2006 年 8 月 27 日 星期日 【酷熱】

1st day work~3大慘事~

0845返到,我見工既centre,打俾盧生,先知我要去老人中心,個時我先問佢拎地址,點知要行,佢就叫我問人,盧主任又無打俾我~算了….行就行…慘….點知有少少樓梯~又周圍問下人咁,由於我問左一位婆婆,佢都有點避忌咁,到左另一個位我就問另一個人~但個婆婆叫住我,叫我帶佢落去~

一路行,仲有一位婆婆~佢地都好好人,先前咁驚,就因為有一個婆婆俾人呃,所以佢地都特別小心~我地都有傾下計咁,幾好~

返到去,無咩野做,參觀左centre,好似我地以前做回憶錄個間咁~唔係好多人既centre~有我,一個又係姓盧既社工,同埋一個文員,歐陽姑娘,另外仲有一位雜務既龍姐,or叫唐姑娘~其實響centre我都俾人叫做蘇姑娘~

之後又叫我去睇下活力操點帶~之後呆住,就俾阿盧主任叫左我落去拎野,去返平田,今次take小巴~佢都有左bb,佢都唔會行啦~我係我拎單頭,先後對數,睇下對與否~好悶,又累,成日釣魚~lunch係1230-1330~今次既廣田邨得數間食肆~都係帶飯啦~不過都幾平既~有車仔麵,7-11,燒味店,茶樓,仲有一間唔好食既茶餐廳~

下午對左一陣數,就俾人叫左上去新centre度傾下宣傳,同埋會搞咩活動小組~呢個開心點~因有野俾野我搞,不過自己又好似無咩quality去搞,又無咩技能,對象係小朋友~不過都拋左好多我想做既野出黎~

呢個社工都幾好既~唔想limit我,就俾好多空間我去諗一d idea睇下點promote呢間新centre同埋有咩興趣班搞下~佢亦都好直接咁同我傾,睇下我係咪真係做落去,否則同我一齊plan晒d野就無人做~咁佢聽完我又唔like老人家,個時義工組又唔會做功課輔導,都話係一個挑戰~咁佢話呢個星期都俾我摸下間機構既運作,同埋諗下自己既去向~

我都有問過佢,如果我想上course咁咪無時間囉~之後佢問我搵左course咪先~佢話要搵到先好問,因為如果主任問到我,我又答唔到,咁人地咪唔會俾同埋唔bind囉~但係我就諗,因唔知得唔得,就唔想去搵住~有時我都會覺得佢唔了解我,misunderstanding我,我亦都唔服~但係,我同佢又識左幾耐?

走既時候,佢都叫我記得0900~我就估佢誤會我今日遲到~其實我都講左一次,因講開我點上去,可能佢個point著重左響我同佢都係一樣行上去,而其他人都o左咀~或者佢唔明啦~不過佢話我咁勇既,今早先知地址,先知要響廣田既centre~之後我再講多一次,我都唔知佢明唔明~但佢都有講左句話,唔怪得之盧生打黎搵我,睇下我返左未~可能佢初時誤會左,以為我係俾盧生check住,其實盧生係擔心我唔識去~

第二件慘事係原來檯上筆筒有支筆漏墨,成個底都係,我就賴野,因為我唔知,咁我既胸部就有一度好明顯既漬,shit~我既mickey既橫間~第三件慘事就係我試坐215x返home,因centre旁就係啟田巴士總站,點知我一定要poly落,否則….我仲打算會去jordan road,但見佢去新世界,再去中港城,就知一定唔係我個邊,又塞車,又累,所以我響中港城行返home~真係不如意的一天~

講開website,我話又無resourses,我又整得唔靚,其實自己唔想整~咁佢就話…centre有資源同埋做唔做做到係2回事~咁又係…其實我咁多藉口,都係我唔想做jei~不過佢都話2手準備,如果咁o岩我既要求同佢既一樣,咁個印象都好好,都係咁既原因先請我~不過由於我唔服,就同佢講,唔係因為咁佢先請我,係因我做過account同埋帶過功輔班~不過我明佢既意思,點都會好一點,佢都話就算我只做一星期,個印象都會不錯~不過當我提及唔知佢要求點,同埋我覺得佢有要求,係要整靚既時候,而我又話自己唔係好得既時候,佢就話死,等佢仲話幫佢搵義工,如果雙方既要求不一,佢唔滿意,而人地又係義工,佢地又可以點呢~~睇黎佢都無咩deep thinking~

其實都唔知自己要做咩…!!好累都清理面部,23xx sleep~今日都有同cyrena傾下計~佢病了~

>>August 30, 2006 at 2:30:55 PM GMT+8

2006 年 8 月 26 日 星期六 【酷熱】

唉~0735就要起身~因date左tong 0815深水埗新黃金等~點知佢都遲~因我唔識入去威爾斯親王醫院~雖然問左欣欣都細ryan,但落左都唔識行入去~我又唔想入到青衣join埋敏卿入,所以就算了~因tony佢地要0930到~幫手搬野,咁我都一齊幫手搬野~

見到mak ryan~哈哈~同埋一d camp quality既小朋友~我見到佢好出奇,咁佢就話應該係佢見到我好出奇~哈哈哈~

幫手boom波~真係手指都痛~henry同埋tony真係厲害,好快~勁~decoration下~大家又玩下,顛下,傻左~之後lunch~之後又hei左陣,唔好以為好他條,因為boom成n咁多個波,你都咪話唔係野~再decoration,又briefing~不過唔知係咪太累,唔係好get到~

佢地都幾亂,有特別情況又即刻亂晒,有時都唔知佢地想點,搞到我呢d唔知咩事既人仲confuse~因我未參與過,唔知佢地大約既procedure~我又無留心聽,haha,真係衰,唔明又唔問~

之後我都係好enjoy個show~不過帶位時,佢地都唔係好留意有掛牌既要特別帶先得,唉~真係~同埋如果唔想有空位,就唔好俾佢地自己選擇,否則一定有吉位~遊戲都一團糟,什至俾大會司儀搶埋咪~玩完傳波後就抽人玩大電視~點知好多人都唔想出,通常都係d父母推仔女出~所以最後父母都要出~由於我地預左得16個人,點知變左20個,因為有人拔掉座位旁既波~帶game既人呆左,仲問點解咁,於是大會司儀話無問題架,一齊玩~

搞笑既係,佢地要人估既係好難既字,都唔知點做動作,又唔俾人講野,只可做身體語言,做動作既人又背台,佢地又唔俾咪佢地,我地都唔知佢地做緊乜,於是大會司儀都唔理得咁多,出黎搞氣氛,同埋幫口俾tips,我地先至識得笑~oh…真是的,我都睇到無癮~2 pair人,好多時都係得1 pair人玩,家長又要handle d小朋友~地方又笑,人又多,情況混亂~

好彩,之後有一part歌劇,由其係個2個小朋友,記得台詞,記得歌詞,少少dance,同埋扮得唯妙唯肖,真係一絕~我好鐘意~都好佩服佢地~加上佢地backgroud有埋歌詞,可以一齊唱,令我好投入,我都一齊唱,又左右搖,當然個d歌詞都係俾佢地幕後代唱既~

仲有就係一個玩音樂既義工團體,教佢地演奏一首歌~真係good~短短幾堂~我又好投入咁一齊唱~其實佢地rehearsal既時候,我都有d時候響度,咁我都一齊嗜,尤其童話個首歌~唔記得因咩事,henry(=boom爆波子)走過黎,剛剛播呢首歌,我就唱呢首歌,佢地呆左~無計…我地已經打成一片~哈哈~~

henry都成日問我個fd叫咩名,我講左幾次,佢都唔記得,我就話咁你叫佢華華啦~

之後執場~辛苦boom既波,整爆晒~要take photo,原本佢地叫佢地個group既名,咁我當然唔落去啦~之後就話紅衫(康復者)既一齊~由於我係黃衫,就無理~最後就話有幫手既一齊~我又無理…之後佢地開始叫…阿ling….大隻ling…最後叫筋肉ling~真係令我embarrassing~俾佢地激,死好彩剩下我地一班義工,同埋一d家長義工~

今日順道上左去探下gary~點知佢訓左~我地都同佢mummy傾左一陣~死野林鉦傑問隔離床既mummy認唔認得我~我叫佢唔好玩人啦~人地mummy讚敏卿肥返,靚女左~哈哈~傑少當然唔少得個機會奚落人啦~之後gary mummy被叫行開左,之後傑少話代佢mummy摸gary隻手,點知gary就醒~hahaha~~gary mummy話摸佢隻手會訓耐些~我都好掛住佢,好耐無見~

有羅慧娟分享~佢既身體越來越差~佢差唔多聾了~之後佢都好感觸~都唔明白點解天父要俾咁既苦佢~感恩的心呢首歌真係好貼題~仲有廣西,廣州,成都既小朋友用手語唱感恩的心~佢地患病時好辛苦,父母都好辛苦,都好想佢地既辛苦建在自己身上,大陸既人又無錢,有時一個月既人工只係一天既治療費~幸好醫學昌明,依家既藥無咁大side effect,唔會點想嘔….勁左…所以療程快左….不過內臟要承受既都大左~

我依家有d時候都會同佢地傾開cancer既問題~有一個女仔仲同我傾計,點開佢個頭~side effect係佢隻腳無力,平衡差.因影響左神經線

之後又去開餐了~佢地話麻麻地~我就狂食tart,沙律,同埋蓮蓉煎堆仔~之後又一齊take下photo咁~之後竟然唔見左我件衫~但傑少同埋敏卿個件仲響度,真奇怪,3件都係放響我個袋之嘛~咁都得~好彩之後都找得返,嚇死~唔通真係著住件生命小戰士出街?

之後佢地有幫手清場,我,敏卿,crystal太累了,無幫手~hahaha~~之後執完野都8點多了~就成15人出去沙田新地市既仙跡岩,因佢地賣完旗有coupon~好彩有位~原本以為只係圍內,最後佢地班義工都有去~不過都分開左2堆,但之後都join返埋一齊玩~又係玩IQ題同埋益智game~哈哈~我又學左不少~crystal叫我打一份俾佢,哈哈~呢d對我黎講太有用了~

之後我地都11點多走了~我其實已經好頭痛,show既時候,好多時我都已經可以恰著~不過有責任在身,又俾人睇到就費事了~今日見到銘峰,都有同佢講幾句,佢都有黎搵下我咁~哈哈~~很好~係我響camp時同一房既小朋友~

之後俾tony拉住我傾計~幾好o丫~死人傑少仲打黎”chock”我益智game既answer~佢條友仔,真係,佢地個個都係小朋友,由於佢地一大班人玩,我就知道自己一定俾佢地大,哈哈哈~所以佢地都成日叫我做姐姐~好過潘希橋,叫我ling嬸嬸~

我依家都好錫佢地,好鐘意佢地,覺得佢地實在太可愛,太好玩了~有tony, henry, 傑少, cystal, 敏卿, polly,靜雯, phoebe, 橋, mak ryan, gary~玩之餘,我都希望佢地可以更了解彼此,更接受彼此~

henry真係好可愛~佢又話想做社工~又話自己主動多了,多野講左,又好開心上左好戲量既course~原來佢呢條友仔唔識呢個team,以為自己好似警訊上既主角咁俾人呃~點知係佢井底之蛙~我都叫佢share d games俾我,因對我有用~哈哈~不過佢個d games跟我與sandy響上年summer上既course都幾類近,因都係以藝術為前題~佢亦都好興奮咁介紹,加上佢既搞笑動作,同埋cutie既面孔,仲有七情上面,又唔怕羞咁,真係好鬼抵死~佢話我俾佢既感覺好似以前既yommy咁~不過我唔知佢係who~應該都係佢地既戰友~

henry佢呢條友仔,因良心不安,因上次去完海泉灣,去飲野,幫佢俾左,之後佢話唔可以做衰仔,其實佢俾良心責怪左好耐~點知佢俾完我之後….今日個次都係我幫佢出,佢出左$2,呢條死仔~我話差點$20就睇到佢人格~算佢啦~對佢地,真係好似對自己既仔女咁~加上佢地都唔會ignore我,唔理我既~幾好幾好~

由於同tony都傾到差唔多0100,咁我見有車,就叫佢走,我話呢d人際問題.唔係一朝一夕可以解決,加上佢都未消化到,我就叫佢得閒打俾我再傾~因我真係好累,佢又好想走,口話take bus返或行返去都得,但行動又想入車廂,佢地呢d人仔真係~最後佢都係話怕我第二日返工,算啦,佢有咁既concept都已經好好了~

2點多sleep~

由於影相,埋位又耐,所以我俾左個脾敏卿坐住黎等…而我都係蹲下的~於是…我隻腳就痺左,仲企唔返起身~真厲害~

死仔杰少擅自派我既口香糖~仲有,henry飲野時,成日噴野,搞到我隻手好dirty~我地仲見到沙展~敏卿take左photo~

由於henry同nicole cheers,乾,不過我問佢地點解~佢地唔知,我指要一飲而盡,佢地個杯係大杯,所以不能~於是henry就話....."乾管"

>>September 6, 2006 at 1:01:33 PM GMT+8

2006 年 8 月 25 日 星期五 【酷熱】

都一早返左公司~原想去左camp quality度俾隻碟佢地,但怕佢地未返,因都係星期六,又怕自己趕唔起,所以都係返工去~但都幾早,欣以為我1000先返,不過我都好似平時返工咁遲少少就返到~

返到去好認真咁做,cathy得閒又黎問下我new world machinery,cammy又得閒問下我hazt~最後完成,不過由於bank statement唔齊,點都hold住,唯有交俾lisa同欣~另外由於bank confirmation未返,對唔到deposit a/c,deposit個個位可能錯~

同左jimmy同jocelyn take photo~因佢地出左成個星期job,今日先返~都係無同boss同joky take photo~

由於滅蟲,好難得我地差唔多成間公司既人一齊走,仲要同一部lift~只係欠劉生,ivan同埋joky~

之後我就返home睡一睡~

之後出去trendy zone join佢地,文妮打黎話sandy響tst lost會遲到,但佢又約左文妮早些~後來sandy講返,佢話佢要俾野個fd,但個fd遲左~咁由於得emily一個人霸位好核突,就見到邊個就送佢地過黎先~我見到欣,ceci同sandy~於是行先,打俾東東,問佢響邊,講聲我地走先,佢都識黎,原來大ryan等埋東東先遲~之後打俾細米,原來佢在trendy zone,我就叫佢過黎,因我地已行到5樓café了~

我地今次去想入非非~呢間野ok wor~d意粉係通心既~初時都唔知,只係知比平時既粗,之後由於我”咮”入去,發覺有空氣先知通心,好特別~我既拿破崙意大利粉不錯,份量又大~我地都毫不客氣咁試人地既野~emily佢地個個夏威夷焗粉不錯,只係飯比較少~仲有東東既咖哩飯~ceci既羊架~sandy既薯條~哈哈~~

其實我地今日有emily,sandy,ceci,東東,大ryan,欣,細米,我,細ryan後到~

我地又問左professional既意見,知道smoothies同冰沙有咩分別,就係有奶同無奶~

之後個dessert好好味,有2粒雪米滋,有芝麻及香芋,正,好滑~我地未點drinks時,又有人俾水,good services~之後我地都係唔叫住,因細ryan未到,費事俾人趕走~

我地玩uno,玩IQ題,益智games~哈哈哈~真搞笑同埋抵死,尤其東東只係俾個動作,我就話佢既answer對了~之後大ryan都get到~而emily就係因為我唔小心講漏左佢就get到~之後欣欣仲未明,話係咪同個動作有關,咁我地就叫佢戚多幾下~哈哈~之後我就指對面既連鎖店,欣欣終於明,細米同sandy都仲未明~最後sandy要emily拉佢出d睇先get到~

由於我地見到隔離檯個杯drinks好吸引,有朱古力雪糕,我地又問professional=waiter~個杯咩黎,原來所有朱古力特飲都有朱古力雪糕,應該係choc choc chip~我就毫不猶豫地叫左hazelnut chocoate~大家都即刻叫左mocha chocolate la, banana mocha chocolate~cool~要呢d drinks都係加多$15~

我都幾鐘意呢間野,平時我覺得café無咩野食,drinks又係個d,又貴,又唔抵,quality又平平~不過呢間值得推薦~環境,裝修,情調,氣氛都不錯,只係俾我地班人大殺風景~當然唔少得一班狼叫既電車男,真係好佩服佢地~

今日emily成日倒瀉野~犯水災~我就俾個waiter,因杯野太滿而倒左響我條褲上~

之後我地傾計,又叫左拼盤,到差唔多點多先走~坐左almost 6-7 hours~

細米呃我,我真係以為佢無帶手信俾我~原本佢走左都返轉頭,因為我部camera響佢度~不過最後佢都留低左支筆~

同ceci行返home~sandy中途截車走人~

3點多先sleep~開心又滿足的一day~東東,欣欣,細米,記得叫我找返錢俾你地~

>>August 30, 2006 at 2:28:52 PM GMT+8

2006 年 8 月 24 日 星期四 【酷熱】

我響prime & co.既last day~係一日very開心的日子~

不過依家先同佢地打成一片,有點遲~

好搞笑~我地今日係咁笑,係咁玩~cathy仲成日話我直接,話我多多意見,所以佢叫我comment~而佢叫做張雪芳~所以俾我叫左雪芳蛋糕~lisa仲聽曾左叫張蛋糕~cammy叫佢cathy佢唔應,叫張蛋糕先應,哈哈哈~另外,cammy叫金藝,又幾得意wor~cathy話有藝術色彩,我就不斷咁覺得幾特別同搞笑,不斷咁講,cathy先話我多多意見,話我好直接~

佢地無人知我全名~呵呵~知我叫蘇x玲~leo叫范重賢,初時以為係呢個”仲”~我就話佢都唔襯佢既呢個名,大家又爆笑~之後家欣,lisa既寶嫻都好comment~不過lisa同之前個個typhoon name,一字不同…上次叫寶霞,威力強勁~之後就係stepanie叫賴奭畬(音:式余),好特別,同埋幾好聽,good~李軒遜呢個名都不錯,不過就咁一個遜字就不好,如果介紹成亞馬遜河既遜就好好多了~而frank就係吳佳,因佢用普通話改,所以用普通話唸都好好聽~

之後我地有好多人一齊出去tea~yeah~有shun,frank,lisa,欣,cammy,stepanie,leo,我~一共8人,大陣仗,都未試過咁浩浩蕩蕩,差點公司便無人了~多謝大家~佢地請我~哈哈哈~~不過佢地叫我記得返黎請佢地食飯~hahhaa~~

由於個客未fax野俾我,我催左n次,真架,起碼4-5次~因我只係等佢既野,否則我無野做~所以我就行行企企~同埋撩佢地玩~leo都係無咩野做,哈哈哈~~不過個客近18xx先fax野俾我,所以我都留到1900先走,執好晒d野先,咁就預左聽日一定返,因要搞埋佢,oh….同埋聽日滅蟲,要sharply走人,做唔晒都要走,費事~佢地都問我走未,不過我都決定搞埋d野先~

我見佢地好慘,人人都交一份功課,好似project咁,一個point要有40-60 pages?唔係嘛~佢地有時d job都….幾誇部門~發覺我地呢班人都係81-85,幾好幾好~幾close,同埋幾friend~大家都真係好搞笑~

放工我就拎相機出黎同佢地影相~哈哈哈~~

記得上星期欣返廣州係同劉生一齊返,都有問起我~問我係咪真係好想做社工~又問欣欣得唔得,佢就唔得勒~又問我真係有咁多愛心咩~點解d人成日質疑我既愛心~又問我真係唔做,又話我做得幾好,幾快,哇,boss讚添~又話我搵到工呀咁~lisa都有問我呢方面,問下我新工點ar,劉生都有問留唔到我咩?哈哈~都幾開心,不過由於我熟習左好多,都費事再教一個新人吧~

講俾大家知一件事,就係記得有一日我同cyrena出去行街,去I.T買左converse,之後行出門口後,有日叫返我地,原來我地出門口時響alarm~我地完全渾然不覺,因我地太投入響傾計,說笑之中,仲有既係,我地都無尷尬,只係識得笑,哈哈哈~

依家既我有念頭,就係搵part time就算,因好懶~依家做part time都幾free ar~不過part time無咁多錢~之後cyrena就話我向現實低頭~我要save money,我要去back pack~我要experience~對我既社工路途都好有幫助~

近期我將債務重組,good~好好多,不用不斷蝕息~hsb仲提升左我既credit limit~好好budget我既income and expenses了~

感覺淡了~但仍有想起~在心中~

>>August 30, 2006 at 2:29:07 PM GMT+8

2006 年 8 月 23 日 星期三 【驟雨】

typhoon signal no.1 is hosted~

今日公司好冷清,因為jimmy & jocelyn出左job~cammy請假,因朋友結婚~欣返左廣州~oh…

今日lunch有我,frank同leo~我地去左据扒~因 cathy date左人食lunch~我明明叫肉眼扒,但俾左豬扒,好明顯個十下十下既waitress落錯單~不過都ok~hahaha~我地幾個傾下我既新job,又討論一下宗教問題~

返去既時候落雨,我地幾個都無帶umbrella出去lunch~今日難得地lunch後買drinks,買左朱古力奶,原來lisa以前間公司代理維他的,所以知道凡是高鈣低脂的drinks都係用粉沖既~不過都無咩大問題,有時自己都會沖黎飲架啦~最緊要佢製造粉既過程無問題JEI~

今日阿cat又打長途俾我,佢想問我中港城響邊,我同佢講有2個,佢就話應該係尖沙咀那一個,由於佢search唔到,只知響harbour city,我俾左個website佢,不過佢叫我幫佢,因佢無時間search,咁我話好啦~咁我即刻響公司search,因家中未有電腦可用嘛~

佢地都問我同邊個講電話,因我聽唔到我講咩,好奇怪~我就同佢地講,係我既朋友,台灣既朋友~可能佢地會奇怪一個普通話那麼爛既人點會講普通話呢?

今日搞掂左segger~將與hair consultant既current a/c 既difference分開放左入3個director度~我仲建議,segger同hair一定要一齊做,否則會唔對個current a/c~同埋叫佢地有咩係關於segger既斬最好標明,由其是有時segger會入返錢去hair,但hair既收入會入晒sales,唔同佢對每日之transaction~所以如果真係segger有入錢去hair,咁一係就年尾勾返出黎,一係就叫segger個d講清楚~

又搞下新case new world machinery limted~有野漏,個loan又煩,不過識做又ok wor~不錯~哈哈哈~~其實都幾好,我仲整左loan及depreciation既schedule出黎添~幾有心機~

由於劉生又拎返massif既單黎,我又做下咁啦,filing返入去,同埋睇下仲有咩問題~所以我上午比較悠閒,下午就比較多野做了~1900放工~

搞笑地我同左敏卿傾電話~因佢地打俾我,叫我唔好咁快俾隻碟~都幾開心o丫~因為我好少同佢地傾計,仲要傾咁耐,好似傾極都傾唔完咁~只係同靜雯,tong通過下電話都係出下街既事咁啦~佢地呢d小靈精真係好可愛,成日到處去收風,而我都八到不少~我成日都問,咁你地都知?真係搞笑~我知khuay返左去了,又係有女朋友既~oh~hahaha~我地當中亦都有小女孩心事~佢地星期二去左食飯,就係crystal撞到我個日,敏卿問我,點解撞唔到佢地,佢地都係去灣仔既茶樓~我就話我take mtr,點會遇上~

傾到12點多,我就話我要去bath了~就結束通話,佢地幾搞笑ar~越來越愛佢地,令我對camp quality既歸屬感有增加既趨勢~hahaha~

>>August 26, 2006 at 4:37:51 AM GMT+8

2006 年 8 月 22 日 星期二 【酷熱】

今日cyrena過左thailand,她的老家了~

今日又去食$10麵~食1230~

今日得知leo搵到工,教書,商業個科,好高人工,萬六~哇….!!真係一個double~恭喜晒~教育文憑可以遲d補~響新法教~cool~

今日lisa掉左個新case俾我~唔想做,不過佢見唔係太難,又少野,又叫我做埋~原本叫我filing only~

今早print hazt既document真係激死左我,個多鐘就走去print唔夠20 pages既野~因個客scan左,jocelyn部腦又load得慢,之後hang左幾次~lisa部printer又無toner同埋墨~入左劉生房,都係慢,俾我think到開word,插入會快好多~成功print左幾頁~可能我貪心,一次插晒一個有10張既file,點知又print唔到,就走去jimmy部機,因佢個部都係新既~好彩都ok~不過中途個printer唔知做咩,short左,又黑wor,部printer好多炭粉~真係print野都多災多難~d老爺機~

下午好忙,因埋頭響新case中~

今日1900走~想趕起晒d野~都仲有幾日就走lu~星期五要俾野polly,因我部腦仲未上到網,細妹呢排又成日打機~唉~send唔到d相去cq~唯有靠polly,因為佢響個度返緊summer job~之後又打俾tony confirm呢個星期日幫手既事~

睇黎好多人走~leo又走,我又走,frank又走~jimmy又就走~taylor又打算12月走~taylor走,stepanie又走,may又話走,may走bobo又走,軒遜先生話如果叫佢做com sec既野,佢又唔識,咁就會走~仲要加人工添.先會留多幾個月~cammy就話我地都真係要date出黎食dinner~哈哈~話晒都同事一場過~問cammy拎電話先~呢間公司好似陷入無人既危機~

趁lisa lunch,我就去上下網,check下email,同埋post我既日記~依家都係響word打左,再post返出黎咋~

今日竟見到jimmy返左黎~佢同我講byebye,因我都執好野,拎住袋,佢仲話,會見唔到佢架勒wor~咁又係,佢出job好似出好耐,都無咩機會見架勒~

>>August 24, 2006 at 4:36:23 AM GMT+8

2006 年 8 月 21 日 星期一 【酷熱】

今日leo突然話走,原來佢請左半日假~應該去見工~

今日既我就努力響hair consultant~因massif d野仲未返晒~返左d only~

今日mannings有9折~真係好抵,我都掃左d餅~仲要係有discount之後再9折~正~我見到好多人都一袋二袋~真係好抵~

阿shun今日都嬲嬲地~因出去lunch時又俾joky講左幾句,又叫佢做野~劉生又係咁提佢scan野~由於我地Monday太豐富,我地就去食$10麵~慳返d~

呢幾日jocelyn同埋jimmy都出左job,好野,有電腦用~

今日ivan,rosanna,ringo閉門會議後,cathy被ivan招見,仲close door~ivan房無咩幾可close the door~taylor又好八,成日估係fried,因ringo同rosanna又雞咁腳走~唔會勒,似升職加薪多些~

今日我都1900走~欣欣,shun,cammy一齊~都係討論離職事宜~

>>August 24, 2006 at 4:35:56 AM GMT+8

2006 年 8 月 20 日 星期日 【酷熱】

cyrena要請我食飯,所以今日約左我出去~我suggest去大家樂,因為我好想try香蕉船既燒春雞餐~kekeke~想試左好耐了~

今日俾leo話我好得閒,我今日都係做massif同埋搞掂左marine partner~我sharply 1800閃人,其實我都等左好耐,未夠鐘咋~大家都對我投以羨慕的眼光,同埋大家都嘩然,佢地都問我咁早既~

我地今日去左銅鑼灣廣場一期的沙嗲王lunch~一過左lunch time,就見到佢地不斷咁執野~d野都上得幾慢,我地好full,食完都好趕咁返去,不過都遲左~哇哈哈哈~~

放工後我就去左捐血,去灣仔地鐵站途中竟俾我途上crystal~佢幫mummy做完苦力,佢地去左美食博覽會,都見到佢mummy買左幾多野下~傾左幾句,佢地就去take bus了~真有緣,尋日先一齊出camp,今日又見到~

去到mk donor centre都幾多人~我去到填完form,拎埋籌都1900~於是send sms話俾佢地知我會遲~見到有個好奇怪既女仔~初時都無咩野,咁姑娘叫number,叫左好多次都無人應,咁姑娘就叫另一個number,先見佢好慢好慢,超慢,慢條斯理咁行過去,仲要好慢咁同個姑娘講佢係幾多號~人地第二個number既人都出左去,於是姑娘叫另一個坐返先~佢俾我既感覺係好似神智不清,high high地咁,都唔知佢做咩~咁佢好快就響姑娘房出毅黎,原來佢唔捐得~行返出黎先都唔知自己做咩,又係好慢好慢咁~咁有個篤手1指既男人就叫佢俾份form佢,個男人口up up,似係話佢混吉,仲投以厭惡的眼光~個女仔走既時候都係好慢,又由於尷尬,佢又掩臉而笑~但俾我既感覺佢真係傻既~坐我對面個個女仔都同我一樣望住佢,想睇下佢夠竟做咩~直到佢出左門口都係咁~真係….似吸左毒咁~真係….初時我坐佢旁架~見佢玩緊自己部mobile~

之後我就好怏咁飲完野同埋食左2包大地既圓形餅餅,好味,想買,就走了~趕過去雅蘭既大家樂,細米同cyrena已經等左位了~

好勒,我講下我捐血先~佢地centre好似電腦有點問題,所以核實唔到身份~不過我有帶捐血card就無問題啦~有個新手幫我~因我見有個人跟住佢,睇住佢~由於個個量血壓既儀器壞壞地,會漏氣,差點搵唔到我條血管~我第一次捐血係由一開始到我捐完,拔返支針出黎先唔痛既~好明顯佢手勢唔好~我已經打左麻醉針了~都無咩用~OH..NO~我發覺我每次去mk個間都係坐個個位~我同個位真係有緣~

我到左之後,叫左2個set share~有牛扒餐同埋燒春雞餐~好味~個薯容好食~隻雞都好”lum”,好易切~仲有酥皮湯都ok la~係個酥皮好味咋~之後我地傾傾傾….之後先要香蕉船,不過都唔多吸引,溶既ice-cream,佢整定既,搞錯~當食生果,banana~

之後我地行左陣langham plaza,10點多就各散東西了~

細米唔記得俾手信我~

多謝cyrena,平平地俾佢請左~哈哈~

依家既我,好多時都活在當下,好好珍惜~今次捐血我遲左9日ar,原本12號要去,依家21號先去咋~因為唔係時時都可以捐到,如身體不惜,去過一些國家ar,身體狀況ar,返工ar咁….所以有得捐就要去捐~要好好把握~仲有既係,因我想快d捐另一種,就係成分捐血,呢一種捐既時間較長,不過對患者既幫助就大好多,因佢會細分左4種,我唔記得左了,就可以針對性咁用響患者身上~不過要夠一定次數先可以捐架~

細米及cyrena都話有時會叫埋偽填表去捐骨髓~如果有需要就會打俾你~咁都好wor,下次填埋囉~不過捐骨髓好似比較痛~

>>August 30, 2006 at 2:46:17 PM GMT+8

2006 年 8 月 19 日 星期六 【乍寒還暖】

07xx起身~其實佢地梳洗時我都醒左,不過仲係look下look下~細佬話我唔起身~不過我話佢知我已經醒左,見到佢落床~

之後去breakfast~其實我地同房都叫左我地幾次一齊食,不過我地都係同埋家姐~之後就係佢地既活動時間~lara佢地好似對呢間camp site有點不滿,亂啦,佢地都幾堅持未整好唔僧放飯啦,我地成日都響門外等~

有rafting,swimming同badminton~phoebe佢地rafting,咁我同細佬都去~不過我手軟腳軟,又無衫,無同佢地一齊紮,不過有tutor教,佢地都紮得幾靚幾穩架wor~咁我同細佬就響度遊玩,睇下魚,等下蟹,睇下貝類,玩下水咁~好開心既係有一次,細佬見到有蟹即刻跑過黎叫我~因個度係紅樹林,潮退時,佢都落左一落去,我叫佢小心,因有青苔~潮退左,就睇到好多彈塗魚~

佢拋左支樹枝出去,點知又返左黎~哈哈哈~~我地真係悠閒~同埋都有d野講,佢都理我了,真開心~點都好啦,至緊要佢同我講野,就算話我,厭我煩都無所謂,哈哈,咁先代表我同佢又邁進左一步~

咁佢地終於出左去,以為佢地好耐先返,因個邊係中國,點知….無幾耐佢地就返~佢地返左黎話俾我地知,好淺,划既時候整到沙~唔好玩wor~細佬就好得戚咁話佢無玩係明智既~

我就幫手幫佢地收野~細佬又唔肯幫~就係咁散了~本來佢地打算去swimming~點知又收了~因怕佢地收唔切野,換唔切衫等~phoebe都好失望~之後我同細佬都返去執野,再過佢地度~

我地就入左khuay間房玩uno~khuay都唔係太識玩~之後就去lunch~lunch一齊坐~有lara,Christine,khuay,khuay fd~susan姐姐就讓位,因phoebe+khuay嘛~佢既fd話鬼仔真係鬼仔,要食d有汁既野~哈哈~咁o岩佢個fd個碗裡面又係個d~alvina裝飯一直都係好大碗既~點知細佬仲狼,成個碗拎落去裝~有一盆orange好酸,叫左alvina try另一盤,lara同christine叫我地唔好食,但佢地個樣一d都唔似會酸,於是我就同phoebe再試,我仲回應佢地,辛苦晒~不過我地話酸個粒,之後後尾都ok wor~不過個一下真係好酸~

我地恰phoebe,話佢有khuay呢個靚仔響度,就靜左好多~之後我望望下,都有點認同,phoebe啤住我,之後khuay知道我地恰佢,即刻照佢,攬住佢~哈哈哈~

食完散了,因canteen仲有下場~之後我地返去拎stuff~去佢地度~又玩uno~輸左飲水~點知khuay輸左,哈哈,係佢提議飲2杯架~飲飲下,佢個fd..整一整佢個杯,倒瀉,濕晒,好似尿褲子咁~haha~佢就入去換..~係khury飲飲下水,俾佢個fd push佢隻杯,就倒瀉,成身都係~

我睇到咩叫兄弟之情~因khuay想還手,之後佢個fd提佢尋日拉佢落水既事,就係咁,記起,”呀”,2個大男人互拍一下,再give me five~佢地真係玩得~我都真係未見過呢d場面~因d男仔都係小氣既~great~

我地想走既時候落大雨,shit~無帶傘~等多陣就走~最慘係聰哥哥~佢d老婆~佢係好pro既photographer~

上車~我地好似睇戲咁~因tony佢地行過~尤其阿滔最正~因佢同debby既mummy同傘,不過佢就等於無遮,因為都傾晒去遮婆婆,把umbralla又爛wor~真係睇到我地嘆為觀止~仲俾隻thumb佢~叻仔~滔同埋何志賢我都係新識既~哈哈哈~佢地都幾好玩~滔係無咩所謂~而賢就有好多表情都好假既~佢倆合作起黎就係頂癮~

搭車時釣魚就黎頸都無~我地中途停過車,因有小朋友忍唔到~落車,no raining,不過仲wet~另一間車快過我地走~見到靜雯男友~見到好似響cq做過義工既男仔,佢都有望住我,之後見到佢接著住cq衫既女仔~咁就知應該無認錯人~

返home,執好野,攤左陣,點知訓左~遲到,好彩都趕得切~因約左sandy睇魔盜王~johnny depp真係好靚仔同埋搞笑~我覺得套戲好好睇~正~我會睇埋佢~唔記得之前個集講咩~佢地又幾抵死架wor,都唔驚個d核突野既~尤其個隻八爪魚怪~同埋鬼船長~仲有阿邊個既爸爸,爛面既~鬼船上既crew又核突wor,都唔知點解佢地唔驚~

仲有女主角,果真係海盜,不過似乎背住未婚夫wor~個個女巫都幾搞笑~哈哈~搭johnny depp糖,亦都好願意幫佢,不過唔知johnny depp有咩神乎奇技呢~大窕都好鐘意佢咁~不過佢好勇敢~最後佢返返黎,仲去對抗八爪魚怪~同埋佢個心終於有左方向了~

唔經唔覺就2個多小時~good~之後同sandy坐響mcdonald傾下計~20xx就走lu~因大家都好累~我返到home,沖涼,整下面,23xx就sleep lu~真係一攤就訓著,其實我想等埋叉完電,燒埋香薰,點知再醒就係0400~好彩無事~

>>September 6, 2006 at 12:59:02 PM GMT+8

2006 年 8 月 18 日 星期五 【酷熱】

第二日要6點多起床,因為我地有熱氣球活動~我地搭車出返去北潭涌個邊既停車場~咁未放好,大家就玩下咁啦~有羽毛球,有足球,扭扭樂,棋,籃球咁ar~不過都真係好熱,咁我就陪下polly~細佬就同左家姐去玩~我地又影下相咁,susan姐姐又走過黎問我係唔係細佬唔理我~我又七情上面咁話係~以前既我只會靜靜地點頭,哈哈哈~

Henry話佢成日俾人ignore wor~記得今早食breakfast時,佢好慘,佢地個個都未到,咁佢霸個張table,俾人迫遷,個d人仲叫佢去返自己之前個張table,我見到佢孤獨無助,見到佢背影都我見猶憐ar~之後henry哥仔就扮下嬲咁啦~tony,杰少,anthony都有走過黎tum下佢~不過佢俾我既感覺,佢雖然都係細,不過都幾成熟,好識得為人諗,做左唔會出聲個d黎既~唔止我認為,佢地都係咁覺得~

我見細佬自己一個坐,我走過去,點知佢走wor~我幾傷心ar~叔公都幫口叫佢坐~polly都替我慘~之後我向佢家姐求救~佢地玩單手monkey搶波,我無去玩,細佬都無去,佢話幼稚wor~真係o丫~

之後我地去line up玩熱氣球~點知因大風,差點要停,就只可未玩過既上去,就係剩下細佬一個~之後有得上,由於敏卿,polly,khuay,phoebe,alvina佢地已經夠人,因一次最多5人~咁我就拍住henry,仲有杰少,由於我地3個都比較高大,都差唔多了~我地仲話要分開3個角~跟住我問細佬可唔可以跟我上,再上多次,細佬都問,可以咩?susan姐姐俾,點知lara問有無上過,細佬卻步,我好失望,之後我話”下”……之後susan姐姐幫口,佢話我地得3個,加多個,就上左了~好野~hehehe~開心開心~

上熱氣球ballooning time,叔公見我拎住部camera, 打算幫我影,定係唔知是否聽到phoebe叫我俾佢,不過我乜都唔知,不過都趕唔切了,因我都去到好高了~其實我想自己響上面影~

之後差唔多,就上車走人,仲可以坐多幾轉添,但無人再上去坐,難得,不過呢個driver好小心慬慎,唔會放得好高,以前個個話會高過d樹架~oh~其間好多人經過都影低我地既balloon~之後我就玩badminton勒~

返到去,原本佢地join左abseiling,仲有water canon同埋arts & craft~但phoebe佢地plan左swim先,因完左活動一定好多人~所以之後先join,點知我地見到,只係響高牆abseiling落黎?仲衰過上次既高度,佢地就唔玩,phoebe叫左khuay上黎玩,佢潑我地水,我地潑返佢,佢都幾唔著數,不過佢知我地d野響個度,就威脅我地,仲有細佬呢~一個抱起細佬掉佢落水都死~佢可以架~

之後佢叫phoebe swim5次來回先會落水~但我地都無完成,最後…佢都終於換衫落勒~落之前,佢仲拉左佢個fd落水,而佢個fd都係無換衫既,佢地真係玩得~之後佢就一敵6個小朋友,不過佢都對抗到,勁~因佢地想除佢衫同埋唔俾佢著返件衫~wow,6舊,不過唔係古銅色皮膚~佢都成日耍計,唔知想點整我,不過我知佢地有野,就唔會過去,其實我應該過去俾佢地玩既,咁先樂也融融架嘛~無計啦,有唔熟既男仔,我就唔會勒~佢都曾一度想按我個頭落去,不果,hahah~佢都有話我no good….用食指左右擺地對住我~hehe~

我地由1400-1700度啦~都晒到黑左,由於浸得太耐,我都坐響池邊睇佢地玩~好開心晒黑左~swimming係good~我都swim左,不過由於得25m,可能我都只係swim得唔多於500m~今次swim好舒服~good~響炎炎夏日,swimming係最佳選擇~ Phoebe叫susan姐姐幫口叫khuay落黎~haha~susan姐姐好搞笑~叫佢衰仔,快d swim~之後仲做埋動作~不過佢都幾聽susan姐姐話~都幾乖~haha~有一刻見到佢望住我下面,即刻坐返好,合埋腳響池邊~

返去bath,發現小朋友灰色底底無人認,直到走都無人認~之後我就同brother出去佢地度玩~之後我地bbq~真係好hot,無咩心機,我地又多人~最後因個火大左,燒都開心左~不過choice就少d,得豬,牛,雞,粟米,丸,腸only~可能佢地怕太多choice,我地食唔晒~由於有d人做壞左榜樣,搞到d人唔bbq走去買cup noodles,susan姐姐好嬲,就勒令唔俾買,只可buy drinks,唔燒,晒晚上都無得buy~因d小朋友太waste了~如果多d bread我會開心d~

我同alvina都好落力~我同細佬就share咁燒,幾好~一齊食~之後佢都走開左,佢家姐都走開左好一陣子了~最衰無bread~不過我都有燒粟米,佢地話難燒,唔熟,無咩燶咁~但我就已經2 round了~之後我同avina燒完就share咁食~之後我地上canteen涼快一下,同埋buy drinks~真係差天共地既溫度~仲有椰汁冰沙~細佬都有上黎搵我地,俾佢試,試左一口唔like~佢有時都幾悶架~

之後就係我地d大個左既camper幫手搞活動~有henry,Anthony,杰少,tony,何志賢,阿滔,polly,靜雯,敏卿~polly同henry做mc~我好欣賞henry,帶得好好,好有氣氛,又生鬼,不過講野唔清,有時太快,會知道邊d人聽唔到,就走去confirm,識得執生,good,不錯不錯~polly就對自己表現唔滿意,因為個咪無聲,佢又出唔到聲,都無咩點做過~

今次玩一個game係分4part既~第一part係要follow住佢地指定既line郁,中途有關卡就係食棉花糖,不可用手~而行走既時候要響板上面,掂地就加3秒,唔知點就加10秒~2nd part係吹氣大迷宮,呢個好好玩,佢地話俾我知完後有30min~大家都好雀躍,有d小朋友在比賽中無得玩既,都好期待~3rd part係佢地摺paper plane,之後飛入對面有2個隊員拎既紙蔞~4th part係大家手牽手穿呼拉圈完成舉手~我地藍色係最快既~hoho~我地唔知點解有d小朋友因太矮無得玩,就響度嘈,而crystal又唔知點解俾人踢左出黎~

之後lara話d大人要幫佢地打氣,就係派大人出去玩頭2part~早知我都出去玩la,我應該更主動,下次一定要~唔好成日靜靜先得~班大人玩,氣氛仲高漲,佢地好似小fans咁,跑來跑去,追住佢地,氣氛真係好好,搞到我真係後悔無出去,我呢d都係要人叫先會出既~當佢地大人玩完,我見到個吹氣大迷宮被放氣…會場上立即靜下來…我既心都靜下來,仲呆左~下…乜唔係有得玩咩~之後都係我地藍組最快,我地有annie,lois,Rebecca,khuay,jackson,仲有2男一女,一共8人~

之後佢地走過黎,我就同佢地撒嬌,叫佢地賠返個大迷宮俾我~佢地都以為我會出去玩~oh..no~之後susan姐姐知道我地好失望,就應承x’mas有得俾我地玩~yeah~我一定要join~由於我係key holder,不過我都俾左條key佢地,因為我都唔知係咪即刻返房~不過響hall都好cold,我都有返去拎褸,由於細佬唔想去玩,就越坐越後,響khuay身邊~我有時望下佢,俾下水佢飲~

記得未開始時,我響門口飲埋杯野先,點知見到khuay,俾佢見到我同crystal打交道添,因佢都係blue team,我仲話oh..really~玩緊既時候,見到佢入黎,真係無晒儀態,即刻收歛,始終係響唔方識既人前,又係有好感既,總會怕醜~之後出去掉野..再返入去..有點奇怪既feeling~你眼望我眼咁~食緊既時候都係,佢又企響度唔知做咩,等佢個fd掛,因佢響男toilet門口~有野?無野?大家都互有好感吧~眼睛都好似有d野咁~好似同我一樣咁,可能誤會吧,我諗得太多~時間快d過,等我忘記,互有好感,我覺得佢個fd好似有叫佢唔知做咩,之後佢擰頭~另外我亦都聽到..too big之後笑,唔會係嘲笑我嘛~希望係我太敏感~不過culture唔同,又唔知咩background,又唔了解,又唔係stay響hk,都無咩機會接觸做朋友,佢識聽少少中文,唔係好識講中文,佢地迫佢講,佢都係講英文,真係抵死得佢o丫~佢都係貪玩既大男孩~cyrena話我鐘意人都係同一type~都係小朋友,玩得樣~小新樣~他的眉!我叫佢講一個電視藝人黎,佢就話似鄭家穎,白白地,又小朋友咁wor~但唔係小白臉,好weak個隻wor~係咩?我鐘意古銅色架其實~之後我迫佢,有咩男仔唔係小朋友樣?佢又think唔起,無例子,我唔bind,即係唔係我問題~就算伙頭爸b都係小朋友,佢都話直情係,除了高度~咁咪係囉~我要問埋sandy高見先~細米都話係wor~

我地完左去左canteen,咁大家都去掃food~好多人要cup noodles,最後佢地用一包包既煮,湯另上~我地就同個manager有少少口角,因我地分左幾次,d人一齊夾單,咁佢就叫我地分單,但我地又唔想咁麻煩,話一齊~就係咁,有少少..~之後我地都再計返數,因怕計錯~不過有時佢地都好stubborn~

我地返左去phoebe房,原來佢收拾細軟,今晚去同敏卿孖舖~我同細佬去到地房,原來佢地沖涼~咁我就叫細佬一齊返去bath先,之後再出~細佬初時不願意,不過有排等,咁就過去,佢都話佢tired,唔過~唔知佢做咩呢~

bath完我問多佢幾次,佢都唔過,響度睇書~咁我就同D姐姐講我出去玩,rebecca呆左,o左咀,佢都問我幾時返,唔好咁夜,因為我地成屋都係children,會嘈醒佢地~hehe~~如果我真係take care children,我都唔可以走出去玩,因怕佢地有咩事~同埋都唔知assign我睇who~因佢地d小朋友都分左一group group~咁d義工都會分埋~

去到無咩野做,玩下鋤dee~之後玩下IQ題,講個結果估故事AR咁,之後就傾計了~我都mark低左d~hahaha~其實我都係時候train下自己了,培養下我既專長,咁先可以吸引小朋友架嘛~anthony,henry,翠怡就響房傾下計~之後tony同杰少都入左去~tony又呻下咁啦~我又以引導式咁問佢個point係咩~佢始終都係想大家一齊玩,同埋有時左右做人難~不過,我地都有d人同阿邊個唔夾,不過大家都係少左個經歷同過程,比較唔熟~又唔係唔識,但就唔熟,大家都未調整到心態jei~不過好似成日響度講人壞話咁~

0500我頂唔順,返去訓~crystal就話佢想頂住~因訓左仲慘~

入左叔公成地房,好重男人古龍水之味,不過好好聞,great,好似外國既男孩總會這樣,我契哥都係咁~

>>August 30, 2006 at 2:56:56 PM GMT+8