2006 年 11 月 4 日 星期六 【炎熱】

遲到添~又要洗衫~又要叮埋最後的台灣食品~又做下體操~之後turbo腳咁去ifc palace~

世貿中心~world trade centre~0925~wow~真係好震撼,有幾個位都叫左出黎,亦都好感人~點解d恐怖分子要咁做?2要劫機?好似機上有人?咁就全部死晒~唉~都係政治,同埋醜陋的人性~仲以為尼古拉斯基治(Nicolas Cage)係去救人個個,點知係被人救,演第18,19位生還者~真係令心驚心動魄~要有意志先得,否則......!!為市民服務,捨身去救人的,真係好令人敬佩~你唔好話,救人都好艱辛架~不過有d位都有拖~

kfc~睇到11xx~行左陣zara,好想買野~之後行左去買kfc,好多人,好多賓賓,就算有位,都吵死~最後決定跟sandy外賣~點知搵位食都有困難,又俾人趕,最後都係響d賓賓對面企響度食~真係坎坷~不過,我去到台灣都唔知係咪咁,哈哈哈~搵個地方,就咁攤,哈哈哈~又見到d foreigner,佢地又望我地,我地估佢覺得我地係咪好奇怪~可能以為我地都係賓賓~熱帶的人都係熱情些,哈哈哈~難怪鬼佬咁鐘意~

唐氏會~之後趕返去,因遲到了,點知cyrena仲遲,又遲~原來佢今次係記錯時間~真係~之後prepare好d野就過去了~今日由我同cyrena帶大家唱歌,玩遊戲~初時大家不太投入,最後大家都好開心~哈哈哈~不錯~ester同sandy都好醒目,好幫得手~大家亦都好識得搞氣氛~不過太空曠,聲都就黎無埋~下次同佢地唱歌,一定要講清楚一次d歌詞先~ester都有sense~大家都知道大家叫咩名,不錯~不過d家長走開晒都有?又無人返去拎野?集會後都難得地返左去唐氏會,有同阿彪傾下venture~今日活動對自己感滿意,亦冷靜,有思考,知道咩先係今次之目的,所以都可以呀~

home~之後就響家plan左要熨衣服,雖然聽日may回來了~不過都不應讓她太辛苦~

sandy and cyrena~佢地臨時去左睇死亡魔法~興之所致~sandy響2日睇晒3齣想睇既戲~

回家途中,敏卿先call我dinner,由於無約,所以都不去~因我覺得我需要休息,同埋有很多我要完成的事~又無錢~又無通知家~哈哈~

>>November 8, 2006 at 12:15:32 PM GMT+8

2006 年 11 月 3 日 星期五 【微冷】

失魂記~我又唔係訓左,點知都過左站,去左油塘,我只係睇緊newspaper,之後聽到咩線轉咩線,即知賴野,唯有再去返lam tin~歐陽姑娘問我係咪響yau tong take minibus,我話唔係~佢就話我堅持行返黎,哈哈哈~不過我都唔識搭小巴~哈哈哈~

益力多poster~由於無野做,我都好用心咁design,好可愛,好滿意,yeah~

venture scout sectional skill~打左去問,初時無人聽,真係....!!!之後話人數不足,傾緊開定唔開,我又想佢開,又想佢唔開~唔知呢~好緊張~好想快d知結果,plan下野先~

book位~打去馬泰book位~又唔收cake錢,good~不過atitude麻麻~幾齊人,只差phyllis~michelle唔知去唔去~

lunch+報紙~無野做,早早就叮飯,又睇下newspaper~哈哈~自己話事咁~哈哈哈~星期六係咁~

廣田~食完,差唔多一點就上去~盧如娘叫我整野,不過可能佢身體不適,都唔知佢自己做緊咩~好明顯a3大過a4就一定係100%以上架啦~點知佢去左72%....之後我窒左佢,佢都未知,之後佢話只係想我知可以加%上去~不過由於個word好cheap,無公仔,都無咩點整野就整左了,無癮~之後print日記~打下自己野~整下呢樣個樣~咁就收工了~原以為華姐唔上黎,點知佢都係上左,叫佢訓一陣,叫左佢應該拖,之後直接響下面走咪仲好~

萍~由於未夠鐘,又知sandy未同佢朋友傾完,未咁快,就去左搵下佢,順道date佢dinner~

浮花volver~點知sandy快過我~哈哈~以為佢傾多陣~呢套戲不錯~人靚,景靚~不過有點散,可能拍攝文化不同~不過都有舖排過既,有伏線~不過母女感情位可以再深些~有少少慢,不過可以,感動位不多,不會令我喊,不過不一定要喊先得既~不過知道佢地感情很要好~仲以為妹妹會有第二個添~我好鐘意佢---彭妮露古絲(PENELOPE CRUZ),樣靚身材正,眼又大~不過睇左先知係西班牙文~哈哈~有德語吧~有d音跟英文很像~不過佢既category係喜劇?不過又真係有笑位wor~good~

之後sandy陪我行返去,我又同佢搭車,就散了~我地睇1710,睇到1920~大家各自返home dinner~

>>November 6, 2006 at 2:43:18 PM GMT+8

2006 年 11 月 2 日 星期四 【颳風】

happy birthday to henry, fai and 翠怡~

就係因為要send sms俾henry,就唔訓住~

無遲到,good~

小朋友向我道歉~因為有個小朋友撞到我衝左上扶手電梯,之後佢mummy要佢say sorry~good~呢d先叫有家教,家長都唔教,就死得~好似幼稚園咁,佢地都成日講邊d家長又唔睇住自己的仔女等~咁就好難教~

卡拉ok打碟~好彩係流行曲~不過都就黎訓著~不過佢地話一個月一次,個心又覺得應該為佢地服務既~都係為左佢地既jei,唔好咁嫌惡先得架~哈哈哈~

英文班~今日教大家halloween~終於教到了,yeah~不過佢地對英文真係難些~轉頭就唔記得~不過有個婆婆好叻,睇我口形,又記得,good~讀得好~我地講開死,講講下.....大家唔知做咩係咁笑,又笑到肚痛添~有時我加幾聲"哈哈哈",d人又真係再笑....仲要笑唔停,真可愛~

功輔班~yeah~得4人~麻煩友未返~不過今日同鄧皓名講道理,差D講到佢喊,不過佢要面,話自己無~我又提返起掉佢書包,佢父母又唔得閒,佢又左耳入,右耳出,又發夢,唔好以為我唔知等~好努存咁叫左堵粹宜記生字,佢grandma都好開心,因難得,佢又懶~肯跟我study已好好了~關芷瑤又發夢,手冊又無寫~

辛苦晒cyrena了~又叫佢打去兌換店~又要佢幫我拎graduation gown~我地又要hold scout meeting~又叫佢幫我拎ayp銀章~

>>November 6, 2006 at 2:24:17 PM GMT+8

2006 年 11 月 1 日 星期三 【晴】

好累,又遲到~

無咩野做~整下聽日英文班教材~又摺下通訊,點知有錯,又要改~不過好快搞掂~之後行下,企下,呆下,就黎sleep~回下email~

lunch有得食一位老友記俾我地既豬腳薑,好正,d蛋係入晒味個隻,正,好想討教~難得難得~

好tired~睇下tv~之後歐陽姑娘俾左d野我cut~遲左落去接小朋友~不過趕得切~因為黃達之唔記得左,去左306室,等左佢好耐,佢哥又找左佢好耐~1600先返到中心~

今日4人~都ok~關芷瑤發夢,一份數學做左個半小時,罰佢企,又唔得,要幫佢完成,又要睇住佢,同佢一齊做~佢呀,衛生常識好弱,去toilet不用tissue,叫左佢用,竟然拎返將tissue出黎~唉~要再教育,我病都可能因為佢地~幫鄧皓名及堵粹宜study英文,串英文生字~鄧小朋友要經常督促,又不專心~黃景彥只需幫佢完成功課,之後不用理,hoho~

今日佢地好早就被人接走晒,梁煒樂又無返,正~不過佢好快就返黎lu~因test完了,就有功課,有功課就代表佢要落黎,煩死~我要珍惜無佢既日子~今日1850就放工了,yeah~放工見到盧生無咩表情,面黑黑咁,唔知做咩~

今日婆婆黎sleep,因佢house裝修~一如既往,整lunch box,water bottle,洗頸巾,dinner,洗碗,整野~今日想早些sleep,不過因11月3日有人生日,要send sms~佢就係henry~尋日就同佢狂sms~都係同佢傾下計,講下人生道理咁la~佢問我,我都唔係大佢好多,點解咁識諗,哈哈,我都有懶同埋逃避的時候~因我覺得佢近期唔開心就慰問下佢~

>>November 2, 2006 at 3:37:44 PM GMT+8

2006 年 10 月 31 日 星期二 【微冷】

蔡生生日快樂~

typhoon signal no.1 is hosted~

尋晚真係唔多訓到,好多野咬,唔知係咪蚊~訓下醒下~今日預左換床單~尋晚已經洗左被,怕一陣mummy又話無咩野洗,自己走去拎人地d衫去洗~我落左order,唔好搞我d野,因一返到home,無左套睡衣,原來mummy拎左去洗~plan左日子大掃除again,仲要放返多少臭丸去我d野,因依家只有衫的地方才有~

遲左起身~mummy無煮早餐?食左2條蕉,一包餅走人~尋日叫左mummy買mcdonald~點知我既熱香餅餐無左豬柳,妹妹個個無左薯餅,2個都只係$24,妹妹懷疑係$12一個早餐個種,會少d野~都好~都已經好飽~

尋日無出糧,shit,遲左都有~華姐有~原來佢得$4500,時間仲要多我半小時~依家加左$500~不過boss問佢要$4900,定$5000,因後者要供mpf $250~我suggest佢供,大佬,佢供,boss又供,其實多左錢,只不過退休後先用得~俾我就供勒~長遠d睇~雖然依家cash係少左~

今日林姑娘俾左我,我懷疑我尋晚都有,不過我走時無人在,無人得閒俾我,但今個月竟未扣我d紅假?唔知幾時扣?唉~失預算架wor~

今日自己得閒量下血壓,唔係嘛,....得99/73~咦...唔夠訓jei~

今日好得閒,我看守counter,因歐陽姑娘去睇醫生,盧姑娘上去整補習班d野~仲未印會訊,尋日有幫手核對一下有無錯漏,好多老友記已經好心急咁問了~所以一早就睇下雜誌~接下電話等等~無咩野做都呆下~lunch後就忙了~多謝華姐的saint' house cake同埋apple~

教中文班,重溫簡體字,因下堂有小測~提醒佢地既錯誤~佢地讚我,話以前個姑娘都無話佢地錯,依家就成日錯,之後就話我細心~佢地都話好,否則唔知自己邊度錯,呵呵~都幾開心~雖然未教之前都有點緊張,因好耐無教~我又成日巡視下佢地,提點錯誤~又同佢地玩下,笑下,good~好縱容咁,今次都無咩諗點教,只係知要重溫,臨場發揮,good~越來越冷靜~

之後即刻摺會訊,俾佢地~原本好凍既我,都熱晒lu~之後補習班~都可以,今日有4人~原本有多幾個坐住先,點知好快又走~我都surprise~今日雖然唔夠sleep,不過狀態不錯~有幫佢地study同埋做晒功課~小四個2個一test就唔返,返home study,good~哈哈哈~不過怕依家得5人,唔知點調動,我好怕又轉~今日就未轉~其實好多野都要慢慢黎,唔急得,否則弄巧成拙,不但教唔到佢地,仲令自己好激氣,無用~徒勞無功~

準時走,返到home~好忙~換床單~搵返之前響trendyland買個個衫袋,依家用黎裝返我既頸巾,同埋有個櫃子爛左,又要將個d衫放入去,掉左個爛既~發覺臭丸沒有了~再收下衫,頸巾,又洗下頸巾,洗下lunch box~忙完一輪,搞完就換衫食飯~幾時先戒到dinner呢?

又要趕工~

妹妹又掛機,成日要我監管住,好煩~我成日唔俾佢上咁耐網,咁機都要休息下吧~壞左點先~況且依家上網費都係我俾緊~

希望今晚安然sleeping~近期出街都唔係用好多錢,good~$100以內~hoho~抵~unexpected~

>>November 1, 2006 at 2:47:17 PM GMT+8

2006 年 10 月 30 日 星期一 【微冷】

Happy Halloween~

今日係最後一天乘地鐵有學生優惠了,要用盡佢~

尋晚尋找到對腳成日好癢的原因~我有懷疑過係我床尾個2個袋,因為我間房咩野我點都去抹下,唯獨呢2個袋唔多理,平時換床單只會搬走佢地,再搬返入黎~不過成日都拖,尋晚終於去實證一下~因呢幾日都俾我殺左好幾隻唔知咩既野~初時懷疑係我婆婆個幾袋野~點知響我個袋上,都見到幾隻,又見到好似屍骸咁,又有d唔知係脫左殼定卵既野.....總之我就去處理晒成地,有d袋掉左,有個袋拎左出去吹,又好殘忍咁拖行佢地,務求令佢地死~之後又拎入面d頸巾去洗,有d野放響袋,唔要既又掉~雖然做左呢樣野,但佢地係咩都成迷,係咪佢地咬我都未知,點黎都未得到証實~只係真係無咁癢~而我亦都留左一條屍俾daddy睇~

今日無咩野做~改下簿,聽日中文班~lunch就sleep下~之後幫盧姑娘pump波~之後我就check下email~

今日功輔班又係得3人~都ok~幫佢地study下,做下功課~準時走人~

去到mtr,知道自己出cwb,於是拎先前既免費票用,我都知過左期,好似9月度先有既,唔係搭10次送1次個d,而係唔知做咩mtr club叫我去換,於是去票務處~點知佢話我無左呢d票好耐,叫我自己睇返日期,又問左我2次係咪入閘,心想,我同得你講入唔到當然係入閘啦,我又響閘出面,唔通出唔到閘咩,用個肺講野~之後佢都唔係好老脾咁掉返另一張票俾我~超,你唔想換咪出聲囉,唔換得咪出聲囉,咩態度先~我記得佢個名架,梁順發o丫嘛~我點都忍住,唔會出聲先,因一出聲先就蝕底先~

去左cwb找佢地~點知佢地見到我又好surprise~欣欣同cecilia傾緊,話我應晒節,嚇人一驚~點解我次次到親大家都好似好surprise咁問我幾時黎到~真奇怪~得我,欣欣,sandy,大細ryan一齊dinner~俾左個魔術佢地睇,無晒癮,講故就成日駁故,無禮貌~之後都好快講左個竅門俾佢地知,個副牌又唔齊wor,激死~我都唔想理佢地~

欣欣又講下公司近況我知~大家都問佢我點~欣欣叫我每week都報告一下,等佢地問時都有得講下~我就話,咪又係咁~劉生有問佢我有無意返去做~我又無wor~雖然人工幾高,好吸引~欣欣既加幅都幾大~羨慕~不過我唔會響呢行發展,又覺得full time之後壓力一定大左,又要著得斯文wor~依家咪幾好,返工行下,又帶飯,可以減肥,又無咩野做,對小朋友又係一個挑戰,都ok~接觸多d小朋友才好~哈哈哈~俾佢地激下都好,挫下我銳氣,學識平心靜氣,唔理佢地,冷靜再處理~

之後去世貿,想睇mcdull,點知close左~欣欣換衫~細ryan換con,戴左n咁耐~cyrena又唔上黎join~

之後出蘭桂芳,好多人~迫到.....早知一早去,仲好d~!有經驗,下次就識lu~有d人都幾悉心打扮,正,好想同佢地take photo~不過多人到都無位,只係去行左,就走了~真係無聊~應唔到節~仲可以唔駛正日去,早2日去因假期,都已經有party lu~下次我要抄下野先~投入一下,hoho~

23xx就閃了~返到home,都意猶未盡,不盡興,都係有欣欣,細angel好些~又唔tired,整下野,都3點先sleep~

>>November 1, 2006 at 2:13:08 PM GMT+8

2006 年 10 月 29 日 星期日 【酷熱】

尋晚落左少少雨~今早就好大太陽~

10點多先起身~打算跟弟弟去swim,就改了下午~lunch後去~

我就密密咁還債~去swim前暖下身先~去到唔太多人,good~響室內的嬉水池玩左陣,就過左去大池了~咁弟弟就會swim勒,good~我就swim左12個~yeah~,不過好懶,對手無咩用力,發覺深水真係浮多了~我同佢講左我遇溺之事~見到個靚仔又高大的教練,hoho~沖完涼未見到弟弟出黎,點知佢跟我同一時間出~又見到教練,hoho~

之後出左tst,行下,去左優之良品掃左少少candies同埋chocolate,因為聽日halloween,俾小朋友~trick or treat?

daddy禁左一d snack俾佢,哈哈哈~好多都無佢份了~hoho~因一俾佢食就唔收~我都俾左d蒟蒻佢~好似聽到daddy唔俾,叫佢唔好食,不過見佢走時都好快速咁拎走左,hahhaa~

回到家,洗下野,整下野,食下生果,食下飯,熨下衫,條童軍褲好難熨,用毛巾墊底再熨衣服,不錯,想起熨衫板的構造,and thx for my daddy幫我洗埋童軍制服~因我家沒有熨衫板~之後就bath~又整下野~唔敢sleep,因怕晚上訓唔到~

今日無同佢地出去beach,因怕累,無錢,又想爭取時間做自己野,去beach又dirty,我手爛腳爛去到會好痛,又怕細菌感染,其實海水會令我塊面好"拿"~又想陪弟弟去swim~雖然好想sun bathing~不過最後一次,晒完都無咩用~又無準備~亦都無出去同佢地dinner,雖然黎左jordan,不過一早講左俾daddy知在家吃,又無錢,又唔想出街吃,好肥~

呢期非必要都唔出去dinner~怕肥,又無錢~我要努力先得~持之以恆~我都打算推左我個fd既bbq了~唔想功虧一簣~又怕熱氣,雖然好想見佢地,等wedding ceremony後先~好有決心咁bor~hahaha~係囉,唔知做咩~可能見到有d成績~不過今日偷食了自己買返黎既halloween snacks~haha~不該~叫左自己唔好dinner,又一直dinner中,不過最緊要淺嘗即止~

妹妹對個家都無咩貢獻~阿may走後,都無咩做過野,仲叫我幫佢煮麵?佢真係大想頭~都係倚賴的人~又無俾錢回家,跟弟swim又要daddy出,聽弟弟講佢好似要save money wor~弟都叫我問daddy拎,因真係太貴~$19~cool~我跟弟講,我有能力就不能這樣,佢話要我save money先得,又話一係daddy俾一次,我自己出一次~哈哈哈~可愛~我妹又劈腿了~唉~有一次就有第二次~佢都真係得架勒~唔辛苦咩?電話分鐘又爆,又要另外出card~

>>October 30, 2006 at 1:10:31 PM GMT+8

2006 年 10 月 28 日 星期六 【酷熱】

尋晚對腳好痕,都唔係好訓到~不過都難得10點多起身~

整下野,食下野,就出發去童軍集會了~順道拎埋二手衣物出去捐~

去到黃大仙社區中心,見到一個副團,心想,應該係黎幫手啟導班,於是對佢笑左一笑就逕自入左去了~留意下simon點集會個d咁~唔係佢唔響度點算~cyrena又遲到了~升完旗就上classroom~

我地無咩野做,就傾下計,食下野,又同阿彪交待左下星期玩咩,又處理一下選舉事宜~原來個個領袖係黎分享既,係民生書院,又係九龍地區區長林SIR同一隊的,都幾生動wor~聽完,問完就落去降旗,就散了~

回家,sleep左陣~1845先起身~不過約左CQ仔1900 TST,原本想行過去~cyrena又遲到了,等到大家都呆晒~之後行去天文臺道既馬泰食~因俾左d special既suggestion佢地,henry就choose左食泰國野~佢條友仔肺穿窿,又呆下呆下咁~大家都好似好靜咁~之後食完都坐左好耐~之後就去左許留山了~cyrena真係路癡,好彩我在~

今日消費都唔過$100,好野~不過唔知做咩覺得泰food無咩特別,又唔係特別好食,不過氣氛好,環境好,服務態度好~下次要試下其他野~又好想去食mexico food~見到一間indonesia既resturant都幾特別~henry問天文臺是否在天文臺道,食完就見到,就俾佢地見識下了~不過佢地好似好多野未試過咁,真係....哈哈,可愛~經過蘭桂芳,見到有人吸水煙~響tst又見到好多打扮去迎接halloween~有d簡單得黎已經好有效果,好似一件旗袍加一把紅傘已經好有feel~

11點多就散了~多謝大家送我回家~tony及crystal都好surprise~

之後做下facial,呢樣個樣,0300先sleep~

今日cyrena好姣咁叫我聽日去beach~用手指撩我個84th布條~真是的~invite就invite啦~咁姣做咩,我唔受架wor~simon又成日去蒲...哈哈哈...蒲精~

>>October 30, 2006 at 12:47:40 PM GMT+8

2006 年 10 月 27 日 星期五 【微冷】

返左幼稚園~因今日係以halloween為題的open day~

扭波~我負責pump波,歐陽姑娘扭,因我未識~不過經過多個波的訓練,已經俾我捉到竅門點樣將個波綁好,隻手指無咁痛,呵呵~扭波首要要學識綁波,否則點可以扭波呢?哈哈~叻叻~因長個d波好難綁~

沙池~由於有老師出左去派波,我就看守一會,d小朋友真naughty,係咁飛,又整到出晒黎,我去warning同埋下逐客令,哈哈哈~其實應該不用的~因為太多人,太混亂,d米飛晒出黎,易滑倒~有時聽d老師講,有時個小朋友naughty都唔管好,唔理,有時仲好串,唔得咁架~唉...唔怪得依家d小朋友無王管咁~

lunch~哈哈,預左有lunch,就不帶飯,今日好輕便咁返去,今日又係食叉▲漢問下歐陽姑娘用不用拜山,原來佢都要~點解重陽要拜山?唔係登高架咩?我又唔駛,呵呵~佢有問我d波鞋洗唔洗,點洗~我同佢講以前就洗,用牙刷,不過依家唔會了,因爛~依家就晒下佢~除非太髒~

"pump"波~扭晒波,就pump其他氣球~之後又不用了,太多,又不是拎落去派~

呆坐~去左化粧室~又與外藉老師傾下~佢識講中文,又識聽,勁......黎左hk 11年~

早放~yeah~1500就放得~呵呵~因無咩野做嘛~呵呵呵~無咩野做既一天~

sleep~返到home就sleep下~食左少少peanut butter既bread~

swim~因無人陪brother去swim,佢又唔想去打羽毛球,我又見好耐無去就去了~佢又唔叫我起身~2000先起身,食左d野,就出去了~去到應該2045吧~去左室內大池旁個個~原本還很累,未訓醒,又飽,諗住都唔係swim好多~點知swim swim下,都已經11個了~哈哈哈哈~仲要好悠閒咁swim~初時一,兩個時,條頸又拉到,不過之後又ok,慢慢游,不過都keep住咁,無咩大休~2155就上水了~又同下brother傾下~佢就唔係點swim,玩下玩下~不過初下水,d水好凍~yeah~

>>October 28, 2006 at 4:09:16 PM GMT+8

2006 年 10 月 26 日 星期四 【微冷】

今日遲左起身~出門都已經0812了~

lift~響趕時間既時候,唔知部lift做咩,唔上黎,等左3部先有~真係.....

謝主任~一返到去,竟見到佢~我仲遲左5分鐘添~算~佢又響度叫華姐清潔呢度個度~華姐成日覺得佢好煩~

寫report~因之前脅左老友記去睇舞蹈表演~好快寫晒~之後就簽到,簽返晒成個月~

度下對d小朋友有咩plan~邊d做完功課要study咩~每日幾多個英文生字~要達到咩成效咁~

李兆強小朋友~由於佢地都考完了,就鬆些~食完lunch俾佢地玩陣~之後先做功課~又教導佢地唔好浪費~尤其黃欣婷小朋友,成日話飽,唔想食,咬唔到,就浪費,今日我唔俾,要佢地食晒~真是的,呢條友仔講咩都唔好信~

我班小朋友~3人~一個因test在家study~一個因我罵佢又喊,姑姐嫌佢煩就帶佢走~一個就黎唔補了~不過我都好鬆~哈哈哈~不過迫左鄧皓明小朋友study生字~不過佢parent都好放心,回到家竟無幫佢study~又同左關芷瑤做下數,佢個d數呢....用手指,計計下又收埋d,又唔知加左咩,因佢專注力不好,又唔記得出左咩手指~最頑皮的梁煒樂小朋友,成日想別人同佢玩,我就話你唔好成日改人花名,否則唔會同你玩,之後又迫佢做功課~因佢成日想返home先做,我就問佢咁落黎做咩,叫佢上返去,由於太多功課,抄個d就由佢先,做左d用腦既先~佢d英文真係~

venture scout~彪打黎話俾我知,下星期醒獅出show,simon又因要大會操唔得,所以問我得唔得~唔知係咪變左副團關係,佢成日都打黎問我呢樣個樣~最後我叫左cyrena同我一齊搞,我地plan左玩game,relax一下,唔好成日操~又將執行委員會選舉及宣誓押後,我就說要睇simon,因我應該無資格同佢地進行宣誓,因應該要木章人吧~應該係一d人先得既~

地海傳說~俾sandy,cecilia同埋細ryan講到極悶~最後決定唔去看,與joanjoan睇第二套,竟然比鬼上頭差?

dinner食得太多了~哈哈~因有梅菜肉餅,好味~清晒~之後洗碗~

與華姐,盧姑娘,歐陽姑娘都熟左好多了~哈哈~大家有講有笑~咩都講下~good~有時我會同華姐講人壞話,哈哈哈~盧姑娘有時有d咩都同我講,如上次粵曲匯演的事,最後佢都覺得老闆說得對,感覺好多了,settle down,當一個經驗~

>>October 28, 2006 at 3:51:46 PM GMT+8