2005 年 12 月 1 日 星期四 【晴】

今天Manager 看到三成那封措詞嚴厲的email, 即時打去屌個supplier...
很好...很好...經常甩期, 甩了又不通知, 無貨出打去問先講sorry...太巨份喇~~~

討厭的百怡行, 腥了10份revise 既單來, 但睇真d 根本係無野要改的, 徙人時間...
新account 麻麻煩煩, 本來原訂係7日起貨, 而家廠又甩期, 唯有用拖字缺, 星期一請示Manager 先決定點搞..

4點左右就清哂d 野, 可以搵d 唔急既野黎慢慢做...
真好...得閒就同同事們吹下水, 食下小食...

6點就同Kathy 一齊放工換衫跑步...
公司隔離有個政府運動場真係方便, 不過三成同Kathy都係第一次去.

太久沒運動, 很快無氣, 或者可以咁講, 三成不嬲都唔係好氣之人...
Kathy也好不到那兒, 比三成還不濟...跑了一圈已在月球漫步.

7點左右便一齊收皮了...
合共8圈...跑的兩圈, 慢跑兩圈, 快步兩圈, 慢慢行兩圈...
算是有些運動吧, 不過真是有夠累的.

之後本想找Joey 食飯的, 但當大家一齊研究食咩好之際, 佢就俾屋企人用12道金牌召左返去, 真可惜~~
唯有獨自開展覓食之旅...
決定主打小食...食左燒八爪魚丸同格仔餅, 再黎多杯西瓜珍珠.
個八爪魚丸係三成食過咁多檔最難食既...其實整e d 野都好考功夫嫁, 一睇整果條友食件豬兜咁, 都知好食有限, 果然, 難食...

飛小巴回家, 甫回家便陷入大昏迷...
唔係跑過步就累成咁下哇...唉...

>>December 3, 2005 at 5:31:23 PM GMT+8

2005 年 11 月 30 日 星期三 【晴】

很多野搞...不知為何做極也做不完似的.
特別是成為了Dennis的打雜後, 多了很多無聊野搞, 很煩~~

新同事真的沒浦頭(仲新咩q...人地都無黎返工), 即是三成變相多了不少工作.
其實現在已算是淡季, 但已覺得有點吃不消...旺季時那還了得?

今天是Sky的生日, 由於我既生日係星期六, 唔使返工, 所以同事決定順帶一齊慶祝埋三成既生日...去潮館飲茶, 大飲大食...呵...大家都對三成食極唔肥既身體構造感到不可思議...千其唔好捉我去解剖啊~~~~
食飯時, Cora突然問: 你係唔係黎緊就黎25歲?
咩我個樣老左咁多咩...慘囉...以前仲成日俾人話係baby face, 而家就搞到咁既鬼樣...
期間也談到了放假的問題..因此返工咁耐都未放過假...但放假一個人呆在家中很悶...
唉~~

今日無喇喇有個客整成10份單黎, 昨日d 野又未清得哂, 又要幫Dennis 同 Jamie 打雜...
都搞到成3點先開始有時間搞自己d野, 一路做又一路有d 打雜野要煩, 徙哂d時間...

5點仲要去同Sky一齊切生日蛋糕, 飲飲食食, 又無左9個字...
Joyce仲話食完就差不多夠鐘放工, 正...
係你咋!!我有排做..慘.

結果同事們走下一個, 走下又一個...好快死剩自己一丁友...
搞到成8點3先走...
Supplier 連續3次甩期, 而且永無通知, 話甩就甩...
追貨時, 就話: Sorry, 趕唔到...呀...sorry, 個同事唔記得送...
今次忍無可忍, 出左封措詞嚴厲既email cc 哂d 大粒去媽叉佢...
睇完封email 都覺得寫得唔錯, 期待明天各屆的反應.
真是佛都有火!!

8點幾先走人, 本來諗住找Joey, 但諗諗下都廢事阻住佢同科拿二人世界了, 孤零零一條冷去食麵醫肚, 真淒涼~~~嗚嗚嗚(重低音)

食飽之後答亡命小巴回家...
新紀錄...9分鐘由葵芳返到上環...最高時速116KM...
掟灣時果種離心力真係好似座過山車咁爽...但可以肯定既係...開到咁快...一炒一定香硬...

>>December 1, 2005 at 5:23:05 PM GMT+8

2005 年 11 月 29 日 星期二 【晴】

明明是淡季, 不知為何自己卻總是忙過不停...
看著符近的同事在位子上發呆的時候, 自己就在死做爛做~~~不過話就話好多野做...
但都可以7點左右清哂d 野離場, 昨日仲6點鬆d 就閃人tim, 不過係公司既時間就真係做唔停咁...

話說自己條team會黎件新同事, 各人的工作會重新分配...
三成手頭上的工作會pass 緊d 俾佢, 而另外會有d 新既工作pass 黎我度...
首先就係完全取代舊同事阿yen 既角色...阿yen 係Dennis既assistance...佢香左之後, 三成就take up 哂所有佢負責既野...淪為Dennis 既打雜...工作量倍增...
report 愈整愈多, 每星期基本上要整3個...係就係係system 度勾條數出黎再執靚佢, 毫無難度, 但問題係要時間...有幾可可以靜靜地成個鐘都無人騷擾你, 等你可以慢慢寫report 0y?
一邊打report, 一邊聽電話, 一邊開單, 一邊覆email, 一邊幫Dennis執頭執尾...做到人都顛...

更大既問題係, 新同事未返, 但d 野已經pass 左俾我, 而今日更加聽聞件新同事有其他更佳的工作機會, 所以放飛機, 明天開工日也不會浦頭...即係原本由我做既野繼續由我做, 原本唔係我做既野亦俾埋我做...
基本上近排做野時已經完全無用腦思考, 一切由潛意識同本能搞掂...
個腦長期一片空白~~~CCC...咁爆獲都唔怪得我0y~~~真係驚遲早出事~~~

好在, 而家都係淡季...仲應付得黎~~~遲d 就...死...死...死...

>>November 30, 2005 at 5:19:33 PM GMT+8

2005 年 11 月 27 日 星期日 【晴】

上班, 精神有點不振. 阿飛, 已經不是半年前的阿飛了.
到底自己現時的心理狀態是快樂, 還是不快樂呢??
平日一如以往地談笑風生, hehehaha, 但總覺得心底處是...eee, 有d 野喎, 果隻...
但到底有d 咩呢, 又唔知喎, 你話死唔死呢...
既然唔知咩, 就唯有唔好諗囉...嘻嘻哈哈過日辰囉~~~

三成一直也是這樣, 繼續無所謂的生活著~~~XD

回到公司, 幹了一陣活, 進Manager 房時便看見她笑淫淫地望著三成淫笑, 一睇就知唔方好意...
果然, 是新account~~~XDXDXD...不過未開波, 而且由於三成經驗尚淺, 新account亦會被各方嚴密監督下進行...

和Jamie 言笑不禁的程度已達到走火入魔的階段...
J : 廉廉...幫我開張單好麻..
三成: 好呀, MIEMIE...

相互的聲線還要故作溫柔狀, 笑到碌哂地...

下午同Joey lunch, 如果佢轉左工, 咁平時點搵佢食飯呢~~~
唔係以後無得見, 只係肯定見少好多, 那時誰人可為三成分憂??
閒談中, 談及了女神, 呵, 想不到還有人會為三成面上貼金...嘿嘿

下班後誤聽讒言, 出陣尖沙咀, 結果師老無功, 浪費了大量軍費...可惡...

>>November 28, 2005 at 4:25:18 PM GMT+8

2005 年 11 月 26 日 星期六 【晴】

秋去冬來, 還不是不能原諒自己的軟弱與無能~~
事事追求完美, 結果只會什麼也搞不成~~

精神分裂+思覺失調愈趨嚴重, 總的來說, 精神愈來愈差..

中上環出陣, 假日的中環不是屬於香港的, 而是屬於菲律賓的...
每處都是菲傭的影子, 誰說港人歧視少數族裔的?要歧視還會容她們霸佔我們的地方?

買不到想要的東西, 但還是掃了一件衫和一年褸.
現在須要的, 是一件冷衫, 新眼鏡及新鞋.
看到不少不錯的, 但仍是沒買下來, 審慎理財是三成的原則, 預算只有這麼多, 必須要確保看到的是最好的才買(但正如上文所言, 事事追求完美, 結果只會什麼也做不成...)

>>November 28, 2005 at 4:11:12 PM GMT+8

2005 年 11 月 25 日 星期五 【晴】

天氣愈來愈冷, 心亦愈來愈冷~~
最近總會常常有些傷感和寂寞的感覺, 可能夏天才是屬於三成的季節, 夏天過去了, 三成便連活力也失去了.

今日無街去, 黃金周末一個人留係屋企煲碟, 昨日買左套甘地傳黎睇, 3CD都係20元, 抵喇...
當年上道德課時, 導師(好像是叫PETER LEE 吧...)都有播過俾我地班學生睇, 但都係播左30分鐘左右既片段, 但印象已非常深刻, 今次係屋企再由頭睇一次, 3粒鐘, 原汁原味...

震撼依然強烈, 很難相信世上曾經存在過如此不平凡的一號人物.
甘地證明了, 即使沒有太出類拔粹的才華, 只要有堅定的意志及道德勇氣, 再平凡的傢伙亦可以成為不平凡的人.

堅定的意志嗎?三成早已消磨怠盡了...
真窩囊...

>>November 26, 2005 at 5:47:58 PM GMT+8

2005 年 11 月 24 日 星期四 【晴】

又到左周末既HAPPY FRIDAY, 又到左4個有個人之長既男人濟濟一堂既聚會時間...
今次同過往既例會一樣, 都係食完晚飯之後摸摸杯底吹吹水, 傾下各自己既煩惱同生活笑料...

今鋪食果間日本咖哩D 食物貴之餘仲細份到爆, 食完仲好餓, 去天樂食牛河0米幾好~~~XD

今日係公司開會開左兩個鐘, 由開頭講正事慢慢變左聖誕PARTY 同跟住既狂歡大計...
浪費了不少工作時間, 之後出黎又再死衡難衝...

其實開完個會都有D 壓力...愈來愈多唔知乜頭乜路既新PROGRAM...
工作係未來只會愈來愈煩重, 工作要求只會愈來愈高~~~
其實做左咁耐, 對GARMENT 既認識都只係停留係非常非常基本既階段, 而家打打下DAIRY既時候...又突然醒起昨日既工作做漏左樣野, 希望無人會發現喇...
成日有大意錯誤, 真係心都寒埋...
希望黎緊既工作會順順利利, 否則真是做死一世打雜都似..

>>November 26, 2005 at 5:40:05 PM GMT+8

2005 年 11 月 23 日 星期三 【晴】

好多野做, D 野好似做極都做唔完咁...
PLAN 好哂D 工作流程, 做做下又突然有D 野湧入黎...

Manager 叫三成整份report, 但d 指示又唔清唔楚, 結果整左d 唔知咩鬼野出黎..
更慶...佢講清楚想要d 咩之後, 用左3分鐘就整好俾佢...
咁q 易整, 就自己整喇...煩躁

件百佳客, 對佢好d 幫佢做d 額外既野就當老馮咁, 但出左d 小問題就即刻捉住你窮追猛打..
吃屎吧!!!以後都唔q同佢開咁多方便之門, 渣正黎做就算...

好累, 到底係我做得慢, 定真係太多野做???
點解d 同事可以吹水, 行行企企, 整勞作??
點解咁q 多單跟, 咁q 多單開, 咁q多email要覆, 仲成日要我整d 無聊report??
愈諗就愈慶, 愈慶就做得愈唔爽, 愈唔爽就愈易錯...

邊做邊爆粗既同時, 已經不斷同自己講...冷靜d...慢慢黎...
又不斷用Terry做到百佳都繼續做既例子黎激勵自己...
始終俾錢請你既係公司, 一係你就唔撈, 唔係就倒屎都麻煩你照做...
公司無責任要照顧埋你既情緒...

自己都知一路做野一路抱怨並唔係一件好事, 但總之就係...煩躁...
行山, 及跑步都被人放了飛機...
周末點算???watching tv for a whole day??
有無人周末得閒呀...

>>November 24, 2005 at 4:38:29 PM GMT+8

2005 年 11 月 21 日 星期一 【晴】

已經係星期二, 自昨日起轉用左冬令時間, 將鬧鐘響鬧時間較早15分鐘, 等自己多d 時間換衫同出門口(仲有賴床...)

其實而家都唔敢賴床, 多數鬧鐘一響就即刻座起身, 一賴床就好易訓返著~~~

天氣很凍~~冷冷冷.

工作漸入佳境, 一切都在掌握之中~~~

做做下野時, Manager 突然整個內線黎...
三成: 喂?
Cora: ..............
三成:????
Cora: .........
三成: 係??
Cora: Sorry, 我突然唔記得左你叫咩名~~~
三成: ...........

搞錯...

下午同Joey食飯~~~隻牙既事都未同你計~~乖乖地請食飯0地好囉...
誰是最孤寒的傢伙...
Joey...

但談天還是談得很愉快...
唔經唔覺, 又就快12月, 好快又大一年...真係歲月不饒人~~~

同Joey食完飯之後, 一返到公司就即時肚痛, 唔使講大家都知咩事...
誰的問題?
Joey

夜晚收工之後去旺角睇牙, 上次補完之後一飲凍野就痛到我死.
件牙醫話正常喎, 話如果過多陣有問題先杜牙根都未遲...
希望喇...補完好似仲麻煩過唔補過~~~
牙醫是誰介紹的??
Joey...

沒辦法, 遇人不淑...交友不慎, 唉~~

Check 牙check到8:30就玩完, 之後行多粒零鐘就返歸...
行街順手買野, 又唔見一舊錢~~

>>November 22, 2005 at 5:24:10 PM GMT+8

2005 年 11 月 19 日 星期六 【晴】

今日好凍呀...唔聲唔聲又凍左咁多...
三成是熱帶生物來的!!!最怕凍的了, 鼻敏感又不時發作...

為了驅除起床後的寒意, 唯有做運動...
屋企有條鐵做引體上升真係方便...
做十下, 一分鐘都唔使, 就成身慶合合...方便, 又慳功夫...
好過跑步暖身.

打算行山, 但又一直唔記得睇路線...今日要抽D 時間睇睇至得...

明天又要返工, 可否請冬眠假既呢???
要早15分鐘起身, 因為天冷時動作實在比天暖時遲緩得多...
還沒做好過冬的準備...凍凍凍...

睇波真係一場賭博, 睇戲可以睇片頭, 睇電視劇可以預先立立故事大岡同內容..
但睇波呢, 真係到左開波果刻你都唔知場波好唔好睇.
好彩既睇著場精彩既, 會睇到如癡如醉, 唔好彩既, 0米訓到唔清唔楚囉.
今日睇左場熱刺對偉屍咸, 打左半場無耐就開始訓到完場....
悶波...全場搵個精彩d既組織同埋門都無, 兩邊不斷撞黎撞去, 睇下邊邊可以符錄撞到去龍門符近起腳...
浪費左兩個鐘...ZZZZ

>>November 20, 2005 at 3:12:36 PM GMT+8