2004 年 2 月 13 日 星期五 【微冷】

黑色星期五後的情人節....

p.s.唔關家家事.....祝其他人情人節快樂la....

2004 年 2 月 12 日 星期四 【乍雨乍晴】

呵呵~黑色星期五唷~
不過都唔知點解13號o既星期五係叫做黑色星期五喎...
但係都好似冇咩問題咁~如常返工~
咁返到去仲有得早d~咁咪食飯囉~之後過左兩個幾字朱仔都仲未返~
等我仲意謂佢今日放假或者唔返添~但係佢過多陣就返到黎la~

咁食完飯就上左3樓拖地la~其實琴日先執完~我都已經掃左個地架la~
但係真係太多塵~所以今日就要拖拖佢la~咁搞左陣好似有客黎la~
阿俊就走左落去叫我地兩個搞埋佢先~之後勁多人黎左.....所以唔洗搞住la~
唉.....清閒左咁多日~今日一炮過做返比佢喎.....做到點幾都仲未停過~到咁上下d人先停....
冇客la~就開始清果度la~阿俊叫我陪佢執水池d銀仔~之後得返阿朱仔自己清la~
嘿~其實我覺得阿俊都冇咩野丫~點解阿朱同譚德對佢好多不滿o既呢~?

執到差唔多3點鐘~我就搞埋果小小野~阿朱仔又唔見左喎~
搞掂左之後阿俊叫我換左個地拖頭~我響後樓梯搞左好耐都搞得掂~
之後朱仔叫我一野打佢落黎~咁就搞掂左la....不過正因為我搞咁耐~今日先可以放3點半咋~
唉....今日又要返學~又要自己一個人走去麥記la~咁食完野就睇書la~因為o岩o岩買左兩本pc game書~
睇左都幾耐下~因為我真係慢慢慢慢咁睇~睇到咁上下就拎左本味道黎睇~
睇到自己覺得就快夠鐘la~就出發~不過都係慢慢行~

行到學校都差唔多la~嘿嘿~我d時間真係教得好呀~
咁去到都例行𤍣一陣先la~但係𤍣唔著喎~之後搞到朦朦朧朧咁樣見到猩猩之後就𤍣左lu~
𤍣到咁上下就上堂la~之後就放學la~

>>February 15, 2004 at 2:27:19 PM GMT+8

2004 年 2 月 11 日 星期三 【乍雨乍晴】

忘掉星期四

>>February 15, 2004 at 1:59:43 PM GMT+8

2004 年 2 月 10 日 星期二 【乍雨乍晴】

唉~~~~今朝因為換衫果d搞到遲左出門口~
咁我行到去大中果邊見到個巴士站冇人喎~咁我咪意謂走左架車就走左去7仔買野食囉~
咁o岩一出返黎就見到架75x響我眼前走左去la....
我當時o既心情就複雜到咩咁....覺得自己好似好笨咁....
之後返到去公司已經10點45分la.......唉.....都唔知佢會計我11點定10點半.....
呵呵~今日都係好清閒呢~真係正爆~

就快放工果陣~朱仔話想去食野~之後話去麥記食la~
但係阿欣姐話田生叫佢去送野喎~所以我就要自己一個人去食先la~
咁我一個人去到買野食la~買左個大雞餐(猩猩話lee個叫大雞餐~自己諗下係咩la~)
呵呵~今日星期3~有野送~咁我又要多個孖芝lu喎~咁個大雞包要等~佢話一陣比我~
咁我就落去先la~等左陣個服務大使就拎比我la~嘿~開頭譚德話佢靚我都唔多覺~
不過唔知點解今日覺得佢真係幾靚下~o岩o岩行落黎果陣又唔記得拎飲管喎~
之後我就叫佢幫我拎囉~哈哈~有d唔好意思添~

等左都幾耐下~阿朱仔先黎到~佢食完野我地就走lu~
lee排我地返工都係講緊online game果d野(唔講真係冇咩好講架喎~)
講講下真係有d衝動去買個ro月費~之後用左85蚊買左張~
返到屋企梗係入架la~不過....我自己個acc唔知點解入唔到喎.....
之後無可耐何只好入on牛牛個acc囉....之後我仲send左個e-mail比佢地果d人~
唉....都唔知搞咩....玩得咁辛苦難道會冇左個acc~?!
如果係咁....我真係..........(唔會跳樓o既.....)你唔好比我知邊個~!!!!!!!

>>February 14, 2004 at 4:22:12 AM GMT+8

2004 年 2 月 9 日 星期一 【乍雨乍晴】

好辛苦先捱到3點半放工~
不過.....今日要返學....3點半根本就唔夠我"鑂"時間....
咁放左工又唔知去邊好~所以就自己一個人走左去麥記食野la~
我就買左個餐食la~用超龜速食~但係食完都唔知點好~
咁就拎左猩猩本筆記出黎抄囉~
抄到咁上下鐘數就慢慢咁行過去返學la~

返到去~已經有幾個人到左~好似得6點2~
咁我去完個廁所之後就落返黎la~呵呵~咁o岩行落人地又放學喎~真係....cc~
之後入返去之後就𤍣左la~𤍣到咁上下咪上堂囉~

>>February 14, 2004 at 3:55:09 AM GMT+8

2004 年 2 月 8 日 星期日 【乍雨乍晴】

今日真係好玪好玪~
因為響架車度𤍣左3次~醒左又𤍣~醒左又𤍣3次咁多~
就快去到都仲係好想𤍣....差d死....好險~好險~
之後返到公司先知道今日朱仔放假喎~所以得我一個人咋.....做死人咩.....
好彩今日都係唔多人~不過一個人響度搞就真係好似有d笨....同悶死...
咁搞到3點就放工la.....

平淡的一天~

>>February 11, 2004 at 3:47:34 PM GMT+8

2004 年 2 月 7 日 星期六 【乍雨乍晴】

今朝8點4先醒~出去開完個熱水爐又走返入房暖暖先~諗住等佢d水滾先la~
不過等等下𤍣左喎....可能太舒服la~而且有d玪~之後9點1先醒喎~
咁咪勁快咁搞掂囉~我醒la~今次~走過去大中搭車~我諗如果去富善的話有可能走車~
但係行去大中都係差唔多喎~咁就梗走過去la~
響架車度𤍣左陣~咁就就快到la~我落到樓下~就快落得車la~
無lala好似聽到有人叫我咁~但係我又見唔到有邊個識得喎~之後有人拍我~
喔~原來係阿明~我都唔知自己係見唔到佢定係點....

呵呵~食飯果陣佢地又響度傾計la~咁我都好小會出聲~淨係聽佢地講la~
真係聽到唔小搞笑野同埋學到d野咁la~咁佢地講lee個男仔細細個未變聲果陣似女仔架ma~
之後明仔同我講話前幾日買麵包去比錢比人叫miss喎~嘿~笑到我丫~
食完就做野la~又冇咩客喎~阿俊就利入黎~有時就傾兩句~
傾傾下佢又問我有冇女朋友果d~拍過拖未咁樣~之後傾傾下就講左d咸o既網吧~
聽佢地講~原來果度d女仔係未成年架喎...佢地話響果夠18歲就唔做網吧la~去舞廳la~
之後又傾通菜街d女好過咩咩街....呵呵~搞到人家都有d想去添~不過...第一次梗係唔比佢la~

放工la~今日放3點半~之後就去平日去開果間麥記等譚德la~
我去到冇耐佢就到la~呵呵~原來佢琴日已經出左院lu喎~嘿嘿~而且佢仲有d開心野添喎~
我食完野之後就行過去新浦崗la~去到就入左去果個越咩商場度行~
咩都冇...得d空舖...都唔知有咩睇....之後譚德話去食野la~下面間麥記又爆晒喎~
之後佢話知lee度"付"近又有一間喎~咁就行囉~見到架"手禁"錢機喎~本來佢話還返500蚊比我架~
但係佢話響阿媽今日入左兩次個密碼都錯左所以驚食卡....所以遲d先還....之後我又試下自己張卡la~
呵~得左~冇問題~之後就繼續行la~行到咁上下佢就真係搵到喎~
不過都係o岩o岩果間....只係望過去o既角度唔同所以意謂係第二間....
咁入到去坐低佢就去買野之後就食野~食完咪傾計囉~傾傾下見到隔離果度有3個女仔一個男仔喎~
之後有個女仔玩茄汁就射到個男仔個面~之後個男仔就怒啤la~之後個女仔就抹左佢~但係個男仔仲好嬲咁喎~
之後個女仔就響度話~"瀨"返囉~之後真係走去"瀨"喎....見到佢條"利"扯到行一行.....
有d噁心呢.....但係又真係有d羨慕佢....唉....算吧la.....

坐到咁上下就上去果度la~譚德話唔想留響上面~咁o岩o岩經過果陣見到許留山有個好得意o既野~
之後譚德就叫我食la~咁我就食左兩個la~(佢有3個~)之後我話比個佢~佢就話減肥喎....
唉....佢都要減肥...個個都減肥....家家都要開始u係時候....
我開頭落去都話唔食去架la....咁食左一個就好難停架la ma....之後又叫多個布丁食....
唉...咁就30幾蚊....不過...真係好正....之後就上去上堂la~
真係有d頂唔順呢~勁眼𤍣....聽聽下都差d𤍣左.....ja係死頂~頂到極限o既時候就有d類似夢o既野走出黎....
好彩我頂得順~繼續努力咁頂落去~

>>February 10, 2004 at 6:19:13 PM GMT+8

2004 年 2 月 6 日 星期五 【乍雨乍晴】

真係比我家姐吹帳.....8點半就打電話返黎....
人家今日仲放假添架~你一早打返黎搞到我冇得𤍣....
之後我就打機la~打到咁上下~做棋魂都唔多望過去睇~
因為RO練緊隻新弓手~自己帶自己~唔洗一粒鐘就轉職lu~
不過就係因為咁~玩到過晒龍~出門口都成點鐘lu~呵呵~又遲到添~

唉~落雨真係好麻煩~好鬼死討厭落雨o既ja~
咁一返到去~佢地都唔知做咩~又話我去溝女黎又問我去邊咁樣....
難道....我真係著得咁隆重咩~?我出街又係咁~返工都係咁架la....成班都傻仔黎ga~
咁返到去miss同周兄都未返~咁阿水就帶緊喎~咁我當然係可以懶懶閒la~
不過聽日蔡蔡要去打學界~所以我就幫阿蔡蔡練下囉~
之後練練下周兄就返黎la~又返d機會野...拳套呀~d腳咁樣~悶死.....
上到咁上下~見到大廖~佢話比我地lee d舊生知(都有幾個la~)學校家下比人對付中~
叫我地下個星期日去幫手遊行喎~um....其實我都想去o既~不過....返工丫ma~而且要去睇阿水比賽呢~

就快放學la~打free fight la~同家樂仔打~嘿...果真力不從心呢....lee種感覺真不好受....
不過都只係係咁避係咁避~有時真係唔係自己唔想比腳囉~但係可能係開始錫身la....
唔多想出....之後阿邦就撩周兄2打一喎~嘿嘿~到我地打la~我出到去都冇幫手~
都係阿邦自己打ja~其實我都係行出去睇~打完之後就我地兩個打la~
一開波~我又起腳~阿邦又起~一撞~阿邦就咁比我ko左....嗚...好似冇打過咁....
過左陣~因為o岩o岩佢打果陣時玩~比周兄罰做拳上壓廿下....
做完之後就放得la~我地又一班人走左去美心食la~行過去果陣~
見到有兩個女仔~咁阿水就話右邊果個靚d~但係我好似望到一眼係左邊果個女d喎~
之後阿水個fd(女仔來的~)都話係左邊果個~咁我地3個就扮晒野行上前面睇la~
嘿嘿嘿~果真係我話果個靚d la~皮膚白白的~樣子甜美的~阿水死都唔肯話係....
仲話~佢比一般女仔白ja ma....嘿~咁樣已經具備左成為一個靚女o既必要之一la~

去到大家樂la~咁大家都買晒野食la~食到咁上下~阿周兄同阿水個fd原來留低左隻錶響學校~
之後佢兩個就自己行返去拎la~我地食完之後等左陣佢地先返到黎~
等佢食完野就走la~送完唯唯返屋企佢地就討論行過去好定搭車去好~
我就死都要行路la~因為我要落一落舖頭丫ma~之後蔡蔡都話行路~結果佢地都係行o既~
個個都冇雨傘~得我一個有~個個走晒埋黎~本來我蔡蔡阿誠3個一齊行得好地地架ma~
之後佢地班傻仔又走埋黎喎...搞到行得勁怪....
行行下唔見左家樂同問題少年喎....之後佢地叫我落舖頭先~之後響街頭等la~
其實我今次落黎係比返錢我阿媽o既~咁自己比人罰當然係要自己比架la~
不過....佢話唔洗喎....本來佢話買對鞋比我不過e+就自己比錢囉....

咁借左把野比佢地...我就要格硬衝過去囉~去到街頭o岩o岩好佢地就到la~
之後咪行過去囉~去到la~又見到生豪....成日響度浦...之後咪打機囉~打到8點先走~
呵呵~今晚阿媽煮飯~不過佢成9點幾先返到屋企...真係等到人死呀....
之後夜d先有得玩腦....因為有d野搞搞到2點幾先𤍣........

唉.....學界喎....佢地打學界喎....我仲記得上年.....真係唔知開心好定點好.......

2004 年 2 月 5 日 星期四 【乍雨乍晴】

呵呵~呵呵~呵呵呵~6號呀今日~出糧la~~~
本來佢地話係7號先出o既~不過唔知點解今日出喎~
放左工就同阿朱仔一齊去打簿lu~不過睇落份人工都幾奀下...
算la~我都知o既....parttime就係咁架la....不過...lee個月返o既時間日日都咁短....咁咪勁小囉....

之後就同阿朱仔去食野la~咁佢個fd又叫佢去打機~
而我今日又要返學喎~所以走到去新浦崗食完野之後就去網吧打機la~
打到6點走la~之後又走過去黃大仙搭車la~唉.....有樣勁瘀而且勁慘o既事發生左....算la....我唔想題....
之後返到去學校遲到...上到去諗住話比猩猩知諗住佢會笑我la~
不過佢又冇喎....佢好認真咁問我點....唉...唔知點解有d失望添....
今日又係勁傾....冇上堂添....

咁放學la~我地又走左去信和買書~猩猩話冇錢喎~
我lee d去得就自然會買書架la~唉~又買左百幾蚊書....買完就返屋企la~返到屋企~
過多陣我阿媽果d就出舖頭𤍣la~我響lee個時候就拎左o岩o岩果件瘀野所罰o既支票出黎比佢....
我都唔知唔同佢講好丫定係講好~咁我就講左la都係~
之後比人鬧到7個1皮.....比人鬧成咁我都頂唔順同佢嘈....唉....果個集團正仆街黎架.......

>>February 7, 2004 at 5:48:02 PM GMT+8

2004 年 2 月 4 日 星期三 【乍雨乍晴】

今朝~因為一d事搞到遲左出門口~
咁就9點5先出門口la~去到富善~已經見到架75x兜左出黎la.....
我心諗如果趕唔到就遲大到架lu喎....之後我就作出左一個好笨o既決定...
追巴士....我o既目標並唔係下一兩個站~因為我知道一定追唔到~
所以我就要去上高速公路之前果個廣福巴士站~
當我極速移動已經去到廣福之前o既單車徑之際~已經見到架巴士去到廣福果個站....
我開始有d放棄....不過腳依然不斷加速~而且內心卻不斷咀咒個天落雨....(搞我咩都得~係我個頭唔得~!!)
就快到la~竟然比我見到架車停左響個巴士站度喎~我就立即跑過去la~
嘿嘿~終於都比我追到lu~總算我冇白追~

返到去~都係34分ja~好彩~
咁食完飯就開始做野la~不過...都冇客又何來做呢~
等左成半個鐘先有人黎~雖然今日都有4-50圍~但係d人都唔係黎得好密~
所以都唔算好玪囉~但係都好似平日咁囉......
咁3點就收工la~之後都係返屋企la~唉~佢又再次比我見到75x o既身影走過~
所以...我又要追la...開頭都係用徑步走過去~當我行到咁上下比我見到佢比前面架巴士~
後面一架巴士夾住左~我咪跑過去囉~天意就係咁鍾意弄人架la....
佢果個巴士站竟然冇人上車喎....當我跑到去o既時候佢岩o岩好走左....
咁我就只好食住風等車la......

>>February 6, 2004 at 5:10:39 PM GMT+8