2005 年 3 月 16 日 星期三 【晴】

討厭的保險及財務從業員

今天逛商場的時候...突然有條女走過黎攔路話叫三成幫佢取張傳單, 派唔哂佢又就會xxx云云...
三成心想亦無不可, 於是便停下來打算取張傳單就走人...
點知就...

俾佢帶左去件阿姐度聽佢講耶穌, 話d傳單print緊(!!!???????), 叫三成等一陣...
即時話趕時間(事實上又真係趕緊時間), 叫佢快手d(仲未拍台走人, 始終覺得咁做好無禮貌...)
但個阿姐竟然繼續講耶穌, 於是三成再話趕緊時間....點知個阿姐竟然話...
"唔緊要嫁...唔緊要嫁..." 即時火都黎埋, x的, 唔緊要???
極怒狀態下走左... 成日覺得幫人做訪問, 做調查, 以致和顏悅色咁聽一兩分鐘完全冇興趣既產品推廣無咩所謂, 但e d阻街呃飯食既從業員真係好乞人憎!!!
白白浪費左兩三分鐘...

>>March 21, 2005 at 4:20:52 PM GMT+8

2005 年 3 月 14 日 星期一 【晴】

這兩天真是忙得不可開交...一時便是得閒到死
一時便是突然好多事做~~~經常提醒自己要集中精神, 以免出錯...

不過每天仍是keep 著看一會御伽草子, 重要的伙伴一個一個地死去, 很慘啊~~~
這動畫的主題曲很動聽...而且opening 也很不錯, 算是一套令人驚喜的作品呢~

畢業愈來愈久, 除了個別的幾位外, 跟就學時期的朋友愈來愈疏遠了~~
沒辦法, 平日太少時間見面或聯絡了~~~

發覺打機好徙時間, 昨日打完, 今日又打, 不斷重覆, 時間用左好多, 但個過程又學唔到野
我係唔係應該考慮下好好進修呢?
特別係語文能力方面真係好似唔多掂...而且思路也不太清晰呢, 也許自己是比較笨的一類吧...

阿妹就黎考試~~~加油, 為兄支持...

>>March 15, 2005 at 4:38:23 PM GMT+8

2005 年 3 月 13 日 星期日 【晴】

這兩天本來打算把網上助手撤底地從電腦上移除的.
但因為懶惰的關係, 結果光說沒有幹~~~

說起來, 電腦每次出現什麼中毒的問題也是到裸體團找網友求助~~~
而次次都能順利把問題解決, 網路世界中也有很多樂於助人的人的~~~

部機執返條命, 順道警告其他朋友防範新病毒的縵延, 同時把救回部機一命的防毒程式fw 出去~~~
希望大家部機都健健康康喇^^

取返隻文明帝國出黎玩
e 次玩君王級, 媽的, 電腦都是變態的好戰份子...經常無緣無故衝入我的國土燒殺搶掠...
玩到嘔哂血...唯有重金厚幣同其他國家搞同盟先頂得住...

御伽草子以每日4-5集的速度火速觀看中....真是看得有點欲罷不能, 但看完了便沒有了
所以一直忍著慢慢看, 只在吃飯時看兩三集~~~
不過真的頗有趣~~~

>>March 13, 2005 at 4:22:10 PM GMT+8

2005 年 3 月 11 日 星期五 【晴】

很久沒有更新過日記了...
最近真的不太得閒呢~~~

經過一段時間調整後, 現在愈來愈早睡了...
平時5時才睡的, 現在一, 二點便上床睡覺了~~

終於買左套御伽草子黎睇, 愈睇就愈過隱.
開頭覺得它的畫功怪怪的, 但看久了便慣了, 而且劇情有趣故事吸引
實在相當不錯呢~~~

本來還打了堆東西的, 但其他人看了後不知會有什麼反應...
還是算了~~~

>>March 12, 2005 at 12:52:59 PM GMT+8

2005 年 3 月 7 日 星期一 【晴】

今日極為不幸, 電腦被萬惡的黑客用木馬程式攻擊了.
想不到從kasey 那兒收了一個少少的file便出事...
三成的電腦更成為了黑客的播毒器, 幸好立刻斷線, 才沒有使災程進一步擴大.

之後的十多小時便全用在電腦的修復上, 得到網友之助, 在深夜3時終於使電腦恢復正常...

明天, 便要重臨半年前的因緣之地...

>>March 8, 2005 at 8:58:58 PM GMT+8

2005 年 3 月 6 日 星期日 【晴】

如三成所料, 今天一早電話便響過不停, 使三成無覺好訓...

心情大佳, 陷入瘋狂狀態...好在符近d人無報到警..

半年前, 一切故事由那兒開始, 想不到半年後, 仍有機會再次回到那因緣之地...
感覺有點怪怪的, 亦充滿著期待.
這一切是為了什麼?也許是....為了愛...hahaha



下午和阿妹的朋友們閒談, 雖然是個小美人, 但態度及言語都相當無禮...
亦反映了現時香港的德育真的出現了很大的問題.
青少年們只懂得用些低俗及粗鄙的詞彙, 詞不達意, 言語無味
男人滿口粗言穢語已經惹厭. 女孩子也是如此更是...
不太喜歡和一些言詞粗鄙的人交往呢~~~
總的來說, 阿妹的朋友們全都令我覺得她們很吵耳~~~

>>March 8, 2005 at 8:59:38 PM GMT+8

2005 年 3 月 5 日 星期六 【晴】

都懶得打日記了,
反正除了星期四和王dull, 完美女神等吃飯外便沒什麼事發生~~~

整天都是找工, 寄工...及在家中遊手好閒...
再不便是和妹子談談天, 說說地, 不過都係幫佢解決問題同開解佢居多...
自己的事及煩惱慣了不和別人說的, 自己搞掂好了...

整天在朋友跟前嚷著失業會否很煩呢, 留正失業也是自找的...
可能是因為整天想著就業的問題, 所以在閒談間便常常不自覺地拉到這話題上吧...

擔心及不安是有的, 但可不是因為生活的問題, 只是不想成為寄生虫罷了~~~

星期六又見了一份, 不過e份認真麻麻...是做印刷的, 公司環境給人的感覺不太好...
不過由於失眠關係, 我in得都係麻麻, 佢考慮我先算~~~

夜晚磨下磨下又2,3點, 開左個電視, 見有線播緊一個快樂的傳說, 本來只係打算望兩眼, 點知一睇就睇到入哂神...本來好少睇英文以外既外語片, 但e 套野又真係幾好睇~~~
睇住個老豆為左個仔不斷苦中作樂, 強顏歡笑, 真係睇到有d想喊既感覺
本來一直以為故事會向住大團圓結果方向發展...誰知...
睇到心情十分沈重~~~

>>March 7, 2005 at 6:47:29 AM GMT+8

2005 年 2 月 28 日 星期一 【晴】

睡眠不足...但都迫自己起身準備見工...
其實昨夜訓唔著時亦都諗過一返說辭, 加上見工稿日夕修改, 已經盡善盡美, 所以都好快搞掂...
只係自己有d 精神不振.
今次特登擔張座得唔舒服既凳, 著埋成套戰衣座係塊全身鏡面前做rehearsal, 感覺效果唔錯
睇黎以後我會多用e 個方法.

搞左一輪就出發, 好鬼屎凍, 早知著多件衫喇...
去到又係填form ,連屋企人做咩都要寫埋...真係徙哂d精神...
之後就做test, 打中英文, 不過部機唔多就手, 加上凍到手騰腳震, 所以打得極慢...

然後就入會客室呆座...真係咩鋒芒都俾冗長既過程挫哂...
不過一路三成都盡量保持自己心情輕鬆愉快, 盡量唔令自己太down or 太緊張...
包括諗d 好笑野, 唱歌, 真係咩都出齊, 終於等到件interviewer 入黎...

又係正路兩文三語咩都講齊, 不過e 次保持心境輕鬆愉快, 覺得自己表現得唔錯, 唔會太緊張.
而且估唔到剛剛打字咁q慢都打到一分鐘36隻字...算係幾, 佢仲話我打得好快tim~~~如果個keyboard 就手d 相信4十幾字應該都冇問題...
不過佢就話三成普通話認真麻麻...我都冇法喇...係咁練, 仲係一pat 屎咁都冇計~~~
11:15去到, 走果陣都1點幾了...都搞左好鬼死耐下...
希望有下文喇...雖然覺得有d機, 但希望愈大, 失望愈大, 過左一關仲有second in...
都係到時先算...

回到家, 邊食飯邊取左本加菲漫畫黎睇...估唔到一本漫畫都學到好多英文詞彙同生字...
三成將常用既抄哂落黎, 做埋筆記, 真係睇漫畫都學到野, ahaha

之後頂唔順就大覺訓...一訓又係兩小時(其實全日加埋都訓唔足5個鐘)
醒返都冇打機, 而係繼續練英文...感覺相當充實...

不過食飽之後就係d網上論壇度流連...感覺上好浪費自己d時間...
夜晚連睇兩集大內群英(一集係錄的)...劇情發展到後期, 萬梓良已經成功轉形為一個精神分裂症病人...終於連年羹繞都迫死埋...果幕真係感動到幾乎流眼淚出黎...
可惜剛剛同王dull用msn傾緊, 搞到感受冇咁強烈...早知錄鬼左佢喇...
之後睇到萬梓良睇到年羹繞個人頭, 後悔同作出自白既時候, 又幾乎想喊出黎...
呢個肥叔叔真係好鬼死好戲, 睇佢發顛已經覺得好有戲味...同而家d 新星廢人完全係兩回事...
雖然套野既劇情係拖得慢d, 不過佢既愛恨情仇真係處理得好好, 如果可以濃縮返十零集令節奏更快就更加完美.
睇住套野入面好多角色大家對大家其實都係懷著善意既, 但就偏偏互不信任, 好多衝突其實完全由誤解而起. 而家d 編劇完全寫唔到d 咁好既劇情出黎...都係奸就奸到出哂汁, 忠就忠直到無人信...不過d 角色就快俾顛佬萬梓良吉死哂喇....吉死哂就收工...yeah!!!~~~

>>March 1, 2005 at 7:23:00 PM GMT+8

2005 年 2 月 27 日 星期日 【晴】

在世界中心呼喚工作!!!!

哇呀呀呀呀呀呀呀呀呀!!!!!!!!!俾工我呀...wwaaawawawaa
咳咳....

得到完美女神的鼓勵後, 這幾天都如充了電一樣地積極找工作~~~
早排鬼死咁摺, 發覺自己都冇咩盡力找工...一星期都係腥6,7封...而家即時on power, 兩個鐘就腥左十幾封...都係事在人為既姐..自己實在太懶喇...

上午一直無電話, 點知d phone call 夜晚先黎.
不過當中有堆係agency 來的, 真討厭...不過有機好過無機的...

電力公司無能, 令我楝大廈係11:59斷電...好在一早托人錄左大內群英...
不過焗住要早訓...結果...當然係訓唔著喇...

係一片黑暗之中嘆宵夜, 感覺唔錯...不過...嘆完之後一樣訓唔著...
結果典到7點先訓得著...6個鐘咁就浪費左...之後訓兩個鐘就要起身準備見工...陰公...

>>March 1, 2005 at 6:52:07 PM GMT+8

2005 年 2 月 26 日 星期六 【晴】

昨日阿妹邀約一起閒逛東涌(根本就係佢屋企樓下!!!!)
不過唔知點解, 唔多想出街, 所以拒絕了, 其實呆在家中也是發毛, 但不知為何, 就是不想出街...
可能是天氣太凍吧.

昨日一口氣寄了十多二十封email, 算是為頹廢的生活注回一點動力吧.
但想到明天響過不停的電話便又有點不知如何是好的感覺...但肯定的是若一通電話也沒有三成將更加失望...

等左成日, 只為睇聯賽杯大戰, 比賽非常刺激精彩, 一個字...正...
車仔終於捧杯, 令人振奮非常...諗諗下其實自己係d 遊離球迷, 冇死捧邊一隊, 只係唔想曼聯贏...hahaha...
利記, 紐記, 米堡, 車仔, 阿記, 隊隊有好成績我都咁開心
不過車仔好耐未威過, 係時候威返次喇...

>>February 27, 2005 at 6:28:59 PM GMT+8