2006 年 12 月 4 日 星期一 【颳風】

simon,生日快樂~

例會~忙於抽獎,同埋收錢~

記得尋日趕住出粵曲票,幸好有歐陽姑娘,佢真係快搶手,無論蓋印還是cut票,以後都係效法佢用cutter好了~整個早上都在趕~

準備下明天之中文班~

tutor~都係咁啦~都係忙,好多人排隊要我改,好多功課等我睇,又要同佢地study~

又出左mk~因我去睇heaven mission~天行者~還可以,真係為人,想証明一d野~可能就係可否改大家心中的黑社會形象至改邪歸正~做好多善事,警方方中信不信,吳嘉龍好有火,起勢攻擊鄭伊健~佢有一班好兄弟,辦事能力高~有張智霖,葛民輝,唔知邊個,黎耀祥~最後.....我相信佢成功左~當佢做呢樣野時,都有質疑自己是否行錯路,遇上盲妹,被告知,只要你開心就可以了~馮德倫亦步鄭伊健後塵,入左獄~鄭伊健犧牲左自己,但我相信佢未死~不過以前的葉秋死了,有一個新的人出生了~都係為人咁啦,有一份"心的計劃",有一個夢想~佢都用左好多資源~不過...也可以wor~雖然好似有點.....我未能捉得緊個感覺,但又可以~

一杯咖啡,無論你加左幾多糖,幾多奶都係一杯咖啡~

之後好似係乘車回家~之後做我既powerpoint~又跟隊員update下d information~

>>December 8, 2006 at 5:07:53 AM GMT+8

2006 年 12 月 3 日 星期日 【颳風】

忙~

tutor,嘔血,一條數教1小時~聲都吵~咩位(百十個位)都唔識,又唔識睇中文,小三了,又唔用腦去理解題目,真係.....!!!英文,小一二之程度未能及上,又唔用心溫習,佢mummy又唔識教,點搞~

呢班人仔就黎個個都要跟我返屋企了~依家一對八~唉,辛苦~做唔晒功課我都唔理得咁多~

幫阿cat出左去旺角幫佢落訂,順道壩佢拍照,等佢認得路,因橦大廈門口都幾大下~

跟sandy睇父子~要佢久等我了~mcdoanld都唔知食乜好~又貴~好耐無食過big mac~食返個先~大家又傾下近況~原來我地睇既係足本版,都幾長下,略嫌長左少少,搞到有點悶悶地,而且父子情變得不明確~唔係好明個d床上戲用來幹什麼~不過都見到aaron都想盡力挽回呢段感情,可惜都仲係唔改性格,爛賭,脾氣大,自私(叫個仔去偷野,之後俾人拉左),俾唔到安穩生活楊采妮,楊采妮又搵左個好似aaron既嫁左,哈哈~睇到佢地真係好有感情~個仔好錫父親,咁點解個仔最後唔去與父母親見面呢?不過大家既戲都做得入型入格,good~好戲~同埋當佢地流落街頭時,點解唔搵母親?母親其實好愛佢地,但基於現實問題,先作出呢個取捨~

教一個完全唔識用電腦既人整powerpoint,就黎氣結~因我地要用科技去present我地既遠足~初時以為佢只係唔識打中文,我地就叫佢打英文~之後佢話唔知邊d相屬於佢個part,原來佢初時唔識入去個相簿,但隧長都俾埋login name及password,咁關佢有無yahoo account咩事?佢又唔識download,我又逐個step教~佢唔知點講,講咩,又教~但佢又講左一大輪野俾我聽~佢仲要係好多時講野無point~最後更發現佢唔識用powerpoint~oh..no,my god~初時我都好用心教,點知.....

幸好最後都有找到,我當然唔會幫佢做啦~要佢學識~不過已經激死我,有時我都唔明佢講咩~費事佢講得太多廢話,我會stop佢講野,再問佢main point野~個時睇完戲返home已很夜,仲要搞到我好炆,教極都唔識,唔係現場又唔知佢點解唔得,我都用盡我能力用其他方面去搵返d function,都唔得~於是我叫佢打響word,叫人幫佢整,佢又唔肯,可能已經無人可以幫佢~我話我要返工,佢話佢都要返早,我心想,大佬,依家都係你阻緊我d時間wor,你咁講都得~之後終於收線,我去bath~沖完佢打黎告知佢整好,send左俾阿昌,仲想話幫佢睇下,點知佢只send左俾阿昌~可能佢唔識cc~佢應該只係打d字,post左一幅相,叫左佢point form,放重點落去,叫佢唔好整animation~

大家姐都知我好炆~不過佢成45歲人,算了~唔識都唔出奇~可能佢係前線工作人員,醫護人員,不需用電腦吧~edmund都識佢,都知佢講野無point~

>>December 8, 2006 at 4:34:42 AM GMT+8

2006 年 12 月 2 日 星期六 【微冷】

深資童軍支部技能訓練班,遠足~課程已過了一大半了~

鹿頸->八仙嶺->大尾督~09xx-1805~

好久沒有行山,好想行好耐,今日終於有機會了~當然,唔駛full gear咁上,已經係好好~而且好易行,路好易認~講真,要train map reading既話,呢度都唔多得~我指我地plan個條jei~我地比別隊早出發,因佢地竟然約0900響小巴站,其實prefer係0900到start point~不過佢地條路比較短,比我地早完成~而我們兩隊之間亦都有溝通~

講真,阿勇有發燒,又有感冒,又有舊患,又有糖尿,雖然未出發前,佢都話點都有後備路線俾佢走~我話其實都好難返轉頭~上左山...通常都好少回頭走,幸好,佢有堅持,而且我地有關心,問候,分擔,佢都應該比較可以吧~而佢亦都好易抽筋~不過見到佢落左山,好開心,又唔累,仲好滿足咁,佢都好有成功感吧,自信心亦提算了~佢個攀山咩咩,好耐架勒?見佢好似好weak~雖然佢一副裝備~佢唔係無行過山,係無行咁長jei~

講真,我都覺得辛苦,通常都只有我在拖人,依家係行3步停一停咁滯,都真係幾辛苦,所以我都叫唔好休息太久,個engine會cool,拖得久其實仲累~後段我都唔出聲了,因真係好累,無咩心機,咩energy都無晒~你知啦,又冷wor~停左,warm up完都無用~其實有個beat就ok,不過佢就成日抽筋~算了,有時同佢解釋都晒氣,佢都唔聽~其實有時未到真係好辛苦,頂唔順先休息會比較好,唉.....!!!同埋都規定休息幾耐,雖然都以佢為主~同埋唔好坐~有時又唔好太執著,休息得比較長時間的時候,都可以放下背囊有適當的休息~不過固執既阿昌不肯~李sir講都無用~

今日大家都好有team building~有關心,有玩,有問候,有分擔,有隨行中醫師,教我地抽筋應該按什麼穴道~又唱歌,又有花絮,又有創意,大家又玩,真係開心架~

不過有時有bee就好討厭~又唔走wor~搞到我驚到不要個cake,仲有不敢行,要有人解救我~

不過都佩服佢地可以在山上去解決,因我響陌生地方,唔知係咪潛意識勁,通常都唔會去~係無意欲~哈哈哈~

多謝導師的提點及分享,令我溫故知新,令我獲益不少~真的~很開心,哈哈~大家行完都有一起去開會,講下camp既事~因有意見分歧,幸好都有拎返出黎一齊傾~有進步的空間~不過要多在其他人位置上看~有時十仔都唔想跟隊形架,我地迫佢,無計,因佢係行得好快個d~但team building嘛~阿sir都迫佢架,因佢帶venture都有可能咁慢架嘛~

死仔龍,腦中的思想污穢~我話我有鹹濕野,佢話,唔係嘛madam?上山都忍唔住?我話咩呀?係話梅個d wor~諗咩呀你~...佢真係呀~仲有呀,成日叫我鄧仲強...又話咩terryling,又話鄧仲強的人,真係俾佢激死,俾一d唔知咩人聽到就死~因佢同terry都好熟~都唔知佢成日拎terry出黎講做咩~又話terry係我偶像~真係~仲話我係terry d團員,真係話我有點智障~死仔~上次我做卷係獨栽者時,佢都話我係有缺陷的人~

希望我d仔都有行遠足的機會~plan下先~

我都有少少抽筋~返到去都有叫may massage,不過可能有少少晒傷,用奔肌有點痛~不過阿may都幾大力~大家都叫我浸鹽水~不過都無~腿仍有點痛,不過仍堅持行上山返工去~

走時,跟昌,janny一起take貴個個車廂,而十仔亦堅持不要,因不想將錢waste響呢d地方,分開了,不過我跟他在九龍塘又遇上了~嚇死,突然有人從後攬我肩膀~佢條友仔,成日以玩我,激我為樂~話好開心wor~作死~

開始有跟他們說出阿昌跟十仔~阿龍都問點解,我話一直都有架啦,所以好多時當佢地有意見分歧時,大家都唔出聲,一是有人講下野緩和一下氣氛,side track左~佢仲馬後炮話自己成日做中間人~嘔,噁心~我都跟阿昌說,我都想拎出黎傾,佢話無機會,又話都唔會再同佢合作,我話,唔擔保日後會遇上同一類人~我希望他們童軍要學習與人相處,溝通及協商的技巧~不是只會堅持己見~

總離不開大埔一帶,又去到市中心,讓我想起,上星期離營時,天好靚,有層雲,加上有橙色的夕陽,一望無際,如此良辰美景,可遇不可求~真是.....好像在返工初期在藍田碰到的那一幕,讓我好好收藏在心底吧~記在心底都已經令我陶醉了~

>>December 18, 2006 at 3:44:48 PM GMT+8

2006 年 12 月 1 日 星期五 【微冷】

忙~整粵曲野,又print下sectional skil班既野~

去唐氏會~因要去拎營~由於阿昌無指南針,又幫佢借埋~見到christine,dannice,yaya等領袖~點知又見到terry~dannice可能同佢講左個情況,terry即刻義不容辭咁話幫我打~我話要區總監,佢話佢都ok~佢仲以為course leader恰我,叫我大返佢,問佢總會點做野,咁耐都未出到~我話唔係~而阿龍都話團個d係耐d,4,5個月差不多~

信~咁就有封信,好彩,哈哈~course leader仲叫我下星期入camp交,點知我聽日就可以交,真有效率~點知見到阿棠,佢叫我幫佢拎返2個營,我都唔知邊個,佢又趕,我短期內又唔返會lor~佢最後都係找阿彪解決~不過阿彪都唔知邊2個,佢都唔知d野放響邊~其實我好想話,叫阿棠即刻落去,反正我又響度~danice又在~其實佢自己落去都得啦~不過simon話唔同,因阿ling走左,係ling帶佢出身,點都係有d唔好意思wor~但佢都服務左咁多年啦~

出mk~幫阿cat視察下間民宿~之後醒起要準備行山既野,又要去buy~

準備行山食糧~同埋小組後備食糧~去到見d得力素無咩我既favour,所以先打道回府,dinner完再落過去~不過都係得提子,芒果同檸檬~算了~因為咁,我都閒逛左一陣子,為左不同味道的得力素~呵呵~真係有時間~

>>December 7, 2006 at 3:39:51 PM GMT+8

2006 年 11 月 30 日 星期四 【颳風】

phyllis生日快樂~

遲到5分鐘,歐陽姑娘請假~

不用打碟~可能因會訊今日先出,所以大家都唔記得~好野~有時間俾我搵幼稚園既email~雖然盧姑娘好好地話由佢打碟~佢都已經好累,又辛苦~哈哈哈~不過我都唔多客氣,因真係趕,要今星期交~

找幼稚園email~回email~

整理英文班~

lunch~cake~個cake係尋日個會生日,象徵性切左一刀就pack返埋~因為好難分~今日都有分俾d老友記,我都有得食~

tutor~咦?轉左班房兼加左小朋友~林姑娘話縮班,其實係張老師唔做,因太大壓力,華姐講我知~唉~難搞~得3個唔多駛我憂心~

雖然累,但又ok,因有野做,lunch時都有sleep 10 min,又係好熟睡~

vs sectional skill course之planning~我有幫手做的~

>>December 7, 2006 at 3:27:53 PM GMT+8

2006 年 11 月 29 日 星期三 【颳風】

好累~

會計~做左一個月,俾左主任睇完,睇下format ok or not~

出糧~勁down~一見,得5千多?咩事?原來扣我假~扣我10月既public holiday~先扣3日~再扣多我2日~我就同佢clarify~原本9月30日佢話扣我annual leave,而我10月6日係sick leave,11月29日係過左probation~由於佢唔想再開票,因已係第二張,又話未必今日出到~我心想,今日出唔到,唔mind,我要既係我應得既錢~我同佢bargain~9月30日我allow~10月6日佢話probation無sick leave,我話我睇左勞工處,只要我工作了一個月就有每月2天~而11月29日,佢話都係多左日假jei,無野架~唔係嘛~一個要俾錢既假期,跟我唔駛俾既假期,當然好大分別~我唔理得咁多,只可扣我4天~退返俾佢,我真係好唔妥~真係好想喊~邊度得架~仲有呀,我蝕左俾佢架,10月有31日,11月得30日,今個月先扣我都吃虧了~

原本都唔係好想同佢講野,之後都ok~

粵曲大匯演~呢個星期都會在忙~有票,poster,場刊,嘉許獎,感謝狀等~

尋找幼稚園~因主任想要幼稚園既email~真係有排搵~逐個click~

tutor~好似無咩特別~

老人會所31周年紀念~今日係31週年,所以去酒樓dinner~由於盧生唔得閒,所以都無咩玩games,好多野都轉左~我又take下photo~幫下手遞獎~都無咩野做~好彩有林林響度,叫左佢留壽包俾我,我就出去派紀念品了~

之後盧姑娘跟我行落去地鐵站~佢有唔滿意~亦覺氣氛怪怪~原來係因為圍獎得一set膠盒,有人唔like~佢地即刻拆,幸好無玩games,因禍得福,因為個d係膠盒too~盧生仲話逐圍派紀念品,主任幫口話,佢地會即時拆,好核突~唔滿意,係因為盧生以錢為重,盧姑娘就係服務心態~而任何活動都不用搞得太好,ok就可以了~就係呢間中心既風氣,而且最緊要唔好蝕錢~亦都係我自己觀察到既~盧生都唔係好為班老友記~佢係一個商人~亦都叫盧姑娘不要太上心,都過左去了,佢都think緊係咪以後搞既野都唔駛咁有心機~唔駛搞咁多野~

>>December 7, 2006 at 2:21:35 PM GMT+8

2006 年 11 月 28 日 星期二 【颳風】

趕工~由於欠下大家手繩已久,所以密密織~由emily及cyrena生日後,已經停工了~無債一身輕,到今早仍趕工中~金色個d真係好難,又會甩,又粗,不過效果可以,但可再好一點~不過應該唔會再算了,quality麻麻~雖然有經驗~

畢業典禮~似乎主角都永遠係最遲個個~daddy,mummy等我~之後take taxi,我搶住俾錢~之後遇到翠怡,都幾厚妝~之後join埋sarah,細ryan,phylis,欣,菁菁,iris佢地tale左幾張photo~生怕張sir走左,於是叫左佢take photo先~唔見ellen ng,有點遺憾~典禮好快咁完左,起左一起身,spot light照住個時都幾興奮~都有恰下~之後同daddy,mummy影完相就叫佢地走lu~可能佢地都覺得好悶吧~不過一早告知我唔會響台上~下次degree一定要再去~

我地狂take photo,真係喉都沙,好累,又好熱~仲霸埋塊板添~真係喪影~之後等埋emily,sandy,cecilia,cyrena,細米黎影下半場~我地都無出去lunch~太投入了~佢地下半場個d,未著袍就先拍一張,扮嘉賓,哈哈哈~

唱k~影完入去既就入去,行街既去行街~我,欣,phyllis,菁菁就去尖東join返佢地唱k,點知佢地仲遲過我地~點知staff miss左booking~就免我地nuts~仲可以唱到2000~我都無咩點唱~有翠怡,gigi,phoebe,iris,sarah,欣,phyllis,菁菁,我,傑同學,軒,jason~一行12人~間房都未免細左些~亦都係預祝phyllis生日~我,菁,翠怡因為傾計,入房時一度lost左,真係搞笑~多謝翠怡會講呢d野俾我地知~anyway only support~

dinner~1800就閃人~因為要join返大家響佐敦富臨dinner~超飽又頂住,無咩胃口,先是餓過肌,但又食左,又有cake,真係~有michelle,欣,cecilia,emily,細ryan,sandy,東,細angel,ida,cyrena,細米,蔡生,大ryan,菁,phyllis,pinky同我~一行17人~大家又傾下計咁啦~我都呆左~cecilia又帶左手信~都幾多,多謝晒~又食又拎~不過d榴槤乾真係唔駛2日無晒~

surprise~俾phyllis一個surprise~一早已策劃了~不過大家無一齊合作囉,又無反應,唔係拎cake個d wor,有點失望架~有時同佢地講完d野=無講,唉~完全好似只有我同phyllis講,點知菁菁又好認真咁加入討論,原來佢真係信以為真,唉~問左phyllis,當約佢另一日有無失望,佢無~有無surprise,都有少少,因本身date佢12月3日~算啦~我盡左力,希望佢開心~不過差點穿煲~唉~大喇叭~太直了~不過近期美心的cake都不錯wor~

跟bill有面紅耳赤的電話~無計~哈哈~保護住我個venture,同埋cyrena~唔通得佢一人天才表演咩~不過我咁進取,唔知呢個幾八下既阿bill會點講我勒~不過當我involve既話,就知我難搞了~因我真係超認真~不過佢都話咁就o岩,因佢都係~有保留~同埋依家講野都會維護edmund~借多個營佢都唔想,明既,又唔係我用,怕有damage~我都會係咁,不過我出到聲,佢都無理由唔俾既,而且我又解釋下咁,佢地都只係區領袖,黃膊個種~~

之後同佢地行左陣,點知就變左我同東東傾計,偶有咁既機會去傾下計都唔錯~不過有好衰咁無陪michelle去搵路~

>>December 7, 2006 at 2:00:59 PM GMT+8

2006 年 11 月 27 日 星期一 【微冷】

早到~

print cert~因聽日唔返,print左義工嘉許cert先,費事星期四返黎lei咁hei~好滿意自己既design~

回email~都係阿cat啦~

會計~都係個d啦,打下membership subsription既report~

中文班~預備好,改好,print好,交低俾盧姑娘,因聽日唔返,由佢教~

幫主任找幼稚園email~係email,唔係website,真係頭都暈~

tutor~都係咁,我話聽日唔返,堵粹宜扁咀問點解,有人叫好~

lecture of vs sectional course~由於今日先醒起要交夜間活動計劃,不過我地無人做,於是先打去問janny,janny都唔知,就打俾隊長阿昌,傾下玩咩,拋下games,不過講極佢都唔明,激死,不過就咁講佢都唔識打,於是都係delay罷啦,我就打d games俾佢~

好趕咁去上堂,大家都好醒咁一見我著對boot就知我返童軍~真係勁~小朋友,林姑娘等等~比2000早到~好想聽訓練綱要,不過都miss左些~因今日又update左個teaching plan~幸好我一早就用手抄,否則真係print完又print~我就咁用人手改就可了~今日又有教團的聯繫及教授技能的方法~之後要交個plan去實習,我地會係教架設營幕~我有idea,十仔又有意見,於是合作,再配合阿勇,因佢太被動,又要俾野佢做先得~

其實有group discussion,我無咩意見,madam問左我幾次,我都無咩idea~之後我就負責present,我無咩所謂~點知一出去,第二組唔尊重我,仲discussing,我喂左佢地一聲,聽唔到,唔理,阿昌又話佢地唔show我,都唔知有人出左黎添,之後我地又同lecturer對話單打,玩下~就話,係囉,都唔尊重人既....~於是佢地醒覺,就say sorry,激死我~呂sir仲話我地個組未ready,咁你個組呢~我話當然有,佢話你講jei~我幾想反駁,我既組員當然要信任啦~費事窒佢~present完都無咩反應,其實我打算走,點知大家呆左,兼輔助我既隊長,於是我又唔敢走,再補多句present完架勒,大家有無問題,應該無既,我都係present jei~一輪咀,大家可能聽唔到,有時我轉得太快了~之後大家就拍手,到我呆左,要拍手架咩?

之後就去左搵個地方傾下我地既plan~同埋分工,今星期日要注意既事~咁我就叫阿may拎個營落黎,我叫阿龍拎,呢條友仔,好懶,果然.....嗯,佢呀,出camp時,ec叫幫手執返d chairs,佢走wor又叫我走,我唔忍心又走去move,大家又move,佢就返轉頭幫手,我望住佢,佢就話自己好有手尾,嘔~原本打算下一個camp當日再俾,janny話唔好,我又拎2個營,又1 cookset好重~之後阿龍話去佐敦join我,我都覺得ok,後來被janny點醒,我唔係響家中出發,要返工,我咪拎住咁多野返工?都係唔制,叫阿may拎俾我再俾佢~

之後,其實好想講,不過又唔知點開口,最後miss左chance~講今星期日遠足時,叮囑星期五要飲多些水,因身體要2日時間吸收,做多些伸展運動,休息多些,叫我唔好唔食野,唔好減肥~我都唔會食野~阿龍話我唔駛減,我都唔係好肥,我好想打佢~之後散了~阿勇易抽筋,我又講左我膝蓋有傷~我要努力,多於10km~cool~當做運動~不過又唔駛揹full gear~

今日食左egg tart~hoho~~不過晚上都係一個egg tart,6塊芝士餅乾,卡路里應該ok~不過都無咩胃口~

>>December 1, 2006 at 3:13:16 PM GMT+8

2006 年 11 月 26 日 星期日 【晴】

累~超累......等到11點多,等唔到十仔,就睡了~

去整大利是for 31st中心周年生日~之後改簿,因我怕無咩時間,因要做會計,又有粵曲大匯演野要整~

lunch~盧姑娘知我累,咁我lunch時食完野sleep左,點知我一起身就1400~盧姑娘知我累,俾我訓,thx a lot~真係好多了~好快就熟睡了,雖然都有聽到聲音,不過無理~cool~

會計~都係做下petty cash~因盧主任都要對數~

回email~都係每日都keep住跟阿cat email聯絡~

tutor~都係咁啦~唔記得左~有激氣既,習慣了~

露營計劃書~因見十仔無打俾我,雖然我都send左要做既目錄俾佢,不過唔知佢有無做,我就問返佢點,原來佢見咁夜,就覺得我訓左,就自己做左~仲話得我打去關心下佢做成點,咁我話我都有份架嘛,當然問下你啦~之後佢話,叫我唔駛驚,都會當我有份做,佢唔會出聲,咁都係因為我幫佢抄左目錄,打返俾佢,佢先做到wor~其實我都唔mind,就算話我無幫手,只係問下only,我有責任感架嘛~佢都幾小朋友~

唔記得講~有個game叫青馬大橋,madam承諾左只要我地放得最多就勝,可以拎晒d汽水,點知我地2組都勝,madam就話欠我地~我就同madam講,我唔飲汽水既,之後有人話唔肥既,我話我唔鐘意飲,叫madam唔駛預我~哈哈~一有咩都話唔肥~哈哈~不過我都真係少飲個d drinks~飲水多~

發覺佢地童軍既團體精神比較弱,我估可能跟佢地只係顧考章,都好少玩個d games~十仔同阿昌都有意見分歧,不過十仔唔會講,唔會提出去解決,去協商,但有意無意間我都會知,透露/表達左俾我知,或叫我去求證~阿昌唔會出聲,但佢地無解決~我好想提出黎,我有miss左機會,希望我下次把握~阿昌有咩會收在心中,我都有跟他提起,不過佢話都無機會,而且之後都唔會同佢合作,我話咁以後都可能會遇到這些情況~可能佢地顧住考章,只有skills,卻少了交流及合作,team building is weak~朋友仔話,佢有d朋友都係咁,覺得佢地考到個d已經好叻,就覺得你team building既無咩野,好無聊,好有自己一套,我覺得有點自信心太高,自視過高~不過佢地都好好人,肯教我呢d頓胎~阿sir提呢個詞既~

>>December 1, 2006 at 2:44:05 PM GMT+8

2006 年 11 月 25 日 星期六 【炎熱】

深資童軍支部技能訓練班,第二天~

反省+深思~

經典語錄:瘋瘋癲癲一齊fall in~癡癡呆呆坐埋一檯~提防跌倒,小心倒下(一陣你會知點解有呢句)~

無做早操~佢地真係,ec話答左輕輕的早操,即是起身~唔係好訓到,唔係太凍,因為唔係好凍,阿sir話會好焗,我唔信,點知真的~我都無用睡袋~訓唔到,因為環迴立體聲~左邊一個鼻鼾超勁~右邊也有~相信係阿勇~苦了阿龍,因同營,真係好大聲,不過到一個時間停了,阿龍話阿勇自己說訓得唔好,我就解釋有睡眠窒息症的當然睡不好~另一個元兇我找到了,就是ec,因體格略胖~此外,當大家鼻鼾聲此起彼落時,又到一班小童軍起床了,超吵~我亦都聽到佢地有阿sir講,有人仲訓緊,我想答,對,真係仲訓緊~不過有聽到小朋友問,點解佢地咁遲起身?

大家如期0745去升旗,不用制服,good~很快就食完早餐了~我地隊長有英明的決定,就是先去收起2個營~因之後到收拾時間,我地是比別組快~當時別組還看著我們~我們也跟他們攀談+揮手~大家很近,不過卻要走一段路才可接觸~

童軍崇拜會~是嚴肅,靈性發展~亦略知少許禮儀~不過團中很少會有做這個,都會去參與活動較多~我們有分享~發覺大家都有童軍經驗,我應是年資最淺,先介紹background,人事大變動,由不知怎地,傻傻下入左去,傻傻下又過左一年,但發覺新團長咩都唔識,好似唔係好handle個深資,我就下定決心,要加把勁去學野,再傳授~我決定投入了~亦希望了解訓練綱要,睇下我班仔女可唔可以考多些章,我要積極研究~因好多外界活動都不適合我地既仔女~令他們少了很多機會~分享後,janny話好感動,不過佢唔係傻傻下入去,而是有目的,oh,被窒~之後大家都有問下我既團少許東西~大家又分享了一點~

領導的形格~做完問卷後,發覺自己係獨裁者~佢地仲話我發育不健全,有問題~死野~初時我不想接受,我覺得自己是放任式,有給予他們空間發揮,但想想下,對了,可能自己做事比較認真,什麼也要交待清楚,亦有我自己的想法,有時還走去薰陶別人,務求合乎我所想~不過對不同團員,也有不同方式,也不是絕對~我有認真的在想~真的反思了~我要學懂去授權,不要太緊張~阿sir亦分享了不少經驗!

唔知做咩,阿sir竟問我誰適合做青少年訓練署主席~唔知係咪俾佢知道我發夢~由於我唔知咩黎,阿sir又詳細地介紹了一次,duties & background~討論的原因,因為forum在激烈討論中~我會覺得佢應該要玩過個d野,即program-俾仔女訓練的,而training係指俾領袖的,經歷過,才會身同感受~可以唔係童軍但要了解童軍運動,因每一個團體都有佢既style,要融入,必先了解,再去進行改革~否則會歪曲了原本目的~

阿sir都話係意見,無絕對~不過要我們想一想管理層及訓練層的分別~管理層應該要leadership+management~不過我至今還未get到~或者有quality唔代表識教,識教唔代表可well planning & management~

自重又重人,你覺得唔好既活動,別人卻下了不少苦工~體驗一下,就可以學識呢條規律~

有2次戶外挑戰~

1係先玩心臟病(我們組是快槍手,勝了,通常對面都呆了,我很想先嚇他們,再說,對面亦對我隊長喂了一聲,哈哈哈~我勝了還跳舞,扭pat,哈哈,衰,阿sir仲拍video~),再以25張紙,一卷膠紙,一把剪刀去造一座青馬大橋,以承託汽水,最多為勝~點知2組都可放晒~因madam應承左勝出每人一罐,但不夠,madam會補償~之後開小組,madam帶,可能時間不夠,好多時都係madam講晒~我有時想發言,不過自己叫自己學習聆聽及謙卑反省,要要急著去辯駁~發覺大家分工不清,無人做leader,忽略某團員及各意見~有待改進~要認真,要知道大家也要學習合作,團體精神,不只是玩~我沒有這心態,所以....錯了~我們是著重過程還是結果?為什麼我們成功了卻沒有歡呼?

2係玩怪物~用一枝插在木樁的釘撐起14支釘,不能有輔助物,不能碰任何物件包括木樁~以及摺飛機~怪物的玩法等同七手八腳,有指定的口令,符合條件之肢體才可與地上有接觸~我們真的很慢,不過我想不到如何做,我以為係我地既智力問題,janny話其實係因為大家都不熟,所以有身體接觸的動作會作考慮而拖慢了~而另一組因為有幾個人已經熟了,所以不成問題~真的如此?又好似對~我有考慮~

木釘考智慧,難度挑戰,因為十仔看到我們才可解決~開組時發現janny好多意見,阿昌也是不斷試,十仔不能作聲,我沒什麼頭緒,只是初時有意見,有幫下手,亦有質疑有任何tricky~阿龍都有懷疑有tricky~阿勇就釣魚,想不到吧~另一組很認真,初時佢地表示成功,卻不符知條件,因不可用任何輔助物~我地話有時都扮晒得先,又拍手又歡呼,點知另一組不理我們~開組時,madam話有時你們認為不可能的事,卻是可能~應該開始會質疑成效,是否做得到,是madam cheat我地~有反省~我就是沒什麼智力,不過我知道任何一個方法,必先要解決能鎖實個個形態,從而穩固地放上去,再解決平衡問題~或者應該將這疑問提出,讓大家協助解決,因這時問題徵結~亦聲稱相信是可行,不過有懷疑miss cheat我地,真矛盾~是矛盾還是不承認?要改進若自己有什麼念頭就提出~不要沒信心及怕羞~

飛機~首先madam叫我地每人分別用三張紙摺成三隻飛機~紙的形狀包括,長方形,圓形及三角形~試飛,搵一隻最遠的去鬥~如果過不了要求,就可在飛機落的位置再飛一次~點知,madam set左條line,叫我地身體任何一部分都唔可以掂line以外的地方,即係考團體精神啦~初時昌負責落去執,有人拉佢上來,再加多一個去扶第二個~而我就在昌的後面,做後援隊伍,幫手扶佢上來~之後,大家無咩力,就改變策略,janny見我又差點被拉下去,即刻扶我~佢知道做第四個人無用,應該扶我~大家換下位置而且昌的一句"上",好有氣勢,大家一氣呵成~最後一隻,我醒起扶阿昌的皮帶更食力(高牆時學的),我就搵,再問,加上大家不知不覺又好自然地改左陣形,又有氣勢的叫喊,好快咁就完成左~good~合作強了~

今天有backwood cooking,原野烹飪~人地個組真係好原野~用一支竹某部分分割4條,叉雞,叉魚~又有焗蛋糕,菠蘿飯~cool~madam話個cake好正~janny話菠蘿飯無味~不過我好jealous~我都好想咁做~我地個組都唔係好原野,都係用錫紙~不過有人竹,竹籤及麻繩成為叉去燒豬扒~不過十仔既原意好似唔係咁樣~最後有錫紙剩,還以為不夠,就用來包牛扒,很快熟,good,仲快過菜菇包~焗薯不成,就用水煮~因我地有一個爐~我地有煲蛋花肉丸湯,cool~好飽,有剩~仲有我地既即食紅豆沙~由於時間不夠,我就盡快去洗碗~個度都幾好,有皂液及棉~哈哈~我地用科學炭,又有什麼科學炭精,又用什麼易燃物體,好臭~不過唔太得咁~反而original個種會好一點,搭好一點,著了再分散,呢d skills good~好似上次martin咁起,勁~

其間,組長唔用帽,就放在我頭上,激死~而我有包菜菇包,而牛油係長方形,我就好似寫大字咁~而且又用娃娃菜莖弄成匙去舀牛油加在上面~cool~以現有資源去做我想做既野~仲有ar,尋晚分工時,我只係講左個菜名,昌就剔我做了,我呆左,我只係讀而已,我就嘈佢,哈哈~evaluation~阿sir有建議,就係其實咁短時間,因班要教既野太密,都好難做到backwood~所以應該隨機應變,有一爐就可以先灼熟隻雞再去燒,咁就好快有得食,好過無得食~大家呆左~因大家都好傳統,尤其佢地考左榮譽童軍獎章,sar scout award,真係無諗到呢d tricky或者走捷徑的方法~不過anyway,阿sir都無錯,有時都唔可以太stubborn,應該flexible,creative一點~

收拾~只剩下我一營~eda唔識收,話無痕,但係新架wor~我又未執好野~而我地好勁,因上面toilet己鎖,我地拉左個遮蔽既位置換~男仔又係,響另一面,所以佢地經過就叫佢地唔好望~返到去,佢地話我地係女中豪傑~不過janny睇過d地方,上面又無人會望到,下面又望唔到,咁就ok~不過佢地話聽到我地講野~哈哈~好應聲吧~幸好早上己收拾好2營,否則都好似第一組咁遲~阿昌都幾厲害,執到個pack可以企直~佢套制服又掛左響營中間,真阻定,好似佢咁,而剛剛十仔又響入面,我地話就咁換衫都可以遮到,阿昌d野咁阻地方~

而之前我地唔見左十仔,咁就幫佢執下野先,因要收營,於是阿昌執,再交俾我,話交俾家屬,意味佢過世了~點知佢出現,就話係佢孖弟,當佢入左我個營時,昌在喝cola,我就叫佢敬十仔三杯先,在營門口~哈哈哈~玩野~

之後上埋個lecture,做左一個個人事工,做完就present,就係咁多~呢個task係就訓練綱要,講一下領袖在當中的角色~都幾好,有present~不錯,真係見到進度性的發展~同埋理解多左~其實都係個d~

由於我地over run~有職員催~哈哈~降旗,宣佈,祈禱後散~madam好like個cake,點知跌左,哈哈~姚sir,呂sir跟madam車~michael,十仔,昌,成叫黃sir車佢地,哈哈~好似個d backpack人士在路上截車~我地唔理佢地,take minibus~有職員同我地講,40分有車,點知見到,又跑,追車,但發覺職員無搭?佢不用搭嗎?之後大家拖著疲累的身軀回家~仲有很多planning要做~

點解有"提防跌倒,小心倒下"呢一句?就係有一次,當我地上去classroom,咁原本阿昌已經走到好前,後面d人又未跟得上,而我上到去,又有一級落,點知我不為意,踏了個空,點知剛剛阿昌擰轉頭見到我呢一幕~所以每逢到個個位就叫我小心,就係咁,大家原本唔知都變做知,而佢同阿龍又唱雙簧,搞搞震,有破壞無建設,就有呢句了~阿龍係由阿昌教出黎,唔怪之得.....2個咁夾~一唱一和~所以尋晚夜宵,eda話有個顛boss,我就話派佢倆出去搞掂佢~

好玩好玩~俾多d野我地做,讓我學到更多,掌握得更多~加上我又好學不倦,積極發問,投入其中~
wait~

>>November 30, 2006 at 5:02:06 PM GMT+8