2005 年 9 月 8 日 星期四 【晴】

最耐無打日記了，今天要打的是三天在迪士尼發生的事，希望大家鐘意。
=================================================================================
今天係手術完成後的第九日，亦是我返迪士尼的第一日，懷著一個好奇的心態返工，
昨晚已跟阿諾相約好7點3係荃灣等，之後一同乘車地去迪士尼，去到後就換衫，
著到好似好賭"華士啤"咁，打份工都要搞成咁樣，之後就乘車入酒店了，
不久後就睇到大佬了，briefing完後就開工了。

一開始是張d好大的平風收好先，之後就開始扲住d"鄧"車張d"鄧"推黎推去，
今天最少有3個鐘係做e樣野，真係無聊得很，推完鄧又要搬檯，又最少有2個鐘做e樣野，
然後就去左ball樓同阿諾會合，係裡面一陣就見到benny，比佢見到阿諾，
其實係乘車的時候阿諾已經提及過benny要佢剪頭髮，係e個時候我就當然無野搵野做住先啦，偷聽佢地講野
benny : 你唔係應誠我剪頭髮架咩？
阿諾 : 我無應誠你，不過我已經修剪過。
benny : 兩邊呢？
阿諾 : 你無叫我剪兩邊呀！
benny : 你後面"掂"晒"嶺"喇兩邊又長喎！
阿諾 : 我知你有你既難處！
阿諾 : 我都想剪頭髮，但係我d期滿晒，又唔可以掉更，尋晚又夜收，所以剪唔到。
benny : 咁樣我e家比你收工去剪！
阿諾 : 唔洗，我今天放5:30，放工可以去剪。
benny : 好！我比你放工之後去剪。
benny對terry(其中一個supervisor)說 : 你係supervisor就要睇住d人合唔合規格！
你係supervisor你有簡，你再唔睇既你就唔洗返工！比佢地準時收工！
e兩個唔準出ball樓！e兩個back of the house！
如果我老細見到佢地兩個丙我，我就叫佢地收工，然後我丙你！
terry只能點頭，之後佢地就出左去，benny都走左去了，我當然都搵機會閃啦。

之後周圍搵d野做，會合返阿諾同生哥，一齊行入去ball樓睇到benny佢地briefing緊，
阿諾同生哥因為唔可以入ball樓，所以佢地走左去，但我就要做lunch buffet，
當中同一個師兄混熟左，之後kelvin行左過黎問我地有冇做過，當然話有啦！
個師兄就係香格里格到炒，我就話係會展，之後佢問我跟邊個，我話tony，
佢話tony好多廢人個喎！我就支吾以對。

係到企左1個鐘到都無人黎，就比令一個supervisor叫左去搬野了，今次又係搬檯，
之後去左抹d刀刀叉叉，阿諾都過埋黎，我地又可以齊上了，抹左幾個鐘到，
之後個d時間我地都一齊，差唔多5點個陣我地去左搞d杯，又扲埋去洗，再要砌好佢，
不過未砌好，阿諾就放工了，得返我一個==，不過好快就有一個黎幫我手，佢叫day，
個人ok既，我地一齊搞完e個之後，又去左做夜晚的buffet，生哥都係到。

我地briefing完後就一齊去食飯，休息左半個鐘又要做野了，係裡面成個鐘又係無野做，
之後又比人點左出去搬檯，又同返day一齊，都未搬完，就比kelvin叫左去整其他野，
今次個d仲好，係幫d"鄧"穿個套落去，係到做左半個鐘到就出返去，
睇返生哥，咁就係到砌好d碟佢，做左一陣到啦，之後又跟個大佬去推d櫃上樓，
點知到我推完一張之後落返黎推第二張之後，生哥就同我講收工喎，
咁我就走喇，d野等另一個師兄搞，e一刻真係今日最開心的時刻，
跟住就同生哥一齊搭車離開e個鬼地方。
=完=

>>May 27, 2006 at 6:24:07 PM GMT+8

2005 年 8 月 31 日 星期三 【晴】

手術完成休養中 一切事情在心中

>>September 3, 2005 at 8:07:01 AM GMT+8

2005 年 8 月 21 日 星期日 【晴】

搭西車到屯門都已經10點3了，打完比阿諾知道搵到人了後就返到家中，食完野就去訓了。

一訓醒就已經是4點半了，食左d野就看看在電腦裡有什麼搞作，
大概去到5點半就收到失落在msn裡傳來的一個"安丫" 想不到大忙人主動來hi我，
咁當然是應酬下佢啦，知道左佢會考12分 ，佢開始係到"晒" 話自己溫書時間都沒有24個小時，
又打機，但係都扲到12分，話到自己怎樣怎樣，其實這位失落妹妹都沒什麼的，
只是個人有點自視過高吧。不過佢的確係有咁既能力既，但係我都是喜歡peggy姐親民多d。

之後我話神會敵擋驕傲的人，佢就開始係到講話基督教的問題，聖經的問題，
因為我不是一個基督徒，對聖經的了解更加是皮毛裡的皮毛，我甚樣回答她呢？
我只是"對"佢文字上的謬誤，佢仲要身為神的信徒的我，叫我唔好上咸網，
叫我去睇十戒，最後我用了我不會全情投入去信，因為我是一個咸濕仔。

之後問佢有沒有去電腦展，佢話無，我話有好多show girl，佢話有show boy佢就去，
我話d sales咁show boy囉，佢又話著咁多布，我就話佢係咸濕女 ，
我仲話佢一定dl好多a片落黎，佢竟然話比我發現左，但佢又話去友人唔係為左識男仔，
話個到個d唔岩佢，我當然食住個勢讚下自己，話唔係個個都好似我咁有計，
佢話我一個一缺點就係過份自大，我馬上話我自己謙卑，最鐘意虛心受教，佢馬上笑晒。

佢終於講左今次hi我的目的，原來是問我對佢個fd有什麼感覺，我說沒有，
我說我只是喜歡聊女仔，係現階段我都是鐘意錢同北上多d，叫佢轉介返比佢朋友知。
不過佢只係話順手問埋，但是我又怎會信呢，之後叫她不要打那麼多機和眼不要生得那麼高，
最後再閒聊一陣，經過今天後，我地的友好程度來了一個大躍進，之後我就去了玩煮飯仔。

食完飯打比阿諾睇下佢今日做得點，佢話ok啦，係咁"隊"佢班囡囡，仲話我返埋仲過癮，
不過訓一個鐘頂六個鐘真係好辛苦，最後幫了阿諾發公告問一個電話問題，
我慘被sunny話我唔好亂用^^，當然他沒怎樣怪罪下來，仲話幫我搵搵，
之後傾左陣電話，聽到佢細佬做promoter既慘況，再提下人生道理，說人都是逃不過貪，
但我沒怎樣回應，可能今天沒心情去談人生道理吧。
我覺得sunny都看得出，所以不久就掛線，搞埋d野就去訓了。

前兩天跟生食飯提到道經，心血來潮想看看，明天上網找找先。
=完=

>>June 2, 2006 at 3:33:43 PM GMT+8

2005 年 8 月 20 日 星期六 【陰】

昨天跟今天都要開工，太好了！阿諾介紹我去了返工，做既野又簡單喎，
昨天返了第一日，其實都不算辛苦，只是一天企而已，企到我隻腳好鬼累，
其實我的職責就是睇住d囡囡同埋派下d catalog，都是手版眼見功夫。

話說我就在十一時3x分左右到達，入到去阿諾老表就交代下我做什麼，然後我就行左一個圈，
之後就返去開工了，不久就見到第一個囡囡叫color，不是什麼高級貨色，
佢出左去不久，就開始出現攝影潮，而已有幾個好像是fans來的，係到逗留左好耐，
佢地同囡囡仲有交談，看得出他們是相識的，那我就在影潮完後問問，
原來真係fans來的，想不到做show girl都會有fans，真係令我奇驚，為什麼那些人那麼無聊。

初時個幾個fans，我眼看下都好細個下的，但手中都有相機(幾高級下的)，又有dv機，
真係離晒譜，不過我覺得佢地其實有點不爽我的，因為佢地做fans的都只是交談幾句，
但我就可以同佢係咁講，係其中一個的眼神中，我看得出有殺氣，之後令外一個囡囡都到了，
又是普通貨色，都不明白點解咁樣都可以做show girl==，做到3點幾，
我地就轉換左場地，因為佢搞左個seminar，叫左個兩個囡囡去做勢，我做保鑣的當然要跟去。

去到只是去派下傳單，同埋有係攝影潮，個seminar好短，所以好快就返去了。
返到去4點了，終於可以食飯了，食完後，我件戰衣到了，同埋多左個囡囡，
e個仲衰過之前個兩個，因為多左個幫手，所以囡囡分散左，我今次轉左做睇住kit，
交談之下，發現佢做好鬼多野，又做show girl，又幫人補習，又做馬會mc，
但最鐘意就係馬會mc，即係馬評人，真係睇唔出佢做e d野，基本上都係我一問完，
佢地就會口爆晒d野出黎，不過最後都問唔出佢地幾錢一個鐘，不過應該係300左右，
同埋佢地兩個一定貴d，因為佢地選過美，一個係一年前亞軍，一個係二年前冠軍，
一定升價啦。之後都係吹水下工作，好辛苦咁到放工，扲埋kit的icq，換埋衫就走人。

其實經過今天工作，我看得出color這個人一定係佢地3個中最聰明的一個，
單從佢有fans就知佢幾識做人，係同行到佢又識好多人喎，fans又多喎，真係利害！
================================================================================
到第二天了，今天阿諾都返，太好了，得我一個人，都唔知點過，
今天因為阿諾有d事，所以時間好趕急下，不過因為今天搭西車，所以沒有遲到，
換完衫出黎，color就到了，想不到佢兩天都咁早，今天因為kit同令外一個唔黎，
所以會有令外兩個，不久後就來令外一個 叫coco，又是不是什麼高級的貨色。

其實只係不斷的派野，基本上都不用睇住佢地，因為都沒有人夠膽動佢地，
今日比尋日仲多人，但其中一個應該挺高級的，叫我跟color去前面路口派野，
打散了我同阿諾，其實都不是我派，我只是負責扲住，話咁快就派晒了。

係個路口到，有一個proof係creative，個到有個sales係咁望住囡囡，仲周不時過黎搭訕，
我就同color講個個咸濕仔係咁望住你，講到color叫我唔好講咁大聲，
比佢聽到都無所謂啦，反正佢都唔知我講邊個，好快就派完了，
不過令一個proof的人就唔係咁鐘意我地係到派，所以我又可以返去了。

今次到我同阿諾出左去派野，我地選左門口到派，派得超快 d人真係爭住扲個喎，
不過到差不多派完時，又有人過黎叫我地走==，真係去邊到d人都唔係咁鐘意，
最後就打道回府，返返去派野，之後又有野搞了，就係扲支牌去巡遊順便派野，
阿諾舉牌先，而我就扲住要派個d野，不過好快就派晒了，因為d紙巾好受歡迎。

咁我見無野做聊下coco啦，一聊之下就知佢18歲，今次第一次做，而且之前做啤酒妹的，
巡左好耐下，因為見coco肚餓了，就返去用膳了，之後又係做野的時候，
不過就多多個人，個個就係rachel，其實佢算是較好的，不過佢好忙，沒什麼時間能聊佢，
之後又要出動巡遊多一次，今次帶左color同coco出街，今次就多人影相喇。

係途中我地仲見到babi文，想不到佢會係到做show girl，
阿諾說她家中都應該係非富則貴的那種，不過今次出動就快左，可能因為行快左掛，
返到去都六點多了，差不多放工，真好！

不過終於有時間聊rachel了，其實佢不錯的，個人沒什麼，佢每次黎我都派把扇比佢，
發覺佢又係18歲，又係做左唔係好耐，是今年暑假先做，我只係講左一句，
我覺得你似17歲，佢就開始口爆，仲話自己19都黎緊了，我話係咩？之後突然醒起，
阿諾的一招，我馬上用了，就是你17歲，19歲都黎緊架，佢當然只能笑晒，
講左好多野之後，我又再說我覺得你做唔夠一年，佢又開始口爆了，係到盡訴心中情。

傾左一陣，當然馬上相熟了，不過佢好忙，又要去比人影了，只係又派下野，差不多放工時，
rachel就來告訴我仲有5分鐘放工，我回佢e句係我今日好聽到最好的一句，佢開心晒，
阿諾搞完個頭返黎了，傾左一陣，再問rachel幾點，仲有一分鐘就放工了，我地都等收工，
一陣之後就有個人叫收工了，我就問左rachel扲電話，不知有無得食呢，之後就換衫走人了。

工作完了後就是玩樂時候，今日約了朋友(中學時相識的)去食飯，去左元朗，
去到後發現菠蘿仔買了車，真係想不到，咁問下之後先知原來都不是買了很耐，
幾個月前先考到個牌，去到食飯，菠蘿仔帶了我地去一番，叫完之後先知好鬼大碟，
搞到連我都食唔晒，食完就去左菠蘿仔家中玩，先打左陣牌，原先我輸最多的，
因為不知為什麼無一次有靚牌，仲要比人炒左兩次，輸又輸成8 9隻喎。

我地玩到150隻就完，眼見我都13x隻的時佒都知不妙的了，不過想不到菠蘿仔比人連炒，
頂左輸最多個個位，真係笑死我，係打牌過程中提到yumiko，因為播左首mp3佢唱的，
初時講乜就唔記得了，不過菠蘿仔話佢好"嘢"人 ("嘢"即誘的意思)，我就話係囉 野人丫嗎！
我地4個都笑晒，之後去了打機，首先打winning9，之後到gt4，到打打高達時，阿雞就訓先，
因為佢明天要補課，咁得返我地3個，初時我地唔夠菠蘿仔打，但我地之後搵到部勁機，
係咁屈死菠蘿仔，菠蘿仔比我同大佬花係咁串，佢個刻一定萬分無奈。

打到咁上下，應該是8點吧，我地都訓了，去到9點，電話響叫我返工，不過我真的有心無力，
所以最後都無返，最後菠蘿仔渣車送我地去到西鐵站，之後我地就乘西歸家了。
去到屯門站我見到時間都ok喎，咁就電一電阿諾睇下搵唔搵到人返工，
搵唔到就去賺埋個d錢佢，不過搵到了，所以我就安心返去訓了。

>>June 2, 2006 at 3:46:13 PM GMT+8

2005 年 8 月 14 日 星期日 【晴】

《老人歷險記》
昨天5點才睡，但就11點幾就要起床了，因為原來今天是去老人院的日子，
如果不是阿諾call我話我知，我都真的忘記了。

之後就馬上起床，攪好晒d東東就出發去歸西了，去到等了一會兒阿諾就到了，
在車上， 阿諾說了樣好笑的東東告訴我，就是大頭要去補習，所以不來了，
不過好笑的東東在於她竟然說"你地玩得開心d啦" 這句好鬼狗呀！
想不到她的功力竟然進步了，能用這一句，這句是阿諾用開的，
我馬上說你用得太多了，被她學到了。

不久我地就到了，去到就轉乘輕車，在車上又提起這件事，阿諾又屈我，
話"比佢學到我地d野"，明明無我份，就話我地，我都唔鐘意用e招既，
不過佢咁樣講我都沒法子啦，之後係舊堂門口到等左keith一陣，之後就一同上去了。

上去時keith又提起英源，仲話講過比智揚知，智揚的反應是馬上有種仇視我地的眼光==，
去到不久之後，就有人派左張歌紙比我地，keith竟然講話要有動作做的，
不過想不到原來是真的，那些動作又是這些十分低能的動作，為什麼人那麼喜歡做這些東東。

我地分成兩隊後就出發了，我地去間大的老人院，初時是歌唱時候，不過好好彩，
我不用做動作，因為我做了一個是渣住份大字報的角色，阿諾見到馬上渣埋一份，
真係好狗呀！初時我地個位係咁o岩遮到keith的，不過我地就走開，等他要做動作^^

唱完後就到遊戲時間，不過都唔係咁關我事，不過再之後就到傾計時刻了，
我地3個人一同跟公公婆婆傾計，初時都不知說什麼好的，基本上都係keith係到問，
我地就話係呀係呀，之後我地慧眼識英雄，搵到兩個公公婆婆，佢地好健談呀！

個婆婆走左後，個公公就講第二次世界大戰個陣d野，仲話當時日本仔打黎，
因為佢走得快先無比d導彈殺死咋，仲係到講話如個扣頭就唔洗死，唔扣就比射死佢，
仲有日本仔打贏左就有飯食，日本仔會派米的，但日本打輸反而無野食，
我地仲問佢有冇開過槍，佢話無呀，不過就渣過槍，又問佢有冇見過毛澤東，
佢話真的就未見過，臘象就有，佢仲話隔離個個伯伯係國民黨的，我地又提到去蔣介石，
一直傾到時間到，係走個陣仲有包野飲tim，真係好！

返到去分享個陣，keith又講d搞笑野，話最難忘深刻既野就係包野好好飲，笑死我地，
分享完後就各自歸家修行了。
=完=

>>June 2, 2006 at 3:51:21 PM GMT+8

2005 年 8 月 13 日 星期六 【晴】

今天返左去教會，不過返教會之前當然下去用了過早膳先，之後就去西鐵到相遇阿諾，
上到車後，當然提到我地件波衫，50元咋，仲要係國家隊架tim，這不是最重要的原因，
要因為我地要抵制日貨，頂死日本，抵制vv，頂死vv，如果沒有vv，
只是買這件衫就變得沒有意思。

之後都沒什麼特別深刻的東東，最難忘當然是我張八達通同其中一塊簽名版賣出了，
收左260元，真開心，到左後當然提返我地張八達通，因為是那個職員比我地的，
其實都不是比，算是我地呃回來的吧，不過就好後悔沒扲多幾張，200元一張呀！
真係心痛死！去到後仲未夠鐘入場，企左陣，見到keith，當然要叫佢加入我地的波衫行列 ，
因為我地唔係一個人架，我地係一隊架，佢聽到50元就馬上心動，
太好了！佢唔加入就變得唔好玩了！

之後係我地入場的時候，keith話係早堂到見到英源，
佢仲提返係南沙之行裡阿諾說過的一句話："唔係日元，唔係美元，係英元呀！"
之後我地笑晒，唔係笑e句野好笑，係笑佢記埋d咁cheap既野，就因為e句野，我地笑左好耐。

今天由劉牧師表演先，佢先提出教會現時的情況，只是午堂就有接近800人了，
我已覺得很多，但牧師竟然覺得還未夠，還定左一個好難做的目標 ，
牧師做的事太過利害了，連目標都定得高過人，之後就提出一下偉論後就祈禱了。

祈禱時提到我地唔係係到種金這一句，我地就笑了，為什麼會笑，遲d話你知，
之後到陳牧師表演，今天是講罪，佢地又話我了，話我去雀仔按摩，
不過我都是覺得沒什麼問題，分開了四部分，不過我都唔係咁記得了，
今天都有d感動，但感動什麼我又不記得了，因為次次我都唔係全神貫注去聽道，
我會去諗其他東東的，完了後，又sell那個二人同行了，不過我沒什麼興趣，所以不會參加。

去到作番個分享個part，肥佬話城大收左佢呀，太好了！
不過在開心背後發生了一件不好的事，係關於他哥哥的病的，不是病情惡化，
只是出了小小問題啫 。但他提出一個在這次事件的得著，不過我不太記得了，
大概是不要只是過於開心而忽略了其他事，之後佢地就去了食飯。

我同阿諾就離開了，返到家中後都是不斷的打機 一天打了那麼多場，我也十分滿足，
晚上用過膳後就出了去跟朋友聊天，大概去到12點幾吧，之後去了他家中，
玩那隻蜘蛛人，不過很攪笑的，蜘蛛人不用換衫的，但係一換返衫的時候就好似矮咁，
而且個城市係罪惡城市來的，不斷有人搞事，而且可以飛到好高，高到當跌落去個陣，
都有點兒驚的感覺，看來蜘蛛人真的很利害，玩到四點鐘我才走人。

差d唔記得提為什麼種金個到會笑，因為在星期四那天，我約了一個朋友，
因為佢話有工作介紹給我，所以我才出去，不然我才不會無啦啦去到銅鑼灣咁遠，
怎料去到後才知原來是類似種金同傳銷的那種，我告訴了阿諾同keith，
所以當係西鐵到阿諾就話我係種金術士，仲話"人地係鍊金，你就種金，威啦！ "
所以當提到種金我地就笑晒 。
=完=

>>June 2, 2006 at 3:58:13 PM GMT+8

2005 年 8 月 8 日 星期一 【暴雨】

今天看到peggy姐的遺言使我十分高興，
peggy姐竟然紓尊降貴來到敝之日記版中，
我高興的程度就如滔滔江水連綿不絕，又如黃河泛濫 一發不可收拾，
就peggy姐的寶貴意見，我會盡量在字句與字句間新增多點分隔。
介紹下peggy姐先......她就是我地友人中的智高無上的版主，更是我地友人龍頭大哥的左右手，
而且其智力更勝在下千百倍，在友人中舉足輕重........是我在友人第一個想認識的人。
=================================================================================

《無聊的一天》
今天要回校，如果不是為了我張cert.的話，我真的是千百個不願意，
今天應該是為我地聚埋一齊而設的吧！因為除了我地傾計之外都不知做過什麼了，
不過上午就十分無聊了，一整天在坐和企，沒什麼可以玩，
還要被個低級的人播d低級歌我聽，真係辛苦死我。

好辛苦咁捱過上午，終於可以去用我地個午膳了 ，去左平時去開的茶餐廳，
叫左個特餐，都幾飽的了 ，不過大頭當然是食唔晒架啦，不過有我係到，
我同阿諾,keith就分享左佢d食物，最後還要用到猜來決定誰沒有得吃，我當然猜輸了啦，
因為輸左先有得食，真係飽呀e餐，如果餐餐都可以都大頭一齊食就真係超值了。

當初佢仲話我一定食唔晒架，就緊係啦，佢咁細食，之後我地就要返返去繼續坐監 ，
不過就好點，因為有得坐冷氣房，不過入到去都係係到吹水，無聊得很，
但好在elaine係到，佢講左一d南京之行的趣聞比我地聽 ，講個女仔，佢好恐怖的，
說攬住個男朋友送她的公仔當係bb仔咁，佢仲講得感覺良好喎，
不過最好笑都係陳水扁(即係梁sir)的老婆同百變同一樣樣架，笑死我地。

之後又講下大家以前中學d野，e家先知原來佢地的中學好嚴下的，
我覺得同我相比下，我的學校十分好了，佢地講佢地以前係學校玩乜野，
keith佢地玩埋d體力遊戲，跟普通人沒什麼分別，阿諾就勁好多了，玩埋d企係身遊戲，
真係幾攪笑架，輸左仲要寫情信比指定對象，而我當然有小息打邊爐這招啦！
講到佢地都覺得正，講下講下終於到5點了，放監喇，可以恢復自由之身，真係太好了！
不過珍妮絲就慘了，因為她不舒服，不知她康復了沒有？
=完=

>>June 2, 2006 at 4:03:12 PM GMT+8

2005 年 8 月 6 日 星期六 【晴】

今天終於返番教會喇，前兩個星期個人都比較倦勤，不過今個都很倦勤的，
不過是因為daisy生日才不得不返，她昨天才叫我同阿諾一定要返，真衰～

昨晚睡不著，所以今天很早就醒了，應該睡了不夠4個鐘，出去用了個早膳就去歸西了。

相約了阿諾，上到車不久他就拿起電話，原來是珍妮絲，阿諾仲同我講話叫左佢9個字先醒，
佢仲話跟她連線個陣，她話天都未光做乜叫醒佢，阿諾話你未睜開眼精咋，真係笑死我。

去到個陣大概是11:19分，比法定時間早了1分鐘，又早到了，去到時已見到daisy,keith同ol，
當然要說返句生日快樂，之後好快都齊人了，今天很難得連crystal,大頭和ol都來了，
還有珍妮絲，不過wendy同珍妮絲遲到了，因為wendy還有一段路程，
而珍妮絲才剛剛出門，所我我地不等她們。

入到去，我地轉了去上頂位，都有點不太習慣，今天是講述我地的弟兄姐妹星洲之行的啟發，
之後wendy到了，不過她坐得離我很遠，過左好耐，珍妮絲都到了，keith的位置讓了給她，
keith就坐下了一個位，她來到當然要跟她聊聊天，不過keith話我地嘈==，
不過我地都無乜理到佢，不久後，大頭竟然話求主潔淨我，真係攪笑，人地都無話肚餓，
就自己懶醒比野人食。

到牧師表演時，珍妮絲話凍，仲叫我除件衫比佢，我說咁我咪凍囉，不如我攬住你吧，
她又不願意，她只可以繼續凍下去，其實牧師講過d乜，我都無乜留心，
不過看到星洲那邊的善眾，他們十分激動，令我心中想起一個疑問，
就要如果在那邊不信的話，會不會燒死佢呢？

想了又想，覺得咁樣信法，是不是真的好呢？因為同道彿的信法相差好遠阿，
返教會唔洗咁激丫？而我用隨緣又想不到佢地咁樣信法有何問題，好在最後我都想通了，
就是願意！你願意咪做囉，你唔願意咪唔做囉，一切順其自然，
一切信從自己的意願去做，咁樣還有問題嗎？

想通後牧師大概講到一半吧，看到珍妮絲眼有淚光，我馬上問神的榮耀降臨係你身上呀？
佢馬上笑晒，我又問仲好凍呀？凍就快點比我攬住喇，當我攬住你個陣，
你就會感到神的榮耀降臨係你身上，但她還是不願意，不過隻手就不斷在我的手上取暖，
當牧師講完，佢不知多開心，不過當還未走得的時候，佢那種剛得到的喜悅馬上消失了。

最後終於離開了，當我同阿諾去茅坑時發生左d好笑野，不過在這裡就不提及了，
之後就去用膳了，是buffet來的，當然是不斷吃啦，係食個陣，wendy不斷比我叉住，
佢話海洋公園不去了，我叫她請假，佢話會無左200元，
我馬上說難道我地5個人不值200元？阿諾加多句，每個人都唔值40蚊，
wendy當時的無奈程度接近100，真係好，誰叫她不送書給我。

而keith又變成了何童，真係攪笑，用過膳後就去bowling，原來去我家中付近，我當然讚成啦！
係歸西的途中，阿keith比我地串了，誰叫他一手elaine的手信，一手是crystal的愛心曲奇，
實在是太過羨殺旁人啦，佢仲夠膽爆句「欲加之罪 何患無詞」，我當然要出下手啦 。
串完佢你無做過，我地屈你，你一定可以搵到破綻的，再串佢你個人都好傳統，
傳到復古(一夫多妻)，但是不知為什麼judy一聽到我講野就笑，但我不知笑什麼囉？
我見咁既情況，諗住叫埋大頭玩下佢的，點知e一招daisy都識，唔成功tim，
只好下次用第二招吧。

係到了屯門之時，keith比我地串了，係到搞事，話要返去天水圍，
daisy話：唔好走啦！你走左我地無咁好笑的。keith話無人比你地笑咋，
阿諾加多句，無人笑你，我笑你，真係攪笑。今天daisy係咁攪事，係到搞子茵，
我就破壞佢好事，加一句daisy你做乜呀？daisy經過一番做賊喊賊的絞辯後，
子茵最後都是相信我的。daisy就話我狗了，阿諾又加多句，e家唔係得我一個話你狗喇。
為什麼阿諾咁鐘意落井下石==，好在我又兜到，話睇得出人地狗既人，自己都一定狗，
只係會唔會用而已，daisy話佢無用。

我又話定係用左人地唔知咋，我又好成功咁樣令到佢地覺得我好勁，但忘記了我好狗，
阿諾提返起pako個句，"我係好狗架"，第一次笑晒，到e家我地都仲係笑晒，
係這充斥著歡笑的行程當中出了小小問題，就是bowling那邊5點半有比賽，清場！
這時都5點了 ，最後決定去睇戲，看那套荒島叛變，這套戲只算是一般好小小吧，
不過比我想了一個問題 ，就是如果經過多部電腦分析，再選出最好的出來，
會不會變得是電腦統治這個世界呢？

最後當然是得不到任何結果啦，看完後，大家都十分倦勤了，
當我送大家去搭車後，我就步行回家了。
=完=

>>June 2, 2006 at 4:13:19 PM GMT+8

2005 年 8 月 5 日 星期五 【晴】

2005 年 7 月 29 日 星期五 【雨】

今天7點尾收到阿諾的來電，叫我要準備了，9點在市中心等，那我就準備了。

去到市中心 9點01分，等左阿諾十多分鐘，因為佢去了華都那邊入票，
阿諾來到，因為佢昨天買的東東有問題，所以要扲去換，所以一大袋的出來，十分不方更。

之後我地就乘車出發了，去到的時候都差不多11點了，我地一開始逛左一陣，
之後去換野，又呃多了一個開瓶器，之後就去了排隊，今天一直排一直排，由12點開始排，
係我地食完東東過多一陣之後，大概是1點多，我看到一個很熟面口的人經過，
是我一個舊同學，佢行左去廁所，我諗左一陣就去廁所，順更睇下係咪真係佢。

係我出黎之後，向後一望，原來佢係我後面，佢又望住我喎，
咁我當然直接問你是不是陸潔儀，她沒說，因為我地已經開始閒聊起來了，
之後她朋友到了，我就返過去繼續排隊了。

不過忘了向她扲電話號碼，之後繼續排，排到7點，當中我們企了6 7個鐘，
真係辛苦，當然我們拿了不了簽名，而在排的當中有很多cosplay上台，仲有黑武士tim，
佢出劍個陣真係有聲個喎，真係搞笑，仲有好多cosplay行黎行去tim，不過全部個樣都.........

當我地排到5點半個陣，心想可以見到大頭男朋友扮的超星神，好可惜我地無緣相見，
係扲其中一個簽名的時候，竟然有人向其他人買簽名版，話50蚊塊喎，阿諾話一話我聽，
我想了一想，就跟他說，我賣給你，一塊先10蚊，而家仲賺了40元，太好了！

最後排到7點3到就扲齊晒，我地就走了，今天排得太久了，真的很累。
=完=

>>June 2, 2006 at 4:23:24 PM GMT+8