2006 年 9 月 25 日 星期一 【微冷】

都是睡得不好,就算早早入睡了,仍會醒,何解?

早上整下粵曲活動之票,poster及場刊~之後就被叫到幼稚園幫手賣校服,我負責度身,發現原來我聽錯時間,11點就落到去,無野做,我就幫手填顏色,因小朋友填了,有些暇疵,我就幫手了,不過都算吃力~度身方面秩序大亂,又話太慢,好快地佢地就傾點做~

lunch在kindergarden吃,見到梁老師~不過唔多喜歡在哪lunch,好奇怪,入到去就問坐where,最後坐左響另一張table,真慘,唯有傾電話~找到cyrena跟我傾~原她去beach,不過太累就沒有去,因返工~

無咩野做就去平田,幫主任搞埋會員的事,初時因見工中,不方便入去,就在沙發上百無了賴地坐,最後林姑娘跟校監說我有野做,先讓我進去~搞掂會員就打中文班的野,之後就接小朋友~他們常常跑,要想辦法stop她們~

I have seen 穿PRADA 的惡魔(The Devil wears Prada) tonight. It is a great film which make me thinking a lot~What i have learnt is I can't lose my mind while i am being in this world & I have to respect everyone or everything even I don't like~and I think I have to improve my English as I think my English is down grading.Sometimes i can't catch up the speed and word, I have to think what are they talking about. The poorest thing is I always look at the Chinese. Oh!my god~

睇完就回家了~因太夜,會肥,又無錢,又累~haha~~see you guys later~

不過呢套又真係幾好睇~不易服輸,尋回自己,不會被人牽住鼻子走,做名牌之奴隸~仲好識得去關心人,仲保持那份純真~

記得星期日去宜家時,見到郵局有mcdull,好鐘意,不過要入會同埋要有分,大佬,我唔會為咁而入會~要成2000分,仲要$1=1分~殺了我吧~我唔會喪失我的理智~不過對當中童軍一百周年同埋古蹟有興趣,可能會買,又唔貴~

>>September 28, 2006 at 1:40:22 PM GMT+8

2006 年 9 月 24 日 星期日 【晴】

又工作了~

好累,因就算通了頂,由於上到網,即刻上下網先~都大約2點先sleep~好彩妹妹問我野,否則不省人事,沒關機~

今日盧姑娘都好累~

今日打中文班教材,又打電話去探訪地方的管業處溝通一下及fax~之後去惠康掃貨,盧姑娘又跟經理打好關係,因我地訂咁多都要跟佢落order~盧姑娘又r優惠,想套經理幾時有特惠,不過有專業操守,並無透露~

功輔班上,由得鄧小朋友sleep,因無暇理會~其他人都好乖,因功課不多,就可以跟他們study一下~開始好miss了,講野都好firm~不過有時都要tum..做左阿媽~慢慢真的習慣成為miss,因為除了功課上的指導,他們的態度,禮貌及品格都要時時提醒及嚴加遵守~呢方面我比較拿掐的準~

在家上網,又整下相,拎去晒,因coupon就到期了~

>>September 27, 2006 at 4:03:41 PM GMT+8

2006 年 9 月 23 日 星期六 【微冷】

hong生日快樂~

今日都是累,一早去了飲茶,都坐到11點多先走~好滿足,好久沒有去飲茶了,自己明明昨晚跟媽媽說想睡多一會,所以不陪她們去太子喝茶,誰知自己玩通宵又跟朋友去~

大家常常作弄cyrena,hahhaha~她喝了很多茶哦~

之後去左宜家,因我想buy candles,又俾左d箱吸引住,想買,同埋for 公司用~不過礙於要集會,所以不能拎太多,而candles都已經很重了~由於細ryan太tired,先回家睡了,而sandy繼續陪我們,而emily一早有事先走了,大ryan亦在飲完茶後走了~

童軍,早到了~只操出操的幾個~真是太累,休息時睡了,俾他們笑,不過唔理了,撐唔到,難得阿豪回來了~不過有幫手點名,執下佢地,都算好點,否則....

之後由於阿豪hungry,去了大家樂tea,我亦都hungry了,simon及豪之女朋友都來了~我吃了公司三文治,還有drinks,yummy yummy~5點多就走了....

回到家睡了2小時,就收到細ryan電話,得知hong入院了,真令人擔心,請愛惜自己的身體~要好好保重,已經痾了,還不錫身,仲飲酒?唉~之後都找winnie po了解一下~

得知michelle約我地食飯?不錯,good~人都開心點~

我打打下野,click左個logo,係其中一個software,點知開左,先發現自己上到網,上次只是開msn,唔得就又拆,又為拆唔到lan card而煩,點知沒事,但有問題的是,開機還有2句說話,其實應該我既hard disk都有些問題,要用ghost還原才可~依家又知開唔到msn,因我既電腦日期不對,一開機就到了2002年~不知何解~不過上到網,都方便多了,又不用打擾我妹妹,遲上再算~

>>September 27, 2006 at 3:54:08 PM GMT+8

2006 年 9 月 22 日 星期五 【微冷】

好開心,又過左一星期了~好快~咁快我就返左4星期工了~yeah~

星期六通常無咩野做,咁我就發下呆,順便整理下教材~之後盧姑娘見我無咩野做,我又幫佢打電話提下d義工9月30日時間及地點~

之後我就行行企企,因都唔想上網~又出下去睇下電視~之後盧姑娘見到我拎d報紙出黎,問我係咪整緊中放班既野,我話係,於是佢就叫我帶住中文班先,因一時之間叫我帶晒可能唔慣~之後我都有同佢講我都整理緊英文初班既,而高班既未整,於是佢就叫我帶埋英文初班先~oh…唔知有咩影響佢既想法呢?可能佢都要帶我融入老友記中,先建立關係~同埋又真係一次太多了,我都呆左~

Anyway,我依家帶住2班先~我都會下星期去睇下佢地上課情況,取下經,順便我都想叫盧姑娘跟同學講一聲我黎緊會教佢地~hahaha~先打個招呼,令雙方都有心理準備先~

唉~呢度既活動助理=paperwork + 老師~我都有想緊,如果下次再搵,要搵康文署個d先,真係搞活動,無功課輔導班既先~今日睇明報,政府請非公務員職位,人工都幾高,一個文員都有7千多~真係好吸引~不過唔見佢個d中心請活動助理~有d學校都請人,如期我做呢d功課輔導,倒不如做助教?人工高咁多~

真係平時要睇多ｄ野,先可以咁快有idea整教材~我堅持take mtr,因有免費都市日報,星期四放工又有metropop,而sat就拎快線週報~

不過今日悶到我在臨收工前睡了~買左d餅乾俾小朋友做獎勵~

返到家,小睡了一會,tony打黎,而且我都唔係好訓到,就起床執野了~每次我既清潔都有唔同範疇,不過一定會抹較易沾塵的地方及拖地~依家多數有阿may就少左換床單及拖地,因有時佢都搶我d野做~今次我就算是細執,逐part拎出黎抹及整理,都用了2-3小時~加上我想拎以前hong & winnie送給我的印仔,打算蓋俾小朋友,所以又執下咁~發覺自己唔見左魔戒既novel,shit,因個時借左俾阿成,打算俾佢學下英文,誰知......我真係傷~仲要咁耐先發現,因我比較少執藏書的箱~氣死...

於晚上十時多，收到大ryan的電話，其實他都算好彩，因為那昤我正在細佬房睇電視，打算睇完就去睡了。誰知道我不知為什麼出了去，聽到我房電話響才接到了他的電話，原來cyrena都有找我，由於我電話沒電，所以轉駁到我房中的電話。大ryan仲串cyrena，他一定找到我！

擾攘了一會，問了媽媽，自己又再想去與否，因我真的累了，但我又未上過細ryan家，最後被sandy煩到我上了。我還剛剛洗完澡，打算明天就這樣穿制服就不用便服，懶得就懶，誰知都要出去。

搭巴士時，遇上了欣欣的朋友小葉，原來她發現了我多時，不過記不起我的名字就不敢叫我，最後跟她談了一會，又傾下近況，講下我班的小朋友等～有了她，我就懂得落車了～

有大細ryan,Emily,sandy,cyrena,我~他們說，原本我不出，終歸我也出了去。真是的～他們真是不黏家的小朋友～

沒什麼事做，不過主人應該勤打掃家吧～就算我都不是想打掃,都沒那麼嚴重,重災區一樣,我就忍受不了~我不算是有潔癖,不過感覺上不太乾淨,況且我坐地上對腰不好,其實我都是粗條條我女生,我都會坐在石屎地上,如camp site等~我們有玩大富翁,不過由於得2塊地,又成日踩中emily既貴地,佢d地真係旺地,成日都有人踩中,佢錢多到唔收人租,唔起屋,一定要人收佢租等~我就堅持到最後,有機會俾我破產就算了~哈哈哈~~我都無咩所謂了~之後看justine的演唱會,quality差左些,但仍想買~

之後佢地都收擋,開始sleep~打算0630去飲茶,點知大家都sleep到0730~大家都睡了1-2hours~

>>September 27, 2006 at 3:40:16 PM GMT+8

2006 年 9 月 21 日 星期四 【颳風】

秋天好像來了,比上年快了點,不知道今年可否過一個寒冷的聖誕呢?

早上都係無咩野做~亦都唔記得自己做d咩~算啦,黎黎去去唔係我自己上網,就係打下日記~不過我記得我好似找尋興趣班的教材~好似都有幫林姑娘打野~

下午~功課輔導班~黃小朋友依然係最嘈個個~今日仲喊~因我唔俾佢做自己野,要佢溫英文~佢話mummy叫佢做,唔係帶黎做咩,我叫佢打俾mummy再同我講~佢係咁話我煩~我話佢態度差,仲話佢係男仔,又係高年級,響低年級面前喊係好醜的事~仲有,佢搞到我惡,會嚇親低年級的~

我話佢講大話,一時之間想不到例子,之後佢話我幾時對我講過大話~我話我個個學生都唔信,我只信手冊,一係就叫家長打黎跟我或者林姑娘講,我先會信~否則我唔會聽佢講野~依家我係miss定佢係miss呀?當然我叫佢做乜就做乜啦~唔通俾佢駕馭我?

佢原本出去打電話,之後我話叫埋佢mummy簽埋紅簿仔,佢就縮沙,因我寫左佢態度不好~佢問我點解要study English,我話因佢上次默得好差,之後佢賴我讀得差~我就叫佢打俾mummy投訴我,仲叫佢快一點,話俾佢知係miss讀得差所以累到佢個仔默得差~仲有,佢自己又懶叻,話自己背,點知又錯,有d就根本係佢自己唔識~佢條友仔,成日叫我做呢樣個樣,無大無細,又成日投訴人地好嘈,其實自己最嘈,無左佢真係安靜好多~全班好似個個要就佢咁,我依家都唔理佢了~叫佢再嘈就自己出班房,唔好騷擾其他乖的小朋友~真是的~

堵小朋友,因未訓醒就喊,唔肯離開grandmother~要夾硬捉佢入黎,之後我就tum佢,好彩今日帶左snacks俾佢地食~又呵下佢~一年級,唉~

妹妹不回家訓,去男朋友家,激死阿媽~

今日回家,遇到一個飲左酒既男人，因他面紅紅的~由於就關門,佢就用腳定住,我就望一望佢,點知就係咁…賴野,佢問我讀書定做野~我響呢個moment當然唔答兼唔望佢啦~於是佢自己都笑左一聲~好彩仲有一個男人響lift內~之後佢都出左lift~真係嚇死人~

今日晚上幫手睇攤位~好悶既games~所以我地都好求其,總之佢開心,又真係認得d國旗就得勒~d人都好貪心,玩完又玩,玩好多次,拎好多gift~同2位老友記+1舍孫仔合作得幾好~有傾有講有笑~不過係累了點~

之後盧姑娘都陪到我地最後,盧生又走左過黎幾次~後尾就有d事,因有人想拎埋d gift走,搬走左,最後盧姑娘忐忑不安,因此舉會影響會的聲譽,而我都見到某一主任都有望住,不過無行動~最後盧姑娘打返俾個個校工處理~呢個都係不負責任,認精學懶又貪心既校工~因之前見過佢一次,佢咁好既態度我一定記得,就係搬滑梯個次~

記得去攤位途中見到丘同學,仲同佢傾下計,我又差點墬入他設的圈套~因我收工時佢仲未走睇tv,我就問佢做咩仲唔走~之後又遇到梁老師,又傾左幾句,佢又呻下林同學的事~

返到家都10點多了~食西瓜,bath之後,睇一陣tv就sleep了~

>>September 25, 2006 at 12:33:24 PM GMT+8

2006 年 9 月 20 日 星期三 【晴】

今日就幫廖姑娘整畫畫班poster,因尋日收到盧生電話,叫我幫一幫佢執下紙呀咁~我都"o"晒咀~問佢有無soft copy,好彩有,嚇死我,唔係要我打返晒d野嘛?我亦都無佢個d軍曹公仔~之後我就度下點樣整靚d,真係考起的~最後我決定用文字藝術師,上網再搵keroro做浮水印,改下字型,又發現左有d資料錯左,咁就同佢firm返~我都有俾盧姑娘睇~好彩呢間centre細,因盧姑娘都好似唔係好知咁~因佢畫班響Saturday,去到1645,我就問邊個會響centre呀?

我有打下日記咁啦,當然等盧姑娘去帶班時~之後整下好學生龍虎榜,希望可以鼓勵到佢地積極溫習,乖一點,帶齊所有野~如果佢地唔聽話,我就cancel,因都達唔到我既目的,就不如唔再搞就算~仲同佢地講門我既目的,同埋禮物唔係期望太高,只係小小野食,文具~同佢地講既時候,佢地都好專心,又問點樣先有分,哈哈哈~好緊張~

今日鄧小朋友好乖,唔知係咪佢病病地,又食左藥,無嘈住晒,又問我有咩做,叫佢抄又肯,仲問我佢抄得可以嘛?真係主動~又有禮貌~good~

終於打晒電話去問d老友記9月30日會否在家等d義工上去探訪~由上星期四聯絡到現在,我已經好積極了~因她們好多時都不在家~yeah~最終終有73人,離目標80人只差少少,都可以了,我都好積極游說,不確定的就再打~有些老人家都會打黎或者落黎話返俾我地知佢地得唔得~真係好~

依家我10月開始就接手3個興趣班,包括中文班,英文初班及英文高班~我仲以為幫1-2個就可以,點知~~~原本係4班,不過歐陽姑娘教返~好彩~我都o左咀~因為我都唔想好似全職miss咁~之後佢都有問我有無班組想開,我話無idea,亦都無興趣~唉~我都唔知可以開咩班,到時睇下點先啦~有mood先,同埋都要有靈感吧~

不過可能我今日太累,所以都無咩心情,佢就話我咁唔得架wor,會好悶架wor~咁我真係無idea嘛~同埋長者…..都唔知有咩好搞~之後lunch時佢都有問係咪想教個d班,我就話無所謂,唔教又無野做,響老人會所無咩貢獻~不過10月我都要帶一帶佢地出去睇舞蹈表演,都好呀~試下先~

我有問乜我唔係有廣田既英文的興趣班咩?佢話有排,又要等呢度批個度批,可能要下年先work到~oh…咁我都唔駛再理住lu~不過好似成日覺得有d野半天吊~不過第時都應該係咁,自己要有心理準備~

依家既我陷入赤貧狀態,盡量都唔出街~10月更慘,因為有3日public holiday,會扣好多錢,仲會更窮的,救命~Friday sandy約我去睇film都唔去,況且我要幫手攤位~另外,sat都唔出,無錢,又想休息,caf讜既sofa又唔o岩我坐,一陣腰都無埋~

今日返到home,就同阿媽去永安~個個人食飯未返,等~事前我已經叫阿媽等我問左佢先,亦叫佢唔好亂講野~佢一黎我就問佢呢樣咩黎,佢望一望我阿媽,就話係腰封,我就話呢個係多功能磁力健美帶wor~之後佢就拎左另一個出黎問我o岩唔o岩,我check左,後面都唔係一塊板既~佢就話個d會”cool”到嘔~我就話總之我朋友話唔係咁~佢再望一望我,就話退俾我….之後搞左一大輪,又叫我地坐,我就同mummy傾下計~之後佢退左一張票,話半年內有效,之後我媽話唔得,都唔知幾時再黎,之後個個人再問經理,最後退現錢~

估唔到咁順利~不過咁大公司,當然信譽重要,同埋我覺得她自知理虧~我又擺明唔退讓~我唔驚佢架,有左上次經驗,我識得點做~

之後返home dinner~

收到阿cat速遞俾我既台灣特產,有太陽餅,鳳梨酥,蠶豆,魷魚絲,仲有台灣月餅但入面係綠豆沙,唔似香港傳統的月餅~台灣的古早味就=我地既傳統食品吧~我話她想陷害我,等我變胖~搞笑,呢個星期都日日有跟她電話聯繫~我叫她不要常常打來,因為要錢的~雖然跟她傾電話都不錯~哈哈哈~

總之多謝晒,佢條友無端端叫我俾地址她,就知她要寄東西俾我,佢又懶係神秘地不說~點知我無俾全名,佢話咩郵局睇唔明~哈哈哈~自刮咀巴~不過當中都有小意外,可能家中無人,我又miss call,佢地就話查無此人,咁都得~我於是就俾埋全名佢,又問佢地幾時到,我就叫阿may留在家中,等收~我又收到速遞員電話~yeah~搞掂~仲吩咐阿may打開,有咩要放入冰箱既就先放入去~

阿cat晚上打黎叫我食不完就放入冰箱,我就話我一早就放左了~哈哈~仲以為佢會點樣教我食添~以為有咩特別食法~哈哈哈~~我呢d貪吃的,一早就食左了~我媽都有食~佢話太陽餅好味d~我覺得都幾好味,奶油味重,我鐘意~其實我都真係唔揀飲擇食,所以去台灣,我都唔怕餓親~因emily就對台灣食物無咩好感~

今日11點多就上床睡了~大家姐好大聲咁講野,我就叫佢細聲點~因我開門睡,好應聲~

>>September 25, 2006 at 12:32:34 PM GMT+8

2006 年 9 月 19 日 星期二 【微冷】

今日又係量血壓,磅重的日子~上手多了~自己都有度~同埋有問咩係上壓同下壓,又知多一點點~yeah~開心~盧姑娘原來都唔清楚,都係上網search資料~

又打下電話,約下未約到的老友記~

整下紙,因準備俾小朋友默書,抄寫之用~

幫手買3點鬆一鬆既食材,自己又去惠康行下,逛下~順便睇下買咩俾小朋友做獎勵~

有時鄧小朋友成日同我頂咀,問做咩要學,做咩要寫,做晒功課咪得囉~但之後佢等多陣又寫,俾d鼓勵佢,tum下佢又寫,真是的,有時太硬,太惡都唔得~佢有呢個學習障礙,做過評估了~

今日有高人指點,找到phyllis再找到alex幫我講解下電腦,我又去整一下~點知…由於個位太細,唔知點擰開螺絲,真糟糕呀~唉….好想拎去整,不過成日都怕人地整壞~似乎都係lan card有問題~可能真係要拎去換~希望唔好係個個位死左~

整左一陣,因太眼訓就放棄了~

mummy錯買左多功能磁性健美帶俾我~我聽日就要帶埋mummy叫佢退錢~原本mummy都話算~我話唔得~佢唔肯,就消委會~佢恰我mummy唔識野,愛女心切~最後大家姐,細妹話唔退唔得~

阿彪打黎問我開會同埋問候一下我,得知佢都有事,都有關心返佢~前2次我都唔係唔想唔返,不過都因為條腰有事,免得變本加厲,夜長夢多~

又同下cyrena傾下電話~有d野不吐不快~

有一次,盧姑娘突然同我講,話我寫錯電話號碼,我完全唔知咩事~佢講極我都唔明,之後歐陽姑娘話係佢寫的~都唔明佢,問清楚先話人啦~不過我心情好,無同佢計較~因我當時真係唔知發生咩事,仲問佢我寫錯咩電話~

有時都真係心淡~哈哈~不過我做左我所要做既就可以啦~無所謂,不過已經係最後一次了,既然有人唔領情,我做咩浪費心力呢?其實我唔想放棄,或者過一陣我又再傳過~因為我都唔係無心肝既人~

>>September 25, 2006 at 12:31:45 PM GMT+8

2006 年 9 月 18 日 星期一 【微冷】

返左工廿多天,第一天是覺得很忙,每一分每一秒都有野做~

首先,早上有粵曲卡拉ok,由於華姐沒空,盧姑娘就找我代勞~起初只是有關set機既問題~佢之後就略略講左少少程序,其實我都不大明白,不過她帶活力操中~之後佢問我點,我就話其實都唔知要點做,到佢地有d老友記會跟我說,我再問先知~之後佢都有深思,佢話太趕,應該先叫華姐跟我講一次~收錢呀,時間呀,次序呀~唉~

之後我都領略到個運作程序了~又再三問華姐~我負責幫佢地打碟,消聲~由於係粵曲,坐響附近都唔係辦法,好頭痛,又高音,又大聲,連留在響個個室都想死,所以我入返office,差唔多夠鐘再出去~因為一人有10分鐘,2人合唱有20分鐘,所以都不用太趕,自己有得休息一下~

之後下午有生日會,我就幫手想一下遊戲,俾意見,,再幫佢整下物資~不過現在發現佢地都係臨時先整,唔似我地以前早早就準備好,想好,有點不慣,亦覺得奇怪~就算很簡單,都應該不是當日上午才處理吧?不是嗎?

生日會幾好玩~我有投入~有笑,幫下佢地,俾下禮物,俾下物資又唱下歌,氣氛不錯~玩開口中就最搞笑,明明係2-10…他們成日都說中不是範圍內的數字,又或者說2或10~有時真係俾佢地激死~不過都幾開心,大家都在笑~有時連歐陽姑娘都俾佢地搞到一頭霧水,因佢負責爆波及講範圍,咁就亂左,我就幫手糾正,佢都有望睇下我confirm正確與否~其實有時真係覺得自己好醒,因佢地成日都含糊地說幫下手,無明確講明做咩野,都係要靠自己醒目,自己執生~

未開始時幫下手截人呀(臨時才叫),不過有時歐陽姑娘行開左都想幫佢點埋名~對了,佢地既分工都好似唔知點咁,有時會走開,都幾懶散,不在乎的感覺,當然事後歐陽姑娘會問返佢地拎票查看的~不過與我以前既做法不大同,沒有那麼認真謹慎~都是有點不習慣~

我有幫手排好壽包,靚靚,有心機地放,好滿意自己的傑作,雖然不是什麼特別,俾人讚都已經好開心了~因為自己有心機,有露感,有心思地去慢慢放的呀~有感自己的做事作風與他們不一~

由於我要落去接小朋友,所以生日會未完我就已經要走了~

今日返工既途中順個便,幫個手去聖安娜拎個2磅的生日蛋糕~不過我無搭車,真係重死人,第2日一定手痛~返到去,先執雪櫃,我又等左好耐,又熱又重,唔耐煩~

由於近來我要約老友記門在家中等義工探訪,有些人未聯絡得上,那當我在生日會聽到有關名字時(抽獎時),都有點印象,有點記憶,所以即刻同佢傾,有感自己好叻~哈哈哈~不過好似不多好,阻礙了生日會,雖然差唔多完~不過我又趕住走~幸好有時間俾我約佢,哈哈哈~

去接小朋友,常常跑得快過我,但又要等我,真是的~又開始補習了,唔返齊,係最時間充裕的~由於篇幅關係,下次再講一下每個小朋友~

今日不斷咁與tony,henry & 傑溝通,因今晚我地都將要去睇首映,而henry跟tony會與我一起dinner~原本henry想去睇維幻彩詠香江,我唔想去,就叫佢地睇完先找我,雖然我想食kfc,不過henry熱氣,就改食茶餐廳~由於佢地又唔多想等,又唔睇了,唯有下次之聚會再去~

henry又教左我地一個啤牌魔術~我又同佢地講下今日有幾忙呀~個時與小朋友食lunch時點教佢地,唔好天一半地一半呀咁~佢地都俾我話,示範一庹俾佢地睇,咁o岩henry又食得唔乾淨~之後tong猛笑,話我真係好似miss~又問下henry新班點,又同佢傾下issac個case~佢既建議都跟我一樣~真係要主動同埋厚臉皮一點~

之後我地由灣仔行去時代~見到好多cq人~之後我地又一起入~俾我見到隆隆,即係我契哥hubert chien~真係好耐無見~即刻好興奮,彈跳地走去同佢傾下計~散場時出去又見到佢,又傾左陣~我話佢瘦左,佢話跑步做運動,話仲有4星期就可以了,每天40min~之後佢都叫我減~佢又問下我做咩野~佢條友仔,唔知係咪講得英文多,唔識聽中文~我同佢講活動助理~佢唔明~問英文係咩~我話係program assistant~佢話電腦個d,我真係俾佢激死~

近排心情好多了~可能適應了~之後又見到fans club既家姐karen~佢既態度令我誤會佢地出左黎搵daniel唔叫我~原來唔係,因佢地知daniel不在hk,不會去~因wing打俾我,問我係咪真係夾daniel既birthday gift,因怕佢食晒2份,有人有前科~

原來今次首映係幫camp quality籌款~所以好多人都有camp quality既sticker~我契哥都因為有捐錢所以先黎,我都問佢做咩響度~成龍個套寶貝計劃都不錯wor~bb好得意~劇情又真係幾搞笑~古天樂又真係幾靚仔~仲有terrence,canroy,daniel同埋andrew~~哈哈哈~竟然謝霆峰都有~仲要扮低b~

11點多先睇完,返到home,bath完再sleep都2點了~

有時幫下人都係好既,就算幫唔到,態度上俾人感覺到你已盡力,同埋積極都已經很足夠~又俾我體會到社會的現實~心都淡晒~人都變得客氣,假了點,雖然有時話中都有骨~

>>September 25, 2006 at 12:31:07 PM GMT+8

2006 年 9 月 17 日 星期日 【微冷】

今早很累~昨天睡得太多了吧~休息太多了~昨天整天都在睡~

一早見到林鉦傑,搞笑,事後佢問我響個度做咩~

今日老人中心去旅行,所以盧姑娘出左去,真係好少見到中心有咁多人聚集,我都唔係好幫到手~又遲左少少返,佢地都應該早左返去~只要中心去旅行,中心就唔會有任何活動~

咁由於佢地有登報聘請活動助理,託管導師及幼師,所以有好多application~咁由於盧姑娘出左去,呢個責任就交左俾我,我就走去forward呢d信去另一度俾主任睇~真係手都軟~有時一不小心就miss左,我都唔想人地lost左個chance~有時又有人duplicate左我就唔再forward~不過多到一係我地呢邊過左個rate,一係就係個邊拒收,因太多了~

之後我就因為無王管,我就check email呀,整blog,哈哈哈哈~歐陽姑娘仲開左收音機俾我聽,yeah~佢就走左去炒米,因幼稚園要將d米染左色之後就唔知用黎做咩~

今日終於唔駛早落去平田接小朋友了,終於有我自己既lunch了,雖然有時呢度佢地lunch都會做下野,不過我就會選擇睇報紙,爭取自己休息的時間~呵呵呵~畢竟這時間是我的~

我又睇下童軍course,print下咁啦~哈哈~我又要報course了~之後有人send左mcdull 2007年既calendar俾我,咁我就當然print左佢出黎啦~yeah yeah~hahaha~依家響我file中~

當然我都有工作,就係做返個budget plan俾盧姑娘,hohoho~~

>>September 25, 2006 at 12:30:33 PM GMT+8

2006 年 9 月 16 日 星期六 【微冷】

1600先醒~

唔記得左自己做過乜~好似都有落過街,因俾野cyrena,同埋佢俾ayp form我填過~再傾多陣,睇下今日情況等等~

之後又sleep多陣~晚上又好早去sleep了~我好似都有睇下video咁~

講下惡魔在身邊之感想吧~

今次既男女主角既樣貌不俗~幾驚台灣真係無咩靚仔靚女~有賀軍翔,楊丞琳同埋王傅一~

整體來就，都是普普通通啦～有時間的都可以用來打發一下時間～又係時候打下我對呢部劇的感受同埋一ｄ令我印象深刻的地方～

賀軍翔係惡魔，名猛；楊丞琳係齊悅；王傅一係源伊～

女主角好多表情，鬼臉，不過經常性都係個些，有點悶～佢既性格好頑強，不死心，單純一個想法就去！！

男主角，惡魔，雙眼成日向上啤，頭向下～其實係大好人，好有義氣，亦都有軟弱，只是收飾得好，反叛，衝動，不顧一切，不妥協的性格，一有決定沒有人能改變他～

對朋友，全力以赴，有咩事都會全速跑去幫，又成日幫人出頭～

對弟弟，原是，不能面對他，因小時不小心推倒他，令他受傷，而他又愛面子，逞強的性格，所以沒有好好相處～弟弟又經常性想吸引哥的注意，最後因女主角而冰釋前嫌～他助弟弟成長，不要弟倚賴自己，就任他們打，要弟自己俾人地有下馬威，唔好以為弟好恰～途中，男主角班兄弟會推返弟弟入去，哥不理但會俾意見及鼓勵～最後，弟弟靠自己勝了＝他與哥同掛了～大家都對弟弟豎起姆指～

男主角好為他人著想，因他跟源伊爭齊悅，最後齊悅選擇了～所以源伊很不忿，就俾源伊打，仲問他出夠氣未～但又跟他說，自己不會為這件事認錯～

有人要陷男主角不義，在一個聖誕樹設計比賽中，他們５個奇妙地一同入左圍，作品供同學們欣賞，但有一次，只有男主角的並未破壞～大家曾經懷疑他，但深信不會是他做的～最後他連自己那一個都打壞了，趕在參展商來之前再一次弄好，他們沒他那麼好氣，他只有自己默默的幫他們先做，最後他們卻逐個逐個回來，做返自己的那一棵～哈哈～好溫暖～

賀軍翔都唔係太型，太靚仔jei，為何會走紅？因為女孩喜歡壞壞的男孩，亦都好想好似劇中的女主角一樣吧～

劇中不似拍拖，或礙於他們的身份，因就快是姐弟～

惡魔總不被人相信～但世界上有這一個壞但又重情的惡魔嗎？沒有～

普通琴、名琴都不重要，最重要是旋律～

不在乎別人怎樣看，齊悅已在我心中～

猛對悅說，只有單純的人，才會完全體會到什麼是幸福吧？有時真令人羨慕，只有單純的人先會覺得全世界都是好人，只是一時迷糊，不確定方向才會做壞事～

只有女主角才會使男主角沒有辦法，因為真心相愛吧～原本不理會別人，我行我素但總會受女主角影響，什至只是一句話～女主角總會令男主角說出真心話，因為女主角很真誠，真的很為他吧～“請你不要傷害你自己的身體”“請你要好好愛惜自己”“我不要你孤單一人，我要在你身邊陪住你”“我不要你難過”

記得一幕，悅要猛睇晒人地女孩子一番心意的情信，悅問有什麼感覺，（被男主角篤中又要大方又要呷醋），猛答了出人意表的答案，就是妒忌，因為這令他想起悅當時用什麼心情去寫情信俾源伊就很嬲～猛真是很愛悅，只鐘情於她，大男人，又霸道～曾因感到一個可威脅到自己的男人而不安，變得幼稚，自信心下降，與以前不同了～

最後有一幕猛自私地要走，跟很懷念的媽媽一起住，遠赴意大利，他迫悅愛上他，是他承諾照顧她，要她在身邊，當他倆努力的取得父母及祖母認同後卻要走～真的是很惡魔又自私的行為～其實兩個都好不捨得，但猛為了填補返兒時因母親經常照顧體弱多病而忽略自己的母愛，所以放下心愛的人，走了～雙方都無說出心底話，一方扮沒事，一方就不想出口要她等他，因不知何時回來，這會更傷她～最後雙方都說出心底話，成為對方的動力，以解相隔兩地之痛苦～

受歡迎也因為是大家都夢想有這段情吧～

>>September 25, 2006 at 12:29:12 PM GMT+8