2004 年 4 月 12 日 星期一 【暴雨】

琴日~譚德叫我借純愛塗鴉比佢....所以今朝就執比佢la....
唉....好似落毛毛雨呢....真係麻煩...其實真係唔多想借~家因佢已經成為左我最愛o既書之一~
不過算la~佢叫到就....
出到去~又熱到死喎....好彩返到公司有冷氣ja~不過飲完碗湯之後就開始發熱la....
本來意謂佢冇咩人la~但係....唔夠一陣....d人就係咁黎係咁黎....
一直冇停做到2點到....佢地兩個話想食飯~而且我又冇心留喎~所以2點半就走先la~

落左車之後就返屋企la~順便去買個包食~
行行下竟然比我見到蘇嘉琪喎~咁佢又望住我我又望住佢之後我就走左入ok la~唔知佢記唔記得我呢~?
對上果次同猩猩去打機返屋企果陣佢都話見到架la~
不過我果陣唔知望緊咩~見唔到~
見一見佢又諗返起f1-f3果佢地一班~果陣咩都唔洗諗~咩都唔洗點做~齋玩~真係好開心~
同e+真係差好遠.......

>>April 14, 2004 at 4:20:03 PM GMT+8

2004 年 4 月 11 日 星期日 【晴】

聽聞琴日2百幾圍~做到阿聰同阿明死死下~好彩ja~
不過~今日都唔弱囉....又係2百幾....走到一日....走唔到第二日.....
佢係要你做o既點走都冇得走....
咁可能係因為放左果3日假la~有d唔習慣~真係好唔想留響度~
而且譚德又要食飯喎~咁佢比阿俊叫左出去喎~所以我幫佢搞到7788就3點鐘走la~

返到屋企~呵呵~終於都唔洗keep磅la~之前買o既朱古力都~嘿嘿嘿~
不過RO今日洗完白白~我果3個acc又要重練la~不過....搞笑o既係成個版圖都係初心者~
個個都響度搶怪~如果唔一齊搶....真係冇得升~
前排用左個bt dl左我最鍾意o既動畫....魔法騎士~不過成3gb~好似大左d....
不過lee排都燒左d碟~所以~d位點用都用唔晒la~

>>April 13, 2004 at 4:02:07 PM GMT+8

2004 年 4 月 10 日 星期六 【晴】

期待已久o既一天終於都來臨la~所以鬧鐘未響我都已經醒左~
沖個涼~換好衫~之後打比阿水問下佢大概要帶咩~之後執好d野就出發la~
休休閒閒咁慢慢行過去~行到去~終於都係早左到~但係竟然仲有人早過我~
佢就係問題少年....佢果然係傻....過多冇耐~阿誠都黎到la~
我地3個就要等埋阿水....死人頭....次次都遲....等佢黎到就出發la~

我地搭完火車轉地鐵去石硤尾~去到之後就唔識路la....
咁阿水就打比miss問佢路la~之後阿水叫左我聽~miss就話響咩見到條天橋前面o既紅綠燈度等~
不過等左陣~我點都估唔到~lee頭真係咁多天橋....原來我地反方向黎行~
之後搵到阿miss之後我地就去左百佳買野~買完之後我地就行上去la~
上到去之後就要等~咁我地就去下個試磅果邊磅下先la~不過真係勁多人....條龍超長....
排左勁耐先到我地~好彩ja~磅到冇事~之後又等左勁耐先過磅~
我打c50....人地a場一開始已經快10場....之後c就越來越慢....之後仲慢左差唔多20場添~
阿家樂真係勁好運....佢第一場果條傻仔就流鼻血.....之後阿問題少年就輸左....(都輸得好難睇下...)
之後等到頸都長埋~終於都到我la~咁我出去等la~不過miss要帶阿誠~
所以miss就叫左上年帶我果個miss帶我la~(唔知叫咩名....)佢地果邊d人都好似派左幾個出去~
都輸左唔小....等到49場就快完la~miss就叫我起身鬆下d手手腳腳~之後我一轉個頭來~
就見到一個勁高o既高佬....唉....我都心知不妙.....我同miss講....wa~咁高o既....

之後我就行過去藍色果邊la~出到去~面對面....等佢開始話打得就打la~
都唔知點好~肥又肥過人~高又唔夠佢高.....真係好難打....開頭都幾好o既算....
上個回合一人拎左一次分....不過...我比佢上頭...佢2我1....
咁有30秒休息架ma~miss就叫我~你出完一下Turning Kick之後再上佢頭....
o下~我心諗~上佢頭....你唔係玩我呀....之後有個蕉人(果d工作人員)行過~
我聽到佢講~嘩~高成個頭點打呀.....咪就係囉...我一早都係咁諗架la~佢高我個幾頭....打手指呀....
之後第2回合開始la~結果又係大家都係拎兩次分....不過又係同上半場一樣....
我比佢d CUTDOWN.....唉....輸左添....3比6~不過我今次黎o既心態係唔好輸得咁樣衰就得架la~
咁都唔係好樣衰ja....佢地話果個高佬有186到....人家都只係得167....如果咁樣輸...係咪應該呢~?

打完出黎~原來阿誠都輸左~哈哈....真係....
我地就走左去換衫la~換完上黎~阿水都差唔多打la~
我地眼白白睇住佢輸....佢真係輸得好樣衰囉~我就6比3~阿水就6比2~
嘿....我就話冇得講ja~我的天賦o既條件不及別人好就冇野好講ja~阿水果個同佢差唔多高~
雖然我地打17歲上以~(我地都係剛剛17歲ja...所以我都預左輸架la~但係都唔係差咁遠呀....)
但係如果佢個對手我打的話....我相信我有機會win囉...(不過都已經冇可能la....)
睇完阿水又到家樂la~家樂同問題少年真係好運到爆o既ja~上次學界問題少年對傻仔~
今次家樂對個燥熱鬼同一個犯規王....6個犯規....唔該~返屋企丫.....
所以我地就要繼續等la~今次真係最後一場la~家樂打埋lee場win埋就有個季軍~
不過....人地真係勁過佢囉~一面倒o既攻勢~家樂只好無奈的吃招la~

完la~我地輸晒之後就走la~之後佢地話去打機~所以我地就出左尖咀打la~
出到去個天都黑晒la~之後就去機舖la~我同阿誠都好累~所以都唔打機la~睇人打~
睇左好耐~見到太鼓冇人玩~咁又想玩喎~我地一人唱左10蚊就玩la~玩左次之後就過去搵阿水~
佢地玩埋舖高達之後我地就去食野la~我地去左麥記食~
阿水真係好麻煩~阿誠見到佢仲咁衝勁佢都有d唔高興架la~
但係佢響我食野果陣搞我~我lee d做慣衰人o既發開皮氣~我唔介意出口囉~
我鬧完大家都冇聲出~不過過左陣我地又開始傾第二d野la~之後傾d咁上下就走la~
我同阿誠就返屋企先~而佢地3個就話繼續打~
所以佢地送完我地去車站就走la~呵呵~幾驚同阿誠響車冇野傾呀~不過~我地都有唔小野傾ja~


我曾經自負咁講過~e+lee個高度夠la~如果我咁o既身型同高度打win人~唔係好有滿足感咩~?
當我每次諗返起~都覺得自己好傻....傻得要死.......


(今日太多事發生~所以有d唔記得~而且仲有d亂~)

>>April 12, 2004 at 5:44:33 PM GMT+8

2004 年 4 月 9 日 星期五 【晴】

星期6~唔洗返跆拳~不過又7點幾起左身~但係又𤍣返~
本來意謂今日都係可以過得好休閒la~不過....下午又比人叫左落去搬貨....
所以....又要去幫手la....
今晚真係冇啖好食....我家姐煮....可能係心理上o既問題la....感覺到係佢整的話就....所以...都唔係食左好多...

RO tast server星期一要洗白白la~所以無聊就去衝武器la.....
但係....又比我衝到d勁武喎....真係唔捨得....之後無聊走左去pvp.....
打到成點幾兩點先去𤍣.........

>>April 12, 2004 at 12:48:51 AM GMT+8

2004 年 4 月 8 日 星期四 【晴】

今日真係休閒的一天~9點幾10點起身~打機睇電視直落~
不過正因為咁....坐響個腦面前成日~得閒就去拎之前買落o既朱古力黎食....
所以....好似重返....lee兩個星期o既努力好似比今日一日抵消左la.....
但係因為阿媽唔知我今日唔洗返學....佢話我冇講喎....其實係你地冇聽ja......(差d搞到冇飯食...)
咁我正在戒口中~(我有病唷~)所以就特別分開左d比我食~
不過份量就比例大....所以...唉..............................
但係今晚都係得我一個人~真係好自由下~~~~~~~~

>>April 10, 2004 at 5:33:07 PM GMT+8

2004 年 4 月 7 日 星期三 【晴】

今日~晨咁早就去左吉野家填form~填完之後就返工la~
出到去~竟然得10點咋喎....之後咪四維行下囉~因為譚德同我講過~
太早返去都你洩比佢~不如行下好過~所以我就行la~買左兩本pc game書~
諗諗下~我都有幾本pc game書買左返黎都未睇....都唔知買黎做咩....
兜左個大圈都已經冇得再行la~所以就返去la~返到屋都係踏4 ja~
咁我見到張更表~睇到阿明放假埋星期6日~?!心諗...死la....我仲點去打比賽呀....
呵呵~行過去打卡la~見到tvb d人響度拍緊野喎~咩日日有食神~
嘿嘿~廚房果d師父真係執得好正囉~今日~平日真係見到佢地都唔開胃呀~不過今日就過型囉....
(5月1日星期6做喎~)

食完飯~入返去做野~不過又冇人黎~幾正呀~咁冇野做行下行下咁~
同阿譚德講阿明好似星期6日都唔返~之後佢就過去睇la~之後我睇真d~原來田生比我放lee個星期5,6,日喎~
好感動呢~佢竟然比我喎~我o岩o岩仲走去見工....我覺得自己好衰呀....
阿媽無lala打黎叫我放工返去拎藥喎~所以放工就落一落舖頭la~
咁阿聰11-12點返左黎~佢話早放~所以早d返黎幫手~不過佢點半就要走la....
真係唔算多人囉~都只係百幾圍ja~譚德叫我陪佢出旺角喎~但係....
個頭又係好似lee兩日咁...痛到爆炸....但係我連放3日....所以...陪下佢當做補償la....

咁行到去...我真係連眼都開始合埋la.....個人仲暈下暈下咁.....
陪佢行左勁多間....家因佢睇到果間已經執左笠.....所以勁行....之後去左信和~
我買左兩本書之後佢就又行....之後佢都搵到唔再平d la~所以就放棄....
咁佢去買果陣我就冇入到去~我企響個門口度....暈下暈下咁....佢見到我咁....而且個人仲要去拎鞋比佢....
所以就叫我走先la~好似唔係好好意思囉.....咁樣....
之後落到舖頭搞左勁耐先走得......

返到屋企~猩猩打比我問我係咪去跑步~我就話去la~
之後差唔多8點我就諗住打比肥董la~竟然打唔到出去~!?之後用屋企個電話試下打比自己la...
竟然真係唔得喎....等我重開佢先得....之後打完比肥董之後佢話去喎.....
過多冇耐阿邦打比我話我知比件袍比猩猩帶比我~佢話兩點幾打比我話唔通喎.....(ja係大約11點收唔到...到8點半...)
咁佢話猩猩都見過~仲話吉野家請左佢la....小喇叭丫.....唔係個電話無lala short左....
唉....好灰添....
咁到咁上下我就行去la~去到la~猩猩都係o岩o岩到~我d時間就o岩o岩好~
放好d野之後就出去行la~過多冇耐阿邦黎左~佢叫我打比肥董喎~
之後咪打比佢囉~問左佢勁耐佢先答唔黎喎....正pk....你唔黎咪唔黎囉~
黎就一聲~唔黎咪兩聲囉~e~e~哦~哦~咁~阻住晒.....
之後猩猩同阿邦就坐低左~我就自己跑la~我o岩o岩跑完猩猩先出去跑....勁傻....
佢都係跑得果個幾兩個字就停la....跑黎做乜~

今晚屋企冇人~勁自由呢~
不過...有野又令我覺得....自己都唔係咁同佢咁咩ja.....原來佢對個個都係咁....係一種手段囉可以話係....
所以....我好討厭lee種人......

>>April 9, 2004 at 3:46:35 PM GMT+8

2004 年 4 月 6 日 星期二 【暴雨】

其實~今日先係阿朱o既最後一日~不過篇左佢今日放假....嘿...早有預謀....
好忙好忙好忙~又上到2百幾la....
有空閒o既時候~就知到阿聰聽日要返學~而且根叔仲請假添....所以應該都係得我同譚德....
所以譚德就去搵d高級傾la~不過...阿明又話唔舒服....打比阿朱~
好似話得~但係...都冇咩人對佢有所期待架la....

家因我個頭已經有痛到爆o既感覺....而且佢地都想收早d~
所以我地就整得有咁快得咁快la~不過都要搞到3點先走得...因為有班粉餅等我地搞搞下黎....
上到車~同譚德傾左陣~搭到中段就𤍣左la....
返到去la~去左買飽食~因為今晚冇飯食~咁返到屋企過多冇耐猩猩就打黎問我野~
順便就問我跑唔跑步~咁我就梗係要去la~之後我就博比阿邦諗住叫佢帶袍比我~
不過....佢又唔去喎~之後又打比雞蛋問佢la~佢話去架~
過多陣見到肥董online~咁我就問佢la~不過佢話o岩o岩打完波所以唔去喎...佢話聽日....

8點到~阿邦打比我問我幾時得閒比袍我~之後就順便傾下佢o岩o岩搵到份吉野家la~
佢叫我去見下~而且我自己都想走架la~真係太遠la....土瓜灣.....所以我聽日朝早就去見la~
我臨出門口果陣~猩猩又打比我~話我知佢要洗頭所以遲d先到....
咁我都已經遲左出門口架la~佢都竟然未到....等左成3-4個字佢先到....真係...洗唔洗洗個頭洗咁耐呀...
行左幾個圈之後就跑la~佢就繼續行~咁我真係好傻囉~跟住個跑得勁快o既人....
搞到d氣冇晒....等猩猩開始跑我都差唔多冇力la....跑到咁上下~
我地就好似平日咁搵個位坐下傾計la~傾到10點半佢關門先走~
返到屋企~我家姐玩緊個腦....所以就拎埋本戀愛平行線第4期出黎睇~
嘿...真係勁正la又~lee個作者真係好得~勁鍾意佢~雖然佢好鍾意作同居~而且d畫就差左d囉....
但係個故事真係好得~真係唔睇係一大損失~
搞搞下又搞到兩點幾𤍣....真係死人la....

>>April 8, 2004 at 5:52:47 PM GMT+8

2004 年 4 月 5 日 星期一 【晴】

今日~係阿朱o既最後一日...佢唔做lu喎...
不過...今日都係做到死死下.....又上左去2百幾.....
但係今日又比人叫洗盤.....唉...最討厭架la....
本來想早d收工不過都要食埋飯先走la~

搭車果陣~譚德話阿don首心軟好好聽~咁我就聽過都係覺得一般ja~
但係首目黑(合歌版)就真係....正爆la~勁好聽~
返到屋企~諗住打比猩猩叫佢去跑步la~但係佢又唔響屋企....
再夜d打~佢仲係未返....唉.....人家o既keep磅計劃....比佢搞到要改la...

>>April 7, 2004 at 6:06:48 PM GMT+8

2004 年 4 月 4 日 星期日 【晴】

今日真係好辛苦下....3百幾圍呀....做到我地死死下~
阿俊今日又放假喎...小左個人幫手就真係...辛苦多好多....雖然阿聰lee個復活節都返....
但係....朱仔好似就快唔做la....
(係咁多....)

>>April 6, 2004 at 5:52:38 PM GMT+8

2004 年 4 月 3 日 星期六 【陰】

去到~肥昌冼志卓豪同肥昌個fd已經打緊la~
佢地玩就玩緊AOM~(神話世紀~)咁我入左位之後冼志就過黎陪我坐~
咁我冇野玩~之後見到阿卓豪玩cs之後我又玩la~
玩左陣之後都冇得玩la~阿肥昌同卓豪叫我玩AOM~3個打4個電腦~
打左個幾鐘之後又冇野玩la~阿卓豪就走先~之後阿冼志就叫我一齊玩Diablo2~
咁本來都唔玩架la~家因我好小去網吧~咁佢e+係十日唔入之後就廢左個人la....之前d人冇晒....
之後就勁打la~真係難升左好多呢....打到暈晒咁樣...
阿肥昌同佢個fd兩個要返工所以都8點9就走la~咁我就未走所以阿冼志就陪多我一陣~
咁9點至到9點半o既時候~我都唔知自己做緊咩....我開個人物勁衝埋d怪度....(法師...)
死左勁多次....不過都冇咩感覺....家因精神已經到左極限la.....

到左9點半~我我地就走~我就去返工la~冼志今晚先返~所以就返屋企la~
搭車果陣~都係𤍣左半程ja~等我仲教左個鬧鐘添~其實我本來諗住𤍣到總站架....不過咁樣就....
返到公司la~好彩今日都幾多人下ja~都只係譚德同根叔放假~
不過d客都唔小....今日都2百幾.....我做野果陣個人都暈下暈下咁....
阿俊見到我咁都問我係咪唔舒服.....其實真係有d囉....唔夠𤍣都變成唔舒服.....
咁阿聰話要兩點半走....而我都想....但係阿朱唔肯一個留喎...阿明又要搞廁所....
所以我都話快d搞完就走la~之後搞la~結果都係2點半走唔到...踏8搞掂~
咁我就搵其他野搞....阿朱仔就勁賤...自己走左廁所坐...煲煙.....
等到3點佢兩個先出黎....其實真係好討厭朱仔咁囉....成日都係咁偷懶...野又未算係搞晒....就咁就走左去....
咁換完衫就走la~正~一出到去就有車~同阿明仔一架車~佢話好累喎....其實比我就行la~
8個4喎~都係3-4條街ja ma~不過算la....如果係以前係o既都可能會o既~但係e+o既我就覺得好奢侈la....
咁我地兩個響度傾公司d野~大家都發現到公司好多賤野....d同事都好賤下....

阿明仔走左之後我就𤍣la~又係去到中段我就醒左la~
4點返到屋企開燼~開腦打左個日記搞埋其他野都成5點la~
5點幾先入去沖涼~沖完就入房睇本戀愛平行線囉~睇到咁上下就𤍣左la.....

>>April 5, 2004 at 5:58:26 PM GMT+8