2006 年 10 月 1 日 星期日 【晴】

返左三日工，發覺我鬧起人上黎都真係幾兇狠下。

返左三日工，帶左三日隊，每一日都係勞心勞力，上堂教既野，
到左佢地返工個陣，就乜都唔記得晒，上堂個陣，
明明叫佢地唔好帶問題返屋企，但係返到去個陣，d問題就出晒黎。

第一日，我個日係唔洗做枱既，但係d散工既問題就多鑼鑼，搞到我個日講左好多粗口，
個個周永成仲破左我一日講粗口既記錄，我諗淨係對住佢都講左五十句以上，
之後都無乜野特別事。

第二日，又係一大炸問題出黎，個張柏祥加埋個周永成再破左我一日講粗口既記錄，
我諗我淨係對佢地每個人都講左50個以上，真係搞ｘ錯。

第三日，阿諾都有返，所以今日都算係ok既，但係有兩個囡囡都不受控制，
一開始就做錯野，搞到大使同阿諾講：我見到佢地兩好嬲呀！佢地好ｘ蠢呀！
之後就去排隊個陣，大使先同我講：你教下佢地啦，話俾佢地知陣間要做乜野，
唔好做錯呀！
咁就繼續行啦，大使跑過黎同我講：你知唔知個兩個囡囡差d乜野呀？差d愛心呀！
搞到我都笑晒，入到去，我初時都係諗住教佢地陣間要做乜野，
但係點知佢地一入到去就不受控，搞到連我都忍唔住ｘ佢地。
點ｘ就唔記得啦，廢事影響我個形象啦！

>>October 8, 2006 at 6:07:46 PM GMT+8

2006 年 9 月 24 日 星期日 【晴】

尋日係唔係幾夠訓既情況下局住咁返學，第一堂係熊貓堂，佢就教得好好，
不過當然又係唔知學左d乜野呢，之後就到陳狀堂，第一堂convey都ok既，
咁記得係中途，我就抄低d野係notes，咁阿諾就話e到咪有囉！
我彈返句：我抄notes唔得咩，e句完美無瑕，令到佢全無反擊之力。

之後就去用午膳，咁就諗返起以前既金句，一句係阿諾既，
話說剛剛升上high dip.，又無朋友，而account又要用書，
而我同阿諾就緊係唔想買啦，所以就局miss借俾我地，
咁miss就話你問d朋友借啦，阿諾就話：個d唔係朋友仔，係書友仔咋！

另一句就係我講既，話說剛剛升上high dip.有個china visit，係睇大陸法律既，
咁個陣ol就走黎問我：你地去唔去大陸個個呀？
我就話：大陸都有法律架咩？

e家諗返起都覺得我同阿諾以前好狂妄。

食完飯就上ccp，都係講d好煩既野，亦都無乜野笑料，
之後又上返陳狀堂，咁中途我就去左搵一個唔係咁鐘意我既盟友，
問完之後，停機秤就好關心，因為佢想同我既盟友一齊去，
咁keith就隊佢：關你乜野事o者，你係我個組架！咁我就出手隊keith，
人地關心朋友丫嘛！好似你咁呀，自己搞掂就算數！之後都係笑下o者。

今日先知原來連我咁面面俱圓既人都有人唔係咁鐘意，真係不招人妒是庸才！
好似係陳狀堂個陣，crystal走過黎吹水，話到點解有人唔歡喜我地，
原來係上年既事（俾人唔鐘意左成年都唔知=.=），因為個條被輾過既野，
所以唔鐘意keith，而我就係因為隊人隊得太狠勁，所以唔鐘意，
而阿諾就係因為道歉事件，所以唔鐘意，又會咁幼稚都有既。

係對話裡面，crystal同我講：你又點同佢，你都無面皮，點會嬲。
keith：咩野呀！佢有面皮架。
我就話：我有面皮架，仲好厚添！

返到屋企個肚就唔係咁舒服，休息左一陣就要出門返工，帶病上陣，
不過今日就無乜野，不過patrick就俾人雞左，而我又唔係到，想傾都傾唔到。
上到去，初時我做28號檯，都應該ok既，之後俾人叫左做15號，
即係前左，心諗算啦，點知去到先知係好野，兩個人做一檯，
成晚我都唔知做左乜野黎，咁就放工，好似叫我黎攞錢咁，實在係太好喇！

大頭成日話我係kululu，咁就放個kululu做頭像。

>>September 26, 2006 at 8:47:41 AM GMT+8

2006 年 9 月 23 日 星期六 【晴】

今日又要去將軍澳，一切都ok，不過唔知點解明明教既野少左，
但係時間竟然多左，真係解釋唔到囉！

今日阿諾同我講fanny同佢講既野，話說阿諾同fanny講左sumisa無啦啦攬住佢個件事，
之後fanny竟然講：佢無野呀！無啦啦攬住你！搏乜野呀！

估唔到fanny講野升左級喎，e家係高級程度啦，
而且講野越黎越似我同阿諾個d口吻。

>>September 26, 2006 at 8:36:08 AM GMT+8

2006 年 9 月 19 日 星期二 【晴】

開學都有一個星期啦，每天都係係歡笑之中渡過，最近仲成日笑ol，
都係因為有個阿sir對ol好有記憶，我地今天e科既成續都要靠ol先得喇。

雖然每日都係歡笑之中渡過，但係唔知點解覺得今年既野好似特別難咁，
有d擔心要讀多年，唉～睇黎要努力d先得，我唔想少壯不努力．．．．．．

上次bbq有樣笑料唔記得記，又係出自博覽館rita哥，話說上次仁哥返工，
rita哥就同佢講：你返得黎你預左俾我任砌

金錢解決到既問題，一定係小問題
金錢解決唔到既問題，一定係大問題
最大的問題，就一定係你連問題係乜野都唔知

>>September 20, 2006 at 4:00:24 PM GMT+8

2006 年 9 月 15 日 星期五 【晴】

今日係我地ttony線一年一次既線聚（其實應該唔至一年），去赤柱到bbq，
咁分兩個時段，第一段係5點鐘，第二段係12點鐘，因為我地要返工，
所以係12點鐘個場，但係就一早出左去中環，因為要買野食。

去到就見到好多會展既師兄，不過我都唔係識晒咁多個，而全程佢地就係不斷買野，
但係又全部無諗過要出一毫子，真係完全唔慳。

咁買完野食就返去尖沙咀返工，諗住食到飽晒然後先去bbq，咁就最抵，
點知今日無乜食到野之餘，又做到成隻狗咁，好疲倦的一天，而且連個翅都食唔到一啖，
真係．．．．．唉～

之後扲返d野飲就搭的士去赤柱，不過美中不足的地方就係無紅酒囉，
入到去赤柱都差唔多成點鐘，咁就等黃家樂佢地出黎扲野入去，
不過我覺得最後都應該係我扲個袋冰係最重，而且仲行左好遠既步程，搞到累晒囉。

去到坐左無耐，黃家樂個班人就走晒，真係走左我都唔知，都無講夠十句野。
我地開左兩個爐，之後就開始bbq，中途有咩野好笑野我都唔係好記得喇，
都係吹下水咁啦，不過就跟仁哥學左小小睇星既技術，不過e家都唔記得喇，
不過都好既，得個知字囉。

咁兩點幾到啦，大使同tony就走埋，咁我地就集中返火力係一個爐，
咁中途講左乜野野都唔係好記得喇，不過就學左一個新既term，就係提拉米蘇，
初時仁哥講出黎，我仲以為係乜野巴閉野，點知阿雞就話tiramisu，
我就知原來仁哥講埋d咁cheap既野，有英文唔講，係要講中文，
我諗佢都係想搞下氣氛既o者，跟住都唔記得做左乜野，咁就天光喇。

之後玩下掉石仔，原來四季明除左炒過四季之後，片石都好犀利，
係片石上面可以去到教授級（professor four），高手高手。
玩完掉石仔之後就分野食，野食我就無扲喇，不過就扲左24觀啤酒，
阿諾都係，不過就仲扲埋d野食返去，阿健就扲可樂，四季明同仁哥都扲d扒，
今次既bbq可以用四個字形容，就係又食又扲，不過就扲得好累，不過咁累都抵架。

記起中間少少既笑料，話說博覽館個邊，因為經過阿諾既投訴，所以態度得以改進，
咁個日仁哥返工，victor哥就問佢：仲有無點你地做野呀？有既同我講，我成條線雞返佢地！
無啦啦講d咁既野，victor哥真係搞鬼。

大家要記得睇魔術有個好重要既規矩要遵守，就係睇看手勿動，你搞住晒，咁有咩野好睇o者。

>>December 27, 2006 at 5:24:27 AM GMT+8

2006 年 9 月 11 日 星期一 【雨】

今日第一日開學，其實都係唔知做左d乜，不過就知道之後好多野做囉。

上完兩個鐘之後就去左食個早餐先，之後去返大家樂個到接返大頭佢地，
就返去上堂，個阿sir講得好好架，不過唔知講左d乜野囉，然後就放學，
因為有d科未上lecture，所以seminar就cancel，就搭車走人。

係車上面我竟然俾ol隊，可能放假放得太多加上唔夠訓，搞到個人懵晒，
聽日要送佢落地獄先得，要扲返晒d快、狠、準出黎。

>>September 12, 2006 at 10:45:36 AM GMT+8

2006 年 9 月 8 日 星期五 【晴】

今天要上班，地點是美麗華，很久也沒回去了。

今次做二穿三，即係兩個人睇三檯，唔洗分餸，不過反而更加累，
返四個鐘都有累既感覺，大家可想而知有幾累。

咁收工之後就去左夜燒，今次有我、阿諾、阿雞、阿健同四季明，
去左海王到食粥，其間都無乜好笑野發生，不過係去之前就有少少笑料。

話說昊時今日著得好少布，不過佢好似不嬲都係咁，咁阿諾就話著左好似無著咁樣，
而我心諗著唔著都係無野睇，不過就唔係咁好意思講出黎，
點知轉個頭阿諾就話：都係無野睇！同我心諗既一樣，係咁既情況唔笑都唔得。

係搭車之前就去左new way，因為阿健去接阿君，咁我地係同車既，
所以就一齊去，去到都唔識個個人，但係佢就興奮無比，
唔知係飲多左兩杯定係茶左d無比膏，搞到咁興奮。

係去洗手間之先就問左reception個兩個姐姐洗手間係邊，個兩個姐姐幾好玩架，
不過我個刻好有需要，所以無乜點玩到。

我發覺e家既後生仔，佢地既應變能力太差，而且又唔用腦，可能係睇得電視太多。

>>September 10, 2006 at 6:31:50 AM GMT+8

2006 年 9 月 7 日 星期四 【晴】

今日約左老朋友一同外出用晚膳，成日都是說說笑笑，氣氛十分融合。

用過晚膳就去了打符碌架，不過我都是符碌了幾下，之後都是做旁觀者，
然後就坐免費車回家。

>>September 10, 2006 at 6:20:27 AM GMT+8

2006 年 9 月 5 日 星期二 【晴】

5/9同6/9去左亞洲博覽館返工，企左好耐，隻腳好累，不過整體上面黎講，
係個到返工實在係太低能，都唔知做左d乜野，但係就好累囉。

重點笑料：
話說5號有好多阿姐返工，而佢地又係同一條線既，
咁raymond就問佢地：你地炒開邊到架？
阿姐１：大家樂
raymond：咁你呢？
阿姐２：大家樂
raymond：咁你地都係架喇
阿姐（眾）：係
之後佢地就全部都俾人雞晒
四季明話佢自己抄四季都已經好威架喇，估唔到班阿姐仲勁，大家樂。

話說唔知邊間酒店有個狗buffet，就俾班有錢人養既狗黎食野，
足足用左四個人黎執狗屎，人黎serve d狗，真係寧做富貴狗，莫做亂世人。
咁係講既過程到，victor就爆左句超搞笑既野出黎，佢話：咁點問酒水呀？
個個好笑程度有7分半，僅次於大家樂。

>>December 27, 2006 at 5:25:17 AM GMT+8

2006 年 9 月 3 日 星期日 【晴】

由1/9-3/9都係返工，三日都無咩特別野發生，三日都食左好多野，好滿足。

三日裡面，最好笑既就係大使既briefing，真係要憑記憶打出黎。

１／９
最近公司就換左新地毯，又換左d牆，咁大家就好好保護佢喇，保護佢就係靠你地架喇，
如果真係倒滯野既，就同我地講，我地唔會叫你收工既，但係你唔講，
到第日發現左有達漬係你做個到，咁你就x街喇！公司花咁多錢換過晒d野，
就唔代表咁快玩完既。
咁最近我地有d新手盤就流失左呀，咁如果你工人唔夠既，咁就扲少幾隻囉，
如果工夫夠既，咁都小心d，你地係返黎幫手，就唔係返黎倒亂，就唔好打爛晒d野喇。

２／９
最近呀，d老鼠就好多呀，連ball樓個邊都有曱甴出現，咁你地收野個陣就做好d，
就唔好漏低d野係到喇！其實唔係我地酒店唔好呀，係你地手門唔好，
咁d廚都唔係咁好手門，咁d爐頭有d麵係到就唔掰左佢，唔得pro呀！
搞到夜晚就老鼠樂園咁，咁你地就做好d，其實來來去去都係你e班人返架喇，
如果第時出到去其他酒店，你地d功夫係唔得架，咁係到就做返好d。

３／９
最近你地又有投訴呀，知唔知投訴乜野呀！你地將d匙羹將左係d杯到呀，
搞到扲到黎個陣就整爆隻杯，咁今日呢就唔好將落去喇！
仲有呀，你地d褲呢就洗洗佢，咁過左今日呢都要去到下個禮拜六先有期架喇，
咁就洗洗條褲佢，陣間搞到嗅晒，你地著個陣唔覺得大脾痕架咩，
我地唔同，我地有布草房幫我地洗，咁你地就要自己洗。

>>September 4, 2006 at 10:38:35 AM GMT+8