤍣到5點....(教左鬧鐘起身睇電視~)不過個人仲係呆呆地~
眼鏡都冇拎黎戴~望住個電視都唔願起身~直到睇完lee套唔知咩黎先清醒返~

呵呵~猩猩7點打黎~佢問我點解唔返學~啥~~?今日要返學咩~?!
我都唔知添...miss左一堂....不過~我叫猩猩幫我"take"埋名~我諗冇野o既~
算la~個人仲呆呆地~而且又唔記得左喎~你話我可以點~
唉~今晚又要食飯盒~有d不滿呢~嘿.....我都好耐冇食過我阿媽煮o既飯lu....
佢lee幾排都未下廚煮過....算la~我諗佢都好玪架la~因為舊舖搬新舖~
夜d la~昌昌表弟響icq叫我~佢有d感情上o既問題想我比d意見同幫下佢諗下~
咁家家當然係義不容辭咁去解答佢la~而且仲有幾個人add我同我傾添....
唉...一係冇人叫....一係就一齊黎....係咪"甲"埋架....
各位如果有咩問題都可以同我商討下o既~雖然我就未必幫到手~但係....可能得呢~

因為搞到野搞到2點幾先𤍣.....死人lu.....

>>February 1, 2004 at 4:34:41 PM GMT+8

2004 年 1 月 28 日 星期三 【乍雨乍晴】

朝頭早~田生打比我~果陣都8點3~但係....我琴教左8點鬧鐘架.....
咁佢打比我係叫我今日放假~呵呵~咁我同佢講話我個假響星期5喎~
之後佢話咁你聽日先放la~咁我問佢可唔可以放埋la~
嘿~佢話得喎~正~今日可以休息下lu~

咁下午只係食左個麵就算la~咁就搞搞個腦入面d野la~(太多野la....)
4點幾~肥昌打黎~叫我e+出去打lu喎~佢話佢e+響沙田.....
咁我叫佢夜d先la~不過....都係拖到6點.....
咁我5點9先開始搞~咁就有d野搞所以6點3到先出門口~
仲要落一落舖頭拎錢買藥水果d~咁落完去就去搵肥昌la~
哈哈~肥昌個表弟無lala叫我~之後我同佢講話你表哥響我隔離~
咁我同肥昌打la~打打下甘地~冼志~桌豪~桌豪阿哥~譚仙都黎左~
阿肥昌叫我玩神話世紀la~因為我都唔係咁識玩~
肥昌又響度玩緊其他game喎~咁我咪同電腦玩住先囉~
之後玩到咁上下我地幾個人就一齊打lu~

肥昌真係令人擔心o既ja~佢係應介會考生~
佢仲一星期返得果兩日學....(逃學....)成日出去玩.....
都唔知佢想點....算la~我上年都係咁XP

>>January 31, 2004 at 1:11:15 AM GMT+8

2004 年 1 月 27 日 星期二 【乍雨乍晴】

本來今日真係放假架....不過....譚德7點幾打黎話唔舒服喎....
佢話打左返公司講左叫我返喎....所以我今日都要返工la....
換好衫都就快出門口~阿欣姐先打電話黎話我知要返~好彩我仲未走ja~如果嘈醒我家姐果d又鬧我la~

返到去~阿聰已經響度la~佢好似返8點喎~咁我咪問下佢玪唔玪囉~
佢就話得幾十圍~所以都冇咩野做~
下午~其實今日真係唔多野做囉~好似得八十幾定百幾圍ja~
但係都唔知點解好似好玪咁~不過都做到4點食埋飯先走~
今晚肥昌send左d唔知咩o既野比我~之後傾傾下佢就叫我去打機~
咁我星期5又放假喎~所以就約左佢聽日去打la~

(失憶中~)

>>January 30, 2004 at 1:48:51 PM GMT+8

2004 年 1 月 26 日 星期一 【乍雨乍晴】

本來教左7點半鬧鐘架~不過又唔知點解比人"禁"停左喎~
但係琴晚屋企得我一個人ja ma~唔通我𤍣𤍣下"禁"停左~難道屋企有.....
我諗係前者居多~

雖然會遲~但係都好小理~慢慢黎囉~返到去都係10點10分~
唔知佢會計我10點定10點半呢....唉....今日朱仔請左假....我又唔多舒服....譚德好似話佢都係....
唉~唔舒服加上都幾多人下....真係唔多做得掂呢....而且去到後段譚德一個人出左去送貨喎....
咁我本來都唔知架~我意謂佢早走la~咁到咁上下我咪自己快快咁執好d野囉~
不過....唔多舒服....想快都冇得快....都係做到4點食飯....但係譚德o岩o岩好4點返到黎喎~
響果陣我先知佢去左送野~食完飯仲要搞埋枝地拖先走得....搞到成5點....

走得la~我地去左果邊果個碼頭度搭車喎~
響遠處見到架巴士停左~之後譚德問我追唔追la~我梗係話追架~
不過上到車....架車原來係仲等緊客....洩底左添....
6點幾先返屋企~哈哈~今晚又係打邊爐喎~不過依然唔食得牛....
咁下午果陣恩姐叫我放假喎~佢話如果阿聰返你就唔洗返喎~
不過我都係12點就𤍣la~因為好累...

>>January 28, 2004 at 12:30:41 AM GMT+8

2004 年 1 月 25 日 星期日 【乍雨乍晴】

樂樂~一早打黎我屋企~叫我一齊搭車喎....
我諗佢一定係路過先話睇我日記la~唔係點解佢唔知我響富善搭車呢....

返到去~譚德響度怨我琴日放假....
我就梗係頂返佢la~喂大佬~你放就得~我放就唔應該o既~
不過....放左等於冇放....3百幾圍....做到隻狗咁la....
平日懶懶閒o既朱仔今日唔知做咩咁落力~咁我問佢做咩la~佢返答我話點解咁多人問我lee個問題o既~
嘿~如果真係咁多人問~你真係要檢討下la~做到4點就食飯~食完飯就走la~

咁今日有d事要去睇醫生la(算係叫做)~所以就要落舖頭la~
落到去見到我表哥同我阿媽個阿哥(唔識點打....)響度幫手喎~唔知做咩呢~
佩完藥之後就幫手收舖la~收好舖咪返屋企囉~呵呵~今晚打邊爐~
不過個人有事....唔食得肥牛....唉....打邊爐唔食肥牛....已經失去左佢o既意義la....
所以我決定整係食菜果d算lu~

>>January 27, 2004 at 3:58:17 PM GMT+8