2006 年 7 月 19 日 星期三 【晴】

今日睇discovery channel又睇到d搞笑野，原來新加坡有批人專門去睇下d公共廁所，
睇下佢地乾唔乾淨，仲會頒獎俾個個廁所既公司同埋負責清潔個個。（仲有d係主題廁所=o=）
之後仲睇到新加坡有個人，佢係doctor of love，幫d人解答d性問題，
幫人check下d精子有無問題，原來有d兩個頭，兩條尾既精子，
個doctor叫個d做monster sperm，仲睇到新加坡既國慶，真係好精彩。

之後去左打羽毛波，都好耐無運動喇，不過打完隻手就好酸軟～ｏ～。

>>July 21, 2006 at 5:11:03 PM GMT+8

2006 年 7 月 17 日 星期一 【晴】

今日睇discovery channel先知原來香港都有要成億先買到既樓，真係＝．＝
但係加多d錢就買個城堡都得，真係更加＝．＝

決定左要去書展買返一兩本書返黎睇下先得。

>>July 18, 2006 at 2:14:04 PM GMT+8

2006 年 7 月 16 日 星期日 【晴】

岩岩睇新聞，見到今年書展個坐談會好似請查先生黎講野（查良鏞先生，即金庸），
有d心動想去tim，記得睇《破惘》既時候，有一篇是有查先生份的，不過只係透過電話，
而個集既錄音就dl唔到，真係有點兒失望。

查良鏞（《明報》創辦人，小說家，牛津大學客座院士，北京大學榮譽教授）

我發覺pccw送俾我既只係免費聽歌聽一個月，可惜我只係想睇，唔係想聽。

上左《明報》李天命網上思考到睇相，真係每張都好正，quote兩張俾大家睇下。




正唔正呀？

>>July 17, 2006 at 5:14:31 PM GMT+8

2006 年 7 月 15 日 星期六 【雨】

今日一早就要起身，無法子，在其位要謀其事，所以只好一早就起身。

食完個早餐就開始我既鐵路遊，首先係搭輕鐵，係輕鐵到，我見到一個人，
佢俾左我一種似曾相識既感覺（睇黎揀張學友首似曾相識係好岩既），
同一個人好相似，不過都只係表面俾我既感覺，其他地方咁咪都係咁相似，
我諗我暫時係無法得知，將來知唔知，就要將來先知。

去到天死圍（天水圍）就轉乘西鐵，進行歸西狀態。好安詳咁到達南昌再轉乘地車（地鐵），
今日真係乜線都搭齊晒，首先搭東涌線去到中環，然後搭港島去北角，
再轉乘將軍澳線，去到坑口，我都比法定時間遲左11分鐘先到達，遲左少少。

咁第一時間就緊係點下名先，最後要成11:30先齊人，遲左30分鐘，之後就搭的士上去。
今次大使就無黎到，又係個個吳生教，個頭鏟起晒兩邊既，佢仲記得我，
最後見佢個次都差唔多成年路喎。

去到，係一個貨櫃黎既，以一個地盤既世界裡面，e個貨櫃係一個仙景黎囉，
因為有冷氣．．．．
今次佢教既野同上年我係火炭到學既都無乜分別，分別就係我再唔係俾錢去學個個囉，
當然都聽下，溫故知新丫嗎！最後搞到三點鐘先完，之後就返落去。

落到去，咁我見無乜野做就旺角行一轉，所以就搭埋觀塘線落旺角，
最後都唔知做左d乜，都無乜野好睇，或者e個世界無乜野係我想睇，所以先搞成咁，
之後就返去美孚搭車，因為我唔知架旺角去南昌個架車係邊搭，所以就搭埋荃灣線，
搞到乜線都搭齊晒。

播曲：咁有個trainee同我搭一齊搭觀塘線，其實我地唔岩咀型，不過又唔可以唔睬佢，
所以我就係搵唔到乜野講既情況下去應佢，佢其實想做既野就係話我知：我返到工架，
叫我返工啦，我得架喇。用e三句應該可以概括到佢想表達既訊息，我睬你都傻既，
加上叫邊個返工唔係我話事架啦，仲有你好似係最遲個個喎。

後記１：迪士尼個邊搞唔掂喇，原來benny e家玩閉門一家親，benny老婆都係蛇頭，
之所謂肥水不流別人田，睇黎可以返去既機會係微上加微囉，
睇黎無得同大家一齊故地重遊喇．．．嗚嗚嗚

後記２：今日見到好多唔係猛龍唔過江，唔係豬排唔化妝既人，成條街都係。

後記３：阿傑介紹黎個個人好似幾醒下，學野都幾快，好快就玩熟左對分羮，
而且之前返過帝京既buffet，即係手盤應該好得架啦，睇黎係一個可做之才。

後記４：今日又學多一樣野
知之者不如好之者，好之者不如樂之者　　出自《論語》
人只有三種欲望
一、須有而且需要追求（樂之者）
二、須有但不需要追求（好之者）
三、不須有而且不需要追求（知之者）

>>July 16, 2006 at 5:55:46 PM GMT+8

2006 年 7 月 14 日 星期五 【雨】

今日做一樣自己好耐無做既野，就係返工，不知不覺都放左兩個禮拜大假，
都係時候要活動下，賺d洗費黎用下。

今日一返到去換衫就見到肥ken，佢好疑惑咁望住我，咁我見佢咁疑惑咪叫下佢囉，
佢應完我之後就問我：你返到工喇？
我就好理直氣壯再加埋平時我笑住咁對人的態度咁回佢：係呀！iven哥叫我返工呀！
之後佢都無咩野可以講喇，換完衫出去簽名，食完個飯就開波做野。

今日要做既野好麻煩，三個人做三枱，sideboard河，加上同兩個中下手一齊
，所以個效果好差，仲要gary黎幫手，真係．．．．唉～
而且係中途我都俾winfierdＸ左我一次，事關佢唔中意我分餸，咁我唯有就佢啦，只係做派碟。

總括黎講，今日好失敗，大家毫無默契，幾時做乜野都唔知咁，碟又攞兩次，
碗有扲，但係就唔扲羮，搞到又要行多轉，浪費晒寶貴既光音。

返到黎，超大雨，又帶遮都無用，d風大到可以吹郁我咁滯，無奈＝ｏ＝

今日同四季明一齊返，有段小插曲，幾好笑．．．
初時話說四季明跟人扲定d家私出黎，其實我知道咁係唔得，但係我都唔知佢咁做，
所以幫唔到佢，之後佢俾gary發現左，所以就屌佢，咁我見四季明好似好唔順咁，
之後gary話：你唔服氣就出聲，你咁既樣，我今晚一定啄住你！
點知之後四季明好似打爛紅酒，gary竟然幫佢搞掂喎，明明話啄住佢，但係又幫佢＝．＝

今日有個客無啦啦訓低左係地下到，我諗佢一定係飲酒飲到出晒命，搞成咁啦，傻架。

>>July 15, 2006 at 6:22:39 PM GMT+8

2006 年 7 月 13 日 星期四 【晴】

寫．我寫的
　
<似曾相識>

十二月快到了，天氣又涼多了，近來好嗎？已有半年沒有刻意在街上捕捉你的身影．．．
但這一晚，單獨在計程車上，看到驅著白色車子的人很像你，
起勁地靠近窗子，希望可以看清楚一點，但是始終看不到那張臉，
忽然冒起無名的失落感，但總比思念輕鬆得多。

你的一位朋友每年總會在街上遇見一次，反而跟你再難相遇了。
雖然相識前曾在街上遇見，但相識後沒有此緣份，就是因為你我本是陌生人吧。
若有機會重逢，請不要作陌路人，或許我早已表露高興的神色跟你打招呼，
問問你的近況？祖母最近好嗎？

因為每次身體受傷也連接了跟你分開時的不快心情，
痛～之前剛好用了年半的時間才能將你淡忘，雖然傷勢仍未痊癒，
但已經停止了無時無刻也想起你的心情，太好了～

算命先生說我最少有七十八歲命，若用兩年多的時間將你放在心上，也不是太浪費吧。

就是這一晚想起了你，但誰又會想起了我呢？

轉自《明報》李天命網上思考─文學、音樂、藝術討論區

一篇覺得挺有感情的文章，跟大家一同分享。

搵返首張學友既似曾相識黎應下景

似曾相識

女聲:何如惠 曲:周治平 詞:娃娃
似曾相識
一樣溫柔的眼眸
一樣熟悉的臉龐
彷彿你回到身旁
似曾相識
一段迷離的過往
一點難忘的心傷
越過時光的阻擋
前塵舊事猶如夢一場
雲煙裡聚散一些迷惘
凝望著你
而我的深情只有沈默
縱然回首我只能裝作冷漠
怎能遺忘
但我的寂寞不是路過
陌生的你我只能擦肩而過
似曾相識
偶然一張相似的臉龐
只有陌生眼光



>>July 14, 2006 at 3:17:14 PM GMT+8

2006 年 7 月 13 日 星期四 【晴】

考試成績，太差了吧！
Average mark(year 1) = 65.20588235
Average mark(year 2) = 55.36666667
Average mark(year 1&2) = 58.64641



>>July 14, 2006 at 7:33:25 AM GMT+8

2006 年 7 月 12 日 星期三 【晴】

以前就早午晚三餐，但係e家就將早餐提前左好多食，平時食開八點至十點，
不過e家就去左兩點至三點。

今日打左俾班trainee，真係乜野人都有，無表達能力既又有，好似應份叫佢既又有，
由無禮貌變有禮貌既又有，唉～

睇黎係時候俾個腦郁返喇，要諗下野先得，唔打咁多，去煮野食先。

>>July 13, 2006 at 5:06:36 PM GMT+8

2006 年 7 月 10 日 星期一 【晴】

最近得閒，所以係夜晚就睇下神雕俠侶，e本書應該係我繼射雕英雄傳之後，
最熟既金庸作品，雖然自己由細到大都無睇過金庸既書，但係因為電視做左咁多次，
而且又打多咁多金庸既game，所以唔多唔少都識。

其實成套神雕既流程我都講到出黎，所以都係睇下今次既拍攝手法同埋演繹手法點樣，
諗諗下楊過好似係金庸作品裡面識最多武功既角色。
最犀利既主角應該都係楊過，但係最犀利既角色一定係東方不敗。

大家睇下自己個道德觀念有無矛盾，再睇下自己係咪道德相同主義既人。

Click here to open in new window


>>July 11, 2006 at 1:59:57 PM GMT+8

2006 年 7 月 8 日 星期六 【晴】

今日約左tony線的師兄弟出去食飯睇波，約就約左七點半，但係因為最近掛住睇海賊王，
所以最後八點先去到，真係有點兒唔係咁好意思。

今次去返兆萬既壽司店食，食到十點幾，飽到好辛苦，係過程裡面到提返起迪士尼banny，
條友真係好搞鬼，我記得佢講過既野我都有記起日記到，係上年九月既事，
大家可以自己搵返黎睇下。

之後去飲酒，玩大話骰，雖然我唔係好識講大話，但係就唔洗點飲，所以唯有自己偷飲，
輸得最多應該係阿健，咁玩到十二點，昊時都到左，
但係我同阿諾就差唔多時候去帝京個邊飲飲食食，所以玩左幾次就閃人。

去到個邊其實無乜野好做，都係我同阿諾係到吹下水，飲燈汁，食就無喇，因為好飽。
咁差唔多開波個陣，我地就返返去，返到去先知阿健係我地走個陣，原來已經被我地隊死左，
返去其實無乜點玩，因為已經開波，自己飲下就算。

踢完上半隊，１：１平手，諗住法國贏緊，下半隊好快就有結果，
咁睇到七十幾分鐘就返返去帝京個邊，去到都八十幾分鐘，但係仲係１：１，
而且一直維持下去，打埋加時都仲係咁，要踢十二碼，睇住法國點樣輸，真係有點兒無奈。

睇完之後就返返去阿健個邊，一齊搭車走人，又係搭個架車，又係要一個鐘先返到屋企，
今日飲左好多酒，所以返去就訓，唔搞其他野。

>>July 11, 2006 at 9:04:32 AM GMT+8