2005 年 11 月 11 日 星期五 【晴】

本身不是很想打日記的，不過見無聊就打吧。
昨晚去了那個ｂｂｑ，都不知是什麼問題，燒什麼都很難才熟，加上那些炭好像有問題，
後期燒好的食物都黑黑地，所以都沒吃過什麼。在看完阿旺新傳後，我們都閃人了。
回到家中都很晚了，十一點多，再搞下依樣，搞下個樣，兩點半才去睡。

今天九點半鐘，收到一個morning call，是誰那麼早打過來呢？一看之下原來是keith，
一早吵醒我，我已怒髮衝冠，不過最後我按捺著我的怒氣，收到原來分區是一點鐘進行，
之後就掛線了，本身可以繼續我的休養工作，可惜被樓下的條路工程吵著，
使我輾轉反側，不能安然入睡，最後在十一點半鐘起床。
梳洗和用完早點後，都差不多出發去舊堂，原先keith說一同乘車去的，
但俾最惡頂的daisy搞破了，所以只好隻身付會，當我去到後，原來人差不多齊了，
不過今次挺少人的，之後就開餐了，不過今天食慾不振，一定是被keith吵醒了，
所以威力大減，只達到平常威力的65%左右。
今次的身物有咖哩雞、有個好像是老水雞、一個洋蔥意粉、三明治和菠蘿腸，
除了那個老水雞和意粉外，我都懂得如何弄，而且我不見得daisy和judy弄得好吃過我(吹水啫)，
還有一個最好吃的蛋糕，是一位不怎麼發言的弟兄做的，用過什膳後就玩遊戲，
不過遊戲不怎樣好玩，還有那個弱智速龍，好在我有腳傷才可免除參與。

接著就到祈禱與分享時間，原來大家都不太喜歡面對問題，問題的確會使人產發煩惱和壓力，
不過當解決問題後，自已就可以得到成長和寶貴的經驗，不過當遇到自己從未遇過的問題，
我都會有迷失的時候，不過只是一會兒，那時我會遇朋友商討，使自己可以聽取更多的意見，
作出最好的決定。
而且我本身不喜歡逃避，因為問題不解決，反而會使人分量見愁，如果真的很難解決，
就等待自己最冷靜的時候先解決，所謂的等不是真的只是等，而是迫自己進入這個狀態。
之後智揚講完分享和帶完祈禱後，就結束今天的分區，而大家就四散了。
keith跟daisy、judy她們去許留山，而我就和naomi、wendy去買東西，她們去了買耳環，
不過是夾和磁石的，不去也不知原來大頭沒有穿身孔，今次去到學到了東西，
原來所有這些銀器、金器都會有記號以作識別，純銀是925，合金是750，金是999，
她們在店裡擾攘一番後就滿載而歸，而我也看穿了大頭原來將最貴的show出來，
將那些cheap cheap的就長在不起眼的地方，例如耳朵，然後偶然約現一下，
其他人就以為那都是真野來，原來已經被騙了，而且她身上所有的貴野都不是自己買的，
全都是親朋戚友送的。
而wendy就更好笑，因為那個老闆說她的是粗豪野，即是比較中性，
她自己說遲點學會結他就更加粗豪，我就馬上"隊"她，連OL都女性過你，
她心心不忿的說：咩呀！我回一句OL係lady，你呢？你係wendy咋，大頭就係一邊到笑，
而wendy就當然唔笑都唔得啦，而最後我補回一句：講下笑啫！wendy就說自己好認真的。
最後wendy都買了一個十字架，然後就閃人了。

我地就步行至朗平西鐵站，順路可送wendy搭車，我和大頭就買了一支涼茶，
在步行時，她們竟然問我女朋友，還問我的擇偶條件，我回wendy一句，
如果你可以知道自己鐘意想要怎樣的男朋友，你好厲害！她馬上兜話大概啫，
那我就說不要那麼煩的，大頭馬上說阿霏，不過阿霏好像極端了一點，是極端地靜。
然後我說有些人識對方很久，也不知對方是怎麼樣的人，而我是識人很短，
就知對方是一個怎樣的人，他們就問我她們是怎樣的，然後我就直接說了。
(說了什麼就不記了，想知道她們是怎樣，就自己去認識，慢慢地了解他們。)
在說她們時，她們都不斷的笑，不知是不是全對了呢？不過應該不會錯的了，
因為即使沒見過面，只是在網絡上交談，在短短一個星期，我就知道對方是一個怎麼樣的人，
在說到OL時，車就來了，wendy就上車了，得返我同大頭，我們就互相認識一下，
直至她到站，而我就自己孤身一人行最後的那段路。

>>November 13, 2005 at 7:52:00 AM GMT+8

2005 年 10 月 27 日 星期四 【晴】

B law測驗 X 眾人生日的一天
今日是測business law的日子，初時我懷著既恐懼又興奮的心情，
因為今天也是大頭、keith和pako的生日，已經相約好於測驗完後一同遊歷，
不過最美中不足的地方就是在這種大日子裡，竟然被一個測驗破壞了。

昨晚由九點鐘開始溫書，直至十二時才休息，在短短的三個小時裡，我出盡渾身解數，
把我多年內的功力都用在這身上，不過好可惜，我也不是很純熟，而已第三課也沒怎樣溫過，
不過為左個身体，我無得揀，我去了睡覺。

一覺醒來，用過早膳，就要孤身上路，隻身付會，雖然我已抱了必敗之心，
不過在一步一步邁向身神的旅途上，我也有將自己的火力增強，免得慘敗。
在這個忐忑的心情下，我終於到達了死神的大門，當我上到死神房間的門前，
我看到我的戰友，在他們歡欣的面容下，我知道他們的信心是何等之高，
只得我一人獨自傷卑，有誰可以救我！時間到了，戰爭的號角吹響了，
在明日之後的氣氛下，我心很寒，翻開試題，這一刻，身邊看到振翅那飛鳥，
無懼怕，高飛去發出光輝，長夜在那方照耀，雖然勝利的曙光展現了，
但我好像無法走到那曙光的懷抱裡，我看著左方的戰友，她氣勢如虹，
紙上發出的光芒，使我不敢直望，作戰到了最後的十五分鐘了，我心已死，
看著左方的戰友，她帶著勝利的旗幟離開死神的房間，但我只是無能為力的投降而已。

我們一行四人等待還在挑戰死神的兩名戰友，就出發去會見那個寶齡，
因為不知為何要接見我們，所以我們都有點無奈的感覺。到達了，感覺到有點殺氣，
當她開聲後，從她的語氣和說話中已漸漸帶出主題，原來是來指責我們，
但我們仍然保持我們一向的作風就是處之泰然，初時她是好言相向的，態度都是普通而已，
但當她問完一條問題「你地知唔知e個program的原因係乜野？」，初時是問keith的，
但keith說：「我比你解釋下」，她就轉向問領導人大頭，大頭經過一番暢論後，
輕而易舉就解答了這問題，真不愧為領導人，但那個寶齡馬上轉向keith說：
「點解人地知，而你唔知丫，你要檢討下。」，keith就沉不住氣，馬上回一句：
「我無話唔知呀！」，寶齡的態度馬上急升為惡劣，
之後她就開始了解我們作為學長有沒有什麼問題，其實她是想找位作出指責，
不過我們真的沒有問題，所以她的計劃都不成功，不過十分好笑的事就發生了，
OL今次很利害，對她的問題回答得很好，又說自己願意陪伴她的學妹學弟去那個活動，
即使去多了也不介意，那個寶齡還對她稱讚有加，不過最尾OL那句才最好笑，
就是根本就報名不成功，還說到自己多麼利害，根本就是在吹水過關，但最後又被她成功，
真係天無眼。之後到阿諾，他就反映活動根本就不足夠那麼多學弟學妹去參加，
但那個寶齡就說活動有一個是沒有人報名，而取消了是次活動，而且沒有人表示不滿意活動，
阿諾就說敢怒不敢言，而我就說行動反映一齊，寶齡又說所以馬上改變了方針，
轉換為另類活動，之後都在一個不是太良好的氣氛進行交談，最後她當然戰敗了，
她只好作出讓步，而事後我們就跟以前的那個miss，她也是這次活動的重要官員，
經過一番長時間的交涉後，最後她會向中央上報我們的建議，就結束今次高峰會。

終於到了今天最重要的事情了，就是我們的玩樂時間，先是在門外接了gosh，
雖然不知什麼時候相約他的，又在建生接應阿霏，就到兆康會合大頭仔，就出發至大埔。
在車上一番高談闊論，在愉快的氣氛下，終於到了目的地。首先就是享用我們的午膳，
不過OL真的是成日都成事不足，安排得太差了，搞到我們走來走去，走了個大圈子，
最後到了豆漿大王，在點菜時，還在苦惱吃什麼才好，竟然被阿諾看到一個雙雞脾飯，
那個時候在不用思考的情況下就決定了這是不二之選，是次的午餐都挺飽的，
之後就去觀看今晚的扒王buffet有什麼食物，過目後都還可以的，
不過竟然發覺個價位是絕對不用考慮，馬上尋找過另一間，最後看中了明星的打邊爐任食，
個價位都可以接受，不過明星屯門也有，為什麼要來大埔？真是無奈！

到了今天其中一個重頭戲，就是去踩單車，不過當在前行的途中，發現我們的糧水不足，
去了驛站補給，我先去了跟阿諾一同替八達通增值，然後過回那邊箱補給食水，
還在苦惱那些最超值時，keith看到十蚊三支1.5公升的，正好keith、阿諾跟我三人一人一支，
這個真的是最好的安排。之後我們就前行至車站等候公車，等了一會兒，車到了，
經過十多分鐘的車程後，終於到步了，我們經過一番商討後，決定二輛大車三輛細車，
keith、阿諾和我去選好自己的坐架後就出發了，不過始終有6、7年沒踩過，
所以有有一點兒恐懼，不過很快就上手了，踩完那條長命斜後，到了大直路，
馬上跟大頭她們換回大車，我們三個就上去，不過因為我腳踩起上來不是那麼舒適，
所以我就坐車頭，初時以為是一個最好的位置，因為車頭是不用踩的，怎料是惡夢的開始。
初時都很好的，不過看到前面有一個泊位，阿諾和keith不減速都算了，點知仲要加速，
在過那個泊位的時候，連我都彈了起來，雖然不高，但感覺都幾驚險的，已經落下來的時候，
撞到身体都挺痛的，就這個我彈足了全程，我想有十多個泊位吧！keith有時還扭軑，
搞到我整個人都則了一則，好辛苦地熬過了全程。這次換keith坐前頭，他只玩了幾次，
就感受到我剛剛那種感覺，最恐怖的地方就是差不多到但還未到那時，
那個忐忑不安的感覺就最難受，不過玩了幾次後，大頭就來了，今次換了大頭在前面，
又是玩了幾次後，就有單人車來了，因為這個玩厭了，所以就轉玩單打，
在踩到一半左右，看到keith跟阿霏，我就加盟了，不過我就要用雙手扶穩單車，
又要踩隻人車，所以速度不能快，不然單人車會失控，這程因為不能快，所以用了超多時間，
回到起點後，又是自打時間，不要當踩了不久後，不運之事發生了，
就是因為我是停了前邊的那個輪，而且衝力太強，身体被拋出，在空中翻騰三周半落地，
應該好成功地拿完美十分，不過因為落地不成功，我的十分成了泡影，而且還受傷了，
是嚴重擦傷，我隻身繼續踩回去，最後要keith和大頭兩人送我到救護車那邊，
不過當去到時，車已走了，不過好在還有警察叔叔在這裡，幫我消毒，
他說消毒預防傷口掂到ｄ雀仔屎而中了禽流感，我不想做香港今年首宗禽流感個案的主角呀，
我馬上說：「咁快ｄ喇！」，但因為他沒有大塊膠布在手，所以就會紗布，不過就包得不穩，
很容易就鬆脫下來。之後還一直踩下去，我還和gosh鬥車，他最後當然過不了我，哈哈！
去到還想挑戰阿諾和大頭仔，可惜不幸的事發生了，就是我輛坐架爆了胎，
真係出師未捷身先死，長使英雄淚滿襟，最後因為我傷重，由keith自打送我回去。
回到去都很晚了，大家都在四周打轉而已，最後大家拍照完後就回程了。
再差不多到還車的地方那裡，大頭也炒車了，不過她就問題不大，
今天她很成功地搶了我的兩個lv，但因跌了一交，跌走了一個，我們整体戰鬥力下降了，
到步後，初時以為那個人發現不到爆了胎，但最後都被他捷停了，只怪公車來遲了！

2005 年 10 月 11 日 星期二 【晴】

大頭迫我寫日記ｘ318睇相ｘe-skill"隊"死人
今天早早就要很床上學去，但因為昨晚很夜才睡，個種感覺真係難受！

到了學校，又是熊貓的堂，又是不知有什麼可以做，我都不明白究竟這一科有什麼用，
除了增加了我的課外知識外，我覺得是一無是處，好辛苦地熬過了這一堂後，
就到最攪笑的wilson表演的時間，在他準備的時候，我去了茅廁先放下不必要的東西，
進來後不夠就有好笑的事情發生了，他說自己不想說一些比較俗氣的說話，但不說又忍不住，
我已經對住keith笑了起來，到阿諾拿完書回來後，他又再說了一次，今堂上半部都挺留心的，
但到了後半部又跟阿諾一起聊上班的好笑事，次次都是提起那個benny，因為實在太強了，
是一個全職的攪笑高手，他的那句back of the house、食飯定炒散、師兄炒過散未，
再加上阿諾轉述最新的那句”做咩野呀！仲有十四分鐘呀”，真是何時想起都那麼好笑，
之後又說起紅極一時的蠱惑仔，現在想起才知裡面原來有很多東東是十分好用的，
keith一定要dl回來看，回味完後再將內裡的好笑的說話活學活用。

在笑聲中渡過了taxation這堂，之後阿諾去了上account，而我們一行五人就到318跑鐘，
因為之前去了電腦室print東東，雖然最後不成功，不過就遲了去318，而大頭就叫上友人，
初時玩急口令的，但之後就去自帖區，好笑的時刻到了，就是大頭看到他人的照片，
不讚都算了，還不斷彈劾，她真是壞極了，她還想回些”你在做什麼”、
”為什麼連你也會有分加”之類的說話，不過我教她這都不夠狠，
該回”好在我還未用膳”、”好在是早上看到這照片，不然一定發惡夢”，這類的才夠狠，
之後她看到我發了我們上去，不過他們當然被打了馬賽克，跟住差不多是時候去用膳了，
還相討到pizza hut吃的，因為大頭有coupons，當我們盛意拳拳，士氣高脹，
一心要殺去pizza hut，怎料當到達時，經過計算，即是有coupons，到頭來都是虧多過賺的，
所以最後決定去鋸扒了，今天早上我吃了很少東東，所以已經餓得很了，
不過天真的待我不薄，因為今天大頭熱氣過盛，所以嘴發炎了，她還要坐我對面，
所以註定她的食物要落在我肚裡了，雖然我也很熱氣，嘴裡也有多處發炎，
不過我早已練成神功，所以這些小問題，我根本不把它看成問題，
最後我成功吃下大頭一半的午膳，不過她真得痛得十分利害，連只會笑的大頭都會憔悴。

一天的重頭戲到了，就是上e-skill，今天在堂上做的都十分簡單，而且不用present，
所以做上來事半功倍，而且我們總愛在歡笑中學習，氣氛好極了，
差點忘記了記下鑽石一事，就是我們在走時，大頭她們看看手飾，看到一只要六位數字的，
還說大頭仔買給她，馬上認承給他，我們之後還說買了後只能住木屋，連衣服都爛爛的，
在剛上堂也繼續提起，大頭還說問miss喜不喜歡鑽石，阿諾竟然說，miss要竹葉而已，
因為miss在上年一開始我已覺得她貌似熊貓，所以剛剛這一句的好笑程度達至八分，
之後一直上堂到了最後的答問大會，問要什麼方法可以使自己的客戶一直光顧自己，
提出後就由其他組互相發問，開始時我已不斷"隊"死其他組，所以到最後自己一定不會好受，
不過有我跟阿諾在，有怎會有問題，因為我是lv9的，怎會敗給一般的凡夫俗子，
佢地問了很多問題，不過有兩條我們回答得起搞笑，其中一條是"你們會準備什麼禮物"，
阿諾回答"神秘禮物"，答了跟沒答一樣，之後一條由我來回答，
那個人問"你會不會覺得這樣的方法不能留得住客戶"，我會答"不會"，跟剛剛一樣，
答了又是跟沒答一樣，真係超好笑，整體開心指數達九分半，接著就放學四散了。
其實今天的日記本身不想打的，但是大頭竟然迫我打，那我只好順順她意思吧，
誰叫我今天吃了她半碟粉！　　　　　　　　　＝完＝

>>May 27, 2006 at 6:31:38 PM GMT+8

2005 年 10 月 2 日 星期日 【晴】

終於等到今天了，因為今天就是跟peggy姐見面的好日子了，今天一早就要上學去，
雖然我已經心不在焉，但也堅持下去，第一堂都還好的，但到taxation就開始想開場了，
雖然係咁，但係我都比大頭佢地更加清楚阿sir講乜，真係無奈，不過終於捱到放學了，
跟大頭一同步行至市中心乘ｅ３３，在途中我救了大頭好多命，
我送到佢到市中心我就去buy drink同去洗手間到放低ｄ野先。

一去到，我個架ｅ３３就係到等緊我。最後抵達了，電給阿諾，
佢話我聽佢係入面睇緊４ｄ米奇＝＝，害我苦等了兩個字，之後我地係美心到用午膳，
之後我地就乘火車去會我個peggy姐了，剛到達時，原來佢諗住搭火車去返main street，
這時我想叫回她出來，可惜她沒有這樣做，不過我同阿諾係出口位見到有個入口，
所以我地就好成功咁行左入去，就是這樣我們又回去了main street，
阿諾話去扲返張輪椅先，此舉連我都有點兒驚訝，不過事後才知這是明智之舉，
不過最後都係話ｏ者。

之後我地首先出達到adventure land看獅子王，因為peggy姐話已經玩完tomorrow land的東東了，
我地的時間行程安排得好好的，當看完就馬上上泰山樹屋，走一轉十分之快的，
因為他們沒怎樣有影相，不過在這裡用了有半小時吧，
想不到看完獅子王加上ｅ家係花車巡遊時間，都會有那麼多人係到，所以要分秒必爭，
馬上去坐船遊湖，不過又用了４個字，之後他們去了玩winne the pooh，
而我同阿諾就去了排定4d米奇，這次用了很短的時間，ｅ個策略十分之成功。

之後終於到了最開心的時候就是去main street掃貨了，不過有點兒失望，
因為只賺了１４０元左右，為什麼不買多點東東呢？國內同事又去了那裡呢？買完後，
有幾個人要離開了，而我地就利用緊餘時間去偶遇下國內同事，順便去玩咖啡杯，
今次超激，我加上阿諾，個杯的轉速我想大家可想以知，威力絕不可以睇少，
勁到當玩完時就像８級大地震一樣，自己係邊都唔係好知，
而玩完後peggy姐佢地去了玩space mountain，而我就因為遺漏了雨傘而沒有參與，
而阿諾就中途離場了，因為他今天十分輕更，只是身穿了涼鞋就入場了，
所以沒有跟我們一同去用膳，同阿諾傾住電話等待，不過都等左好耐。

估唔到到了晚上，大空山的吸引力還是那麼利害，到了７點３我地就乘地車出發了。
去到都還早的，不過因為peggy姐忘了在地車站按銀，所以在海港城裡尋找提款機，
不過點知原來要去到海洋那邊才有，害我地白走了很多冤枉路，最後到達了，
唔知係咪岩岩轉得太強勁了，所以今晚食欲好低，連有人請我食我都是提不起勁，
不過幾好笑的係初時peggy姐話佢d fd口才好了得，誰料一看之下不外如是，
連大頭佢勁過佢地，有位男士更慘被兩名女士圍攻下迫得抖不過氣，可憐得很，
而因為peggy姐是食齋的，令我諗返起pako，洗唔洗叫廚房整返碟齋比你？

用過晚膳後，去了吃糖點，我都不怎樣說話，因為我怕我一開聲就”隊”走晒peggy姐d fd，
所以我諗到ｄ乜都只係同peggy姐一個人說而已，peggy姐聽完我講ｄ野都有笑，
而且仲笑勁左，不過peggy姐一早就知佢地講錯野，只不過唔”隊”佢地而已，
所以我都好恩惠地跟他們一齊笑，佢地仲問我地識左幾耐，我話唔夠半年，
不過卻一見如故，不過佢地又估到我係係ｉｑ問題裡面到跟她相識，
看來佢地真係幾清楚peggy姐，不過佢地卻不知peggy姐活在他們這群體中其實挺辛苦的，
講埋ｄ低級趣味，唔笑又唔得，笑又對唔住自己，最後只可以強顏歡笑，
我看得出那是一個十分之尷尬的笑容，真係心痛死我了，不過佢地當中有一個較為出眾的，
個個講野就似返ｄ人喇，雖然等級都還未算高，但算是見得下人了，用完糖點後就各自修行，
我就去搭地車，因為巴士站挺遠的。回到屯門就電給peggy姐，說回我對她們的睇法，
佢話我知原來口才好勁個ｄ唔係到，真係知道有幾巴閉，還有一個剛剛不怎樣出聲的人，
peggy姐說他是語出驚人的，但我又未見識到囉，真係失望，只見到一些庸材卻不見人材，
想學下野都唔成功，最後因她要搭升降機了，所以就掛線了。

>>May 27, 2006 at 6:34:14 PM GMT+8

2005 年 9 月 29 日 星期四 【晴】

已經開始想放棄我的日記生涯，不過為左要回到過去，只好繼續熬下去吧。

今日好準時，應該係返左咁多日學最準時的一日，因為早上行回去西車站買了張全日通後，
一走出去我見到我架５０６係到等待我了，ｅ種服務精神同態度我十分歡喜，
不消一會我就抵達青雲站了，下車時我竟然發現原來我同文ｓｉｒ坐同一架車，
不過佢仲行得快過我，所以連招呼都沒法跟他打，入到去發覺剛剛好８點半鐘，
我地六人最早是我，真係好耐無試過了，上堂時好件好笑的東東，就係乸型哥哥，
佢問條好白痴的問題，之後有人笑，佢仲出聲話你地笑．．．阿諾就爆笑你呀～，
真係自己攞黎賤。落堂之後，我地去了天水圍用膳，試了keith重點推介的肉操飯，
加一個雞飯，那個肉操我就話唔到佢好食，咁我唯為話佢唔好食啦＾＾。

食完野就上左大頭仔家，我地上左去，大頭仔就返黎了，看過他家上收藏的精品後，
佢地就打牌，因為我唔識打的關係，所以只好看加旋漫畫了，阿諾因為要去進行接送工作，
所以中途就擺駕了，看完漫畫後，ｇｏｓｈ同大頭仔就打機，我就同ｏｌｙ同大頭打撲克牌，
初時大頭個勢好勁的，我當然係個個不過不失的那個，ｏｌｙ就慘敗的，
之後ｏｌｙ竟然返身，個勢好勁，大頭仲比佢連抄，我同難逃一劫，
不過之後我黎鋪鯉魚返身，將ｏｌｙ擊敗左，但想不到ｏｌｙ咁就唔玩就左去打機，
仲話我同大頭夾埋，我無呀！那時還想跟ｇｏｓｈ捉棋的，報返一戰之仇，
不過佢掛住同ｗｅｎｄｙ藕斷絲連，那沒法子了，不過還好，
因為ｏｌｙ同大頭玩緊類似打鼓的遊戲，ｏｌｙ玩來玩去都是ｌｖ１，被眾人恥笑，
她還說我來玩，連我ｅ個唔打機的都勁過佢，她要檢討下了^^。

去到４點到，我地就去接返keith，一同出青衣了，期間wendy跟gosh好像無視所有人，
好想只有佢地的世界咁，看來佢地的愛火已經十分旺盛，去到青衣了，其間阿諾等了好久，
真係千萬個唔好意思，誰料一去到，阿諾就收到pako的來電，原來他已放學，
而且已經在葵芳了，而我地ｅ家才剛到青衣，沒法子了，好像只好不願意地叫他在鳩遊住先，
我地火速地進入bandai既倉，不過好東西都被沽空了，只餘下賣淨蔗，
可以最後當然空手而回，那我們就進入法定的高潮，就係去用膳了，
不過因為miss了一班車，所以我地就諗住行去地車站，不過行到咁上下，
就知原來ｅ到係唔上唔落的，話近又唔近，話遠又唔遠，
所以最後由keith打比crystal詢問最迅速的離開辦法，就因為咁，我地就坐小巴再轉乘地車出發，
阿諾就在旺角下車去接應pako，而我地就先去霸住我地張檯先。

我地係充斥著歡笑的氣氛下用我地的晚膳，pako好快就溶入我地當中，
仲講返好多以前的野出黎，我地三個都笑晒，不過美中不足就係wendy跟gosh如入無人之境，
四肢糾纏，我們眾人又做唔到捧打鴛鴦，佢地真係做到只羨鴛鴦不羨仙，
我更加想知佢地是不是醉翁之意不在酒，不過這也算了，快樂的時光過得特別快，
所以我地就離開了食堂，落下一層欣賞硬膠模型，不過中徒wendy和gosh就先行離場，
尋找屬於佢地的世界，而我地就去左睇手袋，不過我想大頭看了比不看更傷心，
之後去了買檸檬，跟住我地就分道揚鑣，pako、keith和我就陪阿諾去買波鞋，
今次阿諾真係重本，一次過買兩隊，唔知係咪中左六合彩呢，買完就一同歸西去了。　

＝完＝

>>May 27, 2006 at 6:36:02 PM GMT+8

2005 年 9 月 16 日 星期五 【晴】

今天要返工呀，真係千萬個不願意，但是為了個500元，我不得不去！

今日返11點，不過8點多就要起床了。9點多就去門搭車了，去到荃灣阿諾電我話唔係咁想返，
不過見我去到荃灣了，所以都一齊返，阿諾真係有義氣，其他人的話，可能一早就閃左去了。
佢到達後，我地就一齊乘地車出發入去迪士尼，係車上，我地討論可不可以sign in完後，
就係更衣室到唔出去做野，等到放工先sign out，因為之前sign in同sign out都係同一地點，
初時仲滿懷寬喜的，不過剛知道個sign in紙會入埋去之後，我地的計劃就落空了。

今天係去royal banquet hall到做，不過去到先知什麼宴會廳丫，快餐廳黎咋嗎。
初時去到，都幾旺的，所以都OK多野做，不過漸漸就無野做了，當我同阿諾食完個LUNCH，
出到去先知已經無乜人，大概只得5 6枱人到啦，同唔洗做無分別，
因為我同阿諾見人就走就閃開，等d長工黎執，反正我地過左今日都唔知會唔會再返黎架啦，
咁當然閃得就閃啦，之後好快就有一個break time，不過break完之後就慘了，
因為真係超冷清，悶到想死，加想無野做，隻腳覺得超累，雖然我同阿諾已經不斷傾計，
不過時間都係過得好辛苦，真係好想收工，好可惜，眼見個個長工都收工，
但係我地就要係到等放去，不過算啦，反正都是段鐘計的。

不過去到7點個陣，管住我地個個竟然將我同阿諾分開左，那就時間就更加度日如年，
又無野做喎，d長工好似無野做就周身唔自在咁，搶住d野黎做，真係好笑，
真係如阿諾所講，新界d牛夠勤力啦，做野當然係閃得就得，見位就上架啦，
做咁多無人見到係無用架，看來佢地都係剛剛投入社會無耐，不過佢地都幾慘，
做到成隻狗咁都係得6k一個月，小得可憐，不過沒法子啦，你唔做大把人爭住黎做，
好辛苦行行企企，終於等到最後半個鐘，d人就走得七七八八，
不過都係仲有幾個蛋散係到阻住我放工，不過最後都係準時9點放工，
不過佢竟然話e家放緊煙花，要等佢放完先走得，怪到又遲d先走到，叫同線個d填9:15放的，
點知佢地又驚，真係抵你一世做死打工仔。

而我地好醒咁去左廁所換衫，所以慳返d時間，不過點知到我地走得個陣，
條路超多人，搞到又遲左d==，最後我地諗住走去搭r8去返收費站再轉e33返屯門的，
不過好好彩，我地去到剛好有架r33，真係天公做美，又可以慳返d時間，
又可以唔洗轉車咁煩。

我地係車上提返起今日的攪笑野，事源要提返上個sat，我地返工遲左，
有個師兄叫我地唔洗入去，之後因為有免費飯食，所以就去左食飯，
點知一去個大佬就到左，佢用左一句"隊"個個師兄，就係師兄炒過散咪呀，
即係返過工咪咁解，咁今日返工係更衣室個到，因為個到條條路都好鬼似，
所以咁朝阿諾行錯左，我馬上說師兄炒過散咪呀，我地笑晒，
不過e句真係"隊"得好認棍，點知放工個陣到我行錯左，
佢又用返同一句師兄炒過散咪呀黎隊我，
我地就係車上講返原來e句咁好用，覺得大佬banny真係好鬼死有計，
不過當初諗唔到原來係咁好笑既，真係笑到返到屋企都係咁好笑。

>>May 27, 2006 at 6:29:15 PM GMT+8

2005 年 9 月 15 日 星期四 【晴】

今日返完學，就去左迪士尼玩了，太好了。

上完兩個hr的business law後，我和阿諾就跟大頭佢地分別了，因為相約了daisy去disneyland，
我們先相約在青衣用膳，因為迪士尼裡的東東好貴。當我跟阿諾去了青衣後，
daisy就說自己有到了，我跟阿諾都不相信她在半個hr內到達，因為北角到表衣喎，
等車都要時間架，加上又中環行去香港個邊呢，仲有東涌線唔係話黎就黎個喎，
所以到左之後都等左8 9分鐘，之後就去左kfc食野，今餐都食得幾飽，
不過如果diasy可以再細食d就好喇。

之後就出發去disney，因為我地係員工，所以入去唔洗錢，這個太好了，
入去後先行小鎮大街，裡面真係好多野睇，不過最後只係睇中一對米奇手套，
再來就係去tomorrow land，當然係玩飛越太空山先啦，不過都唔係咁刺激，
跟住就玩巴斯射槍遊戲，我先得18xxx分咋，好少呀，不過都多過daisy，
不過阿諾就有5xxxx分，都唔知佢點玩咁多分的==，接著就係去左4d米奇，
這個幾好的，真係好立体，不過如果無射水就好了，去埋小熊維尼，不過這個就好白痴，
之後諗住去泰山樹屋，點知太多人等船了，所以最後放棄了，仲諗住見識下痾屎位tim，
跟住就去左阿諾老豆返工個到，點解要去個到呢？因為有免費車出返去青衣，
可以摼到5.x，真係太好了，係佢老豆office逗留左陣就去搭免費車了。

初時以為有daisy陪我返屋企，點知原來佢歸西，沒法子，去到荃灣同阿諾行左一陣就閃人了，
佢因為約左人進行交收，所以要係個到留多半個hr，大頭真係要多謝佢，
佢為左大頭仔要既野咋! 之後我就一個人搭上歸家的旅程了。
後記：其實迪士尼只是一般好玩，裡面既野又貴，加上天氣又熱，所以都不是那麼好玩，
如果論想去的話，我想去海洋公園多d，最少大又多野玩丫，好懷念個到的機動遊戲呀，
唔知幾時先有機會去呢？~~

>>May 27, 2006 at 6:25:11 PM GMT+8

2005 年 9 月 12 日 星期一 【晴】

第一天開學加judy生日
=================================================================================
今日係放假後第一天返學， 第一堂就係英文堂，
英文阿sir真係幾黑我憎的，成日係到懶係串咁，講埋d白白痴痴的野，但又沒用途的，
我真係有d衝動想開聲"對"佢，不過最後當然無咁做到啦，好辛苦咁熬過左英文堂，
終於到lunch了，我地去左去開的茶餐廳食野，不過佢地胃口挺好，
不用幫佢地頂(食得無咁開心)。之後就返去上堂，上company law呀，不過個阿sir教得好差，
連科目都無介紹過就開始教書，最後都是不太明白就落堂了，真係無般無奈，
之後到一堂都我唔記得乜野名的堂了，係熊貓教的，好在不用考試咋，
因為熊貓的tips好唔掂，落堂之後係學校逗留左陣就歸家了。

晚上就去了慶祝judy生日，不過唔知點解今日daisy係咁啄住我，唔知係咪踩中佢條尾呢？
今天認識了多一個新朋友，叫君琳喎(唔知有冇錯呢個名)，佢好利害下，
因為連daisy對比"對"到講唔到野，不過我發覺佢d招式係自己係咁講，唔比人講，
所以未算十分犀利，只係勁過daisy個d一輪嘴戰術，而我教daisy用36計中的走為上策，
點知比佢話我cheap，真係無奈，早知不幫她解圍，等佢慘死都好。

到食野的時候都幾好，因為佢地好快就飽晒，咁即係有野可以食了，
所以今餐幾飽的，不過因為切蛋糕要加錢，我地飯後就遷移到公園切蛋糕，
再送埋我地個巴斯比judy，佢開心晒！其實個巴斯我都好鐘意，好鬼攪鬼。
然後去去左泛后甜品食野，不過係陪食o者，

之後都沒什麼特別事發生，整体黎講今日的開心指數唔高，得5,6個開心咋，
係自己歸家的旅途中，望上天發覺原來仲可以睇到小小星星的，其實睇星好好，
因為睇星可以將煩惱盡消，而且當人望d高樓大廈只會覺得人好利害，
但望星就會覺得人何等渺小，天然的美比人做出來的美是美好多倍，
甚至根本不能相比，所以太過煩惱的時候望星星是一個很好的辦法，
之後覺得自己係手術過後有好多野都不及以前，体能方面啦，連思維方面都好似差左，
唔知係心理作用丫定係那樣各樣啦，要操下先得喇，

今日先知原來綠帽人係gay架，以為走左咁我地個班就無啦，點知一雞死一雞鳴，
我地班又再有一個了，真係多怪人。

>>May 27, 2006 at 6:01:26 PM GMT+8

2005 年 9 月 10 日 星期六 【晴】

今日係第3天返工了，隻腳好累呀，每一日都企成8 9個鐘==

去到荔景等車個陣，見到一個自己友，原來佢尋日同我做同一個地方，
不過之後我去左做垃圾位，又提今日都要淋濕自己，我地去到欣奧等車，等左唔係好耐，
當架車黎到個陣，我地都好驚訝，架車滿晒人，都唔知車上面d人點黎，上到車，
去到迪士尼，又係大把人係到等走，d站都要封埋唔比人入住，真係誇張，
但唔知d人係邊到黎個喎，無理由一早入黎，咁早就走架！但係又未對外開放個喎，
真係廢解，之後我地入去換衫，當我地扲完衫，我見到daisy，咁就入去換衫啦，
不過係換衫前花左好多時間係條褲上面，事關迪士尼裡面d褲太短了，
最長個條我都係吊腳的，真係無奈==

當換完件setup blue的衫出黎，又叫我地返去換返main street個件，個件都唔知乜野衫黎的，
d背心超熱，之後我地一行人就出發去美國小鎮大街啦，去到先知原來係係個到做model，
企係到扲住個手盤，等人黎扲野飲，我同生哥企埋一齊，係咁係到吹水，我就扲橙汁，
佢就扲香檳，我d橙汁同無人扲無分別，要扲既一早扲左啦，好辛苦咁終於得返兩杯，
不過係我放鬆個一刻，不小心地倒瀉了，好在無人睇到，生哥馬上講back of the house，
我都想呀，裡面幾鬼好做呀，之後企多陣我地就得到解放了，因為可以去tomorrow land，
個件衫超通爽，太好！

去到個陣，又係等人叫，不過我同生哥就分開了，我去左做收野位，
不過咁岩有個人要人，我就企出去，其實我都唔知做乜野的，不過唔想係個到做，
去到先知係去幫手setup好先，都好簡單o者，setup左半個鐘多d啦，就無野做了，
無野做即係有野做，因為一定會有人叫去做野，所以當然係無野做都扮有野做，
令外一個就唔知道e樣野，不過佢好好彩，無比人叫去做野。

之後廚師都開始到了，佢地執好佢地個d野後，就等人黎了，唔知點解今日好冷清，
我基本上同無做過無乜分別，係到收下碟，行下企下，不過可能因為空氣好差，
所以我個鼻好鬼唔舒服，係咁嗽，大概去到10點幾，佢地都收檔了，又係我開餐時候，
其中一個廚師煮左4隻個d甜品比我食，我馬上精神晒，今次d就唔係好好食，
不過都好正下，行到去個邊先知仲有大把好野食，我食食下仲睇到阿諾，
緊係叫埋佢黎啦，又一齊係到食水果，真係做成日都係等e一刻，再清下野，
咁就等到收工了，今日就唔留尾了，太多野要執喇，走個陣先知阿諾執到張八達通，
我地沖完涼就去左美心到係咁買野食，張野有七十幾蚊，比我地嘟到得負錢，
我地帶埋上車慢慢食，再經過4個字的車程後就到市中心了，返屋企訓教。

================================================================================
經過3日來的迪士尼之旅，我發覺狗這樣東東真係唔可以得個諗字，仲要實戰一下，
看來我的狗人程度又升左級了，我要做到
談笑用兵，攻無不克；思維靈銳，深不可測。

>>May 27, 2006 at 6:07:45 PM GMT+8

2005 年 9 月 9 日 星期五 【晴】

今天係第二日返工了，今天因為屯門公路塞車，所以我同阿諾都遲到了，
我仲諗住遲到可以出park玩tim，點知都仲返到工，今日個套衫仲勁過尋日個套，
換完衫就搭車入酒店了，今日係去hollywood hotel，去到個陣唔知點解唔洗開工住，真係好！

我同阿諾今日係咁講back of the house，仲話e家仲好，係out of the house，
之後有個師姐話個邊有飯食，仲話唔洗錢任食，咁一個開始個個師兄就話去食飯先，
咁我見肚又餓餓地，大家都去，當然跟住去啦！點知扲完飯都未食落口，benny就到喇。
今次當然唔係話我同阿諾啦，係一開始個個師兄，benny話食飯定炒散呀？
要食飯就收工返屋企食，對住個個師兄話你炒過散未呀？之後我地就入去開工了。

之後我地行到後落貨區，我地有6個人係到，佢話4個留係到，2個就跟住走，
係走個陣，我先知我同阿諾又要分開了~~。之後又行過，去到超入，今日係做dessert位，
係個到我見到salome呀，企左個幾鐘頭，佢先開始，我做個個位同唔洗做無分別，
d客要野我又企入面，唔就手，所以由出面個個師兄扲比佢地，我根本就係笑笑口就ok。

不過都走左幾轉圾垃，係其中一轉個陣，因為有一杯紅酒好滿加上要行草地，
所以不幸地杯酒倒瀉了，仲倒到我成身都係，去到垃圾位到，見到benny，
佢話我咁樣就係到做啦，個到係垃圾位，唔洗見人，初時好鬼無聊，
我黎到個陣大概是8點就到9啦，都幾多垃圾下，不過好快就上到手，做下做，
不知不覺就無乜垃圾黎了，因為已經10點了，d dessert都收翻黎，我就問joe哥，
個d食唔食得架？佢話最緊要醒目！我馬上明白，開始我的大餐了。

d甜品真係好正，之後仲有個廚師扲左碟出黎話好野，我問係咪精選推介？佢話係！
我又開始食了，d蝦真係好食，仲黎多碟牛肉，我連埋幾個師兄扲埋碟野去後面係咁食，
之後有個師兄話廚房入面有好野，我就入左去，問邊d正野好食呀？佢話e個硯$250/kg！
我都食左8,9隻到，真係好幸福！再出埋去酒水個邊飲多灌雪碧飲，真係爽晒，
之後出返去都無乜野做，不過之後d師兄就開始係咁扲返d酒杯返黎，我地都好鬼忙下，
又要張d杯車推返過去落貨區，我係個到見到阿諾，佢又唔過黎我個邊喎，
只係張d野推黎推去，跟住見到benny叫晒d散工去，原來係要人留尾，
咁今日我就同阿諾一齊留啦，之後佢去左我個邊，幫手上貨同推車，超簡單，又唔洗快，
做到1點到去左食野。

食完返去又未有野做住，又可以抖陣，不過就比人叫左去前面幫手，不過都唔係好辛苦o者，
之後都係前後走，最後做到3點幾，我地就收工了，係坐車返去轉衫個到個陣，
我話聽日再淋濕自己，再去做過垃圾位先，阿諾係咁笑，但我覺得都唔係好笑成咁呀，
佢話都係咁諗，我地又再提back of the house，返到去換左衫就出去等免費巴士，見到生哥，
阿諾同佢講返back of the house，我地幾個笑晒，今日都幾爽下，做d野好鬼簡單，
又唔係好辛苦，不過好笑在我成身都係紅酒，個個見到都好驚訝，有d仲嘩出聲，
佢地一嘩，我同阿諾就係到笑，上到巴士，4個字就到左屯門了，之後步行回家。
=完=

>>May 27, 2006 at 6:14:20 PM GMT+8