2007 年 9 月 29 日 星期六 【酷熱】

重返沙咀，唔係踢波，撐遮行動綵排，得我一個青年公民代表
又差佬又煩住哂，話book球場一定要作足球用途，買返個波囉

大O組聚，去Maggie o既將軍澳村屋BBQ，點解提我幾點o個位遲到？
睇唔知幾多年前o既《飛女正傳》，劉玉翠做學生妹，張堅庭超薯嘜
大胃王KK押陣都食唔哂，始終都買多o左，我o既食量都比以前細o左

>>September 30, 2007 at 2:09:57 AM GMT+8

2007 年 9 月 28 日 星期五 【酷熱】

再次坪石樂富兩邊走，我都要進入作戰狀態，最後五十幾日！
有返個靚少少o既朵，美其名Campaign Assistant，其實係打雜

>>September 29, 2007 at 1:30:06 AM GMT+8

2007 年 9 月 27 日 星期四 【晴】

07:15紮醒，07:35趕到支部，原因只得一個……冇計，唔想遲到
見到隔離區o的早餐，感受到大戰進入新階段，都係放棄讀書啦

SY group project分組，合拍Indiana & Billy，揀烏克蘭，講基輔戴拿模？
雖說唔認為market mechanism係萬靈丹，不過腦裡始終係資本主義思想

LAW 1050亦分topic，原來Avan上堂o架？今日拍著個yr 1，唔好靠我呀
去坪石搶isse做，再過樂富增援，然後帶o野返宿做，我仲使讀書o既？

H1首次層聚！


＊－＊－＊－＊－＊－＊－＊－＊－＊－＊－＊－＊－＊－＊－＊－＊

兩 大 學 生 迪 士 尼 示 威 被 捕
抗 議 剝 削 中 國 勞 工 　 雙 方 推 撞

【 本 報 訊 】 香 港 迪 士 尼 樂 園 內 昨 爆 出 示 威 者 第 一 滴 血 ！ 兩 名 「 大 學 師 生 監 察
院 無 良 企 業 行 動 」 （ SACOM ） 成 員 昨 拿 著 贈 券 遊 園 ， 下 午 4 時 前 乘 巡 遊 表 演
快 結 束 之 際 ， 亮 出 兩 幅 「 迪 士 尼 剝 削 中 國 勞 工 」 橫 額 ， 走 到 美 國 大 街 小 鎮 抗
議 。 迪 士 尼 職 員 上 前 阻 止 ， 雙 方 發 生 推 撞 ， 混 亂 中 一 名 男 示 威 者 與 一 名 迪 士
尼 女 職 員 擦 傷 。 警 方 到 場 以 公 眾 地 方 行 為 不 檢 罪 名 拘 捕 兩 名 示 威 大 學 生 ， 事
後 各 准 以 二 百 元 保 釋 外 出 。

兩 人 分 開 扣 查 5 小 時

這 是 迪 士 尼 樂 園 範 圍 內 首 次 有 示 威 者 受 傷 及 被 捕 ， SACOM 對 此 表 示 遺 憾 。 兩
名 分 別 就 讀 樹 仁 及 理 工 大 學 的 學 生 丘 律 邦 、 黎 建 輝 昨 午 近 4 時 各 拿 出 一 塊 寫
上 「 迪 士 尼 剝 削 中 國 勞 工 」 的 橫 額 抗 議 ， 丘 律 邦 被 四 至 五 名 保 安 員 追 捕 ， 跌
倒 受 傷 。 兩 人 在 東 大 嶼 山 警 署 被 分 開 扣 查 最 少 五 小 時 ， 至 昨 晚 11 時 許 獲 釋 。

迪 士 尼 樂 園 發 言 人 接 受 查 詢 時 證 實 ， 事 發 於 昨 午 近 4 時 ， 兩 名 示 威 者 混 入 巡
遊 隊 伍 範 圍 拉 開 橫 額 。 三 名 女 職 員 基 於 安 全 理 由 上 前 勸 止 。 發 言 人 稱 其 間 一
名 示 威 者 表 現 較 激 動 ， 一 名 女 同 事 也 報 稱 受 傷 。 其 後 保 安 人 員 和 賓 客 合 力 讓
該 示 威 者 回 復 冷 靜 ， 樂 園 報 警 求 助 。 受 傷 示 威 者 也 在 樂 園 的 急 救 站 內 接 受 敷
治 。

警 察 公 共 關 係 科 表 示 ， 警 方 昨 午 4 時 12 分 接 報 到 場 ， 以 公 眾 地 方 行 為 不 檢 罪
名 ， 拘 捕 兩 名 分 別 20 歲 和 21 歲 男 子 。 警 方 指 有 人 報 稱 事 發 時 正 值 迪 士 尼 巡
遊 ， 其 間 有 人 影 響 巡 遊 進 行 ， 與 職 員 發 生 推 撞 。 大 嶼 山 警 區 刑 事 第 三 隊 正 接
手 調 查 該 案 。

去 年 園 內 抗 議 未 受 阻

立 法 會 保 安 事 務 委 員 會 副 主 席 涂 謹 申 認 為 警 方 拘 捕 示 威 者 理 據 牽 強 ， 「 如 果
佢 只 係 和 平 示 威 ， 冇 威 嚇 他 人 ， 冇 合 理 地 令 人 擔 心 自 己 安 全 ， 好 難 告 得 入 」 。

SACOM 一 直 跟 進 內 地 生 產 迪 士 尼 精 品 工 廠 削 剝 勞 工 問 題 ， 去 年 香 港 迪 士 尼 樂
園 開 幕 一 周 年 時 ， 他 們 曾 派 出 五 名 成 員 入 園 拉 起 橫 額 示 威 ， 當 時 迪 士 尼 只 派
出 保 安 員 「 貼 身 跟 進 」 ， 沒 採 取 任 何 行 動 阻 止 。 當 日 示 威 者 在 園 內 抗 議 一 小
時 後 和 平 散 去 。 今 年 9 月 12 日 ， 示 威 者 打 算 再 度 入 園 抗 議 ， 但 入 場 時 被 樂 園
職 員 認 出 ， 拒 絕 他 們 入 場 。

在 迪 士 尼 進 行 示 威 的 丘 律 邦 被 保 安 制 服 ， 躺 在 地 上 （ 箭 嘴 示 ） 。


圖 為 丘 律 邦 （ 右 ） 及 黎 建 輝 昨 晚 保 釋 後 離 開 東 涌 警 署 。


>>September 28, 2007 at 2:45:46 AM GMT+8

2007 年 9 月 26 日 星期三 【晴】

宣傳10月7日o既撐普選行動，Margret助陣，仲有個中同……
睇住Thomas排未來o既時間表，如果佢會做死，我至少半死





請進




＊－＊－＊－＊－＊－＊－＊－＊－＊－＊－＊－＊－＊－＊－＊

《都要學葉劉講句：放長雙眼睇啦》

陳方安生對勞永樂，二人透過初選機制決出立法會港島區補選的泛民主派唯一代表。最初泛民
各黨派協調初選機制時，是假定陳太無意參選，餘下的何秀蘭、甘乃威和當時仍未知是黃毓民
抑或勞永樂的社民連代表，無一是泛民所有團體都一致支持，因此要搞初選機制。泛民的原則
很簡單：初選機制的作用是，決定一個泛民全體都會義無反顧，全力支持的人選，團結一致對
抗葉劉

好，初選機制出爐，卻一個個打退堂鼓，何秀蘭退選，甘乃威退選，因為陳方安生即將出來，
要讓路。終於，陳太千呼萬喚始出來，但社民連拒絕讓步，明知陳太最終一定會成為泛民候選
人，仍然要派勞永樂在初選論壇挑戰她。雖然對社民連都沒多大好感，但都要講句公道話：既
然是泛民一員，又有意參選，挑戰公認實力最強的人選，有何不可？

泛民已制定一個一旦泛民有意參選者多於一人的處理機制，而現時有意參選者的確多於一人，
為何不用初選？如果陳太於初選機制出台前已宣佈參選，各黨派或者會自行勸退黨員或其友好
(應該包括社民連，因為毓民都支持陳太出戰)，不搞初選尚且說得通，但可不能因為某人突然
彈出來而把之前的協議強行推翻，再迫其他人遵守。除非，商討初選機制時，加上一句「如果
陳方安生宣佈參選，機制即時報廢，全世界要自行讓路給她」，否則初選不能不進行

有說初選結果早定，不可能不是陳太跑出，社民連和勞永樂明知必敗都不願退出，是有心「搞
事」，目的只為「出位」、博宣傳。以巴西的實力，每屆都一定能打入世界盃決賽週，不如不
用他們打外圍賽，自動入圍？聖馬力諾、盧森堡之流，屆屆外圍賽都被各隊蹂躪，他們又屆屆
都參賽陪跑，為強隊「練兵」，又是否博「出位」？

不談足球，講政治。明年美國總統大選，民主黨現有8人(共和黨更多達10人)角逐黨內初選。伊
利諾伊州參議員奧巴馬(Barack Obama)、前第一夫人希拉莉(Hilary Clinton)和上屆副總統候選人愛
德華茲(John Edwards)勝算較高，其餘陪跑，那麼餘下的新墨西哥州長李察遜(Bill Richardson)、
康涅迪格州眾議員杜特(Christopher Dodd)，明知沒可能出線代表民主黨，是否「搞事」，老早
應該自動「識趣」、棄權？

都要學葉劉講句：放長雙眼睇啦！如果勞永樂初選落敗(成數很高，結果早定)，社民連仍然派
他出選，形成三人群毆局面，再譴責社民連「攪屎棍」都未遲。對於勞永樂本人，從前保皇閃
縮，今日「忽然長毛」，他會否「轉又轉又轉原地在轉」(葉蒨文《華麗緣》歌詞)，重返保皇
行列？都係放長雙眼睇啦！他現在投身民主大軍，暫且歡迎他，他日如果背離民主，他自然會
被我們唾棄

況且，初選對泛民百利而無一害。甚麼「初選程序繁複，花費甚巨」？民主就是選舉，選舉就
一定要花費競選宣傳，不如不搞民主？確立一個理性程序，讓一個派系內不同的人透過公平公
開的競爭，爭取該派系的代表權，不正是派系內部民主的一大步嗎？那麼認為同一派系的人為
求「上位」，互相攻擊，有損「團結」者，扇把啦，駁你都費事！

>>September 26, 2007 at 11:59:47 PM GMT+8

2007 年 9 月 25 日 星期二 【微雨】

晨早起身，去金鐘o既Ronny Chamber，聽撐普選活動briefing
身份係青年公民代表，又多一項duty，呢期好多零碎o既duty

好似好耐冇陪Thomas落區，路過牛池灣街市，差o的俾個細路爆缸
林伯撐場，是日小弟只係不停o係現場整理單張，落場派唔夠一陣

＊－＊－＊－＊－＊－＊－＊－＊－＊－＊－＊－＊－＊－＊－＊

演藝界紅人號召上街奏效

(明報) 09月 25日 星期二 05:10AM

【明報專訊】緬甸群眾運動再起，當地演藝界名人也破禁公開呼籲民眾支持僧侶的遊行，促成
遊行規模急速壯大。著名喜劇藝人扎加納爾（Zaganar）和影星覺杜（Kyaw Thu）周一便到仰
光大金塔，為準備遊行的千計僧侶送水和食物。被視為「緬甸安祖蓮娜祖莉 」的吞．埃因德
拉．波（Tun Eindra Bo）等歌影視紅人亦組成支援委員會，為示威僧侶提供一切所需。

送水贈食物 赴現場聲援

扎加納爾曾透過其喜劇宣傳關注愛滋病 ，覺杜亦為貧苦大眾請命而贏得愛戴。扎加納爾說﹕
「僧侶站出來為我們祈求，我們卻坐在家裏看電視。我感到羞恥。」另外，緬甸著名詩人昂韋
（Aung Way）也呼籲民眾響應遊行。雖然曾有荷李活 巨星要求釋放民運領袖昂山素姬，但分
析家溫敏直言，緬甸國內名人的聲援才更具影響力，「他們真正能號召群眾」。

法新社

＊－＊－＊－＊－＊－＊－＊－＊－＊－＊－＊－＊－＊－＊－＊

《緬甸與香港：成龍會羞愧嗎？》

緬甸僧侶和平上街示威，反對軍人獨裁統治，要求釋放民主領袖昂山素姬。一些當地知名度頗
高的演員也站出來聲援他們，無懼軍政府的打壓(緬甸傳媒仍受政府嚴密控制，要封殺某人易如
反掌)，號召群眾為僧侶站台

藝人好歹都是公眾人物，他們的言行可能比長期浸於政治大染缸的政客官員更「入屋」，對社
會大眾的影響力可能更甚於任何人。因此，在一些大是大非的時刻，大眾或多或少會期望演藝
界名人表態，站在公義的一方，仗義執言，好讓平民百姓有個榜樣

且不談緬甸，荷李活影星安祖蓮娜祖莉(Angelina Jolie)長期參與救助世界各地難民的義工活動，
更與丈夫畢彼特(Brad Pitt)合共捐款100萬美元，資助志願團體在蘇丹達富爾地區援助遭遇種族屠
殺的災民

香港的演藝名人，要名有名，要利有利，但你們做過甚麼？沽名釣譽者，數之不盡，勇於為公
義發聲者，寥寥可數。又難怪，歌星藝人要看老闆面色，老闆業務龐大，又掛著人大政協等銜
頭，要看北大人面色，自然不想旗下藝人「惹事生非」。出席「回歸」、「國慶」、「基本法
推廣」等獻媚活動，個個爭著俾面出席；保衛皇后碼頭、聲援扎鐵工人、六四晚會等，個個都
極力迴避(除了發哥敢親身去皇碼為守護者打氣)，唯恐「惹禍上身」

我知你們背後有壓力，但難道你們承受的壓力會比緬甸藝人大嗎？最低限度，我保證香港藝人
為社會公義站出來，絕不會有生命危險，但緬甸有！18年前，全港藝人齊集跑馬地出席「民主
歌聲獻中華」，以行動表態支持北京學生，當中包括淫蟲…不不不…淫龍…不不不…成龍！今天
的他？當時李克勤一臉害羞獻唱《深深深》，今天的他不知躲到哪裡去了

從電視畫面看著緬甸經歷19年後的又一次民主運動，再看看國際新聞，然後回想本地，香港這
個所謂「國際都會」，很多地方的水平其實很低

>>September 26, 2007 at 12:16:10 AM GMT+8

2007 年 9 月 24 日 星期一 【乍寒還暖】

三科，有兩科發緊夢，一科訓o左半堂，懷疑自己係咪返緊學……

>>September 25, 2007 at 1:23:42 AM GMT+8

2007 年 9 月 23 日 星期日 【雷雨】

再去天馬苑洗茶樓，有o的懷疑之前幾個月o既地區工作其實有冇用
返屋企，剪髮，配相機後備電，黃昏返支部開會，真正殺到埋身喇

>>September 24, 2007 at 12:45:52 AM GMT+8

2007 年 9 月 22 日 星期六 【晴】

政政足球隊新球季開操，終於開操，三個月冇踢，狀態冇哂
兩個freshmen到，又o黎喇，太肉酸喇，o係超聯唔可以咁！

大圍被book，轉去源禾路，兩場都極速俾人搞掂，源禾路實力太強
防線真係有隱憂，立爺、奶誠兩閘應該冇問題，只係意識可以改善
但係中堅冇o左Martin，真係搵唔到繼承人，龍門向來都係計時炸彈

操到17:30已經離場，趕返坪石幫手








>>September 23, 2007 at 2:43:10 AM GMT+8

2007 年 9 月 21 日 星期五 【晴】

開始懷疑，呢個sem究竟有冇得讀書……

P.S.不如輸賭一下，「佢」有冇機會成為第二位當選高登每月之星o既黨友啦

>>September 21, 2007 at 11:26:29 PM GMT+8

2007 年 9 月 20 日 星期四 【晴】

活於資本主義社會o既我o地，係唔會明白共產社會o既生產模式
如果依家俄羅斯仲係共產，佢o地會唔會生產plasma？應該唔會

青年公民中大支部茶聚！難得YC有三個中大同學，約UC Can飲茶傾計
獅子(聯史一) + Real(新政一) + Eric(逸政三)坐低就講呢個人，俾佢激死
真係唔想講呢o的，但係呢個時候成班黨友坐埋一齊，仲有乜可以講？

飲完茶，各有各忙，先幫阿鳴派樂富小巴站，再返坪石幫Thomas收檔
個黨真係少人到呢：明明有其他黨務要做，呢o的時候都抽唔到身去做

＊－＊－＊－＊－＊－＊－＊－＊－＊－＊－＊－＊－＊－＊－＊－＊

《說真的，我其實非常欣賞摩連奴》

再討厭他常常口沒遮攔，再憎恨他常常出言不遜，都不得不承認，摩連奴的確是當今球壇無出
其右的頂班領隊。只可惜他老闆是阿巴莫域治，三年內贏得五個錦標，獨缺最高榮譽的歐聯，
踢法又不夠逵取悅目，收購方針又時有爭拗，與油王決裂是時間問題

徒有無限金錢，再華麗的人腳和戰術都不是冠軍的保證，看看莫拉堤主政時代的國米！論激發
球員的鬥心，論調兵遣將的臨場決斷力，摩連奴都絕不比任何人遜色。說曼聯怎樣捱過傷兵滿
營，重套失落三年的英超錦標，其實車仔當時的兵源也不見得比曼聯充裕，但也一度向曼聯步
步進迫。臣服陣中幾名主將，讓球員效忠服從自己，這不是人人辦到的，皇馬和國米的領隊都
做不到

不滿摩連奴賽前賽後總喜歡挑釁對手？又有沒有想過，當輿論焦點都集中於他的一言一行，球
員受的壓力相對減少，就可以專心比賽？林柏特至今仍未續約，相信與摩連奴前途未卜有關，
泰利亦公開表示擁護摩連奴，這難道是假裝的？

不過，摩連奴也不是全能，他的收購通常都不太明智。三年來，經他親手買入而又出色的，基
本上只得怪物艾辛。卡華路頂多是稱職，杜奧巴上季很生猛，但背負2400萬鎊身價沈寂了足足
兩年，未算達標，至於沙洛文卡勞、米基爾、布拉路斯之流更不用提，未夠班(講句公道話，引
入舒夫真高和波歷克，我肯定不是摩連奴的主意)！摩連奴運用手頭上的人腳踢出最好的成績，
大體上沒有問題，但為球隊補充新兵，似乎有所不足

魔帥一去，球會總監格蘭(識佢老鼠)接替領隊一職，照道理一定頂得住油王和簡朗的壓力，但
能否重振軍心就很成疑問。球員整條脊骨：前鋒杜奧巴、中場林柏特、後衛泰利和卡華路都是
摩連奴的忠實支持者，卡華路當年更全因魔帥才願意到史丹福橋，他對球隊還有幾多歸屬感？
林柏特遲遲未續約，他會自行買斷合約然後他投嗎？杜奧巴早就想離隊找新挑戰，只是摩連奴
勸他留下，他會否離心再現？

再討厭摩連奴，再討厭車仔以本傷人，都不得不承認，摩連奴和車路士令英超熱鬧起來，各球
隊其實都以車仔為組軍藍本：外國富豪注資、歐洲名牌領隊、高價引入外援，大家都是相同動
作。說到底，球迷最終會掛念魔帥的

>>September 21, 2007 at 2:01:03 AM GMT+8