2005 年 1 月 23 日 星期日 【晴】

近排都是在家中練下英文同普通話, 不過由於太懶既關係, 進度唔多快...

今日一早見工, 但個死人鬧鐘居然失靈...
竟然唔響, 好在每逢e d日子都好醒訓, 唔係就大獲囉
睇真d, 原來個鐘有set am 同pm, 但一直以黎都冇出過事嫁播
點解今次會較左pm 響嫁!!!

今次又係去葵涌in, haha, 車費都貴死..
in 之前其實冇咩點準備過, 不過又in 得幾好播...
希望有second in 喇

本想in 完之後順道找松松or joey 食飯的, 但in 完之後仲係鬼死咁早, 得果十點幾, 於是決定放棄
係三聯又買左本書黎睇...$$$$$$
行動畫鋪亦有唔少野想買...不過都係忍下手好d

係哈迪屍食左個好難食既包...到底d料擺左幾多年嫁...><

回家太累, 練左陣英文就打算小睡一陣, 結果變左大昏迷...
zzzzzzzzzzzzzzzzzzzzzzz

>>January 25, 2005 at 10:22:41 AM GMT+8

2005 年 1 月 21 日 星期五 【晴】

Joey姐, 串喇, 教人寫字喇...
家下有毛有翼繞飛喇...

今日真係好慘, 好唔happy呀...

同Gali 睇功夫, 由於三成懶惰之固, 無預先買飛, 搞到睇唔成, 仲浪費左肥佬既一日假期tim...
雖然無咩遊興, 但都同肥佬周圍行街si時間, 皆因佢晚上約左emma姐...

終於等到emma姐黎, 打算回家既時候, 但又俾佢地拉左去一齊食野
本來打算一條冷食哈迪屍慳返筆...嗚嗚嗚
結果用多左成舊水呀...嗚嗚嗚

返到屋企又同阿妹嗌交, 搞到即時唔多happy tim

總之今日就唔多開心係喇...
為左d 小事同阿妹嘈...實在太無聊同唔值得喇...
好彩而家終於雨過天晴, 真係謝天謝地...^^

>>January 24, 2005 at 11:43:20 AM GMT+8

2005 年 1 月 19 日 星期三 【晴】

段段是非繞心間　默默低首說負累　說負累　
我嗟嘆大志不能遂　
名利負累　傲氣一生竟多畏懼

這豈不正是三成現在的寫照？
人到中年，默（我知唔係ｅ個默，不過懶得查喇）然回首，先驚覺自己半生一事無成．
所學雜而不精，博而無用，可說是浪費了一生

今日約左廢剛同王ｄｕｌｌ打波，自己既運動神經真係好屎，個身又硬，連人地一半都不如．
所以話細個唔運動，結果而家就搞成咁囉
幸好近來勤做體能，身體尚算結實，不過反應唔快始終都係死症，冇得救．．．

得網友之助，取得了曹操傳，即時狂玩．．．ｗａｋａｋａｋａｋａ

>>January 20, 2005 at 11:13:41 PM GMT+8

2005 年 1 月 18 日 星期二 【晴】

今日又係再練普通話, 仲買左份south china黎練英文
我咁懶當然唔會一野睇哂佢喇，　買左幾日都係睇左一格新聞然後讀幾次咁咋．．．

從前在內地工作時，　鄰座的靚女為三成錄了盒錄音帶等三成練習普通話，不過事隔幾年，　三成幾乎一次都未聽過咁滯．．．自己真係衰．．．
今日取左佢送果本有聲母有盛既故仔書黎練普通話，　遲ｄ聽埋餅帶應該會進步得更快．．
不過都係．．．自己懶．．．所以進景唔大．．．

練完一排就同阿妹傾下計，　之後就去尖沙咀搵曹８食飯
佢介紹果間野又幾好味播，　而且仲食得幾飽下ｔｉｍ，　都算唔錯
埋單都係７０大元，　算係咁

之後曹８對三成展開疲勞轟炸．．．件衫ｘｘｘ咁多錢，　你話買唔買好？
買左又好似好貴播，　但又好靚播．．．不過我屋企又好多ｅ　ｄ　衫播
但唔買又驚後悔播．．．不過買左可能又更加後悔播
幸好三成涵養好，　否則怕且有人會即時血濺當場

制止左佢買衫既衝動之後就去ｍ記座底傾計，個扭扭薯條散叫真係貴到叫阿媽，又少到爆
飲飽之後就各自歸家，一條冷答船返屋企，海邊漫步，沿途清風送爽，一個字，正

>>January 20, 2005 at 11:06:57 PM GMT+8

2005 年 1 月 17 日 星期一 【晴】

呢幾日都係一早俾電話吵醒, 但都係冇我想要的好消息
機會就此錯身而過, 一子錯, 滿盤皆落索, 只能慨嘆一句時不與我

受大內群英影響, 取左家中套江湖三女俠黎睇
頹廢玩物喪志的生活, 何時才會終結?

無所事事時, 便同小妹耍下寶...
乜大家覺得三成好鐘意蝦人咩?點解成日有人話偶蝦佢嫁...><>><><<><
....xdxdxdxd

>>January 18, 2005 at 7:14:26 PM GMT+8

2005 年 1 月 14 日 星期五 【晴】

今晚約左肺人祖兒及肺人阿剛, 仲有完美女神及乖仔王dull食dinner
本想訂位先, 但意粉屋七點後唔留台, 咁就唯有死死地氣等位喇
都唔知點解間野會咁旺, 始終覺得pizza hut 好食好多
不過點都好過食元氣既...我諗

都ok飽喇...
生活無聊, 斯人獨憔悴...唔通我今年犯太歲?

>>January 18, 2005 at 1:04:36 PM GMT+8

2005 年 1 月 13 日 星期四 【晴】

再看回到未來第3集, 為什麼會這麼好看呢...
Let's back to the future
腦中不斷響起那震奮人心的主題音樂...
看完後, 又是一陣失落的感覺...

大練普通話之後就online 同阿妹耍寶...haha
果兩首歌仔又幾好聽播...

夜晚繼續大內群英
唔好死呀, 姜大維!!!

>>January 14, 2005 at 7:11:47 PM GMT+8

2005 年 1 月 12 日 星期三 【晴】

好凍, 好凍呀...天氣好凍呀
大家記住著多件衫喇...

每日等電話, 但就一直冇電話...之前的工都冇咩消息...
不過想到自己成世人行運行左咁多年, 一直無風無浪, 而家黑仔返d都應該既...

呢幾日同哎口也阿妹成日chat, 都幾開心同過隱, 不過無工返始終都覺得好似不務正業咁,
咁平日幾開心都係假喇

今日一早起身就取返隻回到未來黎睇, 經典真係經典, 有幾多套野可以連續集都拍得咁高水準嫁?
而家d電影相比之下簡直係垃圾, 睇完戲就出門口去睇另一場戲, hehe
無錯喇, 就係歌聲魅影, 飛彈苛爬喇...
套野真係一級捧, 點解會冇人想睇既呢, 全套野都冇咩悶場, 只可以用正黎形容
不過最慘既就係睇戲途中有d 相信係見工消息既電話打來...睇戲大過天, 俾左錢老虎都唔聽...
我對睇電影同動畫都係好執著既, 除非可以stop, 唔係想我中途睇少段都幾難
不過個死人電話就搞到我成日心掛掛, 睇戲都搞到冇乜mood, 可惡
散場已經7點, 打返去只有留言錄音...

行街街...IFC係一個商場/中心, 係一個無野好行既商場/中心, 唯一有野0岩睇既就係city super...zzz

繼續望天打掛...

>>January 13, 2005 at 5:18:18 PM GMT+8

2005 年 1 月 10 日 星期一 【晴】

自言自語, 自問自答都唔一定係精神分裂既
有時反而仲可以令自己既思路更加清晰tim

找工的日子真的不太好受, 都唔敢安排任何節目, 驚隨時電話響起, 叫你見工
特別係訓緊覺既時候, d電話就真係好似午夜兇鈴咁
有時冇電話反而有鬆一口氣既感覺, 而家慢慢習慣左廢人一樣既頹廢生活, 真係蝦米跳海, 死左都唔掂
好在每日仲迫到自己練下普通話, 打少d機, 同keep 住send 信, 先冇咁意志消沈

打少左機, 但d時間就花哂係網上傳情度, 係就係無聊, 不過開心就得喇...
唔知係唔係人老左, 而家時不時都會有d 寂寞既感覺
不過諗返起上黎, 在下喜歡凝視佢, 就係因為佢俾人果種寂寞既感覺, 實在很有夕叢霧香的影子
寂寞, 可能本身便有一種難以言喻的吸引力

而家晚晚追電視劇, 真係睇少集都唔得
米雪超靚, 本來覺得姜大衛個樣賊賊地, 有d 鬼鼠, 不過而家都愈睇愈順眼, haha^^

>>January 11, 2005 at 7:23:16 PM GMT+8

2005 年 1 月 9 日 星期日 【晴】

前兩天都沒幹過什麼事, 都是在家看小說及打電玩
原本的快樂約會因某些原因而泡湯了, 不要緊, 以後機會多的是, haha

今天晨早(其實都十一點幾, haha)俾人打電話黎嘈醒叫我interview, 仲係即日in tim
講完句冇問題之後又再訓過, haha, 訓到成2點先起身, 食d野就出門口, 都冇咩準備(時間不足, 亦冇得準備)
今次係三成第一次即日interview, 但一d都唔緊張
去到又係填application form, 不過勁多野填, 超級煩.
之後又係interview, 又中又英, 不過冇我再怕怕既普通話, 好彩
第一次係人office 即席表演打字速度, 唔知打左幾多呢...不過好似打得唔多...
得一兩行就夠鐘收工...(英文就好似有3,4行...都叫ok)

回到家, 電話又響, 又係interview, 又係即日in, 仲要過海
即時飛出門口答地鐵, haha, 好在尖沙咀一d都唔遠0者, 話咁快就到..
呢份工睇黎都唔錯(近排in 親d工都好0岩我心意^^希望請我喇)
第一次interview要即席講解1學讀果d理論, 仲要話邊個理論適合自己...haha
亂up都up得唔錯, 不過講黎講去都係plato, 孔子, 反而唔記得左現實主義果d野tim
之後介紹自己一輪, 又突然叫我用英文介紹自己, 但要講既野剛剛已經講哂, 搞到有d散亂tim, 希望順順利利喇

份工唔錯呀, 個經理好靚呀
工作環境幾好, 個經理好靚呀
好合我心意, 個經理好靚呀
我都幾想做e 份工呀, 個經理好靚呀
快d請我喇, 個經理好靚呀
唔係under 佢就唔做囉
wakakakaka (迷之聲: 請你先算喇...)

>>January 10, 2005 at 11:26:22 AM GMT+8