2007 年 3 月 2 日 星期五 【晴】

理想同現實o既落差總係好大，或者真係要面對如此殘酷o既現實
馬嶽開始改review article喇，我o個份頹貨會唔會俾佢剷到飛起？

馬嶽：當年波蘭o的黨委書記，個個同上頭講，得啦，我o地實選到o架，結果輸到幾乎渣到冇；
　　　呢邊箱，香港o的親中人士老實o的，直接了當同上頭講，唔好開放呀，我o地實輸o架

馬嶽：足球常識題，1978年世界盃係邊隊？俾兩個理由我，點解佢o地可以入到決賽贏埋冠軍？

>>March 3, 2007 at 12:15:48 AM GMT+8

2007 年 3 月 1 日 星期四 【晴】

CEPA = Closer Economic Partnership ARRANGEMENT, not AGREEMENT!!!!
眼前見到o既現象，如果退後一步再睇遠o的，睇到o既可能會好唔同

Re charlie : 瞪大對眼留意煲呔會唔會又夾硬將中立場變主場

＊－＊－＊－＊－＊－＊－＊－＊－＊－＊－＊－＊－＊－＊－＊－＊

有話直說　　　　　　　　　《梁家傑，實在出色！》

早幾日聽到Apple形容梁生怎麼備戰今日的答問大會(我堅持，這絕不是論壇，更談不上辯論)，
真的有點兒擔心，擔心他連唯一可扭轉民望遠遠落後於曾蔭權的劣勢的機會都失去了。做不成
特權階級，只能坐在國宿大堂看電視直播，但他剛才的表現告訴我，近兩個月不斷東奔西跑為
他助選，這種付出絕對值得

也許因為輸無可輸，豁出去反而沒有包袱，除了偶爾擺出茫然的面孔外，整個大會對答如流，
最好彩係冇露底，冇完全露出不熟悉政府運作的缺點，反而不斷嘗試突顯自己有別於曾蔭權的
地方：如果香港要求變，就應該選擇挑戰者而非現任者

我終於明白為何曾營千方百計阻撓公眾入場。當你發現曾蔭權在後段被迫急，不悅之色全掛在
臉上，話中帶火氣，試想像如果有公眾即場提問，問著極尖銳的問題，到時仲得了？可能因為
他自覺民望大幅領先，沒必要狂攻對手，因此步步為營，不求失分，但他為官40年的累積的傲
慢，始終在螢幕前公諸於世

心水清的朋友，不難發現曾蔭權最少迴避了兩個提問，而且他似乎以為自己身處施政報告答問
大會，忘記他當時的身份是候選人。如果要說曾蔭權失分失得最厲害的地方，首推教育政策環
節，不斷為教改護航，渾然不知教育正正是特區政府十年來最大的劣政！

我不敢說梁家傑清脆擊倒曾蔭權，但至少他做到一場good show(冇錯，這類論壇本質上根本係
show，講包裝講表達)，收看直播的朋友，相信不少會對他改觀。挑戰民望高，整體表現其實
不是超差的現任者，從來都是苦差，兩星期後有八大電子傳媒聯辦的另一場論壇(細節不詳)，
如果梁家傑再勝一仗，藉此再把民望差距收窄，就真的是奇蹟中的奇蹟

後話：其實今晚的答問大會未算擦出很厲害的火花，沒有二人互插，始終差些少，無論選委抑
或公眾的提問都稍嫌未到肉(我敢講，我交出的九條問題，比被抽中的公眾提問更一針見血，更
能令直接擊中曾蔭權的要害)

>>March 2, 2007 at 12:04:14 AM GMT+8

2007 年 2 月 28 日 星期三 【晴】

UGD tuto可以問返o尋日一樣o既問題，搵梁立人挑機有何難度？
我認我國語差，成日聽完tutor同presenter講完都皺眉頭load唔到

馬嶽：當時我睇完匈牙利個case之後o既感想，係o的人無論話幾爭取民主，其實都係一班人渣o者

要開始傾group project喇喎，11日後要交喇，乜都塞去下星期，我會死
不過，都要我搞掂3040 present先啦，依家搞掂先，再砌2130 mid-term

P.S.(1)我唔係特權階級，我聽日都被拒諸門外
P.S.(2)非正式不科學民調，國宿6/F最愛女星：鍾嘉欣、唐寧、Stephy

＊－＊－＊－＊－＊－＊－＊－＊－＊－＊－＊－＊－＊－＊－＊

明天的行政長官競選答問大會，大會只限選委、傳媒和雙方競選團隊入場，公眾不得出席，但
可於事前把對候選人的問題傳送至大會，由主持人(立法會主席范徐麗泰)隨機抽出代為發問

遞交提問的方式如下：

On Web: www.CEelection.org or www.CEelection.hk
By Email: [email protected] or [email protected]
By Fax: 3009 7402、3009 8401、3009 8347

由於公眾發問環節只有約15分鐘(選委發問則有約1小時)，為免影響其他人的發問被抽中的機會
(其實短短一天，大會已收集了超過500個提問，算算被抽中的機會有幾高)，以及避免候選人故
意遊花園消耗時間，建議在問題中指明要求候選人用不多於30秒作答

截止日期及時間：3月1日正午12時

根據主持人親口表示，提問者可使用「袋巾」、「煲呔」稱呼候選人，而不會被過濾掉

＊－＊－＊－＊－＊－＊－＊－＊－＊－＊－＊－＊－＊－＊－＊

問曾蔭權(回答請於30秒內完成)：

你聲稱其實都希望早日落實全面普選，又聲稱自己面向香港700萬人，但另一方面卻千方百計阻
止公眾出席這次答問大會，又拒絕出席有公眾即場提問的論壇，其實你有多重視我們普羅大眾
的聲音？

＊－＊－＊－＊－＊－＊－＊－＊－＊－＊－＊－＊－＊－＊－＊

問曾蔭權(回答請於30秒內完成)：

你說各界對於政制發展的步伐未有共識，因此不宜操之過急。那麼，是否只要香港仍有一個大
商家死硬派反對普選，你都會以「未有絕對共識」為由加快民主步伐？如果說對循序漸進未有
共識，那麼我們同樣沒有共識要原地踏步。為何我們要原地踏步，日日等所謂「共識」？

＊－＊－＊－＊－＊－＊－＊－＊－＊－＊－＊－＊－＊－＊－＊

問曾蔭權(回答請於30秒內完成)：

世界各地的發展經驗告訴我們，經濟發展越急速，低下階層越受苦。其實香港的基礎發展已經
相當成熟，成熟得可跟世上任何國家地區相提並論，已經不需要再有急速的經濟增長

那麼你仍會繼續追求經濟增長最大化，抑或以減慢經濟發展步伐換取改善低下階層的生活？

＊－＊－＊－＊－＊－＊－＊－＊－＊－＊－＊－＊－＊－＊－＊

問曾蔭權(回答請於30秒內完成)：

特區政府聲稱重視教育，為何一所專門培訓老師的院校，竟然不是大學？你能否承諾，連任後
協助香港教育學院升格為香港師範大學？

你會否邀請李國章留任教統局局長？你的班子會否在大中小學以至幼稚園的事務上，繼續加大
政府控制的層面和力度？你的班子會否繼續以官僚意志決定甚麼幼稚園得到學劵資助？

＊－＊－＊－＊－＊－＊－＊－＊－＊－＊－＊－＊－＊－＊－＊

問曾蔭權(回答請於30秒內完成)：

如果保留一座具歷史價值的建築物，會令某地產商失去10億收入，你會如何處理？

＊－＊－＊－＊－＊－＊－＊－＊－＊－＊－＊－＊－＊－＊－＊

問曾蔭權(回答請於30秒內完成)：

沿岸地區豎起大量高聳入雲的屏風樓，阻擋內區的空氣流通，你會否立法限制沿岸樓宇高度？
如果地產商反對立法，你會如何擺平？

＊－＊－＊－＊－＊－＊－＊－＊－＊－＊－＊－＊－＊－＊－＊

問曾蔭權(回答請於30秒內完成)：

誰有權聘請你做呢份工？誰有權炒你魷魚？誰是你老闆？

＊－＊－＊－＊－＊－＊－＊－＊－＊－＊－＊－＊－＊－＊－＊

問曾蔭權(回答請於30秒內完成)：

公屋商場、停車場賣給領匯後瘋狂加租，加重公屋居民生活開支。你怎樣看公共資產私有化？
今後領匯再各租，政府是否仍然一句「不干涉私營機構運作」闊佬懶理，由得租戶和商場自生
自滅？

>>March 1, 2007 at 2:06:32 AM GMT+8

2007 年 2 月 27 日 星期二 【晴】

今日o既2130 tuto可以用Eason某大碟名形容：What's going on?
完全唔知做乜，呢兩個鐘完全係發夢，早知帶3040 reading o黎

藍田，梁家傑地頭(佢第一個議辦o係藍田開)，可惜因運輸問題遲o黎
人流唔錯，可惜o個度冇位掛直幡，而且太兜風，成日都吹跌易拉架

搭正19:00冇幫手清場就趕返中大，社唱，已經要求將自己o個節調後
一入到LSB報到，氣都未抖順就出場？老友，我連聲都未開，點唱？
不過唔好賴，點都係自己問題，揀《浮誇》其實唔係問題，唱到o架

唱K同Sing Con絕對係兩回事，之前不斷練跟bit，落場始終都狂甩bit
慘過上年，我都接受唔到自己表現，練o左咁耐，點可能落場咁差？
睇o黎我係唔出得K房o既人，要仔細諗諗明年仲玩唔玩，博又俾人笑

>>February 28, 2007 at 12:26:23 AM GMT+8

2007 年 2 月 26 日 星期一 【晴】

2130終於俾mid-term paper，死亡3月來臨喇，尤以月中最癲
話明呢科係比較政治，只需要分析一個國家又點compare？

落堂後，同tutor o既國語對話……

Tutor : 你找不到原來要present的文章，那就在這部分再選吧
Eric(指住) : 我要這個[Social Origins of Dictatorship and Democracy (同時係3040 required reading)]
Tutor : 那你明天可以(present)嗎？
Eric(發音非常準確) : 不可以

痴根，叫我今晚睇哂3個chapter然後present埋？

彩虹地鐵站上面o既行人天橋，其實今日個街站實際上為誰而開？
平時我o地無論去到邊度，都係嗌「我o地係梁家傑o既競選團隊」
今日Thomas嗌「我係公民黨執委余冠威」，我明點解今日有唔同

今日算係物流最方便o既一次，街站甚至o係梁家傑議辦視線範圍
失策喎，星期六o係觀塘已經提o左唔夠政綱，今日都未補充貨源
開完街站，o係議辦傾計傾o左好耐，梁生加油啦，星期四睇你喇

>>February 26, 2007 at 11:37:45 PM GMT+8

2007 年 2 月 25 日 星期日 【晴】

2007-02-25
評論 《亞洲週刊》

林沛理﹕錯誤口號與錯誤心態

「我會做好呢份工」（I'll get the job done）明顯是要爭取上班族認同的口號的潛台詞是：我是你
們的一分子 (I'm one of you)。

不知道是曾蔭權剛愎自用，還是他身邊的智囊失職，總之以一個政治領袖的競選口號而言，
「我會做好呢份工」可以說是壞透、壞到堪稱「經典」。曾蔭權由自詡為「政治家」到自我期
許要「做好呢份工」，其自我形象之急促下滑實在令人嘖嘖稱奇。可是，真正令人悚然心驚的
不是曾蔭權沒有大志，而是他在狹義上的野心勃勃。他幾乎是情不自禁地要用「我會做好呢份
工」這句口號，公告天下他是個如假包換的「仕途主義者」（careerists）。

一九六三年，漢娜‧阿倫特以美國雜誌《紐約客》（New Yorker）特派記者的身份前往耶路撒
冷，報道在二次大戰屠殺猶太人中扮演重要角色的納粹分子艾克曼 （Adolf Eichmann）的刑事審
判。她發現，這個被媒體描繪成十惡不赦的惡魔，實際上完全沒有深刻的個性，僅僅是個平凡
無趣、近乎乏味的人。阿倫特在他身上發現了「平庸無奇的邪惡」 （the banality of evil）：艾克
曼之所以簽發處死數萬猶太人的命令，原因在於他根本不動腦子，他像機器一般順從、麻木和
不負責任。艾克曼在大屠殺中犯下了彌天大罪，但他的動機卻是理直氣壯的服從命令和盡忠職
守

在《艾克曼在耶路撒冷》 （Eichmann in Jerusalem: A Report on the Banality of Evil）一書中，阿倫
特指出：「艾克曼確實沒有任何動機，除了一心向上爬之外。」可以想像，當艾克曼被任命負
責猶太人集中營的運輸與屠殺作業時，他也有大聲地說一句﹕I'll get the job done。

我們有必要對仕途主義者特別戒備，因為仕途主義（careerism）是近代人類苦難的其中一個大
源頭。

在官僚制度下，能夠脫穎而出的又往往是最能夠將自己化身成長官意志的最有效工具的仕途主
義者。他們在道德和政治上不思考、無判斷，只是按照上面的指示辦事，不需要也確實沒有個
人的感情、思想和悔意。他們一心一意，只是要「做好呢份工」。

>>February 26, 2007 at 1:57:23 PM GMT+8

2007 年 2 月 24 日 星期六 【晴】

好似好耐冇去競選活動，近期重返梁家傑o既大本營：九龍東
觀塘裕民坊，吳靄儀坐陣，今日特別多一家大細埋o黎齊齊簽

迷你5B聚，蚊 + 魚 + Su + Billy + Eric + 小邪，有人因為迪士尼而缺席
嶺南女足隊員阿魚勁好火喎，所以話足球場係學習粗口o既上佳場所

＊－＊－＊－＊－＊－＊－＊－＊－＊－＊－＊－＊－＊－＊－＊



有話直說　　　　　　　《別發爛渣，要怪就怪自己！》

曼聯憑傑斯機智地未等球證鳴笛便快射罰球破網，在歐聯次圈首回合作客1比0小勝法國里爾，
失球後里爾球員鼓譟，一度離場抗議，最後居然鬧上歐洲足協，試圖推翻賽果然後重賽，此等
無理取鬧當然無功而還，歐洲足協裁定入球有效

梗係有效啦，快開罰球有乜問題？球例從來沒有寫明攻方要等球證鳴笛才可開出罰球，球證可
自行決定准不准許球員快開，否則怎會有時在危機地帶有罰球時，間中有球證舉起哨子，示意
攻方要等雞聲？球證靠舉哨子示意他的尺度較緊，說明球例沒有對罰球的規例作硬性規定

既然攻方有權隨意起腳，那麼打醒百二分精神就是守方基本責任。為免攻方在守方門將倚在門
柱指揮人牆排位突然射門，守方要被吹罰後應立刻派人站在皮球的前方，待球證坪離球十碼後
才離去，門將就趁機排人牆，那麼被偷雞的機會就大減。一支在中大超聯首圈出局的球隊都懂
這個簡單道理，堂堂法甲球隊怎可能不知？被偷雞，與人無尤，請自行檢討

中圈開波後，里爾球員一度離場罷踢抗議，這才是行為不檢，這才是歐洲足協要徹查的地方

＊－＊－＊－＊－＊－＊－＊－＊－＊－＊－＊－＊－＊－＊－＊

射罰波o既教材！



>>February 25, 2007 at 12:25:08 AM GMT+8

2007 年 2 月 23 日 星期五 【晴】

迫地鐵迫東鐵迫校巴，入宿後再次感受走讀生上早堂o既生活
點解今日o既UCA 312好似咁少人？同Lunar Break有冇關係？

因超聯調MaMaSo Tuto，調去14:30，個個缺席，連埋tutor都得6人？
早知唔使飲咖啡上lecture，呢堂sampling訓都冇問題，不過唔會唔上

最後一場超聯比賽鬥LED，因為係例行公事，接賽規唔可以隨便改期
Yr 3終極一戰，盡量俾佢o地享受最後o既比賽，阿沙、男文又冇到？

1.Eric(GK)　3.立爺　4.阿俊　9.Stanley　10.Gap成　17.Dragon　25.洪爺

陣容不整，後備得一個Cutter，場上其實得三個可以將來球一腳控穩
防守全無問題，LED根本冇似樣o既攻勢，唔係甩腳就放得太直俾我
我方進攻又差埋門一腳，做到入禁區，不過冇人識起腳，雙方膠著

點可能LED都贏唔到咁失威？下半場Cutter入替Dragon加強控球能力
洪爺萬歲！後面幫我掃蕩，前面接應Gap成o既角球，遠柱輕鬆頂入
立爺同Gap成都有增添記錄o既機會，可惜一一糟蹋，結果一球小勝
四場超聯完結，入5球失4球，兩勝兩負6分，M組第三名，光榮出局

原來o係更衣室換衫之際，原來LED有條友不知天高地厚地串我o地：
「GPA對TRA都失兩球，我o地先失一球，咁我o地都應該要入一球」
賽後，無謂撩起火頭，亦無謂掃LED周圍淋水o既雅興，否則會講：

「小弟守龍門，其實唔係好穩陣o者，不過你要入我波，都唔該係咁意射返一兩球中目標啦，框
都唔中，你叫我點失波俾你o地？」

真係唔想串你o地，不過你o地帶頭鄙視對手在先，我還擊天公天道
如果我o地今日唔係天殘地缺，一定盡情數你o地，等你仲咁牙擦？

＊－＊－＊－＊－＊－＊－＊－＊－＊－＊－＊－＊－＊－＊－＊

政政足球隊本年度賽績

19/10/2006: 勝 翻譯系　　　　　　 　　 　　4比2
23/11/2006: 負 自動化及計算機輔助工程系 　 0比1
15/02/2007: 負 教職員2隊　　　　　　　　　0比1
23/02/2007: 勝 語文教育系　　 　　　　 　　1比0

M組第三名，無緣出線

＊－＊－＊－＊－＊－＊－＊－＊－＊－＊－＊－＊－＊－＊－＊

政政足球隊球員小統計

1.Eric　(逸政二，門將，正選4次，失4球，打足每分鐘)

3.立爺　(逸政二，副隊長，正選4次，打足每分鐘)
4.阿俊　(崇政三，正選1次)
6.阿沙　(逸政三，正選1次，後備1次)
7.Martin　(崇政五，正選2次)
9.Cutter　(新政二，正選3次，後備1次，入1球)
10.Gap成　(新政三，隊長，正選4次，入1球)
17.Dragon　(聯政三，正選1次)
20.Andy　(逸政二，後備1次)
22.施源　(逸政二，後備1次)
23.奶誠　(聯政一，正選2次)
25.洪爺　(逸政一，正選4次，入3球，打足每分鐘)
?.Avan　(逸政一，正選1次，後備2次)
?.Stanley　(聯政二，正選1次)
?.男文　(聯政三，後備1次)

>>February 24, 2007 at 2:23:39 AM GMT+8

2007 年 2 月 22 日 星期四 【晴】

去阿沈屋企拜年兼慰問傷勢，想用Pizza Hut大學生網上訂購優惠
Pizza Hut o既網上服務未免太好喇，最傳統o既打電話反而仲簡單

陪阿沈o既活潑小姨甥玩，個個細路都咁頑皮o架啦，我當時咪又係咁？
又打牌？睇算喇，鬥拍膊頭，小姨甥不斷騷擾，搞乜都好，唔好搞牌呀

中途離場，下半場係SSU超巨型聚，由發起人到今屆執委，屆屆有人到
Kenneth果然號召力驚人，15人o係尖咀樓上cafe，五代同堂不亦樂乎？
「伊人飯局」做乜變哂format？變o左男俾女盤問？乘機重溫YC 04趣聞

林正文 (發起人，崇社會三)
Kitty (第一屆主席，崇法律一)
Kenneth (第一屆內務副主席)
Ian (第二屆主席)
Billy衰 (第二屆內務副主席、署理主席)
豐 (第二屆執委)
肥豪 (第二屆執委，新計金一)
Eric (YC 05籌委，逸政政二)
Leo (YC 05籌委，仁大代表)
Karsum (第三屆執委)
Julie (第三屆執委)
Rock (第三、四屆執委)
Tony (第四屆主席)
Sandra (第四屆執委)
Sybil (第四屆執委)

＊－＊－＊－＊－＊－＊－＊－＊－＊－＊－＊－＊－＊－＊－＊－＊

有話直說　　　　　　　　　《何必委屈自己？咁都要去？》

梁家傑決定出席3月1日的特首選舉「論壇」，但從整個拉鋸的局面看，他是受很大委屈才無奈
應邀出席。袋巾一開始就不應把一切說死，為迫曾蔭權面對質問，事先張揚凡選委舉辦的論壇
「逢請必到」？但如果選委舉辦的所謂「論壇」根本明顯偏幫某方，還有去的意義嗎？

論壇由一群選委籌備，邀請兩個陣營商討辯論規則。立法會主席范徐麗泰擔任主持，只有800人
選委有權出席論壇和提問，公眾不得進場，兩名候選人各自簡述政綱後，主持抽出選委老早寫
好的書面提問，質詢候選人，之後是抽出公眾在辯論前數天電郵到大會的問題，再由主持代為
提問，最後是二人總結，整場辯論不設候選人互相質問的環節。據知，以上大部分規則都是曾
營的主意

候選人之間居然沒有互插時段，整場辯論的意義已減了最少一半。煲呔自己都話要面對700萬香
港人，把特首選舉當直選打，點解執意唔俾公眾入場？提名煲呔參選的選委是袋巾的五倍(641
對132)，如果排隊提問，必是袋巾先被圍毀五輪，再由煲呔打官腔敷衍泛民主派選委的質問，
然後繼續由曾憲梓、陳啟宗之流圍剿袋巾，把所謂「論壇」變成似曾相識的批鬥大會

本來以為，論壇唯一的缺口是公眾提問，準備找朋友幫忙，根據煲呔即場言論，託朋友代為即
時發電郵轟炸煲呔(小弟屆時很可能以競選辦人員身份進了場)。晴天霹靂，這道缺口都被封掉
了，總之煲呔不希望讓任何人根據他的即場言論對他攻擊！這還算甚麼論壇？

煲呔根本係冇膽匪類，冇膽作即場反應，冇膽被被審犯式盤問，更冇膽面對人民！自知口才不
佳，參加真正的辯論恐怕會露底，更可能被窮追猛打得不耐煩而胡言亂語，因此要盡可能逃避
一切選舉論壇，只出席這次被閹割的「論壇」，其他邀請一概推卻，歸根究底因為佢冇膽

袋巾為何還要出席這次「論壇」？根本沒有任何出席的意義！當初他為了凸顯煲呔害怕面對質
問，豪言凡選委舉行的論壇「逢請必到」，這帶來兩個嚴重後果。首先當然是眼前這種局勢，
明明沒有丁點出席的意義，但因事先承諾「逢請必到」，依家唔去唔得

另一個更嚴重的後果，是容易被牽制。既然袋巾聲稱代表無權、無錢、無票的人參選，即表示
700萬香港人比800人選委更重要，那麼落區體察民情的重要性理應先於拉選委票，反正拉得中
間派選委支持，132票變200票都係大敗，何必執著拉選委票？結果，親煲呔選委可以不斷密集
式邀請袋巾出席論壇，消耗你落區的時間，白白讓煲呔搶盡曝光率

一些全由保守勢力壟斷的界別，如港區人大、政協、勞工界、區議會(對，泛民主派在區議會頗
有力量，但該界別42個席位由全數提名煲呔的人包辦)等，他們的論壇不去也罷，如果我係袋
巾，寧願多點和早點落區，不要次次都在五時半，電視台開始編排黃昏新聞時才落區

給泛民主派的建議：「論壇」當日，動員無票的平民聚集在會場外，高叫「點解唔俾入場？」

>>February 23, 2007 at 12:23:32 AM GMT+8

2007 年 2 月 21 日 星期三 【晴】




>>February 21, 2007 at 10:57:13 PM GMT+8