2006 年 9 月 5 日 星期二 【酷熱】

佢地知我每日都行上去,個個都讚嘆~話我好有耐力~但是我已經習慣了,而且已經掌握了時間,不會遲到~等車,有時都唔知會唔會誤點,又會令我焦急~而且行路,可以令原本充滿睡意既我,都精神起來~不好嗎?

今日都同左盧姑娘傾下我地既廣田既興趣班~佢都幾搞笑,有時可能太enjoy去think一樣野,就會miss左我講既野,又會問返我,激死~之後又係我成日提佢重點…我覺得佢有時會忘記左重點~其實只要一心一意做好我地想做既野,就會知道時間如何分配而唔會miss左~好似我地既英文班,有drama,interview,games,singing,etc~咁drama有時要整野,可能要樂器,我就話可以整,如沙搥可以以空樽裝米,佢就話好似娛左質咁,我話唔會架,叫佢地返home整,分工合作,以前美勞堂都係咁啦~

之後佢叫我打details~佢又話唔駛太details,但又要有d details,我就問佢究竟想要咩~之後佢話唔駛plan定邊一日有d咩~但要有budget呀等~咁即係佢要求既野都唔少.咁做多d做佢都係好既~我又響度think,如果以後面對呢d上司,我應該點做呢?係咪自己覺得佢需要幾多就俾幾多佢呢?哇..高深~

我都有同佢argue,因我話做數個邊唔係我可以控制~之後佢話佢都明,亦都覺得carrying forward既野,點都會帶落去,點都錯架wor~之後叫我time management~我動火~咁講咩意思先,我自己都無停咁做啦,亦都無偷懶,.我都想快一點完,但有d野唔係我可以控制,有d野都要盧主任俾我睇~同佢傾返,我既時間又唔多,1200就要落去平田,之後一直到收工~激死,佢唔係以為我偷懶嘛?不過我都無問佢做咩咁講,係咪有D野需要我呢~

不過應該都係,因為要打電話聯絡D老友記~下次有機會,我一定問清楚佢,睇下佢有咩難題,我可以既都盡量幫佢,不過我既職責都有功輔同會計,無辦法,身兼多職~今日例會我都有好好陪合佢,雖然佢無講我要做咩,我都有主動,其實好多時候我都覺得佢應該同我講,唔好唔出聲,之後可能唔滿意我無咩幫佢~唔好係咁,唔想有誤會~

今日帶左相機同D小朋友拍照~HOHO~不過唔太嚴,俾盧校監話我可以惡D,咁樣先可以教到佢地~原本我都唔太同意,不過諗諗下,都係嚴師出高徒,好多人都有惰性,要迫既~

之後校監經過見到佢地嘈,又入左黎講左幾句,其實佢地放緊小息~之後我就同佢地講,佢地又累到我俾人罵勒~其實都唔會罵勒,不過都可能有不滿意~心中都有嘆息~

好鐘意SANDY,佢亦都係好好既listener,好多時都有我講,無佢講,同佢講完心中所想,都好開心,好似舒服左好多~成日發覺,佢會主動打俾我(其實我都好想被受重視,怕寂寞,成為大家焦點的人~有時扮下野等你地關心下我,但又裝晧,好幼稚呀可?想撒嬌吧!!!),搵我,關心我,讓我,明白我,了解我,體諒我,令我很窩心,覺得佢好體貼~真係我既好朋友~我真係好開心~

其實呢幾日我都有點想喊,只是壓抑了~其實響café,我靜靜一人看書,我都好enjoy,好多時候我都想這樣做,一個人去café靜靜的看書,不過要waste money就不想了~這也是一種減壓的方法,好既就是有你地既陪伴,都不錯,不過希望大家有時都習慣我既獨來獨往,我既怪脾氣~只係熟既朋友我先會咁,否則我點都會好客氣~

安靜的心,會覺得時間慢了下來,就正正可以享受人生,留意你周邊的事物,以及珍惜寶貴的時間~

因為對自己有要求,有時不滿意自己的表現,所以有壓力~但我都從當中尋找樂趣,我比起之前進步了,積極了~雙子座就係咁,經常陷於理性與感性之矛盾~理性就係不可不負責任,對我未來有用,不可輕言放棄,要做好些,經常檢討自己~不過,我呢份工又唔係我興趣,好唔鐘意,好唔鐘意~我係鐘意去玩既人,鐘意outing的~唔鐘意教書,悶悶的坐響室內,唔鐘意自己惡,想同佢地玩到好顛~我寧願去耕田,去晒~接觸大自然~

所以有時都會問,教書好嘛?如果教到佢唔識,無進步,怎辦?會自責嘛?會用什麼方法呢?如果任何方法都行唔通,老師會點做呢?正如我好怕對住教而不善,死牛一面頸,唔聽人講既人~而自己又係一個好想操控場面,人地聽我講既狀況~

收到台灣朋友cat既email,我亦都同佢分享了,有時藉著去分享,開解,給予支持,聽人傾訴,都令我更震作,令我有返個heart,有返動力,搵返自己,因為同人講既一番話,有時都係對自己講吧,都想提醒自己吧~聽返自己心裡既聲音~

我既回覆係咁既:
""""近來我剛剛上班,有新的工作,做活動助理~不過挺苦悶的~我又不太喜歡這類的工作,雖然我都想在社福界做,不過這裡是做托管,功課輔導,老人服務,並不是我心中所想的青少年工作~雖然都有我喜歡的小朋友,不過我都不想做功課輔導,因覺得自己沒有料子,又怕他們沒有進步,有時他們懶,唔肯做功課,又不知用什麼方法才好~

其實心中仍在適應,尋找中,希望在工作中尋找興趣~不過暫未成功~但是這裡我工作時數穩定,準時收工~星期一至五返0900-1900~星期六返0900-1600~人工較低,不過這裡都有好處,就係行政上不太死板,人少,關係不複雜,工作亦不是太多,而我亦都唔想加班,哈哈~希望在工作時間內做好工作~不過,批管班會有興趣班及活動推出,這就更適合我,亦是我在學校時義工組所舉行過的活動~
不過自己對自己的要求較高,其實都有壓力,自己現在不太積極的態度,都令我很不爽~有點討厭自己~不過,畢竟此行業與我在做義工時都很不一樣~有點質疑自己的理想,是否真的在這行發展,而自己的定位又是什麼,尋找角色中~不過我會努力,不要半途而廢,要鍛鍊自己的毅力,耐力,堅持,無論怎樣,我都要先讀那個社工課程~反正在在這裡可以體會一下一間機構是怎樣運作~都令我多些經驗~

我發覺經驗很重要,以前在義工組中舉行過的活動經驗,對我現在計劃活動都好有幫助~因現在跟我的社工,經驗淺,一定不會令我成長,不過就當互相學習,當他是工作伙伴~不會對她期望太多~不過相對的,我會學習如何與我不滿意的社工相處~亦都理解到,有時現實就不是我所想的那樣~
你讀書,進修是很好的~當然,離開學校那麼久,總要有些時間適應~相信歷史,法規對你的工作有莫大脾益吧~加油哦~這些都要你去知的~你不太記得住,又有似曾相識是因為那時你讀書時不太專心,沒有好好地記牢吧~我有時也會這樣~另外,又或者你的記憶並未適當地提取吧~要用好的方法去讀書,才會融會貫通,才記入腦中~慢慢來,只要努力,有恆心,就一定可以~不要先打亂自己的陣腳~理論雖然悶,但就很重要,因為這就是你工作中的基本法則,就是這些原理,才衍生出那些點子及方法~

我也要跟你一樣努力呢~因為你要從苦悶又不適應的書本上尋找興趣,成為你的動力,而我都一樣要從工作中尋找興趣,為自己將來舖路,雖然不是我想要的,不過要試不同範疇,才知道自己適合與否,以及反省自己要什麼,需要什麼,自己有什麼問題,反省一下自己,是否自己工作心態不好,其實只是自己懶?逃避唔面對現實?~亦從多方面取經~人要經歷過才憧得珍惜,而這上經歷又會令別人羨慕~因為你的意志,刻苦耐勞,不輕易放棄,為了理想,由於唔係人人可以做到,這就成了大家羨慕的地方,做社工,也需要令別人佩服,由其服務對象~

況且我也需要一份工去儲錢,揹背囊去旅行,亦可以過來台灣找你~不敢冒險去找另一份工,因不知道另一間中心會怎樣,會否真的比這裡好~

再談吧~"""""

>>September 9, 2006 at 9:37:59 AM GMT+8

2006 年 9 月 5 日 星期二 【酷熱】

佢地知我每日都行上去,個個都讚嘆~話我好有耐力~但是我已經習慣了,而且已經掌握了時間,不會遲到~等車,有時都唔知會唔會誤點,又會令我焦急~而且行路,可以令原本充滿睡意既我,都精神起來~不好嗎?

今日都同左盧姑娘傾下我地既廣田既興趣班~佢都幾搞笑,有時可能太enjoy去think一樣野,就會miss左我講既野,又會問返我,激死~之後又係我成日提佢重點…我覺得佢有時會忘記左重點~其實只要一心一意做好我地想做既野,就會知道時間如何分配而唔會miss左~好似我地既英文班,有drama,interview,games,singing,etc~咁drama有時要整野,可能要樂器,我就話可以整,如沙搥可以以空樽裝米,佢就話好似娛左質咁,我話唔會架,叫佢地返home整,分工合作,以前美勞堂都係咁啦~

之後佢叫我打details~佢又話唔駛太details,但又要有d details,我就問佢究竟想要咩~之後佢話唔駛plan定邊一日有d咩~但要有budget呀等~咁即係佢要求既野都唔少.咁做多d做佢都係好既~我又響度think,如果以後面對呢d上司,我應該點做呢?係咪自己覺得佢需要幾多就俾幾多佢呢?哇..高深~

我都有同佢argue,因我話做數個邊唔係我可以控制~之後佢話佢都明,亦都覺得carrying forward既野,點都會帶落去,點都錯架wor~之後叫我time management~我動火~咁講咩意思先,我自己都無停咁做啦,亦都無偷懶,.我都想快一點完,但有d野唔係我可以控制,有d野都要盧主任俾我睇~同佢傾返,我既時間又唔多,1200就要落去平田,之後一直到收工~激死,佢唔係以為我偷懶嘛?不過我都無問佢做咩咁講,係咪有D野需要我呢~

不過應該都係,因為要打電話聯絡D老友記~下次有機會,我一定問清楚佢,睇下佢有咩難題,我可以既都盡量幫佢,不過我既職責都有功輔同會計,無辦法,身兼多職~今日例會我都有好好陪合佢,雖然佢無講我要做咩,我都有主動,其實好多時候我都覺得佢應該同我講,唔好唔出聲,之後可能唔滿意我無咩幫佢~唔好係咁,唔想有誤會~

今日帶左相機同D小朋友拍照~HOHO~不過唔太嚴,俾盧校監話我可以惡D,咁樣先可以教到佢地~原本我都唔太同意,不過諗諗下,都係嚴師出高徒,好多人都有惰性,要迫既~

之後校監經過見到佢地嘈,又入左黎講左幾句,其實佢地放緊小息~之後我就同佢地講,佢地又累到我俾人罵勒~其實都唔會罵勒,不過都可能有不滿意~心中都有嘆息~

好鐘意SANDY,佢亦都係好好既listener,好多時都有我講,無佢講,同佢講完心中所想,都好開心,好似舒服左好多~成日發覺,佢會主動打俾我(其實我都好想被受重視,怕寂寞,成為大家焦點的人~有時扮下野等你地關心下我,但又裝晧,好幼稚呀可?想撒嬌吧!!!),搵我,關心我,讓我,明白我,了解我,體諒我,令我很窩心,覺得佢好體貼~真係我既好朋友~我真係好開心~

其實呢幾日我都有點想喊,只是壓抑了~其實響café,我靜靜一人看書,我都好enjoy,好多時候我都想這樣做,一個人去café靜靜的看書,不過要waste money就不想了~這也是一種減壓的方法,好既就是有你地既陪伴,都不錯,不過希望大家有時都習慣我既獨來獨往,我既怪脾氣~只係熟既朋友我先會咁,否則我點都會好客氣~

安靜的心,會覺得時間慢了下來,就正正可以享受人生,留意你周邊的事物,以及珍惜寶貴的時間~

因為對自己有要求,有時不滿意自己的表現,所以有壓力~但我都從當中尋找樂趣,我比起之前進步了,積極了~雙子座就係咁,經常陷於理性與感性之矛盾~理性就係不可不負責任,對我未來有用,不可輕言放棄,要做好些,經常檢討自己~不過,我呢份工又唔係我興趣,好唔鐘意,好唔鐘意~我係鐘意去玩既人,鐘意outing的~唔鐘意教書,悶悶的坐響室內,唔鐘意自己惡,想同佢地玩到好顛~我寧願去耕田,去晒~接觸大自然~

所以有時都會問,教書好嘛?如果教到佢唔識,無進步,怎辦?會自責嘛?會用什麼方法呢?如果任何方法都行唔通,老師會點做呢?正如我好怕對住教而不善,死牛一面頸,唔聽人講既人~而自己又係一個好想操控場面,人地聽我講既狀況~

收到台灣朋友cat既email,我亦都同佢分享了,有時藉著去分享,開解,給予支持,聽人傾訴,都令我更震作,令我有返個heart,有返動力,搵返自己,因為同人講既一番話,有時都係對自己講吧,都想提醒自己吧~聽返自己心裡既聲音~

我既回覆係咁既:
""""近來我剛剛上班,有新的工作,做活動助理~不過挺苦悶的~我又不太喜歡這類的工作,雖然我都想在社福界做,不過這裡是做托管,功課輔導,老人服務,並不是我心中所想的青少年工作~雖然都有我喜歡的小朋友,不過我都不想做功課輔導,因覺得自己沒有料子,又怕他們沒有進步,有時他們懶,唔肯做功課,又不知用什麼方法才好~

其實心中仍在適應,尋找中,希望在工作中尋找興趣~不過暫未成功~但是這裡我工作時數穩定,準時收工~星期一至五返0900-1900~星期六返0900-1600~人工較低,不過這裡都有好處,就係行政上不太死板,人少,關係不複雜,工作亦不是太多,而我亦都唔想加班,哈哈~希望在工作時間內做好工作~不過,批管班會有興趣班及活動推出,這就更適合我,亦是我在學校時義工組所舉行過的活動~
不過自己對自己的要求較高,其實都有壓力,自己現在不太積極的態度,都令我很不爽~有點討厭自己~不過,畢竟此行業與我在做義工時都很不一樣~有點質疑自己的理想,是否真的在這行發展,而自己的定位又是什麼,尋找角色中~不過我會努力,不要半途而廢,要鍛鍊自己的毅力,耐力,堅持,無論怎樣,我都要先讀那個社工課程~反正在在這裡可以體會一下一間機構是怎樣運作~都令我多些經驗~

我發覺經驗很重要,以前在義工組中舉行過的活動經驗,對我現在計劃活動都好有幫助~因現在跟我的社工,經驗淺,一定不會令我成長,不過就當互相學習,當他是工作伙伴~不會對她期望太多~不過相對的,我會學習如何與我不滿意的社工相處~亦都理解到,有時現實就不是我所想的那樣~
你讀書,進修是很好的~當然,離開學校那麼久,總要有些時間適應~相信歷史,法規對你的工作有莫大脾益吧~加油哦~這些都要你去知的~你不太記得住,又有似曾相識是因為那時你讀書時不太專心,沒有好好地記牢吧~我有時也會這樣~另外,又或者你的記憶並未適當地提取吧~要用好的方法去讀書,才會融會貫通,才記入腦中~慢慢來,只要努力,有恆心,就一定可以~不要先打亂自己的陣腳~理論雖然悶,但就很重要,因為這就是你工作中的基本法則,就是這些原理,才衍生出那些點子及方法~

我也要跟你一樣努力呢~因為你要從苦悶又不適應的書本上尋找興趣,成為你的動力,而我都一樣要從工作中尋找興趣,為自己將來舖路,雖然不是我想要的,不過要試不同範疇,才知道自己適合與否,以及反省自己要什麼,需要什麼,自己有什麼問題,反省一下自己,是否自己工作心態不好,其實只是自己懶?逃避唔面對現實?~亦從多方面取經~人要經歷過才憧得珍惜,而這上經歷又會令別人羨慕~因為你的意志,刻苦耐勞,不輕易放棄,為了理想,由於唔係人人可以做到,這就成了大家羨慕的地方,做社工,也需要令別人佩服,由其服務對象~

況且我也需要一份工去儲錢,揹背囊去旅行,亦可以過來台灣找你~不敢冒險去找另一份工,因不知道另一間中心會怎樣,會否真的比這裡好~

再談吧~"""""

>>September 9, 2006 at 9:37:59 AM GMT+8

2006 年 9 月 4 日 星期一 【酷熱】

今日好頭痛,因為連續2晚都0200先sleep,因煲劇~

近期比較多愁善感吧~或者係睇左一d響現實生活中唔會出現的偶像劇~很浪漫好單純,無憂既生活~

好享受一個人~每日返工放工,行去mtr station,我都覺得好enjoy~一來可以響自己的世界裡面..去諗下野,去發呆,去安靜一下自己,去憧憬一番,去回憶一番~另一方面,有時都唔想同外界接觸~有時自己都好享受自由自在,有自己風格的生活,自己想做什麼就做什麼,亦都想傷害減到最低~

今日例會,簡短咁介紹一下自己,睇下,了解佢地既狀況~再幫佢地響會計上有改進的空間~以及了解老友記既需要,盡自己的能力去幫助佢地~服務佢地~減輕下同工既負擔~

早d落去搞下account~唔係搞左好耐,又要去接小朋友了~佢地知我唔惡,所以有時都唔太聽我講野,真係..不過佢地好可愛,唔捨得罵佢地~

好快又過左一日,每當功輔班時,時間過得比較快一點,或者我有野做吧~我投入中,尋找緊一些答案吧~

見到有小朋友好怕英文,有時佢地有些科目比較弱,究竟我可以做d咩先可以幫到佢地呢?我又唔想填鴨式教育,不過有些時候都無咩辦法,不斷咁重複溫習~好想佢地了解點樣用,之後可以好flexible咁應用到,但可惜,真係要有好多心機~我又想,有時一班帶咁多人,又可以control到秩序,又可以令佢地學業進步,點樣做到既呢?

好早睡了~因要補眠~

>>September 9, 2006 at 9:35:57 AM GMT+8

2006 年 9 月 3 日 星期日 【酷熱】

都係如常一樣既返工,放工~

早上落去平田,搞下會計~不過之前就幫盧姑娘打電話提醒d義工記得開會~之後陪佢去惠康買一個活動的禮物~我都有主動幫手,算是符合我的性格會做的事,不會留低她一人,總主動幫佢,自己真係好似大打雜~搬搬抬抬~而且係出自我既真心去幫,不是勉強,感覺很好~自己嘛~

落去做會計,少少時間都唔係做得好~

之後我又同一個小朋友傾計,因為佢唔肯入課室~又做下會計咁啦~盧校監都叫我唔好理佢~小朋友比較硬頸~之後我又去接另一批小朋友~唉.....有點覺得自己似個d阿姐~幫埋佢地接小朋友~

今日有派傳單,響學校放學時派真係效果好好,因一定接同睇,比率比較高~有另一補習社既人見到我咁,原本佢只企響對面派,見到我響門口,又跟我,佢亦都幫我過濾左些人,只有有些人拎左佢既傳單,我都會派埋,通常佢地都會接~不過唔接我也ok ar~唔勉強~我有盡力,我有講”拎去睇下”,”功課輔導班”,哈哈哈~不過我拎得唔夠,又有責任在身,就好快派完算了~早知拎多些~佢地擁出去時派,好多都接架~原來真係幾好~畢竟為人父母都關心子女吧~我都派得幾開心~稱職嘛~

功輔班無左2個小三既~good~剩下幾個小四既,good~不過都難搞~一個情緒有問題,會發脾氣~另一個唔聽人講~有一個咩都唔驚~一個比較乖但受其他人影響,被吵到無心機~我都唔可以忽略這個,基本上,我都會逐個去教,去關心~唔知道人多既時候怎樣handle呢?真佩服~

之後出左去樂富,因我升左做副團長,要見一見區總監,黎國榮先生~講左幾句,都係多謝,又講下人事變動得大,要我俾d心機,唔好離開等,問下我做左幾耐咁,報左咩班咁,無lu~

不過幸好都有simon ho陪我~否則我都唔知講咩~哈哈~有點驚~怕羞咁~又唔知點入去wor,不過通常有熟人我都會倚賴~之後terry竟記得我叫咩名,叫我留低開會,simon都問~oh….how come~不過俾我見到barry呢~hahaha~好耐無見~都見到阿棠,好奇怪,明明識但好陌生~見識到誰時jimmy~誰時raymond,上基班時見過~可能佢都認得我,都有望下我~都有同好耐無見既,有望下,佢都有叫我食下薯片,遞下野俾我咁啦,我都覺得佢認得我既,眼神交流下咁啦~

其實我都無咩專心開會,因都唔係好關我地事~都係佢地自己區內既野,好內部的事,如天花漏水呀咁~上網問題ar~我就發夢,無咩聽~因黎sir都有同simon講,其實呢個不用開的呢~不過最有興趣的是,原本係童軍仔,又做instructor,可唔可行呢~理念好清楚的terry都話咁樣對個小朋友既成長不健康,因無時間去過自己我團內生活,慢慢考章,自己本身又有學業,那算團前幾個月就狂考,對小朋友身心都不健康,及家長會誤會~就算團長俾,但考完有試過唔批,咁就真係….dump 心~

另外,由於依家行,三三四,venture有機,不過唔知係危機定機會~不過會特別有堂係ayp或童軍或其他,所以在學校中要爭取機會~真係正~比重係20%,與中,英,數,常係同比重的,所以真係好重要~考到sars award考大學就佔好多分~cool~依家d小朋友真係好多活動參與,仲可以幾專注添,似乎我響呢方面發展都好有前途~不過依家好多其實社團都有考章制度,越來越似童軍,大家都想分一杯羹~

同樣地,又係同一個問題,點樣先最吸引呢?點樣先可以響咁多同行競爭中取勝,贏得家長與同學歡心呢?.........尋找answer中~

>>September 9, 2006 at 9:32:58 AM GMT+8

2006 年 9 月 2 日 星期六 【酷熱】

12xx起身~亦都係cyrena打黎先~不過佢都唔算叫嘈醒我~

之後食下野,睇下碟就出去了~~因venture集會~edmund不在~有我,simon,新同事阿bill同埋cyrena~去到未見cyrena,原來佢late,因等唔唔到車~咁耐既..仲話想卮返唐氏會~因edmund不在,我都認真些~

好熱ar真係~同左佢地講我1500走~因edmund返左去,我要問佢administration野~交流意見~

之後識下新同事~見到dannice又傾下計,因為好耐無見~又玩下咁~

之後開venture會~我都好認真咁開,同埋都開始幫下手~我都係要快d上course先~旅長ling要走了,resign左~佢雖然做左8年,都學左好多野,personal growth都有,不過都想refresh自己,睇返下,想返下自己個時做社工既目的~其實佢都take左好大個risk,不過佢呢期可以冒險wor~我都幾佩服佢.好有理想同原則~同埋都係咁重視自己既personal growth~以及可以放低,真係要好大勇氣~佩服~我又好bind,雖然可能有d做法都令人唔係好接受到,又好長氣,不過都真係無忘本,未lost~

不過唐氏會真係變動得好大~ling,Edmund,Christine都走左,小慧就調左職~唉~真係睇住變~我都有點失落,唔似以前咁,不過都仲有danice~不過我唔會放低venture既~真係好唔夠人~simon又蠢蠢欲動~唉~都有點擔心~幸好有新力軍esther,佢都有點經驗~

今次可以sharply走,因edmund都好頭痛,好唔舒服~

之後我同cyrena都拎住好多野出去,都係俾大家既~而我都特登帶左個大袋裝野食~最後我地都係去左hot pot,真係灰~我唔想係因為熱氣,又好肥~又無咩好想食既衝動~

今日有pinky,michelle,大細ryan,Emily,cyrena,我,細gel,sandy,欣,cecilia~又一齊睇美女廚房~大家又傾下,講下咁啦~我都幾累~又無咩野伐我好興奮wor~所以情緒都唔太高漲~又諗下野,又覺得做full time,而又唔係我interest都幾辛苦,都仲爭扎熙仲做唔做好呢~其實每早起身都唔狩想返工,不過返到去又無咩野,都幾精神架wor~可能都係心理問題,打從心底唔想做呢類型~萬一有日我真係頂唔順,我諗我先會quit~因依家都有責任在身~同埋要train up自己既堅忍,毅力,同埋耐性~唔可以再咁任性,唔可以再我行我素,唔可以再3分鐘熱度~要去挑戰自己~

之後去左drink,上左paris~呃左cecilia添~因我都猶豫緊去唔去,之後大ryan行埋黎欺壓我,就算了~一拿不定主意,俾人叫2叫,迫2迫就會去了~

不過我去到都好靜,唔係好想同人講野,不過單獨與一兩個都ok既~好似我都有同ida傾下計~不過陶醉於睇書度…好靜咁….我都幾享受同埋覺得姆舒服~其實我都習慣左一個人,亦都真係好享受一個人既自己空間,有時都真係唔多想講野,好想靜靜咁,又唔想think up話題,唔想social(唔係negative既),有時覺得無聊既話題,串咀都無咩興趣,什至真係覺得不屑一顧,真係好無聊,唔想去回應,唔想去融入~因為陶醉左響自己既空間裡面~

或者雙子座就係咁,真係唔會stay好耐,要定時去fresh up~做下唔同既野,識下唔同既人,與唔同既人接觸,識下新事物~不過唔代表我唔理舊既人與事~只係我喜歡被新事物吸引~我比較好奇~好似lunch咁,個時響cpa firm做,我都唔鐘意成日去同一間~要去食其他野,否則我會覺得悶,唔想食,又係呀,提唔起勁~

返到home,都睇碟睇到0200先sleep~cool~

>>September 9, 2006 at 9:30:43 AM GMT+8

2006 年 9 月 1 日 星期五 【酷熱】

Winnie po生日快樂~無搭正0000 send sms,唔制~不過約左日子請佢倆食飯~

返工~搵唔到盧主任講返d會計~之後就收到盧校監之order,上去廣田托管中心傾有關宣傳,來年活動,equipment既需要~因為就我d會計,不如我地之間傾左先,因會計仲有問題,唔知幾時會解決既問題~

依家我既感覺好左好多,雖然佢都未達到我想要既社工既性格,不過都可以既,最起碼,佢都唔會只點你做野,唔尊重你,都會有溝通,都有得商量既~

宣傳落實左係派傳單+攤位~派傳單就佢下星期一0830返到去附近當家長等校車時派~之後我下午去接小朋友放學時又派,因好多家長在等,咁佢地等緊又無咩野做,咪睇下單張囉~佢地好搞笑,開學第一天,大家都好緊張,睇下邊個老師,有咩人一班,仲有人拍DV添,強~唔知第時自己會否這樣~星期四我再響邨附近派~

傾下我地既活動~都有好多idea~希望同其他機構有多些合作機會,達到和諧社會嘛~可能與唐氏~不過要先同家長,小朋友溝通及灌輸正確知識及思想~唔好帶有歧視眼光~不過我地都有兼顧婦女們,先可以令佢地留低~一陣搞搞下,over左婦女會及青少年服務~哈哈哈~不過量力而為,同埋都係新,呢d ideas都未try過,都係先頭部隊,所以….都有小心處理~不過都要就返我地自己既工作先得~

不過新中心可以增聘人手~仲有新equipment~

佢都有點concept既~anyway,我以前既經驗,加上義工經驗都幾好~因搞過咩活動,人地點運作,合作機會,對象既性格ar,funding之申請…我都有初步認知,咩都拋出黎,唔打緊,用有限資源做最多既野嘛~唔知係咪難定time table呢~問佢洗唔洗,佢又話唔駛住~呢d concept都係michelle俾我既~

傾傾下,都1:30先lunch~要勞煩華姐幫我叮飯同埋拎上黎~我同華姐一齊等滑梯時,都同佢傾下計,幾好,講下我尋日班學生,原來好多老師都投訴佢地~唔怪得之俾我啦~唉…..!!!我都有同盧姑娘交流有關功課輔導班既心得~

原來歐陽姑娘同盧姑娘都放1300~有無搞錯~shit~唔怪之得個時盧主任望住盧校監啦~不過我就無王管同埋等收工~下次帶d會計上黎做~唉~算,下次帶d日記返黎print~因呢度仲未有得上網~

依家既我都幾主動,同埋積極左,慢慢同佢地close左~今日仲同華姐一齊收工,take mtr~佢個女都幾搞笑,好多野講,又認叻~有時同盧姑娘傾下計劃時,又會拉到好遠,都見到佢有d熱誠,仲係好有ideas,好creative,同埋好多野都想試既衝勁~咩都想去做,如深宵外展等~不過都只會係伙伴~不過咁仲好啦,無階級之分,有咩都交流,有咩感覺,意見都會提出~大家都係互相學習jei~可能有火花呢~

佢都有交待下行政工作,中心設施,因有可能要我關門先走~good~依家有我認真,積極既學習態度~,不過我無idea都會照同佢講,咁無就無架啦,仲有既就係,通常我無idea就話咁好啦,傾完勒~佢話我時,我就問返佢….仲有野未傾完ar?有咩要傾呀?咁你講啦~hahaha~~

做活動助理之好處就係有時都唔駛有太多責任在身~不過佢都俾好多機會我~不過我會慢慢提出我想負責咩,如果我有興趣的話~佢有提出過叫我負責晒成個計劃,我瞪大眼,我都有點質疑自己,之後佢話唔駛驚,都係講下(即係有呢個idea啦),我又唔係社工,唔會勒~因當中牽涉好多其他野~如對象之情緒等~我未必懂得點handle~cool~第時study完social work,我真係要再認真一點~因有呢個knowledge了~同埋我都提高自己study theory之興趣,興奮同好奇都係必需~雖然悶,但係要紮好根基就要study好theory~因好多野都係由theory衍生~加油~唔好怕~

晚上,出左去join Cecilia,sandy,大細ryan,Emily dinner~因佢地去左beach~cyrena都有去beach,不過係分開既~cyrena去repulse bay~佢地就去clear water bay~

去左大家食,幾抵~大家又睇下英皇新秀大賽,又評論下咁啦~大ryan俾左阿姐叫左靚仔~hehe…大家勁講~之後我拎左部calculator出黎count數,佢又叫我靚女,死得~大ryan既涼伴麵好耐,我地慢慢食都差唔多食完~死人細ryan扮怕醜俾大ryan簽名真係好得,超似,超傳神,超搞笑~

之後打左陣機….有免費太鼓,因有人唔知做咩,可能唔知仲有,就走左~不過打到我手軟~因同emily一齊打嘛~之後一齊玩右腦game~emily果然腦部發達呀下~

之後去左許留山,其實都好full~又俾左意見書~佢地班人成日都串串咀咁,真衰~不過我地都俾左好多中肯意見,唔係捏造既~坐坐坐....食食食.....傾傾傾....之後由於有staff黎叫我地走,因有人等,就走了~

之後去左睇snacks of a plane,毒蛇客機~唔同ida坐係明智既,因為….佢一驚就捉實人~多謝ida姐既drinks and food~呢套戲,都ok,不過有一個位我尖叫左,因為都係後半部份,個空姐唔見左個機司,裝落去,突然有條蛇撲出,個女主角尖叫時我又尖叫,真係估你唔到~不過西片都成日係咁~算啦~近期少睇左戲~

睇到01xx~sandy同我行返去,我又陪佢等車~之後我又煲碟~05xx先sleep~

>>September 6, 2006 at 1:05:23 PM GMT+8

2006 年 8 月 31 日 星期四 【酷熱】

大家既開學天~

今日可以遲15min起身~因要去平田搬野先,順道放低個lunch box~都早到,見到突然個閘自己開又無人,按門鈴又無人開,唯有等~等左一陣終於有人~我應該先講一聲~箱野好重,最後決定take mini-bus~唔知mini-bus點行,就問,之後講唔好意思,因我誤會左佢~

返到去,好大汗~歐陽姑娘哇左一聲~之後我又再出去廣晴樓既屋宇署俾信~好熱~之後坐左一陣搞account野,又同歐陽姑娘傾下,佢問我study咩,點解要做ar咁,突然同佢close左~佢都係男仔頭性格~好搞笑既佢~同佢傾下點樣收錢俾錢會好點~

之後盧校監過左黎,講下會務既野,似乎有人投訴~好凍既一間房~之後又差唔多落平田~林姑娘帶左我去學校接人仔~第時就到我自己湊~由於佢地早放學,帶佢地既miss未返,所以我頂住先~之後我就負責帶另一班人~

佢地真係好多野講,多多意見,又成日騷擾人,真係嘈到爆~我真係發惡,同埋依家都唔係咁好,又有3年級,又有5年級,我都唔知理得邊個~當我教緊一個人野,又有另一個人叫我~又有一個小朋友超唔專心,寫一個字又做左另一樣野,又講野,又玩~一個比較乖~有一個成日玩問答,超好動,又有性格~

遲d分左去第二班就可以了~同埋我睇緊點同佢地相處~同埋我有請教另一位老師~佢叫我唔好聽佢地講多野,照自己意思~同埋應該要有比賽,因佢地都認叻~同埋我再要睇下d exercises~不過對住佢地就無咁sleepy,好精神~因個腦睇下點對佢地先effective~

之後有一刻我喝停佢地,靜晒,之後我個別教導就好多了~佢地亦都專心左~我都好開心,我盡己所能去幫佢地improve成績~只要有心,都係佢地好,做咩都係好既,我都唔好mind咁多了~佢地知我有心,就知我係疼佢地,知我苦心就可以了,都係想生命影響生命~唔知我會影響佢地多少~

我條腰仲係好痛,唔得,一定要睇醫生~

尋日都有同edmund傾下,因為我做左副團長要見區總監~佢都呻下咁啦~有唐氏方面~之後share下新工作怎樣~佢都好忙~0800-2000~cool~星期六又上堂~可能領袖course得我一人去報~

推左2100 becky之約~因太夜~又打hot pot~無咩錢~又肥~其實係同sanlia farewell~因佢要去paris study化妝3個月~

cyrena佢地,我都推左,因佢地仲未走~依家都少出夜街,亦都唔想成日出街~養精蓄銳~又費事waste money~好好善用自己既時間~

搞笑,尋日搞搞下變左4人會議,仲傾左好耐~有我,tony,henry同埋敏卿,好搞笑~天南地北都講一餐~當然又discuss一下我地黎緊既活動~將會有sing k~成龍寶貝計劃首映~disney既~我地都傾緊x’mas party~哈哈~傾到12點多先肯收線~因一收,大家就會去sleep~而我一早關燈,攤在床上傾~條腰都仲痛~

死人敏卿同henry cut線,真係無品~

>>September 6, 2006 at 1:04:21 PM GMT+8

2006 年 8 月 30 日 星期三 【酷熱】

Tony生日快樂,我都係今日先知~近期都有同佢keep in touch得幾密下~

好準時出糧~咁就出左4日糧俾我~原來咁樣返工真係蝕~

今朝唔知做咩彈醒,但只係0630~嚇死~

死,身體差左,m到,條腰劇痛~訓又唔係,坐又唔係,差d起唔到身~做咩ar我~

今日原本要派傳單,因我由9月1日開始,1200要到平田幫手帶小朋友,睇住佢地,因開學了,托管等事宜~所以我響老人中心既時間唔多,得一個上午~而宣傳工作又未開始~之後佢又唔可以安排我帶班,因帶左一堂之後又唔響度~佢都有問我盧校監有無問佢安排左咩工作俾我~我話未開始帶班,因構思宣傳計劃中~

早上,盧主任就黎左出糧,之後帶埋我走,因要我幫佢做會計野~就係咁…我又拎住我既自備飯盒走~無壞到,幾好~由於唔知佢地食幾點,我做緊野時又close左我門,佢地好似有重要野傾,咁又唔敢去toilet,拎水,同埋lunch~不過我都恰左陣~哈哈~

lunch時,佢地響kitchen有table食~盧校監又俾左一點food我,之後佢地都叫我出去食,有冷氣wor~奇奇怪怪咁~得我一個人咪仲慘,我都唔明白~算了~反正我都幾享受一個人lunch,因為就算響廣田我都無出聲,只係睇報紙~佢食完出黎,都叫我慢慢食,不過我都食完了,繼續我既睇報紙,無扮勤力,食完即開工~

之後一直做,做,做,做住petty cash先~members subsription未對到~又同下盧主任傾下我做成點~要拆返,有排~

又見返尋日個個女仔~又見到盧校監in人~佢又臨時叫我打一封信~我真係一個大打雜,咩都做~哈哈哈~打表,打信,會計,帶組,幫佢遞信(因我會行經)….!!!真係搞笑~似人工高上少既辦公室助理~由於盧姑娘俾公公發現長短曲錯左排序,因長短曲卡拉ok係輪住咁既~於是我就進行黐貼工作~個時我都已經不斷咁摺緊通訊~不過盧姑娘都有幫我~佢都有say sorry~

遲d,我同歐陽姑娘都有合作機會,就係每一日既支出,收入我就負責核對~同埋依家要建議下佢地點樣整盤數會方便d,唔好抄幾百萬次,一part野又做幾次,真係做得太多了,duplicate~只要令核數既人清晰,又方便我地做野,就可~佢地老人中心又有好多$1,2既收入,又唔想出receipt,咁點,我就建議用表~不過仲有問題要解決,要同歐陽姑娘傾實務上既野,要配合佢先得,最緊要人人方便~

佢地一家要做好盤數,成日做到好似睇得好緊d數,唔係亂用~仲有既係,要將d錢用響活動上,唔好太多野係關於中心既~所以都會入晒d數去活動~唔怪得之個時聽edmund講,做數la~明明係centre野都要入去活動開支中~

做到1900走人~響平田走,會早少少返到home~

今日先叫有d世藝,做下會計,我既老本行~有時幫佢地開門,傳下訊息咁,因reception個個林姑娘唔知去左邊,有時又要搵佢~幫下佢手咁囉~安頓下d人,因我點都叫做藍田街坊福利會既職員~呢個林姑娘咪就係我見工時覺得好懶漫既人囉~又無咩禮貌~不過依家對我都有笑下咁~呢d可能就係街坊福利會既特色~

盧校監真係識得同人打交道,點都問候下人先~通常都問依家做野點,辛唔辛苦~之後有時會問人點上黎呀,食左飯未呀咁~又話咩鼓勵員工呀,佢成日都讚人既,又話人地做得好好ar,好出色ar咁~佢講既野對每個人都同出一徹~不過未對盧姑娘讚過~又好似對歐陽姑娘有點意見,問我係咪佢唔識做數,做到亂晒~d語氣都唔係咁好~我即刻話唔係,佢好整齊,做得好足~之後佢都唔多滿意,話整齊無人,要人地睇得明~oh….~~不過盧主任有時都話佢會寫錯寫漏,叫我問返清楚佢~盧主任都成日執佢既野~不過佢又唔係study account,都唔太清楚係正常既~

我幫佢打信,又話我打得快~其實都唔係好多,都唔知點回應佢好~我只好話,唔係ar~同埋”哦”....點下....微笑回應~依家鐘意我咪咁囉~唔知到時點勒~雖然我都有信心做得好~anyway,睇下點先~

>>September 6, 2006 at 1:03:35 PM GMT+8

2006 年 8 月 29 日 星期二 【酷熱】

根據我既分析~我決定take mtr再行上去,如果個日真係太累先會take bus~

8/29我就試過take bus上班~今日我就試take mtr~0800出門~take mtr去到藍田,085x返到~都係我比較早,除了華姐比我早外~我都已經行錯左少少路~不過好快都搵返~我都係憑我記憶,尋晚放工行去mtr既路~

總之,我0800出門就可以了~或一食完breakfast就出,因食完都無野做,都係坐,我又係咁早自己醒,無野做就返工la~預一小時返工~發覺返工都用左我12小時~oh….!!而我take mtr時要企,因太多站,12個,會坐到累,就訓,唔太好~個人無咩精神~況且我又要睇newspaper~

今日真係無咩野做~一早只係做左量血壓,幾開心~hehe~識多一樣野~不過未知咩叫上壓,下壓~點樣會高,咩係正常~盧姑娘都唔係解釋得好清楚,只係話俾我知,110-130就ok,又無講下壓~反而我覺得歐陽姑娘仲pro~佢解答得好好~好firm~佢話俾我知140/70都算ok~知道係150/87就問佢有無食藥,有食就無問題~哇…真係勁~呢d先係answer~又幫下婆婆,磅重,good~個婆婆教返我,我雞手鴨腳~我都想磅下,量下~

之後就一早響度think up一d興趣班,睇下有咩做~只係坐….!!同埋望窗外~景色怡人~之後lunch,帶左cup noodles,banana,biscuits~盧姑娘好surprise我有生果~ok呀,我行山都有架啦~唔出奇~又睇下newspaper,good~I like~都無咩同佢地交流~

之後下午…盧姑娘帶班,我就上下網,search下course~想讀有d course~中大既general counselling~bristish council既英文班~同埋hku space既口琴班~係時候增值自己~

之後上到無野上,又費事check email,所以又呆坐,扮think野~又寫下自己野,plan下我既budgeting~上午都有同盧主任溝通,話俾佢知我完成左,不過仲差一d野,之後佢又叫我對petty cash,不過下午先,再野俾我~

於是我唔駛上廣田centre,又唔知做咩,等到16xx就有電話叫我去平田~個時我都就訓著~我行去,途經有點hungry,我就買野食~試下行去平田,不過唔多成功,再研究下先~

去到,盧主任唔響度,我就住,睇下都市~之後盧生=盧校監返黎~同我傾下,點呀咁,話初時係咁架勒,要走黎走去,不過遲d定左,就會知自己做咩~佢好似知我點think咁,又唔想我走,仲響林姑娘面前讚我叻女添~真係有交際手腕ar~佢都話俾我知,由9月1日開始,我要1200落到去,因開學要幫手,帶小朋友黎平田centre,再同佢地lunch,睇住佢地~幫1-2星期手~都幾開心~可以脫離盧姑娘~有d野做下咁~

之後唔知點解盧主任無黎,盧校監就叫林姑娘俾野我做,林姑娘就叫我打一個託管既表~好似特登有野俾我做咁~之後我慢慢打,慢慢校,改完又改,因我見與original既格仔唔太同,要大d,再校~點知有人黎interview,終止左我既工作~又坐~

搞笑既係佢請左一個打扮得入流既女仔,同時間個個就無請~咁由於林姑娘同緊人傾緊,佢就叫我幫手copy,睇到個個人既information~成績表好多唔合格又absent~hkcee,中英都好似合格,仲有一科e,其他就fail~都唔知佢請人既準則~唔知係咪要有樣~佢就好似話係in唔知咩學校既活動助理~睇黎呢個人既人工都唔高~佢都見左幾耐下~之後個個都好快出返黎~個女仔出黎時仲望一望個女仔~

我都估唔到~唔知呢個女仔做野係點架呢~希望無咩機會交手~好彩盧校監都叫我搞掂埋,仲猛話唔好意思,我準時1900走人~yeah~

Mrs fields~買左佢既月餅試~食完就好似佢既朱古力批咁~都幾好味~不過貴左些~anyway,我都會買去契媽度,順便帶埋人地幫我買既手信俾佢~

呢間公司唔係人人一部電腦~所以大家都輪流用~呢度既節奏無咁緊張~雖則返好長時間,但係唔太趕都ok,免得精神崩潰~我響尋日lunch時訓左陣,好好訓,yeah~

響呢間centre未有定位,尋找中,仲有角色~盧校監都話剛剛上班,又未開學,係咁架勒,遲d定左我帶d咩,就知我幾時去邊幾時去邊~佢好似知我心意咁,又問我慣唔慣,佢話對象都係老人家同埋小童架勒~

其實我無咁緊張,可能近期我都玩到顛左,咩都豁出去咁~都無諗得太多~隨心所欲咁~開放左自己,表露左最真既我~哈哈哈~而無幹勁,就可能因為身體唔係咁舒服~我唔服個個社工?咪當佢唔係社工,只係合作伙伴囉~要做好自己名聲,行窄~佢都未識找人既長處,如何與義工,下屬相處,點樣去了解我,與我溝通,分享想法,同我去合作,先可以相輔相成~

其他既野,只要記住保持每時問,每樣野都有好奇心咁就得啦~咁我呢份工既樂趣一定更大~哈哈哈~my curious~

其實都幾好ar,有個新centre俾我地發揮,不過都有好多limit~都係一定要興趣班~主題性既活動都要留返響summer搞~因為連續性既….d小朋友未必參加得晒,佢地平時又忙,上完堂,仲要補習,學野~搞到我d idea band晒~咁又係,主題性既野,雖然可以為全年方向,但隔得太耐,d人又忘記,無左個意義~唉…..!!!不過佢地呢d centre係咪都係咁悶架呢?都只係托管同埋功輔既呢?我想響有限既資源做曼多既野~佢地資源好缺乏,由於係社署管轄,用既每一分每一毫都要好小心~想再傾下~

可能未有定位,總覺得響會計師樓更充實,更開心~可能不斷有case,同事又搞笑啦~

呢度既景色一絕~1900放工,由啟田行返落去,夕陽西下,天朗氣清,真係好靚好靚….一片藍裡面,又有點白雲,加上橙式既夕陽,真係….令人陶醉~

睇嬋表姐既結婚照,完全係另一個人,唔認得,有點似馬小玲~不過土氣仍很重,同埋稍胖~佢倆只係補辦擺酒,一早註左冊了~

>>September 6, 2006 at 1:02:25 PM GMT+8

2006 年 8 月 28 日 星期一 【酷熱】

今早試搭215x返工~都幾快,咁o岩又lift,我又追bus,就係咁,我0845就返到~

今早又對下單頭~之後對完下午無野做,就上下網搵下資料,睇下點整website啦~同埋check下email~下午就又被叫左上去,由於有老人英文興趣班,咁就要prepare,我就幫手打返出黎,其實都係響本書打出黎架jei~

無野做,我就睇下兒童書,第時又可以講下故仔俾小朋友聽~

之後個社工問我excel technique既野,我又答下~之後佢見我只係睇書,又叫我對下d data,無入既入埋佢~做完我又睇書~

其實呀,我都唔服佢,你諗下,通常初到貴境,又點會咁,通常好乖咁,又好肯去幫手,主動問有咩做呀咁~仲去睇書~又無咩衝勁~佢講野又細聲.我成日都問佢你講咩~佢又細粒~感覺上佢lead唔到我,教唔到我d咩~我響呢度只係experience一下一間機構點運作,不過我唔會stay好耐,因我覺得無野俾我學,亦唔係我想要既~好既係人少少,關係又無咁複雜,不過工作環境同風氣就好似差d咁~同埋接觸下唔同既對象,對我都有好處~依家直情係試唔同既野wor~幾特別,雖然唔係我想要既jei~

我都覺得自己既態度好差,又唔尊重佢~佢只係大我幾歲,又只有年半經驗~唉~我自己又唔接受佢,點得呢~同埋可能我都未適應新工作環境,點都無做過呢類既工,以前響school搞義工小組,又點同依家受薪去做呢?又有點抗拒,又怕自己唔得,搞唔到我想要既效果~

但我又覺得自己強過佢,只係差有無study社工既分別~我唔係好bind佢,但我好bind michelle同埋惠玲姑娘~佢地touch到我,感受到佢地既熱城,真係可以為佢地萬死不辭~有可能我都要同佢傾下~溝通下,否則合作落去都唔係辦法~又或者我真係要快d study社工,自己去lead人,或者有時我都唔甘於做人地既手下~我又好有自己一套wor~

又或者依家既佢都俾唔到咩方向我,我覺得無咩實在既感覺,佢話新centre都有構思,不過唔想limit我就唔講住,但我又唔係咁覺得wor~其實佢有咩活動都會同我講下,但我又無咩興趣知,hea下hea下咁,無咩熱誠同衝動~雖然俾空間我去think係好,但我都需要人去guide~否則我都天馬行空~我都係屬於幻想型既人,又3分鐘熱度,有興趣就好開人咁去做,又三心兩意,又好貪心咩都想做,所以一定要有人壓住我~不過由於佢唔了解我,經驗又淺吧~

聽日我要去派傳單promote一下新既centre~好彩唔係好多~都好既,有新既經驗~佢叫我唔好掉左佢~唔係嘛,佢咁講野,我點都唔會掉啦~我咪講囉,我都唔會掉啦,係都人地掉啦~可能我俾佢既感覺係太懶,又懶漫,所以佢覺得我會係唔認真工作既,又求其敷衍了事既人吧~感覺唔好,又一次誤會~

唉~唔得,一定要溝通~

其實我對興趣班都有憧憬,好想去帶,好想去試,不過又怕~佢都話俾我帶一次outing,之後我就話下….有點緊張~佢話經過唔知邊次,我就會知道佢地點架wor~其實我都唔係好清楚佢想點,佢又想我點,究竟有咩做,有咩方向又唔知~好唔實在,又無咩掌握既感覺~自己又灰,又唔主動,又諗得悲觀了一點,又唔積極~其實都好睇唔過自己咁樣~唔想waste my time~都唔係真正既我~waste左自己,又waste人地時間,真係損人不利己~

蘇佩玲,你究竟知唔知道自己做緊乜?你知唔知自己搵活動助理做又係為乜~係要去經歷一下,因都唔係自己做過~拎experience~呢d野未touch過都應該係好新鮮,要捉得緊個感覺先會知自己要做咩,自己應該點做,唔會一頭霧水~第時就係自己plan成個月既活動了~唔係人地plan完你去幫手咁簡單~要做,要實行~仲要吸人地既料,增加自己既知識~令到自己越來越有料~人地點對小朋友,人地點plan活動,點樣handle突發事件,都要認真咁去分析,唔係去hea~是但啦,求其啦,都係咁樣既jei,係唔要得既attitude,咁我就學唔到野,因我都唔認真,要細心去研究,分析,入腦~要面對~我有感自己有點逃避~又懶~

應該唔係人地問題,要先檢討自己~

因都怕被束縛住~我都好想要freedom~有矛盾~自己真係要想清楚~同埋增值自己,拎多點qualification,咁好多野就可以自己都帶到,有信心多點,而唔係無技能~係時候搵下班學下野了~

要做下follower既角色,咩都掂下,學下,先知不同既思想同角度~呢d唔係正正我想要既咩~要接受新事物先得架~突破自己,尋找自己~唔係玩,係工作,使命~雖然自己好多時候都想玩埋一份~做義工同做社工真係好唔同架~劉生都有點道理,開始get到,有咁既感受~

佢都算好人了,唔話我~我做到咁,自己都會話自己,哈哈哈~

同埋都要與同行競爭,出奇製勝~呢d又係自己唔想做既,都唔知為咩~我地唔係為服務對象好咩?點解無人join再cancel,會俾人罵?呢樣亦都係壓力之一~可能咁樣係waste時間,waste資源,所以咪俾人罵囉~我其實都唔係好清楚社會福利界又幾殘酷,現實同埋黑暗~並唔係自己想像咁完滿~做活動助理算好了,上頭既壓力都係上司頂晒~不過都要社工唔再射返落黎先得~

講黎講去,都係自己問題~環境轉變唔到,只有自己心態~要捱過苦先識得珍惜,先更有經歷,先更有味道,更能影響生命~做多一陣先,再細聽自己內心既聲音,又唔好太勉強自己~

>>August 30, 2006 at 2:32:15 PM GMT+8