2007 年 7 月 1 日 星期日 【晴】

為七一忙足一日，08:15出門口，去觀塘翠屏，幫Ricky派區報
第一次幫Rick落區，之後就上黨總部，未夠11:00已經搬緊o野

永亨大廈(黨總部所在建築物)3樓，搬貨中，lift門關閉

Eric: 呢度o的lift係咁o架，開太耐，佢會夾硬閂埋o架
阿諾：夾硬閂埋？我企o係門位佢都夾硬閂？
Eric: 唔知呀，搵隻豬試下囉

去天后幫新西落貨，去百德新街幫九西落貨，最後係舊三越o既九東
即刻跑返九西，青年公民終於開到檔！o係對面傑哥嗌咪之下吸引人

開波前o既九東街站


終於開到檔！






我o地係青年公民！


14:15即時撲返九東，將整個青年公民街站原封不動咁搬去九東旁邊
遊行就開始，擺檔賣o野，鎮店之寶係兩本新書，競選辦返o黎喇！

青年公民街站有人睇o架


型仔Simon叫賣，果然係零售業鉅子！


好耐冇見魚魚同老師喇！


樂樂經理，Ian始終唔肯入鏡


Sandy終於o黎到遊行喇！又有久違o既Catherine，兩個都仗義幫HRM
傑哥坐鎮為新書簽名，叫人o黎幫襯，公民黨需要各位財政支持呀！
Thomas + Aufei輪流嗌咪，銷情唔錯，要去鵝頸橋另一個站補充貨源
High到爬上路邊鐵欄，企高o黎嗌，叫賣叫到聲沙，Thomas都應該係



某支大軍壓境，即刻全部收哂聲停哂手，大嗌「黨友們放break喇」
知道佢o地係隊尾，即刻將所有物資pack箱，果然相當唔俾面佢o地
幾唔鍾意佢o地都好，不得不佩服佢o地o既組織力，教協都難以項背

返總部，數錢數書數物資，不過其實唔使咁多人做，o係總部好悠閒
坐到大部分人做完o野已經22:00，去返上次青年公民開會o個度宵夜
我究竟做錯乜o野？多記做乜咁針對我？青年公民做過乜，我唔知呀

>>July 2, 2007 at 4:26:09 PM GMT+8

2007 年 6 月 30 日 星期六 【乍寒還暖】

返工時間幫阿鳴派A45報，拎400份去樂富地鐵站，唔使50分鐘就派哂
同時，阿諾幫Thomas o係坪石派，返支部匯合，去鑽石山搵Simon飲茶

一條友去後面o既牛池灣村lunch，冇帶遮，突然傾盆大雨，呆坐一粒鐘等停雨
青年公民七一準備工作完成，好彩支部夠易拉架，發覺支部原來可以好開揚
聽日14:30前，青年公民銅鑼灣記利佐治街，開波後九東支部舊三越，唔入維園

>>July 1, 2007 at 11:07:43 AM GMT+8

2007 年 6 月 29 日 星期五 【微雨】

原價每本$88，我要割價轉售呀，二手價$60！


P.S.無愧於心，理直氣壯，挺起胸膛，盡o左力就冇o野要難過

＊－＊－＊－＊－＊－＊－＊－＊－＊－＊－＊－＊－＊－＊

《十年反思：我們得到甚麼？》

我不會全盤否認九七回歸的意義，始終英國之所以得到香港，是透過戰爭、不平等條約的手段
得來，總有一日要撤退(事實上，早於1956年英國在蘇伊士運河戰敗後，已著手放棄香港、新加
坡等遠東殖民地，只是中國不希望英國提早撤退，因為根據國際慣例，殖民者撤出殖民地後，
殖民地由當地人民「自決」)

回歸十週年，如雪片般飛來的一個又一個慶祝活動，政府、權貴們鋪天蓋地密集轟炸的宣傳攻
勢，像要令所有香港人本來不太相信都要相信今天的香港是何等歌舞昇平、百業興旺、機遇無
限……(下刪一萬字)。可是，越要煞有介事地粉飾太平，越令人感到不明所以，懷疑政府根本在
掩耳盜鈴，大灑金錢製造繁華假象，要我們忘記社會其他何等荒謬、何等不公義

高呼「擺脫殖民統治屈辱，回歸祖國懷抱，當家作主」，或者贏得一時「民族自豪」，但我們
正正要除掉這種「民族主義亢奮症候群」，好好反思我們十年來得到甚麼？

自欺欺人之流才會面不改容說我們正享受「前所未有的民主」，當年肥彭的政改方案未算很民
主，但肯定最少比現在的開放。港督雖然非民選，但倒不用凡事打長途電話到倫敦唐寧街10號
請示請示，而且港督都生於民主傳統悠久的英國，任職時專橫獨斷、用人唯親者少(他們根本不
認識香港的既得利益，既無親可唯，亦沒有誘因搞利益輸送)。相比之下，特首根本不值一哂，
有甚麼好自豪？

有人預言九七後，北京會出手打壓香港固有的自由，事實證明論者錯了：北京不用親自出手，
很多人已自動「識做」，犯不著北京「做醜人」！政府不用事先審批報刊才准許他們出版，因
為那些拿著人大政協等銜頭的傳媒老闆已「懂得」怎樣報導。我們仍可上街示威，不過隨時會
觸犯《公安條例》，警察可拘捕你，亦可不拘捕你，他們亦會對示威者提出大量「建議」

政府沒有派員「領導」法庭，小市民仍可跟政府對簿公堂，但政府可以要求法庭縮短原告人的
上訴期限，當然亦可恐怕商號倒閉造成多人失業，故此不作檢控。《基本法》寫清寫楚的，都
可能不算數，因為《基本法》除了條文，還有背後沒有出街的「指導思想」，當然不少得藏於
買少見少的草委腦袋裡的「立法原意」，我們理解「錯誤」，阿爺自會替我們「解釋」

十年來，政商各界不斷強調，我們要如何把握內地的機遇，跟內地搞經濟融合，彷彿要唯恐不
及把香港的命脈完全繫於內地；香港的經濟命脈越要取決於內地環境，香港就越沒有對著幹的
本錢，越要聽命於阿爺

十年來(尤其近幾年)，社會趨向單一化，越來越感到四處都充滿壓迫(或者壓迫一直存在，只是
見識越多，感受越深)，心理上喘不過氣。高度商業化，所有人都以同一方式向同一方向前進，
不能有其他道路嗎？不能走自己喜歡的路嗎？街上連鎖店越開越多，小本經營的小商戶生存空
間越來越小，這真的純粹是「市場競爭」的結果？設計、佈局、風格一式一樣的大型商場、巨
型豪宅如雨後春筍般豎在四處，反而勾起不少人回憶的舊建築、舊街道，因為要「跟發展取得
平衡」，相繼煙沒了

權貴不斷宣傳GDP、恆指、樓價怎樣狂升，市面怎樣欣欣向榮，他們有想過堅尼系數為何「屢
創新高」嗎？他們在海邊建數十層高的豪宅，過萬單位未有人入伙仍賺得盤滿砵滿，有想過屏
風樓背後的民居嗎？陳啟宗、胡應湘之流指摘香港人有仇商仇富心態，你們這些美籍「愛國」
商人，有好好反思你們為何如此面目可憎嗎？

十年，我們得到甚麼？有甚麼值得我們鋪天蓋地慶祝？SARS和七一給我最大感觸，兩者看似風
馬牛不相及，但同樣告訴我們，到了某些時刻，政府無能，我們無助，我們是完全可以靠自己
做點事出來的。香港人，往後的路怎樣走，始終要靠自己

＊－＊－＊－＊－＊－＊－＊－＊－＊－＊－＊－＊－＊－＊

被遺忘的歷史：1967年6月29日

繼罷工和罷課後，左派發動「第三罷」：為期四日的「聯合大罷市」

左派強調罷市是為了「維護中華民族的尊嚴……加倍反擊英帝國主義殘酷的民族壓迫」，堅稱罷
市即使影響自己生計，「民族大義當前，頭可斷，血可流，身家財產更不足恃」，亦在所不惜

罷市並非北京的計劃，但地方幹部的確對香港的罷市作出配合，一些內地輸港的禽畜已運抵香
港，但來貨單位突然把牲口運回內地，炎夏期間由得牠們在擁擠不堪的車廂渴死、餓死

面對左派罷市，港英當局為粉飾太平，在新界收買本地菜，屠宰未足斤兩的豬隻湊數，英文報
章亦盡量淡化罷市的衝擊，但罷市的確對香港民生構成直接衝擊，蔬果肉類價格都急升

可是，為期四日罷市未能達到左派所預期的效果，首先這違背了中共早於建國之切已強調「長
期打算，充份利用」的對港方針，而且罷市最直接損害低層市民(供應短缺導致價格上漲)和小
商販(沒有營業，沒有收入)的利益，弄得市民不便，亦有損市民對左派相對同情的態度，更多
人認為左派擾亂社會秩序

雖然中央以全國總工會的及義向鬥委會捐款2000萬，作為工人響應左派罷工的「慰勞金」，但
大量左派工人罷工後失業，要左派照顧，長貧難顧下，左派財政負擔加重之餘，左派工人生活
亦頓時陷入困境

中共建國以來，左派在香港積極拓展，於不少業務都分得可觀的市場佔有率，一場罷市令左派
平白把市場讓給港資和英資集團。罷工罷市未有出現左派預期全港癱瘓的效果，自己未鬥贏港
英已元氣大傷，因此一些非左派報章揶揄左派「欲罷不能」，商業電台播音員林彬更把自己的
節目定名為「欲罷不能」，極盡挖苦之能事

罷工、罷課、罷市只是中共港澳工委腦袋充滿極左思想，毫不考慮當前局勢和敵我實力對比，
盲目激進，部分鬥委會成員事後回想，亦認為左派發動罷工罷市並不明智

>>June 30, 2007 at 11:17:50 AM GMT+8

2007 年 6 月 28 日 星期四 【綿綿細雨】

因為要去麗晶幫Tommy，去唔到Alan新書發佈會，各位記得買另一本呀！

>>June 28, 2007 at 11:52:21 PM GMT+8

2007 年 6 月 27 日 星期三 【綿綿細雨】

晨咁早07:30返到支部，幫Thomas返工時間派七一單張
之後去視察地區工作，等阿諾o黎，繼續交帶intern工作

山上o既坪石公園




出中環，全體intern學員出中環派A45報，終於到o左最後一期
初時冇乜人拎，落起雨，就多o左兩手空空o既爭相伸手出o黎



Thomas + 細暉約哂全體intern去飲茶，中環茶樓真係貴得恐怖
天下爛gag一大膠，全世界都鬥gag，有人揭露年齡o既秘密…
返支部，黃昏幫阿鳴派樂富，今日唔錯，散貨散得比o尋日好

＊－＊－＊－＊－＊－＊－＊－＊－＊－＊－＊－＊－＊－＊

被遺忘的歷史：1967年6月27日

32間左派學校共超過2萬名學生罷課一天，以示支持左派早前發動的大罷工。其實早於6月初，
左派學生已自行成立學界鬥委會，警告如果港英當局「膽敢繼續與港九四百萬同胞為敵，膽敢
繼續鎮壓香港青少年學生的抗暴運動，那就必將受到迎頭痛擊，必將碰得頭破血流……讓全港九
同學高舉毛澤東思想偉大旗幟，手扣手，肩並肩，勇敢戰鬥，闖出一個紅彤彤的新天地」

其實除了左派學校，一些非左派學校以至傳統名校中，都有認同左派的學生各自成立鬥委會，
並在左派報章刊登啟事，最高峰曾有百多個鬥委會，官校都出現反英的大字報和傳單

甚至作為最高學府的香港大學都有學生支持左派的行動，在港大成立鬥委會，並秘密印發《新
港大》，跟學生會的《學苑》打對台，在校園和宿舍派發，內容主要是抨擊港英鎮壓群眾，並
批評港英推行「奴化教育」

打從反英抗暴之初，左派學校已是左派主要的動員對象，左派學校都安排學生參與反英示威，
但同時亦導致後來英方展開報復，大肆拘捕滋事份子時，一些左派學生亦無辜被抓，胡里胡塗
被判入獄。亦有些非左派學校學生自發在校內散佈反英思想，結果被抓被囚，左派藉機大造文
章，讚揚有關學生「醒覺」

>>June 28, 2007 at 12:07:32 AM GMT+8

2007 年 6 月 26 日 星期二 【微雨】

幫阿鳴派七一單張，又大聲公又易拉架又單張，一個人o係彩虹拎去樂富
o係去天馬苑o既小巴站等佢，軍裝 x 2 + CID x 1見到個大聲公，走埋o黎

軍裝一號：喂，你o係度做咩？
Eric: 等人o黎，然後嗌咪派單張
CID: 派咩啊？
Eric(拿出單張): 宣傳七一
軍裝二號：喂，唔俾用大聲公喎
Eric:我o地鋪鋪都係咁嗌啦，又見你鑊鑊都「趷」我o地？
CID(指住上面橫頭磡邨): 嘈到人o地投訴就唔好啦
Eric: 咁人o地投訴我o地咪收收囉
軍裝二號：得你一個
Eric: 等多個人o黎呀
軍裝一號：咩人啊？
Eric(拿出阿鳴易拉架): 呢個呀
CID: 唔好嘈喇，俾張身份證o黎登記啦
軍裝一號：喂，你真係唔好用大聲公呀
Eric: 都話人o地投訴我o地咪收囉
(登記完整，三人離開)
Eric(細細聲): 刁～～～

阿鳴趕到，搬返去星期六o既地鐵出口，佢嗌咪我派傳單，派派下落雨，勁狼狽
落雨，嗌咪都冇人在意，等到停雨，大聲公壞o左？今日真係黑到爆，齋派傳單

Re Rock : 所以我o地焗住入舖頭食貴o野，去唔返Thomas搞學聯o個陣成日去o個間大排檔

＊－＊－＊－＊－＊－＊－＊－＊－＊－＊－＊－＊－＊－＊－＊－＊－＊

《就跟警方「玩鋪勁」！》

或者警方睇死今年七一上街人數有限，故此才肆無忌憚向民陣施加大量無理的要求。經過公眾
集會及遊行上訴委員會的仲裁，警方要開放三條行車線(整條軒尼詩道西行線)給遊行人士，但
同時又規定遊行要提早於14:30開始(原定15:00)，四小時內結束(原定三小時)，否則警方會立即
中止遊行

重點根本不在遊行時限多少，警方憑甚麼規限不知多少人參與的遊行要於指定時間結束？03七
一和04七一都有數十萬人上街，記憶中小弟這兩年到19:00仍未越過銅鑼灣的奧運橋，警方何時
要我們立即離開馬路結束遊行？人少，警方自然敢踩到上心口

警方說，設時限是為免遊行持續太久，跟大球場舉行的回歸盃結束後離場的人群相遇，造成銅
鑼灣一齊「塞人」，亦方便警方之後在中環封路，應付晚上的煙花匯演。再者，為加快遊行速
度，要民陣不要讓長者帶領隊伍前進(屁話，難道長者殿後就不會拖慢？)，亦限制輪椅數目(如
果多輪椅人士和長者要求民主，難道趕走他們？這分明是殘疾歧視和年齡歧視)

特警成新官上任三把火，要擺擺官威，向民陣施下馬威。我們就跟警方「玩鋪勁」，看他怎耐
我們何？

招數一：化整為零

警方勉強有權禁止我們行馬路，可沒權禁止我們用行人路由銅鑼灣走到中環(我不喜歡乘車，這
是我的自由)，手持示威牌有何不可？這是我的隨身物品，有危害公眾安全嗎？到時造成行人路
人頭湧湧，可不要算到民陣的頭上，是警方迫我們上行人路！

招數二：「慢駛」

加利佬(要改名)本來就「跑得慢，唔夠快，冇速度」，可沒理由硬要他按洛賓的速度前進吧？
我行得慢唔係罪，警方怎樣迫我走快些？車輛在馬路故意慢駛，警察尚有權檢舉司機，我們行
得慢，犯了甚麼法？

當然，以上要建基於遊行具一定規模，各位爭氣吧，七一維園見！

>>June 27, 2007 at 9:04:20 AM GMT+8

2007 年 6 月 25 日 星期一 【晴】

日抖o係屋企做intern o野，黃昏去總部，青年公民會議傾工作進度
唔好咁o掛？應承o黎開會，最後全世界甩底，唔得閒咪一早講聲囉

>>June 25, 2007 at 11:25:09 PM GMT+8

2007 年 6 月 24 日 星期日 【酷熱】

中區保育之旅押後唔緊要，青年公民第二日就再有旺角街頭活動
Thomas + Philip + Eric o係九東邊睇星爺邊最後準備，首次用X架

咁o岩影到Thomas


旺角行人專區o係正「扑死你」門口，又漏o野，漏拎青年公民宣傳品！
而且X架超唔穩，大風o的都吹跌，扑親途人就唔好啦，已經幾次扑親人
Philip + Eric輪流嗌咪，反應麻麻，好彩可以聽晚開會檢討，週末再調整

擺檔擺到18:30，先拎o野返支部，再去又一城睇《老港正傳》，趕得切
有friend睇過，已經知道會skip文革skip六四，但總體上又唔算拍得好差
排隊買飛o個陣o係門口見到阿叻，散場又o係lobby見到青雲，確實精彩
睇完已經差不多22:00，想去南山邨o的大排檔食飯，閂哂？焗住入舖頭

＊－＊－＊－＊－＊－＊－＊－＊－＊－＊－＊－＊－＊－＊－＊－＊

生於1989年的年青人請留意：

請進入觀看詳情，方便的話，一併留下照片

＊－＊－＊－＊－＊－＊－＊－＊－＊－＊－＊－＊－＊－＊－＊－＊

Major Transfer (Weekly Review)

亨利(法國前鋒)　　　　　from阿仙奴　　　　to巴塞隆拿　　　1600萬鎊
泰亞高(葡萄牙中場)　　　from里昂　　　　　to祖雲達斯　　　1500萬歐元
魯爾加西亞(西班牙中場)　from奧沙辛拿　　　to馬德里體育會　1300萬歐元
伊亞昆達(意大利前鋒)　　from烏甸尼斯　　　to祖雲達斯　　　1100萬歐元
胡仙歷(黑山前鋒)　　　　from萊切　　　　　to羅馬　　　　　以750萬歐元買下餘下一半擁有權
基利亞雷拉(意大利前鋒)　from森多利亞　　　to烏甸尼斯　　　以750萬歐元購回全部擁有權
祖安(巴西後衛)　　　　　from利華古遜　　　to羅馬　　　　　630萬歐元
大衛比沙路(智利中場)　　from國際米蘭　　　to羅馬　　　　　以600萬歐元買下餘下一半擁有權
連干(巴西中場)　　　　　from史浩克04　　　to加拉塔沙雷　　500萬歐元
羅辛奴(捷克後衛)　　　　from巴黎聖日耳門　to紐卡素　　　　轉會費不詳
吉域(法國後衛)　　　　　from摩納哥　　　　to馬賽　　　　　轉會費不詳
巴沙列堤(意大利後衛)　　from祖雲達斯　　　to費倫天拿　　　轉會費不詳
羅拔高華(克羅地亞後衛)　from祖雲達斯　　　to多蒙特　　　　自由轉會
杜陀(克羅地亞後衛)　　　from祖雲達斯　　　to夏積　　　　　自由轉會
薛羅拔圖(巴西中場)　　　from山度士　　　　to拜仁慕尼黑　　自由轉會
格拿(澳洲中場)　　　　　from帕爾馬　　　　to拖連奴　　　　自由轉會
史達拿(瑞士前鋒)　　　　from史特加　　　　to巴素爾　　　　自由轉會
哥連尼(意大利中場)　　　from巴勒莫　　　　to拖連奴　　　　自由轉會
艾卡高利(摩洛哥後衛)　　from查爾頓　　　　to卡塔爾體育會　自由轉會
基斯普(阿根廷前鋒)　　　from車路士　　　　to國際米蘭　　　續借
卡遜(英格蘭門將)　　　　from查爾頓　　　　to利物浦　　　　外借回歸

＊－＊－＊－＊－＊－＊－＊－＊－＊－＊－＊－＊－＊－＊－＊－＊

被遺忘的歷史：1967年6月24日

左派在政府和英資機構發動罷工未如理想，但鬥委會仍然決定把抗爭行動再度升級，發起全港
規模的「聯合大罷工」。左派交通、海運、船塢、倉庫、紡織等共26個行業響應大罷工，左派
報章稱行動「進一步把反英抗暴鬥爭推上了一個新高潮」

罷工浪潮當中，公共交通影響較大。罷工第一日，九巴和中巴只能維持原來一半的服務，油麻
地小輪亦只能有限度行駛，6月25日公共交通逐步回復正常，但九龍區巴士服務到晚上8時就要
結束，港島亦只能到11時，期間政府要安排大卡車接載公務員上班

巴士服務幾近癱瘓，私家車和小型客貨車乘機填補「市場空缺」，警方在非常時期「隻眼開隻
眼閉」。政府有感過往太依賴巴士作為陸上交通工具，1969年宣佈向小巴發牌，成為另一種主
要的交通工具

>>June 25, 2007 at 2:12:22 AM GMT+8

2007 年 6 月 23 日 星期六 【酷熱】



落區宣傳七一，九東支部o係樂富、鑽石山開街站，點解始終冇觀塘？
去樂富幫Thomas + 阿鳴，阿諾就去鑽石山幫Tommy + 黑超型男Simon兄
物流永遠都係落區o既難題，仲要中途折返拎檯，咁多物資真係幾不便

樂富反應一般，支部分配o個箱1000張都唔使開，有時真係派到好沮喪
如果議員肯企耐o的嗌咪，吸引人流，或者唔使咁冷清，或者要再落區
原定十二至六，一來太熱，二來派到冇哂心機，16:00已經收檔返支部

P.S.這個暑假真精彩，日日都有o野關公民黨事！

>>June 23, 2007 at 11:41:33 PM GMT+8

2007 年 6 月 22 日 星期五 【晴】

聽日泛民會總動員宣傳七一，下午返總部拎分配俾支部o既物資
秘書處算幾好人，分配2500張七一單張俾九東，聽日開兩個站

>>June 22, 2007 at 10:44:49 PM GMT+8