2006 年 11 月 25 日 星期六 【晴】

尋日返左去博覽館，勁多好笑野，不過記憶有限，只好盡量筆錄。

事件１：話說去左間唔知乜野既地方到做coffee break，咁就去set場，
咁就用左張白色檯去放兩個圓爐，咁初時就我一個人搬，咁我見有得拉就緊係拉啦，
唔洗用咁多力丫嘛，之後victor哥就話：上膊丫嘛！
第一個反應就係ｏ嘴，然後就同阿諾一齊係咁笑，痴ｘ線架！

事件２：咁因為有unn同埋圓爐，咁就要放ｄ火臘，咁一早已經點左三個，
咁我就諗住借點左個個既火，不過有火既野就緊係熱架啦，咁用紙巾扲出黎啦，
跟住victor哥就話：小小火熱都驚！
咁扲左出黎之後就點火啦，其實點著左，只係因為ｄ火係藍色，ｄ臘又係藍色，
所以睇唔到，最後搞到熄左，之後victor哥就話：點火都唔識，又拋杯，又（唔記得乜野），
總知就勁好笑啦。

事件３：咁因為ｄunn已經入左茶啡，就好熱，咁我地就用紙巾啦，
victor哥就話：你兩個點呀！小小熱都驚，點做野呀？
佢真係放隻手上去個unn到，仲放左幾耐下，我唔知佢係借位丫定係真係咁耐熱。

>>December 12, 2006 at 1:43:41 PM GMT+8

2006 年 11 月 15 日 星期三 【晴】

今日重點笑話.....
事源我地成班人去博覽館見工....
作為負責人之一o既阿諾...當然要同部門主管有一番交涉....
　　　當中有句阿諾都係靈機一觸.....

victor 哥 :『喂, 阿諾仔....呢班人得唔得架....?』
阿諾 :『 都ok架...d英文唔可以話好上口, 26個字母背齊晒先叫佢o黎架, 個個都o勒o勒聲呀』
victor 哥 :『你係咪玩野呀...26個字我都識啦..a, b, c, d.....』
阿諾 :『唔係呀...佢地真係掂架...掂到d鬼佬都聽唔明佢地講咩架 ! 』
victor 哥 :『x...咁即係唔識啦....人地都聽唔明....』
阿諾 :『都係打個比喻o者 ! 即係咁講呀....』
--------------------------------------------------------------------------------------------------------------------------
英文test....

阿健 : 『my name is Don...』
victor 哥 :『don乜鬼呀...你唔洗啦...個樣都無咩問題...』(佢之後即時指住仁哥)
再說 :『呢個就仆街o黎o既....阿諾仔...佢係唔係唔出廳面架?』
阿諾 :『佢呀...佢係 "班地哩" 呀o麻....』(知阿諾講咩o個d都笑晒....)
victor 哥 :『樣又衰, 叫佢整一整個頭又唔攪, 好彩佢淨係推餅仔出o黎咋...』

員工 1 :『 my name is Matthew...i 'm......xxxxxx』
阿諾 :『Matthew ?!...中文即係馬夫?!....講下笑o者...講下笑o者....講得好講得好..good 啦』
victor 哥 :『 good 唔 good 係我講, 唔係你講...』
阿諾 :『一樣o既o者...你話有馬夫 good 唔 good o勒....?!』
victor :『....都幾good....! 唔錯...next...』

員工 2 :『my name is dodo....xxxxxxxxxx』
阿諾 :『dodo ?....do姐呀?...佢男人o黎架喎...我係唔係聽錯左呀?』
victor 哥 :『係唔係改錯名呀...?』(估唔到 victor 哥呢一part勝阿諾一籌)

員工 3 :『my name is maicy....i am working, ........is about the marketing.....』
victor 哥 :『負責d咩架 ?』答 :『sales....』
victor 哥 :『邊間公司架 ?』答 :『max factor.....xxxxx』(講得超快)
victor 哥 :『哦...okokok....』
我即時問 victor 哥 :『即係咩呀...?』
佢答 :『鬼知咩...人地答到, 知道咪算囉, 我邊識英文o者...你問o黎做咩o者....』
阿諾 :『哦...無...我都係得個知字o者.....』
-------------------------------------------------------------------------------------------------------------------------
tony :『你地唔識英文真係唔洗介意o既....
我自己都係一樣o架o者...yes 同 no 都未攪得清楚係咩...xxxx.....』
victor 哥 :『係唔係咁誇張呀....』
阿諾 :『佢不嬲講野都係咁好笑.....』

版權：轉自 http://diary.showhappy.net/?id=212152

>>November 22, 2006 at 6:05:03 PM GMT+8

2006 年 11 月 14 日 星期二 【雨】

6號ccp 應該pass
9號emp law 應該pass
13號qpm 應該都pass
　　　15號ethics 一定pass

仲有20號convey同27號civil legislation，好似識好野，又好似乜都唔識既兩科

突然間諗起pako個句：識乜丫你！（好笑既野真係多到一本笑話簿都記唔晒）
（好耐都無再三為一體，唉～）

>>November 15, 2006 at 2:58:26 PM GMT+8

2006 年 11 月 9 日 星期四 【晴】

今日一早就收到阿諾既來電，叫我同佢一齊入expo開會，咁反正都有時間，
就入一入去睇下將來既路向點走，仲可以順路去機場見一位深愛既人。

十二半放學，先同keith佢地行去市中心先，之後就分道揚鑣，
一落到去巴士站就有車，所以就喇喇淋上車先。

我地先去東薈城一趟，今次應該係第二次去東薈城，先去食個午餐先（又諗起ｄ好笑野），
咁因為時間關係，所以最後將就下去左m記食，不過食完就搞到更加熱氣。

之後就行左一陣間，都睇到d幾ok既野，之後就搭車去expo。

入到去就見到tony已經係到，佢第一句就同我地講：個個我女朋友gigi，
我諗e句應該係同阿諾講，廢事講錯野啦（不過即使講錯都兜到既）。

行下行下個陣，阿諾就同我講：tony唔係有老婆架咩，仲有仔同女添，
咁我心諗老婆同女朋友應該係兩樣野黎既。

之後就去等開會，但係到左開會個陣先知黎唔黎都無所謂，因為佢只係想睇下d人，
再先小人後君子，問題只係佢會唔會新官上任三把火架o者，
不過係會展過得黎既，都係狗黎既，我諗日子都唔會好過。

完左之後都差唔多五點鐘，咁應該係去機場等阿橙既，不過佢又話唔想，
咁係千百個不願意之下，我唯有走啦。

咁就等左兩架e34，因為第一架太多人，所以我選擇下一架，
坐係到一陣間就瞌著左，好彩醒返個陣岩岩係元朗，不過當我落車之後，
先諗起我應該搭e41去沙田搵一個朋友食飯，不過算啦，都返到黎喇，
咁就繼續返屋企啦。

夜晚，阿諾sd個msg過黎話我知，tony話個個係我女朋友，唔係我老婆呀！
同我地諗既係一樣，一樣咁風流。

11月11日最新消息：蜜蜂仔又俾人雞左，今次連會展都容納唔到佢。

>>November 15, 2006 at 2:56:46 PM GMT+8

2006 年 11 月 7 日 星期二 【晴】

最近總係想起甘sir跌落台同埋hea hea hea，都笑左成兩個年頭，但係都仲係咁好笑！
hea hea hea......hea hea hea

>>November 8, 2006 at 9:58:19 AM GMT+8

2006 年 11 月 5 日 星期日 【晴】

今日ccp test，都是得過且過，過了就算吧。

想一想，身體的確是差了，可能真的是因為太久沒有回新世界食翅吧，
難怪身體是差一點的，可能真的是吃慣了，一停下來，身體就支持不了。

>>November 6, 2006 at 9:38:11 AM GMT+8

2006 年 10 月 27 日 星期五 【晴】

今日返工，可以著西裝返工，威晒！
part time captain，雖然都係一樣工錢，不過威好多，太美好喇。

今日就他他條條咁企左幾個鐘，就11點收工，
咁我地就滿心歡喜準備去阿健打邊爐，不過就搞埋d無聊野，一搞就搞左成個幾鐘，
之後換埋衫就準備走人，不過係走人前就緊係要扲返d野走啦。

初時仁哥叫我地去個邊扲既，不過阿健又話阿諾叫去個邊扲，個邊個d好d，
咁我就負責袋住既o者，無自己既意見，不過事後我發覺我咁樣做係錯既，
仲錯得好緊要。咁事情就繼續發展落去，入到去，阿健佢就大使搜掠，
係又扲，唔係又扲，初時我都好好奇，點解會咁大膽既呢，無理由扲得咁揚架，
不過佢又話係阿諾叫既，咁我咪默默承受囉，結果個袋就負磅量就急速上升，
滿載而歸，之後就叫齊人，一齊走lu。

走個陣都好似已經係12點幾，咁巴士就開走晒架喇，咁就諗住call的士既，
點知個價位就好有問題，無理由係e個價架嘛，咁正當疑惑之際，
就得到高人指點，行過去搭通宵車，不過就行左好耐囉。

好似差唔多一點鐘就到左喇，有就係有車搭既，不過就要等好耐囉，
咁係岩岩疑惑緊應否call的車既時候，就扲剛剛既戰利品出黎欣賞，
不過真係唔睇好過睇，一睇先知扲埋d垃圾返屋企，又重又唔值錢，
不過e個都唔係問題，問題係出係點解要扲e d呢，好扲唔扲，
竟然走去扲陳架既野，咁你想佢唔知都唔得啦，仲要因為扲埋d垃圾，
搞到下次扲唔到，個種愚蠢既程度，真係同傻仔無分別。

不過都係算喇，反正唔扲都扲左喇，可以點呢？唯有默默承受，
將d傷心事埋藏係心底裡，偶然落出黎笑下咪算囉。

苦苦堅持之下，終於等到要等個架車喇，滿心歡喜可以坐下啦，
點知架車爆晒人，搞到又要企，仲要發覺架車係兜齊晒屯門、天水圍同元朗，
仲要係最後先去元朗，即係要搭到最後，經過不知何年何月何日，
終於到左，堅持左左咁耐先知有結果。

落左車就去搭的士上阿健屋企，最後就如仁哥所言，三點鐘先到步，
跟住就開壇，享用我地既晚膳。

一路食就一路飲，初時先飲係百佳到買個支紅酒，d味真係差少少，
之後就飲今日既戰利品，質素終於有返d保證，食下飲下，不知不覺就已經成五點鐘，
阿諾就去左歇一歇，不過歇一歇就瞌著左，咁我就同佢地玩抽牌，
抽大細，輸左就要飲，有三樣野，一是啤酒，二係可樂，三係個支johnie，
咁我就飲左個johnie半杯有多，自己又溝得幾好飲，不過個人都飲到有d暈暈地，
最後衰左要飲啤酒，飲左兩大啖之後就覺得唔對路，真係要歇一歇先得，
不過一醒之後，就感到有d野要由個口到爆出黎，係培養d個口爆情緒既過程當中，
阿雞佢地就走先，得返我、阿諾同阿健，佢地走左無耐，我既情緒就剛剛培養到，
一爆就爆左三野，成個人得到解放，再休息一會，就走人。

之後都好好彩，無再口爆，不過就訓到有d似不醒人士。

>>October 30, 2006 at 8:40:41 AM GMT+8

2006 年 10 月 13 日 星期五 【晴】

今日返新世界，而且仲好多人返，連tony都係到。

咁今日我都係要埋檯既，不過都慣架啦，而且唔知點解覺得好簡單，一d難度都無，
可能今日多人幫手掛。

今日個餐好正呀，有螺、星斑仲有燕窩添呀，超正呀，而且有幾檯無黎，
而tony又係廚房到做打包，所以就食左勁多野，太美好喇。

今日淨係食翅都最少食左半兜，又食左勁多燕窩，d燕窩多到有得咬架，
正到我都唔知點形容，總之就係正啦。

去到最後，d翅同燕窩係食到唔想食，個種感覺真係好難受囉，
雖然難受，但係值得回味幾十次。

返工返咁耐都未試過食得咁飽。

>>October 17, 2006 at 1:46:43 PM GMT+8

2006 年 10 月 6 日 星期五 【晴】

返到去屋企都成八點鐘，攰得滯涼都無沖到就訓左，不過都無所謂，
因為今日約左莎莎，都唔係訓好耐o者，最後訓左三個半小時就起身，
然後去沖涼食野，不過可能尋日飲多左，搞到無晒胃口，同有小小想嘔吐既感覺，
所以最後扲左一個小時返去訓多陣，唔係陣間我驚我暈低。

最後訓多左半個小時到啦，然後就準備出門口，本身約左點半鐘，
最後delay到兩點半，不過我竟然差唔多三點鐘先到，無辦法，
已經選擇搭小巴，不過架小巴用左九個字先到荃灣，我都唔明白點解要咁耐。

本身係想出去買生日禮物俾一個朋友，但係都攰到無乜精神，所以變左去飲野，
之後就同莎莎講左好多野，講得好好架，不過就唔記得講左d乜野，
淨係記得好好，之後就坐係到訓左一個鐘，而莎莎就睇書書，
睇死亡筆記，我都未睇過，淨係聽過下咁囉，聽聞就好好睇，
但係就無興趣睇囉，我對睇書唔係咁有興趣架咋。

醒左之後，莎莎講左好多野俾我聽，係一d好有用既資料，
而且係我e家無辦法知道既野，不過聽完之後就係得個知字囉，
可能自己懶左，個人變得無乜計劃，我諗唔可以再咁懶，
有d野係因為計劃下，不過都有d更加需要去諗既野要諗，
希望自己快d靈機一觸，諗返條好穚出黎就good晒喇。

最後6點鐘之後就去搭車返屋企，返到屋企就係訓訓訓，好耐無試過訓咁長時間。

>>October 9, 2006 at 2:28:17 PM GMT+8

2006 年 10 月 5 日 星期四 【晴】

今天是中秋節，早上要上學去，上ccp，又係到做埋d好煩既野，
d野係不斷重複又重複咁寫，但係都係寫同一樣野，太過浪費人力資料，
上完ccp就到大狀堂，我記得上堂係因為無notes所以無聽到書，
但係上seminar個陣就無乜大問題，好彩！

上完堂就去傾我地個project，但係去到都唔知傾左d乜野，
淨係知道有既野一早有左，無既野就繼續俾唔到佢，所以就算數。
上返電腦房同返keith一齊走，點知佢就唔知因為乜野唔走得，
應該係一d好重要但係好無謂既事啦。

咁今日搭車就先係良景到空降，因為要買左曹長燈籠，用黎送俾莎莎美人，
買完就返屋企食飯，然後就去蝴蝶灣霸爐，我都唔算太遲到丫，
三點半前到達，但係已經睇到每個爐都有人，咁就唯有不恥下問，
睇下有無以收獲，不過除左恥之外，都無其他收獲，路途上好辛苦，
因為我扲住十罐啤酒不斷走來走去。

咁因為知道苦苦堅持下去都係沒意思，所以經過幾番細討之後，
就決定先去咖啡灣觀察，然後再作打算。阿健同阿君先去觀察，
而我就去左阿諾屋企到靜候消息。經過探子回報，爐就無晒，
不過有得租，不過就要成三百五十蚊，仲要租得四個鐘，
之後仲要五十蚊一個鐘，真係好過去搶，見到咁既景況，就改到阿健屋企，
不過因為佢家中只能容納大概十個人到，所以就要cut人，
咁就搵左一大輪藉口咁去推佢地，然後就出發去買野食。

七點鐘左右到去達元朗，咁就四周圍咁買野食，買左好多野，
基本上到見到乜野買乜野都無分別，之後見到55蚊兩支紅酒，
所以就決定買兩支，買下買下都唔知幾點喇，淨係記得入到去阿健屋企都成九點，
之後就係不斷燒燒燒同飲飲飲，燒到十二點之後就係玩樂時間。

一開始就大話骰，咁我其實唔係咁叻講大話，但係唔知點解又飲得好少，
可能其他人比我更加唔識講大話啦，之後阿健佢地去左打麻將，
而我地就玩撲克牌，我都唔係好叻，但係唔知點解又唔係輸最多個個，
不過最後好似係無懲罰既，就咁玩下玩下就已經係朝頭早，
我地就搭車走人，回家作息。

帶左一支香賓、二支紅酒、二十二罐啤酒、二十四罐可樂大半支威士忌，都好彩，
到走個陣都仲有一支紅酒、大半支威士忌仲有兩三罐啤酒係到，都未醉得晒。

>>December 27, 2006 at 5:23:04 AM GMT+8