2005 年 6 月 6 日 星期一 【晴】

星期5晚上9:30西文台將播出回到未來第1集, 其餘2集亦將陸續有來.
這是三成最愛看的電影系列, 連續3集的故事, 水準都是超高, 大家有時間的話, 記得留在家中收看!!!

>>June 7, 2005 at 2:09:59 PM GMT+8

2005 年 6 月 5 日 星期日 【晴】

近來情緒低落, 經常感到不快~~
離開校園已近一年, 出來社會做事後, 愈來愈覺得人與人之間的連繫十分脆弱...
衰d 講句, 就係人情紙咁薄~~~以往很close的朋友, 現在也有愈行愈遠的感覺~~
我也曾經投入, 付出了不少熱誠, 但換來的卻是漠視與冷待,這 除了不快外, 還是不快!!
爽約喇, 失信喇, 玩玩下喇, 唔尊重喇, 自私自利喇, 不負責任喇...
慢慢就會發現, 唔想唔開心, 第一件要學識既事就係唔好對人有期望.
無期望就唔會有失望, 最好樣樣靠自己搞掂, 一切都係自己既掌握同控制之內, 咁就永無失拖.

比較起來, 公司的同事們及生意上的伙伴反而更可愛呢...
大家你幫我, 我幫你, 你就下我, 我又就返你, 咁返工都幾開心oy^^
不過好快就要跟d 新客, 而跟開的account 就要pass 出黎, 好唔捨得呢><

今日工作順利, 好多麻q 煩既野都順利解決到, 不過仲未幫manager 打完份report, 不過都係聽日先, 明天請早^^

>>June 6, 2005 at 1:51:54 PM GMT+8

2005 年 6 月 4 日 星期六 【晴】

今日本想去海灘游水的, 但天公繼續不做美, 真係勁唔開心...
但係嬲個天都無用, 唯有怨自己黑仔喇...

結果同肥雞, 李柏豪佢地去左打壁球...
很久沒運動了, 起始時打得很吃力, 連開波都唔識開...
幸好打打下都慢慢似返D 樣...不過身體仍然很彊硬~~~
明顯地, 李柏豪的實力遠在三成和肥雞之上, 我想他的LEVEL 應該和廢剛差不多吧...
打打下jANICE 都加入戰團...磨下磨下咁就打左兩個鐘...
之後去左間漫畫茶座...又座係度睇漫畫睇左兩個幾鐘, 終於睇哂套男塾了...DL 左1-23期黎睇, 搵極都搵唔到最後10期, 終於有機會俾我一次過KO 哂佢...
我仲想睇洛印戰士....有機會會去睇埋佢...加上自己睇書睇得好快, 計落條數都應該平過租既...

之後食埋飯, 行一陣, 回到家中已經成11點...咁就渡過左難得既星期日...之後要再過5個工作天先至再可以有2日假期...不過返5日工...呢點實在幸運, 5日半真係好辛苦...如果仲要ot...就...唉
假期得來不易, 以後要好好安排活動至得...徙哂d時間打座都唔係辦法~~~

>>June 5, 2005 at 4:33:44 PM GMT+8

2005 年 6 月 3 日 星期五 【晴】

本來下午約了GC 游水, 但天公不造美, 大雨連場...於是活動取消...
但奇怪地, 決定取消後便突然天氣放晴...#@=%!xyz

難得假期, 又再閒在家中, 於是取出了買了未看的心計遊戲...故事沿續麥迪文的心計(其實兩者並無關係, 只係大家個故仔都係黎自同一本小說...簡單黎講, 就係心計故事之後既延續...)

呢次主角係麥高維治, 睇佢d 戲通常都唔會有太大失望, 幾過隱的...
今次故事都係充滿迫力, 其實諗落個故仔無咩特別, 但唔知點解會覺得幾好睇.

係屋企無野做, 嘗試整蛋治食, 呵呵...又幾好食播...

食飽之後收到Joey 既電話...熱q 一中再中~~~今次唔係病或有事, 開左其他...買5紋先賠一紋, 無咩肉食...博彩公司又賺一筆~~~
幸好倩明和家人另有節目, 否則便真的對不起她了...

本來排得滿滿的日程, 最後竟然變了呆在家中...有點不快~~~
無理由自己on 99一條友出去周圍行唧~~~係屋企打座算...

聚會改做下下星期...就開盤喇~~~你諗左買咩未?





冷冰冰的電話錄音...我做錯了什麼嗎???

曾經覺得很不錯的人, 原來也是庸俗不堪...庸俗庸俗庸俗
令我感到十分失望...

>>June 4, 2005 at 3:15:25 PM GMT+8

2005 年 6 月 2 日 星期四 【晴】

今天又是和昨天一樣, 上午閒閒的, 開會發牛豆已用了一整天, 食飯亦繼續有講有笑, 同Manager 佢地去超市shopping, 奉旨遲到...

但回公司後突然勁多野做...本來想打電話追payment及追貨的, 但時間不足...
下星期一先喇...真麻煩...
做做下野又俾manager 捉左去開會...又有新Account 掉過來...而剛剛跟熟左既account就要pass俾人...本來同d 客玩到熟哂, 跟得好開心的~~~所謂跟開有感情. 而家要分手...真係...

其實真係唔多happy, 跟得好地地, 又唔係跟得唔好, 抽走我d account 即係削我權唧...
不過Manager 都講得0岩既, d 新 account 好 q煩...再跟d 舊客就會做唔哂...
咁好心就0米掉d 新客過來喇...算喇...做都係咁做...
之後set 新客d 野, 都搞到7點幾先走...對比起呢排, 都算夜收工...

>>June 3, 2005 at 3:42:07 PM GMT+8

2005 年 6 月 1 日 星期三 【晴】

唔經唔覺又到星期四, 這兩個星期的工作與其說是順利, 不如說是交投淡靜更為恰當.
很害怕旺季的來臨~~到時又要做到死咁了...
其實而家成日做做下野都會大腦閉塞+臨時失憶, 成日講野都有d 詞不達意及諗唔到下一句應該講咩既情況出現...唉...
在Finance 果邊的Fion 又要走了, 好不容易才混熟了, 和三成相熟的同事也走得7788(淚)
真的不太喜歡頂替Fion 的肥女人呢...
以後上班也少了許多樂趣...
午飯時去左三聯買書, 大減價, 幾抵, 買左兩本書竟然令同事們大為震驚, 唔通而家真係無人鐘意睇書???
返到公司, 突然又爆單補貨出黎, Manager 愈來愈多工作塞過來~~~
遲d 旺季時難道要跳樓??
再次7點前放工...但不知怎的...精神卻十分疲累...

星期六晚約了倩明及joey 等共晉晚餐, 博彩公司開出盤口, Joey 守信赴約的賠率是1賠9, 臨時有事失約5賠2, 突然生病3賠1...突然生病愈來愈多人落飛, 預計賠率會進一步下降...有買趁手~~~

以上純屬玩笑...希望有關人士睇左唔會嬲喇, haha...如果真係嬲...咁我唯有同你講...

吹...睥.....睥~~~~又如何?

ahaha

>>June 2, 2005 at 2:03:45 PM GMT+8

2005 年 5 月 29 日 星期日 【晴】

今天也只是有數個新order...
有些單又可以assign 給別人做, 自己只是較對便可以了...
工作也是輕輕鬆鬆, 但希些shipment 仍是十分麻煩...

Size label 再出問題, 廠果邊真係懶, 成日做少d 步驟, 俾客投訴0米又要再做過...
真係麻西煩...(不過最麻西煩係個客, 少少野就阿之阿左)
打了個極口語的通俗email 給supplier 補貨, 佢睇完之後即刻打電話來, 講講下公事竟然變左吹水傾閒計...(汗)....咁就呃左公司10分鐘.

Fax 極都fax 唔到野去澳門, 真係奇怪...唔通佢地整round 部fax 機搞到收唔到d account statement?

4點之後..突然好多野做...好累...

下班後約了肥雞及李柏豪仔仔一齊dinner...
日本野任食, 150元埋單...都算幾多選擇, 只係狂食刺身都抵...
不過好鬼飽...食任食既次次都食得好辛苦咁, 驚死蝕底, 食左過量既食物~~~香港人既天性?

>>May 30, 2005 at 4:09:33 PM GMT+8

2005 年 5 月 25 日 星期三 【晴】

yeah...昨日捱夜睇波無白費, 利記上演奇蹟, 絕地大反擊KO AC 米蘭, 其實唔係特別中意利記, 但唔知點解, 一睇到d 好耐未捧過杯既球隊捧杯就會特別開心, 起碼唔使來來去去都果幾隊0y麻...

但加時+12碼, 睇埋捧杯都6點囉...訓得兩粒鐘唔夠就要彈起身返工...唉
結果...係地鐵入面昏迷, 落遲左一個站..

回到公司, 工作量繼續keep 住可以做得哂但又唔會有時間俾你發牛豆既程度...
Lunch 時引領眾同事遠征AG 時代的飯堂, 又一村~~~
同事們對食物及環境看來都頗為滿意...但我叫果碟唔知點解好難食....頂...

上午悠悠閒閒, 下午唔知發咩神經...d 野成座山咁湧過黎, d label 補貨又有問題...
已經用左成個上午去追, 追到返黎, 點知又出問題, 頂佢個肺, 應承左d 野又唔做...勁麻煩...

之後狂多email, 狂多新order...真係死得人多...
跟住又有payment 問題...唉...
看見Joyce 如此得閒, 將一個email fw 左俾佢幫我覆, 雖然只是一兩分鐘的工作~~~
但等佢熟習之後就可以彈多d 俾佢幫手了~~

跟單跟客真係上身好多, 近兩個星期基本上無時無刻都在想著工作的事, 連發夢都係度返緊工...
而家打下打下先發覺有個客既email唔記得覆, 希望明天記得喇...
想當初剛入職時, 只是幹些打單及執頭執尾的文書工作...
雖然很辛苦, 但放了工便是自己世界...
希望明天可以set 好哂所有野問題吧~~~

>>May 26, 2005 at 3:50:44 PM GMT+8

2005 年 5 月 23 日 星期一 【晴】

今日都係無咩特別野做, 終於可以整理之前摺人同事留下來的爛攤子...(其實是被迫整理...)
順手為自己開幾個file, 放已經做完的單...

只花了一個早上便答完所有客及自己友的email, 經常收到manager 的稱讚email~~~
好似今日答finance dept個email, 佢就彈過email黎話well done, good job之類~~~
糖果和鞭子是她的管理策略嗎???不過這些email三成會好好保留的...haha

當然還有當年威迫三成加班的email(哭...)
工閒時, 順便教教新同事工作的流程~~不過和摺人同事一樣, 經常問些不中point 的問題...
算了~~

size label 又出現問題...本來supplier 死都唔肯換, 再次發揮死纏難打精神~~~
"同我搞埋今次喇~~~" "換俾我喇~~~"
其實今次都唔係完全係supplier的問題, 但為免麻煩, 老屈佢算~~~幸好搞得掂~~~

和客人及其他部門的同事熟絡一點後...開始出現一些玩野的email...
icq 文字及各式符號等, 希望不要成為將來大家慘被齊齊炒尤的證據...

下班時順道致電女神~~~一談半小時...
有點擔心爆plan...

>>May 24, 2005 at 3:03:50 PM GMT+8

2005 年 5 月 22 日 星期日 【晴】

日記, 日記, 繼續日日記...
今天又來了兩件新同事, 真的有換人如走馬燈的感覺...

今天的工作超級輕鬆, 一會便解決了...
只是走貨及補貨的問題仍舊覺得非常麻煩...

由於今天熱情地和新同事攀談, 於是成為了她的求教對象...oh...my god...
希望不會做做下又走了吧~~~
全日都係俾新同事做filing 同 check sample d 無聊野...今日真係超級得閒...d 工作可以慢慢做~~~
新同事們則在位子上打座~~~這3天簡直是天堂~~~

但遲d 又要搞走貨...很煩...

下班後去了尖沙咀~~~呵, 間扒王之王的環境很浪漫呢^^

早一段日子, 經希望自己可以年輕數年, 現在, 則希望可以年長數年~~~
矛盾...可惜, 時間不由我們控制~~~
隨遇而安...

懷念就學的日子, 返工之後, 連行街, 睇戲都要就時間, 唉...很麻煩...

今日...飲左3杯奶茶...汗...

>>May 23, 2005 at 3:57:02 PM GMT+8