2004 年 7 月 7 日 星期三 【晴】

琴日返到屋企~譚德icq我問我聽日返唔返去學校~
佢話好耐都冇返過~想返去睇下喎~不過...佢竟然叫我搵人返...我最討厭就係做d咁o既野~
所以就求其問下阿紅敷衍下算la~阿紅要返學~所以就唔去~之後譚德話如果聽日返的話就打比我~
咁我家姐返黎la~又係同果個男仔一齊返....我醒水la今次~立即就熄左自己個icq就入房la~
雖然...個人散晒...但係又𤍣唔著...我家姐走入黎話佢今日唔響度𤍣~一陣就走架la~
之後我話佢知我知果個男仔𤍣我張床la~佢o既藉口就係話我張床佢𤍣唔著呀~有野咬...都唔知佢咩意思...
過多個幾鐘...原來果個男仔都係響度𤍣...不過話佢𤍣廳喎~而佢自己就𤍣阿媽房~
好la~兩點幾我仲係𤍣唔到~走左去廁所~見到個電視就冇熄~而個男仔就唔見左....
我諗大概都知咩事囉.....不過...咁樣真係好咩....3點幾先𤍣得著....

一朝早8點幾~譚德就打黎la...𤍣得果一陣就比人嘈醒左....
佢話約左雅琳桌豪ja...橫掂我冇野做咁咪返囉~換完衫就出門口la~8點10到....
行到舖頭果頭~見到時間尚早~所以就落一落去拎錢la~見到天氣咁熱就諗住行去7仔買野飲囉~
喔~行到出馬路竟然撞到譚德同桌豪喎~佢地好似約埋阿雅琳~
去左7仔買野飲la~佢就o岩o岩到la~我地一行4人就行返學校la~但係佢真係變左好多囉~討厭度上升~
返到學校~呵呵~阿肥鄭鄭企左響度呢~不過入到去其實我都見唔到邊個熟人....
感覺到返黎真係有d無為....聽聽下歌唱比賽佢地話想出去行下喎~咁就行左出去la~
好無聊咁行左上2樓又落返去禮堂繼續坐la~

佢地話返黎係睇阿馬記比賽喎~呵~上年佢win左~不過...佢唱果陣台下o既人就大叫叫佢還錢....
d咁o既事發生都可以win o既....而且今次見佢上台真係唔認得佢囉...可能係服裝問題~爆型~
真係聽完就走~好無聊呢~走la~之後就去左新鋒食飯~d焗飯真係好抵食~我食完個面已經好飽la....
咁阿桌豪話去大中喎~我咪陪下佢囉~兜左個圈~都唔知行黎做咩....不過都唔錯~見到阿周~
喔~都真係好耐冇見過佢lu~佢好似矮左咁o既...但係感覺上佢好似靚左啵~皮膚又白左~
傾左兩句佢就要走la~不過個天落緊雨...佢兩個又行返轉頭la~兜左陣見到冇落雨就返屋企la~

返到屋企雞蛋icq問我今日去唔去佢度~不過o岩o岩出完街就真係唔多想出街囉~
所以今日就響屋企打機玩天外la~呵~無聊冇野做入天外練下功la~無lala有個人問我team唔team喎~
我當然冇所謂架~不過其實係我唔著數囉~我每一下都要比錢出o既~
打左都有幾個字到~打打下無lala cut左....唉...隻game真係好弱...成日cut我...
真係有時想睇動掛下機都唔得...睇完一話出返去睇就實cut架la...
我cut左之後就立即狂登la~係唔比我入第8架喎唔知點解....就真係想入去問下佢有冇死都冇機會添...
見到咁樣...好灰...唔玩la~見到個電視又冇野睇咁就開左lee個gunslinger girl la~
睇左兩話阿媽就打返黎話比我知又冇飯食...唉...都係食鑵頭la...有電視睇~所以就睇電視la~

睇晒d電視~咁就繼續睇gunslinger girl~嗚....真係勁正....
可惜丫~見到11點9到~又係時候入房𤍣lu~好~明天繼續努力~今日都算係幾好~差唔多兩點就𤍣得著la~

>>July 9, 2004 at 11:00:51 AM GMT+8

2004 年 7 月 6 日 星期二 【雨】

本來今日比返d碟雞蛋架la~但係佢今日又唔得閒啵~所以就破壞左我小部份計劃la~
可惡呀....我家姐果然係比左我張床果個男仔𤍣呀....太過份la~
不過...lee d咁o既事都引發唔到d咩架la~算~
真係好呢~琴日o既晚餐~今日可以用返黎做午餐同早餐喎~

下午~冇野做~咁前一兩日就dl左一個叫做gunslinger girl o既物體~
其實以前已經想睇架la~不過又唔知咩黎~又唔知咩名~而我地o既第一次相遇~
就係響一個冬天入面o既信和~當時我~阿邦猩猩3個人都見到~(仲有冇人呢@@?)
其實都好早前就有人post出黎分享架la~但係前排我都沉醉於其他事身上~
所以一直都無緣見面~不過今日唔同la~得閒丫ma~
蔡蔡icq add我叫我send個bot比佢~嘿...佢真係冇志氣o既ja~開頭就誓神劈願話唔用~
講真丫~肥董就講得o岩la~要玩一隻online game之前就一定要搵外掛先...冇就唔好玩~
好似之前果排玩勇者原來好多人都用加速器....我就好笨咁慢慢打....

唉...睇左5話就要出門口la~好灰o既ja...個故事真係好慘....
女主角真係爆可憐....一家6口~比人殺晒得返佢一個....但係發現佢o既時候已經被人強暴了一晚....
咁故事內o既政府入面就有一個計劃~就係幫lee d少女去"洗腦"~之後用佢地黎做一d各種各樣o既事...
咁其他就唔講la~有緣見到佢的話真係不妨dl黎睇下囉~相信會幾好睇~
都5點半過d la~咁約左阿水佢地6點響火車站度等~
看來時間都唔多夠~所以步速就比較急~唉...大熱天時....汗流如雨呢....

行到去~我就諗住入八達通la~呵~見到阿誠啵~唔知點解次次都見到佢先...阿水就次次都遲....
6點5到去到火炭la~咁就要等主辦人周兄la~阿家樂就到左la~而果兩條女就仲未到~
咁等到踏9周兄先黎~估都估唔到主辦人會遲咁多...不過佢都遲開到架la...習慣了....
開始果陣~咁就行左一段路~之後行到果條河就開始跑la~
死la~開始跑果陣見到佢地個個都咁fit咁~我其實都開始冇氣lu~
但係我身為師兄~如果我係第一個死左的話咪好唔得掂~所以就要用意志力去支持住la~
去到河的尾段~呵呵~我得左la~果兩條女同肥董已經比我地放甩左~

咁等左好一段時間先上到黎~肥董竟然係最慢果個...見到佢上到黎果個樣真係...好似死得咁....
休息完~因為就快到吐路港~而我地仲未休息夠~咁就行出去la~不過行果陣都要一個攝一個咁前進~
行到咁上下就跑la~因為去到碼頭有d流動廁所~咁就停左陣去廁所la~呵~我都係第一次用lee d流動廁所架咋~
不過感覺不太好~黑媽媽的....咁我同阿水講左個笑~如果響個碼頭度對住個大海"柯"~係話幾唱快呢~
哈哈~佢竟然真係咁做喎~蔡蔡好似同佢一齊癲...出返去la~就走左去大學火車站度買水~
d水就係周兄供應o既~之後唔知邊個話買力寶健~阿水家樂同兩條女就一人一枝~(因為周兄請~)
個家樂幾白痴呀~我地幾個話唔飲又驚死洩咁~你唔飲我飲呀~之後佢去買一個人買四枝又整跌左枝...
又要人地比過枝佢....果真係一個討厭的人~有機會~我仲唔發揮畢生功力去技術性地單打佢~

咁行返去吐路港條路~又開始跑la~不過路就真係有d崎嶇囉~感覺上係又上山又落海咁...又要兜大圈~
但係我蔡蔡阿誠3個就傾住計跑囉~去到中段因為肥董唔見左就用lee個等佢o既藉口行~
不過好奇怪....我地3個已經行得慢架la...點樣阿肥董都係上唔到黎...而前面果個家樂~
我地係就係見到佢衝呀~但係我地行都行得快過佢~垃圾~果真係垃圾~
去到第一個大圈~大家就停低等肥董~等到佢黎~行埋第二個大圈之後就開始比較認真去跑la~
阿誠比我同蔡蔡放甩左~之後帶頭o既人都比我地兩個過埋~不過一路傾一路跑就真係有d難頂~
我地見到後面果d響度行~我同蔡蔡都諗到個個都行我地跑咪好笨~
之後等到阿誠上埋黎之後就講d魔力呀仙境就一直行落去la~差唔多比佢地過晒~不過都好小理~

去到尾段la~又做樣跑左兩步~肥董同果個阿燕真係超龜速....人影都唔見埋...
等左一陣佢地先到...咁果個"a浦"就換左件比較窄身o既衫....我見到只有一種感覺....噁心呢...
肥~不是罪過~但係...我見到佢d肉....嗚...help me...有d人真係冇自知知明囉~明知係咁都仲要著...
你話我肥~我自己都著d鬆身衫褲la~可能...lee d就係過份自信o既人la....不過真係有d討厭囉...
咁跑完~lee個時間就去大中食晚餐la~不過都差唔多9點半lu~
行行下家樂無lala抽根喎~哈哈~抵死la~之後冇時之後行行下周兄踢左佢一下~
經過一輪追逐之後~家樂又抽多次....再行到去吉之島門口...竟然第3次抽喎...哈哈~抵死呀~
我地個身都成身汗~咁阿水就叫肥董去買件新衫著...好麻煩架...佢兩個買又有人要買...
搞到我地唔買果d等左佢地幾耐先去得食飯呀...

行到出去結果係搵唔到有咩好食~所以就求其簡左間la~
神呀...點腱要咁樣愚弄我呢...對住佢黎食野...那對大得恐怖的胸部真係令我...嗚....
所以我一直都冇咩直望...一係望住個碗~一係望住佢地傾計....
人地話大好....但係我覺得就算平都冇所謂囉....痛苦o既時間過得特別慢架....
但係又有可能係某人特登拖慢d時間呢....食左又係好耐....先走得...呼~咁同阿誠感覺就好似重生一樣...
分手之後我就加快腳步返屋企la~家因個身實在太難頂了....

>>July 8, 2004 at 12:13:22 PM GMT+8

2004 年 7 月 5 日 星期一 【晴】

琴晚又3點幾先𤍣~搞到今日又11點幾先起身~
不過...個人好似軟晒咁...死下死下....咁樣o既狀態真係...弱氣...
下午~冇野做~咁就真係要清下d動la開始~因為個腦得返19gb到...
千挑萬選~最後就選舉左lee個~灰羽連盟~佢主題就大概係天使la~(唔知係咪~翼是灰色的~好似人咁生活~)

下午~阿媽同家姐返左黎~兩個都放假~
我家姐琴日好似冇返黎𤍣啵....因為個腦都冇熄過....不過都唔理佢lu~
佢兩個沖完涼之後就走左出街話去飲茶la~不過家姐講下講下又唔飲~話買d點心返黎食~
lee個時候的我~精神就極度欠佳~我咩都冇所謂~只係想𤍣響度ja~
佢地返黎la~嘿嘿嘿~有野食~之後一路食野一路睇lee個戀情告急~呵~睇落又幾好睇啵~
估唔到gigi都幾靚女架啵~

睇完la~我就繼續我o既灰羽連盟~講真真係冇咩心機睇....
但係又幾好睇o既~咁就晃下晃下咁就睇完左la...唉...第日真係要睇多次...
呵呵~今晚有兩個pizza做晚餐~兩個真係正la~一個一塊~肥死lu~(見到好野食就會變得大食= =+)
又要開始燒碟la~咁就順便燒埋雞蛋想要果d la~
我自己果d就好正常咁完成左la~不過...雞蛋d碟燒左兩隻都失敗....報銷了.....
之後就試下用慢速燒黎睇下la~ok左~可惜燒左幾隻之後又報銷多一隻...好灰...
只好用我自己d碟燒比佢la...睇睇下隻碟個面竟然有d數目~好似24x 40x果d...
咁我就試下la...原來佢d碟太弱...頂唔順太快....最後又死多隻...
死者4名....雞蛋小左兩隻~我自己貼左兩隻....黑仔....

今晚~我家姐又帶上次果個男仔返黎la...佢條pk竟然叫我𤍣阿媽房...
正pk~佢本來話比佢自己張床佢𤍣架~條pk梗係咁講la~我就唔信佢咁做呀~
不過佢還左果750蚊比我~手癢癢的~等人地還晒d錢先買~

>>July 7, 2004 at 4:12:31 PM GMT+8

2004 年 7 月 4 日 星期日 【清涼】

算係叫做幾好𤍣囉~雖然斷斷續續咁~但係....發左個好夢~
雖然lee個夢真係正爆~但係又係lee個夢搞到我d欲念爆晒出黎...無奈呢...
因為前排約左雞蛋琴日去佢屋企但係又改左今日去所以唔想起身都要起la~
咁開左個icq之後佢就問我幾時去~之後問我要搞幾耐先出得去~
我就大概搞左半個鐘到話比佢知我出得門口~之後就約好一齊去食野la~

今日都好熱下啵...不過我都算醒架la~行到去k17果個巴士站就打比佢叫佢落黎la~
不過都要等一段時間佢先落到黎...點解要話響7仔門口等呢...又冇冷氣...如果響華潤門口你話幾好呢...
雖然lee段時間出門真係一絕~不過地點就有d問題囉~
佢落到黎la~之後本來響街食就變左買外賣去佢屋企食~買完野食~就上去la~
食完野之後冇野做就打機la~見到都冇咩野玩~而且又比我見到仔高達DX喎~
話晒我都叫做識玩~咁就玩lee個la~可惜丫~佢竟然買左返黎係未玩過架啵...(佢話人地燒比佢喎...)
呵呵~不過都打得爆機囉~之後就玩自護果邊la~呵呵~開頭我用龜背架~
不過後來輸左之後我就用我o既愛機~渣古~豆豆槍~放波羅~真係有趣呢~
爆多次之後就vs la~佢邊夠我玩丫~玩多陣我見佢都好似悶我就叫佢搵其他game玩la~

佢搵左隻Spider Man出黎喎~叫我玩o既佢竟然一開波就死左la...
我地都玩左一段時間之後就轉game la~好似話叫什麼什麼龍騎士喎~
龍騎士~正野la一定~細細個就鍾意lee樣野~睇埋廢棄公主就更加更加la~
不過佢話猩猩幫佢打到就快爆機架la~不過又打唔爆....咁就叫我玩下黎睇la~
我開頭玩都只係玩到個boss出第二招就死左la~之後見阿雞蛋玩~
佢飛去個boss裙底下面勁射(笑)~不過都係打到去個boss出最後果招ja~
雞蛋話猩猩都打到黎lee度~不過用第個方法~講真丫~玩lee d立體game...真係會暈呢~
我地挑戰左數次之後佢就叫我玩落去la~不過...唔覺唔覺好快就比我打win左la~
呵呵~我果真有d天份架~可惜丫~打機勁又唔係好勁~有幾多天份都冇用...
如果可以將興趣變成職業你話幾好呢~由興趣變成專業~再由專業變成職業~我覺得咁樣先係最好~

之後打多幾個鐘~我就問佢係咪去大中la~因為我今日上黎都係拎碟去幫佢炩o既ja~
不過佢話想行下大中所以我就陪下佢la~猩猩好似打比雞蛋叫佢拎碟比猩猩~
咁我地就要拎完比佢先出發la~唉...去到大中~見到d ps2 o既game真係好吸引....
吸引就吸引在佢d人物真係好靚....人地話睇只係表面o既人係好膚淺的~
但係我認為你連最基本要有一個美觀的外表都冇的話~你已經係失敗左一半囉~
你要吸引一個人去認識你~都要有你有小小外表la~就算你幾有內在美都冇用la~你都未識到人...(面皮厚都得)
猩猩黎la~一見到佢已經睇緊碟la~雖然大中只係得兩間~但係佢竟然可以兩間走....
睇完lee度到lee度....如果係我我就覺得好冇面la...所以我最多入同一間舖頭去第兩次就買野架la~
咁雞蛋買多10隻碟叫我keep住先~之後就返屋企la~

佢竟然想叫我話晒d名佢知喎邊可能記得晒先得架~所以我就叫佢入我個icq file度睇la~
咁我返到屋企就打晒d名落去~睇下佢想要邊個囉~
18隻碟響我度~佢開頭就想要gundam seed / z 愛的魔法同埋介紹比佢知o既廢棄公主~
不過z就要6隻~seed就8隻~其他兩套就各4隻~係唔燒唔晒的~
我本人就極力推薦廢棄公主la~其實諗諗下愛的魔法都係爆正的~
而z我都未睇....我都係玩過z先想睇下~而佢都係話冇咩興趣~所以都係要~seed愛的魔法同廢棄公主la~

唉....好灰呢~又𤍣唔著....不過家姐又未返~我就出左去打一陣機la~
打到3點幾到先再一次入房𤍣...

>>July 6, 2004 at 4:22:35 PM GMT+8

2004 年 7 月 3 日 星期六 【雨】

前晚因為家姐帶左個人返黎𤍣~阿媽琴日知道左~
就"話"佢la~如果阿媽咁做~我諗到o既野只係會比我家姐插到我不似人型....
意想不到o既事就發生左la...佢返到黎竟然冇鬧我喎....我真係有d驚...
但係好景不常...又𤍣唔著la~一點到就入房~兩點幾先𤍣得著~
可惜...3點幾又醒左之後~就唔知點解𤍣唔著la....睇完兩本書...~𤍣左響度~
聽到個電台有隻勁正o既歌同埋好聽o既歌~一隻就係千嬅的練金術~同埋黃耀明同彭羚合唱o既漩渦~
我覺得漩渦就真係必聽之作囉~但係佢好似係01-3年o既作品....點解我會咁遲先聽到lee首歌架....

5點幾~我放棄唔𤍣lu~既然𤍣唔著又何必𤍣響張床度丫~
所我就出左廳度打機la~玩天外la咁~真係好呢~朝早冇咩人~而且有人搵我team~升左兩3個lv就開始工作la~
set好晒個腦d野之後~就開左個動~秋之回憶睇la~
唔知係我太玪家係點丫~已經冇咩心機睇la~但係又𤍣唔著....所以都係𤍣響度~冇野做的~
幾乎下午做過o既野都唔係咁記得~大概係我冇咩做過d咩la~感覺就好似條咸魚咁...
而且都唔係好熱~大概係有d雨同埋個人今日比較虛弱....

今晚~冇飯食~屋企都係得返我自己一個人ja~
好彩冰箱有d秋刀魚ja~不過要自己"湯"左佢....有d噁心呢~(感覺美妙= =+)
整整下雞蛋add我話阿雞上電視...佢琴晚已經話蘇sir上電視(等我響度等...)
蘇sir就話等ja~話晒以前都係我偶像~(不過比佢教過之後就....轉左人~)
阿雞咁白痴真係理狗得佢la~佢上太空我都好小理呀~
咁食完野之後都冇咩野做la~12點到就上床𤍣la~算係一晚通霄之後~所以都好快入睡...

>>July 5, 2004 at 3:40:54 PM GMT+8

2004 年 7 月 2 日 星期五 【綿綿細雨】

lee排真係𤍣得唔多好~𤍣唔著係最大問題...
今朝我剛剛醒~出去開腦我家姐就同琴日果個男仔走la~不過都係睇唔到樣的....
未完成的Di Gi Charat今朝終於都完成埋la~爆正呢~但係又唔知佢係咪已經完左...
咁睇完就入下個天外睇下la~入到喎~咁就放佢響度工作~我就去換衫~
都差唔多成點先出到門口~但係要行過去7仔交一交個電話費先~

因為兜左遠路~所以都遲左好多呢~
不過返到去都係差唔多踏10ja~換完衫~又係比人罰o既時候la~
跑禮堂~拍腳~交叉腳~提"失"跳~全部都係十轉~lee個安排都唔錯~最近我都需要做下運動~
但係做完都有d腳軟~而且....個人好似燃燒中似的~係咁發熱....玪已經唔係問題~
lee種熱實在係有d難頂....去運動場跑都冇咁辛苦呀~
休息時間到~阿周兄就宣佈10號o既考試改期~去左17號...其實都有d不爽...快快了結唔好咩...?
原因就係好似話佢果日返唔到~

放學la~我地又一齊去左美心食野~食完阿家樂就叫我地去陪佢去大中買野....
咁蔡蔡又要早返屋企lu喎~其實我都想走架la...不過好似唔係咁好意思~
更何況我越來越討厭家樂~真係好想狠狠的打他一餐呢~可惜lee排冇free fight~
而且我又肥左...氣又不足~所以只好忍耐~不過有時都忍唔著而對佢表現我o既不滿~
我地行到去大中la~佢行左好幾間機舖都買唔到...都唔知佢想點~
呵呵~竟然比我地撞到阿邦喎~人地幾幸福呢...拖住條女四維走...真係羨殺旁人呢~
其實都叫做好耐冇見lu~咁阿猩猩同深都響埋度~猩猩問阿水佢地一陣去邊~之後佢地話去機舖喎...

行完la~結果都係咩都買唔到~佢地就走左去大完街市果間機舖~因為阿水要玩灣岸...
貴皮la~4蚊舖~不過佢地話第度5蚊....仲貴~阿水打左兩舖之後佢地就走左去i-game la~
去到阿肥懂見到人地玩DX~咁又要挑人機喎~結果咪輸左囉~佢o既藉口就係話~
如果打和的話兩個都冇得玩~咁不如我地輸比人玩~呵~好偉大呀~不過佢輸o既原因係自己衝左埋去...
比人打死左....之後佢地都冇人打la~而我又唔好街機的~阿水收到個電話之後就話走la~
我地咪跟住都走囉~我睇一睇個電話~先知猩猩打過比我~咁我打返比佢就好嘈la佢果度~
去完個廁所出黎之後我地企響度唔知做咩~之後猩猩無lala響我後面....成隻攝青鬼咁...

我地都走la~猩猩都無謂自己一個留響度la~不過行到咁上下猩猩收到個電話之後佢就走左去la~
真係好呢~其實我真係好羨慕佢~佢越來越多fd~但係我就覺得自己越來越少....快要變成自閉架la...
而且佢成日話阿邦lee樣果樣~其實佢地咪又係最fd果一啤~有咩心事都可以搵人傾丫~(雖然我都唔會有咩心事~)
既然係冇~就保持住一直冇就最好la~因為依照我o既分析~
咁就用拍拖黎做比喻la~一個拍過拖o既人都會好渴lee樣野~就好似我info有一句野咁~
(沒有得過、又怎算是失～沒有開心過、又怎知什麼叫唔開心？)
而一個未拍過o既就唔清楚佢真係好得去邊丫~定係唔好~只要安慰下自己~好多野冇好過有囉~
算la~一個習慣孤獨的人所做得到的就只是在別人身旁羨慕....

諗住響屋企街下睇下有冇果兩本pc game書買o既~但係...兩本都冇...算la...買小期就算la....
返到屋企~個天外果真係彈左o既....都唔知點叫人家掛機的...討厭...
今晚終於都睇到大逃殺2 la~講真係~有線今次又會做得咁小o既...以前好似決戰咁~
一個星期都差唔多有日日都有得睇~而且一日仲唔只一次....但係我期待左咁耐o既大逃殺2又唔做喎~
上網又dl唔到~搞到今晚先睇到~但係睇唔到個開頭....
睇完o既結論係...劇情同特技都好多漏洞呢~好多問題~但係如果我係鍾意一樣野的話~
係唔會介意囉~睇到都當睇唔到算la....一個人是要活在無知之中~人生才會過得快樂的....
凡事看得太透徹~事事都尋根究底~只會令你o既人生增添更多不必要的不幸和傷痛.....

>>July 4, 2004 at 8:42:03 AM GMT+8

2004 年 7 月 1 日 星期四 【晴】

今朝我家姐竟然比我早起身喎~一開眼已經見到佢響上面望落黎....
咁唔理佢就出去開腦玩la~搞好晒d野就入去天外玩la~
入左去唔夠一陣~彈左game...之後就入唔返la...上網睇d人話12點先開始維護~
但係e+都入唔到~就響度勁鬧la....

入唔到咪入唔到囉~我就冇所謂o既~我唔信一部電腦放響度我冇野好做~
好似平日咁睇動la~今日簡左個smash hit黎睇~
講真丫~都唔知佢咩黎...但係睇落都幾得意~都係果句~有值得我去睇o既地方~
睇完la~咁就午餐la~整左個麵食~不過食完又冇野做~
因為lee個smash hit都係得8集~而一集就得10-15分鐘到~好快就睇完~
咁我就開左第套睇la~lovelove~上網d人話好正喎~
而且見佢又佢好似smash hit咁~不過佢多一集~但係都係10-15分鐘到~
所以咪睇埋佢囉~lee出野原來係同smash hit係同一個故事....
只係主角變左ja~smash hit個主角就係導演~而lovelove就係果個編劇同埋5個女演員~
嘿嘿~兩套其實都幾咸濕下~可能日本人覺得全身都係睇得~
只係遮到最重要o既部位就冇問題~而且男主角發d夢又....咁d劇情對我黎講都有d刺激~
可能睇得太投入la~有d位睇到個心好似跳出黎咁....個心"蟵住蟵住"....好辛苦....

睇到3點半~已經完左兩套la....但係天外都仲未維護完....
等左好耐先開始玩到....不過都係入去掛機~得閒冇野做~所以就開左我最鍾意的~
Di Gi Charat~呵呵~其實我之前都睇左第一集~不過冇字幕~
嘿嘿嘿~勁好睇呀~咁睇完兩集之後阿媽打返黎問我食咩~佢地都差唔多返黎~
所以就唔睇~等左好耐佢地先返黎~咁我食完野佢地就走la~
12點到~我家姐返黎~不過帶左個男仔返黎~唔知乜水~不過佢話要用個腦~所以我就入房𤍣la~
但係又𤍣唔著~睇左兩本書都𤍣唔著~兩點幾我家姐入黎𤍣la~3點到~佢又走左出去喎~
而個男仔好似仲未走~到底.....

>>July 3, 2004 at 12:29:14 PM GMT+8

2004 年 6 月 30 日 星期三 【清涼】

感動的~廢棄公主簡直就係滿足晒我想要o既野~
魔導師~劍士~騎士~吟遊詩人~公主~龍騎士~特殊戰兵~刺客~魔獸等等~~
實在係太正la~而且一向熱愛蘿莉的我竟被一位御姐吸引到~
人物做型就真係~~~萌呀~~~故事一流la~(響我眼中~鍾意o既野都係最好的~)

睇完~燒完碟...無奈呢....24集實在太少....如果多d你話幾好呢~~~
咁冇野做~就睇個烈火雄心~睇呀睇~睇呀睇~睇到咁上下~就開個天外玩la~
隻死人game~又話琴日3點開始公開test~但係又入唔喎~好彩今日入到ja~
今次改個名有d西化~菈菲爾~玩左邊個s~入開第8個~見到我咪叫下我囉~
玩左陣~咁今日星期四~又係跑步的日子~換好衫果d~諗住掛機la~咁就buy左好多個道具響度公作~
我計好晒~我返到屋企都o岩o岩好用晒~所以6點半到就出發la~

好似上次咁~不過今次早左d~剛好踏10到~踏10開始~又係踏3休息~休完又跑到踏7就返屋企la~
其實真係好討厭d人o既眼光o既ja~雖然可能唔係望我~但係...被注視的感覺令人很不自在呢....
返到屋企~見到有個麥記(袋)放左響個茶"機"度(冇野飲...)~但係屋企又冇人~
但係個腦入面個天外視窗不見了~開返見到仲有兩個道具響度...睇黎佢熄左都有一段時間....
咁我去換衫la~換換下有人拍門....成身汗件衫就唔易除架la~但係又有人拍門...真麻煩...
原來阿爸返黎~咁果個麥記袋入面d野就係我o既晚餐~喔~跑完步食d咁o既野咪仲肥~~
算la~好又一餐唔好又一餐~

個天外就一直響度掛~睇埋個隔世追兇之後就開始打la~
採到o既野就用左黎做封咒~本人風水師菈菲爾是也~呵呵~雖然整果陣又係好麻煩~
但係用果陣就好好用~呵呵~幾個引呀~而且小蘿莉在身旁一起努力~鬥志旺盛呀~
玩到我家姐返黎~都12點幾lu~但係佢見到我仲打緊都淨係轉佢icq ja~
但係玩到咁上下又要比佢用....之後有人打比佢之後就比返我la~
我打到兩點到就𤍣la~呵呵~都係等左兩個幾字就𤍣到la~真係好呢~~~
(bt下載中~一多人就lag到pk....)

>>July 2, 2004 at 5:35:52 AM GMT+8

2004 年 6 月 29 日 星期二 【清涼】

呵呵~我dl得黎睇o既都真係唔錯呢~lee個這個美麗與醜陋的世界真係幾正~
咁唔知佢係咪主角la~我就比較鍾意配角果邊囉~感覺好溫情~
唔似主角咁~點睇都係唔順眼~感到好似怪怪地....冇咩好感~
3點幾睇完~睇埋個烈火雄心之後就覺得勁眼𤍣~之後一個午睡就到5點半la~

一起身~個人都濕晒lu~天氣實在係太熱la~
就算開到個風扇幾大都熱到死....咁睇到個電視冇野做~
咁開始搵個第二出動睇la~不過真係好難選擇呢~套套都好似好吸引咁~
又有d唔係咁想睇~所以就搵左lee個~廢棄公主la~
果真...一係唔睇~一睇就知佢好睇la~佢o既時代背景文化風俗一切一切都太正la~
如果唔睇我覺得會好後悔囉~

7點幾~阿媽打返黎叫我自己煮野食....冇飯食喎...咁響雪櫃拎左d食物出黎解凍之後~
我阿爸就返黎la~佢竟然買左野食返黎~好彩ja~咁又唔洗煩又有好野食la~
今晚~睇睇下9點半果出野~已經唔想睇la~咁就開左廢棄公主睇~睇到差唔多一點先去𤍣~
但係入到房都係碌到兩點幾先𤍣得著...

>>July 1, 2004 at 9:33:52 AM GMT+8

2004 年 6 月 28 日 星期一 【清涼】

今朝一開個腦~已經完成左好幾套o既動la~(dl~)
咁我就選擇左lee個~美鳥日記黎睇~本身就應該開d舊d o既黎睇o既~
因為有人入我個icq shared file~咁放響度一排分享下都好丫ma~
但係上網睇真係大受好評啵~所以決定左睇la~想睇咪自己dl囉~~~
睇完之後~我終於都明白點解佢會咁受歡迎la...因為...我都鍾意左lee套野....

呵呵~今日o既午餐真係正爆呀~壽司~杯麵~牛扒~正呀~
6點幾~就換衫la~我終於都下定決心自己一個人去跑步~
與其叫去叫人先跑~不如自己一個人定下時間去~但係...一個人...始終心裡充滿著不安....
感覺就好似唔知點咁....但係都要硬著頭皮去架la....如果我連對自己承諾左o既野都做唔到~
第日我點去同人做約定呢~
6點10過到去到~洗左個面就開始跑la~跑到踏3到~就又休一休息洗個面~
行多一個圈就繼續跑la~跑到踏7就行多個圈返屋企~
雖然同預期o既有所出入~但係我都完成左今日最似人做o既野....

返到屋企~阿媽打返黎又叫我洗碗....我一路洗...個人就勁出汗...
咁我洗完~佢地返到又話我特登唔聽電話~又話我吹水...既然你信唔過我就唔好搵我la~
今晚~臨𤍣前~就開始睇lee個這個美麗與醜陋的世界黎睇~
睇左4話到~真係幾唔錯o既~咁睇完我就入房~不過...入到房又𤍣唔著...等到兩點幾先𤍣得著...

>>June 30, 2004 at 9:48:12 AM GMT+8