2005 年 11 月 18 日 星期五 【晴】

返左5日工, 又到週末~~~
晨咁早就俾電話嘈醒(其實都成11點...HAHA)...真慘...

只係得人地嘈醒我點得???即時打俾女神, 嘈醒埋佢...感覺到佢完全清醒哂既時候就收線...
KEROKEROKEROKEROKEROKEROKEROKEROKEROKEROKEROKEROKERO~~~

出街...繼續...銅鑼灣...繼續仁心仁術...
JP 間電影精品店竟然唔聲唔聲摺左??實在太耐無黎銅鑼灣睇戲了.

蒼天之拳很好睇, 大家對肌肉人沒有過敏的話, 值得一看...
無所事事, 遊手好閒又一日.

夜深人靜既時候, 成間屋靜英英...有多少寂寞的感覺....

>>November 20, 2005 at 1:00:33 PM GMT+8

2005 年 11 月 17 日 星期四 【晴】

唔???
最近的工作可以用無驚無險去形容~~~
沒什麼特別事, 也不是特別清閒...
EEE, 又放工了.

放工之後去搵Joey 行一陣街, 再傾陣計...
看她的樣子好像精神了不少~~不過...我都係唔會請你食飯既~
俾你請就得...明益你~~~ccc

閒逛時看到一批加菲漫畫, 忍不住又全買了.
又用了一舊水...今個月明顯超支...看看自己製作的excel 表便知了.
但算了, 反正超左支, 就繼續豪埋佢~~~haha
其實話就話係超支, 但實質份糧係仲有剩的, 只是儲的錢少左罷了.
返工咁耐, 都未試過用突份糧的, 總之係keep 住有錢儲.
不過人工咁微薄, 除非識錢滾錢, 否則真係打一世工都無發達~~~XD

>>November 20, 2005 at 12:49:15 PM GMT+8

2005 年 11 月 15 日 星期二 【晴】

好X累...
今天真係好累...返到公司就係咁做, D 客落錯單, 又打黎嘈之巴閉, 落漏單, 又打黎嘈之巴閉, 運費貴, 又打黎嘈之巴閉.
加埋自己兼職打雜, 好死多麻煩野要搞, Dennis 果邊又好死多單, 又有一大堆貨要走, 張張麻煩, 張張難搞...
7點全team人走哂自己仲係度繼續做, 真慘...
做到8點想收工時, 突然又有件客打黎嘈之巴閉, 搞下搞下, 終於搞到8:45先走人.
放工去吉野家食dinner, 一路睇書一路食, haha, 又relex又充實...
之後答930返屋企, 4個字度就返到上環...9:30已經安座家中...haha

其實睇返自己做既野, 獨立咁睇係好簡單同好快可以搞掂, 但當一大堆碎料湧埋黎既時候, 就會搞到無哂時間.
例如開張單, 根本5-10分鐘可以搞掂, 但當又要聽電話, 又要睇email同覆既時候, 就要花好多時間.
特別係d 客打黎ee 哦哦, 要拆掂佢又要花好多時間, 要搞清件事, 又係要花好多時間.

算喇, 今日忙得黎都幾充實~~~
希望聽日可以7點前走人喇...kekeke

>>November 16, 2005 at 4:26:52 PM GMT+8

2005 年 11 月 14 日 星期一 【晴】

哇, 又係Joey 既留言呀~~~
哇哇哇...冗員呀...

真係未見過d 員工呃飯食呃得咁勁既, Joey, 你好野~~~

haha
返工當然唔係只為錢喇, 如果只為錢, 三成一早轉左工了.
起碼之前果份好pay 好多~~~XD

今日比昨日少工作, 不過麻煩野一樣咁多, 唔明白自己點解成日都會發現公司OS 既bugs, 發現左之後又要諗辦法搞掂, 雖然都係通知返電腦部, 但跟進同匯報工作都好徙時間...仲...麻煩

計算過時間, 覺得可以清哂d野既情況下, 同Joey 玩左陣MSN...仲去左小睡一陣...HAHA
點知之後就做到死~~~報應???

Joey姐, 如果彩虹知道你話佢唔係女仔, 我驚佢會殺左你...
佢發起惡黎唔係人咁品, 三成都忌佢三分...

下午Kathy突然取左兩件果撻出黎同三成分甘同味, 好食^^
6:15, 同Kathy 齊齊拍台走人, 完全漠視其他同事OO既目光...
好耐未試過咁早走, 爽.
腐皮, 羨慕嗎?
HAHAHA

>>November 15, 2005 at 5:10:50 PM GMT+8

2005 年 11 月 13 日 星期日 【晴】

又是星期一...每次星期一都會覺得從床上爬起來上班是很痛苦的事.
工作繼續繁重...不過都好過上個星期了.
做到7點半左右便閃人..haha

不過長期對住電腦, 覺得不太舒服...又d 病厭厭既感覺.

巴巴羅薩計劃失敗令三成的心情步入寒冬...我還沒做好過冬的準備呀.

舊公司有聖誕旅行, 地點還是韓國, 老細包7成半費用, 真令人羨慕.
可惡的松松~~~怎會有這種好事的!!

久未露面的大佬突然回家, 正好讓出電腦自己好好休息一下~~~
總是不明白, 為何自己一在家便要開電腦的??

一般流程: 回家...小睡...食飯...閱報...沖涼...開電腦...訓...
已變成根深柢固的習慣了.

>>November 15, 2005 at 5:03:34 PM GMT+8

2005 年 11 月 13 日 星期日 【晴】

你有冇諗過，我地既父母都為左我地而努力工作呀?其實只要為值得既人，同值得既事而努力，一d都唔會令人覺得麻煩，因為呢d先叫付出。若你想被愛，必先要愛人......

哇, Joey今日咁多留言, 證明左兩件事.
第一, 佢好有我心
第二, 佢係一個冗員, 唔係點解佢可以係辦公時間搞咁多野呢??

父母為子女努力工作??呵~~~真係諗都無諗過, 不孝~~~
某程度上, 三成自覺係一個博愛既人~~假設有100為最高, 我係對各方好友都派70果種~~~ccc

>>November 14, 2005 at 2:24:47 PM GMT+8

2005 年 11 月 13 日 星期日 【晴】

發生咁多事後，我開始成日睇書，其中講到於面對工作既態度--工作若只為金錢，往往帶來壓力與焦慮；努力從工作中找出你的人生價值和意義，你就能發現快樂。

eee, Joey都睇書, 真係世界變~~~
其實你講既都係0岩既, 不過你又有冇諗過:
人唔可以單單為錢而工作, 但錢肯定係推動我地工作既最最最重要元素.
努力工作會找到人生價值同意義, 睇你做既係咩工喇...
做d 日日都一樣, 阿豬阿狗都做到既, 機械式既工, 就好難搵到人生同工作既價值喇.
一講到e 度, 就即時諗起馬克屍既"異化"

不過, 最認同既就係, 工作, 係應該開開心心咁做既~~~

>>November 14, 2005 at 2:16:46 PM GMT+8

2005 年 11 月 12 日 星期六 【晴】

如此星辰如此夜, 為誰風露立中宵~~

今日全日都留係屋企, 邊度都無去, 打機同睇書...
上次書店買既真係好野, 寫得唔錯, 幾好睇.

下午睇左高達套z劇場版, 改左唔少野, 感覺上只係麻麻地, 特別係如果無睇過TV版, 只睇電影版既非高達FANS, 肯定會唔明套野UP緊乜.
可能故事濃縮左既關係, 反而令人感覺唔到嘉美尤既天份同實力.

睇完動畫, 閒極無聊取左阿媽睇開既愛情小說黎睇.
愛情火辣辣...用左一個鐘睇完...
OKAY, 但用字麻麻, 用黎用去都係果D字...而且故事....係睇少少已經知下一節UP咩.
其實之前都睇過E 類書, 故事黎黎去去都係咁...
男主角永遠同一個餅印, 超靚仔, 事業有成, 未婚...
之後同女主角鬥鬥下氣搞埋一齊.
雖然睇落幾好睇, 但呢類書的確睇壞細路~~~
家長們, 請注意唔好俾自己既細路接觸E 類愛情小說~~~
青少年不宜~~~

全日都無無聊聊, 唔知做咩...
彩虹某程度上都講得好0岩, 成日無所事事都唔係辦法...
但一時之間又諗唔到有咩有意義既事黎做喎~~~
其實...到底有咩野係真係有意義嫁, 搵錢??進修???
聽落好充實, 但其實0米又係唔知為乜~~~
彩虹仲神色凝重咁話...而家懶洋洋當然好爽好FREE, 亦無咩問題.
但如果第日結左婚, 有頭家都仲係咁, 就一定唔得, 無所事事既男人亦無女人會鐘意喎...
但如果咁麻煩, 寧願獨身算喇...
答完之後10秒, 對話終結~~~

始終覺得, 人不是機械, 迫得自己太緊何苦來由?
換來了更優質的生活但累壞了身體亦無福消受~~~

>>November 13, 2005 at 5:47:32 PM GMT+8

2005 年 11 月 11 日 星期五 【晴】

星期六, 約左中學既朋友仔, 腐皮, 豬妖, 馬B 及RB去燒野食...
由於一早應承左, 搞到去唔到王DULL 既活動TIM, 真可惜...如果可以改星期日就好了.

準時去到, 一丁友都無, 集體遲到?可惡.
打俾腐皮, 條友先係剛剛放工...豬妖係黎既途中收到馬B既密令要幫佢羅野...要遲D.
馬B , RB一早就話要夜晚先到...
結果...得我一條友...去左漫畫屋睇漫畫...

發覺自己開始有D 老人痴呆...明明係去銅鑼灣, 但又係中環落左車, 爭D 上左去荃灣架車時先突然驚覺..."我搞咩"???
去櫃員機提款, 行到過去, 先突然醒係" 我之前0米襟左機囉???"
再過一陣先醒係, 我想做既係為張百達通增值...唉~~

3:47 ...會合埋腐皮, 豬妖...都係一齊睇漫畫...
睇到7:35先走...4個鐘...都唔知係度做乜...

午後心愛既完美女神同粗獷既Joey&Flora都先後打過電話黎, 搞到三成好想去王dul果邊既活動tim,
實在好想見一見果幾張可愛既面孔~~~可惜可惜

大家突然對燒野食意興闌珊, 結果改左去食巴西燒烤...之前係尖咀都食過...要9:30後先有得平...
又係唔知係條街度行黎行去等時間過為乜.

沿途腐皮不斷自責, 覺得自己連小小既活動都搞得唔好, 非常失敗云云.
其實, 腐皮根本唔使自責, 即使搞得好, 你仍然係咁失敗, 失敗係預左佢...hahaa

講笑係咁講, 其實更差更衰更不負責任既活動三成都見過, 亦參與過唔少, 所以今日既活動都係小兒科唧, 叫okay...
腐皮遲到, 可以好認真咁say 幾十次sorry, 驚大家對活動唔滿意, 又會自責同反省, 講真, 識既朋友當中真係無咩邊個可以做到e 兩點~~~

其實出黎都係一班朋友講下笑, 傾下計咁唧...
特別係Dinner 時d 無聊笑料, ahahahah, 下次再黎...城下一聚!!

>>November 13, 2005 at 5:32:12 PM GMT+8

2005 年 11 月 10 日 星期四 【晴】

星期5...悠閒的星期五, 只要過了今天, 便是快樂的周末了...
工作...都是悠悠閒閒地做~~

在午休時又掏腰包到書店買書, 不見了二百大元...
對上一次買書已經係個幾兩個月前既事了, 那次買的那本反猶主義及二次大戰問題兩書內容都太過艱深枯燥, 原作者是西人, 中文版則是照譯西人的, 譯得不太好, 很多看了也不知在說什麼...
唯有看到有關納粹大屠殺及死亡工廠的章節才精神一振.

自看了一個快樂的傳說後, 便對猶太人問題產生興趣...
沒看過實在很難想像二戰時有這樣的暴行發生.

自己能生活在這個和平的世代, 實在是很幸福的了.

食飽之後懶洋洋咁返公司...
一座低就收到客既投訴電話: "你呢次好大獲, 件貨做錯左..."
即時醒哂...CHECK 返張單...原來真係自己既失誤, 60隻貼紙, 加埋不過幾紋美金, 難就難在個客11號要出貨, 佢就11號先發現有問題...

好在, 都搞得掂, 但都煩左成日, 仲俾個客取左個手提NUMBER (因為我星期6唔返, 佢話一定要我俾個NUMBER佢等佢確保可以搵到我)
HAHA, 正豬西, 我一樣可以唔聽電話既唧~~~KEIKEI
KEROKEROKERO~~~

之後Manager又突然召左三成入去, 加個新account 俾三成, 由於心掛掛補貨單野, 都無咩心機聽佢up 咩, 睇落個新account 應該幾易搞, 希望到時唔會出亂子~~

>>November 13, 2005 at 5:17:33 PM GMT+8