2005 年 9 月 5 日 星期一 【晴】

平日經常看王DULL的主題式日記, 覺得蠻不錯的.
始終一天可能有不少想記下的事發生, 但又不想在一個版面上寫太多, 主題式日記是很好的選擇.

記得上次大學舊友聚會, 大毒丸說三成的樣子老了不少...唔...看看鏡子也是的~~~
面上的皮膚粗了不少, 看來要好好護理一下了~~~XD

今天上班也是混吉~~全天只有一份單, 不過麻煩卻是不少, 那內地的小姐剛做不久, 很多東東也不太清楚的樣子, 又被迫練習普通話...不過說得尚算不錯(自覺~~~嘿)
無聊時繼續用電郵轟炸追數, 真討厭, 再來一單客人不找清, 大概三成便要被MANAGER 踢走了~~~
繼續QC LABEL 及整SAMPLE CARD...閒...

下午和JOEY食LUNCH...其實幾鐘意同JOEY 兩條友食野, 可以一路食一路肆無忌憚咁傾計...
有時一大堆人時反而傾得無咁放, 因為有不少話題都是很隱秘的私事呢~~~^^
食飽飽就周圍逛街, 不過都係邊行邊傾計多, 睇野買野反而係其次...
夠鐘返公司時, JOEY因為對神不敬而受到了天罰, 真可憐(笑)

6點...準時收工...等埋腐皮之後便一齊出發去灣仔會合豬妖, 馬B
聖記時代的大威4天王(爆)再次集合起來~~~
晚飯時大家一起回憶起中學時被DT 及音樂阿SIR 奴役的日子...那些慘痛的經歷反而成為今天的笑料談資~~不過想起那段地獄般(汗)的日子, 真是令人不寒而憟...

9點散場...留下了今天的金句: "每日返工, 放工, 放工之後返屋企睇書自我增值囉"

食飽去左機鋪打機...1紋一鋪的三國格鬥, 都幾抵玩, 好唔好玩就見仁見智~~~

返到屋企都極疲, 但都係上網望望有咩野好食先~~~想不到什麼好點子...嘿

在彩虹不能再光照三成的現在, 一切只能靠三成自己了~~~
為了擁有鋼鐵般的心智, 必須先鍛鍊自己的肉體(胡說的~~~), 我每日都做最少十下引體上升嫁~~~

>>September 6, 2005 at 5:18:03 PM GMT+8

2005 年 9 月 4 日 星期日 【晴】

呀呀呀, 又是星期一了.
病了一輪, 再次上班, 氣色不錯~~~
Jamie 今天開始放大假, 但要backup 的東西不多, 工作也非常輕鬆~~~
每日得果兩, 三張單, 加埋d 突發野, 剛剛好填滿d 工作時間就放工.
其實成日諗, 條team 會唔會人手過剩??大家都十分得閒的樣子~~~

D Sample card 俾manager 話我痴得樣衰, 無法, 我d 手工就係咁...盡哂力~~~SORRY~~

回家後上網找找有什麼好吃的東東, 都唔知果日去邊度食好...
search search 下大佬突然殺返黎, 仲帶埋隻winning 9, 雖然無太大意慾玩, 但都關左電腦,
去打兩鋪喇...

明天要快d 決定去邊度食先至得!!!

>>September 5, 2005 at 4:51:44 PM GMT+8

2005 年 9 月 3 日 星期六 【晴】

今日全日都係留在家中靜養, 好聽D 叫休養生息, 衰D 講句就係係屋企發毛發臭...

都唔知全日係屋企做過D乜...
既然無街去, 唯有係屋企睇書...仲有豬妖昨日腥黎既GUNDAM SEED DENSTINY及之前DL 的鬼刺青~~~
再唔係就係訓覺同上網~~~OH...真無聊~~~

在很多人不斷求上進的時候, 自己卻在浪費光陰, 虛度生命...
但又實在找不到一些有意義的事來做, 報些COURSE讀吧~~但又不知讀些什麼好...
而且學了也不知有何作用~~現階段還是學好自己的英文吧, 但一看到那些生字便想睡了~~~XD

這幾天以至這數星期一直在進行艱苦的心理鬥爭, 總之, 向前走吧, 不管前面是天堂還是地獄,
只要不斷向前進, 便為自己的生命提供了無限的可能性~~~總不能原地踏步吧...
這幾天更加要好好計劃應該怎麼做才是~~

>>September 4, 2005 at 5:32:22 PM GMT+8

2005 年 9 月 2 日 星期五 【晴】

在日記發了一輪嚕蘇, 又睡了一覺好覺, 精神終於回復過來了.
果然是受病魔影響嗎??~~~ =3=

悶悶不樂, 鬱鬱寡歡，很多時只不過是一個想自己成為悲劇主角的人，刻意製造出來的情緒.
嘿嘿

既然沒事了, 那便出街吧.
和女神到了觀塘的APM 逛了一整天...APM開左咁耐 大家都未去過(算喇..我認自己係out).
感覺上唔多好行, 規劃得麻麻, 唔夠體貼...時代好似好行d, 特別係d 扶手電梯, e 度一條, 果度一條, 第一次行真係覺得好麻煩...
其實d 商場個個差唔多, 黎黎去去都係果d 見慣見熟既鋪頭, 不過行下d 新商場, 都有d 新鮮感既.

夜晚殺左入間ROMAROMA 食dinner, 間野裝修, 氣氛都唔錯, 但d 位就極細, 座得麻麻地舒服, 特別係多隨身物品時, 想搵地方放都幾難~~
叫左堆pizza, 都係麻麻地, 很硬, 食唔哂, 焗住打包~~

之後仲去d xx雪糕店食雪糕, oh...隻藍啤梨好q 難食 (T.T)
回水!!!!

送左女神上車仲要係商場度兜黎兜去搵地鐵站入口係邊, 都唔知個商場邊鬼個設計既, 咁難行既~~~

返到屋企, 剛剛睇到英格蘭對威爾士既下半場, 呵, 咁就一DAY~~~><

>>September 4, 2005 at 5:17:38 PM GMT+8

2005 年 9 月 1 日 星期四 【晴】

為了那一丁點的方便, 為了那丁點兒的閒適...那一剎那的決定, 所付出的代價實在太大了.
我很後悔, 也很抱歉...一切都是我這個愚蠢的三成所犯的錯...

種種的不快, 便當成是報應般去承受吧.

因為生病告假的問題, 今天在公司被Manager 訓斥:
"見到你咁都唔知應該嬲定應該點好..." " 我好似同緊我自己個仔講野咁..."
我完全不知道自己回應了什麼...腦中一片好白, 完全不知自己在說著什麼...
我到底在幹什麼?

總覺得自己把一切都搞糟了, 對不可預知的未來, 對自己的前路, 感到一片惘然.
那重要的日子已經愈來愈接近, 要以這樣的精神狀態去把一切都搞跨嗎?
還是...

今天終於買齊了一整套聖鬥士, 不知怎的, 腦海中總是浮現著撤卡自殺的一幕...
漫畫內容對人沒有影響?我第一個不相信!!!

>>September 2, 2005 at 5:46:29 PM GMT+8

2005 年 8 月 31 日 星期三 【晴】

生病了...這幾個月來, 經常都是持續著發燒和感冒, 時好時壞...
到底是病魔摧毀了我的鬥志, 還是因為三成的鬥志完全誇了才讓病魔有機可承?
已經不知道亦懶得去想了.

總之, 自朱古力掌門人一役後, 意志便非常消沈, 是太久沒見面嗎?還是見了面也不知道應幹什麼呢?

還有什麼比漠不關心, 麻木不仁更糟糕的狀況呢?而不幸地, 三成便是處於這種狀態之中.
對身邊的一切毫無興趣, 連話也不想多說...快變隱閉青年了..
每天都是和自己的腦袋玩遊戲, 好像煩著很多東東, 但精神上卻是處於無的狀態...
即係可以on 居居座係度, 唔出聲, 咩都唔諗..眼光光, 等天光~~
真係自己都覺得得人驚....

WHO ARE YOU ? ?你是誰? 誰 WHO ARE YOU? WHO ARE 你是 誰?
WHO ARE WHO ARE YOU ? ?你是誰? 誰 WHO ARE YOU? WHO ARE 你是 誰?
WHO AREWHO ARE YOU ? ?你是誰? 誰 WHO ARE YOU? WHO ARE 你是 誰?
WHO ARE 你是誰? WHO ARE YOU? 你是誰?

就黎精神分裂...

>>September 2, 2005 at 5:27:46 PM GMT+8

2005 年 8 月 29 日 星期一 【晴】

今日真係無聊, 返到公司用光速搞掂昨日份急單d 手尾後, 9:45開始就眼光光等食飯~~~
在公司繼續偷偷地和JOEY 玩MSN, 本來有些事想搵佢傾下煩下佢既~~~但原來佢都俾唔少煩惱困擾~~~希望佢會快d 開心返, 搵人傾下始終會好d既~~

9:45 - 1:30基本上都冇咩野做, 唯有係個位度唱歌, 打電話俾d 客追數, 出email 轟炸d 唔找錢既客打發時間...好悶...超悶...極悶~~~

下午又係QC d label...日日返十幾萬, 成TEAM一人Q 2,3萬隻, 真係無聊到爆~
Q 完, 繼續無生意, 同KATHY 玩EMAIL囉~~~佢俾我鑵雜菜汁味道激似羅宋湯...
相當我唔雪凍佢熱飲會好D~

放工前D 單先黎, 又係咁, D客係唔係玩我?
不過做得極快, 都可以準時6點鬆D 放工...死未^^

想打電話, 但老爹在家大唱卡啦OK, 總不成以他的歌聲作背景音樂吧.
到等他唱完了, 又是電視劇的黃金時間...為免打擾人家收看喜愛的節目, 唯有等到d 劇集做完哂先...

>>August 30, 2005 at 2:33:48 PM GMT+8

2005 年 8 月 28 日 星期日 【晴】

對唔住..各位...係我錯, 我對各位唔住...
我竟然唔記得講星期六果件最震撼人心既事...希望各位原諒我...

星期六..一B三巨玩大富翁既時候, 大巨頭無巨陸(又稱David)竟然係一鋪內座左10次監, 頭5次仲係連續座果隻...無巨陸估唔到有鋪座監隱, 反而理應經常出入監房既巨B哥竟然不斷抽到出獄證, 有勢力人士果然唔同D...

仲有, 昨日我見到彩虹呀!!!真係超靚...
見到彩虹既人就會得到幸福嫁喇, 好!!!我都要加油先得~~~

返工照例謝哂..係地鐵又繼續陷入大昏迷~~~照例唔記得落車~~~ZZZZ
返到公司又一路做野一路訓覺....真係好似上堂咁, 明明好唔想訓, 但又一路烏下烏下~~~
當逐漸失去意識既時候, 突然彈左個MSN MESSENGER 過黎, 即時醒哂, 就好似d 聖鬥士見到女神雅典拿咁, 精神一振...真係神奇~~~

又係QC d label, 到底要q 到幾時先完呢~~~

放工前先彈返急單過黎, 拍哂心口應承人地搞掂, 於是含淚留係公司慢慢做~~~
好在仲有kathy 陪我咋~~~
張單咁急, d 資料仲要係錯既, 成日revise, 玩我咩~~~XD

>>August 30, 2005 at 2:20:38 PM GMT+8

2005 年 8 月 27 日 星期六 【晴】

昨日4點先訓, 結果今日訓過龍, 明明較左鬧鐘10:30起身, 但訓醒時已經係11:30了...
12:00要去到沙基灣, 即時彈起身換衫刷牙出門口...(中間仲要打個morning 俾李柏豪叫醒佢)

趕頭趕命之下, 12:05去到, 一個人都無...
極慶...
12:10分, J 出現...仲帶埋個表妹來...
12:15..janice 出現...
12:20 唔關事既豬妖路過, 結果俾三成用馬克鐵拳打左一獲....
12:25 住杏花村答地鐵只須要一個站就到既肥雞出現, 仲理直氣壯地: 約12:00 唔係即係約12:30既暗號咩?"
12:30 李柏豪都出現...終於齊人...

結論: 大部份中學同學都唔會守時...
解決方法: 出門口前打電話問清楚佢地係唔係已經準備好出門口先...

一般而言, 遲到的上限不應該超過10分鐘, 還有, 遲到時請打電話通知一聲及報告位置...
別老是要等待者打電話給你...

食完lunch 就去石澳.
天氣狀況: 無太陽, 大風, 極大浪
游水時見到救生員不斷出動, 睇黎今日真係有極多人遇溺...
一班人用浮床玩沖浪...很過隱...

大浪的日子游水原來咁好玩~~~只要小心d, 就唔會樂極生卑~~

回到家, 極疲...

>>August 29, 2005 at 3:05:12 PM GMT+8

2005 年 8 月 26 日 星期五 【晴】

本來以為一B三巨會議要取消了, 但今早(真係晨咁早!!!!)便收到廢剛來電, 會議可以如期舉行...
太累, 繼續訓.

今天不能游水真是可惜, 即使見一面也是好的麻~~

下午約了不知得意還是失意的GC吃飯...也談了不少, 之後由上環行左近半個鐘送佢去中環答船...
之後再行返返屋企...來回..行左成40分鐘...回家後發覺左腳足趾被拖鞋磨損了~~

之後便去廢剛家, 一邊答車一邊看TIMES, 也算充實, 只是很多名詞都不明白是什麼意思(不論是人物還是新產品...)字典也是查不到的, 所以有些地方難免會一知半解...
即使是寬頻這樣簡單的生字, 也要想很久才能理解...

到步之後, 約人既阿剛又遲到, 遲左成半個鐘, 都0米話唔激氣...
真過份, 之後才施施然跟他的拖友出現...難為我同巨B及無巨陸等了許久.
原先大家都以為只是一個圍內的聚會, 但突然有一B三巨以的人出現, 大家都有點不能盡興的感覺...
算了...
到廢剛家, 原來他幾乎全家總動員出動了...那兩個小寶不斷攻擊我們偉大的巨B哥, 又噴口水, 又騎佢, 真可怖...
小孩子雖然可愛, 但過份活潑便總有點沒有教養的感覺, 相較之下, 還是較喜歡古人的教育方法.
和孔融的兩個孩子相比, 眼前的兩個小魔星實在相差了十萬8千里.

在傾談電話的途中, 其他人乘三成不在意, 偷步走了幾ROUND, 但邪始終不能勝正..
勝利者始終是三成~~~

回家時和無巨及巨B談起了進修的問題, 進修某某科是因為某某科較有用, 認受性較強云云...
總覺得現代教育已失去了教育的意義, 唸書總是著重功利性, 都是著眼於有無用, 及能搵幾多錢等.
古之學者為己, 今之學者為人. 只重功用, 而忽略了修己待人之道.
那學習還有什麼意義?

>>August 27, 2005 at 6:34:24 PM GMT+8