2006 年 10 月 25 日 星期三 【酷熱】

好累~不過無late~

不過連續2天出街真係負荷唔到~

太極poster~今日整左2張,一張係太極拳廿四式,一張係太極防跌十式~好搞笑地,因找不到圖,就download人地既相,又將佢地變得唔係太睇到,因我務求見到佢地個姿勢,同埋用左佢地既太極口訣~哈哈哈~哈哈哈~第時我就要成日整呢d lu~少些創意都搶唔到客~

李兆強小朋友~同佢地溫下書咁啦~不過今日梁老師好遲先落到黎~

林姑娘回來了~好野~不過佢頹左好多~謝左~無咩聲氣~

俾佢地激死左~梁小朋友成日想撩鄧小朋友玩~所以成日改花名,又響度鬥咀~堵小朋友又唔識讀英文~關小朋友好多野又弱,教到我炆~唉...想點.....唔得唔得...唔可以太急進~鄧小朋友又心散,激死我,鄧爸爸叫佢要認真點,鄧小朋友真是的,不過佢地都無咩時間幫鄧小朋友study,好似太信我了吧~大家都做唔晒d野咁~不過我唔理,因佢地都有人黎接,所以都放~

熨衫~今日難得在家,終於有時間iron clothes,因堆到一座山那麼高,很久無熨過,頸梗膊痛~又熱~由於累,都無幫mummy洗碗~mummy怨阿may清潔得不乾淨~唉~大家要平心靜氣先得架~

>>October 27, 2006 at 2:48:31 PM GMT+8

2006 年 10 月 24 日 星期二 【酷熱】

細米生日快樂~我地與你共渡第三年了~

量血壓磅重服務~量下自己先,102/73,心跳97~咦....我經常在100附近,似乎我都真係血壓偏低~唔知係咪,下次捐血時問下先~唔知有咩影響~我話懷疑所以唔玩得機動遊戲,佢地話唔關事,因佢地玩完都會暈暈地~~不過我係連胃都不舒服,周身都不舒服的感覺,因我個頭一不舒服就會這樣~整個人都乏力,好似病咁~不過我大家姐都係~

打自己野~無野做就打自己野,就係大家所見的剪報~

李兆強的小朋友~今日自己design左d卷俾佢地做~哈哈~又同下梁老師傾下,得知佢決定走了,放心,我不會跟他們說,當然我知道什麼時應該說~發覺佢應該有吸煙,因經常都嗅到有陣煙的味道~又傾下佢對呢班小朋友的感覺~又講下教仔心得~哈哈~咩人要用激張法~係盧生唔響度先傾,否則佢唔like~之後林姑娘都叫我幫佢拎野上德田~行完好多層樓梯,林姑娘都問我做什麼那麼快~

我班的小朋友~有排教~英文,數學~還有中文的閱讀理解及重組句子~唉~加油~呢期都係得4人~因一位小四的黃姓小朋友在家溫~一位小一的鄧女應該不補了,見早放,又費事回來了,回家有人跟她溫習吧~

一放就趕佢地走了~因我要出去跟細米慶祝~先出去買d野先~點知1935就到mk~好快買完就去拎cake~再去拎他們~無人講俾我知邊層,真是的~有欣欣,cecilia,emily,phyllis,細米,cyrena,我,菁菁,大細ryan,sandy~michelle原本黎,之後因病就不來了~好飽,又唔多貴,good~不過張table太長,好難talk,成日都聽唔到佢地講咩~又講下emily wedding~我又同下欣欣傾下佢cpa狀況~我又同菁菁傾下我既近況~我做伴娘連toilet都唔俾我去,真是的~不過大家都suggest我早上都穿埋,免得又想多一套,原本emily叫我平時咁著~之後佢地話我短褲,拖鞋,後來有埋細angel既cap帽(明明我帶cap帽好似傻仔,不過佢地話好看,可能pattern suit me),就滑板咁去,不過一say完hi就向後滑倒了~哈哈哈~只係個一刻moment~

一齊去做鞋,唔可以高過emily咁多,所以有少少高度就ok~平底又唔靚~我個日都唔得閒食野,我就靠大家了~又話我個頭只可set一次~欣欣好好咁話我幫我的了~sandy就衰d,唔理我~不過通常我都會認真及忙到唔理儀容,大家就要幫我執,因為唔好影衰emily~大家又覺得我瘦了~幻覺,ok?咁我真係要努力,好開心,呵呵~欣欣仲問我點減~哈哈哈~

去朗豪切cake~細angel都到了~點知唔記得拎個cake,係個度d人打俾cyrena~咁我地過去先~點知當我接完cyrena,打算去借火,就見到細米迎面而來,無lu~真是的,明明另一邊有架嘛,又會撞到正~之後就切下cake,影下相,唱下歌~大家又傾下~細angel,你d相點ar~成日俾我串返佢,佢又成日懶係串咁~真是的~咁就一day lu~哈哈~難得竟係我分cake~點知分完,大ryan,菁菁,emily又堆返一起,浪費我同phyllis的心機~呢個新輕芒果栗子芝士cake係新的~佢話有3 lbs重~因我問佢做咩俾個袋我~

記得當我想過去欣欣度傾時,cyrena舉起一隻手指問我去邊,佢個樣真係好搞笑~

好多活動~有好多film的,沙灘的,halloween的,菁菁birthday,graduation dinner~而且大家都分了工~哈哈哈哈~菁菁birthday改左3次~真是的~欣欣俾我話~

2300,散了~因大家都累了,又要返工~大家都唔夜訓得,哈哈~大家老了嗎?我跟cecilia take bus走人~

>>October 27, 2006 at 1:10:17 PM GMT+8

2006 年 10 月 23 日 星期一 【酷熱】

早左返去~大家都好遲~

活力操~由於歐陽姑娘忙於搞卡拉ok事,我由唔識幫佢地圈,依家都識了~老友記教我劃一劃就可以了~哈哈~!要佢地教返我~

寫感受~由於尋日小朋友件事,搞到我真係好後悔,唔開心,決定寫d野俾佢mummy~內容大致係我既感受,我都想佢好,但怕佢咁既學習上到去好吃力,因佢唔記word,唔知點解~我又知罵佢沒用,我又讚過佢~不過發覺同佢傾計,佢又ok wor,佢又肯講wor~佢又聽wor~所以呢個方法幾好,不過我有時都沒時間,因我班不止佢一個~都請佢見諒~希望都想令佢態度變得更好~不過呢條友仔都好多咀~不過我發覺,我寫下寫下,都無咩講佢個仔衰野,唔知做咩,就會兜得幾好~你知我寫野幾隨心,唔知做咩就去左第二度~

營養表~哈哈~得我一人,歐陽姑娘又去左打碟,盧姑娘又出左去開會,得返我一人在office~就去copy了~hehe~因係公司的資源~

不用短曲卡拉ok~good~我真係好怕,太高音,太大聲,我受不了,會耳鳴,會被煩死的~不過盧姑娘話遲d轉晒做長曲就好好多了~因為不用理他們,他們自己識得打碟~而長曲又限定左一人30min,咁佢地一首粵曲廿多分鐘就完了,所以不用幫佢地keep time~yeah~佢地自己搞掂就得啦~因無人like,盧姑娘去實地考察左,出返黎都話真係隻耳有不舒服~而歐陽姑娘就用野塞在耳中隔一隔~而華姐聽慣了就ok,不過由於佢太多野做,都無時間打碟了,要我地幫手,所以轉下形式都係好既~

早落去~因為李兆強早放~接佢地,同佢地一齊lunch,幫佢地study下,由於預唔到梁老師那麼快就落黎了,原來校監叫,之後校監就叫我sit counter~又無野做,我就睇報紙~由於一個miss病左請假,佢同我講佢好麻煩,又要臨時搵人,響度怨,我都幾尷尬,因我之前都因發燒請假~無,因林姑娘請左假,要佢做,咪覺得煩囉~之後佢睇到news,知道一女仔因去左ocean park之後受驚過度入左院,好似死左,佢就問我有無被嚇親,傾左兩句~我話太多人,我都無咩玩~

梁小朋友~佢.....都係咁啦~都肯做功課,不過成日撩鄧小朋友玩~我都有行下佢身邊督促下,關心下佢,因有時間,其他人的功課,study都ok了~

鄧小朋友,關小朋友,堵小朋友~唉~都唔記得要講咩了~總之佢地既英文,真係要慢慢教,早些教,否則佢地唔會識~要幫佢地記~

被讚~因關小朋友英文默書有7x,佢mummy好開心,話係我功勞~不要俾那麼大的帽俾我,有壓力的~因我都唔係幫左好多,佢自己都有study,背,記左入腦~不過唔懂咩意思囉~只係背左~連標點符號一併背埋,咩都唔知~唉,又係有排教,因為佢連逗號,句號都未用得對~唔太醒,不過記性好~佢個d數學又係教到我嘔血~佢d logical thinking唔得~不過有時迫不得已,都要背左先,唔係點對得住佢mummy~我會被佢怨的~我都唔想填鴨式~

小六~有時佢都會過黎問我野~因佢miss唔識~呢期都係幫佢方程式多~我都要think一下,要解釋俾佢知,希望佢吸收到,否則都一樣唔識做~

鬼上頭~同sandy,cyrena去gv mk睇~sandy去左buy mcdonald,我試左banana pie,我keep左sandy既餐,我話唔俾返佢,佢好串,話我食得起咪食,不過我真係食唔起~kcal太高~cyrena真係好醒,我講左俾佢知我響mcdonald,被我估中左,真係去左個度,不過我地無理佢,行左去cinema~今日我既腦筋都幾清晰,佢地一個睇唔到,一個聽唔到~

套野真係唔多掂~無meaning,無內容~都有個故事既,交待到~不過真係唔多得,又唔多驚,雖然有d位都營造到,不過無咩野~d頭髮仲要識行,撞佢個鬼,笑死我~d恐怖片總喜歡響一d滿怖個d頭髮呀,或者死左既家禽(如果講殺人)個d唔係好睇到路,視野唔清晰,好多物品遮住,又有好多地方可以突然跳出黎嚇你既地方搵人,佢地又驚,但又要去呢d地方架wor~真係攞苦黎辛~不過cyrena睇到反胃~

不過原來cyrena aged 4x了~真係睇唔出~因講開明年豬年,講到cyrena係牛,咁我daddy又係,咁我就think佢地差幾多,點知cyrena話12(其實佢想話一個生肖的周期係12年),我就話,唔係嘛,相差12?我daddy都就60大壽了.....~哈哈哈~

之後返home了~還要洗碗,手洗衫,晾衫,整飯盒,水樽,執好野,沖涼~

>>October 26, 2006 at 3:39:42 PM GMT+8

2006 年 10 月 22 日 星期日 【酷熱】

無奈+感嘆~

LATE~俾人check Octopus card~好心啦,都說黎過啦,不如等多幾日先捉la~我又趕時間,唉~我諗我當時既樣都唔係太好睇,因我都不屑理佢~

義工嘉許禮~一班老友記聚埋一齊take下photo,食下野,拎下cert~好不開心~我負責幫佢地take photo~真係好耐無用過菲林相機~

不禁偷食了~由於我地有個義工ada,佢整野都幾好味,尤其個紅豆糕同埋春卷,正~食左不少~但我都有食lunch架wor,仲有一個apple添~都係華姐俾,我真係幸福,有時都會有生果食~我盛讚個春卷,不過唔去食響大家樂訂的咖哩角及春卷,因我覺得自己整好味d~裡面有蝦,雲耳,地瓜,蘿蔔,好鮮,正,不過好肥,因又要炒又炸~不過佢地話我清減了~但是,肥就易,瘦就難呢~無計,因佢地睇到我臉陷左~唉,鬼叫我瘦就響塊面先咩~大家都係唔好講咁多,否則自己唔抵得,又食~

老闆~原本佢想叫我落去sit counter,但由於office得我一個,我就推了~!呵呵~否則無得食正野~大家今日都好累咁~或者因為尋日大家都有返工吧~佢ar,踩盧姑娘,搞到佢喊,之後又不斷慰問佢~搞到佢都唔想聽佢電話~都係因為個粵曲大匯演,係個基金問題,但個匯演就咁音響都要$8000,我地中心可沒那麼多錢,佢地又未必肯俾,今次義演就夾jei,但下次又夾,都唔知肯唔肯~咁蝕既野,老闆一定唔做~

小朋友~俾一個人激死了~佢唔做功課,係咁拖時間,又轉書,拋書~我叫佢唔好轉,佢唔轉,走去拋~同我玩野~因我講左話再轉會沒收~佢再做,又有小朋友報串,我就收~佢同我搶,我當然搶贏啦~但話我整皺佢本書~點做wor~我咪問佢想點囉~佢又重覆,目的只想嘈我~之後佢叫我賠~我話無問題,叫佢打俾家長,又唔肯,拎埋電話俾佢打又唔打,我仲要好有禮貌咁雙手奉上,只係講,我咪打俾佢mummy囉~原來佢成日都叫人賠,好奇怪,佢連class tutor,訓導主任都不放在眼內~佢mummy都話聽慣了~打又打過,罵又罵過,都唔知可以點,都唔知佢做咩會咁~佢都問我駛唔駛接返佢走,我話無用的~佢都話我好有耐性~咁我又了解佢多一點~最後佢都肯做功課了~後來問佢,乜鄒左做唔到咩,佢都話唔係,我問佢做咩咁,佢話佢想同人傾計,好悶~因家中得佢一人,家中多是得佢mummy only~

唔開心,打完俾佢mummy都一直嘆氣,因為有後悔打左俾佢mummy,打俾佢,都知沒用,都做唔到d咩,又煩到佢mummy,加重佢負擔,又令佢擔心,痛心,發覺打俾佢mummy都因我未下氣,我衝動,唔想教佢~對佢失望~唔想同佢糾纏~不過都應該告知呢件事,保障自己~因小朋友唔知會講咩~最後佢mummy想佢去補習班,係因為唔想佢個仔再倚賴佢,要佢自己做功課~佢依家會做功課,佢都開心些~知道佢mummy想點,都好既~

阿萍~特登響油麻地落車搵佢,因成日都想找她都沒有~由於我想問佢兌台幣的價,就立定心去了~傾左好耐~都2年多沒見了~佢都話我比以前瘦了~不是嘛~之後睇下幾時出去dinner了~發覺佢個度兌都幾貴,唔抵~同埋我都識睇lu~哈哈哈~佢教左我~自己又計下,remind左~我係account出生,無理由唔識既~

同佢傾完就行返home了~

>>October 26, 2006 at 3:03:26 PM GMT+8

2006 年 10 月 21 日 星期六 【酷熱】

今日都要返去幼稚園幫手,遲到,god~算~

好熱咁返到去~因今日open day~之後就幫手bomb波~手指都痛~原本叫我幫手一個攤位,之後叫左我出門口派紀念品~我都有再跟主任講一聲我1300走~因佢都好似唔知我黎咁~醒....!!呵呵~

無咩野做,盧主任,盧生都叫我拎張chair坐,不過我見大家都無咩點坐就算了~好彩有飯食~又有個小朋友因要等朋友,盧生又唔俾佢入,因佢都大個了,不宜,就叫左佢幫我手,原本佢都唔多睬我,之後都跟我說話了,因我不斷咁問佢野,有耐性~佢小六了~之後佢都真係好幫得手,醒,good~我又教左佢邊d人派,邊d人唔好派,有d人貪心嘛~我食完飯,都特登拎包野俾佢飲,這應該是我的,我不喝就給小朋友嘛~他也有幫手~

有棉花糖,沒有食,因手髒,原本盧生係咁要我食,佢地d工作人員都有拎俾我,不過我都say no,雖然有d想,不過歐陽姑娘話好甜~之後走,又交帶一下小朋友,又去講一聲,又問佢幾時有mummy接,記得入去講低一聲,之後我又入去跟盧太講一聲他會有mummy接,我已經叫左佢mummy接就同佢地講~我真有交帶,呵呵~怕一陣無人接班嘛~不過盧太都知佢醒,都放心,因我lunch時佢地都有part過一段時間~

走了~去黃大仙換制服~唉...terry黎,我地又唔係好識fall in個d~阿彪又唔多理,就咁交俾我地~唉~simon,ester又請假~唉...有感佢真係好想交晒d野俾我地囉~之後啟導班,都無咩野做,由terry同raymond講,good~不過成日企,真是累~之後都坐左了~漢樟mummy又跟曉恩姑姐呻了~唉~佢都真係要educate一下~還那麼激動~我有跟彪講,等佢跟進一下~

走了,回家休息~叫左brother做newspaper cutting~鬼叫佢尋日多手,拎左我插得好辛苦既usb hub出黎~真係多手~無原因架wor~之後佢都幫我插返,不過我都照罰~哈哈~教訓,明知我唔鐘意有人掂我d野~有幫佢改,用我緊餘我知識去教他,提醒他~我真是一個miss,哈哈~上身了!!

那個蛾姐真麻煩,已經很secret咁俾左一包紀念品她,還要多一包,我面有難色話唔好,只係俾多一包,因都要派俾人,之後佢話,我要多包抹手唔得呀?之後我話好啦,不過最後,之後佢掉返一包話唔要了~真係臭串,巴閉,又貪心~已經唔止一次了,上次攤位,又硬要把派剩的紀念品推上幼稚園,最後都係盧姑娘覺得不妥,又再跟進,搬返落黎~因有柯議員睇到,負責人亦說明有剩的留低,佢地會執~因我地有問,同埋邊度派得晒wor~唉...盧姑娘打俾佢,佢只係不負責任咁話,唔知~真係貪心~不過我唔怕佢~我都懶得理佢~雖然唔好睇小佢地呢d阿姐,不過.....哼哼.....睇下點~不過我都係少接觸佢為妙~不過佢咁既性格都應該有好多人暗地裡不喜歡她~

>>October 22, 2006 at 2:04:04 PM GMT+8

2006 年 10 月 20 日 星期五 【酷熱】

outing day~

一早聽到有人叫我蘇老師,發覺係鄧皓名,我都幾鐘意呢個小朋友~佢同媽咪去賣旗~大家傾左兩咀,原本佢地要去官塘地鐵站,不過mummy叫其他人都在附近,就算了~他呀,一收到旗袋就叫我俾錢他了~hahah~

今日第一次帶隊出去,加埋我有10人~我都幾緊張,唔知幾時開始同佢地點名~不過還好~誰知唔見左一個人~找到找不到,我地先上車等~我再打,又打返去centre,如果她有來,就直接叫她上車~幸好,我打給她了,她在家~我又打去會所報告~其他老友記在車上討論,說這位是豬油糕勒~哈哈~我就叫大家唔好咁樣,大家都要開開心心的去睇跳舞吧~我地都好急,因都就遲到了,司機又趕出去,因入黎有証,過時要俾錢,所以再不下來就要給錢,所以要先出去兜一圈,不過不需要了,趕到,我都急起來了~

入場~落車都幾亂,因為我找不到張務部,都有問過司機如果找不副怎麼辦~唯有搵個位停,我又要跟老友記們就一聲,要快一點,辛苦了,因行動不便~都見有車在我們後面等~我都算振定了~問了那麼多問題,假設了那麼多~之後就帶大家行過去了~在開車時都有問大家我是誰,知唔知去邊等,之後就任大家傾下計了~我地又要排隊拎場刊,我都係唔好放過任何一樣野好~之後又要帶位,又多人,無得前進,最後找到,要他們盡坐入去,否則如按位坐大家好難入,因d位好迫~點知我見到有人坐左我地個位,我又要攝入去叫返佢出去,否則我地唔夠位坐~真係辛苦他們了,要俾我過~搞完一輪,大家都坐好了~

頒獎先,表演者都沒有預備好,為什麼頒獎,拎獎俾嘉賓的工作人員,會響得獎者之後先出?搞到嘉賓,得獎者都茫然,又望望下個獎出黎未~有時佢地可能找不到個獎,又遲左出~我聽到後面都有人講,為什麼這樣?表演.....可能我不太懂欣賞,好想睡~中國舞~又見場刊,個show1300完,之前只知係1200~又即刻要做野~同義工潘生講一聲出去打電話~與姑娘講,又跟她說找不到張務部拎臨時紙~最後決定早走,如有人想留下都可以,不過要自己乘車離去~上車方面唯有跟司機緊密聯絡~以及先打一通電話給他,好讓他有心理準備~我都真係走黎走去,因有次唔見左幾個,我又去搵,幸好我找到了~

散場~最後根據之前舞的時間,見離中場休息還有5首,相信可以等中場休息才走,因間場走有點核突,還要咁多人,又核突,又騷擾~散場時我又跟司機聯絡~大家又唔去toilet,我都怕要大家等~幸好都多人走,又可拖一些時間,好明顯今次佢地表演單位都有問題,大家都預不到1300完~最後行一段,叫他們先坐下,好彩有位子,又派餅乾,我又再打電話確定上車位置,點知他已到了~義工潘生可能見我係新人,都好關照我,見我又打,就問我"依家先叫車呀?",我話唔係,我叫左,不過再確定一下而已~俾我感覺係他有點質疑,不滿,不過可能基於關心吧~先前都有提我打俾司機~

今次上車好點了,因有架復康巴入左牛池灣街市,咁我地架車都可以入,d長者又可以慢慢上,之後潘生好醒咁睇住架車,等我地架車可以退後,之後佢又好快咁跑上車,真係醒~之後又問下意見,聽下佢地意見,我又同隔離個個婆婆傾下,她由藍田行到去尖沙咀,強,4個多小時~就係咁,好開心咁完成了~佢地仲話響門口落車,好方便佢地,我就話咁咪益左你地囉~有個婆婆好搞笑,我話俾佢地知一陣就走,佢又好心急,成日望我,我叫佢唔好咁緊張,睇左先,我會叫佢地~所以我一有咩都同佢講,費事佢以為我走~決定左之後,都告知中場先做,可以安心看~

老人會所~返到去就report一下,因都要既~咁我遲d又要寫report~好搞笑~盧姑娘都話我定~又話下次可以俾多d人我帶~我話唔好勒~差唔多架勒~不過outing執生好重要~仲有有義工幫下我,good~真係好醒~咁我都有時不時就點下人數~講真,佢地唔知我都有經驗的~我都應該無咩機會,因為我要補習,走唔開~之後我食左飯先上廣田~盧姑娘又叫我幫手做d野~至於臨時紙個度,盧姑娘跟進左,佢都搵唔到張務部,要打去總辦事處,佢地話無d咁既事,無臨時紙,佢地真搞笑,有人話有,有人話無~佢仲話復康巴都係咁入咋wor~咁依家問題係,你有2柱頂住就入唔到嘛~

廣田~好閒~print日記,跟sandy傾電話,打下野~

最後無出去,留在家中~原本想出去tst行下~一放工,就想回家,回到家,又唔想出去了~

>>October 22, 2006 at 1:39:49 PM GMT+8

2006 年 10 月 19 日 星期四 【酷熱】

看管day~

今日比平時早左起身,我都唔想,咁見都0700,起身啦~就洗下衫,晾衫,因我件衫唔可以用洗衣機,咁我又唔會叫我媽洗~又做下拉筋運動咁,好似過緊老友記般的生活~

一早返到去,office咩都未開,又見歐陽姑娘整報紙?原來華姐一早被人叫左去幼稚園~

咁我就要去打碟,因今日有卡拉ok,好彩唔係粵曲,好多了~我就睇下newspaper~有時都差點sleep左~

佢地早左走,我就執下場地一陣英文初班~又叮下飯~我食飯先,因一陣教班~睇到報紙話依家d會考生,唔識串字,vocab又弱~竟然有人唔識barking,用左the dogs make woo woo sound~真係笑爆我個咀,咁都得?真係諗起都想笑~唔識,make noise咪算囉~唔好笑大人個口先得架~仲有一d好基本既未都串左,friday->firday~唉~依家d學生是否太過倚賴,唔去記呢?我依家d小朋友就係咁,做功課,連中文都唔識讀,因佢地唔記~小四勒~其實好嚴重~所以叫佢地自己搵~又係慣左搵,test,dictation,exam時唔通open book咩~考邊度就溫邊度,考完就唔記得lu...點終生受用呢?我應該點教呢?

原以為幾經波折,我終於可以教我既英文初班~點知......盧生響差唔多1330打黎,叫我落去sit counter~因林姑娘有事請假,佢又出去開會,可能幼稚園又調唔到人,就找我了~唉.....下星期又因為有小朋友因測驗早放,我又要早些落去,下星期又無得教~唔知幾時我先有得教英文初班~好似到依家都只係教左一堂中文高班~唉.....人地次次都整晒d野~唉....plan好d教材都無得發揮,唉~亦都好好彩,今日既野我一早準備好,都唔駛盧姑娘臨時做d咩~

落到去,無野做,叫我睇報紙~負責開門,接電話~我就差點sleep著~

我等到梁老師黎我先去接小朋友~叫佢幫我頂住先~因我刻意遲左去,咁佢地一早放左,唔駛我等~點知去到,大家都放左了,要佢地等我添~細佬唔小心跌親~我就要拖住佢,佢唔想洗傷口,我唔俾,又讚下佢~之後佢肯,點知中心無棉花,shit,點消毒,唯有洗左再用紙巾沾黃藥水~佢好叻仔~good~都好聽話,乖~

我不時都要出去接電話同開門~好忙~又有2個小朋友因太辛苦喊,我又要tum~唉~2個大既又嘈~又有2個要督促~唉......不過都溫到書,做完功課既~唉~不過今日頭有點痛~之後又有一個小六走黎問我方程式~不過教左佢一d,又唔知佢做咩走左~我都無暇理佢~小六個個告知,原來丘小朋友轉左房後驚得滯,唔敢問,所以又調左去另一間房~唔知佢地有幾惡,我都好想知~學下野~

我班鄧女小朋友唔補了,唉,又唔知點調人呢~下星期佢地要test,幫佢地溫咩好呢~都係下星期再作打算吧~

得知阿cat決定12月過黎,因佢朋友生日,所以澳門之旅延遲~都好都好~因荷包肝硬化以及貧瘠中,哈哈哈哈~

唉,星期日又要返工,又要童軍,考慮緊點算好~又要帶衫,帶鞋,對鞋又超重~唉~麻煩~收到信,領袖工作坊,營火會因人數不足取消了,為什麼經常這樣啊?我等得好苦呀~唔希望sectional skill都係咁~不過又好想去cq既廣州camp,好耐無去了~

>>October 20, 2006 at 3:01:16 PM GMT+8

2006 年 10 月 18 日 星期三 【酷熱】

yeah yeah,終於星期四了~

各方好友,由19-22/10 今日-sunday去任何一間giodano分店,都有正價7折,除accessory外~如非會員,又想享有優惠,大家有我手提就可了~那大家就會變成蘇小姐了~大家自己執生,不用怕就可以了,因用我既身分是沒什麼的~他們也想賺多些吧~

今天中心去旅行,無活動,cool~

帶左食譜返去整理,同埋抄~又print下自己野~又打下去郵局,card centre問私人野~又搞下聽日的英文班,改簿~初時以為歐陽姑娘會跟華姐出去,就可以print日記,點知無~算.....星期六就可以~大家今天比較閒,佢地lunch都在sleep,我就好努力咁看報紙~話咁快3點,我又要落平田功輔班了~

今日華姐都覺得我瘦左些,臉都陷左,不過我一瘦通常都在臉先,正常~加油~今日抄食譜,有些好少kcal,好想整~哈哈哈~有時間先整俾大家品嚐一下~

今日功輔班無咩特別~ok la~我都平心靜氣左~哈哈~今日整天都好閒的樣子,無壓力~呵呵~盡力囉~

尋日梁小朋友支鉛芯筆跌左響我腳邊就話我踩~仲要拎去洗,好搞笑~

尋日也有與梁老師傾,得知林姑娘都是盧生親戚,總之有關行政的工作都是有親戚關係的人做~莫非歐陽姑娘都係?都係小心點說話好~我地都有傾,佢地見咁多人都找不到老師,一是人工低,一是質素不行~梁老師都好想走,不過賣人情....因老師真的不夠,她見一班已轉了4,5個老師了~不過這裡的薪金真的很低~她也講了少許她私人的事~記得有一天,我看到盧主任的salary file,發覺歐陽姑娘有$7xxx~盧主任有$24xxx~盧姑娘有$8500~不過都是3月的事,不知道有沒有加,作為一個社工,盧姑娘的薪金會否低了點?還跟我很接近~有點兒覺得自己都不算低了~不過期許他加$500~有無可能呢?歐陽姑娘做了這樣久也沒有$7500~但她0900-1700及0900-1300 only~

今天試了西柚airwaves~感覺及味道怪怪,我有認真品嚐,免得說我接受不了新事物,有西東味,不過配合了....一種...唔知什麼味道,應該是要讓你感到好通鼻那種薄荷吧~那味道一點都不好....澀澀的又甜甜的~都是honey lemon比較好~

may今天返去印尼了~11月6日才返~現在媽媽負責家中大小事務,今天我有幫手洗碗哦~有時阿may都好有脾氣,有時她的態度真的很不好,難怪大家不太喜歡她~除此以外,我就覺得幾好,因佢都好take care我地,好盡力幫我地,有擔心我地,都好為這個家~我覺得這一點已經好好了~不過有時,佢都有自己一套,如你俾少少意見,她可能不喜歡,回應得比較倔~因我試過,我的感覺不好,因我是很友善的提醒她~

>>October 19, 2006 at 3:33:00 PM GMT+8

2006 年 10 月 17 日 星期二 【晴】

差點遲到,急步咁行返去~一早被人拍一拍,原來係細angel~哈哈哈~咁o岩呀~記得星期一早上也撞到鄧男小朋友之爸爸~

今日比較有精神,戴到con,good,不過要買返個鉗先~

一早返去整下粵曲大匯演之請柬~又整下星期五之英文班~磅左重,輕左?哈哈~努力,不過仍貪吃~記得dinner只可有vegetable及fruit only~

收到盧生電話,叫我即刻落去,激死~原來幫佢打下幼稚園招生poster既字,又send下email咁,俾下意見,design下咁啦~搞到我補補下習又要出去,真麻煩~又俾高帽我戴,又話人地整得無我咁好,我完全唔覺得囉,人地整banner都整左好多次啦,人地當然專業過我啦~我都唔想理佢,我都係跟佢意思,有時佢既意見唔好,我就講出黎~依家我同佢講野都好直,哈哈,基本上我對個個都係咁~如果盧主任響度就好了,因我覺得佢好些,起碼taste跟我近些~

今日早落去,又早接小朋友無咩野做,差點睡著,不過很久沒有跟黃同學傾計了~他也很喜歡跟我談~因我有時都問候下佢,又關心下佢~

到我個班,又因一個miss有事遲來,我就睇住先,多左幾個人,又多左野做,不過都ok~鄧女小朋友喊,因她說太辛苦了~我又要tum下佢~叫佢洗臉後又好些了~鄧男小朋友都幫唔到佢溫幾多,不過盡溫~關小朋友完成不了功課,因太多要用腦的,我無暇理會,無耐性,被佢激死~又俾梁小朋友的態度激死,最後只用細聲跟他講規則,不要令自己細胞死很多,不要讓自己太勞氣,不值~不過心想,依家仲唔教,怕以後更難,又心想,雖然現在不見成果,但不代表我對他影響=0~或者有日他醒覺呢~好,要加油~

各方好友,沒有回傳好朋友之sms,由於本人沒錢,深感歉意,至多下次面對面再肯定你是我的好朋友吧~我知道有事有d野不可以在心中,有時都要露骨一些表明,咁先有溝通嘛~不要收在心中,否則對方不知你在想什麼~不要吝嗇地收藏呀~如果有人對你說,或表明心意,你也會感到窩心吧~

>>October 18, 2006 at 2:44:57 PM GMT+8

2006 年 10 月 16 日 星期一 【酷熱】

又沒什麼事情可以做,歐陽姑娘就叫我先預備12月粵曲大匯演的請柬~不過沒有資料也很難準備~唯有先找一下圖~也有上年之sample,好多吧~

之後今天有長曲卡拉ok,華姐又落去工作,她交帶我,我又不想做,因好吵,盧姑娘入去看一陣,出返黎時都嗡嗡聲了~最後他們自己轉碟,good~因有人識~他們自己會順序的了~因一首曲最多得廿多分鐘,而每人有30min,那就不用看時間了~

整整下,我就休息一下,又是時候落去平田接小朋友了~心想,又一day了~

今天更簡單,有位家長有一張紙條,吩咐怎麼溫,我就照指示,也給其他小朋友做一下~哈哈哈~太好了~不用煩~不過有位小朋友態度又不好,未教過,唔識,就不做,語氣又差,又不服氣,咬牙切齒的,又抖大氣,要我糾正~我又一番肺腑之言,她有喊,唔識唔係大晒,可以試做,我不會罵,我會教返,好多野都唔識架啦,咪又要教~學習態度不好,對老師的態度也不好~最後罵完,一番理論後,叫她抖順條氣,當然叫她再看一遍,然後叫她坐我身旁,再教呀~

因這室原有的小朋友回來了,又不夠位,他們老師又未到,就叫其餘不屬於這班的小朋友先到我班~他們老師到了,就叫他們歸位~

我班小朋友,鄧女沒有來~少了一人~不過鄧男沒心情溫書,超慢~被激死,是不是要零分?關小朋友還可以,可以完成兼讀書~不過數學悟性不太好~又成日問我,我叫她自己做,不用問我~一分神,她就會錯,她有時可以自己做的....也有醒的時候,我可是衷心稱讚的啊~求其的幫新來的小四溫了,ears個d都唔識,mouth又串錯,唔係嘛~不過默完,都有8/12,成績尚可,我都不求什麼~都有給一位積極的小四黃同學dictation,準備下星期測驗了~又盡力幫堵同學默中文,因聽日默了,我都想她有好成績,不過還有錯,但算有進步了~

發覺她們很多都不會讀~真的要給他們多些機會讀,不可只有抄,沒用的~所以dictation,老師讀了也不懂~不過盡量啦,因沒有太多時間,還要完成功課~

19xx走~做完就走了,不等家長接了~因有時留得太久也不好,因其他老師很準時走~費事做壞規矩~

先前漏水的漬,阿may給我理乾淨了,太好了~執好了~自己也執了一些已不穿的衣服,拎去回收~很大的一袋~因再放也沒意思,位置不多,放出來又大塵,很麻煩~

今天雖比昨天好,不過仍很累~很快又一星期了,呵呵呵~plan緊我既on diet進行表,打算學弟弟一樣,要急步行,要去swim~我再想想可不可以相約大家打羽毛球~因swim貴了......所以一星期只會去2次,其他大部分時間多是急步行吧~也不可以那麼貪吃了

>>October 17, 2006 at 3:36:33 PM GMT+8