2007 年 3 月 22 日 星期四 【晴】

最後o既1040 lecture，之後就係group present，四月中到我o地
睇o左呢段片，只好慨嘆，殺人放火金腰帶，修橋補路冇屍骸

總算finalize聽日MaMaSoc present架構，社會科學人present唔用稿o架
下星期UGD Mid-Term Quiz，思考有邏輯，唔代表對運用邏輯學有信心

Re Rock : 唔失禮，不過呢個唔係事實嘛

＊－＊－＊－＊－＊－＊－＊－＊－＊－＊－＊－＊－＊－＊－＊

有話直說　　　　　　　　　　　　《冇意見比挺曾更值得研究》

今期中大新聞與傳播學院出版的《大學線》，其中一篇報導特首選戰，引述從八大院校收集回
來的統計，指曾蔭權的支持度高達48%，梁家傑低見8%，然後報導說大學生始終愛務實。先不
論抽象方法，怎麼派樣那400份問卷，為何他們以近半挺曾作報導的主題？近半挺錯有乜出奇？
常說，當大家手上根本冇票，而別人問你支持誰是多餘的，因為唔使選都知結果，常人都會傾
向支持勝劵在握那位，換句話說，所謂民調調查普羅大眾的意向，等同問他們「你支持一個已
篤定勝出的候選人嗎」，有意思嗎？以此推論，分析各人挺曾的因由是沒有意義的

我最在意的反而是44%受訪者「沒意見」，即使梁家傑好像未成氣候，也沒有支持曾蔭權。其
實曾蔭權在不同機構的民調得到的支持率長期高於60%，大專界反而一半都不到，還好意思在
封面寫上「近半大學生選曾蔭權做特首」嗎？探討沒有意見那44%，似乎比理所當然的48%更
有意思

馬嶽曾分析現時大學生對社會的心態，指我們受到太多照顧，越跟從社會既定的道路走，越有
前途，不及以往生活環境較差，對社會較多不滿，自然對社會更多批判。學生太聽話，太乖，
根本不會對建制、對社會、對世界、對人生有所反思。政治，從來就不被鼓勵作為香我們的選
項，最好敬而遠之，但我們怎樣能遠離一個根本就在我們身邊每一處的東西？還記得一年級第
一次上周生的政治哲學課，他說進了大學，我們已成為知識份子，要對社會多點關懷，最緊要
不要覺得現狀已很美好。偏偏安於現狀，不要妄圖改變現收，才是踏上名成利就的路

另外，36.2%受訪者認為前公務員最適合做特首，問責官員亦有12.7%(其實三司十一局之中，一
半是前公務員)。為何今時今日仍有人迷信「公務員治港」的所謂神話？公務員治港根本已不合
時宜，他們活於封閉的官僚系統，長年累月積起來的傲慢，只懂由上而下的施政，以為自己想
出來一定最好，追得上時代步伐嗎？

＊－＊－＊－＊－＊－＊－＊－＊－＊－＊－＊－＊－＊－＊－＊





>>March 23, 2007 at 1:02:51 AM GMT+8

2007 年 3 月 21 日 星期三 【晴】

街站調去中午開，黃大仙地鐵站，梁生探訪完小學趕o黎撐場
呢區多長者，初時有o的驚反應冷淡，好彩反應比預期中理想

Rock第一次做義工，做乜全世界第一個感覺都係咁o架？唔知講乜好
跟車返office，好傷心呀，估中魚魚最先問我同Rock係咪有乜關係！
派返Group Project，意大利選舉改革研究竟然A-！事前邊估到咁掂？

>>March 21, 2007 at 11:33:53 PM GMT+8

2007 年 3 月 20 日 星期二 【晴】

Sit沈旭輝o既GPA 2345(國際政治)，今日搵來法輪功做guest
搞錯？Lecture完先有得聽法輪功，等唔到，半粒鐘就走o左

撲出銅鑼灣，梁家傑親自o黎嗌足全場，途人都拎起相機不停影相
所謂嗌咪，講冇兩句就同人合照，Ian + Thomas輪流做御用攝影師
走出去，搵坐定定o既途人搵簽名，今日精彩咯，成箱政綱清哂！
老師居然睇中我？如果時間許可都OK，反正遲早要習慣面對群眾

P.S.懶醒！唱通街話識我，連我都唔認得！



>>March 20, 2007 at 10:44:40 PM GMT+8

2007 年 3 月 19 日 星期一 【微冷】

早知訓晏o的，越o黎越唔想上2130，根本唔知王伯想點
完全冇o野同comparative politics有關，我會叫人唔好take

2145 present，似乎唔難其實最易俾人狂插：功能組別改革建議
多謝馬嶽問之餘打圓場，插我o地好容易，自己提方案又如何？
乜話？梁美芬係我o地師姐？政政咁多騎呢人？可能我都算騎呢
今次tuto證明一件事，功能組別冇可能改革，一次過剷鬼哂啦！

(談論30 + 1方案)
阿丁：如果真係曾憲梓、黃宜弘二揀一，我到時會撕爛張票喎！
馬嶽：撕票犯法o架
(下課後)
阿丁：唔撕得，咁我唯有o係佢o地個樣度一人cup個印喳喎……再唔係o係張票寫「X你」
Eric : 如果真係30 + 1方案，中總應該唔會篤IQ博士出o黎俾我o地X o既

＊－＊－＊－＊－＊－＊－＊－＊－＊－＊－＊－＊－＊－＊











>>March 20, 2007 at 1:03:55 AM GMT+8

2007 年 3 月 18 日 星期日 【晴】

晨早流流，返到深水埗先食早餐，然後補習，最後一次呈分試
補完即刻出去，出貨倉，office總動員遊行前o係銅鑼灣開街站

超旺，同魚魚機關槍式疊政綱都供不應求，唔介意忙，總比拍烏蠅好
擺o左個幾鐘街站，遊行開始即刻收檔，join公民黨隊伍，拎大banner
Apple從冇遊行經驗？咁就要體驗體驗喇，Robert兄自製橫額夠搶鏡！

有o的老朋友原來已經入o左公民黨，而我仲考慮緊，雖然多數會入黨
差佬又發咩神經？邊行邊重開行車線，搞到人車爭路，互相阻住對方
上到政府總部，同幾個老朋友打打招呼，社民連又想點呀？癲夠未？
送完梁生返吳靄儀chamber，過灣仔join Leo + Kenneth，8個鐘冇食o野

＊－＊－＊－＊－＊－＊－＊－＊－＊－＊－＊－＊－＊－＊－＊

有話直說　　　　　　　　　《社民連，你知唔知倒緊米？》

對社會民主連線一直以來的行事方式和言論不以為然，但只係做事方式不同，大家目標一致，
故此盡量避免對他們大力鞭撻，但今次實在忍唔到。三一八遊行後，社民連在政府總部集會時
的言行舉止，不禁令人想到，他們其實在倒米

遊行隊伍操上政府總部，例牌搞集會，各黨派組織機構輪流發言。李卓人欲發言時，老早拉隊
上台的社民連由李偉儀搶去咪，然後直斥當時坐在台下的梁家傑參與小圈子選舉可恥，把婦女
權益無法伸張都「入佢數」。李偉儀發言後，主持拿回咪，本以為風波平息，誰知今次到長毛
搶咪繼續責難，如果梁家傑參選令爭取民主的力量壯大，他尚可接受，但如今得區區數千人出
來遊行，遊行人數減少，梁家傑、公民黨和民主黨要負全責。最後當然唔少得毓民始終如一的
轟炸，然後才捨得拉隊下台，但台下一直傳出不在少數的噓聲

毓民做傳媒出身，社民連沒理由不知這種搶咪手法，當著一眾泛民支持者(唔理支持邊個黨)面
前如此嗌交會構成怎樣的新聞後果。不出所料，有線新聞報導遊行時，特地花15秒講述搶咪風
波的經過，相信翌日的喉舌報，都會針對性報導搶咪風波，甚麼「2012雙普選」、「有得揀先
至係老闆」、「反對小圈子選舉」，統統不重要，因為內訌永遠更有新聞價值

一直敬重和佩服長毛，但他今天的言論，總體上有欠公道，頂多只能同意他指梁家傑沒有把握
星期四電視直播競選論壇的機會，呼籲群眾上街，白白浪費全方位動員的大好機會。他說，今
天遊行人數未如理想，是梁家傑參與小圈子選舉的結果，他、公民黨和民主黨要為參選而令泛
民流失支持負全責。長毛犯上社會科學最最最基本的法則：兩件同時發生的事，不一定存在因
果關係(correlation =/= causation)！梁生參選，跟遊行人數下跌，同時發生，但是否前者導致後
者的出現？

反而覺得，民陣宣傳不足才是致命傷，因為很多人根本不知今天有遊行！這當然跟梁生沒有把
握直播辯論有關，但總不能由他一人負責吧？難聽講句，長毛這種講法根本係抽水，把罪名硬
塞到梁生身上。而且，長毛一方面說如果人數多，梁生參選尚可成理，另一方面社民連不斷動
員群眾上街，豈不是協助梁生製造認受性？

毓民講來講去都係，爭取民主不能退縮妥協，要抗爭到底，但他從來沒有說明「抗爭」即是做
甚麼！遊行、開網上電台就係抗爭手段，拒絕沾上污穢的泥巴，做個乾乾淨淨的政治人，甚麼
都做不到，但夠純潔，向支持者有所交代，自我感覺良好就過關？

毓民早前又諷刺公民黨之所以派人參選，不過想對外說明他們不是「反對派」，要抹掉「反對
派」的標籤，以身為「反對派」為恥。然後他自居社民連樂於做反對派甚至以身為反對派為無
上光榮。參選跟反對派有何衝突？西方民主社會，反對派存在目的是甚麼？將來上台執政！真
的不想如斯否定社民連，他們自稱「旗幟鮮明的反對派」，但觀乎他們的一舉一動，似乎想做
「永遠的反對派」，換句話說即係「壓力團體聯席」！

利益申報：小弟乃未有黨派之民主人士，現積極考慮加入公民黨，但重申對事不對人，歡迎回
　　　　　應，定當回覆

＊－＊－＊－＊－＊－＊－＊－＊－＊－＊－＊－＊－＊－＊－＊

英格蘭正選門將：


英格蘭副選門將：


>>March 19, 2007 at 12:20:19 PM GMT+8

2007 年 3 月 17 日 星期六 【暴雨】

暫定最後一日街站活動，柴灣地鐵站，公民黨傾巢而出助陣
幾個執委都撐場，當然唔少得最重要o個位，事前唔知佢o黎

「柴灣o既街坊朋友，我係特首選舉，1號候選人梁家傑！」

梁家傑在場o個20分鐘，途人主動走埋o黎，多人到幾乎疊唔切政綱
搞o左咁多次街站，最令我欣慰，首推游說反對者肯埋o黎投反對票

搬o野返中環倉，Jay把口臭到呢，由頭到腳，邊似o係HKU讀LLB？
上office，食吳靄儀送俾office o既超甜朱古力蛋糕，氣氛有o的唔同
競選辦人手唔夠，Apple打死都唔俾Jay將我拉去公民黨幫手，哈哈

>>March 17, 2007 at 11:44:26 PM GMT+8

2007 年 3 月 16 日 星期五 【炎熱】

K要做其他paper，自己獨力寫2145 present outline，唔緊要啦
上次Group Project佢做得多過我，今次我做多o的資料搜集囉

馬嶽：最緊要開波，唔使講咁多……(哄堂大笑)……唔係專登押韻o架

逸夫週會搵梁文道講讀書之道，6樓人Eric + 鳩乘乳 + 仁 + 康齊齊坐
CC送舊，湊熱鬧，Dr Lam約影相，同肥豪折騰一番，教堂門口影相
Eva咁癲，再俾香檳佢咪仲癲？o的香檳噴到射火箭炮咁，嘆為觀止
MaMaSoc派返上次o既quiz，唔錯，空槍都above mean，下次再進步



>>March 16, 2007 at 10:35:18 PM GMT+8

2007 年 3 月 15 日 星期四 【晴】

1040第二次參觀，東華文物館，o係旺角美心食早餐時遇見SY
文物館o係廣華醫院裡面，既講東華o既歷史，又溝埋文物保存

會記住東華職員Stella o既一留話：「有心去做，就會設法做到，而最終你會成功」

＊－＊－＊－＊－＊－＊－＊－＊－＊－＊－＊－＊－＊－＊－＊

有話直說　　　　　　　　《平分秋色》

相比兩星期前的交鋒，今晚的火花明顯較少(就算有，都係上次的延續)，一來曾蔭權上次輸得
難睇，今次一定有所調整，比上次放開懷抱(當然始終少不了打官腔)，二來梁家傑也沒有上次
那麼豁出去，因為大家對他有了期望，要盡量保住上回的水準，自然不妄求再來個全攻型

曾蔭權為官40年，那種「政務官的傲慢」，唔係想改就改到，一開波就打官腔，千方百計迴避
問題，每有刁鑽提問即含糊其辭，蒙混過關。假設性問題都唔答，仲有乜可以答？財政儲備方
面，兩套截然不同的公共理財邏輯，當然雞同鴨講，重點根本不在爭拗盡樣計算政府儲備，點
解唔係辯論政府收埋咁多錢做乜

曾蔭權始終有其顧忌，不敢把一切說得太死。方東昇問他，如果北京要求先立23條再普選，他
會不會照做。他當然不敢說不，但同時他又不敢一口say yes，因為他知道這是超級炸彈，只得
推搪不是好時機。相反，梁家傑只需重申不反對立法，只要條文不破壞法治與人權，曾蔭權是
絕對不能這樣說的，否則豈不是四年前之所以拉倒，因為條文破壞法治？

除了方東昇，鄭麗矜師姐(她是政政系畢業生)的問題也夠辣，叫二人互相評價。既不能吹捧對
方，更不能力數對方(得失觀眾)，所以問得好答得差，冇乜料到。總體上，都係第一回合可觀
性較高，今晚的較量，分不出明顯高低

>>March 16, 2007 at 12:28:46 AM GMT+8

2007 年 3 月 14 日 星期三 【晴】

UGD Tuto要俾comment，頹俾，呢個course由始至終都頹
聽日1040外出參觀，或者返唔切o黎上UGD，其實冇相干

馬嶽：當時東方太陽o既頭版貼o左大大張相，何俊仁同個女人o係間餐廳度，然後大大隻字寫住
　　　「何俊仁包二奶」，相信世界上得呢兩份報紙，可以咁樣報導而唔俾人告誹謗，因為背
　　　後有o的惡勢力撐腰，所以同學記住世途險惡呀

馬嶽：世界上如果得你一個地方用呢種制度，一係呢個制度好醒，醒到其他地方諗到，一係呢
　　　個制度好笨，冇人學你。如果一種制度推行o左20年都冇人抄，咁應該係呢個制度好笨

繼Group Project之後再同K合作present，要pre全球獨家o既制度
將功能組別由very unjust改成unjust，我越睇越有衝動鑽空子囉

＊－＊－＊－＊－＊－＊－＊－＊－＊－＊－＊－＊－＊－＊

我唔介意公開投票意向，雖然本身個安排已經幾乎等同記名投票

中大學生會幹事會：信任
中大學生報編輯委員會：信任
中大校園電台編輯委員會：信任

修改《中文大學學生會會章》：反對
罷免今屆幹事會「劍閣」：反對
社會科學院教務委員(學生代表)陳俊文：不信任

＊－＊－＊－＊－＊－＊－＊－＊－＊－＊－＊－＊－＊－＊

節目預告

八大電子傳媒聯辦－行政長官選舉論壇

日期：2007年3月15日(星期四)
時間：晚上8時正
出席者：兩名候選人均出席
　　　　兩營可各派50人入場，惟他們於論壇進行期間不得拍掌喧嘩
　　　　香港大學和嶺南大學民意研究部，會從曾經接受他們訪問的電話名單中，隨機各自抽
　　　　出百多名市民，屆時可入場和發問，不受「不得拍掌」之限制

＊－＊－＊－＊－＊－＊－＊－＊－＊－＊－＊－＊－＊－＊

《明報》
理大會計及金融學院副教授
林本利：儲備超標應全數退還

本財政年度將錄得550 億綜合盈餘，數字是原先估計的10 倍。若我們考慮過去政府在預算案發
表時，一向低估盈餘和高估赤字超過百億，以及政府將昨日賣地的收入延至下個財政年度才入
帳等因素，政府實際財政盈餘應接近700 億之多。

不少評論說唐司長「派糖」，為現任特首爭取「民望」。筆者對此卻不以為然，因為政府所說
的寬減和豁免，甚至退稅，其實全都是來自納稅人，全都是從他們身上取過來的，現在只不過
是物歸原主，或者減少「剝削」，市民又何須喜出望外呢？

事實上，政府在去年制訂預算案時，便早應提出減稅的方案，將薪俸稅稅率和稅階回復至02/03
年度的水平。只不過當時距離下屆特首選舉還有一段時間，故此有意留下多些「彈藥」到今年
預算案時才使用。結果市民被迫多繳稅款，還要等到明年初才獲得退還。

至於豁免兩季差餉，並不代表市民首兩季便毋須繳交任何款項。這是因為除了豁免額設有上限
外，全港大部分的業主，每季還需要繳交差餉估價3%的地租給政府。隨着物業市道轉好，不少
住宅及商業樓宇租值大幅上升，個別小業主及租戶的負擔可能有增無減，政府實際收入的損失
較估計為小。

今個財政年度完結時，政府財政儲備將超過3700 億，外匯基金現時累計盈餘亦超過5000 億，兩
者加起來接近9000 億。政府3700 億的財政儲備，是以現金收付制的會計方法計算，只計算政府
每年的現金收入和支出。倘若我們以應計制方式去計算政府綜合財政情况，那包括政府應收和
應付的帳項，以及政府擁有的資產和負債數字，政府的儲備在去年3 月時，已超過9100 億。數
字包括外匯基金儲備和已扣除公務員退休金準備。

梁家傑說9100 億以應計制計算因此，在3 月1 日的特首競選答問大會上，候選人之一的梁家傑
所指的9100 億儲備，正是以應計制計算的政府儲備。政府在03 年開始編制以應計制方式計算的
綜合財務報表，原因是有關帳項更能反映政府的資產負債情况。可能現任特首曾蔭權在03 年已
退任財政司長一職，故此才對9100 億的數字一知半解，甚至還以為梁家傑所指的是外匯儲備。

政府坐擁巨大的財政儲備及外匯基金累計盈餘，並且讓它們不斷累積，實在找不到什麼理據。
過去的財政司長說財政儲備（以現金收支制計算）是18 個月的政府開支便已足夠。後來當出現
赤字，儲備下降時，又說儲備是12 個月政府開支便足夠。

現在財政司長眼見財政儲備不斷上升，預計未來幾年更會上升至接近6000 億，便搬出國際貨幣
基金會的建議，說理想的儲備數目是本地生產總值的三成至五成。然而，倘若我們以應計制計
算儲備，或者把外匯基金累計盈餘加進財政儲備，政府現時已累積9000 億， 遠高於14000 多億
元本地生產總值的一半。不少先進國家的政府不但沒有儲備，甚至負債纍纍，亦沒有因此而影
響經濟。特區政府沒有必要繼續累積大量儲備，現時的儲備數目亦遠超過維持聯繫匯率穩定的
需要。

對政府官員來說，不斷積累儲備，只會讓他們有更大權力向個別行業提供補貼，將來不單地產
界、資訊科技業、旅遊業、漁農業和電影業會向政府尋求資助，其他行業亦會紛紛加入「尋
租」行列，把社會寶貴資源浪費在尋租活動上。

既然過去政府說財政儲備相等於12 個月政府支出便足夠，那麼以後每個財政年度，政府便應將
超出的盈餘「全數」退回給納稅人，而非到處派糖送禮，慷納稅人之慨，將市民辛苦賺來的金
錢用來換取選票和民意。

>>March 14, 2007 at 11:05:11 PM GMT+8

2007 年 3 月 13 日 星期二 【晴】

下次2130 present精彩咯，一次過pre兩篇，兩篇都水蛇春咁長
起碼要兩星期先睇得完，偏偏呢段時間仲有好多o野接踵而來

鰂魚涌地鐵站，以今日o既人流，唔應該只係得咁多，有時真係沮喪
沉住氣，唔好理佢o地，要嘈要吠，當聽唔到囉，不還口，更不還手

(回程途中，德輔道中)

Apple : 好o野，今日有330票
Jay : 呀，Eric手上仲有張白票
Eric : 應該係拎多o左，一齊放入箱
Apple : 間中都會咁喎
Eric : 放心，查唔到係邊個投o既
Jay : 識唔識掃指紋？
Eric : 依家張票有你有我有Apple o既指紋喎……330人都查唔到，800人點查？

上office，幫余余(跟隨office叫法)度中文稿，不斷同Jay o係小處斟酌
我又keep住貨倉鎖匙走喇，好彩今次o係入閘前一刻發現，走返轉頭

＊－＊－＊－＊－＊－＊－＊－＊－＊－＊－＊－＊－＊－＊－＊

有話直說　　　　　　　　　《三一八全民爭取雙普選大遊行》

硬膠部長李肇星話，如果曾蔭權當選，佢會好高興；我話，如果星期日在維園見到你，我會好
高興。我為何要上街，為何香港需要民主制度，現制度有何不好，實在講得太多，不想重複

梁家傑的立場非常清晰，2012雙普選，普選行政長官，普選所有立法會議員。曾蔭權呢？佢話
佢其實都希望盡快落實普選，但係社會未有共識，又話要仔細商討實行普選的方法，就係從來
唔講，佢會盡力令香港早日普選

行政長官行為香港的首長，理應是政治領袖，所謂政治領袖，係有主見，認為社會應該向他認
定的方向走，如遇阻力，則游說反對者，把共識凝聚到盡量接近自己的立場。戴卓爾夫人認定
私有地乃大英帝國當時唯一出路，縱使反對聲音強烈，亦要走下去，唯有合縱連橫，令更多人
接受保守黨的政策，斷唔會因為坊間冇共識，自己乜都唔做

曾蔭權絕對唔係政治領袖，佢根本冇主見，佢唔去凝聚共識，反而話我們未有共識！你真心想
早日普選，就唔該游說商界，游說左派，游說阿爺，游唔游說到一回事，你有冇心做係另一回
事。佢打工喳，哪有主見？老闆叫佢做乜就做乜，不過誰是老闆？誰有得揀，誰就是佢老闆！

特首又靠唔住，政府又靠唔住，我們可依靠的，就只有自己。我唔敢講，多人上街就有普選，
不過唔上街，仲可以做乜？

三一八，星期日，三時正，維園見，不見不散

>>March 13, 2007 at 11:58:52 PM GMT+8