2005 年 6 月 21 日 星期二 【晴】

為何今天這麼忙的, 經常有些失魂的錯誤...是漫不經心的緣故吧~~
為了工作更加順利及拉近和其他部門同事間的關係, 經常笑面迎人, 說話及通電話也是笑笑口說的, 笑得多, 心情便自自然然好了...
所以經常黑口黑面的人, 麻煩笑多點吧~~

麻煩的印度客(真的是印度人嗎?當是吧)就價錢問題嘈生哂, 星期一休假時BACKUP 三成的同事把此麻煩友的EMAIL FW 了給MANAGER 定奪, 害三成以後的EMAIL 都要CC 給MANAGER 過目...
不過三成慣了陽奉陰違, 嘿嘿(遲早被炒...)

>>June 22, 2005 at 4:49:42 PM GMT+8

2005 年 6 月 20 日 星期一 【晴】

一起身外面就落哂狗屎...真麻煩, 諗住取把新蔗, 點知出到門口, 先發覺把"新蔗"內部已經嚴重腐朽了...用都未用過就爛, 垃圾, 十個頂...

休假一天...回到公司, 便要忙於跟進昨天的工作, 雖然有Jamie back up, 但好多野都要自己跟返~~
喂喂, 阿姐, 唔好見我放假就用我個email address , 用我既名義出email 播~~~

又是一堆即日返, 即日走的shipment, Manager 下放來的工作通常都是十分麻煩的, 下下要趕頭趕命~~~真麻煩...

做埋補貨, 整埋e 樣果樣...e e~~又冇哂野做, 可以打座囉, 成team 人遊手好閒了近兩個月~~~
久疏戰陣, 多單時都唔知點算~~

放工前一刻, 突然一大堆工作湧過來...做死人~~
留返少少, 明天再做~~

放工去赴7WISDOM 舊生之約...大家見到三成出現, 竟然都問: 點解你會係度嫁??
睇黎三成已經入左黑名單...

hehe haha一輪, 唔見左一舊水就返屋企...
好累...

>>June 21, 2005 at 4:21:08 PM GMT+8

2005 年 6 月 19 日 星期日 【晴】

決定今日都係唔返工, 請日假抖下好過, 順手處理下d 私務~~
8點起身, 竟然鬼打都無咁精神..果刻再次猶豫....返唔返工好呢??
算喇, 都係唔返, 打左電話回公司告假, 反正近排生意淡靜, 返到去都係無事忙~~
可能少左我, 其他同事工作會充實d tim...

之後大覺訓...果頭先話鬼打都無咁精神...呢頭就訓到兩點幾...頂...唔係咁好訓掛, 早知較鬧鐘, 好過徙哂d 時間訓覺...

食少少野就去銀行處理私務, 最憎去銀行, 覺得銀行係最戇居既服務性行業..
閒日開9-5, 星期6開9-1, 星期日休息...營業時間根本就係人人都返緊工既時間, 一般打工仔根本無時間去享用銀行既理財服務, 真係搞d 複雜少少既野都要請假去搞先搞得掂...
真係白痴的...

覺得缺乏金融財務專業知識既人, 真係俾銀行呃左都唔知, 好似三成今日去搞野...
服侍三成條友up 左好多野, 但基本上三成係唔多明...
回家時順手取左堆銀行小冊子, 羅返個概念都好既~~~

>>June 20, 2005 at 8:55:34 AM GMT+8

2005 年 6 月 18 日 星期六 【晴】

今天是肥佬生日, 成班人出黎同佢慶祝, 又大一歲了, 恭喜恭喜~~~
上左曹viv屋企開大食會, 之後就玩UNO, 玩下玩下, 咁又一日...
UNO 真係幾適合一大班朋友玩既遊戲...cut 牌+ 連hit combo 令眾人樂不可支...

阿榮的臭襪攻擊, 令大丸嘩然...可憐的大丸, 全日成為被輪既對象...呵...

中間阿榮提出無聊既懲罰遊戲, 再令眾人嘩然, 不過都係搞下氣氛~~~真係做就免了~~~

食得飽飽, 仲要去宵夜...飽上+飽...果陣已經12點幾了...
無哂心機返工...大家都話: 不如明天集體請假...

講真, 返到屋企都成2點...沖埋涼, 搞埋其他野, 都成3點...到底返唔返工好呢??
有d 心大心細tim~~

>>June 20, 2005 at 8:47:57 AM GMT+8

2005 年 6 月 15 日 星期三 【晴】

這幾個星期比平日早睡了, 照道理睡眠時間多了, 應該更加精神才是...
但結果卻是相反, 朝早烏下烏下, 換衫, 整早餐, 刷牙, 咩都係以龜速進行, 最大既證據就係...
呢排日日都遲到!!!
算喇, 反正有120分鐘遲到quota, 都唔使咁緊張~~

返到公司...要答既email 只係得好少...行行企企, 同Jamie 吹下水,磨下磨下, 又好快下午...
生意淡靜??

下午去左小雨天食飯...途中巧遇松松...回歸葵涌後係第一次親眼見到佢(之前撞過, 不過係佢見到我, 但我留意唔到佢...呵)
叫左個泡飯, 好難食, 杯奶茶好難飲...唔明點解e 間野仲咁多人食, 野食唔係特別好, 即使係米線都只算過得去, 但收費就貴到死, 又座得唔多舒服...吸引力何在?

食飽同同事們去左超市補給...只是偶然將零食推係台面...但已經令其他同事留下三成係一個為食鬼既印象...

返到公司, 突然好q多野做...以為係本地人既客, 點知原來係d 東南亞或中東既人士...d英文好q 難明...仲好煩tim...又要平, 又要盛...short short 地既...不過自己d 英文真係雞雞地, 因為真係唔多明件客up 咩...唯有靠估...反而講就ok...

總之中東同東南亞既客係最麻叉煩既...飯後既時間都用哂黎同佢地周旋...3分鐘一個email已經煩死~~~

衝左一輪, 又到左開會既時候...一開就開左成個鐘...期間阿東條契弟又係咁打黎...已經唔聽佢電話...佢仲要再打...今次直情cut 佢線...點知佢仲要打...頂佢個肺...好在較左震機...

夜晚同pk 東及carol 食飯...大隻佬繼續ot...唔黎得...祝佢好運...
返到屋企已經11點幾...出一出黎, 咁就無左3-4粒鐘...不過咁耐無見, 見見都好既...
不過好疲~~~

發現左Joey 約食飯既短訊...一直留意唔到...下次直接打電話吧...短訊我成日miss的...

>>June 16, 2005 at 5:27:16 PM GMT+8

2005 年 6 月 14 日 星期二 【晴】

今個星期呢幾日工作都好得閒...
有野做, 但唔足以做足成日...不過最麻煩的就是d 單雖然少, 但就好急同好趕, 今日落, 聽日要, 真係人都顛...
但生意淡靜, 大部份時間都用哂黎清舊版同舊file...竟然可以一個人完成咁壯大既工程, 令人感動...
成個team d 人都係度遊魂同混吉...
嘆茶, 食點心, 行行企企...一邊做d 唔使用腦既野(例如filing)一邊傾計, 就係咁樣過日辰, 死未...

今日更加得閒...飯前去左廁所小睡一會...呵...

>>June 15, 2005 at 2:01:16 PM GMT+8

2005 年 6 月 11 日 星期六 【晴】

今日真係好熱, 仲熱過昨日, 所以下午都廢事去巨B 哥佢地既聚會,
係屋企打機算~~~ 一時上網, 一時打機, 一時睇雜誌, 一時睇電視, 總之邊樣做到悶就轉做第2樣...
咁又徙左一日, 算喇, 其實唔理做咩都好, d 時間都一樣係咁過...假期好好抖下就夠喇~~~

自上月開始, 就對自己個mail box 非常在意, 今早一起身, 見到有堆新郵件, 即時衝入去睇...
又係一堆無聊的垃圾廣告, 呢d 垃圾電郵真係好乞人憎.
再睇, 就係阿東腥來的變態核突email...
之後看到某君的email, 起初還以為是日記的留言, 慣性delete, 諗住入daily再睇, 點知原來唔係留言, 幸好仲可以係回收箱度救得返~~~
看了一遍,內容大致都是對不起之類...
講真, 看了一遍這個email, 真是有點慶的...
"下, 咩話, 人地say sorry都慶?" "你係咩熱得滯痴q左線呀??"

但道歉之餘係唔係應該尋求人地既諒解或者原諒呢?
你miss 左單貨俾個客, 個客嘈你, 你say sorry之餘都要補貨同跟進嫁?
唔係同個客講"sorry, 搞到你咁麻煩, 你轉第2個supplier喇, 唔同你做生意喇, bye" 咁下麻~~~
除非個客細到你完全唔在意, 無左都無傷大雅既唧(死火囉, 真係做野做到上哂腦~~~)

講真, 人際關係既野, 磨擦日日都有, 問題係處理同補救既態度既唧...
唔理係唔係掩飾, 有解釋都好過無解釋0y...

其實打呢篇野之前都諗過打唔打好, 唔知某君睇左會唔會唔開心之類,
但諗諗下一來無關佢私隱, 我又冇公開佢封email, 2來我都係打返自己既感受...
決定去馬~~

近排睇左唔少1, 2戰同歐洲史既書...
中學果陣我係幾鐘意希特勒既. 覺得佢好勁, 但睇得愈多, 先發覺佢只不過係一個痴線佬...
次次睇關於德俄大戰既野, 都睇得唔多舒服, 為左希特勒同史達林兩個顛佬, 實在死左太多唔應該死既人喇...
不過由始至終, 我都係好鐘意2戰既德軍, 鐘意佢地既紀律性同戰術既靈活性.
唔係希特勒成日發神經, 由返果班出色既陸軍元帥自由發揮, 2戰德國都未必輸硬, 仲好大機會贏tim...
總之, 次次睇親史大林格勒戰役, 都覺得好可惜, 明明形勢大好, 但就俾件無聊佬搞死左~~~
可惜~~

>>June 12, 2005 at 1:45:30 PM GMT+8

2005 年 6 月 10 日 星期五 【晴】

昨日回到家中已經11點, 即時上網, 沖完涼出黎就幸運咁見到Fion 腥來的message~~~
果陣都差唔多11點半了, 佢不斷咁話好果累, 要訓覺覺, 但chat 下 chat 下都chat 到成點~~~hahaha
今日難得好天, 又同左GC 去游水, 希望佢早d 找到工喇...

之後...做節...飽...

下午巨B哥打來商議明天活動的事...
繼續, 一再抗拒自己討厭的活動, 時間及地點, 一再在這些問題上拖拖拉拉,
連自己都覺得自己好似有d 衰, 屈人地順自己意咁...
但無計, 我寧願唔來, 都唔想出席d 自己討厭同令自己唔舒服既活動...
你地下午玩得開心d, 我夜晚先出黎玩第2 round 吧...

雖然成日拖拖拉拉很仆街, 但最少, 我很少爽約.

>>June 11, 2005 at 6:15:38 PM GMT+8

2005 年 6 月 9 日 星期四 【晴】

昨日真係離哂普, 全日都冇咩做咁滯, 可以慢慢set 返好公司個system d 野...
順手幫manager 整下sample 咭...
再順手追下payment~~~
今日返工上午一樣十分得閒, 可以慢慢做, 由於太得閒, 就追payment 同 d supplier 貨期, 追追下竟然又追到喎, 連d 失左綜唔找錢既客都受唔住我email + 電話既狂轟濫炸, d 數終於有機會清~~~
下午食飽飯之後突然勁多野做...放工前一刻突然發現左d 紐既板, 即刻估到d等左好耐既紐應該返左貨, 但倉果邊又唔入條數落system, 搞到清唔到貨, 於是即時打電話去摧, 又再即時打電話俾account 果邊要求approve 放貨, 又再急急腳咁衝過去shipping 果邊安排出貨...
由於臨近放工, 迫哂三成d 潛能出黎, 竟然用左10分鐘左右就搞掂~~~勁呀, hahaha

6點幾就收工, yeah...

雖然早收工, 但就發生左一件極度不快的事, 就是發生史無前例, 歷史上最嚴重的飛機事件, 仲勁過珍珠港偷襲, 憤怒指數達到7粒星.
其實完全無嬲, 只係覺得" 嘩, 當我係咩呀, 有須要時就搵我, 無須要時就當無到呀?"
打仗都應該要宣戰0y, 失約都應該通知聲掛, 仲玩失縱, 實在十分可惡.

希望佢真係有非常充分既理由, 唔係呢d 朋友我寧願唔要,
講真, 我係極極極極極極極極極憎人爽我約既, 求求其其都應該俾個理由0y, 那怕係家中金魚死亡, 睇左套令人作嘔既電影, 或者生痔瘡都好, 都總有個理由0y...
好喇, 當係真係有事, 聽唔到電話, 通知唔到都好, 但事後點都睇到一大堆miss call 掛...
而家都係音訊全無, 實在可惡到極點.

由於早已知會屋企唔返去食飯既關係, 加上有人失約, 於是頓變無主孤魂, 幸好找到曹viv 及 王dull一齊食飯, 雖然一個人食都無咩大不了, 但周末總係想熱鬧d, 開心d 的~~~
不過打擾左佢地既二人世界, 真係對不起~~~呵呵

東涌 ----->上環 21.1, 好撚貴...

>>June 11, 2005 at 6:06:54 PM GMT+8

2005 年 6 月 7 日 星期二 【晴】

今日無咩事情發生, 工作仍是非常輕鬆...
有野做, 但可以慢慢做, 放工時又做得完果隻...

Manager 唔使我同price club 分手住, 繼續跟多幾個月先...
遲d 應該有得忙了.

>>June 8, 2005 at 3:48:59 PM GMT+8