2004 年 7 月 27 日 星期二 【雨】

呵呵~好無聊呢~既然咁無聊就開左個TOP玩la~
本來都玩左一段時間~但係因為卡住左響一個地方~
玩過下rpg game o既人都知~佢實係有d特殊地方~特殊物品要去拎~要去搵...
而且98%都係日文game~所以卡響一個地方大概都會經常發生...而且可能要用成個月都未能解開...
所以就唔玩住la...既然唔識玩~正常黎講~上網我諗都會有攻略o既~
其實我搵到o既係劇情攻略~雖然個攻略簡單到唔簡單...
大概佢只係話你知去邊o既ja...不過都好有用~至少~佢幫我解左個迷丫~

今日本來去跑步~但係....因為落雨...搞到冇得跑添~之後改左聽日跑la~

玩到咁上下都有d玪~然後又開左老師的時間睇la~
嘿嘿~真係好搞笑o既ja~不過偶然我都會覺得自己好傻~
um....可能受到我家姐o既影響la~佢成日話我傻~咁樣搞到我覺得~
一個人睇~雖然...真係好笑~但係笑左出黎就覺得自己好傻咁囉~
又睇多5話~雖然好想睇埋落去~但係電視已經做雙龍傳~因為老師的時間幾時都睇得~
而雙龍傳冇得再睇la....

今晚阿媽買左個死人飯盒(燒味)~今晚本來𤍣得著架la ma~
不過....1點到勁肚痛...而我家姐又帶左個朋友返黎喎...搞到我都唔好意思去廁所la...
忍呀忍~其實已經有d睡意...不過又好唔舒服喎~只好等佢地la...
我都估到佢兩個有野架la~咁佢地入房𤍣我就立即衝去廁所...屙左我成半個鐘...
之後家姐走出黎問我咩事~叫我食必利痛~然後就入房la....
唉...經過d咁o既野之後又叫我點𤍣得著丫...所以搞到成5點幾先𤍣到...

>>July 30, 2004 at 8:11:25 AM GMT+8

2004 年 7 月 26 日 星期一 【晴】

肥昌行開左~見佢今日有帶銀包喎~都冇咩機會可以見到佢帶~
所以...好奇心驅使下我睇左....睇完~無言....
打到咁上下~個老闆走左上黎話上面要關la~叫我地轉落去~
轉左落去之後就繼續打la~
3點幾~阿傑就第一個走~佢好似頂唔順la已經....而其他人就𤍣晒....
感覺就好似我自己一個人打機咁....
過多陣~隻game loading的時候~我....再次感到自己的無能...開始胡思亂想....
唉...我自己真係好煩...如果我可以好似某人咁...你話幾好呢....

6點幾~到冼志同佢個同事走la~而我就開始有d眼𤍣~
所以𤍣左陣~7點幾又醒返la~咁咪繼續囉~肥昌佢地就響8點到醒左~
之後就去埋單la~佢兩個話去食野喎~我就冇所謂la~
不過....有一個好大問題....佢兩個一人一枝煙....一齊響度煙燻在下....
今次真係煙肉lu~最近阿媽阿爸果d經常性唔響屋企~而我又冇咩點出過街~
二手煙~?好耐都冇食過la....現在咁樣比佢兩個噴....實在有點兒吃不消....
而佢兩個o既話題...真係...粗口就冇問題o既我~不過...佢兩個講果d真係有d賤囉...
響度講佢個朋友搞過d女都係淫x(唔識打~)唉...唔好咁la~我都唔知講咩好~只係響度聽....

好la~食完走得la~咁我就買左本pgw同翼~好耐都冇買漫畫呢....
已經miss左好多本la...真係要搵返都只能出旺角了....咁見到d泥用晒la~
咁就去左watsons買la~買完就搭的返屋企la~返到屋企~唉....好無聊呢~
我家姐明明響自己張床𤍣緊~佢又要走落去我張床𤍣喎~大概係因為果個男仔la~
我就好開通o既~你o既事就唔多關我事~你認為o岩o既~你咪做囉~唔好同我怨就得la~(而且我唔會報串的~)
佢咁樣我衝入去咩~所以就睇左果兩本書先入房𤍣~睇完加埋沖涼搞左成個幾鐘先𤍣得...
5點鐘就起身la~真係有d暈呢~

>>July 29, 2004 at 4:27:25 PM GMT+8

2004 年 7 月 25 日 星期日 【晴】

GBA模擬器~正呀~嘿嘿嘿~雖然我有gba~但係又冇去買帶喎....
有等於冇~但係...有gba模擬器~呵~雖然想dl好耐~但係又唔多想搞喎~
不過見今日有d無聊~咪上網搵下野囉~
呵~正呀~dl左兩個tales系列o既game~雖然有隻比較舊~但係我就覺得好玩過新果隻囉~
至少...佢有d漢字....大概都明部份丫....

不過下午吃完個午飯之後~見隻手有d玪....打機真係好玪....
所以就開左老師的時間睇la~佢係我頭一浸o既動畫~但係一直都搵唔到個13集ja係個尾而唔睇o既~
家因個第13話係睇緊Sister Princess果排搵到o既~所以都冇咩時間睇~
lee出野吸引o既地方~當然係人物方面la~而且聽完個op之後都知佢係搞笑的~
27歲miss但係表裡都仲係細路~(高14x~)故事充滿著極度曖昧成份....
BL 　　　　　　　　　　　GL
原名為BoysLove 　　　　　原名為GirlLove
即是男同性戀。 　　　　　即是女同性戀。 (兩樣都有~)
睇左5集之後就留後返下次睇la~

今晚~肥昌打黎叫我去打機~唔去唔得la~我上次講過話打機做咩唔搵我呀~咁樣....
算la~我都好耐冇去過打機~所以就同佢地去la~
我就10點半去~因為要睇電視~去到見到阿傑....咁我就冇咩game玩la~
所以就求其開左個天外玩la~係o既~冇錯~天外其實真係有d白痴~
但係佢竟然當住我面大大聲聲咁講~lee隻就係天外la~咁撚白痴o既~隻game咁on9 o既....(有點討厭此人...)
無言.....就算係...你都唔洗咁大聲而且響我面前講呀....話晒...我都叫做玩緊丫....
可能佢跟得肥昌多...肥昌玩icq同人傾計呀~咩都係用鬧同人溝通....
e+佢有句新口頭禪....懵撚....真係比佢吹帳...雖然出黎玩大概係要狂歡....但係都唔洗咁開心呀...

>>July 29, 2004 at 6:58:32 AM GMT+8

2004 年 7 月 24 日 星期六 【晴】

個電腦真係有d可憐...新低點~8gb~勁~
見到咁樣真係唔得掂~再咁落去比人知道左我大概會被殺....
所以~睇左陣電視就開埋個Sister Princess RePure睇la~
家因前幾日睇到淨返4-5話到~所以睇埋都唔係難事~

睇完~呼~係幾好睇o既~但係最近係冇左果舖癮...冇左就係冇左~
想睇多陣都眼𤍣~算~燒完碟又回復到9gb多d...
見冇野做就打機la~tales of destiny2= =+正~不過8點幾到~
竟然卡住左....唔識打...死得人了....無奈~只好放棄...

再一次無聊咁上網睇下有咩野~真係有喎~
唉...好灰o既ja...今日先o岩o岩多返1gb空間~現在又....跌到新低點...7gb....暈了....

>>July 29, 2004 at 6:57:22 AM GMT+8

2004 年 7 月 23 日 星期五 【清涼】

早上真的點不爽~記憶有點矇糊....
但我記得的是~家姐再次跟男朋友吵....(用電話~)
搞到我𤍣𤍣下又醒左la~
其實矇糊o既係一個夢~我就11點半醒~但係個夢~到底係家姐嘈醒我o既之後定係之前發呢...?
個夢感覺真係唔錯~夢裡面正是家家跟一名不知明o既女子~
去到一個類似海洋公園般的大型公園裡遊玩~(有纜車~)
關係lee d野...個夢就唔會同我交代囉~所以唔知~但係感覺都不似一般的關係~我諗都唔只一般朋友關係~
因為冇理由兩個好普通o既朋友會一齊去d咁o既大型公園呀~大概係"好"朋友以上~
再者~白天玩到黃昏到都冇其他人物出現~所以肯定係兩人~

起左身~睇一睇個鐘~11點半~但係都呆坐回想緊個夢~
個夢都幾清晰~而個女仔就真係幾得....平凡得黎有d清秀~既活潑而有小許刁蠻~
感覺上識到d個o既人真係此生無憾la~可惜....我唔識....夢中人到底是誰.....
開左個電視見到冇野睇~就聽歌la~咁上網睇今個星期有咩漫睇la~
不過只有hunter X hunter....本來都有d失望...但係今集~都幾正~
基仔復活la~一野插落自己個腦度?!拎左枝針出黎?!之後就ko左隻蟻la~
睇完之後都冇咩野好做~所以就早d出門口la~1點....

返到去學校~又出現一句古怪o既說話....肥家~早左喎~
o下~唔好玩la~都成點半lu喎~不過miss唔響度o既~師兄又話今日miss返黎操我地o既~
換完衫之後就同蔡蔡講返今話o既hunter X hunter~喔~佢都有d出期~
傾左陣miss就返黎la~
咁就操la~雖然我有諗過今日要全力去做~但係lee排虛弱了不少....有點兒吃不消....
始終~現在同以前我地低級o既時候操法係好大出入囉~而且冇咁勁~
老實果句~e+o既只係小兒科而已~

放左學又去左大家樂食野la~桌桌今日都有去~(唔知咩桌...)
原來佢都好動漫呢~而且感覺上同我都幾合得來~因為佢都係偏向我好果類~
食完la~咁我今日要落一落舖頭~因為阿媽叫我去拎一拎野返屋企~
落完之後又去左肥董屋企....阿蔡蔡好似約左人去網吧玩~所以就唔去la~
今次得我地幾個人ja~咁玩7點幾肥董阿爸返左黎~但係...果時打機果陣比佢害死左...
叫左一聲都好大聲下...佢阿爸入黎就問~邊個咁大聲講粗口呀~(大概係講笑咁o既語氣~)
玩多陣~我都係時候返屋企la~

咁我8點就返去la~行行下~前面有兩個男仔~幾兇下咁啵....
無lala轉個頭~問我~唔該有冇火呀~啥~我點會有火呀~我就答佢冇~
之後聽到佢兩個講~你識佢o既咩~?唔係呀~不過睇佢個樣好似食煙咁咪問下囉~
啥....我似咩?!我個樣咁乖...點會似食煙呀...過份~!!

>>July 27, 2004 at 4:48:36 PM GMT+8

2004 年 7 月 22 日 星期四 【晴】

雖然琴晚去完跑步~而且仲比較夜先返屋企~
但係...都𤍣唔著...完全係極度精神狀態...點幾兩點開始𤍣~
4點幾就放棄𤍣lee個念頭la~既然咁精神咪打下機囉~
諗住咁樣會眼𤍣la~但係...都係咁精神~
跟住真係見到個天光la~都成6點幾~認為咁樣落去真係唔得架la~所以真係要入房𤍣la~

𤍣到11點幾先醒~
今晚~睇本pc 2000發現到有個好得o既野~
之後咪入個網扯落去囉~喔~真係好正喎~不過係一個論壇....又要申請~
真麻煩....但係佢竟然有個叫蘿莉區o既野~雖然d post就唔多~
但係都粉多我喜愛o既圖囉~
睇睇下本書~喔~仲有一個網扯喎~入埋落去先~lee個網都真係幾正啵~
有空的話可以睇睇~http://nijiura-os.hp.infoseek.co.jp/~
睇完佢個flash之後...我覺得kotoko d歌真係爆正....不過搵唔到....

>>July 27, 2004 at 9:51:37 AM GMT+8

2004 年 7 月 21 日 星期三 【清涼】

嘿嘿~以貌取人其實都唔係一定錯囉~琴日試game~
只係聽左lee隻~tales od destiny2~o既主題曲~就熄左la~
其實選此game的原因不只於此~其二係因為佢係我最愛十大game其中之一tales of eternia~
同廠之作~我眾多game入面~大概8成都係rpg同slg~但係能夠成功完成o既....不足一成....
完成o既~當然有以上的toe la~但係因為隻一碟其實係有問題~但係我又唔知喎....
重玩save左響爆機save上面....咁就....玩唔到la....想搵都搵唔到lu e+.....

下午~阿媽同阿爸佢地同朋友響屋企lee頭飲茶~阿媽打比我話我知問我落唔落去~
不過我都唔又多想出街~所以就叫佢買比我食la~佢話睇下得唔得閒先算~
咁過多個幾鐘佢就打黎~之後叫我落去拎la~
嘿嘿~正~雖然成3點幾先有得食~不過好過冇囉~

5點幾~又係時候出門口la~因為今日係約左師兄去跑步o既日子~
其實我遲左d出門口架la~結果搞到又要急步行去~去到都仲未見到佢地...
因為只係踏11ja....本來阿誠話響入閘果度等o既~不過我打比阿水佢話上去等....
而且佢話會遲d黎喎....早知自己遲好過等人呀...
等到佢地黎la~咁就一齊去火炭la~出左閘又要等...唉...等到師兄黎la~
走得la~無lala有個唔知咩人打比我~之後又收左線喎...打返比佢先知~原來係阿邦喎~
聽佢講話見到我地響火車入面~但係我地又見唔到佢喎....不過佢轉左電話又唔同我講o既...

開始跑la~死la~d懶蟲開始咬我....我已經唔想跑la....而且個人有d老化咁...
跑多兩野都唔多頂得順....去到差唔多到大學~我肥董阿誠3個就行la~
而佢地就已經走左去~我地一路行一路傾....不過出奇o既係~原來阿誠以前都有玩pso~
大家都只係玩DC o既而且係老翻....要上網?正版la~要上網?大概都只有日本果邊先得la....
其實e+有電腦版~而且已經同一般online game一樣~雖然都有d想玩~不過算la~我同佢都係冇緣架la~

我地去到大學果度~我其實都有d痛囉...不過我誇大佢~更何況大家都冇咩鬥志....
所以決定走la~返到去~之後去返我中學時代食開果兩間其一o既新明華~
嘿嘿~因為阿肥昌帶過佢地去~而且冇地方好食所以佢地話去la~
食完佢地話去打機~其實我都想走架la...不過又陪左佢地去打機...打到咁上下又去左肥董屋企....
打到11點幾先走....

>>July 26, 2004 at 1:38:25 PM GMT+8

2004 年 7 月 20 日 星期二 【雨】

肥昌琴晚約我去打機~所以~佢今朝就打比我la~
佢問我~lee邊係咪好大雨~當我望出去o既時候~都冇咩落~
但係收左線之後就落到好大la....其實我有諗過打比佢叫佢算la~咁大雨~
不過佢又出左門口...都唔知點好~
佢話去新金源~不過我又唔識去~所以我叫佢一陣黎搵我囉~
我出名慢就係人都知架la~既然你地去左先咁我慢慢都冇所謂la~

但係...肥昌打黎問我響邊...我仲響屋企~原來...得佢同我去ja...個個都唔得閒...
我只好快步行去la~雖然行去時冇咩雨落~但係...個地好濕~有時真係會驚自己滑到....因為對鞋好似平面咁...
去到果頭~肥昌就響金源等我~咁我上去搵佢之後就一齊去新金源la~
我地玩到咁上下~肥昌個朋友~我記得佢都好似有學跆拳~而且仲係我校學生~高我一form~
不過唔知佢認唔得我呢~算la~我對lee個人都冇咩興趣~
佢打到5點幾就走la~而我同肥昌就打到7點先走~咁阿媽打比我話佢去打牌~
而肥昌之前又同我講話想一齊去食野~咁就o岩o岩好囉~

我地去左咖哩屋食~嘿....lee個決定係好笨的....我叫左個唔知咩雞~小辣~配薄餅~
咁肥昌叫左個咩海鮮la~咁其實d雞就冇問題囉~只係小左d...得個胸同雞翼....
但係薄餅就真係食唔落囉....點左d咖哩汁都好似冇咩味咁....我對lee餐有點兒不滿...
嘿嘿~肥昌就搞笑la~佢唔知點食~食到d咖哩汁滴左落件衫度...哈~而且仲係著第二次添件衫~
埋單佢就70幾80蚊~不過我都係60幾蚊ja~點食都係唔抵囉lee餐~不過肥昌就蝕lu~

佢見我地咁耐冇見~佢就叫我行大中~咁行到去la~佢又撞到熟人....
成日撞到去到邊都撞到...真係好麻煩....咁行多陣佢話去睇碟~100四隻~我地一人兩隻la~
嘿嘿~gunslinger girl竟然有game架喎~而且有兩隻添~不過....我已經選好左一隻~
第二隻只好買gunslinger girl o既第一隻碟la....咁行多陣都見到冇咩野行la~
所以就返屋企la~睇完晒d電視~就開始打機la~喔~玩到12點到~我家姐同佢男朋友一齊返黎~
我開始有d討厭佢囉~見到我玩~咁我第一次玩ja ma~響度講lee講lu~又響度話我咁都射唔中~
大佬~你玩丫~如果我第一次玩就玩到槍槍中我黎做咩呀~
你老虎丫~又響度彈我偶像喎~真係火都黎埋呀~!!

>>July 25, 2004 at 8:34:39 AM GMT+8

2004 年 7 月 19 日 星期一 【晴】

一起身就試下d碟la~唉...有兩隻唔得...不過...又唔多想出街日後又冇咩機會出街...
算~豪比佢~咁試下試~試到去一隻一直都想玩~但係又有d驚o既game...零...
吸引o既地方~如果見過佢封面都知~兩位女主角真係....靚爆~而且仲係孖女~
開頭想玩下la~但係...因為佢係一隻恐怖game....我...唔敢玩...只係睇左兩結局~
因為老闆比左佢個save我~睇到真係...嘆為觀止....全s...有d仲ss添....
雖然做老闆ja~都唔係咁得閒咁勁呀...

最後玩左其他game之後~打到咁上下~真係覺得有d玪...
咁就熄電視~開左個Sister Princess RePure出黎睇la~睇左兩3話之後~
真係好玪囉....又冇咩癮咁...之後就求求其其開個mp3𤍣響度扮鹹魚la....
今晚~肥昌約我聽日去打機~咁我就叫佢約其他人先la~第一個搵我...真麻煩...
最好就搞掂晒先搵我la~唔係~好難決定去唔去架ma....

>>July 25, 2004 at 1:47:48 PM GMT+8

2004 年 7 月 18 日 星期日 【晴】

個ps比我o既感到都快要死lu~
所以琴晚就叫雞蛋今日陪去買機la~
雖然錢一早已經夠買~但係種種原因之下~所以就冇去買~
但係...我日日響屋企都悶到發荒....已經唔買對唔住自己了....

咁本來雞蛋無lala話唔去~之後佢話聽日都唔得~要去拎id卡~
我就冇所謂la~等多陣佢又話都係今日去好喎~feel黎咪去囉~咁樣~
真係比佢吹到帳一帳~約左佢6點響百佳門口等la~咁我已經覺得遲左d架la~
但係去到佢竟然比我還要遲....次次都係咁~佢硬係比我遲o既ja~最憎等人架la....

行左幾間之後~最後都決定左響雞蛋買果間~因為感覺上係抵d la~
而且佢地好多人都響果度買~我又冇咩好地方想去買~所以跟佢地la~
前排返學睇歌唱比賽果時~已經知道原來佢地大概都個個買晒...
家家outday了.....不過~個腦咁多野睇咁多野玩咁多野做~e+買左真係...好難取捨....
玩到11點幾~都係時候沖涼𤍣教lu~但係都等左好一段時間先𤍣得著....

>>July 24, 2004 at 1:32:51 PM GMT+8