2005 年 10 月 6 日 星期四 【晴】

今日已經係星期日, 已經好耐無打過日記了...
一來無咩時間, 二來又無咩心機打~~~

星期五, 難過既一日, 補貨, 走貨, 追貨, 搞到麻鬼煩煩, 成日做到無時停.
上次星期三單補貨真係雞毛鴨血, 說到supplier 人肉同我上大陸取貨, 點知取返黎舊貨都係錯既...
唉...張單只係賺3紋美金, 真係雞碎咁多, 賺左都唔夠蝕, 真係想同個客講, 我俾錢你, 你唔好再落單...

呢個account 仔d 單又細, 貨期又趕, 廠果邊錯誤又多...都唔知點死...唔做好過做喇~~
Bella d label 廠果邊轉左人跟之後, 服務態度大不如前, 條友麻麻煩煩, 又唔多盡責可靠, 應承左d野又成日唔做, 真係俾佢吹到啤一聲...
繼續有廠甩貨期, 繼續追到氣咳...

CC 哂全世界的email, confirm左有貨交, 但點知到最後都無貨, 打去問, 竟然話送漏左...
對住d 咁既廠, 真係可以點???
confirm 哂打埋電話問候都一樣可以出問題的, 我就黎想屌人, 相信惡先係唯一既解決辦法.

夜晚成班同事去BBQ, 費用公司全包, 都燒得幾開心...不過Dennis成晚同三成過唔去, 大家鬥串...
再加上Jamie 成日興風作浪...成日就係嘻嘻哈哈中渡過...

請左兩次病假的事再被重提...看來Manager 對e 件事真的十分不滿~~~XD
仲俾佢話我係少爺仔, 唔捱得苦tim~~~
慘~~~XD

>>October 9, 2005 at 3:59:04 PM GMT+8

2005 年 10 月 4 日 星期二 【晴】

工作...很煩...
廠甩期, 做錯貨, 真係跳樓都唔掂...

不其然想起拿破崙的名言...
"貨???難道我有可以變出貨物的魔法瓶嗎???"

同一個客, 同一個supplier, 已經係第2次出事...
自問跟得好足, 成日追住, 咁都出事, 除左話黑仔之外都無法....

e 張死人單, 不過賺佢3紋美金, 做左都唔夠蝕...真係shit...
但應承左既野, 又做唔到, 總有d 內疚既感覺...
而家都唔知點收科, 真係跳樓都變唔到舊貨出黎...

俾人係咁吉, 遲早俾人吉死??

返到屋企, 即時有鬆一口氣既感覺, 都係繼續睇動畫+玩fm...兩樣野一齊做, 感覺上慳返唔少時間...
不過...所謂慳返d 時間, 都係令我更有效率地玩樂而已.

星期五有萬9幾單貨要出...再有咩問題就慘了...

只求工作順順利利, 別再出現控制不了的問題便好了~~~
公事如是, 私事如是...

>>October 5, 2005 at 5:50:00 PM GMT+8

2005 年 10 月 2 日 星期日 【晴】

唔夠時間用, 點算好~~~
神啊, 請給我多點時間...

今天的工作介乎忙與不忙之間, KEEP 住有野做, 但又做得完...
D 廠又成日甩期, 追到暈咁滯, 但人地趕唔到就點追都無用.

打電話俾廠, 俾人惡言相向, 極慶...大佬, 家下係我地俾生意你做播, 你仲俾面色我睇??
做唔切, 覆唔切就0米 X 做囉...
雖然慶, 不過我忍, 繼續保持友善態度, 不動聲色...
一直覺得互吊解決唔到問題, 除非你好大粒, 否則都係KEEP 住良好態度, 人地先會幫你做野...

還有很多麻煩野...總之..近排D廠係麻煩過客...
唔覆EMAIL的廠真討厭...

放工, 繼續唔夠時間用...
家下訓得愈來愈少...

視覺: 睇野愈來愈朦
嗅覺: 天氣劇變, 鼻敏感肆虐
味覺: 條利打哂CAKE咁, 說話能力大打折扣, 詞不達意
觸角: 行路好似搖下搖下咁, 平衡感愈來愈差.

得返聽覺好似無咩問題...

危
好在..我仲有第7感...

愛

>>October 3, 2005 at 5:54:06 PM GMT+8

2005 年 10 月 1 日 星期六 【晴】

好累...好累...
唔夠時間用呀...如果聽日唔使返工就好喇...

又要返工...時間點分配???
呢排開始唔夠時間睇報紙...雜誌同做其他立雜野...
連新漫畫都要keep 好多日先有時間開始睇...shit

不過...我仲有時間打機...ahhahahahahaha
寧願訓少d 既唧...
上星期都每晚keep 住兩點後先訓...hahahaha

星期五3點...星期六爆5點先...
今日要早d 訓先得...


時間...都係唔夠用...



好興奮...太開心....
唔知今晚訓唔訓得著呢...

>>October 2, 2005 at 5:19:15 PM GMT+8

2005 年 9 月 29 日 星期四 【晴】

繼續睇驚爆危機...好好睇..
搞到連Keroro 都放在一旁了...

>>September 29, 2005 at 5:33:11 PM GMT+8

2005 年 9 月 28 日 星期三 【晴】

如果昨天係好眼訓...今天就係好q眼訓...
全日好似食左鴉片咁, 狂打喊路, 偏偏今日好鬼多野做...真係人都顛...

工作上俾幾單野搞到好煩...上次借左自己張單d 貨俾Kathy出, 明明度好哂數...
可以係第二度填返...點知俾Dennis 意外取左黎用...明天無貨走...跳樓...
好在有Kathy幫我跟返d 貨期同查數...唔係今晚可以係公司過夜...

近排條team 聽歌既風氣愈來愈勁...我同Dennis一左一右兩邊立體聲, Manager 終於忍唔住出聲...
48元既喇叭...聽左3日...就無得再聽...盛惠18紋一日...
鬼咩...我裝左之後呢個話裝, 果個又話一齊聽...唔禁就假...
禁令一出, 剛剛裝左喇叭既Jamie同躍躍欲試既Kathy...即時無隱...
Dennis仲話我腳頭唔好, 佢聽左兩個月都無事...我一聽就俾人禁...shit...

順帶一提...Dennis係年紀比我至少大上十年既同事...工作經驗非常豐富...

下午同Joey 食lunch...好眼訓...唔多想講野...精神真係麻麻...sor 呀~~

因為出貨既問題, 加上其他工作...OT 到8點先搞掂...
極眼訓既狀態下要做咁耐, 真辛苦...

一路做一路同自己講: 唔好發脾4...唔好發脾4...
如果唔係只會愈做愈唔開心...愈做愈唔順利...

做哂, 去個廁所就走準備走既時候...
俾Manager叫住...有野想你幫幫手...你趕唔趕時間?

苦也...雖然千萬個不願意...
仍然應道: 為了CORA你, 我亞士匹靈雖然粉身碎骨亦在所不惜, 何況OT?

萬幸既係...9點前就走得...好疲...

>>September 29, 2005 at 5:27:58 PM GMT+8

2005 年 9 月 27 日 星期二 【晴】

最近精神都不太好, 是睡眠不足嗎??

今天下班後在Kenny的引領下, 毅然答小巴返屋企...
上車之後見到個車速顯示器係0就知咩事...
相信夜d之後會更可怕...

返歸之後知悉大佬今日會返屋企...
結果...都係兩兄弟打機嫁喇...搞到我無得睇動畫tim~~~

旅行影d 相又幾令播...不過興趣不太大~~~

>>September 29, 2005 at 5:11:48 PM GMT+8

2005 年 9 月 26 日 星期一 【晴】

終於買左對新喇叭返公司...
由今日開始就可以一路聽歌一路做野了...不過當然係細細聲喇...
昨天係屋企翻找陳年唱片架, 找到了兩隻酒井法子的舊CD, 想當年(其實現在也是)三成可是相當迷她的, 即時返公司怒播, 再加埋隻天空之城同仙樂飄飄sound track...夠聽一整天了~~~
真悠閒...不過其實係頗多野做的, haha

拖左n年條數, 今日終於清到...終於轉運了~~~^^
又有新item 要develop...第一次搞...有夠煩的...又要打版...又要整artwork...

今天下午有supplier請食飯...去左潮館食潮州野...但d 食物唔多0岩口味...
倒是和身旁的Kathy 細聲講大聲笑較有趣...

無了...已經完全被同事定格為大食怪及月餅怪魔...
本來6點就走得...但唔好意思咁早走, 於是求其搵d 野做住先...
點知就係因為咁, 即刻有d 新野黎...遲多9個字先走...明天繼續~~~呼呼

>>September 27, 2005 at 5:46:59 PM GMT+8

2005 年 9 月 24 日 星期六 【晴】

每一個周末都是下雨, 下雨, 和下雨.
到上班時又陽光普照, 真氣人.

計算起來, 這個夏天到底渡過了多少個有陽光的周末 / 日呢?

已經到了9月尾...不斷下雨及天氣慢慢轉涼下....
我的夏天...結束了...不甘心...

今天繼續緺在家中...睇KERORO...
同時亦用了兩小時來看整存多時的Time..
看了這麼久, 才看了半本..很多文章看完了也不太明白它的主題是什麼...
要學好英文, 還有一大段路要走~~

>>September 25, 2005 at 5:54:21 PM GMT+8

2005 年 9 月 23 日 星期五 【晴】

打風了...
本來今天是和同事們燒野食的, 打風當然要取消了...

說去唱K的Dolly又音訊全無, 註定三成要全天侯在家發呆的了.

花了不少時間玩一隻垃圾Game, 鄭問之三國志...
真係玩到火都黎, 戰鬥基本上是不能控制的, 運氣勝於一切, 玩者能做的只是平時做些宏觀戰略調控而已...明明如此廢, 但偏生自己又要花時間去玩, 不玩爆他誓不罷休...把時間都浪費了~~~

繼續追看Keroro, 這的確是一套中毒性很深的動畫...
特別是對其他日本動畫有認識的人而言~~Keroro的惡搞吸引力更是異常驚人...
正呀...聽日...繼續...睇....

>>September 24, 2005 at 7:18:57 PM GMT+8