2005 年 7 月 11 日 星期一 【晴】

假期後上班通常都很累...
這兩天都係係地鐵入面大昏迷...今日仲發埋夢tim...結果當然係...

訓過龍喇...

星期一例多野做...但星期一過後既今日...就好得閒喇...
又係廁所訓左近半個鐘...

最近工作不算太忙, 但做d 野就愈來愈麻煩...
跟個account 突然多左超多新客, 而且件件PK 件件麻煩, 要求多多...
真係搞佢地唔掂...遲早俾人炒..

上次個中東客(證實黎自孟加拉...)雖然令三成受到慘重既教訓...
但我唔會就咁氣餒, 一定會繼續維持自己的風格, 自把自為的!!

不過欺上瞞下既事...都係可一不可再...
一定要再三提醒自己先得...得意忘形時便大件事了...

下班前的半小時, 先突然有新單...
及其他立立雜雜的工作...

不過...一樣7點前收工!!!yeah
返屋企, 繼續瘋狂GTA...好變態呀...

之後...每日例行既尋找彩虹之旅...
未來兩個周末都full booking了...很多事想做, 但又沒時間做...
但當有時間時, 又往往會出亂子, 例如約唔到人喇, 無心情喇..
總之就係...無奈喇...

>>July 12, 2005 at 4:56:34 PM GMT+8

2005 年 7 月 8 日 星期五 【晴】

病左好耐...
今日都係冇得抖...
點解?因為一早要去銅鑼灣換PDA...其實雖然話早, 但都成十一點幾先出門口~~~haha
不過始終覺得訓得太少~~~病人係應該休息多d既~~

取完機, 都係12點幾...順手係符近兜一陣...之後去左d上樓書店睇書~~~
wa...港,台版書65折咁抵?買本2,3百頁既書都只係4十幾, 本來想買多幾本, 不過都係揀唔0岩, 由佢~~~

出黎之後, 竟然豪雨成災...但三成又無帶蔗~~~
算, 死就死~~~
衝呀~~~
成身濕哂...

係SOGO 兜左陣, Fion 竟然仲未放工~~~搞錯~~~
無聊之下, 再行去灣仔食lunch...想食果幾間全部爆哂, 被迫食哈迪屍~~~昨日食M記, 今日食哈迪屍...真係搵命搏咁, 所以再病都係抵死~~~

行程有變~~改係上環會合~~~其實已經好疲, 真係想返家訓覺算~~~
不過難得既周末, 周圍行下都係一件好事...

真係周圍行...上環---->西環--->上環----->中環------>金鐘-------->灣仔~~~
最後目的地是灣仔電腦城...衝啊~~~
途中終於去左想食好耐既蝦麵店~~不過都係...聞名不如見面~~~而且仲頗貴TIM...
當試下~~~呼~~~

返到屋企, 都成8點...累壞了~~~
不過一路漫無目的咁行, 一路傾計, 都幾好0Y~~~可惜喉嚨唔多舒服~~~

回家...訓左陣...又是MSN 時間...

>>July 10, 2005 at 5:38:19 PM GMT+8

2005 年 7 月 7 日 星期四 【晴】

星期二-五...

發現左公司既大陰謀, 就係要秘密消滅公司既所有員工!!!
洗完冷氣之後d冷氣開到超級大, 凍到人都顛...立即搵d A4紙封住冷氣D 出風口, 即時引來其他同事既仿效...
可惜..發現得太遲...封左口, 帶埋衫果陣已經病重...

病...病...病..抱病上班真辛苦...點解唔睇醫生?因為我唔鐘意睇醫生囉~~~

已很久沒病得這麼嚴重了~~

>>July 9, 2005 at 12:04:01 PM GMT+8

2005 年 7 月 3 日 星期日 【晴】

昨日暴曬一輪...今日一返工...
大家一見到就話: 哇!!!小威廉, 你紅左又....燶左喎~~~
下?咩無人覺得我黑左咩???

放左3日假, 懶懶閒但一返黎就勁多野做...旺季再臨???
真係連廁所都無時間去...更加有唔聽電話既衝動...

俾d 客無理指責...總覺得很氣頂...態度真差劣, 要再教育...
女人諸多抱怨時總是令人十分討厭~~

上星期已經有d 病病地, 昨日暴曬好似更加令病情加重
曬完周身慶...慶慶下好似發埋燒...
返工返到想死咁滯...但又好多野做...

完全唔明點解可以係咁既精神狀態下做野...

一單麻煩野, 搞左成日都係要Manager 出馬...
雖然嚴格黎講唔係我既責任, 但總覺得自己很廢...
幸好Manager 都無鬧我~~~如果換著Joey 的Manager 的話...嘿嘿...

不過始終都係要打醒12分精神, 唔可以因為件事過左就不聞不問~~
責任愈大...錯誤愈多...成日都覺得自己係公司入面危危乎咁~~~
有好多野始終都係要慢慢累積經驗的~~

下班時剩下小量工作...成日無停過手~~~不過都係唔夠7點走人~~~
但係工作既密度真係幾高~~

>>July 4, 2005 at 2:58:54 PM GMT+8

2005 年 7 月 2 日 星期六 【晴】

回想昨日的聚會, 食飯時實在很多搞笑對話及爆笑場面, 但礙於昨夜太疲, 便由他算了.
偶然聚一聚都幾開心~~~得閒再出黎玩過喇~~

今日真係好熱, 咁熱最0岩做d咩?BBQ?韓燒?打邊爐?食麻辣火鍋???
統統唔係, 咁熱就當然係去沙灘游水喇!!!!

今次再接再勵, 遠征淺水灣既同事, 亦好似上次咁, 使用李柏豪果支 只得"8"既一級太陽油, 又名bbq 油, 得8度...用黎茶雞翼好過...不過有總好過無~~~

次次游出浮台, 總會成日擔心抽筋...haha, 不過次次都無事, 而且仲長游長有tim~~^^
又俾d 貝殼吉親隻手, 好痛~~~
烈日當空, 真係曬到變人乾...離開後得到一身赤紅色既肌膚~~~

買左本論語, 咁耐只係睇左5頁, 入面d 野真係要慢慢消失, 吸收多d 中國文化既野, 的確令人樂不可支.
可惜, 中華文化, 仁義禮智等美德係而家既中國人身上已經好難搵得到...
明天又要上班, 一諗起公司d 野就煩~~~
很多麻煩野, 都唔知點搞好...

>>July 3, 2005 at 4:51:54 PM GMT+8

2005 年 7 月 1 日 星期五 【晴】

呢排都係狂同Fion玩MSN, haha, 真係愈傾愈深入~~
一online 就 chat...上網中毒?

游水, 又係有一大舊雲突然係泳池上空出現...走時又消失不見, 陽光普照...吹漲

同馬b慶祝生日(今日係佢生日, 但完全無人理過...可憐)
仲有腐皮, 豬妖, RB LEE等, 食韓燒, 真貴, $120...
俾多30可以去日本野任食了~~~XD

>>July 2, 2005 at 3:48:58 PM GMT+8

2005 年 6 月 29 日 星期三 【晴】

今日同曹viv, 王dull佢地睇左強戰世界...
睇完之後...一個字!!!強!!!!
真係無改錯戲名, 的確係強...

睇完之後真係好似俾人強完咁, 聞者傷心, 見者流淚, 慘痛程度就好似俾人打刧左d 戲飛錢咁...
有多餘既錢, 掉落個海度都有d 聲聽下, 俾錢睇強片就真係好似俾錢人強你咁...
唔介意故事內容又唔介意全程du 低頭唔睇畫面既話, 強片都係唔錯既選擇...

雖然套野極無離頭, 但聽聞都係忠於原著...即係本原著真係好極有限.

睇完戲既第二日, 同王dull交談時, 佢對套片仲係念念不忘, 媽聲四起...
唉...睇開d 喇...當發左場夢0米算囉...

雖然講到強片唔多掂咁, 但你想消磨時間都可以入戲院望下既, 話哂兩個幾鐘...
e 套野...我俾50分...

>>July 2, 2005 at 3:42:49 PM GMT+8

2005 年 6 月 28 日 星期二 【晴】

唔經唔覺又星期三...好快又有3日假...
朝早返公司打左一陣座, d 工作就好似山洪暖發咁爆過黎...
由10點做到收工, 真係未停過~~

好耐都未試過連廁所都無時間去既感覺了~~
中東客真的很煩, 又要平, 又要discount...無就無嫁喇, 真煩...加上那些難懂的古怪英語...
快快搞掂單貨送走佢好過~~

上班生活真苦, 日日都俾人鬧同受氣...以下就係一個例子

Jamie: (訴苦) Ammar (某客)又唔找數喇...
我: 咁大獲?
Jamie: 係囉, 成兩萬幾美金呀...
我: 咁Hold 佢貨囉
Jamie: 但佢又成日打來嘈之巴閉播...
我: 咁照出貨俾佢囉
Jamie: 咁條數點呀!!
我: 係你人工扣0米得囉...
Jamie: .....食屎喇你...

....又俾人鬧...真慘...嚴格黎講, Jamie 係我既supervisor, 係頂頭上司, 但都唔使成日叫人食屎嫁...

又一例子

Jamie: Skypac (公司專用messenger)度成日有d 陌生人(公司外既人) add我...奇...
我: 你真係招引d 狂蜂浪蝶既唧
Jamie: 係囉, 無法喇, 成日有d 狂蜂浪蝶湧埋黎...
我: 你paste 你將相上去就唔會再有嫁喇...
Jamie: 去死喇你...

唉...人善被人欺?上司大哂?

>>June 29, 2005 at 4:54:05 PM GMT+8

2005 年 6 月 26 日 星期日 【晴】

昨日玩樂過後已經覺得wing wing地...但一直意識唔到自己係病...
今日...做做下野更加wing...終於頂唔順要食藥...
是昨日俾大雨狂淋的後果嗎???

好在, 放工前已經無咩事...

下午同Joey lunch...好耐都未試過同佢食午餐喇~~~
不過真係唔多精神, 成日覺得就快要訓低咁~~
講到轉唔轉工既問題, 其實三成唔多鼓勵其他人轉工的(雖然自己本身已經轉左4次), 不過既然做得唔開心, 搵過第2份都無妨~~~
始終覺得, 返工返得開心係重要過金錢上既回報~~~(人工極低既工另計)

Manager 去旅行, 即時屈佢買手信~~

M: 魚乾好唔好?
我: 好...
M: 果度D 尤魚都好平
我: 都要
M: 你想食濕既定係乾果隻呀~~
我: 最好兩樣都有喇~~
J: 貪心鬼!!
我: (指住個紙皮箱) 不如用E個箱去裝手信喇
M: 你唔係病既咩?仲咩而家咁精神...
我: 咳咳...

總之...下星期有好野食~~~

做做下野, 座鈄對面既kATHY突然腥個EMAIL黎...得兩個字...
K: (做哂D野)發(緊)霉
我: 我都就做哂D野...有咩打算?
K: 種姑囉...
我: 咁我打座...
K: 不如一齊用念力推快個鐘...
我: 好...

就係咁...我地好快就放左工喇!!!

>>June 27, 2005 at 4:39:44 PM GMT+8

2005 年 6 月 24 日 星期五 【晴】

今天在地鐵昏迷, 又忘了下車,結果又遲到...沒辦法, 最近出門口前都捕在電視旁等黑雨到最後一刻...嘿嘿

回到公司, 很快便清了所有工作, 看看鐘...10:30!!???
唔係掛~~~
之後有d 咩野都拖慢黎做, 無聊時就搬下d 版箱, 更無聊時便潛入廁所閱報...
一大份報紙, 就咁斷斷續續咁係公司睇完...真係得閒...

午飯時看電視新聞...發覺屋企符近大水浸..搞錯!!!咁都仲要返工!!???

下班後去了看騙福俠, 看了開場男主角的幼年慘事...眼淚不期然的流了下來...
很感動?不是...只是...睇到恰眼訓...

開場真係拍得超差, 邊睇邊在心中爆粗...一邊雙拳緊握, 仿似受刑...
去到中段先無咁難頂...不過睇完之後唔會令人留下任何印象...
算係可以唔睇之作...
最厭倦果d 正邪不兩立既二元故事, 好人果邊就好到盡, 奸既就作奸犯科, 衰到出汁...
悶...

>>June 25, 2005 at 5:05:24 PM GMT+8