2005 年 8 月 12 日 星期五 【晴】

日記日記, 真係日日打, 日日記~
今天很開心, 朱古力掌門人好好睇, d 珍珠奶茶好好味, 件多士好好食...

不過今天很早起床, 所以有點疲.

買了近一個月, 不斷改動包裝...雖然有點突兀, 但還是送出了...
俾個心心你. =3=

夜晚出了去同肥佬, dolly 等食飯...看見大家都升職又加薪, 真是令人羨慕呢.
但也很登他們高興.

但沒什麼心情呢~~
吃飽便早早回家好了.

我不過想跟人分享自己喜歡的東西...但人家卻無緣無故發脾4...
又不是有惡意及強迫別人接受我的喜好, 這麼大反應幹麼...

英超開咧...球迷有福了.
但利記場波真係悶波之最...一邊睇一邊睡...都唔知睇黎做咩...
zzzzzz

>>August 14, 2005 at 5:24:50 PM GMT+8

2005 年 8 月 11 日 星期四 【晴】

今日O 到9點...好累...
有多久沒試過O 到9點才放工呢??

6點時已經打定輸數, 打埋電話返屋企話: 唔使理我...
點解要OT? 全因某批貨的QUALITY出了問題, 要做REPORT...
由於是一個新PROGRAM, 加上規模超大, 所以上動天聽, 全世界都望到實, 抽了10000隻出來...
慢慢一隻一隻睇, 加上每隻LABEL 都有NUMBER, 每個NUMBER 都係順序且獨一無二 (多舊魚)
所以就更加麻煩...
同Joyce 每人5盒, 一盒5000字, 慢慢check, 慢慢數, 之後再慢慢打report...
一分鐘最快可以搞掂10隻, 100隻就要10分鐘...1000隻就要...加埋做report, 回氣,
人都顛...
Jamie 取左一盒去check...check 了幾個鐘都未整完...很笨笨的工作...
Denise 及Sky 在完成了所有工作後, 明明可以下班, 但都主動走過來幫手..
一人取左一盒去數...確實令人感動不已(相信佢地一定後悔...因為一數就數成兩粒鐘)
整個B Team 一起總動員, 令三成著實感受到何為團隊精神...
所以每當做到發哂顛, 頂唔順的時候, 就會同自己講, 身邊d人個個都係咁做, 佢地付出更多~~
一定要俾心機做好d 頂落去~~~
但...真係人都顛...

為左做e 單野, 完全無聽電話, 由得佢長響...Email 又唔理...但都要做到成9點...my god...

雖然好耐, 但都走左去買咭...
明明累得快要暈倒, 為何還有力量做這些事呢?
因為我開了Turbo...

返到屋企都成10點...食飯...沖涼...上網...睇報紙...
之後就係packing 時間...
整左好耐...好...我認...無錯...我畫功同手工都唔多好, d 字仲潦過王犧之.
但都花左唔少心機~~為何會做這些事????全因為我開了Turbo.

期待明天, 更希望明天唔好下雨...

>>August 13, 2005 at 3:12:14 AM GMT+8

2005 年 8 月 10 日 星期三 【晴】

這兩天也沒有什麼好記的, 工作不算太忙, 但總有事幹...
覺得很累...精力都消失得7788了...
每天機械式的上班, 整天對著電腦, 真的很累.
雖然多數是7點前閃, 但仍然很疲...已忘記了怎樣休息...
回家仍是對著電腦或看書...但已有點力不從心的感覺.
平日三成relax 的方法 多是上網, 打機, 閱報, 看書, 睇碟之類.
但返工對左堆email 同電腦成日...放工已經無咩精神做e d野...睇報紙都無以前咁一隻一隻字慢慢細味.
但不做這些, 又可以做些什麼? 難道在家中發呆嗎.
唯一令人精神一振的, 大概便是沖涼的時候了~~

這兩天很衰, 工作都是下班前才排山倒海地出現...
5點幾個客先俾份廿幾頁既單黎, 玩我??
今天下午打了一份長達十頁的單...加埋po, 幾乎成廿頁.很累...打完仲要對...
更累.

未完成手上的工作, 便偷偷下班...
到尖沙咀買戲飛睇戲...條街很熱...真是又熱又累...
買完飛順道買了一些包裝禮物的packing...
份野買左好耐, 但無咩包裝, 好似太寒酸~~
希望不會太突兀就好了...
她應該會喜歡吧.

明早才慢慢包吧...回到家都無咩精神了...
Time...論語, sor, 遲點才慢慢細味你們吧.
時間無限, 精神卻是有限, 很多東西想做, 但又有多少力量去把他們一一完成?

>>August 11, 2005 at 4:30:13 PM GMT+8

2005 年 8 月 8 日 星期一 【晴】

今天開了兩個小時會...
發了不少言...很累...

但令人洩氣的是...用左咁多時間開會, 仍然可以準時放工..
真是清閒得可以..

後面的Jamie 及周邊的同事也很閒的樣子...
三成更是不時走過去和Jamie 吹水...Jamie 也不時招三成過去聊天...
當然...開始時都是工作上的問題....例如有野問佢, 或佢有野問我...
但解決了問題後, 便是廢話時段~~~

和Jamie 愈來愈言笑不禁...但實際上佢係監督三成工作的supervisor....但三成就當面叫佢 "奸妃"...
佢就叫我做...都係唔講...hahaha


看到Joey 經常為家庭問題感到不快及煩惱...大家庭便是這樣子...關係複雜.
當孝女也不易, 而且更不是人人都會孝順父母的.
像三成一樣, 丟舊錢俾屋企就了事...更加好少可做家務...(嚴格黎講, 屋企無人會做家務..除左洗碗同洗衫)
不過下班後真的很累...父母嘮叨兩句便覺得很煩厭...更惶論是幫忙幹活了.

不過老媽子叫三成幹的事, 三成從不違抗...不過阿媽都係中意自己搞掂多, 好少要我幫手~~

放工之後約左腐皮食飯...仲有豬妖, rb 及答台的馬B...
近排見佢地都見得頗密...大家都算幾close...
hehehaha又一day...想買聖鬥士漫畫...但好像斷了市..只買到本第一期...

>>August 9, 2005 at 4:58:54 PM GMT+8

2005 年 8 月 8 日 星期一 【晴】

又訓唔著..成兩點, 都眼光光...真係慘...
滿腦子都在想著各種事情...I am seeking courage I have.

只想不做, 光說不練又有什麼用...
起身聽返首 " I have confidence" 就再訓過~~~
我要加油, 希望就在明天, 一定會有好事發生的~

>>August 8, 2005 at 6:20:42 PM GMT+8

2005 年 8 月 7 日 星期日 【晴】

終於星期一...又返工了...
今日勁多野做, d 客落單, 打report...
Manager 又要我做埋stock control, 總之有得忙了.

Jamie 話Manager 贊我勤力左...咁即係話三成以前懶唧~~
不過工作都係要主動d 先得既.

對新同事仍是不理不啋...決定明天主動同佢打招呼...同一team 做野, 好似無咩接觸咁, 始終唔多好.

同Jamie 愈來愈言語無忌...成日串黎串去, 單單打打...
總之而家做錯d 咩或出左咩問題都會屈佢監督不周...

時間愈來愈少..已不容許三成再有任何迷惑...
星期三...一定要在星期三前建立完全的自信...不畏艱辛!!!

>>August 8, 2005 at 4:11:19 PM GMT+8

2005 年 8 月 6 日 星期六 【晴】

愈來愈不願睡...於是睡眠不足~~~
昨日也是三點先訓~~~但晨早就俾人morning call 嘈醒...
竟然是答車無聊中的彩虹...答車混吉時打電話找人傾計的行為, 令我想起dolly 那張可厭的面.

下午去沙灘游水...本來很多人話去的, 但搞下少一個, 搞下少一個...
得返肥雞, nuts 姐姐, arnold....仲有...阿hin..
食埋野入到去都成2點幾...阿hin 竟然唔落水, 係岸邊乾曬...唔明佢點頂到...熱到爆.

落去游時, 個海超多垃圾...有冇搞錯...同係污水度游根本無分別...勁恐怖...淺水灣, 以後都唔去~~
全日曬左一陣, 大部分時間都係嬉水...亦同Arnold 傾左唔少野..嘿嘿...
三成會好好加油的~

亦都恭喜佢找到好工.

有人發現沙灘上面既溫度計係40度...相信係幻覺...但走果陣個頭真係好慶...

>>August 8, 2005 at 4:02:41 PM GMT+8

2005 年 8 月 5 日 星期五 【晴】

昨日又係夜夜先訓, 訓到12點幾先醒...
OH, 咁鬼好天, 5,6點時明明落狗屎的, 真係想去游水, 但係又約唔到人.

老媽子又手痕, 我明明熄左部手機先叉電, 佢又偏偏係要開左佢, 話咁可以睇到叉足未喎...
最討厭的就係佢開左又唔單聲, 剛剛我又係較震機的...
一起身就是一大堆MISS CALL...彩虹打來了6次...嘿...

下午同GC 一齊lunch, 之後佢去游水, 我就去左屋企符近d 書店打書釘, 再周圍散下步...
身水身汗先返屋企...

之後都係係冷氣房睇書~~~彩虹又再來電...之後都係煲電話粥...咁就一個下午...
為了一間房子...犧牲了所有的時間搵錢...值得否?

夜晚又係同符皮, 豬妖, rb等玩樂...今次仲有好耐無見既丘處機及阿龜...
食飽飽之後就例打機打牌...唔計錢一樣玩得過隱...但手風奇順....食左唔少大牌...
出聰都只係試過一次....嘿嘿.

12點幾先走...咁就一day....星期一...又要上班~~~

>>August 6, 2005 at 5:42:51 PM GMT+8

2005 年 8 月 4 日 星期四 【晴】

呵呵呵...
期待下周六...

>>August 5, 2005 at 6:44:29 PM GMT+8

2005 年 8 月 3 日 星期三 【晴】

今日工作又係無驚無險...
非常之順利...向Manager 建議的東東都順利獲得通過...
可以放手整理公司的所有sample book 了.

今天收的email...真的要處理的...只有一封...咁大吧...oh...清閒...
全日都係整sample book~~
4,5月時OT有功, 獲得補假一天...GD

彩虹來電...今次的地點是...西營盤...
很熱....
樓價不算太貴...90萬就有交易...因為沒有地鐵站的關係嗎?
工作多3, 4年, 相信三成也有能力置業了.

接觸過不少地產經紀. 全都是阿嬋...感覺上不太專業...
今天的, 更全是師奶feel...
當然...三成的作用只是對彩虹提意見...

千古難題...
就得人好, 定係有主見好?
面皮厚好, 定係唔厚好??

>>August 4, 2005 at 4:38:08 PM GMT+8