2005 年 7 月 22 日 星期五 【晴】

今日安排了滿滿的行程~~~
下午約左王dull 及曹viv打波~~~真係好熱...唔知係唔係太熱既關係, 未打已經唔多想陏...
相信身邊兩位球友亦都係一樣~~~真係唔知咩事, 未開波已經覺得很累~~~
結果球賽就係大家懶懶閒既情況下結束~~~不過咁耐冇玩過, 玩下都好既~

打完波, 食個tea, 行陣街, 就會合Katrina 行書展...

覺得自己好衰~~~好百佳~~~但又無理由唔鐘意都夾硬黎嫁~~~
點搞...點搞...回家關左手機零星cut 左飛線收入櫃桶...過左一陣就一大堆miss call...
點算...點算...點算...點搞...點搞...點搞...

不過搞清楚自己點諗都係一件好事...但係都係果句, 點算, 點算...點算...點搞...點搞...點搞...
見到GC online, 都同佢傾左好耐, 多謝佢既寶貴意見...
好想搵彩虹傾訴, 好想聽佢既意見, 好想佢教我點做...
但須要彩虹時, 彩虹卻常常不見~~~
這幾天明明天天下雨, 為何雨後的晴天卻不見彩虹???
她明明說過不會棄我而去的~~~
點算, 點算...點算...點搞...點搞...點搞...

唉...真係唔知應該點做, 更加唔知應該點先得到三成想要既結果~~~
其實, 要settle 哂所有野好簡單, 做一個百份百既百佳0米得囉~~~可惜三成又做唔出~~~
點算, 點算...點算...點搞...點搞...點搞...

>>July 23, 2005 at 6:04:13 PM GMT+8

2005 年 7 月 21 日 星期四 【晴】

唔經唔覺又到左星期五...今日..比昨日更閒...
但同樣地, 又係到最後放工一刻先有野做...
兩個月黎第一次OT 過7點, 唔多慣TIM...
D客真係麻X煩, 最怕內地客打黎, 普通話太雞, 難以溝通~~~
仆街SUPPLIER 呃我貨期, 搞到三成雞毛鴨血, 之後電腦又死雞...總之5點後, 三成不斷係位度爆粗, 希望周圍D人聽唔到喇...
真係好慶...D 客又摧, 廠果邊又老點靠害...慶到幾乎打爛部電腦咁滯...
當唔知點收科時, Jamie 出手相助...打幾個電話要求倉果邊同shipping 既同事幫手即刻出貨...
果陣已經成6點...阻人收工, 真係唔好意思...之後請求倉d 大佬出貨時, 又要忍受他們的嘲弄(可能只是三成敏感), 特別是早前亂出貨的事紙包不住火, 結果係Manager 發覺前一刻立刻坦誠錯誤...
否則待她發現時再慢慢追查, 好容易俾佢發現三成欺上瞞下...到時便慘了...
好在...最後都無受重責...都係寫返份report了事...
不過以後一定要打醒12分精神才是...
總之今天極不好過~~~乜q 野都6點先腥黎, 單單重要單單急, 想屌7d 仆街客佢地...
朝早就打座...放工先黎玩野...正一百佳...

放工本來想去睇鞋, 不過買完禮物之後, 銀包得返10紋...禁機又打哂蛇餅, 都係返屋企算~~

>>July 22, 2005 at 3:07:08 PM GMT+8

2005 年 7 月 20 日 星期三 【晴】

終於可以寫日記了, 日記經常壞死~~~已經忘記左有咩要寫了~~~

倩明, 倩名, 善明, 倩嗚, 何者才是正確???
算吧喇....字其實都係人創造既唧~~~

最近成日俾Manager Cora串~~
如某日...
我: 點解新同事(又請左人~~~)唔同我地食飯??
C: 可能因為你樣衰...
我: ......睇黎你對我有好深既誤會

昨日難得同Manager食飯, 去左一間平時去親都落雨既餐廳仔食飯, 但結果當日陽光普照...
同事: 難得今日黎e 度無落雨播...
我: 咁係因為有Cora 同我地一齊, 佢就好似陽光咁, 光照住我地~~
Cora: ...睇黎我以後要小心d 請人~~~

今日工作極度清閒...全日都無咩野做, 只係同d 客戶大玩email~~~
由朝...玩到...晚...
但到到就收工時, 又突然又有野做播~~~又要OT喇~~~YEAH~~~

回家抖左陣, 就同王DULL 玩FM..
係聯賽及各大賽事到到最後直路時, 中途變左傾電話, 玩緊咩都唔知...只係不斷按制~~~
XD...到到收線, 個賽季已經完左囉~~~汗

>>July 22, 2005 at 2:45:49 PM GMT+8

2005 年 7 月 18 日 星期一 【晴】

分別以來, 仍時不時會想去小米...
但次數卻愈來愈少了...難道時間真的可以淡忘一切?
不知她現在在幹什麼呢?..
她留下來的盤災...在我的悉心照料下, 已經快枯死了~~~XD

>>July 18, 2005 at 5:34:59 PM GMT+8

2005 年 7 月 17 日 星期日 【晴】

晨早起床, 看到床頭的動畫及電影收藏少了很多...
EVA 一整套, 高達0079, DN ANGEL, 月黑高飛...麻煩借了它們的朋友盡快歸還~~
還有借了給王dull 三年的烙印戰士~~~XD

睡眠不足, 係咁做錯野~~~
真係好似搏炒咁~~~唉~~

又收到國內客人的電話...老實講, 完全唔知佢up 咩...
之後一見佢個電話號碼就唔聽...真係專業既服務態度...

好多野做, 但快手快腳下, 都可以6點零走, 行一陣先返屋企~~~
本身既購物慾已經唔強...再加上遇到過份熱情既售貨員就更加唔想買...
大佬...由我靜靜睇下喇~~想舒舒服服睇下野都唔得
不問而告是慠, 問一告二是囋...一個好既sales 應該只有係客人有疑問既時候先出聲或出面幫助.
而唔應該加把口多多意見~~~
本來想買d 野, 都搞到雅興全消~~~走人...

須要她的時候, 總是找不到她...唉~~~
不知怎的, 經常都會有時不與我的感覺...
不知如何是好~~~

>>July 18, 2005 at 4:05:52 PM GMT+8

2005 年 7 月 16 日 星期六 【晴】

唉...自問個人修養同鎮靜工夫都已經算係一流~~~物慾低落, 情緒長期穩定..
但為何仍會有迷惑及不安的情況出現?

一合眼便計劃著整整一個月的事情~~~同時亦興奮得難以入眠~~~
無辦法, 生活太無聊...工作太無聊...不論在工作, 及生活上, 都一定要尋找新的刺激...
但問題是尋求生活上的目標的同時, 亦影響了我的睡眠質素...

不過第一件事要做我, 還是找尋我的策士, 首選的當然是代號彩虹的小親親喇~~~
之後再找其他人商議一下也不錯...

>>July 17, 2005 at 6:32:11 PM GMT+8

2005 年 7 月 16 日 星期六 【晴】

渡過了一個愉快的下午...
烈日當空下曬太陽固然舒服, 午後嬉水暢泳亦不錯~~~

近排答車時繼續鑽研論語...看得很慢, 看了十幾天都只是看了十多頁~~~
唔睇唔知, 原來好多常用既成語都係出自論語嫁~~~而且講d 野仲幾有道理tim~~~
不過做唔做到就兩回事喇~~其實...我用書中的標準黎評許過自己既日常生活, 基本上沒有一樣是及格的~~~XD

充滿著迷惑, 不知如何是好...想向彩虹求教, 但偏偏又找不著彩虹...
不過彩虹也好像自身難保~~~但小弟只係想找人傾下~~~可惜, 彩虹消失了.

從前感到迷惑時, 經常希望獨力解決, 始終自己並不是習慣向他人求助的那一類人.
但有時一個人面對所有的難題實在十分吃力, 想來這亦是古人重視參謀的原因...

前幾天閱畢Joey的日記, 實在令人感觸良多...
無可否認, Joey 實乃一顧家的孝女, 其孝行實在令吾等城中賤人肅然起敬.
今時今日, 係e 個親情紙咁薄既社會, 仍然可以對自己既父母咁好實在難得...
仲要兼顧埋家中既家頭細務, 真係講出黎都無人信, 仲可能俾d 路人甲 乙 丙話痴線...
E 類人係而家既社會簡直俾國寶大熊貓還要珍貴, 一定要好好保護才是~~~

認識的朋友中, 顧家的及對家人盡心侍奉的其實也有不少, 如王Dull, 大隻佬, 廢剛, 毒丸, 倩明等~~~
當然, 這些只是自己的個人意見, 可能與現實不乎~~~
總之, 他們總比我好, 三成在家中對父母永沒好聲氣...代溝?

>>July 17, 2005 at 2:22:40 PM GMT+8

2005 年 7 月 15 日 星期五 【晴】

又到了周末...辛勤工作5天, 之後換來兩天的自由, 之後便是繼續工作...
這個循環真的很無聊呢...不想過得太辛苦的話便唯有自我催眠, 使自己能從工作中享受樂趣好了.
不過中東同東南亞既客真係特別麻煩...不過同佢地講電話都幾有滿足感~~~
次次總會覺得自己d 英文仲ok, 都搞得掂e 班麻煩友...(無聊的滿足...)
不過班友d 英文真係怪怪地, 成日都聽得人好辛苦...可能每處地方都有它們獨特的口音吧~~

朝早落街剪髮, 講真...我對頭髮一向無咩要求, 求其平同快就算...唔想花太多時間同金錢係e d 無謂既外觀上~~~但件粉皮師傅真係剪得好樣衰...照一照鏡都覺得好核突...
一出剪型屋就即刻回家洗頭...OH, SO BAD

今日既節目就係去肥佬既新居宣淫, 雖然唔知去黎做咩, 但當初還是興趣滿滿的答應了.
南區...可以話係我咁大個仔從未去過既地方(唔記得細個有無去過...總之最接近e 一帶既時候, 就係去海洋公園既時候)
去到肥佬新居, 如果單從外表黎睇, 都好難想像到佢既樓齡, 點解我住果層就成層危樓咁呢~~~

成班人係度無聊既時候, 三成就發現左一整套既星矢漫畫...
結果就如獲至寶既取左黎睇...感覺上就好似去左漫畫屋咁...
夜晚就call 左pizza 外賣~~又係軟殼蟹, 又係果個餐, 真係有d 食到怕...
跟手玩下UNO, 話咁快就過左一日...

>>July 16, 2005 at 6:07:58 PM GMT+8

2005 年 7 月 13 日 星期三 【晴】

哇, 開市喇...
今日真係好多單, 加埋之前積埋既單, 真係好多野做..
返公司就做做做做到放工...
工暇時成日同Jamie 單單打打...無聊得黎都幾搞笑~~

包括...
剛回公司時, 看到日日遲大到的Jamie 已經安座位中時...
三成 (目定口呆狀...)
Jamie: 下??唔俾早返呀!!!咩事呀你!!!
過左一陣...
三成: 你係唔係答小巴返工?
Jamie: 係呀...
三成: 個司機亡命飛車?
Jamie: 你係唔係想死???

雖然工作頗多, 但三成效率的確唔差, 6點半收工...(其實仲有好多單未做~~~XD)

再次對Manager 陽奉陰違...按自己的意志做事...俾佢發現一定俾佢大省~~~
今次仲係請示過, 佢講到明話no, 三成都偷偷照做tim~~~呵...

6點半收工...
找到了彩虹, 但過了不久, 彩虹便又消失了~~~

>>July 14, 2005 at 4:39:32 PM GMT+8

2005 年 7 月 13 日 星期三 【晴】

可能是大病未癒, 最近都經常覺得疲累...
真想盡快脫離這樣的狀態...

今日返到公司都頗多野做...
同Manager 閒聯時, 突然傾到遲到的問題...原來三成在team 中準時上班度是倒數第二...
天地良心...三成從來沒不想天天遲到!!!但奈何近日精神實在不佳, 日日係地鐵大昏迷訓到過哂龍, 唔遲到都唔得...
或者換另一個角度黎講, 會唔會係其他人太早返呢?

今天在工作時遇到一件奇怪的事...雖然以下事件好似講人事非, 有失厚道, 但想來事主及其朋友也不會看到這篇東東, 故三成實在不吐不快.

話說和某客戶用email 傾談生意時...
聯聯下突然腥個message 黎 " can I chat with you?"
開頭仲以為係因為個報價有問題, 想打黎同我電話傾...

原來佢只係無聊, 想用email 好似玩icq 咁同三成傾計...
三成亦無可無不可, 反正三成手腳向來很快, 亦不會太影響工作進度, 結果便玩上了一整天...
更向三成要了電話...

而工作亦相安無事, 順順利利, 6點幾就收工...
但在回到家門前..隨即收到她的電話~~~
算喇, 當傾計吹下水, 就停低同佢傾一陣...但真係一句講哂...
騎尼...總之佢對三成e個陌生人一輪咀咁講左好多佢自己既私事...包括感情煩惱, 工作煩惱諸如此類...及力數本地男仕之不是...及後又不斷詢問三成的個人資料, 包括幾高...星座, 生肖等...
更奇特既仲係...

客: 不如我地約出黎見面喇...
三成: 下???
客: 你會唔會驚我侵犯你嫁...
三成:!!!!(汗)唔...唔係下麻...唔會掛(唔識答...)

總之...只能講一句...今時今日...真係奇人異士特別多...

>>July 13, 2005 at 4:22:24 PM GMT+8