2005 年 8 月 25 日 星期四 【晴】

近來不少朋友為身邊的煩惱所困擾, 希望佢地盡快忘懷不快喇.
送給所有對生活不滿及不快的朋友兄弟們

"如果你能夠找個令自己難過的理由, 也一定可以找一個令自己快樂的理由"
有得便有失, 學會接受現狀, 可以笑的時候為何不盡情笑呢?

生活總是充滿矛盾的, 愈渴望成功, 便愈害怕失敗, 結果因而裹足不前.
坦率一點, 沒有任何私心地說出自己心中所想, 即使結果如何, 亦不失光明正大.
與其什麼也不做, 不如燃盡生命, 引發奇蹟!!

>>August 27, 2005 at 6:19:09 PM GMT+8

2005 年 8 月 24 日 星期三 【晴】

早上一上班, 位都未座暖便收到噩耗..快樂游水泡湯了...
unhappy...

整個早上, 甚至整天在公司都是遊手好閒...和Kathy吹水, 分享食物等...
利用空檔時間四出奔波, 終於順利促成了第二次一B三巨神聖同盟...星期六召開一B三巨委員會...
到底巨B哥仲係唔係咁巨呢...無巨陸又仲係唔係無巨呢?
一度停滯了的巨化再次蔓延.

好不容易捱到了放工, 留下不少工作(又是5點半後才出現...X的)明天再做, 便出發和廢巨剛DINNER
很久沒一起巨了...好巨!!!
原來阿剛有 "代溝" 搵日真係要見識下先得...繼巨之後又一力作!!!
DINNER 又係去樂富既大滿貫...到底點解我同廢剛會咁熱愛E間快餐店呢?
無人知...

震O絕技, 技驚4座...但震得耐會好累...

食飽之後去左行吉之島...無喇喇買左兩件衫...同親阿剛行街都會買特別多野...雙巨合壁既威力?
謝謝你的寶貴意見, 亮麗的彩虹就在眼前...

近來不少朋友也為煩惱所困擾, 祖兒, 諗清楚先好決定呀~~~
另一方面, 亦無謂浪費自己時間~~~

豬屎哥~~不要灰心喪氣喇, 成日得隴望蜀, 見到雞肋就咬都唔係辦法嫁~~ T.T

深追先賢遺德, 無為其所不為, 無欲其所不欲, 始覺知易行難...
總之...我愛...故我在喇~~~

>>August 25, 2005 at 5:26:19 PM GMT+8

2005 年 8 月 22 日 星期一 【晴】

好累呀...開始出現厭戰心態, 即使閒在家中發呆也不太想上班...
這樣可不行呢...希望快點可以重新投入工作吧.

今天的工作很順利, 雖然仍是有不少麻煩事, 但都順利解決.
但今天又來堆LABEL 要做QC, 真麻煩.
搵我做QC等如無QC...一路CHECK 一路訓, 愈CHECK 愈求其...
令三成回憶起上課時的日子...一邊勉力振起精神, 但一邊又不敵睡魔而呼呼大睡...
總之一路CHECK LABEL 一路釣魚...ZZZZZ

一旦有問題關係到自己條TEAM時, 公司的同事第一時間找的, 通常都是我...
"下, 我幾時做左條TEAM既代言人嫁..."
"你好相與0Y麻..俾我都搵你先."

同事話三成對人好nice, 但Cora便經常提醒我不可以太好人...有些時候要拒絕他人及態度要強硬一點...但三成實在惡不起來...一想到其他人比我兇完之後既感受, 就覺得非常內疚...

所以, 唔係我好人...而係兇人個心會覺得唔多好過唧...
太在意他人的感受相信是三成的缺點...

下午同Joey食飯...又一個快樂午餐...
總之有個好close既朋友係符近做野, 的確係一件非常開心既事^^
食飽飽之後一齊去書局打書釘...但一直唔知原來Joey都係屎...唔係...史人先對...

試下約人游水先, 唔知游唔游得成呢...希望得喇...
游水呀!!!!我要游水!!!!!!!!!!!!!!!!

>>August 23, 2005 at 4:24:32 PM GMT+8

2005 年 8 月 21 日 星期日 【晴】

無咩好講, 好眼訓, 要OT囉...
俾Manager 屈左我做條team 既康樂部部長...繼整左個team member 生日report 之後,
仲要arrange 團體活動...真麻煩...遲d 先算...

好疲囉, OT 囉, 好疲囉, 唔夠訓囉...OT囉...慘囉...OT 囉...

>>August 22, 2005 at 4:40:26 PM GMT+8

2005 年 8 月 20 日 星期六 【晴】

天要下雨, 呆在家中真無聊, 一於去打波.
今天狀態不錯...曾經大破Dolly, 特別是一直很雞的反手也抽得很好, 爽...
不過打到後來有點後勁不繼...虎口都腫了, 腳也很痛...
唔停地打個半鐘真的很累...有d 腳仔軟tim..

打完波之後係灣仔閒逛, 睇下搵唔搵到sound track, 以為一定有, 但找極也找不到, 奇.

黎到夜晚當然係英超大戰, 牌面勁但唔好睇, 超悶, 俾返兩個鐘我!!!!
開左隻eps 黎玩,真係徙哂自己d時間, 不過又勁好玩播~~€


失眠呀!!!訓得兩個鐘, 勁過拿破崙~~~慘.

>>August 22, 2005 at 4:36:33 PM GMT+8

2005 年 8 月 19 日 星期五 【晴】

連場大雨...人也精神不起來...
昨天回家時雨下得很兇, 即使打著傘子也至同赤裸, 全身都濕了, 幸好早有準備, 把書籍都用膠袋包著才放進袋子裡, 但下雨天真討厭.

世界通史看了一半, 不過內容令人頗失望, 內容頻頻出錯, 而且不少重要的史事也沒有記載, 無聊的都記載了不少, 真不知作者的標準在那兒~~

星期六, 難得的假期, 但外面卻是世紀大豪雨, 連丁點兒出街的意慾都失去了.
蝸在家中發呆, 慢慢感受著時間的流逝, 珍貴的周末就這樣浪費掉了.

夜晚和肥佬, 曹VIV等聚聚, 又是大魚大肉...
始終覺得鬼佬食物不太合自己口味...除了飽肚外, 味覺的享受只是一般.
價錢算OKAY喇...

整晚的話題不是明星醜聞便是無聊的玩笑...
感覺上身邊的這班人都是以貌取人的傢伙...

身旁的China 不斷在身旁喋喋不休...真煩厭.
他在大學時不斷製造不實謠言已令三成十分火光, 想不到這晚還要舊事重提...
三成可不喜歡把自己的私事當是非般擺上台成為娛樂大家的點子.
他看不到我一面不爽嗎?為何還要追問下去呢?
基本上三成是一個不愛分享自己私事的人, 明明不干別人的事, 和其他人說來作甚?

不過China也說得對, 8掛是人的天性...所以一直忍著沒有發脾4...
始終他也是沒有惡意的~~

三成只會和超close 及超信任的好友傾訴自己的事情....

最近不知幹什麼...心情不太好...在此和各受影響的好友說聲對不起...

>>August 20, 2005 at 6:10:42 PM GMT+8

2005 年 8 月 17 日 星期三 【晴】

呢幾日都訓得唔多夠, 好似冇咩精神咁...
返工亦不久唔久會有d 小錯誤...一錯就覺得有d 灰...
有時都唔可以話唔黑仔, 明明做足100%都會有d 意外既情況彈出黎...
腳頭唔好?

覺得有點累...小宇宙始終燃燒不起來...

回到家仍是不願睡, 到要睡時又睡不著...
早上想睡時卻要起床...矛盾.

整個星期都在下雨...真是令人厭惡...夏天還是有太陽的好~~

>>August 18, 2005 at 5:03:01 PM GMT+8

2005 年 8 月 15 日 星期一 【晴】

救命呀, 放監未呀...連續第3個工作天對住d label, 就黎顛喇...
由於係大Program, 連QC 都要做埋...d report 又愈來愈難做...
成朝都機械式咁check 住d label...自己又突然發市, 好多新單...d 客仔又突然同一時間要改e 樣改果樣...玩謝囉~~

工作愈來愈枯燥...很煩...
已經沒有了早陣子的衝勁, 咩都想得過且過就算...唔想理...順利解決左件事就算...
積極性 - 30

來自MSN 的小鼓勵, 令三成重新振作...把小宇宙燃燒吧...engine又好, turbo 又好, 一齊開哂佢
唔...真不知是那來的傻勁呢^^

但過左一陣...都係謝左...好疲...
7點幾就走人...但全日真係無停過手咁滯...回望台面, 仲留底一堆未清既工作...

比較起黎, 讀書真係有滿足感過返工好多...讀d 野再悶, d notes 再厚, 每睇完一頁, 都覺得自己係學左d 野, 感覺好充實...
而返工雖然亦有滿足感, 但做黎做去d 野都差唔多, 有新野搞就例牌煩到死, 除左份糧就咩都得唔到咁..

無記錯的話(記性愈來愈差), 明天就要考試...希望佢順順利利喇


夜晚取左隻新半斤8兩黎睇...雖然係咸豐年代既舊片, 但一樣覺得好好睇, 非常抵死過隱.
你說它胡鬧, 但胡鬧得來卻充滿創意...唔似而家d 港產片, 砌堆狗屎垃圾出黎, 聽到戲名已經唔想睇...
阿媽個friend 借左隻喜馬拉雅星黎, 仲有重案痴gun show...聽d名都知廢...
完全冇心機睇...
仲有近排既齊顛大聖等...要觀眾入場麻煩改過認真少少既戲名喇...

>>August 17, 2005 at 1:42:47 PM GMT+8

2005 年 8 月 14 日 星期日 【晴】

每天起床都覺得很痛苦...很想繼續睡...
今日按熄左鬧鐘之後爭d繼續再訓...繼續訓左兩分鐘...仲夢見自己起左身...真恐怖...
好在最後都清醒返.

返到公司, 話多野做又唔係, 話少野做又唔係.
總之精神狀態就麻麻...做野都無黎精神咁.
其實做黎做去都係差唔多野, 都開始有d 悶了...但一樣keep 住開開心心咁去做...
至少悶得黎都心情愉快.

又要數label...上次10000, 今次20000, 仲要整report...
加上成日個電話不停響, 又勁多新單...很煩.
Fedex 又打黎話送去印度單貨因為水浸, 俾海關掉q左, 真係有冇搞x錯...
而家都唔知點搞好...

再次整個b team 動員數label, 基本上這不是人做的工作...一邊做一邊很想大叫...
我就黎顛喇...放我出去呀!!!
數哂自己果d之後, 主動幫一直冇咩兩句既新同事手check 埋佢果d, 順帶講左唔少廢話...
感覺上熟絡了不少.

咁就做到9點.

放工之後又買左本星矢黎送飯...漫畫的確好睇過動畫.
最喜歡的, 還是內裡一眾角色打不死的決心和鬥志, 而這些正是三成所欠奉的.

事實上, 三成很清楚自己性格及處事上的弱點, 但奈何天性如此, 要改不易...




睇完朱古力掌門人之後, 突然好想睇無頭谷...開頭以為屋企有, 但點知原來得套勾魂谷...
兩套戲爭成十萬8千幾里...唉...

>>August 15, 2005 at 5:08:20 PM GMT+8

2005 年 8 月 13 日 星期六 【晴】

What will my future be? i wonder...
今天心情有點沈重, 總覺得幸福像離開自己很遠.

在家看機場客運站, 很好看, 是一套劇力很強的電影, 令人看得十分過隱.
很久沒看湯漢屍的演出了, 實在很愛看他的電影呢(屍奶殺手除外)

睇完之後發現有線在播驚世未了緣..於是又座低慢慢看.

次次睇完一套好既電影, 都會覺得非常之失落同空虛(笑片除外)...
睇完兩套, 空虛感更加強烈...加上自己一些無謂的煩惱. 更加令整個人悶悶不樂.

雖然世事未必一定盡如人意, 但卻絕不能讓自己放棄希望...
作為一個人最重要的是什麼?是誠, 努力地做好自己便行了.

>>August 14, 2005 at 5:35:48 PM GMT+8